government hospital

14:56 - July 12, 2018

సంగారెడ్డి : అదో ప్రభుత్వ ఏరియా ఆస్పత్రి. గతేడాది 50 పడకల నుంచి 100 పడకల ఆస్పత్రిగా మార్చారు. కోట్ల రూపాయలు వెచ్చింది అధునాతన వైద్య పరికరాలు సమకూర్చారు. కానీ సరిపడ వైద్యులను ఏర్పాటు చేయడం మరిచారు. దీంతో అన్నీ ఉన్నా అల్లుడినోట్లో శని ఉందన్నట్టూ.. అధునాతన పరికరాలు ఉన్నా... సరిపడ వైద్యులు లేక అవి నిరుపయోగంగా మారాయి. సూదిమందు పుష్కలంగా ఉన్నా.. అవి వేసే డాక్టర్లు లేకపోవడంతో రోగులు ఆందోళన చెందుతున్నారు. సంగారెడ్డి జిల్లా జోగిపేట ప్రభుత్వ ఆస్పత్రిపై 10టీవీ ప్రత్యేక కథనం.. సంగారెడ్డి జిల్లా ఆందోలు మండలం జోగిపేటలోని ప్రభుత్వ ఏరియా ఆస్పత్రి సమస్యలకు నిలయంగా మారింది. రోగుల జబ్బులను నయం చేయాల్సిన ఆస్పత్రికే రోగం చేసింది. ఐదు కోట్ల రూపాయాలతో 50 పడకల నుంచి 100 పడకల ఆస్పత్రిగా ఈ హాస్పిటల్‌ను మార్చారు. ఆందోల్‌ ఎమ్మెల్యే బాబూమోహన్‌.... దీన్ని ప్రారంభించి నేటికి కరెక్ట్‌గా ఏడాది అయ్యింది. వంద పడకల ఆస్పత్రి అయిన ఇక్కడ అన్ని పరికరాలు ఉన్నాయి. అయితే అక్కడ వైద్యులు, స్టాఫ్‌ నర్సుల కొరత తీవ్రంగా ఉంది. దీంతో తమకు వైద్యం అందడం లేదంటూ రోగులు ఆందోళన వ్యక్తం చేస్తున్నారు.

జోగిపేట ప్రభుత్వ ఆస్పత్రి పరిస్థితి పైన పటారం.. లోన లొటారం అన్న చందంగా మారింది. అద్దాల మేడలతో కార్పొరేట్‌ ఆస్పత్రిని తరలించే ఈ ప్రభుత్వ ఆస్పత్రిలో వైద్యుల కొరత రోగులకు శాపంగా మారింది. ఆందోలు, పుల్కల్‌, అల్లదుర్గం, వట్పల్లి మండలాల నుంచి ఇక్కడికి రోగులు వస్తుంటారు. రోజుకు దాదాపు 900 నుంచి వెయ్యి మంది వరకు వైద్యం కోసం ఇక్కడికి వస్తుంటారు. ఇంత పెద్ద ఎత్తున రోగులు వస్తుంటే ఇక్కడ పనిచేస్తోంది కేవలం ముగ్గురు వైద్యులే. వాస్తవానికి ఇక్కడ 32 మంది వైద్యులు ఉండాలి. దీంతో ఇక్కడ పనిచేస్తున్న ముగ్గురిపై భారమంతా పడుతోంది.

ఈ ఆస్పత్రిలో అన్ని సౌకర్యాలు ఉన్నాయి. అధునాతన పరికరాలు సమకూర్చారు. ఫిజియోథెరపి, స్కానింగ్‌తోపాటు ఇతర సౌకర్యాలు ఉన్నాయి. అయితే ఇవేవీ ప్రస్తుతం పనిచేయడం లేదు. ప్రధానంగా గర్భిణీ వైద్య నిపుణులు, పిల్లల డాక్టర్లు లేకపోవడంతో మహిళలు, చిన్నారుల ఇబ్బంది పడుతున్నారు. ఏదైనా ఎమర్జెన్సీ కేసు వస్తే సంగారెడ్డికి తరలిస్తున్నారు. వైద్యుల కొరతతో ఆస్పత్రిలో అధునాతన పరికరాలు ఉన్నా.. అవి నిరుపయోగంగా మారుతున్నాయి. సరిపడ సిబ్బంది లేకపోవడం విలువైన పరికరాలు తుప్పుపడుతున్నాయి. ఇప్పటికైనా ప్రభుత్వ పెద్దలు దృష్టి సారించి జోగిపేట ఏరియా ఆస్పత్రిలో వైద్యుల కొరతను నివారించాలని స్థానికులు కోరుతున్నారు. సరిపడ వైద్యులు, సిబ్బందిని నియమించాలని కోరుతున్నారు.

15:39 - June 29, 2018

కృష్ణా : కృష్ణా జిల్లా ఎ కొండూరు మండలంలో కిడ్నీ వ్యాధితో రోజుకొకరు మృత్యువాత పడుతున్నారు. పరిస్థితి తీవ్ర రూపం దాల్చినా ప్రభుత్వం పట్టించుకోవడంలేదని కిడ్నీ బాధితులు మండిపడుతున్నారు. దీనిపై మరింత సమాచారం కోసం వీడియో క్లిక్ చేయండి.

 

08:16 - June 13, 2018

మంచిర్యాల : కేసీఆర్ కిట్టు వచ్చినప్పటి నుంచి ప్రభుత్వ ఆసుపత్రుల్లో ప్రసవాల సంఖ్య పెరిగిందన్నారు మంత్రి అల్లోల ఇంద్రకరణ్‌రెడ్డి. ప్రభుత్వ ఆసుపత్రిల్లో అన్ని రకాల చికిత్సాలను ఉచితంగా అందించేందుకు సీఎం కేసీఆర్‌ కృషి చేస్తున్నారని తెలిపారు. మంచిర్యాల జిల్లా కేంద్రంలోని ప్రధాన ఆసుపత్రిలో మాతా శిశు నూతన విభాగాన్ని ఇంద్రకరణ్‌రెడ్డి ప్రారంభించారు. మంచిర్యాల జిల్లా ఆస్పత్రిలో సౌకర్యాలు మెరుగుపడ్డాయన్నారు. మంచిర్యాల ఆస్పత్రిని 2 వందల 50 పడకల ఆస్పత్రిగా ఏర్పాటు చేయాడానికి ప్రభుత్వం 20 కోట్ల రూపాయలను కేటాయించిందన్నారు. ఆస్పత్రిలో ఆత్యాధునికి టెక్నాలజీతో డయాలసిస్‌ సెంటర్‌, ఐసీయూ, ఆపరేషన్ థియేటర్‌ను ఏర్పాటు చేయడం జరిగిందని ఇంద్రకరణ్‌రెడ్డి చెప్పారు.

 

21:08 - June 2, 2018
09:34 - May 21, 2018

సంగారెడ్డి : ఓ పక్క ప్రభుత్వం ప్రైవేటు ఆసుపత్రులకు ధీటుగా ప్రభుత్వ ఆసుపత్రులను అభివృద్ధి చేస్తున్నామని పాలకులు అంటుంటే .. వైద్యులు, సిబ్బంది మాత్రం తమ ప్రవర్తన మార్చుకోవడం లేదు. సంగారెడ్డిలోని మాతా శిశు కేంద్రంలో డాక్టర్లు రోగులపట్ల దురుసుగా ప్రవర్తిస్తున్నారు. దీనిపై ఆదివారం రాత్రి వైద్యులకు, పేషెంట్లకు మధ్య ఘర్షణ తలెత్తింది. డెలివరీ కోసం వచ్చిన గర్భిణులపై కూడా వైద్యులు దుర్భాషలాడుతున్నారు. పందుల్ని కంటున్నట్లుగా పిల్లల్ని ఎందుకు కంటున్నారంటు ప్రభుత్వ వైద్యులు మాట్లాడుతున్న తీరు ప్రభుత్వ ఆసుపత్రులలో వైద్యుల, సిబ్బందుల నిర్లక్ష్యానికి అద్దం పడుతున్నాయి. ప్రాణాపాయస్థితిలో ఆసుపత్రులకు వస్తున్న రోగుల పట్ల నిర్లక్ష్యం, అవమానకరంగా మాట్లాడటం ప్రభుత్వ ఆసుపత్రులలో పరిపాటిగా మారిపోతున్నాయి. పేదల కోసం వున్న ప్రభుత్వ ఆసుపత్రులు నిర్లక్ష్య కాసారంగా మారుతున్న వైనం తరచు వినిపిస్తునే, కనిపిస్తునే వుంటున్నాయి. ఈ క్రమంలో సంగారెడ్డి ప్రభుత్వ ఆసుపత్రి వార్తల్లోకొచ్చింది. రోగుల పట్ల వైద్యులు, సిబ్బంది ప్రవర్తిస్తున్న తీరు నిర్లక్ష్యానికి, అహంకారానికి ప్రతీకలా కనిపిస్తోంది. దీంతో రోగులు, వారి బంధువులు ఆవేదన వ్యక్తం చేస్తున్న పరిస్థితి దయనీయంగా మారింది.

19:17 - May 15, 2018

ఉత్తరప్రదేశ్ : నిర్మాణంలో వున్న ఓ ఫ్లై ఓవర్ కుప్పకూలింది. వారణాసిలోని రైల్వే స్టేషన్ సమీపంలో నిర్మాణంలో వున్న ఫ్లై ఓవర్ కూలిపోయింది. ఈ ఘటనలో 12మంది మృతి చెందారు. మృతుల సంఖ్య పెరిగే అవకాశమున్నట్లుగా తెలుస్తోంది. మరో 50మంది తీవ్రంగా గాయాలపాలయ్యారు. శిథిలాల కింద మరికొంతమంది వున్నట్లుగా తెలుస్తోంది. ఈ పరిస్థితిని డిప్యూటీ సీఎం కేశవప్రసాద్ మౌర్య సమీక్షిస్తున్నారు. ఒక్కసారిగా ఫ్లై ఓవర్ కుప్పకూలిపోవటంతో ఆ మార్గంలో వెళుతున్న ప్రజలు తీవ్రంగా భయాందోళనలకు గురయ్యారు. ఫ్లైఓ వర్ కింద వున్న పదుల సంఖ్యలో వున్న వాహనాలపై కూలిపోవటంతో వాహనాలలో వున్న ప్రయాణీకులు కూడా మృతి చెంది వుంటారనే అనుమానాలు వ్యక్తం అవుతున్నాయి. కన్నడ ఎన్నికలు..ప్రభుత్వం ఏర్పాటు విషయంలో బిజీ బిజీగా వున్న బీజేపీ నేతలు ప్రస్తుత ప్రమాదంపై ఎటువంటి స్పందనా లేకపోవటం విమర్శనలకు దారితీస్తోంది. 

13:40 - May 7, 2018

అనంతపురం : ధర్మవరం ఎమ్మెల్యే సూర్యనారాయణ అస్వస్థతకు గురయ్యారు. ధర్మవరంలో చేపట్టిన పది కిలో మీటర్ల సైకిల్ ర్యాలీలో మార్గంమధ్యలోనే వడదెబ్బ తగలడంతో ఎమ్మెల్యే స్పృహ తప్పి పడిపోయారు. కార్యకర్తలు హుటాహుటిన అయన్ను ప్రభుత్వ ఆస్పత్రికి తరలించారు. 

13:26 - April 9, 2018

సూర్యాపేట : జిల్లాలో పెళ్లింట విషాదం నెలకొంది. అర్వపల్లి మండలం కొమ్మల గ్రామంలో పెళ్లిపనులు చేస్తుండగా విద్యుత్‌షాక్‌ తగిలి ఇద్దరు మృతి చెందారు. పెళ్లికొకుడు తండ్రి సత్యనారాయణ, పెళ్లికొడుకు బావ శోభన్‌బాబు అక్కడిక్కడే చనిపోయారు. కుటుంబీకులు కన్నీరుమున్నీరయ్యారు. గ్రామంలో విషాదచాయలు అలుముకున్నాయి. 

 

16:24 - March 25, 2018

నిజామాబాద్ : వేగంగా వచ్చిన ఆటో అదుపుతప్పి రోడ్డు పక్కనే ఉన్న బావిలో పడిపోయిన ఘటన ముప్కాల్ వద్ద చోటుచేసుకుంది. ఈ ఘటనలో ఏడుగురు మృతి చెందారు. మృతుల్లో ముగ్గురు చిన్నారులు కూడా వున్నారు. ప్రమాదం జరిగిన సమయంలో ఆటోల 14 మంది ప్రయాణికులు ఉన్నట్లుగా సమాచారం. సమాచారం అందుకున్న పోలీసులు ఘటనాస్థలికి చేరుకుని సహాయక చర్యలు చేపట్టారు. ఆటో ముప్కాల్ నుంచి మెండోరా వెళ్తుండగా ఈ ప్రమాదం చోటు చేసుకున్నట్లుగా తెలుస్తోంది. 

07:47 - March 19, 2018

కొమరం భీం ఆసిఫాబాద్ : ప్రభుత్వ ఆస్పత్రుల్లో వైద్యం అంటేనే భయపడుతున్న ఈ రోజుల్లో... మారుమూలన ఉన్న ఓ పీహెచ్‌సీ ఎంతో మెరుగైన సేవలందిస్తోంది. నార్మల్‌ డెలివరీలకు కాలం చెల్లిందని అందరూ భావిస్తున్న తరుణంలో... గర్భీణీలందరికీ ప్రసవాలన్నీ నార్మల్‌గానే చేసేందుకు సిబ్బంది ఎంతో ప్రయత్నిస్తున్నారు. గర్భిణీలకు వైద్యం పట్ల అవగాహన కల్పించడంతో పాటు... సరైన సమయంలో సరైన వైద్యం అందించేలా నిత్యం ప్రయత్నిస్తున్నారు. అందుకే ఈ పీహెచ్‌సీకి నీతి అయోగ్‌ గుర్తింపు కూడా లభించింది. దీంతో మరిన్ని నిధులు వచ్చే అవకాశం ఉంది. అంతేకాదు... ప్రధాని మోదీ కూడా ఈ పీహెచ్‌సీని సందర్శించే అవకాశాలున్నాయి.

కుమురం భీం అసిఫాబాద్‌ జిల్లా..కౌటాల మండల కేంద్రంలో ఉన్న ప్రాథమిక ఆరోగ్య కేంద్రం రాష్ట్రంలోని ఇతర వైద్యశాలలకు ఎంతో ఆదర్శంగా నిలుస్తుంది. సర్కారు వైద్యంపై నమ్మకం లేకుండాపోయిన ఈ రోజుల్లో ఈ ఆరోగ్య కేంద్రం చరిత్ర తిరగరాస్తుంది. గడిచిన రెండేళ్లలో వెయ్యి నార్మల్‌ ప్రసవాలు చేసి శబాష్ అనిపించుకుంటుంది. కౌటాల లాంటి మారుమూల ప్రాంతంలోని ఈ పీహెచ్‌సీ డాక్టర్లు గర్బిణిల కోసం ప్రత్యేక శ్రద్ధ పెట్టారు. అందుకే సిజేరియన్లు కాకుండా నార్మల్‌ డెలివరీలు చేస్తూ, డబ్చుతో పాటు బాలింతల ఆరోగ్యాన్ని కాపాడుతున్నారు.

ప్రయివేటు ఆసుపత్రిలకు దీటుగా ఈ పీహెచ్‌సీలో సకల సౌకర్యాలున్నాయి. గర్భిణిలలో అవగాహన కల్పిస్తూ.. నార్మల్‌ డెలివరీలు అయ్యేలా చర్యలు తీసుకుంటున్నారు. దీనికితోడు 102 వాహనాలు... ఐటీడీఏ అంబులెన్స్‌లు బాలింతలను ఇంటినుండి ఆస్పత్రికి,... ఆస్పత్రి నుండి ఇంటికి చేరుస్తూ గ్రామీణుల ఆదరణ పొందుతోంది. తెలంగాణ ప్రభుత్వం గర్బణిలకు అందిస్తున్న పలు సౌకర్యాలు.. కేసీఆర్‌ కిట్‌తో పాటు స్థానిక సిర్పూర్‌ ఎమ్మెల్యే కోనేరు కోనప్ప చారిటబుల్‌ ట్రస్ట్ ద్వారా పౌష్టికాహారం, కిట్లు కూడా ప్రభుత్వం వైద్యంపైన ప్రజలు మొగ్గు చూపేలా చేస్తున్నాయి.

గ్రామాలలో ఆశావర్కర్స్‌, అంగన్‌వాడీ కార్యకర్తలు గర్బిణిలకు ఆరోగ్యం పట్ల, సర్కారు వైద్యం పట్ల అవగాహన కల్పిస్తున్నారు. ప్రతి నెల 9వ తేదీన ఇక్కడి పీహెచ్‌సీలో ప్రత్యేక పరీక్షలు చేసి, వారి ఆరోగ్యానికి కృషి చేయడం వల్ల ఈ ఘనత సాధించినట్టు కౌటాల ఆరోగ్య కేంద్రం వైద్యులు అంటున్నారు.

కౌటాల ప్రాథమిక ఆరోగ్య కేంద్ర సిబ్బంది ప్రజలకు అందిస్తున్న సేవలను నీతి అయోగ్‌ సంస్థ గుర్తించింది. కౌటాల పీహెచ్‌సీకి మరిన్ని సౌకర్యాలు కల్పించాలని నీతి అయోగ్‌ కేంద్ర ప్రభుత్వానికి సిఫార్సు చేసింది. వెనుకబడిన ప్రాంతాలలో ప్రధాన మంత్రి నరేంద్ర మోదీ పర్యటిస్తున్న నేపథ్యంలో ఈ పీహెచ్‌సీలో అందిస్తున్న సేవలను దృష్టిలో ఉంచుకుని ప్రధాని సందర్శిస్తారనే ఊహాగానాలు వినిపిస్తున్నాయి. ఎంతైనా మారుమూల ప్రాంతంలోని చిన్న ప్రాథమిక కేంద్రంలో ప్రజలకు సేవలు అందిస్తున్న సిబ్బందికి హాట్సాప్‌ చెప్పాల్సిందే

Pages

Don't Miss

Subscribe to RSS - government hospital