Gujarat Elections

13:01 - January 9, 2018

ఢిల్లీ : తెలుగు రాష్ట్రాలను ఊరిస్తున్న నియోజకవర్గాల పునర్విభజన వ్యవహారం మరోసారి తెరపైకి వచ్చింది. గతంలో తెలుగు రాష్ట్రాల నేతలు పలుమార్లు మొరపెట్టుకున్నా కేంద్రం తన వైఖరిని స్పష్టం చేయలేదు. గుజారత్‌ ఎన్నికల్లో బీజేపీకి అనుకున్నన్ని మోజార్టీ సీట్లు రాకపోవడంతో.. ప్రాంతీయ పార్టీలను చేరదీసుకునే పనిలో ఉన్నట్లు తెలుస్తోంది. దీంతో నియోజకవర్గాల పెంపుపై స్పష్టత ఇచ్చేందుకు సిద్ధమవుతున్నట్లు తెలుస్తోంది.
కీలకంగా మారిన పునర్విభజన వ్యవహారం
రాష్ట్ర విభజన జరిగిన నాటి నుంచి తెలుగు రాష్ట్రాల రాజకీయాల్లో నియోజకవర్గాల పునర్విభజన కీలక వ్యవహారంగా మారింది. పునర్విభజన చట్ట ప్రకారం రెండు రాష్ట్రాల శాసనసభా స్థానాలను పెంచాలన్న వాదన తెరపైకి వచ్చింది. సాంకేతికంగా ఇందుకు సంబంధించి సమస్యలు ఏర్పడడంతో చట్ట సవరణ తప్పదన్న నిర్ణయాన్ని కేంద్ర ప్రభుత్వం వెల్లడించింది. దాదాపు మూడేళ్లుగా ఇరు రాష్ట్రాలు  కేంద్రంపై ఒత్తిడి పెంచుతున్నా.. కేంద్రం పెద్దగా స్పందించ లేదు. గతంలో కేంద్రం పునర్విభజన సాధ్యం కాదని పరోక్షంగా సంకేతాలను ఇచ్చింది.
విభజన చట్టం హామీలను తెరపైకి తెస్తున్న ఎంపీలు
విభజన చట్టంలోని హామీలను తెరపైకి తెస్తున్న ఇరు రాష్ట్రాల ఎంపీలు.. ఇటీవల జరిగిన పార్లమెంట్‌ సమావేశాల్లో కూడా కేంద్రంపై ఒత్తిడి పెంచారు. దీంతో నియోజకవర్గాల పునర్విభజన వ్యవహారం మరోసారి తెరపైకి వచ్చింది. తెలుగు రాష్ట్రాలతో పాటు ఈశాన్య రాష్ట్రాలకు చెందిన అసెంబ్లీ స్థానాలను కూడా పెంచాలన్న ప్రతిపాదనలు ఉన్నాయంటూ ప్రచారం సాగుతోంది. దీంతో తెలుగు రాష్ట్రాలు నియోజకవర్గాల పెంపుపై స్పష్టత నివ్వాలని కేంద్రంపై గులాబీ నేతలతో పాటు టీడీపీ నేతలు కూడా తమ వాదనను బలంగా వినిపించారు. రాజకీయ కారణాలతోనే నియోజకవర్గాల పెంపుకు కేంద్ర ప్రభుత్వం సానుకూలంగా వ్యవహరించడం లేదన్న  ప్రచారం కొనసాగుతోంది. 
గుజరాత్‌ ఎన్నికల్లో దక్కని స్పష్టమైన మెజార్టీ
ఇటీవల జరిగిన గుజరాత్‌ ఎన్నికల్లో కూడా బీజేపీ ఆశించిన స్థాయిలో శాసనసభా స్థానాలు దక్కించుకోకపోవడంతో ప్రాంతీయ పార్టీలకు చేరువయ్యే యత్నాలను కూడా చేస్తోంది. దీంతో తెలుగు రాష్ట్రాల్లో ఆసక్తి కరంగా మారిన నియోజకవర్గాల పునర్విభజన వ్యవహారంపై బీజేపీ.. జనవరి 3వ వారం నాటికి స్పష్టత ఇచ్చే అవకాశం ఉందని అధికార పార్టీ నేతలు అంటున్నారు. బీజేపీ రాజకీయంగా నిర్ణయం తీసుకుంటే ఈ నెలాఖరున మొదలయ్యే బడ్జెట్‌ సమావేశాల్లోనే పునర్విభజనపై పార్లమెంట్‌లో సవరణలకు ఆమోదం దక్కే అవకాశం ఉందన్న ధీమాను  గులాబీ నేతలు వ్యక్తం చేస్తున్నారు.

 

12:01 - January 6, 2018

ముంబై : గుజరాత్ దళిత నేత జిగ్నేష్ మేవాని మోడీ పై విరుచుకు పడ్డారు. మోడీ అంబేద్కర్ వారసుడని చెప్పుకుంటూ దళితులను వేధిస్తున్నారని ఆయన అన్నారు. మహారాష్ట్ర లోని గోరేగావ్ ఘటన వెనక ఉన్న శక్తులను ఎందుకు అరెస్ట్ చేయాలేదని ఆయన ప్రశ్నించారు.

21:51 - December 23, 2017

గుజరాత్ : అసెంబ్లీ ఎన్నికల అనంతరం కాంగ్రెస్‌ అధ్యక్షుడు రాహుల్‌ గాంధీ మరోసారి గుజరాత్‌లో పర్యటిస్తున్నారు. తన పర్యటనలో భాగంగా రాహుల్‌ సోమ్‌నాథ్ ఆలయంలో శివుడికి పూజలు చేశారు. ఉదయం కేశోడ్ విమానాశ్రయం చేరుకున్న తర్వాత ఆయన రోడ్డు మార్గం ద్వారా సోమ్‌నాథ్‌కు వెళ్లారు. రాహుల్ సోమనాథుడికి పట్టువస్ర్తాలను సమర్పించారు. గుజరాత్‌ అసెంబ్లీకి కొత్తగా ఎన్నికైన పార్టీ ఎమ్మెల్యేలతో రాహుల్‌ సమావేశం నిర్వహించనున్నారు. అసెంబ్లీ ఎన్నికల్లో కాంగ్రెస్ పార్టీ 79 స్థానాలు గెలుచుకోవడంతో రాహుల్‌ కార్యకర్తల్లో మానసిక స్థయిర్యాన్ని పెంపొందించేందుకు యత్నిస్తున్నారు. తన పర్యటనకు ముందు రాహుల్‌ బిజెపిని మళ్లీ టార్గెట్‌ చేశారు. బిజెపి అబద్ధాల పార్టీగా ట్వీట్‌ చేశారు.   

 

10:34 - December 22, 2017

ఢిల్లీ : భారత ప్రధాన మంత్రి నరేంద్ర మోడీ క్షమాపణలు చెప్పాల్సిందేనంటూ కాంగ్రెస్ ఎంపీలు డిమాండ్ చేస్తున్నారు. పార్లమెంట్ సమావేశాలు ప్రారంభమైనప్పటి నుండి వారు ఆందోళన చేస్తున్న సంగతి తెలిసిందే. శుక్రవారం నాడు కూడా వారు ఆందోళన చేపట్టనున్నారు. గుజరాత్ ఎన్నికల్లో మాజీ ప్రధాని మన్మోహన్ సింగ్ పై ప్రధాన మంత్రి మోడీ పలు వ్యాఖ్యలు చేసిన సంగతి తెలిసిందే. దేశ భద్రతకు సంబంధించిన అంశాలను ఆయన తెరమీదకు తీసుకొచ్చారు. ఈ వ్యాఖ్యలపై కాంగ్రెస్ సభ్యులు తీవ్ర ఆగ్రహం వ్యక్తం చేస్తున్నారు. వెంటనే మోడీ క్షమాపణలు చెప్పాలని..లేనిపక్షంలో ఒక నోట్ ప్రకటించాలని డిమాండ్ చేశారు. మరి కేంద్ర ప్రభుత్వం..మోడీ ఎలా స్పందిస్తారో చూడాలి. 

22:01 - December 20, 2017

మహబూబ్ నగర్ : జడ్చర్ల జనగర్జన సభలో రేవంత్‌రెడ్డి టీఆర్‌ఎస్‌ ప్రభుత్వంపై విరుచుకుపడ్డారు. పాలమూరు జిల్లాలో కల్వకుర్తి, భీమా, నెట్టెంపాడు ప్రాజెక్టు పనులు ప్రారంభించింది కాంగ్రెస్‌ ప్రభుత్వమేనన్నారు. కాంగ్రెస్‌ 8ఏళ్లలో 8,433 కోట్లు వెచ్చిస్తే.. టీఆర్‌ఎస్‌ 4 ఏళ్లలో 1289 కోట్లు మాత్రమే ఖర్చు చేసిందన్నారు. రాష్ట్రానికి వస్తున్న పెట్టుబడులు, రాబడిని కేసీఆర్‌ కుటుంబం జల్సాలకు వెచ్చిస్తోందని ఆరోపించారు. టీఆర్‌ఎస్‌ పాలమూరు, రంగారెడ్డి ఎత్తిపోతల పథకం ప్రారంభించింది కేవలం దోచుకోవడం కోసమే అని టీపీసీసీ అధ్యక్షుడు ఉత్తమ్‌కుమార్‌ రెడ్డి ధ్వజమెత్తారు. 7 వేల కోట్ల రూపాయల సింగిల్‌ టెండర్‌ను ఆంధ్రా కాంట్రాక్టర్లకు అప్పనంగా కట్టబెట్టారని ఆరోపించారు. దేశంలో ఎక్కడా జరగని అవినీతి కేసీఆర్‌ నాయకత్వంలో జరుగుతుందని విమర్శించారు. 

 

06:30 - December 20, 2017

హైదరాబాద్ : 2019 ఎన్నికలకు టీ కాంగ్రెస్‌ ఇప్పటి నుంచే సమాయాత్తం అవుతోంది. అధికారమే లక్ష్యంగా పావులు కదుపుతోంది. గుజరాత్‌లో రాహుల్‌గాంధీ సంధించిన ఫార్ములాను తెలంగాణలోనూ అమలు చేయాలని నేతలు భావిస్తున్నారు. గుజరాత్‌ ఎన్నికలను తెలంగాణ పాలిటిక్స్‌తో మిక్స్‌ చేస్తూ అధికారం చేజిక్కించుకోవాలని ఆశపడుతున్నారు. గుజరాత్‌ ఎన్నికల ప్రచారం దేశ వ్యాప్తంగా పొలిటికల్‌ హీట్‌ పెంచింది. ఇప్పుడు అక్కడ వచ్చిన ఫలితాలు కూడా వేడి పెంచుతున్నాయి. ప్రధాని మోదీ, అమిత్‌షాల సొంత ఇలాఖా కావడంతో దేశం మొత్తంగా గుజరాత్‌ ఫలితాలపై ఆసక్తికర చర్చ జరుగుతోంది. ఇక తెలంగాణలో అయితే ఇది మరింత జోరు చర్చకు తెరలేపింది. గుజరాత్‌ పాలిటిక్స్‌ను తెలంగాణతో మిక్స్‌ చేసి నేతలు తమదైన శైలిలో విశ్లేషించుకుంటున్నారు.
గుజరాత్‌లో అట్టడుగున ఉన్న కాంగ్రెస్తో రాహుల్‌గాంధీ మోదీకి చెమటలు పట్టించారు. అధికారం దక్కకపోయినా ప్రధానిని కలవరపాటుకు గురిచేశారు. రాహుల్‌ దెబ్బకు ప్రధాని మోదీ, అమిత్‌షా రాష్ట్ర నేతలను తలపిస్తూ ప్రచారాన్ని చేశారని తెలంగాణలోని కాంగ్రెస్‌ నేతలు చెబుతున్నారు. రాహుల్‌ను ఎదుర్కొనేందుకు మోదీ, అమిత్‌షాతోపాటు 182 మంది ప్రముఖులను రంగంలోకి దింపారని.. గుజరాత్‌లో తాము ఓడినా నైతిక విజయం తమదేనని వాదిస్తున్నారు.

గుజరాత్‌లో రాహుల్‌గాంధీ అమలు చేసిన ఫార్ములాను తెలంగాణ పాలిటిక్స్‌కు మిక్స్‌ చేసి కాంగ్రెస్‌ నేతలు మరీ విశ్లేషిస్తున్నారు. అక్కడ హార్థిక్‌పటేల్‌, అల్ఫేష్‌ ఠాకూర్‌, జిగ్నేష్‌ మేవానిలాంటి త్రయం... 2019 ఎన్నికల్లో దర్శనమివ్వబోతోందంటున్నారు. కోదండరాం, మందకృష్ణ మాదిగ, ఆర్‌. కృష్ణయ్యలను తెలంగాణ త్రయంగా పోల్చుతున్నారు. సామాజిక ఉద్యమాలకు పురిటిగడ్డ అయిన తెలంగాణలో ఇప్పటికే కొనసాగుతున్న సంఘాలు, ఉద్యమ నాయకులు కాంగ్రెస్‌తో కలిసి నడుస్తారన్న విశ్వాసాన్ని వారు వ్యక్తం చేస్తున్నారు.

తెలంగాణలో 90శాతం ఓట్లలో టీఆర్‌ఎస్‌ - కాంగ్రెస్‌ మధ్య కేవలం 5శాతమే తేడా ఉందని.. మిగిలిన పది శాతం ఓట్లలో మిగిలిన పార్టీలు ఉన్నాయని హస్తం నేతలు అంచనా గడుతున్నారు. కేసీఆర్‌ను గద్దె దింపాలంటే ఆ మిగిలిన పదిశాతంలో ఉన్నవారు, కాంగ్రెస్‌ వైపు చేరుతారన్న ధీమా వ్యక్తం చేస్తున్నారు. ఇప్పటికే కేసీఆర్‌తో ఢీ అంటే ఢీ అంటున్న టీజేఏసీ చైర్మన్‌ కోదండరాంను హార్థిక్‌పటేల్‌తో పోల్చుతున్నారు కాంగ్రెస్‌ నేతలు. బీసీ, ఎస్సీల ఉద్యమ నేతలుగా ఉన్న ఆర్‌. కృష్ణయ్య, మందకృష్ణ మాదిగ హస్తంపార్టీతో కలిసి నడిచే అవకాశముందని విశ్లేషిస్తున్నారు.

గుజరాత్‌లో ఓడినా ప్రధాని మోదీకి కాంగ్రెస్‌ చుక్కలు చూపించిందని ఖుషీలో ఉన్న టీ కాంగ్రెస్‌ నేతలు.. గుజరాత్‌లో రాహుల్‌గాంధీ అమలు చేసిన ఫార్ములానే తెలంగాణలో అమలు చేస్తామని చెప్తున్నారు. కేసీఆర్‌ను గద్దె దింపేందుకు సర్వశక్తులు ఒడ్డుతామని అంటున్నారు. మరి టీ కాంగ్రెస్‌ నేతల ఆశలు, అంచనాలు, విశ్లేషణలు ఏ మేరకు వర్కవుట్‌ అవుతాయో వేచిచూడాలి.

20:53 - December 16, 2017

ఢిల్లీ : వచ్చే ఎన్నికల్లో ప్రియాంక గాంధీ రాయబరేలి లోక్‌సభ నుంచి పోటీ చేస్తారని మీడియాలో కథనాలు హల్‌ చల్‌ చేశాయి. దీనిపై ప్రియాంకా గాంధీ స్పందించారు. రాయబరేలీ నుంచి తాను పోటీ చేయబోతున్నట్లు వస్తున్న వార్తల్లో ఎలాంటి వాస్తవం లేదని ప్రియాంక స్పష్టం చేశారు. ఆ స్థానంలో తన తల్లి సోనియా గాంధీనే పోటీ చేస్తారని చెప్పారు. తాను చూసిన శక్తిమంతమైన మహిళల్లో సోనియా గాంధీ ఒకరని...ఆమె సేవలు పార్టీకి చాలా అవసరమని పేర్కొన్నారు. మరోవైపు రాహుల్‌ గాంధీ పట్టాభిషేకానికి  ప్రియాంకా గాంధీ తన భర్త రాబర్ట్‌ వాద్రాతో కలిసి హాజరయ్యారు. ప్రియాంకా గాంధీ అందర్నీ పలకరిస్తూ సందడి చేశారు.

 

07:34 - December 16, 2017

కాంగ్రెస్‌ పార్టీ అధ్యక్షుడిగా రాహుల్‌ గాంధీ శనివారం బాధ్యతలు స్వీకరించనుండడంతో ఢిల్లీలోని ఏఐసిసి కార్యాలయం ముస్తాబైంది. రాహుల్‌ పట్టాభిషేక మహోత్సవానికి భారీగా ఏర్పాట్లు చేశారు. మరోవైపు ప్రపంచ తెలుగు మహాసభలు నగరంలో ఘనంగా ప్రారంభమయ్యాయి. ఈ అంశాలపై టెన్ టివిలో జరిగిన ప్రత్యేక చర్చా వేదికలో వినయ్ కుమార్ (విశ్లేషకులు), కైలాష్ (టి.కాంగ్రెస్) పాల్గొని అభిప్రాయాలు వ్యక్తం చేశారు. 

07:28 - December 15, 2017

గుజరాత్‌ అసెంబ్లీ మలివిడత ఎన్నికల పోలింగ్‌ ప్రశాంతంగా ముగిసింది. తుది దశ ఎన్నికల్లో 68.70 శాతం పోలింగ్‌ నమోదైంది. ప్రధాని నరేంద్రమోది ఓటు వేసిన తర్వాత ఇంక్‌ వేసిన వేలును చూపిస్తూ రోడ్‌ షో నిర్వహించడంపై కాంగ్రెస్‌ పార్టీ ఈసీకి ఫిర్యాదు చేసింది. గుజరాత్‌ పీఠం బీజేపీదేనన్న ఎగ్జిట్‌పోల్స్‌ ప్రకటించాయి. ఈ అంశంపై టెన్ టివిలో జరిగిన ప్రత్యేక చర్చలో వీరయ్య (నవ తెలంగాణ ఎడిటర్), మాధవి (బీజేపీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

06:46 - December 15, 2017

గుజరాత్ : అసెంబ్లీ మలివిడత ఎన్నికల పోలింగ్‌ ప్రశాంతంగా ముగిసింది. తుది దశ ఎన్నికల్లో 68.70 శాతం పోలింగ్‌ నమోదైంది. ప్రధాని నరేంద్రమోది ఓటు వేసిన తర్వాత ఇంక్‌ వేసిన వేలును చూపిస్తూ రోడ్‌ షో నిర్వహించడంపై కాంగ్రెస్‌ పార్టీ ఈసీకి ఫిర్యాదు చేసింది. మొత్తం 182 అసెంబ్లీ స్థానాలకు గాను తొలిదశలో 89 నియోజకవర్గాలకు డిసెంబర్‌ 9న ఎన్నికలు నిర్వహించగా మిగతా 93 స్థానాలకు ఇవాళ పోలింగ్‌ జరిగింది. మలిదశ ఎన్నికల్లో సాయంత్రం 5 గంటలకు ఓటింగ్‌ ముగిసే సమయానికి శాతం పోలింగ్‌ నమోదైనట్లు ఎన్నికల అధికారులు ప్రకటించారు. పోలింగ్‌ ప్రారంభమైన తొలి గంటల్లోనే పలువురు ప్రముఖులు తమ ఓటుహక్కును వినియోగించుకున్నారు. ప్రధానమంత్రి నరేంద్రమోది, మోది తల్లి హీరాబెన్‌, బిజెపి చీఫ్‌ అమిత్‌షా, కేంద్ర మంత్రి అరుణ్‌జైట్లీ, గుజరాత్ మాజీ సిఎం ఆనందిబెన్‌ పటేల్, కాంగ్రెస్‌ మాజీ నేత శంకర్‌సిన్హ్‌ వాఘేలా తమ ఓటుహక్కును వినియోగించుకున్నారు.

ప్రధాని మోది అహ్మదాబాద్‌లోని నిషాన్‌ హైస్కూలులో తన ఓటు హక్కు వినియోగించుకున్నారు. ఓటు వేసిన అనంతరం మోది ఇంక్‌ వేసిన వేలిని చూపిస్తూ తన వాహనంపై నిల్చుని రోడ్‌ షో నిర్వహించారు. మోది రోడ్‌షోపై కాంగ్రెస్‌ అభ్యంతరం వ్యక్తం చేసింది. పోలింగ్‌ రోజున రోడ్‌ షో నిర్వహించడం ద్వారా ప్రధాని ఎన్నికల నియమావళిని ఉల్లంఘించారని ఆరోపించింది. టీవీలో ఇంటర్వూ ఇచ్చినందుకు కాంగ్రెస్‌ ఉపాధ్యక్షుడు రాహుల్‌గాంధీకి ఎన్నికల కమిషన్ నోటీసులు జారీ చేసిందని...ప్రధాని మోది నిర్వహించిన రోడ్‌ షో పై కూడా ఈసీ చర్యలు తీసుకోవాలని కాంగ్రెస్‌ డిమాండ్‌ చేసింది. పిఓఎం ఆదేశాల మేరకే ఎన్నికల కమిషన్‌ నడచుకుంటోందని....బిజెపి నేతలు కోడ్‌ ఉల్లంఘనకు పాల్పడుతున్నప్పటికి చర్యలు తీసుకోవడం లేదని కాంగ్రెస్‌ ఆరోపించింది.

గుజరాత్‌ అసెంబ్లీ ఎన్నికల్లో అధికారం కోసం బిజెపి, కాంగ్రెస్‌లు హోరా హోరీగా తలపడ్డాయి. ప్రధానమంత్రి నరేంద్రమోది, కాంగ్రెస్‌ ఉపాధ్యక్షుడు రాహుల్‌ గాంధీ గుజరాత్‌ ఎన్నికలను అత్యంత ప్రతిష్ఠాత్మకంగా తీసుకున్నారు. గత 22 ఏళ్లుగా గుజరాత్‌లో అధికారంలో ఉన్న బిజెపి తిరిగి అధికారాన్ని నిలబెట్టుకునేందు అన్నిరకాల ప్రయత్నాలు చేసింది. బిజెపి ప్రభుత్వంపై ప్రజల్లో నెలకొన్న వ్యతిరేకతను తనకు అనుకూలంగా మారుతుందన్న ఆశతో కాంగ్రెస్‌ ఉంది. ప్రజా తీర్పు ఎలా ఉండబోతోందన్నది డిసెంబర్‌ 18న వెలువడే ఎన్నికల ఫలితాల వరకు వేచి చూడాలి. ఎగ్జిట్‌పోల్స్‌ మాత్రం బిజెపికి అనుకూలంగా తీర్పు చెప్పాయి.

Pages

Don't Miss

Subscribe to RSS - Gujarat Elections