GHMC

13:59 - July 10, 2018

హైదరాబాద్ : చెత్త బాధల నుంచి తమకు విముక్తి కలిపించాలంటూ.. జవహర్‌ నగర్‌  ప్రజలు ఎన్నో ఉద్యమాలు చేశారు. కొన్నేళ్ళుగా పేరుకుపోయిన చెత్తతో ఇక్కడ జీవనమే ప్రాణాంతకంగా మారింది. కాగా.. ప్రజలకు చెత్త సమస్యలు తొలగించి.. ఆరోగ్యకరమైన వాతావరణం కలిపిస్తామని హామీ ఇస్తోంది బల్దియా.. ఇంతకీ ఇక్కడి ప్రజల బాధలేంటీ.. ప్రభుత్వం ఇస్తున్న భరోసా ఏంటో చూద్దాం..
విషతుల్యంగా  మారిన గాలి, నీరు, భూమి 
దాదాపు 12 ఏళ్లుగా హైదరాబాద్‌ నగర పరిధిలోని చెత్తనంతటినీ జవహర్‌నగర్ డంపింగ్‌ యార్డులో పోగేశారు. దీంతో పరిసరాలన్ని విపరీతమైన కాలుష్యంతో నిండిపోయాయి.  గాలి, నీరు, భూమి విషపూరితంగా తయారయ్యాయి. ఈ సమస్యలనుంచి తమకు విముక్తి కలిపించాలని ఇక్కడి ప్రజలు ఎప్పట్నుంచో పోరాటాలు చేశారు. జవహర్‌నగర్ ప్రజా హక్కుల పరిరక్షణ పోరాట కమిటీతోపాటు.. పలు ప్రజా సంఘాల ఆధ్వర్యంలో ధర్నాలు, పాదయాత్రలు సైతం చేపట్టారు.
2001 నుంచి జవహర్‌నగర్‌కు చేరుతున్న చెత్త
2001 నుంచి చుట్టు ప‌క్కల మున్సిపాలిటీలు, గ్రామ పంచాయితీల‌ చెత్తను జ‌వ‌హర్ న‌గ‌ర్ డంపింగ్ యార్డుకు  త‌ర‌లిస్తున్నారు.  2005 త‌రువాత నుంచి హైద‌రాబాద్‌లోని చెత్తను కూడా ఇక్కడికే తెచ్చిపోస్తున్నారు. దీంతో ఇక్కడ ఒక కోటి 20 ల‌క్షల ట‌న్నుల చెత్త పోగైంది. ఇది 135 ఎక‌రాల్లో గుట్టలు గుట్టలుగా పేరుకుపోయింది. దీన్నుంచి వ‌చ్చిన మురుగుతో చెరువుల‌ు, భూగ‌ర్బ జ‌లాల‌ క‌లుషితం అయ్యాయి. ఇక్కడి నీటిలో జీవులు ఏమాత్రం బత‌క‌లేవంటే ఏ స్థాయిలో కలుషితమైందో అర్థం చేసుకోవ‌చ్చు. ఇప్పటికే ఆరున్నర ల‌క్షల కిలో లీట‌ర్ల లీచ‌ట్ ఉత్పతి అయింది.
చెత్తను శాస్త్రీయ ప‌ద్ధతుల్లో నాశ‌నం చేసే ప్రాజెక్టుకు శ్రీకారం 
టీఆర్‌ఎస్ అధికారంలోకి వచ్చాక.. జవహర్‌ నగర్ యార్డుతో ప్రజలు పడుతున్న ఇబ్బందులు తనకి తెలుసని సీఎం కేసీఆర్‌   చెప్పారు. వారి సమస్యలను తొలగించేందుకు చర్యలు తీసుకుంటామన్నారు. అన్నట్లుగానే.. అందుకోసం చెత్తను శాస్త్రీయ ప‌ద్ధతుల్లో నాశ‌నం చేసే ప్రాజెక్టుకు శ్రీకారం చుట్టారు. దీన్ని రాంకీ ఎన్వీరో సంస్థకు జీహెచ్ఎంసీ క‌ట్టబెట్టింది.

 

16:18 - July 9, 2018

కరీంనగర్‌ : టీఆర్‌ఎస్‌లో ముసలం ముదురుతోంది. రామగుండం మేయర్‌పై అవిశ్వాసం విషయంలో వెనక్కి తగ్గేది లేదంటున్నారు మెజార్టీ కార్పొరేటర్లు ఒక్కసారి నోటీసు ఇచ్చిన తర్వాత వెనక్కి తీసుకునే ప్రసక్తే లేదని కార్పొరేటర్లు స్ఫష్టం చేశారు. రాజకీయాలకు దూరమన్న సోమారపు వ్యాఖ్యలు ఆయన వ్యక్తిగతమన్నారు.విశ్వాస తీర్మానంలో మేము నెగ్గుతాం, నెగ్గని పక్షంలో రాజీనామా చేస్తాం కార్పొరేటర్లు ధీమా వ్యక్తంచేశారు. 

11:19 - July 7, 2018

హైదరాబాద్ : జీహెచ్ఎంసీలో ప్రశ్నించే కార్మికులకు వేధింపులు కొనసాగుతున్నాయి. జీహెచ్ఎంసీలో అధికారుల దాష్టీకం బయటపడింది. ఇక్కడ ఆర్డర్లీ వ్యవస్థ నడుస్తుండడం కలకలం రేపుతోంది. ఆర్థికంగా..శ్రమ దోపిడి చేస్తున్నారు. ఇటీవలే మంత్రి కేటీఆర్ వార్నింగ్ ఇచ్చినా పరిస్థితిలో ఏ మాత్రం మార్పు రాకపోవడం శోచనీయం.

మల్కాజ్ గిరిలో సూపర్ వైజర్లు బరి తెగిస్తున్నారు. ఎంటమాలజీ కార్మికులతో సూపర్ వైజర్ పనులు చేసుకుంటుండడం గమనార్హం. బల్దియా సిబ్బందితో అధికారులు బట్టలు ఉతికించుకుంటున్నారు. పిల్లల్ని బడికి తీసుకెళ్లేందుకూ బల్దియా సిబ్బందిని ఉపయోగించుకుంటున్నారు. అంతేకుండా స్నేహితుల పనులను అధికారులు చేయిస్తున్నారు. ఇదిలా ఉంటే మరో దోపిడి కూడా ఉంది. పీఎఫ్ డబ్బులూ వదలలేదు. వేతనాలు పడగానే వసూళ్లు ప్రారంభిస్తారు. పై అధికారులకు ఇవ్వాలంటూ వసూళ్లు చేస్తున్నారు. 

17:21 - July 2, 2018

హైదరాబాద్ : జీహెచ్ఎంసీలో ఫుట్ పాత్ లపై అక్రమంగా నిర్మితమయిన నిర్మాణాలను అధికారులు కూల్చివేస్తున్నారు. జీహెచ్ఎంసీ అధికారులు మూడో రోజు సోమవారం కూల్చివేతలను కొనసాగించారు. ఆరు ప్రాంతాల్లో స్పెషల్ డ్రైవ్ కొనసాగుతోంది. శని, ఆదివారాల్లో 2341 అక్రమ నిర్మాణాలను కూల్చివేశారు. కానీ సోమవారం కూకట్ పల్లి, కాచిగూడలో సిబ్బంది, అధికారులు అత్యుత్సాహం ప్రదర్శించారు. వీరివల్ల చిరు వ్యాపారులు తీవ్ర ఇబ్బందులు పడుతున్నారు. వికలాంగ మహిళ నడుపుకుంటున్న టీ స్టాల్ ను కూల్చివేయడంతో ఆమె లబోదిబోమంటోంది. కూకట్ పల్లిలోని ఓ ప్రాంతంలో అక్రమంగా నిర్మాణమైన రెండో అంతస్తు స్టేర్ కేస్ కూల్చివేశారు. దీనితో పైనున్న వారు కిందకు వచ్చేందుకు తీవ్రంగా శ్రమించాల్సి వచ్చింది. మరింత సమాచారం కోసం వీడియో క్లిక్ చేయండి. 

21:42 - June 12, 2018

హైద‌రాబాద్‌ : పనులు జ‌రుగుతున్న తీరుపై మంత్రి కేటిఆర్ ఆగ్రహం వ్యక్తం చేశారు. రోడ్లను ఇష్టానుసారంగా త‌వ్వేస్తూ దిద్దుబాటు చర్యలు తీసుకోవ‌డం లేదని మండిపడ్డారు. నాలాల పూడిక‌తీత‌లో పురోగతి లేకపోవడంతో అసహనం వ్యక్తం చేశారు. వ‌ర్షాకాలంలో వ‌చ్చే ఇబ్బందుల‌ను ఎలా ఎదుర్కోవాల‌నే అంశంపై సమీక్షించిన మంత్రి..

ఇష్టం లేని అధికారులు సెలవుపై వెళ్లిపోవాలని సూచించడం చర్చనీయాంశంగా మారింది.

జీహెచ్ఎంసి అధికారుల‌పై మండిప‌డ్డ మంత్రి కేటీఆర్‌
గ్రేట‌ర్ హైద‌రాబాద్‌లో వ‌ర్షాకాలం ఇబ్బందుల‌ను అధిగ‌మించేందుకు అన్ని విధాలా కృషి చేస్తున్నామ‌ని అధికారులు చెబుతున్నప్పటికీ అందుకు విరుద్ధమైన ప‌రిస్థితులు క‌నిపిస్తున్నాయి. వర్షాకాలంలో నగర పరిస్థితిపై జీహెచ్‌ఎంసీ ప్రధాన కార్యాలయంలో అధికారులతో మంత్రి కేటీఆర్‌ సమీక్షా సమావేశం నిర్వహించారు. వ‌ర్షాకాలంలో చేయాల్సిన ప‌నులు ఇప్పటికీ పూర్తి చేయ‌క‌పోవ‌డంతో అధికారులపై ఆగ్రహం వ్యక్తం చేశారు. ప్రధానంగా నాలాల పూడిక‌తీత ప‌నులు ఇప్పటికీ ఎందుకు పూర్తి కాలేదని అసహనం వ్యక్తం చేశారు. గ‌త ఏడాది వ‌రద‌ల కార‌ణంగా వ‌చ్చిన ఇబ్బందుల‌ను ఇప్పటికీ ప‌రిష్కరించ‌క‌పోవ‌డంపై ఆగ్రహం వ్యక్తం చేసిన కేటీఆర్‌.. ఇష్టం లేని అధికారులు, సిబ్బంది శెల‌వుపై వెళ్ళాల‌ని హెచ్చరించారు.

త‌వ్వకాలు ఎందుకు జ‌రుగుతున్నాయని ప్రశ్నించిన కేటీఆర్‌
మరోవైపు న‌గ‌రంలో రోడ్ల త‌వ్వకాలు ఎందుకు జ‌రుగుతున్నాయంటూ అధికారుల‌ను నిల‌దీశారు కేటిఆర్. న‌గ‌రంలోని రోడ్ల త‌వ్వకాల‌కు సంబంధించి వ‌స్తున్న ఫిర్యాదుల‌కు స‌మాధానం చెప్పాలంటే ఇబ్బందిగా ఉంద‌న్నారు మంత్రి. ఏటా కోట్ల రూపాయలు వెచ్చిస్తున్నా రోడ్ల ప‌రిస్థితి మాత్రం మార‌డం లేదని,... గుంత‌లు ఎందుకు ఉన్నాయంటూ అధికారుల‌ను ప్రశ్నించారు. వ‌ర్షాకాలం నేప‌థ్యంలో పురాత‌న నిర్మాణాల విష‌యంలో జాగ్రత్త వ‌హించాల‌ని.. పురాత‌న‌ భ‌వ‌నాల‌ను త‌క్షణ‌మే కూల్చివేయాల‌ని టౌన్ ప్లానింగ్ అధికారుల‌కు కేటీఆర్‌ ఆదేశించారు.

సమావేశం మధ్యలోనే వెళ్లిపోయిన కేటీఆర్‌
ఇక నాలాల‌పై ఉన్న అక్రమ నిర్మాణాల‌ను తొల‌గించే విష‌యంలో ఎలాంటి వారినైనా వ‌దిలేది లేద‌ని కేటీఆర్‌ హెచ్చరిచారు. మరోవైపు అధికారుల తీరుపై అసహనం వ్యక్తం చేసిన కేటీఆర్‌.. సమావేశం మధ్యలోనే వెళ్లిపోవడం చర్చనీయాంశంగా మారింది.

19:21 - May 31, 2018

హైదరాబాద్‌ : నగరంలో 826 చోట్ల అత్యాధునిక టెక్నాలజీతో నూతన బస్‌షెల్టర్లను నిర్మిస్తున్నామని మున్సిపల్ మంత్రి కేటీఆర్‌ అన్నారు. జీహెచ్‌ఎంసీ ఆధ్వర్యంలో ప్రభుత్వ, ప్రయివేటు భాగస్వామ్యంతో నిర్మిస్తున్న బస్‌షెల్టర్లను కేటీఆర్‌ ప్రారంభించారు. ప్రజా రవాణా వ్యవస్థను వినియోగించుకునే ప్రజలందరికీ ఆధునిక సౌకర్యాలు ఉండాలనే ఉద్దేశ్యంతో ప్రపంచస్థాయి బస్‌షెల్టర్లను నెలకొల్పుతున్నామని కేటీఆర్‌ తెలిపారు. త్వరలో 3 వేల 8 వందల బస్సుల స్థానంలో దశల వారిగా ఎలక్ట్రిక్‌ వెహికిల్స్‌ను ప్రవేశపెడతామని చెప్పారు. హైదరాబాద్‌లో ప్రజా రవాణాను మెరుగు పరుస్తూ.. కాలుష్య రహిత నగరంగా తయారు చేయుటకు ప్రభుత్వ కృషి చేస్తుందని అన్నారు.

18:18 - May 28, 2018

హైదరాబాద్ : జీహెచ్ ఎంసీ ఔట్ సోర్సింగ్ ఉద్యోగుల బదిలీల్లో అక్రమాలు చోటుచేసుకున్నాయి. అవకాశాన్ని ఓ ఉన్నతాధికారి అందిపుచ్చుకున్నారు. తన అనుయాయులకు సముచిత స్థానం కల్పించారు. గిట్టని వారిని దూర ప్రాంతాలకు బదిలీ చేశారు. ర్యాండమైజేషన్ చేశామంటూ బర్త్ ఆండ్ డెత్ విభాగం అధికారి ఉన్నతాధికారులను పక్కదారి పట్టించారు. కమిషనర్ అక్రమ బదిలీలను నిలిపివేశారు. యథాతథ స్థానాల్లో పని చేయ్యాలని ఆదేశాలు జారీ చేశారు. బదిలీలపై పూర్తి విచారణకు ఆదేశించారు. 

 

12:47 - May 14, 2018
15:22 - May 9, 2018

హైదరాబాద్ : హోర్డింగ్‌ల ఏర్పాటు విషయంలో జీహెచ్‌ఎంసీ దనదాహం నగరవాసులకు ప్రాణ సంకటంగా మారింది. యాడ్‌ ఏజెన్నీల లాభపేక్ష పౌరుల ప్రాణాలతో చెలగాటమాడుతతోంది. చిన్న గాలివీచినా  కూలిపోయే హోర్డింగ్‌లతో జనం బెంబేలెత్తున్నారు. ఫ్లెక్సీలు చినిగిపోయి రోడ్లు, విద్యుత్‌ లైన్లపై పడి ప్రమాదకరంగా మారుతున్నాయి. జంటనగరల్లో కొద్దిపాటి గాలికే కుప్పకూలుతున్న హోర్డింగ్‌లపై 10 టీవీ ప్రత్యేక కథనం. 
నాసిరకం హోర్డింగ్‌లు 
జంటనగరాల్లో హోర్డింగ్‌ల ఏర్పాటులో ప్రమాణాలు పాటించడంలేదు. యాడ్‌ ఏజెన్సీలు ఏర్పాటు చేస్తున్న నాసిరకం హోర్డింగ్‌లు ప్రమాదకరంగా మారుతున్నాయి. చిన్న గాలి వీస్తేనే ఒంగిపోతున్నాయి. పెనుగాలుకు కూప్పకూలి జనం మీద పడే ప్రమదకర పరిస్థితులు నెలకొన్నాయి. 
భయపడుతున్న ప్రజలు 
వర్షం వస్తే హోర్డింగ్‌లు ఉన్న ప్రాంతాల్లో నడవాలంటేనే ప్రజలు భయపడుతున్నారు. ఎప్పుడు హోర్డింగ్‌ కూలిపోతుందో తెలియని పరిస్థితి. హోర్డింగ్‌లు పెట్టే ఆర్చ్‌లు మరీ ప్రమాదకరంగా మారి, జనం గుండెల్లో దడ పుట్టిస్తున్నాయి. ఫ్లెక్సీలు చినిగిపోయి కొన్ని సందర్భాల్లో విద్యుత్‌ లైన్లపై పడుతున్నాయి. 
భారీ సంఖ్యలో అధికార, అనధికార హోర్డింగ్‌లు  
జీహెచ్‌ఎంసీ పరిధిలో అధికార, అనధికార హోర్డింగ్‌లు భారీ సంఖ్యలో ఉన్నాయి. బల్దియా అనుమతితో ఏర్పాటు చేసిన హోర్డింగ్‌లు 2,651 ఉన్నాయి. మరో 333 అక్రమ హోర్డింగ్‌లు ఏర్పాటయ్యాయి. వీటిని ఏర్పాటు చేసిన ఏజెన్సీలు ప్రతి ఏటా హోర్డింగ్‌ పటిష్టతపై జీహెచ్‌ఎంసీకి ధృవీకరణ పత్రాలు సమర్పించాలి. వెయ్యి హోర్డింగ్‌లకు  ఫిట్‌నెస్‌ సర్టిఫికెట్లు ఇవ్వలేకపోవడంపై విమర్శులు వెల్లువెత్తుతున్నాయి. ఈ హోర్డింగ్‌ల ద్వారా జీహెచ్‌ఎంసీ అంచనా వేసిన విధంగా ఆదాయం రాకపోవడం లేదని చెబుతున్నారు. హోర్డింగ్‌ల పటిష్టతపై జీహెచ్‌ఎంసీ అధికారులు ప్రత్యేక దృష్టిపెట్టి, ప్రజల ప్రాణాలకు ముప్పువాటిల్లకుండా చూడాలని కోరుతున్నారు. 

 

16:55 - May 8, 2018

హైదరాబాద్‌ : నగరంలో హోర్డింగ్‌లు, ఫ్లెక్సీల ప్రమాదం పొంచిఉందని వాతావరణ శాఖ హెచ్చరికలు జారీ చేసింది. అకాల వర్షాలు, గాలులతో జాగ్రత్తలు తీసుకోవాలని వాతావరణ అధికారులు సూచిస్తున్నారు. చిన్నపాటి గాలులకే హోర్డింగ్‌లు, ఫ్లెక్సీలు కుప్పకూలుతుండటంతో ప్రజల్లో ఆందోళన నెలకొంది. ఫ్లెక్సీలు రోడ్లు, విద్యుత్‌ లైన్లపై పడిపోతుండటంతో ప్రజల్లో ఆందోళన నెలకొంది. హైదరాబాద్‌లో మొత్తం 2,651 హోర్డింగ్స్‌ ఉన్నాయి. వీటిలో 333 హోర్డింగ్‌లు అక్రమంగా ఏర్పాటు చేశారు. జీహెచ్‌ఎంసీ 115 హోర్డింగ్‌లను తొలగించింది. హైదరాబాద్‌ పబ్లిక్‌ను హోర్డింగ్‌లు హడలెత్తిస్తున్నాయి. 

 

Pages

Don't Miss

Subscribe to RSS - GHMC