health

13:32 - October 27, 2018

బియ్యం భారతదేశంలో ముఖ్యంగా దక్షిణాదిలో ఎక్కువగా రైసే తింటారు. సాధారణంగా బియ్యం తెల్లగానే వుంటాయి. కానీ తెల్లగానే కాదు... నల్లగానూ ఉంటాయని మీకు తెలుసా..? చైనాలో ఎప్పట్నుంచో వినియోగిస్తున్న ఈ నల్ల బియ్యాన్ని శాస్త్రవేత్తలు ఇప్పుడు "సూపర్ ఫుడ్"గా అభివర్ణిస్తున్నారు. వీటిలో చక్కెర తక్కువగా ఉండటమే కాదు ఆరోగ్యాన్ని కాపాడే పీచు, యాంటీ ఆక్సిడెంట్లు కూడా దండిగా ఉంటాయని లూసియానా రాష్ట్ర విశ్వవిద్యాలయం చేసిన అధ్యాయనంలో వెల్లడైంది. ఇవి గుండె జబ్బులు, క్యాన్సర్లతో పోరాడటంలో దోహదం చేస్తాయని పరిశోధక్లు చెబుతున్నారు. "చెంచాడు నల్లబియ్యం తవుడులో బ్లాక్‍బెర్రీల్లో కన్నా అధికంగా యాంతోసైయానిన్ ఆక్సిడెంట్లు ఉంటాయి. చక్కెర మోతాదు తక్కువగానూ పీచు, "విటమిన్ ఈ" ఎక్కువగానూ ఉన్నాయని అధ్యయానానికి నేతృత్వం వహించిన డాక్టర్ జిమిన్ జు పేర్కొన్నారు. ముఖ్యంగా యాంటీ ఆక్సిడెంట్లు తీసుకోవటాన్ని ప్రోత్సాహించటానికి నల్లబియ్యం తవుడు ప్రత్యేకమైన, చవకైన మార్గమని ఆయన సూచించారు.Image result for బ్లాక్ రైస్
బ్లాక్ రైస్ ఉపయోగాలు..
బ్రౌన్ రైస్, బ్లాక్ రైస్, పర్పుల్ రైస్, రెడ్ రైస్, బ్రౌన్ రైస్ ఇలా రకరకాల పేర్లతో రకరకాల రంగులతో లభించే రైస్ లలో బ్లాక్ రైస్ వెరీ వెరీ డిఫరెంట్. చక్కర స్థాయిని కంట్రోల్‌ చేస్తుంది. బ్లాక్‌ రైస్‌ తీసుకోవడం వల్ల అనేక కాన్సర్‌ల నుండి రక్షణ పొందవచ్చు. ఈ నల్లబియ్యలో ఎన్నో రకాల పోషకాలున్నాయి. వీటిలో వుండే ఆంథోసైనియన్స్ యాంటీ ఆక్సిడెంట్స్ గా మారి శరీరంలోని కణజాలలో వచ్చే వాపులను నియంత్రించే పదార్థాలుగా పనిచేస్తాయని న్యూట్రిషియన్స్ చెబుతున్నారు. అంతేకాదు రక్తంలో  చెడు కొలెస్ట్రాల్ ను తగ్గించి మంచి కొలెస్ట్రాల్ ను పెంచుతాయి. అధికంగా శరీరంలో ఏర్పడే చెబు కొలెస్ట్రాల్ వల్ల రక్త నాళాల్లో ఏర్పడ్డ గడ్డలను తగ్గించి గుండెకు మేలు చేస్తాయి. నల్ల బియ్యం తినటం వల్లన అనేక క్యాన్సర్స్ ను నియంత్రిస్తుందట.  కొవ్వు అధికంగా వుండే ఆహారం తీసుకోవటం వల్ల వచ్చే ఫాటీ లివర్ డిసీజెన్ నుండి కూడా ఈ నల్లబియ్యం కాపాడతాయి. అలాగే సాధారణ బియ్యంలో వలెనే వీటిలో కూడా పిండి పదార్ధాలు ఎక్కువగా వుంటాయి.అందుకని అధిక మోతాదులో కంటే పరిమితమైన మోతాదులో వీటిని తీసుకున్నట్లైతే ఆరోగ్యానికి చాలా ఉపయోగం అని న్యూట్రీషియన్స్ చెబుతున్నారు.

 

13:14 - October 21, 2018

హైదరాబాద్ : పెరుగు లేకుండా భోజనం ఊహిచుకుంటారా ? ఎన్ని ఆహార పదార్థాలు పెట్టినా పెరుగు ఉండాల్సిందే. భోజనం చివరలో ఒక ముద్ద పెరుగన్నం తింటే ఆరోగ్య సమస్యలు దగ్గరకి రావని వైద్యులు పేర్కొంటుంటారు. ప్రతి రోజూ మనం తీసుకునే ఆహారంలో పెరుగు దివ్యౌషధంలా పనిచేస్తుంది. ఈ పెరుగును అందానికి కూడా ఉపయోగించుకోవచ్చు. పెరుగుతో అందాన్ని మెరుగుపరచుకోవచ్చు. మొటిమలు..ఇతరత్రా సమస్యలు తీరుతాయి. ఇందులో ఉండే యాంటీ ఆక్సిడెంట్స్ ముఖాన్ని తాజాగా మార్చుతుంది. పెరుగులో రోజ్ వాటర్ కలుపుకుని ముఖానికి రాసుకోవాలి. కొద్దిసేపటి అనంతరం చల్లటి నీటితో ముఖానికి కడుక్కోవాలి. ఇలా చేయడం వల్ల మొటిమలు, నల్లటి మచ్చలు తొలగిపోయి కాంతివంతంగా మారుతుంది. శెనగపిండిలో కొద్దిగా నిమ్మరసం, రోజ్ వాటర్ కలుపుకుని ముఖానికి ప్యాక్ మాదిరిగా వేసుకోవాలి. అరగంట తరువాత శుభ్రం చేసుకోవాలి. ఇలా వారానికి రెండుసార్లు చేయడం వలన ముఖంపై గల నల్లటి మచ్చలు తొలగిపోతాయి. దాంతో ముఖం మృదువుగా, తాజాగా మారుతుంది.
పెరుగు చర్మానికి సహజసిద్ధమైన క్లెన్సర్‌లా పనిచేస్తుంది. దీనికి చెంచా చొప్పున సెనగపిండి, పెసరపిండి, తేనె కలిపి ఒంటికి పట్టించి నలుగులా రుద్దుకోవాలి. అప్పుడే దుమ్ము, ధూళితో పాటు మృతకణాలు తొలగిపోయి నునుపుదనం మీ సొంతమవుతుంది. పెరుగులో తమలపాకుని కొద్దిసేపు నానబెట్టి ఆ తర్వాత కళ్లపై ఉంచుకుంటే వేడి హరించుకుపోయి తాజాగా కనిపిస్తాయి. పావుకప్పు పెరుగులో అంతే పరిమాణంలో కలబంద గుజ్జు, చెంచా సెనగపిండి, నిమ్మరసం, అరచెంచా బాదం నూనె కలిపి మెత్తగా చేసుకొని ముఖానికి పూతలా వేయాలి. ఇలా ఓ ఇరవై నిమిషాల పాటు ఉంచుకొని అరాక గోరువెచ్చని నీటితో కడిగేసుకుంటే ముఖం కాంతివంతమవడం ఖాయం.

12:24 - October 11, 2018

విశాఖపట్నం : కాఫీ ఆహా!! ఆ సువాసనకే కడుపు నిండిపోతుంది. కాఫీని ఆస్వాదించటం మంటే చాలామంది బహుమక్కువ. కాఫీతో రోజుకు శుభారంభం పలకటమంటే ఆ రోజంతా మనస్సు, శరీరం హాయిగా వున్నట్లే నంటారు కాఫీ ప్రేమికులు. రుచికి రుచి, సువాసనకు సువాసన..రంగుకు రంగు కాఫీ ప్రత్యేకత. ఒక్కో నేలలో పండే కాఫీ గింజలకు ఒక్కో ప్రత్యేక వుంటుంది. ఇంపైన రుచి, చక్కటి  రంగు మనసును మైమరపించే సువాసనలో సాటిలేని అరకు కాఫీకి మరో అంతర్జాతీయ గుర్తింపు లభించింది. ఆంధ్రప్రదేశ్ లోని అరకులోయలో గిరిజన రైతులు పండించే ఈ కాఫీ 'ప్రిక్స్ ఎపిక్యురెస్ ఓఆర్-2018' పోటీలో బంగారు బహుమతిని గెలుచుకుంది. ఫ్రాన్స్ లోని పారిస్ లో జరిగిన ఓ కార్యక్రమంలో ఈ విషయాన్ని ప్రకటించారు.

గతేడాది ఈ కాఫీ పొడిని ఫ్రాన్స్ లో అమ్మడం ప్రారంభించారు. తాజా అవార్డుతో అరకు కాఫీ కొలంబో, సుమత్రా వంటి ప్రసిద్ధ కాఫీ గింజల సరసన చేరింది. అరకు కాఫీ బ్రాండ్ ను మహీంద్రా అండ్ మహీంద్రా చైర్మన్ ఆనంద్ మహీంద్రా డైరెక్టర్ గా ఉన్న ‘నాంది’ ఫౌండేషన్ ప్రపంచవ్యాప్తంగా పరిచయం చేస్తోంది. కేవలం గింజలే కాకుండా కాఫీ ఆకులతో సైతం అరకు రైతులు అదనపు ఆదాయాన్ని అర్జిస్తున్నారు.

నేచురల్ ఫార్మసీ ఇండియా అనే సంస్థ ‘అరకు చాయ్’ పేరుతో కెఫిన్ తక్కువగా, కృత్రిమ రుచులకు దూరంగా ఉండేలా గ్రీన్ టీని తయారుచేస్తోంది. ఇందులో పుష్కలంగా ఉండే యాంటీ ఆక్సిడెంట్లు ఆరోగ్యానికి మేలు చేస్తాయని చెబుతున్నారు. పాలు, పంచదార కలపాల్సిన అవసరం లేకుండా కప్పు వేడినీటిలో ఈ టీ పొడి పొట్లాన్ని ముంచి తాగేయవచ్చని నేచురల్ ఫార్మసీ ఇండియా ప్రతినిధి రామన్ మాదాల తెలిపారు.
 

09:41 - September 17, 2018

బేబీ ఆయిల్ కేవలం చిన్న పిల్లలకే ఉపయోగించవచ్చా ? అంటే కాదు..పెద్దలు కూడా ఉపయోగించవచ్చని పలువురు పేర్కొంటున్నారు. ముఖ్యంగా మహిళల అందాన్ని మెరుగుపరిచేందుకు సహాయ పడుతుందని సౌందర్య నిపుణులు సూచిస్తున్నారు. 

  • చర్మానికి ఎలాంటి హానీ కలిగించకుండా బేబీ ఆయిల్ తో మేకప్ తొలగించుకోవచ్చు. బేబీ ఆయిల్ ను ముఖానికి రాసిన తర్వాత ఒక పొడి టవల్ తో శుభ్రంగా తుడిచేసుకోవాలి. 
  • పొడి చర్మతత్వం ఉన్నవారు...చర్మం తడిపొడిగా ఉన్నప్పుడు ఈ నూనె రాసుకోవాలి. చర్మానికి తేమ అంది తాజాగా మారుతుంది. 
  • వ్యాక్సింగ్‌ చేయించుకున్నాక దద్దుర్లు రాకుండా ఉండాలంటే కొద్దిగా ఈ నూనె రాసి మర్దన చేస్తే చాలు. చర్మం మృదువుగానూ మారుతుంది.
  • స్నానానికి వెళ్ళే పది నిమిషాల ముందు బేబీ ఆయిల్ ను బాడీకి మసాజ్ చేసుకొన్న తరువాత స్నానం చేసుకుంటే బాగుంటుంది. 
  • కండ్ల కింద నల్లటి వలయాల సమస్య కూడా తీరుతుంది. ఆయిల్‌ని కొద్దిగా తీసుకుని నల్లటి ప్రదేశం వద్ద మర్దన చేయాలి. ఇలా కొన్ని రోజుల పాటు చేయాలి. 
  • కందిన లేదా కమిలిన చర్మం వద్ద ఆయిల్ ను మసాజ్ గా ఉపయోగించవచ్చు. 

వాతావరణం వల్ల కొందరి పెదాలు రంగు మారడం, పగుళ్లూ, మృతకణాలు లాంటి సమస్యలు ఎదురవుతుంటాయి. బేబీ ఆయిల్‌ ల్లో కొద్దిగా తేనె, పంచదార కలిపి మృదువుగా రుద్దితే సమస్య పరిష్కారమౌతుంది. 

11:10 - September 15, 2018

జీవితంలో ఆహారం అతి ముఖ్యమైంది. ఉదయం టిఫిన్, మధ్యాహ్నం భోజనం, సాయంత్రం చిరుతుండి, రాత్రి భోజనం తప్పకుండా చేయాలి. ఈ ఆహారాన్ని సమయానికి తినాలని నిపుణులు సూచిస్తుంటారు. కానీ కొంతమంది అలా చేయకపోతుండడంతో్ అనారోగ్యాల బారిన పడుతుంటారు. వేళాపాలా లేకుండా ఆహారం తినడం అంత మంచిది కాదని పలువురు సూచిస్తుంటారు. ప్రధానంగా రాత్రి వేళల్లో చాలా మంది ఆలస్యంగా తింటారని పలు పరిశోధనల్లో తేలిందంట.

నిద్ర పోయే ముందు రెండు గంటల గ్యాప్ తో ఆహారం తినాలని, అతి కూడా అతిగా కాకుండా మితంగా తినాలని పోషకాహార నిపుణులు పేర్కొంటున్నారు. ఎక్కువ తీసుకున్నట్లయితే రక్తంలో చక్కెర శాతం పెరిగేందుకు ఆస్కారం ఉంటుందని హెచ్చరిస్తున్నారు. కొంతమంది శాస్త్రవేత్తలు కొన్నేండ్ల పాటు లేట్ నైట్ జంక్ ఫుడ్ తినే వారిని పరిశోధించారు. పడుకొనే ముందు జంక్ ఫుడ్, స్నాక్స్‌ తినేవారిలో మెదడు తీవ్ర ప్రభావానికి గురైందని తెలుసుకున్నారు. ముఖ్యంగా ఇలాంటి వారిలో జ్ఞాపకశక్తి అతి త్వరగా సన్నగిల్లుతుందని ఈ పరిశోధనలో తేలింది.

17:47 - September 4, 2018

రోజు మనం తీసుకునే ఆహారంమీదనే మన ఆరోగ్యం ఆధారపడి వుంటుంది. తేలికగా జీర్ణం అయ్యే ఆహారంతో శరీరం ఉత్సాహంగా తయారవుతుంది. అదే కష్టంగా జీర్ణం అయ్యే ఆహారంతో శరీరం అనారోగ్యాల బారిని పడటమే కాక..మనం తినే ఆహారాన్ని జీర్ణం అయ్యేలా చేసేందుకు మనం శరీరం కష్టపడితే అతి త్వరగా మన శరీరం అలసిపోతుంది. దీంతో పలు ఆరోగ్యం సమస్యలు తలెత్తుతాయి. అందుకే శరీరానికి పుష్కలంగా ప్రొటీన్స్, కాల్షియం, ఐరన్ వంటివి ఎక్కువ మోతాదులో అందాలంటే మొలకలే మెండు అంటున్నారు న్యూట్రీషియన్స్. మరి వారి సలహాలతో మంచి ఆహారం తీసుకుని మన ఆరోగ్యాన్ని పెంచుకోవాలంటే మొలకలతో మేలైన ఆరోగ్యం ఏమిటో తెలుసుకుందాం..

మెులకలు తరచుగా తీసుకోవడం వలన ఆరోగ్యానికి చాలా ఉపయోగాలున్నాయి. జీర్ణశక్తికి పెంచేందుకు మెులకలు బహు చక్కగా ఉపయోగపడతాయి. వీటితో మన శరీరంలో వుండే ఎంజైముల పనితీరు మెరుగుపడుతుంది. రక్తహీనతను తగ్గించుటకు మెులకలు దివ్యౌషధంగా పనిచేస్తాయి. అధిక బరువును తగ్గించటానికి చక్కటి తోడ్పాటును అందిస్తాయి. అంతేకాదు మొలకలు

చెడు కొలెస్ట్రాల్, రక్తపోటుల స్థాయిని క్రమేపీ తగ్గిస్తాయి. క్యాన్సర్ వ్యాధుల నుండి కాపాడుతాయి. ముఖ్యంగా కంటి చూపును మెరుగుపరచుటకు మంచిగా దోహదపడుతాయి. వీటిల్లో రోగనిరోధక శక్తిని పెంచే గుణం అధికంగా ఉంది. మెులకల్లో విటమిన్ కె, సి, ఎ, ఐరన్, క్యాల్షియం, మినరల్స్, జింక్, కాపర్, మెగ్నిషియం వంటి ఖనిజాలు పుష్కలంగా ఉన్నాయి. మెులకలను తరచుగా ఆహారంలో చేర్చుకుంటే రక్తప్రసరణ సాఫీగా జరుగుతుంది. దీంతో మన ఆరోగ్యం చక్కగా వుంటుంది. 

12:23 - August 10, 2018

రుచికరమైనది..సురక్షితమైనది..పోషకాల ఘనిగా వుండేది..అరచేతిలో ఇమిడిపోయేంత బుజ్జి ఆకారంలో వుండేది..చటుక్కున వండుకునేవీలుండేది..ముఖ్యంగా అన్ని కాలాల్లోనూ అతి తక్కువ ధరకే దొరికేది..అన్ని వయసుల వారు మెచ్చేది.. ఒకే ఒక్కటి..అదే అనండీ..గుడ్డు..మరి ముఖ్యంగా నాన్ వెజ్ తినని వారు కూడా తినగలిగేది గుడ్డు?? రుచిని..ఆరోగ్యాన్ని కూడా సమపాళ్లలో అందించే గుడ్డు రోజుకొకటి తింటే గుండె జబ్బులు వచ్చే అవకాశం బహు తక్కువ అంటున్నారు పరిశోధకులు..అందుకే ప్రపంచ వ్యాప్తంగా 'గుడ్డు'కు అంతటి వినియోగం..ప్రాచుర్యం పొందింది.

పెకింగ్‌ యూనివర్సిటీ హెల్త్‌ సైన్స్‌ సెంటర్‌, ఆక్స్‌ఫర్డ్‌ యూనివర్సిటీ పరిశోధనలు..
ప్రతిరోజు కోడి గుడ్డు తింటే ఎన్నో ప్రయోజనాలు ఉంటాయని మరోసారి తేలింది. పెకింగ్‌ యూనివర్సిటీ హెల్త్‌ సైన్స్‌ సెంటర్‌, ఆక్స్‌ఫర్డ్‌ యూనివర్సిటీ సంయుక్తంగా నిర్వహించిన పరిశోధనలో గుడ్డు గురించి పలు విషయాలు వెల్లడయ్యాయి. 30 నుంచి 79 సంవత్సరాల మధ్య ఆరోగ్యవంతులైన నాలుగు లక్షల మంది ఆహారపు అలవాట్లను పరిశోధకులు పరిశీలించగా.. వారానికి అయిదు సార్లు గుడ్డు తింటే గుండె జబ్బుల ముప్పు 12 శాతం తగ్గుతుందని ఈ పరిశోధనలో తేలింది.

గుడ్డు తినేవారిలో గుండె జబ్బులు తక్కువ..
రోజూ కోడి గుడ్డు తినేవారిలో గుండె జబ్బుల ముప్పు తక్కువగా ఉన్నట్టు పరిశోధకులు గుర్తించారు. అలాగే గుడ్డు తినని వారి కంటే తినేవారిలో గుండెపోటు ముప్పు కూడా 26 శాతం తక్కువగా ఉన్నట్లు, గుండె జబ్బుల ద్వారా మరణించే అవకాశం 18 శాతం తక్కువగా ఉన్నట్లు పరిశోధకులు తెలిపారు. అందుకే ఆరోగ్యకరంగా ఉండాలంటే ప్రతిరోజు ఓ కోడి గుడ్డు తీసుకోవాలని పరిశోధకులు చెబుతున్నారు.

13:08 - April 16, 2018

ఏలకులు ఒక మంచి సుగంధ ద్రవ్యము. పురాతన కాలం నుండి సుగంధ ద్రవ్యంగా యాలకులు ప్రాచుర్యంలో వున్నాయి. యాలకులను సుగంధద్రవ్యాల రాణిగా కూడా పేరుంది. వీటిని బ్రిటీష్ వారు పెద్ద ఎత్తున వ్యవసాయ పంటగా పండించేవారట!

తెలుసుకుంటే వంటిల్లే వైద్యశాల..
మన వంటిల్లే ఒక వైద్యశాల. అందులో మనం వాడే వస్తు వులు సమస్తం ఆరోగ్యహేతువులే. వాటిలో అత్యధికంగా వాడబడేది ఇలద్వయ. అంటే వాడుకలో దీనినే యాలకులు అని అంటాం. దీని శాస్త్రీయనామం ఇలటేరియా కార్డిమమ్‌. సుగంధ ద్రవ్యాల్లో అత్యంత సువాసన గల వస్తువుల్లో యాలకులదే ప్రథమ స్థానం అనటంలో ఎటువంటి సందేహం లేదు. ఇది సిటామినేసి కుటుంబానికి చెందిన మొక్క. ఇది సాధారణ మొక్కలకి భిన్నంగా రసాయ నాలు, మనసుకి ఉల్లాసాన్ని కలిగించే తైలంతో చాలా విల క్షణంగా ఉండే ఔషధ మొక్క ఇలద్వయం. వీటిలో చిన్న యాలకులు, పెద్ద యాలకులు, తెల్ల యాలకులుగా, పచ్చ యాలకులుగా కూడా లభిస్తుంటాయి. ఇవి ఏ రంగులో వున్నా, ఏ సైజ్ లో వున్నా ఒకే విధమైన ఔషధగుణాలు కలిగివుంటాయి.

యాలకుల వినియోగం..
యాలకులను ఇంట్లో మసాలా దినుసులు గాను, మౌత్ ప్రెష్ నర్ గా వాడుతుంటారు. టీ తయారీలో యాలకులను ఉపయోగిస్తుంటారు. రెండు యాలకులు తిని ఒక గ్లాసు గోరువెచ్చని నీటిని తాగడం ద్వారా అద్భుతమైన ఫలితాలు ఉన్నాయంటున్నారు ఆయుర్వేద నిపుణులు. యాలకులు కఫ్ఫం, దగ్గు, ఆస్తమా వంటి వ్యాధులతో పాటు కడుపులో మంటను నివారిస్తుందట.
ఆరోగ్యానికి యాలకులు..
హృదయ ఆరోగ్యానికి సహకరించడంతో పాటు మానసిక ఒత్తిడిని నియంత్రిస్తాయిట. మూత్రపిండాల్లో రాళ్ళను కరిగిస్తాయి. ఉదర సంబంధిత వ్యాధుల నివారణకు యాలకులను తీసుకోవడం ఉత్తమం. పొట్ట పెరిగిపోయి ఇబ్బందిగా తయారైనప్పుడు యాలకుల వైద్యం దానికి చక్కని పరిష్కారమార్గం.

యాలకుల్లో వుండే సద్గుణాలు..
ఇందుకోసం పడుకునే ముందు రెండు యాలకులు తిని ఒక గ్లాసు గోరు వెచ్చని నీళ్ళు తాగాలని ఆయుర్వేద నిపుణులు చెబుతున్నారు. యాలకుల్లో పొటాషియం, మెగ్నీషియం ఉంటాయి. శరీరంలోని అదనపు కొవ్వును కరిగించడానికి దోహపడతాయి. అలాగే యాలకులలోని ఫైబర్, కాల్షియంలు శరీర బరువును నియంత్రిస్తాయని ఆరోగ్య నిపుణులు చెబుతున్నాయి.

20:50 - April 6, 2018

ప్రజాస్వామిక, రాజ్యాంగ హక్కుల పరిరక్షణ కోసమే కమ్యూనిస్టుల తపన అని సీపీఎం పొలిట్ బ్యూరో సభ్యులు రాఘవులు పేర్కొన్నారు. ప్రస్తుతం కార్మిక రంగం ఎలాంటి పరిస్థితిలో ఉంది ? కార్మికులు ఎదుర్కొంటున్న సమస్యలు..పాలకులు అనుసరిస్తున్న తీరుపై టెన్ టివి ఆయనతో ముచ్చటించింది. దక్షిణకొరియా, సింగపూర్, ఫ్రాన్స్ వంటి దేశాల్లో ప్రజాప్రయోజన రంగాలన్నీ పబ్లిక్ సెక్టార్ లోనే ఉన్నాయన్నారు. లేబర్ నిర్వచనం మార్చడం ద్వారా సామాన్యుడికి ప్రభుత్వాలు టోపి పెడుతున్నాయన్నారు. పారిశ్రామిక రంగంలో మార్పులు కార్మికులపై భారగంగా మారుతున్నాయని, బీజేపీ వచ్చాక కార్మిక జీవనభద్రత లోపిస్తోందన్నారు. దక్షిణ..రైల్వే విద్య..వైద్య రంగాల ప్రయివేటీకరణ దేశానికి చేటన్నారు. అటానమస్ అంటే ప్రైవేటీకరణకు ముద్దు పేరు అని వ్యాఖ్యానించారు. పీపీపీలో బాధలు ప్రభుత్వానివి..లాభాలు కార్పొరేట్లకు అని, నోట్ల రద్దు..జీఎస్టీతో అనియత రంగంలో ఉపాధి తగ్గిపోయిందన్నారు. ప్రభుత్వ విధానాలతో పారిశ్రామికోత్పత్తి పడిపోయిందని పేర్కొన్నారు. పూర్తి విశ్లేషణకు వీడియో క్లిక్ చేయండి...

15:23 - January 23, 2018

Pages

Don't Miss

Subscribe to RSS - health