Funny and Punching News

21:16 - November 18, 2017

కొల్వులకై కొట్లాటకు సిద్దంగున్న జేఏసీ, కొత్త రాజకీయం సుర్వైందన్న చంద్రాలు, కలెక్టరేట్ ఆఫీస్ ముంగట టెన్ టీవీ నిఘా, నల్లగొండకు తమ్ముని లెక్కైన మరో జిల్లా.. ఈ అంశాలపై మల్లన్నముచ్చట్లను వీడియోలో చూద్దాం...

 

19:52 - November 17, 2017

నేనేమన్న పిచ్చిదాన్నా..? అంటున్నది తెల్గుదేశం పార్టీ నాయకురాలు.. ఉమామాధవరెడ్డి.. భువనగిరి మాజీ ఎమ్మెల్యే ఉమామేడం మీరు పిచ్చోళ్లు గదా అని ఏ విలేకరన్న అడ్గిండా ఎట్ల..? ఆయనకెందుకు డౌటొచ్చింది.. ఈమెందుకు ఇట్లన్నది అనేది జర్ర ముచ్చట లోపటికి వొయ్యి సూస్తె మత్లావు అర్థమైతది..

నంది అవార్డుల పంచాది మనదాక ఎర్కైందంటే.. ఆడ ఏదో కథ ఉన్నట్టే అనిపిస్తున్నది.. నందమూరి బాలికాకయ్య సీన్మ లెజెండ్ ఉన్నదిగదా... ఆ సీన్మకు తొమ్మిది నంది అవార్డులు ఎట్లొస్తయ్.. బాలయ్య ఉత్తమ హిరో ఎట్లైండు అని ఒక్కటే పంచాది నడుస్తున్నది సోషల్ మీడియాల.. ఈ నంది అవార్డులేమో గని..? నారా పార్టీ అవార్డుల కింద లెక్కగడ్తున్నరు..

ఇద్దరాలు మొగలు కొట్లాడుకోని పోరన్ని బాయిలేశినట్టు.. అసెంబ్లీల.. కోమటిరెడ్డి వెంకట్ రెడ్డి.. మంత్రి జగదీశ్వర్ రెడ్డిగారి పంచాది జూస్తిరా ఎట్లున్నదో..? నువ్వు శిగ్గుపాడాలే అని ఒకాయిన అంటే.. నువ్వు శిగ్గుపడాలే అని ఇంకొకాయిన.. ఈళ్లను జూశి మరి జనం శిగ్గుపడాల్నా ఎట్ల అనేది మరి ఇది జూశ్నంక మీరే నిర్ణయం దీస్కోండ్రి..

తల్కాయ కాళ్లు.. బోటి పేగులు.. అసెంబ్లీ ముట్టడికోసం బొయ్యినయ్ ఇయ్యాళ.. అగో గిదేందే అంటరా..? అవునుల్లా..? రైతులంటే ఎండుగడ్డి దీస్కోని ముట్టడికి వోతరు.. జీహెచ్ఎంసీ కార్మికులు చీపురుగట్టలు దీస్కపోతరు.. మరి ఆరెకటికె సోదరులు ఎట్ల ముట్టడించాలే..? వాళ్ల పని మ్యాకల గోసుడేగదా..? అందుకే మ్యాక తల్కాయ కాళ్లు దీస్కోని ముట్టడికి వొయ్యిండ్రు..

నన్నపనేని రాజక్క ముచ్చట మళ్లొచ్చింది ఇయ్యాళ.. అంటె అక్క ముక్కుపక్కపొంటి కుర్పాయేగదా..? గా ముచ్చటనేమో అనుకునేరు ఆ కుర్పుగాదు.. నా ప్రజలు.. నా మహిళలు.. అని ఎప్పుడు సమస్యల మీద స్పందిస్తనే ఉంటదిగదా..? నిన్న సర్కారు దావఖానకు వొయ్యి.. ఆడ సంటిపోరగాళ్లను ఎత్తుకోని ఎన్నో పనులు జేశింది..

డబుల్ బెడ్రూం ఇండ్లను ఇన్నొద్దులు ప్రతిపక్షాలు అడ్డుకుంటున్నయని ప్రభుత్వం జెప్పుకున్నదిగదా..? అండ్ల పెద్ద పసా లేకుండే కని హయత్ నగర్ కాడ గట్టవోతున్న డబుల్ బెడ్రూం ఇండ్లను దేవత అడ్డుకున్నది.. ఇండ్లు ఎందుకు కట్టలేకుపోతున్నమంటే.. దేవత అడ్డుకున్నది అని చెప్పుకునెతందుకు ప్రభుత్వానికి మంచి మోక దొర్కింది..

అబ్బా కడప జిల్లాల ఎంత గొప్ప అధికారులున్నరేముల్లా..? సర్కారు ఆఫీసుల కడప ఆత్మగౌరవం.. నా ఊరు గౌరవం అని మీటింగు వెట్టిండ్రు.. కడప మొత్తం సాపుగుండాలే.. ఎక్కడ గూడ గింత చెత్త గనిపియ్యొద్దు.. మర్గుదొడ్లు.. గిర్గుదొడ్లు గట్టి దేశానికే కడప జిల్లా వాసుల ఆత్మగౌరవం ఎట్లుంటది అని సాటిజెప్పెతందుకు మీటింగుల గూసున్నరు పాండ్రి.. మనం గూడ పాలువంచుకుందాం..

యువర్ అటెన్షన్ ప్లీజ్.. ట్రైన్ నంబర్.. ఏక్ దో తీన్ చార్.. రైలు.. గంట ఆలస్యంగా వచ్చుచున్నది.. అని మన రైల్వే స్టేషన్ల పొంటి ఇంటా ఉంటం.. ఆ గంటగావొచ్చు... రెండు గంటలు గావొచ్చు.. వస్తె వస్తది లేకపోతె అటెంకాళ్ల పట్టాల మీద ఒర్గిన సందర్భాలు గూడ ఎన్నో ఉంటయ్.. మన రైళ్ల పనితానికి ఇదో మచ్చుతున్న.. ఇగ జపాన్ల కథ జూస్తరా..? అక్కడ రైళ్లుకు నమస్తె వెట్టవల్సిందే..

20:38 - November 2, 2017

తెలంగాణల రైతులందరికి రుణమాఫీ అయ్యిందా..? రైతన్నలు అయ్యిందానే మీకు..?బాప్ ఏక్ నంబర్ బేటా దస్ నంబర్.. ఇప్పటికే అర్థంగావొచ్చు ముచ్చట ఎవ్వలి గురించి అనేది.. అదే కల్వకుంట్ల తారక రామారావు అలియాస్ అజయ్..ఓ కల్వకుంట్ల తారక రామారావుగారూ.. నీకు ముందు ముందు ముసల్ల పండుగనే ఉన్నదట.. చేతులు గాలినంక ఆకులు వట్కున్నట్టే ఉన్నది.. చంద్రబాబు పరిస్థితి జూస్తుంటే.. పంట చేతికి రాకపోయినా సరే.. ప్రభుత్వం ఆదుకుంటదన్న భరోసా తెలంగాణల ఏ రైతుకన్న ఉన్నదా..? ఓ దుబ్బాక ఎమ్మెల్యే రామలింగారెడ్డి గారూ... ఏడున్నవో..? ఇగో నీ కోసం చేనేత కార్మికులు ఎదురు సూస్తున్నడు..నాయిని నర్సన్నా మన తెలంగాణల లా అండ్ ఆర్డర్ ఎట్లున్నదే అంటే.. పాపం ఆయనకు ఏమెర్కా.? కోర్టు తీర్పుల మీద పోలీసోళ్లకే నమ్మకం లేకపోతె ఇగ సామన్యా జనానికి ఏడ నమ్మబుద్దైతది చెప్పుండ్రి.. కొత్తగూడెం కాడ ఒక దొంగ సంఘం నాయకుని కథ..గీ గరం గరం ముచ్చట్లు చూడాలంటే వీడియో క్లిక్ చేయండి. 

20:23 - November 1, 2017

అమ్మయ్య సర్కారు మీద కోపంతోనున్న కోదండరాం సారు.. నిన్న దీక్షల గూసునెగదా... ఇర్వైనాల్గు గంటల దీక్ష.. అగో ఇయ్యాళ విరమించిండు.. ఇగ కొల్వులకై కొట్లాటనే అనుకున్నంగని.. ఇగ సర్కారు మీదనే కొట్లాటనే అంటున్నడు.. తమ్మినేని వీరభద్రం సారు గూడ వొయ్యి నువ్వు ముంగటికి వో మేమున్నం అని భరోసా ఇచ్చొచ్చిండు..

తెలంగాణ ముఖ్యమంత్రి గారికి ఎట్ల జయమైతదో..? ఎట్ల న్యాయమైతదో గని... అన్ని సౌట ముచ్చట్లే మాట్లాడుతున్నడు.. పాపం గుత్తి కోయలోళ్లు అడ్విల బత్కుతుంటే.. వాళ్లను చెట్లకు గట్టేశి బట్టలూడ దీశిన ముచ్చట జూపెడ్తిగదా గాయాళ్ల.. అదే నేనే జెప్పిన పోలీసోళ్ల తోని అని అసెంబ్లీ సాక్షిగ జెప్పిండు.. ఇంత దుర్మార్ఘమా..? ఇంకేమన్నడో అదిగూడ జూడుండ్రి..

తెలంగాణ సచివాలయమంత చెడ్డ సచివాలయంల అసలు భారతదేశంలనే లేదట.. ఇసొంటి దరిద్రమైన సచివాలాయన్ని జూస్తుంటె ముఖ్యమంత్రిగారికి గుండె చెర్వైతున్నదట.. అందుకే ఈ సచివాలయాన్ని కూలగొట్టి కొత్తది గట్టాలనుకుంటున్నం అని నిండు సభల సభ్యులకు జెప్తున్నడు.. మరి మనది ఏడంగ గబ్బు సచివాలయం అయ్యింది ఏం కథ అనేది ప్రజలకు తెల్వాలే..

చేతులు గాలినంక ఆకులు వట్టుకున్నట్టే అయ్యింది మా పని..? మేము నిజంగనే కేసీఆర్ మాటమీదుండె మన్షి అనుకోని ఓట్లేశి మోసపోయినం..? మాలెక్క ఎవ్వలు అన్నాయం గాకుండ్రి అడ్డమైన మాటలిని అని సింగరేణి కార్మికులు జెప్తున్నరంటె వాళ్లకు ఎంత పెద్ద దెబ్బదాకిండో సూడుండ్రిగ.. మరి ఆ దెబ్బేందో మళ్లొక పారి జూడుండ్రి..

ప్రభుత్వం ప్రజలను మోసం జేస్తున్నది.. పథకాలళ్ల అవినీతి అయితున్నదని నిజామాబాద్ జిల్లాల సంజీవ్ అనే కండక్టర్ ఫేస్ బుక్కుల పోస్టు వెట్టిండుగదా..? అగో శిపాయి ముఖ్యమంత్రిని వట్కోని గంత విమర్శిస్తవా అని మొన్న నోటీసు ఇచ్చిండ్రు ఇయ్యాళ సస్పెండే జేశిండ్రు.. అంటె ముఖ్యమంత్రి గారిని ఏమన్న చర్యలు దీస్కుంటరట.. మరి ముఖ్యమంత్రి గారు ప్రజలనంటే ప్రజలేం జేయాలే..?

ఏ కాంగ్రెసోళ్లు ఏం పరిపాలన జేశిండ్రు అర్వై ఏండ్లు.. రూపాయి ఖర్చువెడ్తున్నమని.. పావుల వెట్టిండ్రు బారాణ జేవులేస్కున్నరు.. దేవాదుల పైపులు పటాకులు వేలినట్టు వేలుతున్నయ్.. గదేనా తరీఖ పనులు జేశే తరీఖ అని ప్రజలకు ముచ్చట్లు జెప్పిన గద్దెమీదికెక్కిండు మన బాతాల పోశెట్టిగారూ.. ఇగమరి ఈన పనితనం ఎంత సక్కగున్నదో గూడ మనం జూడాలే గదా..? పాండ్రి..

దండుగ మన తానికి ఓట్ల కోసం ఒచ్చెతప్పుడు ఒకటి జెప్తరు.. గెల్చి అవుతల వడ్డంక ఒకపనిజేస్తరు.. అరే జిల్లా పరిషత్ సమావేశంల చర్చించవల్సిన ముచ్చట ఏంది నిన్నియాళ్ల చర్చిస్తున్నదేంది..? ఎమ్మెల్యేలు తిట్టుకునెతందుకు సమావేశాలు వెట్టుకుంటున్నట్టున్నదిగని.. ప్రజల సమస్యల పరిష్కారానికి మాత్రం గానట్టే అనిపిస్తున్నది.. కడప జెడ్పీ సమావేశం జూడుండ్రి.. అంగడే..

ఈడికే సర్కారు దావఖాండ్ల పొంటి సమాను సక్కగలేదురా నాయనా అంటే ఆప్రేషన్ థియేటర్లున్న కత్తెరను పేషెంట్ కడ్పుల ఏశి కుట్టేశిండు ఒక డాక్టరు.. కత్తెర ఏడవాయేరా అని ఎంకులాడితె దొర్కది.. పేషెంటు కడ్పులున్నది ఇగ ఏడ దొర్కుతది.. నెల్లూరు జిల్లా సర్కారు దావఖాండ్ల డాక్టర్లు ఇట్ల కత్తెర్లను గూడ మాయం జేస్తున్నరంటే ఇగ ఏమంటం..?

 

20:49 - October 30, 2017

ఉద్యోగాలు భర్తీ జేస్తాంటున్న కేసీఆర్, ఆత్మీయ సభకు సడన్గొచ్చిన ఉత్తం, గిరిజన రిజర్వేషన్ గిరెప్పుడు గీశేది?, మారవోతున్న ఓట్ల పర్సెంటేజులు, న్యాయాన్ని పత్తాలలళ్ల ఏరుతున్న ఒకీళ్లు....ఈ అంశాలపై మల్లన్నముచ్చట్లను వీడియోలో చూద్దాం...

 

21:29 - October 27, 2017

చండీయాగంతోనే వానలు వడ్తున్నయట, సిట్టింగులకే సీట్లంటున్న సీఎం సారు, కన్నతల్లి, పెంచిన తల్లి ఇద్దరి అరెస్టు, గుప్తనిధుల కేసుల జేసీబీ బండి అరెస్టు.. ఈ అంశాలపై మల్లన్నముచ్చట్లను వీడియోలో చూద్దాం..

 

20:43 - October 18, 2017

రేవంత్ రెడ్డి కాంగ్రెస్ల కొస్తున్నడు..? వచ్చశిండు.. రాహుల్ గాంధీని కల్చిండు.. అయిపోయింది మాట ముచ్చట ఒడ్సింది.. ప్రచార కమిటీకి ఆయననే చైర్మన్ను జేస్తున్నరు.. ఏ పేపర్ల జూశినా ఈ ముచ్చటనే.. మరి నిజంగ వస్తున్నడా..? కాంగ్రెస్ పార్టీల శెరీకైతున్నడా రేవంత్ రెడ్డి అంటే.. మల్లన్న ముచ్చట్లకు అందిని సమాచారం ప్రకారం.. సూడుండ్రి..

వరంగల్ రోహిణి సూపర్ స్పెషాలిటీ దావఖాండ్ల ఒక ఫ్లోర్ల మంటలు లేశినయ్.. రోగులంత భయపడ్తున్నరు.. ఆస్పత్రి సిబ్బందికి గూడ ఏమైందో తెల్వలే.. లోపటంత పొగ సూర్కపోయింది.. వందల మంది పేషెంట్లను పొగ గమ్మేశింది.. ఆ క్షణంల..? ఆయాళ్లకే ఒక డాక్టర్ లోపట జేశ్న పాపం ఏందో తెల్సా..? బాధితుడే మల్లన్న ముచ్చట్లకు ఫోన్ జేశి చెప్పిన ఆ ఘోరం ఇనుండ్రి మీరు గూడ..

తెలంగాణ అనే రాష్ట్రంల గిరిజనులు.. దళితులు సస్తె సావాలేగని.. ఎవుసాయం జేస్కోని మాత్రం బత్కొద్దు.. ఆత్మ గౌరవం తోని అస్సలే బత్కొద్దు.. వాళ్లు ఎన్నిరోజులు ఉన్నా.. ఈ భూమికి భారమేగని..? లాభం లేదన్నట్టు సూస్తుంటది మన ప్రభుత్వాలు.. వాళ్ల రక్షణ కోసం చట్టాలుంటయ్ గని.. అమలుగావు.. వాళ్లకు భూములిస్తరు గని.. అవ్వి వాళ్లయ్ గావు.. జగిత్యాల జిల్లా మెట్ పల్లి మండలం మామిడి తండా గిరిజనుల గోస జూడుండ్రి.

విలేకరి అయితే.. ఎంత లంగ పనిజేశినా..? ఎంత బట్టెవాయి పనిజేశినా నడుస్తదా..? ఎటుగుడ్క పెన్ను చేతులున్నది గదా అని..? ఆడోళ్ల ఎంటవడుడు.. ఇననోళ్ల మీద అడ్డమైన వార్తలు రాశి కేసులు వెట్టిచ్చుడు ఇది కరక్టేనా..? విలేకరైతేంది..? ఒకీలైతేంది..? అందరు సమానమే చట్టం ముంగట.. ఒక పేపర్ల పనిజేశే విలేకరి గాడు ఏం జేశిండో సూడుండ్రి మీరే..

ఒక రైలు గంటకు వంద కిలోమీటర్ల వేగం తోని వోతున్నది.. ఆ రైళ్ల ఒక గర్భిణీ స్త్రీ ఉన్నది.. ఆమెకు డెలివరీ టైం దగ్గరికొచ్చింది.. రైలు వోతుండంగనే నొప్పులు సుర్వైనయ్.. రైలు ఆపుదామంటే ముంగట ఊర్లు లేవు.. ఉన్నా ఆ రైలు ఆపెతందుకు లేదు.. ఆడ స్టాప్ లేదన్నట్టు.. ఇంక జర్రంత నొప్పులు ఎక్వైనయ్.. పాపం ఆ తల్లి తల్లడిల్లుతున్నది.. తర్వాత ఏమైందో సూడుండ్రిగ..

కడ్పుల సర్కారు వోశిన మందు ఉండే.. కండ్లు రిమ్మున తిర్గుతుండే.. మంచి నిసలకు వడిపాయే పెయ్యి.. ఇగ వానికి ఏలోకంలున్న సంగతి ఎట్ల తెలుస్తది..? వానికి ఏది గనిపిస్తె.. ఏది అనిపిస్తె అది జేస్కుంటవోతడు.. భద్రాద్రి కొత్తగూడెం జిల్లా మణుగూరు కాడ.. ఒకడు కడ్పునిండ దాగి కరెంటి తంభం ఎక్కిండు.. దిగురో సచ్చిపోవతని పబ్లీకు.. సూడుండ్రి తర్వాతేమైందో..

ఎర్రబెల్లి దయాకర్ రావు గారు టీడీపీల గెల్చి టీఆర్ఎస్ పార్టీల ఎందుకు జేరిండో తెల్సిందా..? ఇయ్యాళ ఒక చెర్వుకట్ట కాడ నిలవడి అస్సలు ముచ్చట జెప్పేశిండు..? నన్ను చాల మాట్ల టీఆర్ఎస్ పార్టీల జేరుమని ముఖ్యమంత్రిగారు జెప్పిండు.. కని నేను ఎప్పుడైనా ఒక్కటే కండీషన్ వెట్టినా..? దాని విల్వ మూడువందల కోట్ల రూపాలనుకొచ్చిండు.. సూడుండ్రి మీరు గూడ..

నరేంద్రమోడీ గారిని.. ఎవ్వలు పల్లెత్తు మాటనొద్దట.. ఒకవేళ పొరపాటున గూడ అంటే.. అరెస్టులు జేస్తరట కేసులు వెడ్తరట.. మొన్న మన ముఖ్యమంత్రి కేసీఆర్ గారి పరిపాలన మీద ఒక కండక్టర్ ఫేస్ బుక్కుల పోస్టు వెడ్తె ఎట్ల సుడివెట్టిండ్రు ఆయనను.. అగో అట్లనే సుడివెడ్తరట.. మరి ఇప్పుడు మీరు ప్రజాస్వామ్యం లేరుగావట్టి పోస్టులు వెట్టెకాడ జాగ్రత్త..

మన నందమూరి బాలికాకయ్య కారు ఆడంగొస్తుంటే.. అడ్డంబడి.. సారు సారూ దండం బెడ్త జర్ర ఆపు నేను నీ అభిమానిని.. అని కారు ఆపితె ఊకుంటడా..? దిగి ఒక్క తన్ను తంతడు.. అంత మూర్ఖుడు బాలికాక.. ఇద్వరకు ఎంతమందిన గొట్టింది మన సూడలేదా..? అయితే బాలికాకయ్యకు బైటి నటులకు ఎంత తేడా ఉంటదో సూపెట్టే ముచ్చట ఇది.. మమ్ముట్టి ఎర్కేగదా నటుడు.. సూడుండ్రి ఎంత మంచోడో..

21:26 - October 16, 2017

సిద్దిపేట, యాద్రాదికి నడుమ నీళ్ల పంజాది....తపాస్ పల్లి నీళ్ల కోసం ఆలేరొళ్ల తండ్లాట, ఇంత పెద్దమియా..డేడ్ పైసా దియా..దారిదప్పిన డబుల్ బెడ్ ఇళ్ల స్కీం, కోదండరాం ఎనుక నక్సలైట్లున్నరంట గదా..ఎడ్డి మాటలు మాట్లాడుతున్న ఇంటి మంత్రి, యాదాద్రి నర్సన్న గుడికి క్యాన్సర్ ముప్పు..ఉద్యమానికి రడీ అయితున్న బాధితులు, సర్కారు గొర్లముకున్న సంఘపొళ్లు...దొర్కిచ్చుకున్న ఆర్మూరు పోలీసొళ్లు, దొంగలకు సందిగడుతున్న గుంటూరు ఖాకీలు.. ఏడుగుర్ని సస్పెండ్ జేసిన జిల్లా ఎస్పీసారు... ఈ అంశాలపై మల్లన్నముచ్చట్లను వీడియోలో చూద్దాం...

 

20:31 - October 14, 2017

జేఏసీని జూశి దడ్సుకుంటున్న కేసీఆర్, సర్కారు దావఖాండ్లకొచ్చిన చంద్రాబాబు, ముఖ్యమంత్రి మాటతోటి రగులుతున్న మంట, బాధితురాలిని అరెస్టు జేశ్న పోలీసోళ్లు, వరంగల్ జిల్లాల మీడియాతోని పంచాది....ఈ అంశాలపై మల్లన్నముచ్చట్లను వీడియోలో చూద్దాం...

 

21:26 - October 13, 2017

యాదాద్రి జిల్లాకు ముఖ్యమంత్రి ఢోకా, సీఎం వస్తున్నడంటే విపక్షాలోళ్ల అరెస్టు, భారతదేశం అగ్రగామి ఆకలి రాజ్యం, నెత్తి గొర్గి లంచం దీస్కున్నరని సస్పెండ్, కొండలళ్ల తిర్గుతున్న కలెక్టర్ అమ్రాపాలి... ఈ అంశాలపై మల్లన్నముచ్చట్లను వీడియోలో చూద్దాం...

 

Pages

Don't Miss

Subscribe to RSS - Funny and Punching News