indian politics

11:38 - August 9, 2017

కొరటాల శివ...చేసిన సినిమాలు మాత్రం మూడే. కానీ ఈ సినిమాలు ఎంతగానో గుర్తింపును తెచ్చిపెట్టాయి. ప్రభాస్ తో మిర్చి, మహేష్ బాబుతో శ్రీమంతుడు, జూ.ఎన్టీఆర్ తో జనతా గ్యారేజ్ చిత్రాలు తీసిన సంగతి తెలిసిందే. సమాజానికి ఉపయోగపడే అంశాలను తెరకెక్కించడంలో ఆయన స్టైలే వేరు. స్టార్ డైరెక్టర్ గా ఎదిగిన ఈ దర్శకుడు వివాదాలకు దూరంగా ఉంటాడు.

మొన్నీ మధ్య డ్రగ్స్ వ్యవహారంలో కూడా సామాజిక మాధ్యమాల్లో పోస్టులు చేశారు. కానీ తాజాగా ఆయన రాజకీయాలపై చేసిన కామెంట్స్ చర్చ జరుగుతోంది. రాజకీయాలు పూర్తిగా చెడిపోయాయని, మురికి పట్టేశాయి..దేవుడొచ్చినా బాగు చేయలేడు..మనకు మనమే మారితే కానీ రాజకీయాలు మారవు అంటూ ట్విట్టర్ వేదికగా ట్వీట్ చేయడం ప్రాధాన్యత సంతరించుకుంది.

ప్రస్తుతం ఆయన దర్శకత్వంలో ఓ సినిమా రూపొందుతోంది. ఇందులో మహేష్ హీరోగా నటిస్తున్నారు. 'భరత్ అనే నేను' అనే టైటిల్ ను కూడా ఫిక్స్ చేశారు. పూర్తిగా రాజకీయ నేపథ్యంలో సినిమా ఉంటుందని, మహేష్ ఇందులో సీఎం పాత్రలో నటించనున్నారని టాక్ వినిపిస్తోంది. సినిమా ప్రమోషన్ లో భాగంగానే కొరటాల రాజకీయాలపై వ్యాఖ్యలు చేసి ఉంటారని ప్రచారం జరుగుతోంది. ఆయన చేసిన కామెంట్స్ సినిమాకు ఎంతగా ఉపయోగపడుతాయో వేచి చూడాలి. 

20:36 - June 16, 2017

హైదరాబాద్: నోటికి అడ్డూ అదుపూ ఉండదు...బండబూతులు తిడతారు.,కోపం వస్తే కాళ్లూ చేతులు కూడా ఆడిస్తారు. కంట్రోలు ఉండదు. తాము ప్రజా ప్రతినిధులమని కాదు.. అంతకన్నా ముందు మనుషులమనే సంగతి కూడా మర్చిపోతారు. ఆకాశం నుండి ఊడిపడ్డామని భ్రమపడతారు. అంతిమంగా ప్రజా ప్రతినిధులు ఎలా ఉండకూడదో అలానే తయారు అవుతున్నారు. ఒకరు కాదు ఇద్దరు... ప్రతి రాష్ట్రంలో ఇలాంటి నేతలు కొన్ని రాజకీయ పార్టీ కనిపిస్తున్న దురదృష్టకర పరిస్థితి. ఇదే అంశం పై నేటి వైడాంగిల్ స్టోరీ. పూర్తి వివరాల కోసం ఈ వీడియోను క్లిక్ చేయండి...

16:46 - May 31, 2017
21:59 - April 16, 2017
21:25 - April 15, 2017
20:53 - April 15, 2017

గోవా : కేంద్ర రక్షణ శాఖ మంత్రి పదవిలో ఒత్తిడి కారణంగానే మంత్రి పదవికి రాజీనామా చేసినట్లు గోవా ముఖ్యమంత్రి మనోహర్‌ పారీకర్‌ పేర్కొన్నారు. శుక్రవారం డాక్టర్ బీఆర్ అంబేద్కర్ 126వ జయంతి సందర్భంగా హాజరైన ఓ కార్యక్రమంలో పారికర్ ఈ విషయాన్ని వెల్లడించినట్లు పిటిఐ కథనం. ఢిల్లీలో ఉన్నపుడు కశ్మీర్‌ సహా పలు కీలక అంశాలపై ఎక్కువగా దృష్టి సారించాల్సి ఉండడం వల్ల తనపై ఒత్తిడి ఉండేదని పారీకర్‌ పేర్కొన్నారు.  గోవాకు సిఎంగా అవకాశం రావడంతో వెంటనే అంగీకరించడానికి అదొక కారణమని పారీకర్‌ చెప్పారు. ఒత్తిడి కారణంగా రక్షణశాఖ మంత్రి పదవికి రాజీనామా చేశారన్న పిటిఐ కథనాన్ని బీజేపీ మీడియా సెల్‌ ఓ ప్రకటనలో ఖండించింది. రక్షణ మంత్రిగా పారీకర్‌ విజయవంతంగా బాధ్యతలు నిర్వహించారని కితాబిచ్చింది.

20:05 - April 6, 2017

హైదరాబాద్: కయ్యాలు తీస్తున్న కర్నూలు కలెక్టర్...తెలంగాణ ముచ్చట తీయొద్దట బరాబర్, ఒకర్ని ఒకరు పొగుడుకున్న అన్నా, చెల్లె.... మురిసిపోతున్నదట తెలంగాణ పల్లె, 50 రోజులు దాటినా ఓడ్వని ధర్నాలు...జనగాం దిక్కు గుడిసె జనాల అవస్తలు, వడగళ్ల వానకు వరిచెట్లన్నీ ఆగం ఆగం..పంట పొలాల పొంటి తిరిగిన ప్రతిపక్షపోళ్లు, శ్రీరామ నవమికి మేకలు, కోళ్ల బలి...ఉండాల మండలంలో గమ్మత్తు పెళ్లి, యాదగిరి నర్సన్నను భయపెట్టిన గాలి..ఇంక గంట సేపు వస్తే గాయ గాయే అవ్వు. ఇత్యాది అంశాలతో 'మల్లన్న ముచ్చట్లు' కార్యక్రమంలో మల్లన్న మన ముందుకు వచ్చారు. పూర్తి వివరాల కోసం ఈ వీడియోను క్లిక్ చేయండి...

18:54 - April 6, 2017

ఢిల్లీ: ఇండియన్‌ ఎయిర్‌లైన్స్‌ ఉద్యోగిపై దాడి చేసిన శివసేన ఎంపి రవీంద్ర గైక్వాడ్‌ లోక్‌సభలో వివరణ ఇచ్చారు. ఎయిర్‌లైన్స్‌ ఉద్యోగి తనపట్ల అవమానకరంగా ప్రవర్తించారని ఆరోపించారు. తాను ఓ ఎంపీన‌ని చెప్పగా.. అయితే ఏంటి? నువ్వేమైనా మోదీవా అని అడిగాడ‌ని గైక్వాడ్ స‌భ‌కు చెప్పారు. ఈ మాట అన్న త‌ర్వాత అత‌న్ని తాను తోసేశాన‌ని, ఈమాత్రం దానికే త‌న‌పై హ‌త్యాయ‌త్నం కేసు ఎలా న‌మోదు చేస్తార‌ని ప్రశ్నించారు. ప్రయాణించే హక్కును విమాన సంస్థలు నిలిపివేశాయని ఆవేదన వ్యక్తం చేశారు. విమానంలో ప్రయాణించేలా పార్లమెంట్‌ తనకు న్యాయం చేయాలని గైక్వాడ్ విజ్ఞప్తి చేశారు. తాను ఏమైనా త‌ప్పు చేసి ఉంటే స‌భ‌కు క్షమాప‌ణ చెబుతున్నాన‌ని, ఆ ఉద్యోగికి మాత్రం చెప్పన‌ని ఆయ‌న స్పష్టంచేశారు. ఎయిర్‌ ఇండియా సిఎండిపై చర్యలు తీసుకోవాలని గైక్వాడ్‌ డిమాండ్‌ చేశారు. ప్రయాణికుల భద్రత విషయంలో రాజీ పడబోమని కేంద్ర మంత్రి అశోకగజపతి రాజు స్పష్టం చేశారు. 

18:50 - April 6, 2017

ఢిల్లీ: పార్లమెంట్‌లో శివసేన తీరును టీడీపీ ఖండించింది. శివసేన ఎంపీలు ప్రవర్తించిన తీరుపై స్పీకర్‌కు ఫిర్యాదు చేసినట్లు కేంద్రమంత్రి సుజనాచౌదరి తెలిపారు. 

15:42 - April 6, 2017

ఢిల్లీ: లోక్‌సభలో శివసేన ఎంపీ గైక్వాడ్‌ వ్యవహారంపై లోక్‌సభలో గందరగోళం నెలకొంది. గైక్వాడ్‌ విమాన ప్రయాణం చేయకుండా నిషేధం విధించడాన్ని నిరసిస్తూ కేంద్ర విమానయాన మంత్రి అశోక్‌గజపతిరాజుతో వాగ్వాదానికి దిగారు. అంతేకాకుండా కొంతమంది ఎంపీలు అశోక్‌గజపతిరాజుపై దాడికి యత్నించారు. పరిస్థితి చేయి దాటుతుండడంతో కేంద్రమంత్రులు రాజ్‌నాథ్‌సింగ్‌, స్మృతి ఇరానీలు శివసేన ఎంపీలను అడ్డుకున్నారు. ఈ వ్యవహారంతో సభలో గందరగోళం నెలకొంది. దీంతో స్పీకర్‌ సభను వాయిదా వేశారు. అయితే లోక్‌సభలో జరిగిన ఘటనకు శివసేన ఎంపీ గైక్వాడ్‌ క్షమాపణ చెప్పారు. 

Pages

Don't Miss

Subscribe to RSS - indian politics