Germany

08:52 - December 6, 2018

జర్మనీ : ప్రపంచంలోనే మొట్టమొదటి త్రీడీ ప్రింటింగ్ బైక్ రోడ్డెక్కింది. నెరా పేరుతో తయారైన ఈ త్రీడీ బైక్ ను బిగ్ రెప్, నౌలబ్ అనే జర్మన్ కంపెనీలు రూపొందించాయి. నెరా త్రీడీ బైక్ రోడ్డుపై పరుగులు పెట్టింది. జర్మన్ త్రీడీ దిగ్గజం బిగ్ రెప్, నౌలబ్ లు సంయుక్తంగా ఈ బైక్ ను రూపొందించాయి. కొత్తతరం అనే అర్థం వచ్చే న్యూఎరా నుంచి తీసుకున్న పదాలతో నెరా అనే పేరు పెట్టారు.

నెరా బైక్ తయారీలో ఎలక్ట్రిక్ కాంపోనెంట్ బ్యాటరీ తప్పితే మిగిలినవన్నీ కూడా త్రీడీ టెక్నాలజీతోనే తయారు చేసిన భాగాలు వాడతారు. బైక్ బరువు కూడా చాలా తక్కువ...దాదాపు 60 కేజీలు మాత్రమే ఉండగా.. బైక్ తయారీకి 12 వారాల గడువే పట్టిందని చెబుతున్నారు. ప్రస్తుతం స్పీడ్ తక్కువున్న నెరా బైక్ ను కమర్షియల్ గా విక్రయించడం లేదు. 

 

21:04 - September 18, 2018

జర్మని :  మనిషి తలచుకుంటే అద్భుతాలకు కొదవేలేదు. మానవ మేధస్సుకు కొలమానం లేకుండాపోతోంది. ఒకప్పుడు పొగతో గుపు్పగుప్పుమంటు చుక్ చుక్ మంటు దూసుకుపోయే రైలుబండిని చూసి పరమానంతభరితులైన రోజుల నుండి కన్ను మూసి తెరించే సమయంలో కనుమరుగైపోయే రైళ్ల తయారీ వరకూ కొనసాగిన మానవ మేథస్సు అంతకంతకూ కొత్త పుంతలు తొక్కుతోంది. టెక్నాలజీ డెవటప్ మెంట్ తో సుఖాలను, సౌకర్యాలకు అనుభవిస్తున్న మనిషి అది చాలదన్నట్లుగా మరి దేనికో పరుగులు పెడుతున్నాడు. దీంతో పర్యావరణానికి చేటు కలుగుతో మానవ మనుగడకే ప్రశ్నార్థకంగా తయారవుతోంది. ఈ నేపథ్యంలో మనిషి తాను డెవలప్ చేసిన టెక్నాలజీకి మరింత మెరుగులు దిద్ది పర్యావరణ హితంవైపు కూడా యోచిస్తున్నాడు. ఈ ఆలోచనల నుండి పుట్టిందే ‘హైడ్రోజన్ టై్న్’.
టెక్నాలజీతో అద్భుతాలు సృష్టించే రోజుల్లో వున్న మనం  ప్రపంచంలోనే తొలిసారిగా హైడ్రోజన్‌తో నడిచే రైలు జర్మనీలో పరుగులు పెట్టింది. పూర్తిగా పర్యావరణ హితమైన ఈ రైళ్లు డీజిల్‌తో నడిచే రైళ్లతో పోలిస్తే ఖరీదైనవే అయినప్పటికీ పూర్తిగా ఎకో ఫ్రెండ్లీ రైళ్లు. ఒక్కసారి దీని హైడ్రోజన్ ట్యాంకును నింపితే ఏకంగా వెయ్యి కిలోమీటర్లు పరుగులు తీస్తుంది. ట్యాంకు నింపడానికి 15 నిమిషాలు పడుతుంది. గరిష్టంగా 140 కిలోమీటర్ల వేగంతో ప్రయాణించగలవు. కొరాడియా ఐలింట్‌గా పిలుస్తున్న ఈ రైళ్లను ఫ్రాన్స్‌కు చెందిన ‘అల్‌స్టోమ్’ తయారు చేసింది. 2021 నాటికి 14 హైడ్రోజన్ రైళ్లను తయారుచేయనున్నట్టు అల్‌స్టోమ్ తెలిపింది.  

హైడ్రోజన్ రైళ్లలో ఉపయోగించే ఇంధనం వల్ల కాలుష్య ఉద్గారాలు ఉత్పత్తి కావు. అందుకనే ఇది పూర్తిగా ఎకో ఫ్రెండ్లీ. హైడ్రోజన్, ఆక్సిజన్‌లను కలపడం ద్వారా విద్యుత్తును ఉత్పత్తి చేసే వ్యవస్థ ఇందులో ఉంటుంది. అవసరానికి మించి విద్యుత్తు కనుక ఉత్పత్తి అయితే, అది నేరుగా రైలులో ఏర్పాటు చేసిన లిథియం బ్యాటరీల్లోకి చేరి నిల్వ ఉంటుంది.  తొలి రైలును జర్మనీ సోమవారం పట్టాలపైకి తెచ్చింది. కక్సావెన్‌, బ్రెమెరావెన్‌, బ్రెమెర్‌వోర్డ్‌, బక్సెహుడ్‌ నగరాల మధ్య 1000 కిలోమీటర్ల మార్గంలో రెండు హైడ్రోజన్‌ రైళ్లు సేవలు అందించనున్నాయి.

08:20 - May 6, 2018

జర్మనీ : జర్మనీలో కార్ల్‌ మార్క్స్‌ రెండో శత జయంతి ఉత్సవాలు ఘనంగా జరుగుతున్నాయి. చైనా ప్రభుత్వం బహుకరించిన పదిహేడు అడుగుల మార్క్స్‌ కాంస్య విగ్రహాన్ని ఈ వేడుకల సందర్భంగా ఆవిష్కరించారు. మార్క్స్‌ జయంతి వేడుకల్ని చూసేందుకు దేశ, విదేశాల నుంచి భారీ సంఖ్యలో ప్రతినిధులు చేరుకున్నారు. 

 

20:59 - July 30, 2017

జర్మనీ : కాన్‌స్టాంజ్‌ నగరంలో కాల్పులు కలకలం సృష్టించాయి. స్థానిక నైట్‌క్లబ్‌లో ఓ దుండగుడు కాల్పులకు తెగబడ్డాడు. ఈ ఘటనలో ఇద్దరు మృతిచెందగా.. మరో నలుగురు గాయపడ్డారు. సమాచారం తెలుసుకున్న పోలీసులు క్లబ్‌ను చుట్టుముట్టారు. అప్పటికే అక్కడి నుంచి పారిపోయేందుకు ప్రయత్నించిన దుండగుడిపై కాల్పులు జరిపి హతమార్చారు. కాల్పుల వెనుక కారణాలు తెలియరాలేదు. అయితే ఇది తీవ్రవాద ఘటన కాదని పోలీసులు తెలిపారు.

21:44 - July 9, 2017

హంబర్గ్ : జర్మనీలోని హాంబర్గ్‌లో రెండు రోజులు పాటు జరిగిన జీ-20 దేశాల శిఖరాగ్ర సదస్సు ముగిసింది. సుస్థిర అభివృద్ధి, ప్రపంచ ఆర్థిక పరిస్థితి, సరళీకృత వాణిజ్య విధానాలు, అంకుర సంస్థలకు ఆర్థిక సాయం, కార్మిక సంస్కరణలపై ప్రధానంగా చర్చించారు. ఈ సదస్సులో హాంబర్గ్‌ కార్యాచరణ ప్రణాళికను ఆమోదించారు. మన దేశంలో అమలవుతున్న సంస్కరణలను ప్రధాని నరేంద్ర మోదీ జీ-20 దేశాల దృష్టికి తీసుకెళ్లారు. అంకుర సంస్థలను ప్రోత్సహించేందుకు విదేశీ సహాయాన్ని ప్రోత్సహించాల్సిన అవసరాన్ని మన ప్రధాని ప్రస్తావించారు. సరళీకృత వాణిజ్య విధానాల అమల్లో 130వ ర్యాంకులో ఉన్న భారత్‌ను 50వ స్థానానికి తీసుకొచ్చే విధంగా సంస్కరణలు అమలు చేస్తున్నట్టు జీ-20 దేశాధినేతల దృష్టికి తెచ్చారు. 

22:01 - July 7, 2017

ఢిల్లీ : సిక్కిం సరిహద్దుల్లో భారత్‌-చైనా మధ్య తీవ్ర ఉద్రిక్త పరిస్థితుల మధ్య ఇరుదేశాల నేతలు ఎదురుపడ్డారు. జర్మనీలోని హంబర్గ్‌లో జి-20 సదస్సు సందర్భంగా ప్రధాని మోది, చైనా అధ్యక్షుడు జీ జిన్‌పింగ్‌ కలుసుకున్నారు. ఇద్దరు నేతలు షేక్‌హ్యాండ్‌ ఇవ్వడమే కాకుండా ఒకరిపై ఒకరు ప్రశంసలు కురిపించుకున్నారు. జి-20 సదస్సులో భాగంగా బ్రిక్స్‌ దేశాల సమావేశం జరిగింది. ఈ సందర్భంగా చైనా అధ్యక్షుడు జిన్‌పింగ్‌ నేతృత్వంలో బ్రిక్స్‌ను నిర్వహిస్తున్న తీరును మోది అభినందించారు. చైనాలోని జియోమెన్‌లో జరిగే బ్రిక్స్‌ సమావేశానికి పూర్తి మద్దతిస్తామన్నారు.  ఉగ్రవాదంపై భారత పోరును జిన్‌పింగ్‌ ప్రశంసించారు. ఆర్థిక సామాజిక రంగాల్లో భారత్‌ అభివృద్ధిని మెచ్చుకున్నారు. అంతకు ముందు జీ సదస్సులో పాల్గొన్న నేతలకు జర్మనీ ఛాన్స్‌లర్‌ ఏంజెలా మోర్కెల్‌ స్వాగతం పలికారు.

 

12:41 - April 20, 2017

లండన్ : భారతదేశ జాతిపిత మహాత్మా గాంధీని విదేశాల్లో కూడా ఆదరిస్తుంటారు. పలు దేశాల్లో ఆయన విగ్రహాలు కూడా ఉన్న సంగతి తెలిసిందే. గాంధీ చిత్ర పేరిట ఉన్న అరుదైన స్టాంపులు యూకేలో రికార్డు ధర పలికాయి. స్టాన్లీ గిబ్బన్స్ అనే స్టాంప్ కలెక్టింగ్ కంపెనీ మహాత్ముడి చిత్రం పేరిట ఉన్న నాలుగు స్టాంపుల వేలం వేసింది. ఈ వేలంలో పలువురు పాల్గొన్నారు. ఆస్ట్రేలియాకు చెందిన ఓ వ్యక్తి ఏకంగా రూ. 5లక్షల పౌండ్లు పాడి చేజిక్కించుకున్నాడు. భారత కరెన్సీలో దాదాపు రూ. 4.1 కోట్లు. ఓ భారత స్టాంప్ కు ఇంత ధర పలకడం ఇదే తొలిసారి అని పలువురు పేర్కొంటున్నారు. 1948 నాటి పది రూపాయల విలువ గల మహాత్ముడి స్టాంపులు కేవలం 13 మాత్రమే చలామణిలో ఉన్నట్లు అక్కడి నిర్వాహకులు పేర్కొనట్లు తెలుస్తోంది. ఇందులో కేవలం నాలుగింటిని మాత్రమే వేలం వేయగా మరో నాలుగు ఫిలాటెలిక్ కలెక్షన్ హౌస్ లో ఉన్నట్లు సమాచారం.

21:31 - March 10, 2017

హైదరాబాద్: జర్మనీలోని దుస్సెల్‌దోర్ఫ్ రైల్వే స్టేషన్‌పై దాడి జరిగింది. కొందరు వ్యక్తులు మారణాయుధాలతో దాడి చేసి విధ్వంసం సృష్టించాడు. ఈ ఘటనలో ఐదుగురికి గాయాలయ్యాయి. క్షతగాత్రులను ఆస్పత్రికి తరలించారు. దాడికి సంబంధించి ఇద్దరు అనుమానితులను అదుపులోకి తీసుకుని ప్రశ్నిస్తున్నారు. ఇది ఉగ్రవాద దాడై ఉండొచ్చన్న అనుమానంతో పోలీసులు దర్యాప్తు ప్రారంభించారు. జర్మనీలో ఉన్న పదివేల మంది ఇస్లామిక్‌ తీవ్రవాదుల్లో 1600 మందికి ఐసిస్ ఉగ్రవాద సంస్థతలో సంబంధాలు ఉన్నాయని జర్మనీ భద్రతా విభాగం అధికారులు చెబుతున్నారు.

12:59 - March 8, 2017

మార్చి 8...అంతర్జాతీయ మహిళా దినోత్సవం...1800లో దినోత్సవం రావడం జరిగిందని లాయర్ పార్వతి పేర్కొన్నారు. మహిళా దినోత్సవం సందర్భంగా మానవి 'మై రైట్' లో జరిగిన చర్చా వేదికలో లాయర్ పార్వతి పాల్గొన్నారు. మహిళలకు సరైన ఉద్యోగాలు లేక..వేతనాలు హెచ్చుతగ్గులు..పని గంటలు తగ్గించాలని అనే డిమాండ్స్ పై ఆందోళనలు జరిగాయని తెలిపారు. 1908లో న్యూయార్క్ లో 1500 మంది మహిళలు మార్చ్ ఫాస్ట్ చేశారని తెలిపారు. అప్పటి నుండి మహిళా దినోత్సవానికి నాంది పలికినట్లు చెప్పుకోవచ్చు. శ్రామికవర్గం మొదట బయటకొచ్చారని, 1909లో ఒక సామాజిక కార్యకర్త ప్రతొక్క మహిళలు బయటకు రావాలని పిలుపునివ్వడం జరిగిందన్నారు. అలాగే వివిధ న్యాయ సందేహాలకు..సమస్యలకు లాయర్ పార్వతి సలహాలు...సూచనలు అందచేశారు. పూర్తి వివరాలకు వీడియో క్లిక్ చేయండి.

21:30 - February 5, 2017

Pages

Don't Miss

Subscribe to RSS - Germany