fire accident

18:52 - December 8, 2018

యాదాద్రి: యాదాద్రి భువనగిరి జిల్లా రాజపేటలోని మార్కెట్ కమిటీ గోదాములో శనివారం అగ్నిప్రమాదం సంభవించింది. షార్ట్ సర్క్యూట్ వల్ల మంటలు చెలరేగాయి అని భావిస్తున్నారు. ఈగోదాములో ఒక ప్రయివేట్ బయోటెక్ కంపెనీకి చెందిన వేపకాయలు నిల్వ ఉంచినట్లు తెలుస్తోంది. సమాచారం అందుకున్న అగ్నిమాపక సిబ్బంది ఘటనాస్ధలానికి చేరుకుని మంటలను అదుపులోకి తెచ్చారు. ఈప్రమాదంలో జరిగిన ఆస్తినష్టం వివరాలు తెలియాల్సి ఉంది.

09:46 - November 28, 2018

చైనా : రాజధాని బీజింగ్‌కి దగ్గరలోని జాంగ్జియాకవు నగరంలో భారీ అగ్నిప్రమాదం చోటు చేసుకుంది. ఓ కెమికల్ ఫ్యాక్టరీలో జరిగిన ఈ ఘోర ప్రమాదంలో 22 మంది ప్రాణాలు గాలిలో కలిసిపోయాయి. కర్మాగారంలోని ఓ యూనిట్‌లో పేలుడు సంభవించింది. భారీగా మంటలు చెలరేగాయి. దీనితో బయట ఉన్న 50 వాహనాలు అగ్నికి ఆహుతయ్యాయి. వెంటనే సమాచారం అందుకున్న అగ్నిమాపక సిబ్బంది..అధికారులు ఘటనా స్థలానికి చేరుకుని మంటలను ఆర్పేందుకు ప్రయత్నించారు. అప్పటికే ఆలస్యం అయిపోయింది. 22 మంది సజీవదహనం కాగా మరికొంతమందికి గాయాలయ్యాయి. వీరిని సమీప ఆసుపత్రికి తరలించి చికిత్స అందిస్తున్నారు. ఇంకా పూర్తి వివరాలు తెలియాల్సి ఉంది. 

21:11 - November 16, 2018

హరారే: జింబాబ్వేలో ఒక బస్సులో గ్యాస్ ట్యాంక్ పేలి 42 మంది సజీవ దహనం అయ్యారు. మరో 20మంది తీవ్రంగా గాయపడ్డారని పోలీసులు తెలిపారు. వీరిలో కొందరి పరిస్ధితి విషమంగా ఉన్నట్లు తెలిసింది. జింబాబ్వే రాజధాని హరారేకి 550 కిలోమీటర్ల దూరంలోని గ్వాండా ప్రాంతంలో ఈ సంఘటన జరిగింది. బస్సులోని ప్రయాణికుడు తీసుకు వెళుతున్న గ్యాస్ ట్యాంక్ పేలటం వల్లే ఈప్రమాదం జరిగినట్లు తెలుస్తోంది.

07:41 - November 3, 2018

హైదరాబాద్‌ : నగరంలో భారీ అగ్నిప్రమాదం సంభవించింది. నాంపల్లిలోని అల్లందుల్ల హోటల్ పక్కనే ఉన్న ఓ బట్టల దుకాణంలో అగ్నిప్రమాదం జరిగింది. అర్ధరాత్రి ఒక్కసారిగా షాప్‌లో మంటలు చెలరేగాయి. క్షణాల్లోనే మంటలు చుట్టుపక్కలకు వ్యాపించాయి. ఘటనాస్థలికి చేరుకున్న ఫైర్ సిబ్బంది రెండు ఫైర్ ఇంజన్లతో మంటలను అదుపులోకి తీసుకొచ్చారు. భారీగా ఆస్తినష్టం జరిగినట్లు తెలుస్తోంది. షార్ట్ సర్క్యూట్‌ కారణంగానే అగ్నిప్రమాదం సంభవించినట్లు ప్రాథమికంగా నిర్ధారించారు.

 

08:39 - October 30, 2018

గుంటూరు: గుంటూరుజిల్లా నరసరావుపేట, వరవకుంటలోని ఓటింబర్ డిపోలో మంగళవారం తెల్లవారుఝూమున భారీ అగ్నిప్రమాదం సంభవించింది. డిపోలోని టేకు దుంగలు అగ్నికి ఆహుతయ్యాయి. 4 ఫైరింజన్లు మంటలను అదుపులోకి తీసుకురావటానకి ప్రయత్నిస్తున్నాయి. ప్రమాదానికిగల కారణాలు తెలియాల్సిఉంది. 

 

13:50 - October 7, 2018

హైదరాబాద్ : నగర శివారులోని అల్వాల్ లో భారీ అగ్నిప్రమాదం చోటు చేసుకుంది. ఓ టెంట్ హౌస్ లో శనివారం రాత్రి ప్రమాదం జరిగింది. ఘటనలో భారీగా ఆస్తినష్టం కలిగినట్లు తెలుస్తోంది. ఎవరో కావాలని చేశారని యజమానురాలు వాపోయింది. పంచాశిలా హిల్్సలో ఉంటున్న ఓ టెంట్ హౌస్ గోడౌన్ లో ప్రమాదం జరిగిందని, విషయం తెలుసుకుని తాము ఇక్కడకు చేరుకోవడం జరిగిందని ఫైర్ సిబ్బంది తెలిపారు. టెంట్ హౌస్ లో బట్టలు ఉండడంతో మంటలు చెలరేగాయని, మంటలు అదుపులోకి వచ్చాయన్నారు. గౌడోన్ లో షార్ట్ సర్యూట్ కారణమని తెలుస్తోంది. మంటలు చెలరేగడంతో స్థానికులు భయాందోళనలకు గురయ్యారు. 
తాము ఇటీవలే దుకాణం ఏర్పాటు చేయడం జరిగిందని, సుమారు 25 లక్షలు వెచ్చించడం జరిగిందని టెంట్ యజమానురాలు మీడియాకు తెలిపారు. ఈ బిజినెస్ లో పార్ట్నర్ కూడా చేరాడని, కానీ కేవలం 15 రోజుల్లోనే వెళ్లిపోయాడని తెలిపారు. ఆ సమయంలో తాము డబ్బు కూడా చెల్లించడం జరిగిందని తెలిపారు. 

10:31 - September 27, 2018

వరంగల్‌ అర్బన్‌ జిల్లాలోని ఎంజీఎం ఆస్పత్రిలో గురువారం ఉదయం అగ్నిప్రమాదం సంభవించింది. ఏసీలో షార్ట్ సర్క్యూట్‌ అవ్వడంతో ఆస్పత్రిలోని పిల్లల విభాగంలో మంటలు చెలరేగాయి. ఆ గదంతా పొగతో నిండిపోయింది. మంటలు ఎగిసిపడుతుండడంతో భయాందోళనకు గురైన తల్లిదండ్రులు తమ పిల్లలను తీసుకుని బయటకు పరుగులు తీశారు. మిగతా రోగులను సైతం ఆసుపత్రి సిబ్బంది బయటకు తీసుకొచ్చారు. ప్రమాద విషయం తెలుసుకున్న అగ్నిమాపక సిబ్బంది ఘటనాస్థలికి చేరుకుని సహాయక చర్యలు చేపట్టారు.

14:55 - September 26, 2018

పెద్దపల్లి : రామగుండం సింగరేణి ఓపెన్‌కాస్ట్‌లో తరచుగా అగ్నిప్రమాదాలు జరుగుతున్నాయి. తాజాగా  ఇవాళా ఆర్జీ ఓసెన్ కాస్ట్ 3వ ప్రాజెక్టులో అగ్నిప్రమాదం చోటుచేసుకుంది. షార్ట్ సర్క్యూట్‌తో అగ్నిప్రమాదం సంభవించింది. ఈ ప్రమాదంలో షావెల్ యంత్రం కాలిపోయింది. దీంతో సింగరేణికి రూ.3 కోట్ల నష్టం వాటిల్లింది. 

08:24 - September 1, 2018

కర్నూలు : శ్రీశైలం కొండపై భారీ అగ్నిప్రమాదం సంభవించింది. అర్థరాత్రి 12గంటల తరువాత తాత్కాలిక దుకాణ సముదాయంలో భారీగా మంటలు చెలరేగాయి. ఈ ఘటనలో 13 షాపులు అగ్నికి ఆహుతి అయ్యాయి. సమాచారం అందుకున్న శ్రీశైలం దేవస్థానం సిబ్బంది, పోలీసులు వెంటనే సంఘటనాస్థలికి చేరుకుని మంటలను అదుపు చేసారు. కానీ అప్పటికే పలు షాపుల్లోని వస్తు సామగ్రి పూర్తిగా కాలిపోయాయి. శ్రావణ మాసం సందర్భంగా దుకాణదారులు భారీగా వస్తు సామగ్రి స్టోర్ చేసుకున్నారు. ఈ ప్రమాదంలో వస్తు సామగ్రి అంతా కాలి బూడిద అయిపోవటంతో దుకాణదారులు తీవ్రంగా ఆవేదన చెందుతున్నారు. తమకు ఆదుకోవాలని ప్రభుత్వాన్ని వేడుకుంటున్నారు.  

08:11 - August 14, 2018

Pages

Don't Miss

Subscribe to RSS - fire accident