folks songs

21:12 - August 15, 2017

సినీ గేయ రచయిత సుద్దాల అశోక్ తేజతో టెన్ టివి ఇంటర్వ్యూ నిర్వహించింది. ఈ సందర్భంగా ఆయన పలు విషయాలు తెలిపారు. ఆయన రాసిన పలు పాటలను పాడి వినిపించారు. అశోక్ తేజ తెలిపిన మరిన్ని వివరాలను వీడియోలో చూద్దాం...

 

13:12 - March 19, 2017

ఏడాది పొడుగునా వేచి వేచి ఒక చెట్టు
ఒళ్ళంతా పువ్వులతో
తనను తాను తిరిగి పొందేవేళ..
అంటూ అద్భుత భావనా బలంతో కవిత్వం రాసిన అరుదైన కవి విన్నకోట రవిశంకర్. మనిషి తనలోని ఆత్మను అందంగా ఆవిష్కరించడమే కవిత్వమని భావించే రవిశంకర్ ఏ వస్తువునైనా అద్బుతమైన కవితా శిల్పంగా మార్చగలరు. కుండీలో మర్రిచెట్టు కవితా సంకలనంతో వస్తూ వస్తూనే తెలుగు కవిత్వంపై తనదైన ముద్రను వేశారు. అదే వరుసలో వచ్చిన వేసవివాన, రెండో పాత్ర లాంటి కవితా సంపుటాలు కవిత్వాభిమానులను మరితంగా ఆకట్టుకున్నాయి. 
"కవిత్వంలో నేను" వ్యాసం
కవిత్వం రాయడంతో పాటు ఇతర కవులు రాసిన కవిత్వాన్ని ఆకళింపజేసుకొని వారి కవితా సంపుటాలలోని వస్తుశిల్పాలను "కవిత్వంలో నేను" అనే వ్యాస సంకలనంలో అందంగా విశ్లేషించారు విన్నకోట రవిశంకర్. కవిత్వంలో నూతన అభివ్యక్తికి ఈ కవిరాసిన కుండీలో మర్రి చెట్టు కవిత్వం అద్దం పడుతుంది.
సున్నితమైన జ్ఞాపకాల వేలికొసల తాకిడికి
శ్రుతి చేసిన వీణలా ఆమె ధ్వనిస్తుంది
కనిపించని విషాదపు ఒత్తిడికి
చిగురుటాకులా  ఆమె  చలిస్తుంది
అంటూ సరికొత్త అభివ్యక్తితో కవిత్వాన్ని శిల్పీకరించారు. కుండీలో మర్రిచెట్టు కవితా సంకలనంలో 29 కవితలున్నాయి. హోళీ, ఉదయాలు, ప్లూ, నిద్రానుభవం, గాయం, కెరీరిజం, పాప మనసు, చలనచిత్రం, మెుదలైన కవితలు మనల్ని తీవ్రంగా ఆలోచింపజేస్తాయి. 

కవిత్వం రాయడాన్ని చాలా సీరియస్ యాక్టివిటీగా భావిస్తారు రవి శంకర్ . అతని ప్రతి కవితా సంకలనంలో, ప్రతి కవితలోనూ ఈ స్పృహ అడుగడుగునా కనిపిస్తుంది. అతడు వెలువరించిన మరో కవితా సంపుటి వేసవివాన .అందులో
నేల కురిసే వాన
గుండ్రంగా తిరుగుతుంది
ఎప్పుడంటే అప్పడు
ఇంటి ముందు ఇంద్రధనుస్సులల్లుతుంది
 అంటూ వానను సరికొత్త భావనతో కవిత్వం చేసి అబ్బురపరుస్తారు. 
అగ్ని పర్వతం ఒకటి
హఠాత్తుగా మనసు మార్చుకుని
మంచుకొండగా మారిపోయినట్టుగా ఉంది
అంటూ ఒక వస్తును ఎవరూ ఊహించని ఇమేజరీతో తళుక్కుమనిపిస్తారు. ఇది  రవిశంకర్ ప్రత్యేక కవితా శిల్పకళ అని చెప్పాలి. 
విన్నకోట కవిత్వంలో ఏ వస్తువైనా అందంగా శిల్పీకరించబడుతుంది. కవిత్వ భాష , పదచిత్రాలు, ఇమేజరి, అభివ్యక్తి ఒకదానితో ఒకటి పోటీ పడుతూ అందమైన కవిత్వంగా ఆవిష్కరించబడుతుంది.. 

ఇక రెండో పాత్ర కవితా సంపుటిలో మెుత్తం 77 కవితలున్నాయి. అందులో గొడుగు, వానపాట, బాధ, సహచరిలాంటి కవితలు శిల్ప సోయగంతో కవితా ప్రియులను అలరిస్తాయి. 
జలజలమంటూ కురిసే వాన
కిటికీపై నీటిపరదాలు జార్చినట్టు
నీ పాట నా కంటిమీద
కన్నీటి తెరలు దించుతుంది..

వెలిసిన వాన వేరే ఊరు 
వెతుక్కుంటూ వెళ్లిపోతుంది.
ముగిసిన నీ పాట మాత్రం
కొన్నాళ్ల వరకు 
తలపుల్లో గూడుకట్టుకుని
కలలో కూడా వెంటాడుతుంది.. అంటాడు విన్నకోట రవిశంకర్..

కవిత్వం రాయడంతో ఆగి పోకుండా, ఇతరుల కవిత్వాన్ని చదువుతూ  కవిత్వాన్ని విశ్లేషించడం నిరంతరం కొనసాగిస్తున్నారు విన్నకోట రవిశంకర్.  కవిత్వంలో నేను సంకలనంలో నల్లగేటు నందివర్ధనం చెట్టు, నిరంతరయాత్ర, పడవనిద్ర, సాలె పురుగులాంటి వ్యాసాలు ఆయా కవుల సృజన పట్ల కొత్త ఆలోచలను రేకెత్తిస్తాయి. 

విన్నకోట రవిశంకర్ కు కవిత్వం వారసత్వంగా వచ్చింది. తండ్రి విన్నకోట వేంకటేశ్వరావు స్వయానా పండితుడు ..ఆయన తెలుగు తోట అన్న ఒక కవితా సంకలనాన్ని వెలువరించారు. ఇందులో 85 మంది కవుల కవితలను ప్రచురించారు. 

ఇక రవిశంకర్ జీవిత విశేషాల్లోకి వెళితే ఆయన తూర్పుగోదావరిజిల్లా అమలాపురంలో  విన్నకోట వేంకటేశ్వరరావు, శ్యామల దంపతులకు జన్మించారు. పిఠాపురం, కాకినాడల్లో హైస్కూల్ వరకు చదువుకున్నారు. వరంగల్ లో యం.టెక్ ను పూర్తి చేశారు. తర్వాత ఎ.పి.ఎస్.ఇ.బి లోను తర్వాత  సి.యం.సిలో ఇంజనీర్ గా పనిచేశారు. 1998 లో అమెరికా వెళ్లి సౌత్ కెరొలినాలో ఉద్యోగం చేస్తున్నారు. 

ప్రముఖ కవి ఇస్మాయిల్ ప్రభావంతో  తనదైన మార్గంలో కవిత్వం రాస్తున్న అరుదైన కవి, సాహితీ సమీక్షకులు విన్న కోట రవిశంకర్. ఆయన కలం నుండి భవిష్యత్ లో మరెన్నో కవితా సంపుటాలు వెలువడాలని ఆశిద్దాం....

16:15 - September 21, 2016

చిత్తూరు : టీటీడీ నిర్వహించే ఉత్సవాల్లో తమకు అవకాశం కల్పించాలని జానపద కళాకారులు టీటీడీ పరిపాలన భవనం దగ్గర నిరసన దీక్ష చేపట్టారు. కళాకారులకు జానపద కళాకారుల సంఘ జాతీయ అధ్యక్షులు యాదగిరి మద్దతు పలికారు. యాదగిరితో పాటు ఆరుగురు కళాకారులు ఆమరణ నిరాహార దీక్ష చేపట్టారు. కళాకారుల సమస్యల పరిష్కారం కోసం చావుకైనా సిద్ధమే అంటున్న జానపద కళాకారుల సంఘ జాతీయా అధ్యక్షులు యాదగిరి పేర్కొన్నారు. పూర్తి వివరాలకు వీడియో క్లిక్ చేయండి. 

Don't Miss

Subscribe to RSS - folks songs