government hospital

06:55 - August 12, 2017

హైదరాబాద్ : చావును ఎవరూ తప్పించలేరు. కానీ.. సరైన సమయంలో వైద్యం అందిస్తే కొన్ని ప్రాణాలనైనా కాపాడవచ్చు. ఆపద సమయంలో ప్రభుత్వ ఆస్పత్రులకు వచ్చిన రోగుల విషయంలో వైద్య సిబ్బంది నిర్లక్ష్యం.. మహిళలకు గర్భశోకమే మిగులుస్తోంది. ఎంతో ఆధునిక పరిజ్ఞానం అందుబాటులోకి వచ్చినా చాలా ప్రాంతాల్లో.. సరైన వైద్యం అందక పురిట్లోనే చిన్నారులు, బాలింతలు.. రోగులు మృతి చెందుతున్నారు. ఇలాంటి ఘటనలు నిత్యం ఎక్కడో ఒకచోట వెలుగు చూస్తునే ఉన్నాయి.

నిర్మల్‌ జిల్లా బైంసా మండల కేంద్రంలో అర్ధరాత్రి ఓ గర్భిణీ ప్రసవం కోసం ఆస్పత్రికి వచ్చింది. పురిటినొప్పులతో బాధపడుతున్నా... ఆస్పత్రి సిబ్బంది పట్టించుకోలేదు. నొప్పులు ఎక్కువ కావడంతో నిద్రపోతున్న నర్సులకు కుటుంబ సభ్యులు తెలిపారు. దీంతో ఆగ్రహించిన సిబ్బంది... కుటుంబ సభ్యులపై చిందులు వేస్తూ ఏవో ఇంజక్షన్లు చేశారు. తర్వాత నొప్పులు తగ్గాయి... ఉదయం ఆపరేషన్‌ చేయగా... మృత శిశువుకు జన్మనిచ్చింది. దీంతో ఆగ్రహించిన కుటుంబ సభ్యులు ఆస్పత్రిలో ఆందోళనకు దిగారు. వైద్య సిబ్బంది నిర్లక్ష్యం వల్లే తమ బిడ్డ మృతి చెందాడని కుటుంబ సభ్యులు ఆందోళన చేపట్టారు.

ఇక పెద్దపల్లి జిల్లా మంథనిలో మరో శిశువు మృతి చెందాడు. ప్రసవం కోసం గత మంగళవారం జ్యోతి అనే గర్బిణీ ప్రభుత్వాస్పత్రికి వచ్చింది. సిజేరియన్‌ కోసం అన్ని ఏర్పాట్లు చేశారు. అయితే... అనస్తషీయ రాలేదని ఆపరేషన్‌ను వాయిదా వేశారు. శుక్రవారం రోజున నొప్పులతో మళ్లీ ఆస్పత్రికి రావడంతో... వైద్యులు ఆపరేషన్‌ చేశారు. అయితే.. అప్పటికే ఆలస్యం కావడంతో... ఆ తల్లి మృత శిశువుకు జన్మనిచ్చింది. వైద్యుల నిర్లక్ష్యం వల్లే తమ బిడ్డ మృతి చెందాడని తల్లిదండ్రులు వైద్య సిబ్బందిపై ఆగ్రహం వ్యక్తం చేస్తున్నారు.

మరోవైపు మహబూబ్‌నగర్‌ జిల్లా కేంద్రంలో నవోదయ ఆస్పత్రిలో చికిత్స పొందుతున్న యువతి మృతి చెందింది. గత కొన్ని రోజులుగా అనారోగ్యంతో బాధపడుతున్న యువతిని ఆస్పత్రికి తీసుకువచ్చారు. పరిస్థితి బాగానే ఉందని వైద్యులు తెలిపారు. అయితే... వైద్యులు సరైన వైద్యం అందించకపోవడంతో... యువతి చనిపోయిందని మృతురాలి కుటుంబ సభ్యులు ఆరోపిస్తున్నారు. ఆస్పత్రి ముందు ఆందోళన చేపట్టిన కుటుంబ సభ్యులు... యువతి మృతికి కారణమైన డాక్టర్లను అరెస్ట్‌ చేయాలని డిమాండ్‌ చేశారు. ప్రాణాలు కాపాడుతారని ఎంతో నమ్మకంగా రోగులు ఆస్పత్రికి వస్తే... వైద్యులు, ఆస్పత్రి సిబ్బంది నిర్లక్ష్యం వల్ల ఎంతో విలువైన ప్రాణాలు గాల్లో కలిసిపోతున్నాయి. 

19:01 - August 11, 2017

నిర్మల్ : జిల్లా బైంసా ప్రభుత్వ ఏరియా ఆసుపత్రిలో పసికందు మృతి చెందింది. ఆసుపత్రి సిబ్బంది నిర్లాక్ష్యం వల్లే తమ బిడ్డ చనిపోయిందని కుటుంబ సభ్యులు ఆరోపిస్తున్నారు. రాత్రి నుంచి ఆసుపత్రి సబ్బంది పట్టించుకోలేదని వారు ఆగ్రహం వ్యక్తం చేశారు. మరింత సమాచారం కోసం వీడియో క్లిక్ చేయండి.

16:18 - August 1, 2017

కృష్ణా : విజయవాడ ప్రభుత్వాసుపత్రిలో వైద్య సిబ్బంది నిర్లక్ష్యం మరోసారి బయటపడింది. సిబ్బంది కాసుల కక్కుర్తి ఓ బాలింతరాలిని తీవ్రగాయాల పాలుచేసింది. జూలై 11న తాడిగడపకు చెందిన ప్రియాంక ఆస్పత్రిలో మగశిశువుకు జన్మనిచ్చింది. ఆపరేషన్ సమయంలో కుట్లుసరిగా పడకపోవడంతో...అప్పటినుంచి ఆస్పత్రిలో చికిత్స అందిస్తున్నారు.  బాలింత ప్రియాంకకు ఎనీమా చేసే సమయంలో..అడిగినంత డబ్బుఇవ్వలేదన్న కోపంతో షరీఫా అనే ఆయా యాసిడ్‌ లాంటి ద్రావకం ఇవ్వడం వల్లే కాళ్ళ మీద బొబ్బలు వచ్చాయని బాధితురాలి కుటుంబ సభ్యులు ఆరోపిస్తున్నారు. దీనిపై మరింత సమాచారాన్ని వివరాలను వీడియోలో చూద్దాం...

 

11:19 - July 6, 2017

మృతదేహంతో కాలినడక...అంబులెన్స్ ఇవ్వని ఆసుపత్రి వర్గాలు..డబ్బులు లేక మృతదేహంతో కిలోమీటర్ల మేర నడక..ఇలాంటి పలు ఘటనలు వెలుగు చూసిన సంగతి తెలిసిందే. కానీ పరిస్థితిలో మార్పు రావడం లేదని ఈ ఘటన చూస్తే అర్థమౌతోంది.
డబ్బులు లేక మృతదేహాన్ని మోసుకుంటూ ఏకంగా 5కి.మీటర్ల మేర నడుచుకుంటూ వెళ్లిన ఘటన ఒడిశాలో చోటు చేసుకుంది. సీఎం నవీన్ పట్నాయక్ ప్రాతినిధ్యం వహిస్తున్న జిల్లాలోని గంజాంలో చోటు చేసుకోవడం గమనార్హం. సోరిస్ బిలి గ్రామానికి చెందిన భానుమతి నాయక్ (70) అనారోగ్యంతో ప్రభుత్వ వైద్యశాలలో చికిత్స పొందుతూ కన్నుమూసింది. కానీ మృతదేహాన్ని స్వగ్రామానికి తీసుకెళ్లేందుకు బంధువులు ప్రయత్నించారు. కానీ 108 వాహనం లభించలేదు. ప్రైవేటు వాహనంలో తరలిద్దామన్నా వారిలో అంత డబ్బులు లేకపోయాయి. చివరకు మృతదేహాన్ని ఓ దుప్పటిలో పడుకొబెట్టి..కర్రెల సహాయంతో మోసుకుంటూ 5 కి.మీటర్ల మేర నడుచుకుంటూ వెళ్లారు. వారు మోసుకుంటూ వెళుతున్న దృశ్యాలు సామాజిక మాధ్యమాల్లో వైరల్ అయ్యాయి. ఈ ఘటనపై ప్రతిపక్షాలు దుమ్మెత్తిపోస్తున్నాయి. దీనిపై అక్కడి ప్రభుత్వం ఎలా స్పందిస్తుందో వేచి చూడాలి.
ఒడిశాలోనే కలహండి జిల్లాలో ధనమజ్జి అనే వ్యక్తి భార్య మృతదేహాన్ని పది కిలోమీటర్ల వరకు నడుచుకుంటూ వెళ్లిన ఘటన సంచలనం కలిగించిన సంగతి తెలిసిందే.

11:00 - June 24, 2017

కర్నూలు : జిల్లా ప్రభుత్వ ఆసుపత్రిలో మళ్లి కరెంట్ పోయింది. మాతా శిశుసంరక్షణ విభాగంలో రాత్రంతా కరెంట్ సరఫరా నిలిచిపోవడంతో రోగులు, చిన్నారులు, బాలింతలు తీవ్ర ఇబ్బందులు పడ్డారు. తరచు ఆసుపత్రిలో కరెంటు పోవడం పై మంత్రి కామినేని ఆగ్రహం వ్యక్తం చేశారు. పూర్తి వివరాలకు వీడియో చూడండి.

 

15:34 - June 23, 2017

అనంతపురం : ఎమ్మెల్యే బాలకృష్ణ అనంతపురం జిల్లా... హిందూపురంలో పర్యటించారు.  ఈ సందర్భంగా చిలమత్తూరులో ఆయనకు టీడీపీ శ్రేణులు ఘన స్వాగతం పలికారు. కార్యకర్తల నడుమ  బాలకృష్ణ చిలమత్తూరు నుంచి లేపాక్షి వరకు  బుల్లెట్‌ను నడుపుతూ ర్యాలీగా తరలివచ్చారు. అనంతరం హిందూపురంలో 22 కోట్లతో నిర్మించిన మాతా శిశు వైద్యశాలను మంత్రి కామినేని శ్రీనివాస్‌తో కలసి బాలకృష్ణ ప్రారంభించారు. ఆస్పత్రిలోని సౌకర్యాలను పరిశీలించారు.  

11:28 - June 22, 2017

కర్నూలు : కర్నూలు ప్రభుత్వాసుపత్రిలోని.. ప్రసూతి విభాగంలో విద్యుత్‌ సరఫరా నిలిచిపోయింది. లైన్‌ కట్ అవ్వడంతో 15 గంటలు విద్యుత్ సరఫరా ఆగిపోయింది. దీంతో బాలింతలు, పసిపిల్లలు నానా అవస్థలు పడ్డారు. అయితే అధికారులు విద్యుత్‌ను పునరుద్ధరించారు. జరిగిన ఘటనపై మంత్రి కామినేని అధికారులపై.. ఫైరయ్యారు. 

12:38 - June 3, 2017

భారతదేశంలో ఎన్నో అమానవీయ ఘటనలు చోటు చేసుకుంటున్నాయి. కానీ అధికారులు..ప్రజాప్రతినిధులు ఏమాత్రం స్పందించడం లేదనే విమర్శలు వినిపిస్తున్నాయి. అంబులెన్స్ లేక మృతదేహంతో కిలో మీటర్ల నడక..వీల్ ఛైర్ లేక ఆసుపత్రిలో సమస్యలు..ఇలా ఎన్నో ఘటనలు చేసుకుంటున్న సంగతి తెలిసిందే. రోగుల పట్ల కనీసం కనికరం కూడా చూపడం లేదు. తాజాగా ఓ ఆసుపత్రిలో నడవలేని భర్తను వీల్ ఛైర్ ఇవ్వకపోవడంతో లాక్కెళ్లింది. ఈ వీడియో సోషల్ మాధ్యమాల్లో వైరల్ అవుతోంది. కర్ణాటక శివమొగ్గ నగరంలో మెగ్గాన్స్ ప్రభుత్వాసుపత్రికి గత నెల 25వ తేదీన భర్త అమీర్ సాబ్ తో భార్య పామీదా వచ్చింది. అక్కడ స్కానింగ్ చేయాలని వైద్యులు సూచించారు. తన భర్త నడవలేడని..వీల్ ఛైర్ ఇవ్వాలని పామీదా అభ్యర్థించింది. వీల్ ఛైర్ ఇవ్వకపోవడంతో స్కానింగ్ సెంటర్ వరకు తన భర్తను నేలపైనే లాక్కెళ్లింది. అక్కడున్న వారు ఈ దృశ్యాలను చరవాణిలో బంధించే ప్రయత్నం చేశారు. ఈ విషయం ఉన్నతాధికారులకు తెలిసింది. ఘటనకు బాధ్యులుగా భావించి నలుగురు సిబ్బందిని సస్పెండ్ చేసి చేతులు దులుపుకున్నారు.

13:42 - May 18, 2017

అనంతపురం : జిల్లాలోని డీ హీరేహల్ మండలం తమ్మేపల్లి వద్ద రోడ్డు ప్రమాదం జరిగింది. పెళ్లికి వెళ్లి వస్తూ ట్రాక్టర్ బోల్తా పడింది. ఈ ప్రమాదంలో ముగ్గురు మృతి చెందారు, మరో ఎనిమిది మందికి గాయాలయ్యాయి. గాయపడిన వారిని ఆసుపత్రికి తరిలించారు. ప్రమాదం జరిగినడప్పుడు ట్రాక్టర్ లో 14 మంది ప్రయాణిస్తున్నారు.

 

20:44 - May 17, 2017

Pages

Don't Miss

Subscribe to RSS - government hospital