indian constitution

08:34 - June 6, 2018

గోవా : భారత రాజ్యాంగం ప్రమాదంలో పడిందని గోవా, డమన్‌లకు చెందిన క్రైస్తవ మత గురువులు ఆందోళన వ్యక్తం చేశారు. రాజ్యాంగాన్ని, స్వేచ్ఛను కాపాడవలసిన బాధ్యత ప్రజలపై ఉందని గోవా ఆర్చ్‌బిషప్‌ ఫిలిప్‌ నేరీ ఫరారో క్రైస్తవులను ఉద్దేశించి రాసిన లేఖలో పేర్కొన్నారు. దేశంలో చాలామంది ప్రజలు అభద్రతా భావంతో ఉన్నారని... వచ్చే సాధారణ ఎన్నికల్లో యాక్టివ్‌ రోల్‌ పోషించాల్సిన అవసరం ఉందని కాథలిక్కులకు ఫరారో సూచించారు. ప్రజాస్వామ్యంలో మానవ హక్కులకు భంగం కలుగుతోందని... ఇటీవల దేశంలో చోటుచేసుకున్న కొన్ని ఘటనలే ఇందుకు నిదర్శనమన్నారు. మైనారిటీలకు రక్షణ లేకుండా పోయిందన్నారు. ఏం తినాలి....ఏ దుస్తులు వేసుకోవాలి...ఎవరిని పూజించాలి...అన్నది ప్రశ్నార్థకంగా మారిందని ఆందోళన వ్యక్తం చేశారు. అభివృద్ధి పేరిట పేదల భూములు, ఇళ్లను లాక్కుంటున్నారని ఫరారో లేఖలో వెల్లడించారు.

15:24 - April 4, 2018

భార్యభర్తలు..గొడవలు...డైవోర్స్.. డైవోర్స్ తీసుకోవడానకి ప్రాసెస్ ఏంటి? అనే అంశంపై మానవి మైరైట్ నిర్వహించిన లాయర్ పార్వతి పాల్గొని, మాట్లాడారు. ఆ వివరాలను ఆమె మాటల్లోనే... మానసిక.. శారీరక హింస, వరకట్న వేధింపులు వచ్చినప్పుడు ఇక కలిసి ఉండలేమనుకున్నప్పుడు సామరస్యపూర్వకంగా విడిపోవడానికి నిర్ణయించుకున్నప్పుడు విడాకులు తీసుకుంటున్నారు. భార్య విడాకులు కావాలంటే భర్త ఒప్పుకోడు..ఒక వేల భర్త విడాకులు కావాలంటే భార్య ఒప్పుకోదు. కోర్టులో విడాకుల పిటిషన్ వేసుకుంటారు. ఆమె తెలిపిన మరిన్ని వివరాలను వీడియోలో చూద్దాం.. 

 

20:53 - January 28, 2018

హైదరాబాద్ : అట్టడుగు కులాలను అణచివేసే విధంగా రాజ్యాంగాన్ని నడిపించే ప్రయత్నాలు జరుగుతున్నాయని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం ఆరోపించారు. రాజ్యాంగం మార్చాలన్న ఆర్‌ఎస్‌ఎస్‌, బీజేపీ ప్రచారాన్ని తిప్పికొట్టాలన్నారు ప్రజాగాయకుడు గద్దర్. హైదరాబాద్ సుందరయ్య విజ్ఞాన కేంద్రంలో రాజ్యాంగంపై దాడి ఎవరి కోసం? అనే అంశంపై చర్చా గోష్టి జరిగింది. ఈ కార్యక్రమంలో సీపీఎం తెలంగాణ రాష్ట్ర కార్యదర్శి తమ్మినేని వీరభద్రం, ప్రజాగాయకుడు గద్దర్, హైకోర్టు సీనియర్ న్యాయవాది మహమూద్ అలీ, కేయూ ప్రొఫెసర్ మురళి మనోహర్ పాల్గొన్నారు.

రాజ్యాంగంలో పేర్కొన్న విధంగా పౌరుల మధ్య ఆర్థిక సమానత్వం సాధించాలంటే.. అంబేద్కర్‌ చూపిన మార్గంలో సాగాలన్నారు.. సీపీఎం తెలంగాణ రాష్ట్ర కార్యదర్శి తమ్మినేని వీరభద్రం. ప్రజల మధ్య సమానత్వానికి అడ్డుగోడగా ఉన్న కులవ్యవస్థను తొలగించాలంటే.. ముందుగా ఆర్థిక సమానత్వం రావాలన్న అంబేద్కర్‌ మాటలను గుర్తుచేశారు. అట్టడుగు కులాలను అణచివేసే విధంగా రాజ్యాంగాన్ని నడిపించే ప్రయత్నాలు జరుగుతున్నాయని ఆయన ఆందోళన వ్యక్తం చేశారు. రాజ్యాంగాన్ని మార్చాలన్న ఆర్‌ఎస్‌ఎస్‌, బీజేపీ శక్తుల ప్రచారాన్ని తిప్పికొట్టడానికి అంబేద్కర్‌ చూపిన మార్గంలో సాగాల్సిన అవసరం ఉందన్నారు తమ్మినేని.

భారత రాజ్యాంగాన్ని కాపాడుకోవాల్సిన బాధ్యత దేశంలో ప్రతి పౌరుడిపై ఉందన్నారు.. ప్రజా గాయకుడు గద్దర్‌. రాజ్యాంగం మార్చాలన్న ఆర్‌ఎస్‌ఎస్‌, బీజేపీ ప్రచారాన్ని తిప్పికొట్టాలన్నారు. రాజ్యాంగంపై సామాన్య ప్రజల్లో అవగాహన కల్పించేందుకు బహుజన లెఫ్ట్‌ ఫ్రంట్‌ ఆధ్వర్యంలో ఊరూరా ప్రచారం నిర్వహిస్తామన్నారు గద్దర్‌. ప్రజా ఉద్యమాల ద్వారా అంబేడ్కర్ ఆశయాలను.. ఆయన రాసిన రాజ్యాంగాన్ని కాపాడుకోవాల్సిన అవసరం ఉందని ఈ సందర్భంగా నేతలు అభిప్రాయపడ్డారు. రాజ్యాంగాన్ని కాపాడుకునేందుకు మేధావులు అందరూ పోరుబాట పట్టాలని పిలుపునిచ్చారు. 

15:27 - January 28, 2018

హైదరాబాద్ : పార్లమెంట్ లో కోటీశ్వరుల సంఖ్య పెరుగుతోందని..2014 సంవత్సరానికి 82 శాతం ఎంపీలు శతకోటీశ్వరులున్నారని...484 మంది శతకోటీశ్వర్లుంటే పేద..మహిళలు..ఇతర చట్టాల గురించి ఆలోచిస్తారా ? అంటూ సీపీఎం తెలంగాణ రాష్ట్ర కార్యదర్శి తమ్మినేని వీరభద్రం ప్రశ్నించారు. ఎస్వీకేలో రాజ్యాంగంపై దాడి...ఎవరి కోసం జరిగిన చర్చా గోష్టిలో ఆయన మాట్లాడుతూ...రాజ్యాంగంలో పేర్కొన్న విధంగా పౌరుల మధ్య ఆర్థిక సమానత్వం సాధించాలంటే అంబేద్కర్ చూపిన మార్గంలో సాగాలని పిలుపునిచ్చారు. ప్రజల మధ్య సమానత్వానికి అడ్డుగోడగా ఉన్న కుల వ్యవస్థ ను తొలగించాలంటే ముందుగా ఆర్థిక సమానత్వం రావాలని పేర్కొన్నారు. రాజ్యాంగాన్ని మార్చాలన్న ఆర్ఎస్ఎస్ ...బిజెపి శక్తుల ప్రచారాన్ని తిప్పికొట్టడానికి అంబేద్కర్ చూపిన మార్గంలో సాగాల్సినవసరం ఉందన్నారు.  

12:52 - January 28, 2018

హైదరాబాద్ : ఆర్థిక, సామాజిక సమానత్వం సాధించాలని సీపీఎం రాష్ట్ర కార్యదర్శి తమ్మినేని వీరభద్రం అన్నారు. ఎస్ వీకే లో ఏర్పాటు చేసిన సమావేశంలో ఆయన మాట్లాడారు. రాజకీయ సమానత్వం మ్రాతమే కాదు...ఆర్థిక, సామాజిక సమానత్వాలు సాధించాలని అంబేద్కర్ చెప్పారని గుర్తు చేశారు. ఆర్థిక, సామాజిక సమానత్వాలు రాకుండా రాజకీయ సమానత్వం మాత్రమే కొనసాగితే..చివరికి రాజకీయ సమానత్వం కూడా మిగలదని చెప్పారని తెలిపారు.  
ఆర్థిక, సామాజిక సమానత్వాలు రాకుంటే రాజకీయ సమానత్వం కొల్లగొట్టబడుతుందన్నారు. ఓటు హక్కు వక్రీకరించబడుతుందన్నారు. ప్రజాస్వామ్యం అపహాస్యం పాలవుతుందని వాపోయారు. 'రాజ్యాంగం ద్వారా కొన్ని హక్కులు సంక్రమించడతాయి..కొత్త దేశాన్ని చూడబోతున్నాం.. ఆ దేశంలో ప్రతి మనిషికి ఓటు ఉంటుంది..ప్రతి ఓటుకు సమాన విలువు ఉంటుంది.. కానీ మనుషుల మధ్య మాత్రం సమాన విలువులుండవని అంబేద్కర్ చెప్పారని గుర్తు చేశారు. ఓటుకు మాత్రం సమాన విలువు ఉంది...ఆ ఓటున్న మనుషులు మాత్రం సమానం కాదన్నారు. అందరికీ ఒకటే ఓటని అంబానీకి, అదానికి, రిక్షా కార్మికుడికి ఒకటే ఓటు ఉంటుందని చెప్పారు. ఓడించడంలో, గెలిపించడంలో అంబానీకి, రిక్షా కార్మికుడికి సమానమైన విలువ ఉందన్నారు. కానీ అంబానీని, రిక్షా కార్మికుడిని సమాజం సమానంగా గౌరవించదన్నారు. ప్రైవేట్ ప్రాపర్టీ పెరగడానికి ఉన్న అవకాశాలన్ని రాజ్యాంగంలో ఉన్నాయన్నారు. మన రాజ్యాంగం ప్రైవేట్ ప్రాపర్టీని అదుపు చేసే రాజ్యాంగం కాదన్నారు. రాజ్యాంగంలో ఆర్థిక, సామాజిక సమానత్వాలకు అవకాశం లేదని తెలిపారు. 

 

15:50 - January 26, 2018

రిపబ్లిక్ డే నిజంగానే వచ్చిందా ? అసలు రాజ్యాంగం కల్పించిన హక్కులు అమలు జరుగుతున్నాయా ? నేటి సమాజ ప్రస్తుత పరిస్థితులను బట్టి నేటి యువతరం అభిప్రాయం వ్యక్తం చేస్తోంది. పూర్తి విశ్లేషణ కోసం వీడియో క్లిక్ చేయండి...  

15:29 - January 26, 2018

సమాజ సేవ కోసం పాటు పడాలనే తపన..ఆరాటం అందరికీ ఉండదు..తమ కుటుంబం శ్రేయస్సు కోసం పాటుపడుతుంటారు. కానీ అందరూ బాగుండాలి..అందులో మనముండాలి అనే కోరుకొనే వారు చాలా అరుదుగా ఉంటుంటారు. అలాంటి పెద్ద మనస్సు కలిగిన ఓ చిన్నారి అత్యంత సాహసోపేతమైన పని చేసి సాహస బాలల అవార్డుకు ఎంపికైంది. పూర్తి విశ్లేషణకు వీడియో క్లిక్ చేయండి. 

06:53 - January 26, 2018

ఢిల్లీ : 21వ శతాబ్ది అవసరాలకు అనుగుణంగా విద్యా వ్యవస్థలో సమూలమార్పులు అవసరమని రాష్ట్రపతి రామ్‌నాథ్‌ కోవింద్‌ సూచించారు. పాఠశాల స్థాయి నుంచి విద్యావ్యవస్థను ప్రక్షాళన చేయాల్సి ఉందన్నారు. ఇందుకు కోసం భారీగా నిధులు కేటాయించాలని కోరారు. 69 రిపబ్లిక్‌ దినోత్సవాన్ని పురస్కరించుకుని  రాష్ట్రపతి దేశ ప్రజలకు సందేశం ఇచ్చారు. 21వ శతాబ్దంలో రోబోటిక్స్‌, జెనెటిక్స్‌, ఇన్ఫర్మాటిక్స్‌ రంగాలే కీలకమని, ఇందుకు అనుగుణంగా మన యువతను తీర్చిదిద్దాల్సి ఉందన్నారు. నైఫుణ్యాభివృద్ధి శిక్షణకు ప్రాధాన్యత ఇవ్వాలని చెప్పారు. మరో వైపు పేదరికం,  పిల్లల్లో పోషకారలోపం దేశానికి శాపంగా పరిణమించాయని రామ్‌నాథ్‌ కోవింద్‌ ఆందోళన వ్యక్తం చేశారు. 

 

21:36 - December 28, 2017

ఢిల్లీ : రాజ్యాంగం, లౌకికవాదంపై తాను చేసిన వివాదస్పద వ్యాఖ్యలకు కేంద్రమంత్రి అనంతకుమార్‌ హెగ్డే లోక్‌సభలో క్షమాపణ చెప్పారు. రాజ్యాంగం, అంబేద్కర్‌, పార్లమెంట్‌ పట్ల తనకెంతో గౌరవం ఉందని...నా వ్యాఖ్యలను తప్పుగా అర్థం చేసుకున్నారని మంత్రి అన్నారు. నా వ్యాఖ్యల వల్ల ఎవరైనా బాధపడితే వారికి క్షమాపణ చెప్పడానికి తనకు ఎలాంటి అభ్యంతరం లేదని హెగ్డే తెలిపారు. హెగ్డే క్షమాపణలు చెప్పిన తీరుపై విపక్షాలు అసంతృప్తి వ్యక్తం చేశాయి. అనంతకుమార్‌ వివరణ సహేతుకంగా లేదని కాంగ్రెస్‌ నేత మల్లికార్జున ఖర్గే అభ్యంతరం వ్యక్తం చేశారు.

15:05 - October 22, 2017

ప్రముఖ నవలా రచయిత యండమూరి రచించిన 'తులసిదళం’ లో ఏమీ లేదని ప్రముఖ రచయిత్రి రంగనాయకమ్మ తెలిపారు. రంగనాయకమ్మతో టెన్ టివి ముఖాముఖి నిర్వహించింది. ఈ సందర్భంగా యండమూరి రచించిన ‘తులసిదళం’ నవలపై స్పందించారు. సీరియల్ గా వస్తున్న సమయంలో తనకు కొంతమంది చెప్పారని..గొప్ప నవల అని చెప్పడం జరిగిందన్నారు. తనకు ఇష్టం లేకపోవడంతో అంతగా దృష్టి సారించలేదన్నారు. కానీ జ్యోతి అనే అమ్మాయి ఎందుకు చనిపోయింది..ఎందుకిలా జరిగిందనే ఆసక్తి తనలో నెలకొందన్నారు. పెళ్లి సాధ్యం కాదు..ఎంజాయ్ చేద్దాం అనే ఉత్తరంలో ఉందని..అమ్మాయి షాక్ అయి ఆత్మహత్య చేసుకుందన్నారు. అనంతరం పుస్తకం చదివానని..కానీ అందులో ఏమీ లేదన్నారు. ఎంత తుక్కు కథ..అంటే అంత తుక్కు కథ అని విమర్శించారు. ఓ డాక్టర్ ముందుమాటలో నవలను మెచ్చుకోవడం జరిగిందన్నారు. దీనిపై తాను ‘గంజాయి దమ్ము’ అని పుస్తకం రాసి..డాక్టర్ పై కూడా తాను విమర్శ చేయడం జరిగిందన్నారు. యండమూరి వీరేంద్ర నాథ్ తనపై కేసు పెట్టలేదని..ముందుమాట రాసిన వ్యక్తి కేసు పెట్టడం జరిగిందని..క్షమాపణ చెప్పాలని ఉత్తరంలో ఆ వ్యక్తి డిమాండ్ చేశారని పేర్కొన్నారు. జైల్లో పెట్టాలి..లేదా రూ. వెయ్యి జరిమాన కట్టాలని జడ్జి పేర్కొనడంతో జరిమాన కట్టేసి వచ్చామన్నారు. కానీ ఈ కేసు ఇంకా హైకోర్టులో ఉందన్నారు. పూర్తి వివరాలకు వీడియో క్లిక్ చేయండి...

Pages

Don't Miss

Subscribe to RSS - indian constitution