governor narasimhan

13:23 - July 7, 2018

హైదరాబాద్ : ఏపీ, తెలంగాణ రాష్ర్టాల ఉమ్మడి హైకోర్టు ప్రధాన న్యాయమూర్తిగా.. జస్టిస్‌ టీబీ రాధాకృష్ణన్‌ ప్రమాణ స్వీకారం చేశారు. రాజ్‌భవన్‌లో జస్టిస్‌ రాధాకృష్ణన్‌తో గవర్నర్‌ నరసింహన్‌ ప్రమాణ స్వీకారం చేయించారు. ఛత్తీస్‌గఢ్‌ హైకోర్టు సీజేగా విధులు నిర్వహించిన జస్టిస్‌ రాధాకృష్ణన్‌.. రాజ్యాంగం, సివిల్‌, అడ్మినిస్ట్రేటివ్‌లాలో ప్రావీణ్యులు. 2004 అక్టోబరు 14న కేరళ హైకోర్టు జడ్జిగానూ, కొంత కాలం తాత్కాలిక ప్రధాన న్యాయమూర్తిగానూ బాధ్యతలు నిర్వర్తించారు.  

13:30 - June 15, 2018

ఢిల్లీ : కేంద్ర హోంమంత్రి రాజ్‌నాథ్‌సింగ్‌ను తెలుగు రాష్ర్టాల గవర్నర్‌ నరసింహన్‌ కలిశారు. ఇరు రాష్ర్టాల్లో  పరిస్థితులను హోంమంత్రికి వివరించినట్టు తెలుస్తోంది. సాయంత్రం నాలుగున్నరకు గవర్నర్‌ ప్రధాని మోదీని కలవనున్నారు.

 

15:03 - June 7, 2018

హైదరాబాద్ : ప్రధాని నరేంద్ర మోదీతోపాటు బీజేపీ జాతీయ నేతలపై వ్యక్తిగత దూషణలకు దిగుతున్న టీడీపీ నాయకులపై చర్యలు తీసుకోవాలని బీజేపీ ఏపీ అధ్యక్షుడు కన్నా లక్ష్మీనారాయణ డిమాండ్‌ చేశారు. ఈ మేరకు కన్నా ఆధ్వర్యంలో ఏపీ బీజేపీ నాయకులు రాజ్‌భవన్‌లో గవర్నర్‌ నరసింహన్‌కు కలిసి వినతిపత్రం అందచేశారు. శాంతిభద్రతలను పరిరక్షించాల్సిన పోలీసులు తెలుగుదేశం నాయకులుకు కొమ్ము కాస్తున్నారని ఫిర్యాదు చేశారు. మంత్రి అఖిలప్రియను కేబినెట్‌ నుంచి తొలగించాలని డిమాండ్‌ చేశారు.
 

20:38 - April 26, 2018

తెలుగు రాష్ట్రాల గవర్నర్ నరసింహన్ తీరు వివాదంగా మారింది. గవర్నర్ పై మంత్రులు విమర్శలు చేస్తున్నారు. గవర్నర్ పదవికే కళంకంగా మారారని ఏపీ మంత్రి ఆనంద బాబు విమర్శించారు. ఏపీ విషయంలో పక్షపాత వైఖరితో వ్యవహరిస్తున్నారనీ..ఏపీపై తప్పుడు నివేదికలను కేంద్రానికి అందజేస్తున్నారని ఆనందబాబు విమర్శించారు. అలాగే గవర్నర్ వ్యవస్థకు వ్యతిరేకంగా టీడీపీ పోరాడుతుందని సీఎం చంద్రబాబు కూడా పేర్కొన్న నేపథ్యంలో వివాదాస్పంగా మారింది. ఈ నేపథ్యంలో గవర్నర్ వ్యవస్థ ఎందుకు వివాదాస్పదమయ్యింది? దీనికి కారణాలేమిటి? అనే అంశంపై మాజీ ఎమ్మెల్సీ,ప్రజాశక్తి దిన పత్రిక చీఫ్ జన్ రల్ మేనేజర్ ఎంవీఎస్ శర్మ 

22:19 - April 25, 2018

హైదరాబాద్ : తెలుగు రాష్ట్రాల గవర్నర్‌ నరసింహన్‌ ఢిల్లీ పర్యటన అర్థాంతరంగా ముగిసింది. రెండు రోజుల పర్యటనకు మంగళవారం ఢిల్లీ వచ్చిన నరసింహన్‌.. బుధవారం కేంద్ర హోంమంత్రి రాజ్‌నాథ్‌సింగ్, ప్రధాని మోదీతో భేటీ కావాల్సి ఉంది. అయితే అకస్మాత్తుగా గవర్నర్ తన పర్యటన ముగించుకుని హైదరాబాద్‌ తిరిగి వెళ్లడం రాజకీయవర్గాల్లో చర్చనీయాంశంగా మారింది.

ఏపీ, తెలంగాణ ఉమ్మడి గవర్నర్‌ నరసింహన్‌ ఢిల్లీ పర్యటనలో ఆద్యతం అనూహ్య పరిణామాలు చోటుచేసుకొన్నాయి. మూడు రోజుల పర్యటన కోసం మంగళవారం ఢిల్లీ చేరుకున్న నరసింహన్‌ బుధవారం తన టూర్‌ను అర్థాంతరంగా ముగించుకుని హైదరాబాద్‌ తిరిగి వెళ్లడం రాజకీయంగా పెద్ద చర్చకు తావిస్తోంది. 
  
తెలుగు రాష్ట్రాల్లో నెలకొన్న రాజకీయ, శాంతిభద్రతల పరిస్థితులపై కేంద్రానికి నివేదిక ఇచ్చేందుకు నరసింహన్‌ ఢిల్లీ వచ్చారని ప్రచారం జరిగింది. కొద్దిరోలుజుగా ఏపీ ముఖ్యమంత్రి చంద్రబాబు.. ప్రధాని మోదీపై తీవ్ర స్థాయిలో విమర్శలు చేస్తున్నారు. ఈనెల 20న విజయవాడలో ధర్మ పోరాట దీక్ష నుంచి కేంద్రంపై దూకుడు మరింత పెంచారు.  ఈ పరిణామాల తర్వాత  గవర్నర్‌ నరసింహన్‌ చంద్రబాబును విజయవాడలో కలిసి చర్చించారు. మరోవైపు ఫెడరల్‌ ఫ్రంట్‌ ఏర్పాటుకు ప్రయత్నాలు ప్రారంభించిన తెలంగాణ ముఖ్యమంత్రి కేసీఆర్‌ కూడా నరసింహన్‌తో భేటీ అయ్యారు. 15వ ఆర్థిక సంఘం మార్గదర్శకాలకు వ్యతిరేకంగా ఇటీవల తిరువనంతపురంలో దక్షిణాది  రాష్ట్రాల ఆర్థిక మంత్రుల సమావేశం జరిగింది.  కమిషన్‌కు ఇచ్చిన గైడ్‌ లైన్స్‌తో దక్షిణాది రాష్ట్రాలకు 80 వేల కోట్లకుపైగా నష్టం వాటిల్లే అవకాశం ఉందని అంచనా వేశారు. దీనిపై వచ్చే నెలలో విజయవాడలో ఆర్థిక మంత్రులు మరోసారి భేటీ కానున్నారు. ఈ పరిస్థితులన్నింటిపై కేంద్రానికి నివేదించేందుకు నరసింహన్‌ ఢిల్లీ వచ్చారని ప్రచారం జరిగింది. 

అయితే అకస్మాత్తుగా బుధవారం ఉదయం... గవర్నర్‌ నరసింహన్‌ తన పర్యటనను ముగించుకొని హైదరాబాద్ బయలుదేరి వెళ్లారు. తెలుగు రాష్ట్రాల్లో ప్రస్తుతం నెలకొన్న పరిస్థితుల నేపథ్యంలో కేంద్ర పెద్దలను కలిస్తే తప్పుడు సంకేతాలు వెళ్తాయన్న ఉద్దేశంతోనే ఈ భేటీలు రద్దు చేసుకున్నట్లు  విశ్లేషకులు భావిస్తున్నారు

07:53 - April 25, 2018

గవర్నర్ నరసింహన్ ఢిల్లీలో పర్యటిస్తున్నారు. తెలుగు రాష్ట్రాల్లో పరిస్ధితులను తెలుసుకునేందుకు... కేంద్ర హోంశాఖ గవర్నర్‌ను ఢిల్లీకి రావాలని ఆదేశించింది. ఈ పర్యటనలో ఆయన నిన్న కేంద్ర హోంమంత్రితో సమావేశమై.. ఇరు రాష్ట్రాల్లో తాజా రాజకీయ పరిస్థితులపై నివేదిక అందజేశారు. ప్రధాని, రాష్ట్రపతితో భేటీ అయ్యే అవకాశముంది. ఈ అంశంపై టెన్ టివిలో జరిగిన చర్చా వేదికలో లక్ష్మీనారాయణ (విశ్లేషకులు), లక్ష్మీ పార్వతి (వైసీపీ), శ్రీరాములు (టిడిపి) పాల్గొని అభిప్రాయాలు వ్యక్తం చేశారు. 

19:30 - April 24, 2018
08:05 - April 24, 2018

హైదరాబాద్ : తెలుగు రాష్ట్రాల గవర్నర్‌ నరసింహన్‌కు ఢిల్లీ నుంచి పిలుపు వచ్చింది. దీంతో ఆయన ఇవాళ ఢిల్లీకి బయల్దేరి వెళ్లనున్నారు. ఇవాళ, రేపు ఆయన ఢిల్లీలో పర్యటిస్తారు. ప్రధాని నరేంద్రమోదీ, కేంద్రహోంశాఖ మంత్రి రాజ్‌నాథ్‌సింగ్‌తో నరసింహన్‌ భేటీ అవుతారు.  ఏపీలోని పాలన, రాజకీయ పరిస్థితులపై ఆయన కేంద్రానికి నివేదిక ఇవ్వనున్నట్టు తెలుస్తోంది.  ఈనెల 26న ఆయన హైదరాబాద్‌కు తిరుగుపయనమవుతారు.  కేంద్రంలో, ఇరు రాష్ట్రాల్లో నెలకొన్న పరిణామాల నేపథ్యంలో గవర్నర్‌ పర్యటన ప్రాధాన్యాన్ని సంతరించుకుంది.

22:01 - April 22, 2018

విజయవాడ : గవర్నర్‌ నరసింహన్‌తో సీఎం చంద్రబాబు భేటీ అయ్యారు. విశాఖ పర్యటన ముగించుకున్న గవర్నర్‌ నేరుగా హైదరాబాద్‌ చేరుకోవాల్సి ఉంది. అయితే ఆయన పర్యటనలో మార్పులు చేసి విజయవాడ చేరుకున్నారు. నగరంలోని గేట్‌ వే హోటల్‌లో గవర్నర్‌తో చంద్రబాబు సమావేశమై రాష్ట్రంలో తాజా పరిస్థితులపై చర్చించారు. ప్రత్యేక హోదా సహా రాష్ట్రానికి కేంద్రం ఇచ్చిన హామీలు నెరవేర్చలేదంటూ చంద్రబాబు 20న చేపట్టిన ధర్మపోరాట దీక్ష సహా రాష్ట్రంలో నెలకొన్న కీలక పరిణామాలపై ఇరువురు చర్చించినట్లు సమాచారం.

16:29 - April 9, 2018

విజయవాడ :్ రాష్ట్ర గవర్నర్‌ నరసింహన్‌ కేంద్రానికి ఏజెంట్‌గా పనిచేస్తున్నారని టీడీపీ ఆరోపించింది. కేంద్రం నుంచి రాష్ట్రానికి రావాల్సిన నిధులుపై తప్పుడు నివేదికలు పంపుతూ ఏపీకి అన్యాయం చేస్తున్నారని తెలుగుదేశం నాయకులు మండిపడ్డారు. గవర్నర్‌ అరాచకవాదిగా మారారని టీడీపీ ఎమ్మెల్యే గద్దె రామ్మోహన్‌రావు విమర్శించారు. ఏపీకి ప్రత్యేక హోదా, విభజన చట్టంలోని హామీల అమలు చేయాలన్న డిమాండ్‌తో విజయవాడలో టీడీపీ నాయకులు వినూత్నరీతిలో నిరసన తెలిపారు. ఎన్టీఆర్‌ సర్కిల్‌ వద్ద పేదలకు కోడిగుడ్లు పంపిణీ చేశారు. ఈ సందర్భంగా గద్దె రామ్మోహన్‌రావు... గవర్నర్‌ నరసింహన్‌ వ్యవహార శైలిపై మండిపడ్డారు. 

Pages

Don't Miss

Subscribe to RSS - governor narasimhan