GHMC

13:50 - December 12, 2017

హైదరాబాద్ : స్వచ్ఛ్ సర్వేక్షణ్‌లో మెరుగైన ర్యాంకింగ్ సాధించ‌డ‌మే ల‌క్ష్యంగా బ‌ల్దియా పావులు వ్యూహాలు రూపొందిస్తోంది.  గ‌తేదాది వ‌చ్చిన ర్యాంకు మెరుగు ప‌రుచుకోవ‌డం కోసం  ప్రయత్నాలు ప్రారంభించింది. పోటీలో మంచి మార్కులు సాధించడానికి తడిపొడి చెత్తను వేరుగా సేకరించాలని డిసైడ్‌ అయింది. దీనికోసం స్వచ్‌దూత్‌లను రంగంలోకి దించడానికి బల్దియా అధికారులు రెడీ అయ్యారు. 
అగ్రస్థానం సాధించేందుకు బ‌ల్దియా అధికారులు స్కెచ్ 
స్వచ్‌ భార‌త్ కార్యక్రమంలో భాగంగా నిర్వహిస్తున్న స్వచ్ స‌ర్వేక్షణ్‌ పోటిలో అగ్రస్థానం సాధించ‌డ‌మే లక్ష్యంగా బ‌ల్దియా అధికారులు స్కెచ్ వేస్తున్నారు. ఈ ఎడాది స్వచ్ స‌ర్వేక్షన్ లో దాదాపు 4వేల ప‌ట్టణాలు,  న‌గ‌రాలు పోటి ప‌డుతున్నాయి. చేత్తను త‌డి పోడిగా వేరు చేయడం,  బహిరంగ మలమూత్ర విసర్జన లేకుండా చూడటం.. సిటి వీధుల‌ను  చెత్తర‌హితంగా చేయడంతోపాటు శానిటేష‌న్  కార్యక్రమాల్లో సాంకేతిక‌తను జోడించాలని అధికారులు నిర్ణయించారు. 
స‌రికొత్త పథ‌కానికి శ్రీకారం 
సిటిలోని ప్రతి ఇంటి నుండి త‌డి, పోడి చెత్త వేరుగా సేక‌రించ‌డం కోసం స‌రికొత్త పథ‌కానికి శ్రీకారం చూట్టింది.  ఇప్పటికే  ఇంటింటికి రెండు బుట్టలు ఇవ్వడంతోపాటు ఇంటింటి నుండి చెత్త సేక‌రించేందుకు  ఆటో రిక్షాల‌ను అందుబాటులోకి తెచ్చింది. అయితే చాలా ఇళ్లనుండి త‌డి పోది  చెత్త వేరుకావ‌డం లేదు. చెత్తంతా క‌లిపి ఒకే బుట్టులో వేస్తున్నారు. దాంతో సిటిలో పంపిణీ చేసిన బుట్టలు, ఆటోలు వృధాగా మారిపోతున్నాయి. దీనికి విరుగుడుగా స్వచ్‌దూత్‌ పేరుతో మహిళా కార్యకర్తలను రంగంలోకి దించుతున్నారు. ఈ స్వచ్చ కార్యకర్తలు త‌మ‌కు కేటాయించిన ప్రాంతాల్లో ప్రతి ఇంటికి వెళ్లి.. తడిపొడి చెత్తను వేరు చేయాల్సిన అవసరాన్ని వివరిస్తారు.  దీనికోసం అందుకోసం ప్రత్యేక శిక్షణా కార్యక్రమాలు చెప‌ట్టింది బ‌ల్దియా.
స్వచ్‌దూత్‌లకు రూ.10వేల వేతనం 
ఇలా నియామకం అయిన ప్రతి స్వచ్ దూత్ కు నెలకు  10వేల గౌర‌వ వేత‌నం ఇవ్వనున్నారు. అయితే ఆటో రిక్షాకు పూర్తిస్థాయిలో త‌డి పోడి చెత్తను వేర్వేరుగా ఇచ్చిన చోట మాత్రమే వీరికి మాత్రమే పూర్తిగా డ‌బ్బులు చెల్లిస్తారు. స్వచ్ఛ్ దూత్ లు సామజిక కార్యకర్తలుగా గుర్తించి ముందు ముందు మరెన్నో ప్రభుత్వ కార్యక్రమాలలో భాగస్వామ్యం అయ్యేందుకు కూడా అవ‌కాశం క‌ల్పిస్తామ‌న్నారు బ‌ల్దియా అధికారులు.   
సిటిజన్స్‌ నుంచి ఫీడ్‌బ్యాక్ 
ఈ స్వచ్చ కార్యకర్తలకు మరో పనికూడా అప్పగించనున్నారు. ఆయా ఏరియాల్లో స్వచ్చ కార్యక్రమాల అమలుపై సిటిజన్స్‌ ఏమనుకుంటన్నారో.. ఫీడ్‌బ్యాక్‌ ఇవ్వాల్సి ఉంటుంది. సిటిజన్స్‌ నుంచి మంచి స్పందన రావాలంటే.. లోకల్‌బాడీలు మరింత సమర్థంగా పనిచేయాల్సి ఉంటుంది. ఇలా సిటీలో జరిగే ప్రతి పారిశుద్ధ్యపనిలో స్వచ్‌కార్యకర్తల పర్యవేక్షణ ఉంటే.. సర్వేక్షణ్‌లో మంచి మార్కులు సాధించ వచ్చని జీహెచ్‌ఎంసీ అధికారులు 
అంచనా వేస్తున్నారు. 

13:38 - December 12, 2017

మేడ్చల్ : డంపింగ్‌ యార్డును ఎత్తివేయాలని..అక్రమ పవర్ ప్లాంట్ నిర్మించవద్దని మేడ్చల్ జిల్లా జవహర్‌నగర్‌ డంపింగ్ యార్డు వద్ద ప్రజా సంఘాలు చేపట్టిన మహా ధర్నా ఉద్రిక్తతకు దారి తీసింది. ఉదయం నుంచి సీపీఐ, కాంగ్రెస్, టీడీపీ, వైసీపీ నేతలు ఆందోళన చేస్తున్నారు. డంపింగ్ యార్డు వద్ద భారీగా మోహరించిన పోలీసులు ఆందోళనకారులను బలవంతంగా అరెస్టు చేసి పోలీస్‌స్టేషన్‌కు తరలించారు. 

 

15:51 - December 5, 2017

హైదరాబాద్ : గ్రేటర్‌ హైదరాబాద్‌ మున్సిపల్‌ కార్పొరేషన్‌లో అక్రమాలకు అడ్డూఅదుపూ లేకుండా పోతోంది. కాంట్రాక్టర్లు, కొందరు అవినీతి అధికారులు రూల్స్‌ను బ్రేక్‌ చేస్తూ అందినకాడికి దండుకుంటున్నారు.  15ఏళ్లు నిండిన బల్దియా బండ్లను రోడ్డెక్కనివ్వమంటున్న అధికారులు... ప్రైవేట్‌ వ్యక్తులు ఎలాంటి వెహికిల్స్‌ నడిపించినా పట్టించుకోవడం లేదు. అగ్రిమెంట్‌ను తుంగలోతొక్కి పాత వాహనాలను రోడ్డు ఎక్కిస్తున్నారు. పనిచేయాల్సిన వాహనాలు పనిచేయకపోయినా ఎంచక్కా బిల్లులు మాత్రం పాసైపోతున్నాయి. జీహెచ్‌ఎంసీ చెత్త రవాణాలో కాంట్రాక్టర్లు, అధికారుల కాసులలీలపై 10టీవీ ప్రత్యేక కథనం..

జీహెచ్‌ఎంసీ దేశంలోనే పెద్ద కార్పొరేషన్ల వరసలో ఉన్న లోకల్‌బాడీ. కోటికిపైగా జనాభా ఉన్న సిటీలో ప్రతిరోజు 4వేల టన్నుల చెత్త ఉత్పత్తి అవుతోంది. ఈ చెత్తను నగరంలోని కాలనీలు, బస్తీలు, బల్క్‌ గార్బెజ్‌ పాయింట్ల నుంచి ట్రాన్స్‌ఫర్‌ కేంద్రాలకు, అక్కడి నుంచి జవహర్‌నగర్‌ డంపింగ్‌  కేంద్రానికి తరలించడానికి బల్దియాకు ప్రత్యేక రవాణా విభాగం పనిచేస్తుంది. ఇందుకోసం కోట్లాది రూపాయలు ఖర్చుచేస్తోంది బల్దియా. ఒకటి రెండేళ్ల క్రితం వరకు జీహెచ్‌ఎంసీనే చెత్త రవాణాను చేపట్టేది. ఇందుకోసం 773 వాహనాలు ఉండేవి. వాటి రిపేర్లు, డీజిల్‌ వంటి వ్యవహారాలను తమ పార్కింగ్‌ యార్డుల్లోనే చేసుకునేది బల్దియా.  అయితే వాహనాల నిర్వహణలో పెద్దమొత్తంలో అక్రమాలు వెలుగు చూడడంతోపాటు కార్పొరేషన్‌ వాహనాలు పాతబడిపోవడంతో వాటిలో 290 వాహనాలను తొలగించారు.

తగ్గించిన వాహనాల స్థానంలో కొత్త వాహనాలను బల్దియా అధికారులు కొనుగోలు మాత్రం చేయలేదు.  వాటి స్థానంలో అద్దె వాహనాలను సమకూర్చుకోవడం మొదలుపెట్టారు. తొలగించిన వాహనాల స్థౄనంలో 234 అద్దె వాహనాలను రోడ్డెక్కించారు. వీటిలో 82... 25 టన్నర్ల లారీలు,71 మినీ టిప్పర్లు  , 30 డంపర్‌ ప్లెసర్లు, 29 జేసీబీలు, 15 బాబ్‌కాట్స్‌, ట్రాక్టర్లు, లోడర్లు వంటివి బల్దియా శానిటేషన్‌లో చేరిపోయాయి. వీటి నిర్వహణ కోసం ప్రతినెలా కోట్లాది రూపాయల అద్దెలు చెల్లిస్తోంది.  అద్దె వాహనాల ఏర్పాటు... కొంతమంది అధికారులు, కాంట్రాక్టర్లకు కాసుల వర్షం కురిపిస్తోంది. అగ్రిమెంట్‌ను బుట్టదాఖలు చేసిన ఈ గ్యాంగ్‌ .. తమ ఇష్టానుసారంగా వ్యవహరిస్తోంది. అధికారయంత్రాంగం మామూళ్ల మత్తులో జోగుతూ.... అద్దె వాహనాలకు ఇష్టానుసారంగా బిల్లులు చెల్లింపు చేస్తున్నారు.  ఇమ్లీబన్‌ ట్రాన్స్‌ఫర్‌ కేంద్రంలో అద్దె వాహనాల వివరాలు ఎలా సేకరిస్తున్నారో చూడండి. కేవలం చివరి నాలుగు అంకెలు వేసి వదిలేస్తున్నారు. ఇది బల్దియా నిర్వహిస్తోన్న రికార్డు. దీని ద్వారానే బిల్లులు చెల్లిస్తారంటే పరిస్థితి ఎలా ఉందో అర్థం చేసుకోవచ్చు.

పాతవాహనాల స్థానంలో కొత్త వాహనాలు అద్దెకు ఏర్పాటు చేశామంటున్న అధికారులు.. ఎలాంటి వాహనాలు పనిచేస్తున్నాయి, వాటి కండిషన్‌ ఏంటి అన్నది మాత్రం పట్టించుకోవడం లేదు. జీహెచ్‌ఎంసీ తొలగించిన వాహనాల కంటే కండిషన్‌ మరీ లో ఉన్న వాహనాలతో చెత్త రవాణా చేస్తున్నారని సిబ్బంది చెబుతున్నారు. అద్దె వాహనాలు రోజు ఎంత చెంత తరలిస్తుందో కూడా లెక్కలు లేవు.

జేసీబీలు, అద్దె వాహనాలు పనిచేసినా, చేయకపోయినా పూర్తిస్థాయిలో బిల్లులు మాత్రం చెల్లిస్తున్నారు. రెండు వాహనాలకు బదులు ఒకదానితో పనిచేసినా బిల్లులు మాత్రం మూడింటికి ఇచ్చేస్తున్నారు. కాంట్రాక్టర్లు ఇచ్చే ముడుపులకు ఆశపడి కొందరు అధికారులు బల్దియా ఖజానాకు గండికొడుతున్నారు.  అంతేకాదు...ట్రాన్స్‌పర్‌ కేంద్రాల నుంచి జవహర్‌నగర్‌ డంపింగ్‌ యార్డుకు వెళ్లే దూరాన్ని ఎక్కువ చూపుతూ బిల్లులు నొక్కేస్తున్నారు. కిందిస్తాయి అధికారులు, సిబ్బంది అక్రమాలపై బల్దియా బాస్‌ దృష్టి సారించకపోతే ఖజానా గుళ్లవడం ఖాయం. ఇప్పటికైనా ట్రాన్స్‌పోర్టు విభాగంలో జరుగుఉతన్న అక్రమాలపై  దృష్టి సారించాల్సిన అవసరం ఉంది.

06:34 - November 27, 2017

విజయవాడ : టెక్నాలజీ ద్వారా ప్రజలతో మమేకమయ్యేందుకు ఏపీ ప్రభుత్వం రియల్‌ టైమ్‌ గవర్నెన్స్‌ను అందుబాటులోకి తీసుకొచ్చింది. ముఖ్యమంత్రి నేరుగా క్షేత్ర స్థాయిలో పనిచేస్తున్న అధికారులు, రైతులు, విద్యార్థులతో మాట్లాడే అవకాశం RTGS ద్వారా సాధ్యమవుతుంది. ఈ కేంద్రంలో ఆసియాలోనే అతిపెద్ద 80 అడుగుల వీడియో వాల్‌ ఏర్పాటు చేశారు. అమరావతి సచివాలయంలోని ముఖ్యమంత్రి కార్యాలయంలో రిలయ్‌ టైమ్‌ గవర్నెన్స్ కమాండ్‌ కంట్రోల్‌ రూము ప్రారంభమైంది. ముఖ్యమంత్రి చంద్రబాబు దీనిని లాంచనంగా ప్రారంభించారు. అనంతరం రైతులు, పోలీసులు, ప్రభుత్వ అధికారులతో వీడియో కాన్ఫరెన్స్‌ ద్వారా మాట్లాడారు.

ఆర్‌టీజీఎస్‌ ద్వారా క్షేత్ర స్థాయిలో అమలవుతున్న పథకాలను నేరుగా పరిశీలించొచ్చు. రేషన్‌ షాపులను తనిఖీ చేసే అవకాశం ఉంది. వర్చువల్‌ క్లాస్‌ రూముగా ఉపయోగపడుతుంది. అధికారులు ఏ ప్రాంతంలో ఉన్నా ఫోన్‌లో మాట్లాడే అవకాశం అందుబాటులోకి వచ్చింది. రాష్ట్రంలోని అన్ని ప్రభుత్వ కార్యాలయాలను ఆర్‌టీజీఎస్‌ కమాండ్‌ కంట్రోల్‌ రూముతో అనుసంధానం చేస్తారు. ప్రభుత్వం ఐదు వేల కెమెరాలు ఏర్పాటు చేశారు. త్వరలో మరో 15 వేల కెమెరాలతో ఆర్‌టీజీఎస్‌ను విస్తరిస్తారు. ఆ తర్వాత మరో ఐదు వేల కెమెరాలు జోడిస్తారు. తుపాన్లు సంభవించి, వరదలు వచ్చినప్పడు జరిగిన నష్టాన్ని నేరుగా పరిశీలించి, నష్టాన్ని అంచనావేయడంతోపాటు ప్రజలకు కల్పించాలని పునరావాసంపై తక్షణం ఆదేశాలు ఇవ్వొచ్చు. అవసరమైతే ఆయా ప్రాంతాల్లో డ్రోన్ల సాయంతో తాజా పరిస్థితిని తిలకిస్తూ ఆదేశాలిచ్చే వ్యవస్థ అందుబాటులోకి వచ్చింది. రియల్‌ టైమ్‌ గవర్నెన్స్‌ కమాండ్‌ అండ్‌ కంట్రోల్‌ రూములో బెల్జియం నుంచి తెప్పించిన 80 అడుగుల వీడియో వాల్‌ ఏర్పాటు చేశారు. ఇది ఆసియాలోనే అతిపెద్ద వీడియో కాన్ఫరెన్సింగ్‌ విధానం. నేరాలను అరికట్టడంలో కూడా ఆర్‌టీజీఎస్‌ కీలకంగా మారుతుంది. త్వరలో గ్రామ పంచాయతీలను కూడా ఆర్‌టీజీఎస్‌ కమాండ్‌ కంట్రోల్‌తో అనుసంధానం చేయాలని నిర్ణయించారు.

20:14 - November 26, 2017

గుంటూరు : నవ్యాంధ్ర రాజధాని అమరావతిలో తెలుగుదేశం పార్టీ కేంద్ర కార్యాలయ శంకుస్థాపన కార్యక్రమం అట్టహాసంగా జరిగింది. గుంటూరు జిల్లా మంగళగిరి వద్ద తెల్లవారుజామున 5 గంటల 17 నిమిషాలకు వేదపండితుల మంత్రోచ్ఛారణ మధ్య సీఎం చంద్రబాబు భూమి పూజ చేసి శిలాఫలకాన్ని ఆవిష్కరించారు. అలాగే సీఎం నివాసం పక్కనే నిర్మించిన గ్రీవెన్స్ హాలును కూడా ప్రారంభించారు.తెలుగు వాళ్లు ఎక్కడున్నా వారి సంక్షేమం కోసం టీడీపీ పనిచేస్తుందన్నారు చంద్రబాబు. పార్టీ ఆఫీసు నిర్మాణాన్ని 9 నెలల్లో పూర్తి చేయాలని, ఇందులో ప్రతి ఒక్క కార్యకర్తలు భాగస్వామ్యం కావాలన్నారు. పార్టీ కార్యాలయం అందరికీ అందుబాటులో ఉంటుందని, సొంత ఇంటికి వస్తే ఎంత గౌరవం ఉంటుందో.. పార్టీ కార్యాలయంకు వచ్చిన వారికి అంతే గౌరవం ఇవ్వాలన్నారు. టీడీపీ కార్యాలయంలో నిత్యం భోజన వసతి కల్పించడం ఆనవాయితీగా వస్తోందని, దీని కోసం ఫిక్స్‌డ్ ఫండ్ ఏర్పాటు చేస్తామని చంద్రబాబు పేర్కొన్నారు.

టీడీపీ ఓ స్వచ్ఛంద సంస్థ
అధికారంలో ఉన్నా లేకపోయినా టీడీపీ ఓ స్వచ్ఛంద సంస్థలా పనిచేస్తుందని..పార్టీక్యాడర్‌కు అండగా ఉంటుందని హోంమంత్రి చినరాజప్ప అన్నారు. దేశంలో ఏ పార్టీ ఏర్పాటు చేయని విధంగా కార్యకర్తల సంక్షేమ నిధిని ఏర్పాటు చేసిన ఘనత ఒక్క టీడీపీదే అని మంత్రి నారాలోకేష్‌ అన్నారు. పార్టీ కేంద్ర కార్యాలయం నిర్మాణానికి పలువురు నేతలు విరాళాలు ప్రకటించారు. పార్టీ కార్యాలయాన్ని మొత్తం నాలుగు బ్లాకులుగా నిర్మించనున్నారు. 3.60 ఎకరాల విస్తీర్ణంలో మూడు భవనాలుగా నిర్మిస్తారు. పరిపాలనా భవనాన్ని జీ+4 అంతస్తులతో నిర్మించనుండగా, ఐదో అంతస్తులో పార్టీ జాతీయ అధ్యక్షుడు, జాతీయ కార్యదర్శి కార్యాలయాలు, 4వ అంతస్తులో పార్టీ రాష్ట్ర అధ్యక్షుడు, ప్రధాన కార్యదర్శుల కార్యాలయాలు వుంటాయి. 

20:05 - November 26, 2017

గుంటూరు : టెక్నాలజీ ద్వారా ప్రజలతో మమేకమయ్యేందుకు ఏపీ ప్రభుత్వం రియల్‌ టైమ్‌ గవర్నెన్స్‌ను ప్రారంభించింది. ఇందులో బెల్జియం నుంచి తెప్పించిన 80 అడుగుల వీడియో వాల్‌ ఏర్పాటు చేశారు. ఇది ఆసియాలోనే అతిపెద్ద వీడియో వాల్‌. దీంతో రైతులు, విద్యార్థులు, మహిళలు, ఉద్యోగులతో మాట్లాడొచ్చు. ఎక్కడ నేరం జరిగినా రియల్‌ టైమ్‌ గవర్నెన్స్‌ ద్వారా ఇట్టే పసిగట్టొచ్చు. రాష్ట్ర వ్యాప్తంగా 20 వేల కెమెరాలతో అన్ని జిల్లాలను ఈ కేంద్రంతో అనుసంధానం చేస్తున్నామంటున్నారు.

20:04 - November 26, 2017

గుంటూరు : వెలగపూడి సచివాలయం మొదటి అంతస్తులో ఏర్పాటు చేసిన రియల్ టైం గవర్నెన్స్‌ కమాండ్‌ కంట్రోల్‌ సెంటర్‌ను సీఎం చంద్రబాబునాయుడు ప్రారంభించారు. ఈ కమాండ్‌ కంట్రోల్‌ సెంటర్‌ నుంచి... అధికారులు, ప్రజలతో ఎక్కడి నుంచైనా వీడియోకాన్ఫరెన్స్‌ నిర్వహించే అవకాశం ఉంటుందన్నారు. నూతన సాంకేతిక పరిజ్ఞానంతో కమాండ్‌ కంట్రోల్‌ సెంటర్‌ ను ఏర్పాటు చేయడం జరిగిందని, విపత్తులు, ప్రమాదాల సమయంలో సెంటర్‌ నుంచి పర్యవేక్షించే అవకాశం ఉందన్నారు చంద్రబాబు. 

 

12:11 - November 26, 2017

విజయవాడ : వెలగపూడి సచివాలయంలో మొదటి అంతస్తులో ఏర్పాటు చేసిన రియల్ టైమ్ గవర్నమెంట్ కంట్రోల్ సెంటర్ ను ఏపీ సీఎం చంద్రబాబు నాయుడు ప్రారంభించారు. కమాండ్ కంట్రోల్ సెంటర్ సిస్టం నుండి ప్రజలతో అధికారులు ఎక్కడి నుండైనా వీడియో కాన్ఫరెన్స్ నిర్వహించే అవకాశం ఉందని, నూతన సాంకేతిక పరిజ్ఞానంతో కూడుకున్న కమాండ్ సెంట్రల్ ఏర్పాటు చేయడం జరిగిందని, విపత్తు..ప్రమాదాలు జరిగి సమయంలో ఇక్కడి నుండే పర్యవేక్షించే అవకాశం ఉందన్నారు. 

21:20 - November 21, 2017

హైదరాబాద్ : జీహెచ్ఎంసీ పరిధిలోని పార్లమెంట్‌ నియెజకవర్గాల్లో జరుగుతున్న పలు అభివృద్ధి కార్యక్రమాలను మంత్రి కేటీఆర్‌, హోం మినిస్టర్‌ నాయిని పరిశీలించారు. స్థానిక ఎమ్మోల్యేలతో కలిసి కేటీఆర్‌ నియోజకవర్గాల్లో క్షేత్ర స్థాయిలో పర్యటించారు. ముషిరాబాద్‌, సనత్‌నగర్‌, ఖైరతాబాద్‌, అంబర్‌పేట నియెజకవర్గ ప్రాంతాల్లోని నాలాలు, మార్కెట్లు, కమ్యూనిటీ హాల్స్‌ను పరిశీలించారు. సమస్యల పరిష్కారానికి అన్ని విధాలుగా ప్రభుత్వం కృషి చేస్తోందని మంత్రి కేటీఆర్‌ అన్నారు. చాలా కాలంగా నిలిచిపోయిన పనులను వెంటనే పూర్తిచేయాలని అధికారులను ఆదేశించారు. బన్సీలాల్‌పేట్‌లో ఏర్పాటు చేసిన మల్టీలెవల్‌ కమ్యూనిటీ హాల్‌ను విజిట్‌చేశారు. హుస్సేన్‌ సాగర్‌ సర్‌ప్లస్‌ నాలాను అభివృద్ధి చేయ్యడం.. అందులో కలుస్తున్న పారిశ్రామిక వ్యర్థాలను మల్లించడానికి ప్లాన్‌ చేశామని మంత్రి కేటీఆర్‌ అన్నారు. చిక్కడపల్లిలోని సిటీ సెంట్రల్‌ లైబ్రరీ అభివృద్ధికి రూ. 5 కోట్ల నిధులను విడుదల చేస్తానని మంత్రి కేటీఆర్‌ హామీ ఇచ్చారు. సిటీ సెంట్రల్‌ లైబ్రరీలో కనీస వసతులను ఏర్పాటు చేయడంతో పాటు.. ఆధునీకరించడానికి కృషి చేస్తానని మంత్రి కేటీఆర్‌ అన్నారు.

 

12:56 - November 19, 2017

హైదరాబాద్ : ఘన వ్యర్థాల నిర్వహణకు బల్దియా వినూత్న పద్ధతుల్లో ముందుకు వెళ్తుంది. నగరాన్ని సుందరంగా తీర్చిదిద్దేందుకు కొత్త కొత్త ప్రణాళికలు రూపొందిస్తోంది. తాజాగా అండర్‌ గ్రౌండ్‌ డస్ట్‌ బిన్స్‌ ఏర్పాటు చేయడానికి సిద్ధమవుతుంది.
చెత్త నిర్వహణపై బల్దియా కొత్త ప్రయోగాలు 
హైదరాబాద్‌లో చెత్త నిర్వహణపై బల్దియా కొత్త కొత్త ప్రయోగాలు చేస్తోంది. ఇప్పటికే ఇంటింటికీ చెత్త బుట్టలు పంపిణీ చేయడంతో పాటు.. ప్రతి ఇంటి నుంచి చెత్త సేకరించేందుకు ఆటో టిప్పర్లను వినియోగిస్తోంది. ఇప్పుడు భూగర్భంలో  డస్ట్ బిన్‌లను ఏర్పాటు చేయడం ద్వారా మరో వినూత్న విధానాన్ని ఇంట్రడ్యూస్‌ చేయడానికి సిద్ధమైంది.  
రోడ్లపై డస్ట్‌ బిన్‌ల విధానానికి స్వస్తీ
రోడ్లపైనే డస్ట్‌ బిన్‌లు ఉండే  విధానానికి బల్దియా స్వస్తి చెప్పనుంది. అండర్‌ గ్రౌండ్‌లో డస్ట్‌ బిన్‌లు ఏర్పాటుకు జీహెచ్‌ఎంసీ స్టాండింగ్‌ కౌన్సిల్‌ ఆమోదం తెలిపింది. ఈ విధానంలో ఒకటిన్నర టన్నుల సామర్థ్యం గల డస్ట్‌ బిన్‌లను భూమిలో గొయ్యి తీసి అమరుస్తారు. ఉపరితలంపైకి కనిపించేలా అందమైన ఆకృతుల్లో రూపొందించిన  పెద్ద గొట్టాలను బయటికి ఏర్పాటు చేస్తారు. ఈ అండర్‌ గ్రౌండ్‌ డస్ట్‌ బిన్‌లో చెత్త నిండిపోయిన విషయం కూడా ఆటోమేటిక్‌గా తెలుస్తోంది. చెత్త నిండిన వెంటనే గార్బెజ్‌ కలెక్షన్‌ వాహనాలు అండర్ గ్రౌండ్‌ డస్ట్‌ బిన్‌లను ఖాళీ చేయడం లేదా వాటిని పూర్తిగా ట్రాన్స్‌ఫర్‌ కేంద్రానికి తీసుకెళ్లి అదే స్థానంలో మరో బిన్‌ ఏర్పాటు చేయడం జరుగుతుంది.  
కార్పొరేట్‌ సామాజిక బాధ్యత నిధులతో డస్ట్‌ బిన్‌ల ఏర్పాటు
తొలుత జూబ్లీహిల్స్‌, ఖైరతాబాద్‌ సర్కిళ్లలో.. చార్మినార్‌, జూపార్క్‌ల వద్ద  ఈ డస్ట్‌ బిన్‌లను పెట్టేందుకు అధికారులు ప్లాన్‌ చేస్తున్నారు. కార్పొరేట్‌ సామాజిక బాధ్యత నిధులతో ఈ డస్ట్‌ బిన్‌లను ఏర్పాటు చేయనున్నారు. అండర్‌ గ్రౌండ్స్‌ డస్ట్‌ బిన్స్‌ ఉన్న..  అక్కడి పరిసరాలు పరిశుభ్రంగా ఉంటాయని.. నగర బ్యూటిఫికేషన్‌ కూడా దెబ్బతినకుండా  ఉంటుందని అధికారులు భావిస్తున్నారు. 

 

Pages

Don't Miss

Subscribe to RSS - GHMC