GHMC commissioner

11:23 - November 12, 2017
08:19 - October 30, 2017

హైదరాబాద్ : జీహెచ్ఎంసీలో అక్రమాలు రోజురోజుకు పెరిగిపోతున్నాయి. ఎంటమాలజీ విభాగంలో వెలుగుచూసిన అక్రమాలు మరువక ముందే.. మరో స్కామ్ వెలుగుచూసింది. ఎంటమాలజీ విభాగంలోని అధికారుల అవినీతి, వారి నిర్లక్ష్యం...తెలుసుకోవాలంటే చదవండి..హైదరాబాద్‌ నగరంలో ఓ వైపు మూసీనది, వందలాది చెరువులు.. మరోవైపు నాళాలు భరించలేనంత మురికిగా మారిపోయాయి. ఇవి దోమల పెరుగుదలకు ప్రధాన కేంద్రంగా మారాయి. సిటీలో దోమల నివారణకు జీహెచ్‌ఎంసీలో ఎంటమాలజీ విభాగం పని చేస్తోంది. ఉన్నతాధికారులతో పాటు రెండు వేల మందికి పైగా సిబ్బంది దోమల ఉత్పత్తిని నివారించడానికి పని చేస్తున్నారు. ఇందుకోసం ప్రతీ యేటా బల్దియా కోట్ల బడ్జెట్‌ను ఖర్చు చేస్తోంది.

ఇదంతా బాగానే ఉన్నా కొంతమంది అధికారుల అవినీతి వల్ల దోమల నివారణ జరగడం లేదు. దీంతో నగరంలో దోమలు విజృంభిస్తున్నాయి. ప్రజలు మలేరియా, డెంగీలాంటి ప్రమాదకరమైన రోగాల బారిన పడుతున్నారు. అయితే దోమల నివారణ విభాగాన్ని సక్రమంగా నడిపించాల్సిన సీనియర్ ఎంటమాలజిస్టులు... ఇంతవరకు ఉద్యోగాలను అమ్ముకోవటం మొదలు అందివచ్చిన అన్ని అక్రమాలు చేస్తున్నారు. నార్త్‌ జోన్‌లో ఉద్యోగాలను అమ్ముకుంటూ సీనియర్ విజయ్‌కుమార్‌ అడ్డంగా దొరికిపోయారు.

ఇక సౌత్ జోన్‌లో మలేరియా విభాగంలో ఒక్కొక్కరి పనులు ఒక్కోలా ఉన్నాయి. దోమల నివారణకు చేసే ఫాగింగ్ చేయకుండానే చేసినట్లుగా రికార్డుల్లో చూపుతున్నారు. పార్కింగ్ చేసిన తరువాత స్థానికుల నుండి సంతకాలు, ఫోన్‌నంబర్లు సేకరించాల్సి ఉంటుంది. కానీ ఇక్కడ మీరు చూస్తున్న ఈ బుక్‌లో సంతకాలు కానీ ఫోన్‌ నంబర్లు కానీ కనిపించవు. వర్షాకాలంలో కూడా ఫాగింగ్ జరిగినట్లు ఎలా బిల్లులు పెట్టారంటే తెల్ల మొహమేస్తున్నారు.


ఇక ఫాగింగ్ మిషన్లకు ఉపయోగించే డీజిల్ విషయంలో అధికారుల చేతివాటం మామూలుగా లేదు. ప్రతీ రోజు వందలాది లీటర్ల డీజిల్ తీసుకుంటూ ఫాగింగ్ చేయడంలో అలసత్వం చూపిస్తున్నారు. సెలవులు, వర్షం పడుతున్న రోజుల్లో కూడా పని చేసినట్లుగా డీజిల్, మందులు నొక్కేస్తున్నారు. మరో ఆసక్తికరమైన విషయమేంటంటే రోజూ రిజిస్టర్‌లో చేయాల్సిన సంతకాలు కూడా చేయడం లేదు. రెండు నెలలుగా సంతకం చేయని అధికారిని మీరే సంతకం చేయకపోతే ఎలా అని ప్రశ్నిస్తే సౌత్ జోన్‌ సీనియర్‌ ఎంటమాలజిస్ట్ శ్రీనివాస్‌ ఏం మాట్లాడుతున్నాడో వీడియోలో చూడండి. బల్దియాలో ఇన్ని అక్రమాలు జరుగుతున్నా... ఉన్నతాధికారులు మాత్రం ఇంతవరకు వీటిపై దృష్టిపెట్టక పోవడం విశేషం. 

12:00 - October 28, 2017

హైదరాబాద్ : జీహెచ్ఎంసీ ఎట్టకేలకు మేల్కొంది. నగరంలో నాలాల విస్తరణకు శ్రీకారం చుట్టింది. నాలాల అక్రమ కట్టడాలపై దృష్టి సారించి వాటిని కూల్చివేయడానికి రంగం సిద్ధం చేసింది. శనివారం అక్రమ కట్టడాలను మున్సిపల్ సిబ్బంది కూల్చివేస్తోంది. ఇప్పటికే నోటీసులు జారీ చేసిన జీహెచ్ఎంసీ నాలాలపై కీలకంగా ఉన్న క్రిటికల్ బాటిల్ నెక్ లను అధికారులు తొలగించే పనిలో పడ్డారు. మరింత సమాచారం కోసం వీడియో క్లిక్ చేయండి. 

13:40 - October 24, 2017

హైదరాబాద్ : రోడ్డు రిపేరు నుంచి ప్రాజెక్టు నిర్మాణం వరకు, కమ్యూనిటీ హాల్‌ నుంచి అధునాతన స్పోర్ట్స్‌ కాంప్లెక్స్‌ వరకు... పలు నిర్మాణాలు చేపడుతుంది జీహెచ్‌ఎంసీ. ఇందుకోసం వేలాది కోట్ల రూపాయలను ఖర్చు చేస్తుంది. ఇంత భారీ మొత్తం వెచ్చించి చేపట్టిన పనుల్లో నాణ్యతను మాత్రం బల్దియా పట్టించుకోవడం లేదు. కొత్తగా వేసిన రోడ్డు... నాలుగు రోజులు వర్షంపడితే చాలు.. పూర్తిగా కొట్టుకుపోతుంది. రెండేళ్ల క్రితం నిర్మించిన నిర్మాణాల గోడలు పెచ్చులూడుతున్నాయి. చిన్నచిన్న పనుల నుంచి భారీ ప్రాజెక్టుల వరకు బల్దియా చేస్తున్న పనుల్లో నాణ్యత లోపించిందన్న ఆరోపణలు నిత్యం వినిస్తున్నాయి.

క్వాలిటీ కంట్రోల్‌ సెల్
జీహెచ్‌ఎంసీ చేపట్టే ప్రతిపని సక్రమంగా జరుగుతుందా... అందులో వినియోగించే మెటీరియల్‌ నాణ్యత కలిగినదేనా అనే అంశాలను పరిశీలించేందుకు ప్రత్యేకంగా క్వాలిటీ కంట్రోల్‌ సెల్ ఉంది. ఇది సక్రమంగా పనిచేయకపోవడం, కాంట్రాక్టర్లకు అనుకూలంగా వ్యవహరిస్తోందన్న ఆరోపణలు రావడంతో థర్డ్‌పార్టీ చెకింగ్‌ కోసం స్వతంత్ర సంస్థలను నియమించారు. అయినా పనులు క్వాలిటీగా చేయించడంలో మాత్రం ఆశించిన ఫలితాలు రాలేదు.ప్రణాళికలను సిద్ధం చేస్తోంది. క్వాలిటీ రెస్పాన్స్‌బుల్‌ పర్సన్స్‌గా జోన్‌స్థాయిలో ఉండే సూపరింటెండెంట్‌ ఇంజనీర్ల ఇక నుంచి దీనికి బాధ్యులుగా ఉంటారు. వీరు చెప్పినచోటే శాంఫిల్స్‌ సేకరించి... దాని నాణ్యతను పరిశీలించి థర్డ్‌పార్టీ ఏజెన్సీ రిపోర్టు ఎగ్జిక్యూటివ్‌ ఇంజనీర్‌, సూపరింటెండెంట్‌ ఇంజనీర్‌కు ఇవ్వాల్సి ఉంటుంది. నాణ్యతలో ఏమైనా తేడా ఉంటే ఎవరో ఒకరైనా ఆ పనులకు చెక్‌పెట్టేందుకు వీలవుతుందని ఈ మార్పులు చేసినట్టు ఉన్నతాధికారులు చెప్తున్నారు.చట్టాల్లో ఎన్ని నిబంధనలు ఉన్నా వాటిని అమలు చెయ్యాల్సిన వ్యవస్థ సక్రమంగా ఉన్నప్పుడే మాత్రమే అది సత్ఫలితాలను ఇస్తుంది. మరి ఈసారైన బల్దియా చేపట్టే పనుల్లో మార్పు వస్తుందా... లేదా అనేది తెలియాలంటే కొన్నాళ్లు వేచిచూడాల్సిందే.

07:20 - October 21, 2017

హైదరాబాద్ : జీహెచ్ఎంసీలో ఫోర్జరీ బాగోతం బయటపడింది. ట్రాన్స్‌పోర్ట్ విభాగంలో ఫోర్జరీ సంతకాలతో బిల్లుల మింగిన వైనంపై కమిషనర్‌ జనార్దన్‌రెడ్డి విచారణకు ఆదేశించారు. విజిలెన్స్‌ విచారణకు ఆదేశించడంతో పాతబిల్లులను సరిచూసేపనిలో అధికారులు బిజీఅయ్యారు. మలక్‌పేట పార్కింగ్ యార్డుదగ్గర కార్మిక సంఘాల నేతలు అధికారులను నిలదీశారు.

18:04 - October 19, 2017

హైదరాబాద్ : ఎన్నికలు ఏవైనా ఓట‌ర్ల జాబితా రూపొందించడమంటే అధికారులకు కత్తిమీద సామే. ఏటా మార్పులు చేర్పుల ప్రక్రియ పటిష్టంగా నిర్వహించాల్సి ఉంటుంది. ఇక ఓట్లు గల్లంతయితే వివాదస్పదమవుతోంది. విపక్షాలు విరుచుకుపడతాయి. దీంతో ఓటర్ల జాబితా తయారుచేయడం అధికారులకు సవాల్‌గా మారుతోంది. దీంతో ఈ సమస్యలకు ఆధునిక సాంకేతికతో చెక్‌పెట్టేందుకు బల్దియా అధికారులు కసరత్తు చేస్తున్నారు. ఐదేళ్లకు చేయాల్సిన స‌మ‌గ్ర ఓట‌ర్ జాబితా తొలిసారి గ్రేట‌ర్ ప‌రిదిలో ఆన్‌లైన్‌లో రూపొందిస్తున్నారు. ఎలాంటి లోపాలు లేకుండా అర్హులైన వారికి ఓటు హక్కు క‌ల్పించ‌డ‌మే ల‌క్ష్యంగా ముందుకెళ్తున్నారు. హైద‌రాబాద్ మహానగరంలో 41.32 ల‌క్షల ఓట‌ర్లు ఉన్నారు. 3879 పోలింగ్ కేంద్రాలు ఉన్నాయి. ఓట‌ర్ల సంఖ్య ఆధారంగా ముందుగానే ప్రాంతాలను విభజించారు.

రాజ‌కీయ పార్టీల నేత‌ల‌తో క‌మిష‌న‌ర్ సమావేశం
ప్రతి బిఎల్‌ఒకు ప్రత్యేక ట్యాబ్‌ను స‌మ‌కుర్చారు. ఇప్పటి వర‌కు హైద‌రాబాద్ జిల్లా ప‌రిధిలో 40 లక్షల 17 వేల 951 ఓట‌ర్లు ఎన్యూమ‌రేట్ చేశారు. వీటిలో కొత్తగా 20 లక్షల 4 వేల 90 మంది ఓటర్లు నమోదు కాగా.. చిరునామా మారిన వారు 14 లక్షల 95 వేల 808 మంది ఉన్నారు. అదే అడ్రస్‌లో ఉన్న వారు 17 వేల 64 వేల 77 మంది ఓట‌ర్లు ఉన్నారు. జూబ్లీహిల్స్ నియోజ‌కవ‌ర్గంలో అత్యధికంగా 81 వేలు..,గోషామ‌హ‌ల్‌లో 79వేలు..., ఖైర‌తాబాద్‌లో 58వేలు, కంటొన్మెంట్‌లో 55వేలు, అంబ‌ర్ పేట్‌లో 54వేలు, స‌న‌త్ న‌గ‌ర్‌లో 51వేల ఓట్లును తొలగించనున్నారు. బల్దియా చర్యలపై పలు పార్టీల నేతలు హర్షం వ్యక్తం చేస్తున్నారు. జిహెచ్ఎంసి ప్రధాన కార్యాల‌యంలో రాజ‌కీయ పార్టీల నేత‌ల‌తో క‌మిష‌న‌ర్ సమావేశమయ్యారు. క్షేత్రస్థాయిలో జ‌రుగుతున్న ఎన్నికల జాబితా ప‌నితీరును వివ‌రించారు. త్వరలోనే స‌మ‌గ్ర ఓట‌ర్ జాబితాను ప్రక‌టిస్తామ‌న్నారు. గ్రేటర్‌లో ఎన్నికల జాబితాను ఆన్‌లైన్‌లో రూపొందించడం పట్ల హర్షాతిరేకాలు వ్యక్తమవుతున్నాయి. 

18:56 - October 12, 2017

హైదరాబాద్ : ప్లాస్టిక్‌ నియంత్రణను బల్దియా మరోసారి తెరపైకి తీసుకొచ్చింది. 50 మైక్రాన్ల కన్నా తక్కువ మందం ఉన్న ప్లాస్టిక్ ఉత్పత్తులను బ్యాన్‌ చేయాలని జీహెచ్‌ఎంసీ నిర్ణయించింది. అనుకున్న వెంటనే ఉత్పత్తి కేంద్రాలపై.. షాపులపై దాడులు చేస్తోంది. ఇంతవరకూ బాగానే ఉంది కానీ అప్పుడప్పుడు హడావిడి చేసి.. తరువాత తమకు పట్టనట్లుగా జీహెచ్‌ఎంసీ వ్యవహరించడంపై విమర్శలు వెల్లువెత్తుతున్నాయి.
పెరిగిపోతున్న ప్లాస్టిక్‌ వినియోగం 
భాగ్యనగరంలో ప్లాస్టిక్‌ వినియోగం రోజురోజుకీ పెరిగిపోతోంది. ఏ చిన్న వస్తువు కొన్నా.. దానిని తీసుకెళ్లేందుకు కవర్‌ కావాల్సిందే. అది కూరగాయలు, రేషన్‌ సరుకులు, మటన్‌, చికెన్‌లే కాదు, టిఫిన్‌, టీ,కాఫీ లాంటి ద్రవపరార్థాలకూ పాలిథిన్‌ కవర్లను వాడుతున్నారు. ప్లాస్టిక్‌ వస్తువులు, పాలిథిన్‌ కవర్లు లేకుండా మనుషులు కొన్ని గంటలు కూడా ఉండలేనంతగా వాటి వినియోగం పెరిగింది. అయితే ఇది హైదరాబాద్‌లాంటి నగరాల్లో మరీ ఎక్కువైంది. 2016 సాలీడ్ వేస్ట్‌ రూల్స్‌ ప్రకారం 50 మైక్రాన్ల కంటే ఎక్కువ మందం ఉన్న కవర్లు మాత్రమే ఉపయోగించాలి. 
దేశంలో రోజుకి 15,342 టన్నుల ప్లాస్టిక్‌ ఉత్పత్తి 
సెంట్రల్ పొల్యూషన్‌ కంట్రోల్‌ బోర్డు లెక్కల ప్రకారం.. ప్రతీ రోజు మన దేశంలో 15, 342 టన్నుల ప్లాస్టిక్‌ ఉత్పత్తి అవుతోంది. ఇందులో సగం మాత్రమే రీసైకిల్ అవుతోంటే.. మిగిలినదంతా అలానే వదిలేస్తున్నారు. ప్లాస్టిక్‌ వ్యర్థాలు భూమిలో కలిసిపోవడానికి వందల ఏళ్లు పడుతుంది. అయితే ఏడాదికి ఒక వ్యక్తి పాలిథిన్‌ కవర్ల వినియోగం 8 నుంచి 10 కిలోలు ఉంటుందని.. ఈ ఏడాదికి చివరి నాటికి 12 కేజీలకు పెరుగుతుందని అంచనా వేస్తున్నారు. వర్షాలొచ్చినప్పుడు నాలాలు పొంగిపొర్లడానికి ప్రధాన కారణం పాలిథిన్‌ కవర్లేనని అధికారులంటున్నారు. దాదాపు 2,000 దుకాణాలను తనిఖీలు చేసిన అధికారులు.. 14 లక్షల ఫైన్ విధించారు. 
చిత్తశుద్ధితో పని చేయడం లేదనే ఆరోపణలు 
కార్పొరేషన్‌ ఈ సమస్యపై చిత్తశుద్ధితో పని చేయడం లేదనే ఆరోపణలున్నాయి. 2009 నుండి వచ్చిన కమిషనర్లు, మేయర్లు సిటీలో ప్లాస్టిక్‌ను నిరోధించడం తమ మొదటి లక్ష్యమని ప్రకటించారు. కానీ దానిని పూర్తి స్థాయిలో అరికట్టడం, ప్రమాణాలకు అనుగుణంగా వాడేలా చూడటంలో మాత్రం పూర్తిగా విఫలమయ్యారు. అప్పుడప్పుడు సామాన్యులపై పడి ఫైన్‌లు వసూలు చేస్తున్నారు. అసలు కవర్లను ఉత్పత్తి చేస్తున్న సంస్థలను పట్టించుకోకుండా వాటిని ఉపయోగిస్తున్న చిరు వ్యాపారులపై అధికారులు జులుం ప్రదర్శిస్తున్నారనే ఆరోపణలున్నాయి.  
ప్లాస్టిక్‌ను బ్యాన్‌ చేయాలని రిపోర్టు 
గతంలో ప్రభుత్వం స్వచ్ఛ హైదరాబాద్‌ కార్యక్రమాన్ని చేపట్టింది. ఇందులో ప్లాస్టిక్‌ ముఖ్యమైన సమస్యగా గుర్తించిన స్వచ్ఛ కమిటీ.. దానిని బ్యాన్‌ చేయాలని రిపోర్టు ఇచ్చింది. అప్పుడే నగరం, నాలాలు, డ్రైన్లు శుభ్రంగా ఉంటాయని చెప్పింది. అయినా అది ఆచరణలో మాత్రం సాధ్యం కావడం లేదు. 

 

11:02 - October 11, 2017

హైదరాబాద్ : నగరాన్ని వాన వదలడంలేదు. వర్షపు నీరు ఎక్కడికక్కడ నిలిచిపోవడంతో రామంతపూర్ పెవచెరవు నీటితో 10 రోజులుగా కాలనీలు నీటితో మునిగింది. 500 కుటుంబాలు నీటి ముంపుతో అవస్థలు పడుతున్నాయి. జీహెచ్ఎంసీ అధికారులు గత 5రోజులుగా మోటార్ లతో నీటిని తోడుతున్నారు. ఇవాళ ఉదయం 125 హెచ్ పీ మోటార్ తో నీటిని తోడుతున్నారు. పూర్తి వివరాలకు వీడియో చూడండి.

10:09 - October 11, 2017

హైదరాబాద్ : నగరాన్ని వాన వదలడంలేదు. వర్షపు నీరు ఎక్కడికక్కడ నిలిచిపోవడంతో రామంతపూర్ పెవచెరవు నీటితో 10 రోజులుగా కాలనీలు నీటితో మునిగింది. 500 కుటుంబాలు నీటి ముంపుతో అవస్థలు పడుతున్నాయి. జీహెచ్ఎంసీ అధికారులు గత 5రోజులుగా మోటార్ లతో నీటిని తోడుతున్నారు. ఇవాళ ఉదయం 125 హెచ్ పీ మోటార్ తో నీటిని తోడుతున్నారు. పూర్తి వివరాలకు వీడియో చూడండి.

16:46 - October 10, 2017

హైదరాబాద్ : నగరాన్ని భారీ వర్షాలు అతలాకుతలం చేస్తున్నాయి. వర్షం అంటేనే నగరవాసులు బెంబేలెత్తిపోతున్నారు.  రామాంతపూర్ చెరువు నీరు కాలనీల్లోకి చేరుతోంది. పలు కాలనీలు వర్ష పునీటితో నిలిచిపోయాయి. పదిరోజులుగా జనం నానా అవస్థలు పడుతున్నారు. రవీంద్రనగర్ జలదిగ్బంధంలో చిక్కుకుంది. ప్రజలు తీవ్ర ఇబ్బందులు ఎదుర్కొంటున్నారు. మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - GHMC commissioner