heavy rains

11:31 - December 6, 2017

విశాఖపట్టణం : ఆగ్నేయ బంగాళాఖాతంలో ఏర్పడిన అల్పపీడనం మధ్యాహ్నానికి తీవ్రవాయుగుండంగా మారనుంది. దీని ప్రభావంగా కోస్తాంధ్రలో భారీ వర్షాలు పడే అవకాశం ఉందని ఐఎండీ హెచ్చరించింది. మత్స్యకార్మికులు ఎలాంటి పరిస్థితుల్లో సముద్రంలోకి వెళ్లవద్దని సూచించింది. ప్రస్తుతం దక్షిణ అండమాన్ కు చేరువలో పయనిస్తున్న వాయుగుండం సోమవారం మధ్యాహ్ననికి కాకినాడ తీరం దాటే అవకాశం ఉందని తెలుస్తోంది. ఇప్పటికే కోస్తాంధ్రలో వాతావరణం మారిపోయింది. 

09:29 - December 5, 2017

విశాఖ : ఆగ్నేయ బంగాళాఖాతంలో ఏర్పడిన తీవ్ర అల్పపీడనం బలపడి వాయుగుండంగా మారే అవకాశం ఉందని విశాఖ వాతారవణ కేంద్రం హెచ్చరికలు జారీ చేసింది. ఈనెల ఏడో తేదీ నాటికి మధ్య, ఉత్తర కోస్తాలపై వాయుగుండం ప్రభావం ఉండే అవకాశం ఉందని వెదర్‌ అపడేట్స్‌ వెలువడుతున్నాయి. దీనికి సంబంధించి భాతర అంతరీక్ష పరిశోధనా సంస్థ ఇప్పటికే ఏపీ ప్రభుత్వాన్ని అప్రమత్తం చేసింది. ఇస్రో అంచనా ప్రకారం ఈ నెల ఏడో తేదీ నుంచి వర్షాలు ప్రారంభమయ్యే అవకాశముంది. వాయుగుండం ప్రభావంతో తూర్పుగోదావరి, విశాఖపట్నం, విజయనగరం జిల్లాల్లో ఈ నెల 8న భారీ వర్షాలు పడతాయని వాతావరణ శాఖ అంచనా వేస్తోంది. విశాఖ, తూర్పుగోదావరిజిల్లాల తీరం వెంబడి బలమైన గాలులు వీస్తాయని వాతారవణశాఖ అధికారులు తెలిపారు.   

09:05 - December 5, 2017

విశాఖ : మన్యంలో ఉష్ణోగ్రతలు కనిష్టంగా పడిపోయాయి. లంబసింగిలో 5, చింతపల్లిలో7 డిగ్రిలకు ఉష్ణోగ్రతులు పడిపోయాయి. మరింత సమాచారం కోసం వీడియో క్లిక్ చేయండి.

15:46 - November 15, 2017

శ్రీకాకుళం : నైరుతి బంగాళాఖాతంలో ఏర్పడిన అల్పపీడన ప్రభావంతో శ్రీకాకుళం జిల్లాలో రెండు రోజులుగా వానలు కురుస్తున్నాయి. పంట చేతికొచ్చే సమయంలో ఇలాంటి విపత్కర పరిస్థితులు నెలకొనడంతో రైతులు ఆందోళన చెందుతున్నారు. వాయుగుండం ప్రభావంతో సముద్ర తీర ప్రాంతం అల్లకల్లోలంగా మారింది. మూడు రోజులుగా మత్స్యకారులు వేటకు వెళ్లకపోవడంతో.. తీరం నిర్మానుష్యంగా మారింది. జిల్లా వ్యాప్తంగా 38 మండలాల్లో 6 లక్షల 50వేల ఎకరాల్లో ఈ ఏడాది వరి పంట సాగు చేశారు. నాగావళి, వంశధార, బహుదా, మహేంద్రతనయ, తోటపల్లి, మడ్డువలస ప్రాంతాల్లో వరి పంట చేతికొచ్చే సమయంలో వర్షాలు పడుతుండటం అన్నదాతలను ఆందోనకు గురిచేస్తోంది. 

21:27 - November 3, 2017

తమిళనాడు : చెన్నయ్‌కు మళ్లీ వరద ముప్పు పొంచి వుంది. ఎడతెరిపి లేకుండా కురుస్తున్న వర్షాలతో చెన్నై జలదిగ్బంధమైంది. మరో 48 గంటల పాటు భారీ వర్ష సూచన ఉందని వాతావరణ శాక హెచ్చరించడంతో ప్రజలు భయాందోళనకు గురవుతున్నారు. తమిళనాడులో స్కూళ్లు, కళాశాలలకు ప్రభుత్వం సెలవు ప్రకటించింది. ఈశాన్య రుతుపవనాల కారణంగా గత కొద్దిరోజులుగా కురుస్తున్న భారీ వర్షాలతో తమిళనాడు తల్లిడిల్లిపోతోంది. బంగాళాఖాతంలో ఏర్పడిన అల్పపీడనం కారణంగా గురువారం రాత్రి ఏకధాటిగా ఐదు గంటల పాటు వర్షం కురవడంతో చెన్నైలోని వీధులన్నీ నదులను తలపిస్తున్నాయి. మెరీనా బీచ్‌ సహా ప్రధాన రహరారులను మూసివేశారు. కొరట్టూరు, చెన్నై ప్రాంతాల్లో ఎక్కడికక్కడ వర్షపు నీరు నిలిచిపోయింది. ఎటు చూసినా మోకాళ్ల లోతు నీరు ఉండటంతో ప్రజలకు అడుగు బయటపెట్టే పరిస్థితి లేకుండా పోయింది. భారీ వర్షాల కారణంగా చెన్నైలోని ప్రధాన రహదారుల్లో ట్రాఫిక్‌ స్తంభించింది. పలుచోట్ల వర్షాలకు విద్యుత్‌ వైర్లు తెగిపడ్డాయి. నంగంబక్కం ప్రాంతంలో 15 సెంటీమీటర్ల వర్షపాతం నమోదైంది.

మరో రెండు రోజులు పడే భారీ వర్షాలు పడే అవకాశాలు ఉన్నాయని...ప్రజలు అప్రమత్తంగా ఉండాలని వాతావరణ శాఖ హెచ్చరించింది. వచ్చే 24 గంటల్లో కాంచీపురం. తిరువళ్లూరు జిల్లాల్లో కుంభవృష్టి కురియనుందని ఐఎండి పేర్కొంది. దీంతో పళని ప్రభుత్వం ముందస్తు జాగ్రత్త చర్యలు చేపట్టింది. కోస్తా జిల్లాల్లో ఇప్పటికే 115 సహాయక శిబిరాలను ఏర్పాటు చేసింది. సహాయక చర్యలను సమీక్షించేందుకు జిల్లాల్లో అధికారులను నియమించింది. వర్షాల కారణంగా గత నాలుగు రోజులుగా చెన్నై, శివారు ప్రాంతాల్లో స్కూళ్లు, కళాశాలలలు మూతపడ్డాయి. పలు విశ్వవిద్యాలయాలు సెమిస్టర్‌ పరీక్షలను వాయిదా వేశాయి. వర్షాల వల్ల చెన్నై సబ్‌ అర్బన్‌ రైళ్ల రాకపోకలకు అంతరాయం కలిగింది. విమాన రాకపోకలకు ఎలాంటి ఆటంకం కలగలేదని ఎయిర్‌పోర్టు వర్గాలు తెలిపాయి. 2015లో చెన్నైలో భారీ వర్షాల కారణంగా వరదలు సంభవించిన విషయం తెలిసిందే. అప్పట్లో 150 మందికి పైగా ప్రాణాలు కోల్పోయారు. తాజాగా మళ్లీ వర్షాలు కురుస్తుండటంతో ప్రజలు ఆందోళన చెందుతున్నారు.

15:33 - November 3, 2017

చెన్నై : తమిళనాడు రాజధాని చెన్నైని మరోసారి వరదలు ముంచెత్తుతున్నాయి. ఈశాన్య రుతుపవనాల కారణంగా గత కొద్ది రోజులుగా భారీ వర్షాలు కురుస్తున్నాయి. బంగాళాఖాతంలో ఏర్పడిన అల్పపీడనం కారణంగా రాత్రి ఏకధాటిగా ఐదు గంటల పాటు వర్షం కురవడంతో వీధులన్నీ నదులను తలపిస్తున్నాయి. కొరట్టూరు, చెన్నై ప్రాంతాల్లో ఎక్కడికక్కడ వర్షపు నీరు నిలిచిపోయింది. ఎటు చూసినా మోకాళ్ల లోతు నీరు ఉండటంతో అడుగు బయటపెట్టే పరిస్థితి లేకుండా పోయింది. చెన్నై, శివారు ప్రాంతాల్లో స్కూళ్లు, కళాశాలలలు మూసివేశారు. నంగంబక్కం ప్రాంతంలో 15 సెంటీమీటర్ల వర్షపాతం నమోదైంది. మరో రెండు రోజులు కూడా భారీ వర్షాలు పడే అవకాశాలు ఉన్నాయని వాతావరణ శాఖ హెచ్చరించింది. అప్రమత్తమైన ప్రభుత్వం ముందు జాగ్రత్త చర్యలు చేపట్టింది.

16:09 - November 1, 2017

చెన్నై : భారీ వర్షాలు తమిళనాడు ప్రజలను అతలాకుతలం చేస్తున్నాయి. వర్షాల కారణంగా లోతట్టు ప్రాంతాల్లో జనజీవనం స్తంభించిపోయింది. చెన్నై నగర శివార్లైన కాంచిపురం, తిరువళ్లూరు జిల్లాల్లో వరద ముంచెత్తింది. దీంతో జనం భిక్కుభిక్కుమంటూ గడుపుతున్నాయి. వర్షం కారణంగా నగరంలోని పలు రహదారులు, కాలనీలు చెరువుల్లా మారాయి. లోతట్టు ప్రాంతాల్లోని ఇళ్లతో పాటు.. ఆలయాల్లోకీ వరద నీరు వచ్చి చేరింది. రవాణా వ్యవస్థ తీవ్రస్థాయిలో దెబ్బతింది. ప్రభుత్వం ఇప్పటికే విద్యాసంస్థలకు సెలవు ప్రకటించింది. రానున్న 24 గంటల్లో అతి భారీ వర్షాలతో కుంభవృష్టి కురుస్తుందని చెన్నైలోని ప్రాంతీయ వాతావరణ కేంద్రం హెచ్చరించడంతో జనం వణికిపోతున్నారు. మరోవైపు శ్రీలంక-గల్ఫ్ ఆఫ్‌ మన్నారు నడుమ కేంద్రీకృతమైన అల్పపీడనం తూర్పు బంగాళాఖాతం దిశగా కదులుతుండటం రుతుపవనాలు వేగంగా మారి భారీ వర్షాలకు దారీతీస్తోందని వాతావరణ కేంద్రం తెలిపింది. దీంతో తీరప్రాంతాల్లోని చెన్నై, కాంచిపురం, తిరువళ్లూరు, కడలూరు, కన్యాకుమారి, తూత్తుకుడి జిల్లాల్లో భారీ నుంచి అతి భారీ వర్షాలు పడుతున్నాయి. గడిచిన 24 గంటల్లో కడలూరులో అత్యధిక వర్షపాతం నమోదయ్యింది. వాతావరణ కేంద్రం హెచ్చరికల నేపధ్యంలో సముద్రంలోకి చేపల వేటకు వెళ్లిన జాలర్లు ఒడ్డుకు చేరుకున్నారు. మరోవైపు వాతావరణ కేంద్రం హెచ్చరికలతో అధికార యంత్రాంగాన్ని ప్రభుత్వం అప్రమత్తం చేసింది. 

11:55 - October 23, 2017

అనంతపురం : జిల్లా కరవుకు శాశ్వత చిరునామా. ఈ జిల్లాలో ఎప్పుడూ కరువు విలయతాండవం చేస్తూనే ఉంటుంది. వర్షాలు పడక, సాగునీరు అందక పంటలు పండవు. తాగడానికి నీరు దొరకక అనేక పల్లెలు అలమటిస్తుంటాయి. కానీ వీటన్నిటికి మొన్న కురిసిన కుండపోత వర్షం చెక్‌పెట్టింది. సాగు,తాగునీటి కష్టాలకు పరిష్కారం చూపింది. ఎడతెరపిలేకుండా కురిసిన వర్షాలతో జిల్లాలో ఎక్కడ చూసినా నీరే కనిపిస్తోంది. కొండలు, గుట్టలు, వ్యవసాయ పొలాలు, బీడు భూముల్లో పచ్చదనం పరుచుకుంది. జలాశయాలు, కుంటలు, వాగులు, కాలువలు, చెరువులు వర్షపునీటితో నిండుకుండలా కళకళలాడుతున్నాయి.

ఒక్కసారిగా పరిస్థితి మారిపోయింది
పది రోజులపాటు జిల్లాలో ఎడతెరపిలేకుండా వర్షాలు కురవడంతో పరిస్థితి ఒక్కసారిగా మారిపోయింది. గుక్కెడు నీటికోసం కిలోమీటర్లు నడిచిపోయే బాధ తప్పింది. ఆరుతడి పంటలసాగుకు సైతం నీరివ్వలేమని క్రాఫ్‌ హాలిడే ప్రకటించిన అధికారుల ప్రకటనలకు కాలం చెల్లిపోయింది. గత కొన్నేళ్లుగా తమ ప్రాంతానికి తాగునీటి కేటాయింపుల్లో తీరని అన్యాయం జరుగుతోందని, ఈసారి తమ ప్రాంతానికి తొలిదశలోనే నీటిని విడుదల చేయకపోతే తన పదవికి రాజీనామా చేస్తానంటూ అనంతపురం ఎంపీ జేసీ దివాకర్‌రెడ్డి సంచలన ప్రకటన చేశారు. ఆ వెనువెంటనే తమ ప్రాంతం నుంచే నీటిని విడుదల చేస్తూ తమకు నీరివ్వకపోతే తీవ్రంగా నష్టపోతామంటూ ప్రభుత్వవిఫ్‌ యామినిబాల ప్రత్యక్ష ఆందోళనకుదిగారు. తమ నియోజకవర్గానికి నీటిని తేలేని పరిస్థితుల్లో రైతుల నుంచి తీవ్ర వ్యతిరేకత తప్పదని గ్రహించిన సింగనమల ఎమ్మెల్యే యామినిబాల అధికారుపై యుద్ధమే ప్రకటించారు. మరోవైపు వారం రోజుల్లో నీరు విడుదల చేయకపోతే మూడు నియోజకవర్గాలకు తాగునీరు లేకుండాపోతుందని వెంటనే నీటిని విడుదల చేయాలని ధర్మవరం, కదిరి ఎమ్మెల్యేలు గోనుగుంట్ల సూర్యనారాయణ, అత్తార్‌ చాంద్‌ బాషా ప్రభుత్వంపై ఒత్తిడి పెంచారు.

నేతల రాజకీయాలు
తామేమి తక్కువకాదన్నట్టు సమాచారాశాఖ మంత్రి కాల్వ శ్రీనివాసులు సైతం రాయదుర్గం నియోజకవర్గానికి నీటిని విడుదల చేయాలంటూ అధికారులపై ఒత్తిడి తీసుకువచ్చారు. నీటికోసం పరిస్థితి పూర్తిగా అదుపుతప్పేలా కనిపించింది. ఈ సమయంలోనే వరుణుడు కరుణించాడు. కుండపోతగా వర్షం కురిపించాడు. తాగునీటి కష్టాలకు , వాటిపై నేతలు చేస్తున్న రాజకీయాలకు చెక్‌ పెట్టాడు. కుండపోతగా కురిసిన వర్షాలతో నీరు పుష్కలంగా ఉండడంతో రైతులు సంతోషం వ్యక్తం చేస్తున్నారు. ఉత్సాహంగా పంటలను సాగు చేసుకుంటున్నారు. మరోవైపు నీటికోసం పాట్లు పడనవసరం లేదని తెలుసుకున్న నేతలు.. నీటి విడుదల అంశాన్ని పూర్తిగా అధికారులకే అప్పగించారు. ప్రాజెక్టుల్లో పెద్ద ఎత్తున నీరు వచ్చి చేరడంతో సమతుల్యత పాటించి నీటిని విడుదల చేయాలని నేతలు కోరుతున్నారు.

09:07 - October 20, 2017

విశాఖ : బంగాళఖాతంలో ఏర్పాడిన వాయుగుండం పారాద్వీప్ చాంద్ బాలీ వద్ద తీరం దాటింది. దీని ప్రభావంతో ఒడిశాలో పలుచోట్ల, ఉత్తరకొస్తాలో ఒకట్రెండు చోట్ల భారీ వర్షాలు పడతాయిని వాతావరణ శాఖ తెలిపింది. ఉత్తర కోస్తా తీరం వెంబడి బలమైన గాలులు వీస్తుండడంతో మత్య్సకారులు చేపల వేటకు వెళ్లవద్దని అధికారులు హెచ్చరిస్తున్నారు. మరింత సమాచారం కోసం వీడియో చూడండి.

08:06 - October 20, 2017

Pages

Don't Miss

Subscribe to RSS - heavy rains