Jammu and Kashmir

14:08 - December 18, 2018

జమ్ముకశ్మీర్‌ : జమ్ము కశ్మీర్ లో ఆరు నెలల గవర్నర్ పాలన  డిసెంబర్ 18తో ముగియనున్న క్రమంలో డిసెంబర్ 19 నుండి  నుంచి రాష్ట్రపతి పాలన అమలులోకి రానుంది. గవర్నర్ పాలన ముగియగానే..రాష్ట్రపతి పాలన విధించాలని కేంద్రం నిర్ణయించినట్టుగా తెలుస్తోంది. దీనికి సంబంధించిన జమ్ము కశ్మీర్ గవర్నర్ సత్యపాల్ మాలిక్ నుంచి ఓ నివేదికను తెప్పించుకున్న కేంద్ర ప్రభుత్వం రాష్ట్రపతి పాలన మొగ్గు చూపినట్లుగా తెలుస్తోంది. ఈ నివేదికను మంత్రి మండలి ఆమోదించిందని..ప్రస్తుతం దీనికి సంబంధించిన ఫైల్ రాష్ట్రపతి రామ్‌నాథ్ కోవింద్ వద్ద వుంది. దీనిపై రాష్ట్రపతి ఆమోద ముద్ర వేయటమే తరువాయి కశ్మీర్ లో ఇక రాష్ట్రపతి పాలన ప్రారంభంకానున్నట్లుగా తెలుస్తోంది.  
2018 జూన్ లో జమ్ము కశ్మీర్ లోని సంకీర్ణ కూటమి నుంచి బీజేపీ వైదొలగడంతో మెహబూబా ముఫ్తీ ప్రభుత్వం పడిపోయింది. అనంతరం పిడీపీకి సరైన సంఖ్యాబలం లేకపోవటంతో తప్పనిసరి పరిస్థితుల్లో మఖ్యమంత్రి పదవికి మెహబూబా ముఫ్తీ రాజీనామా చేసారు. అనంతరం కాంగ్రెస్ తో కలిసి మరోసారి ప్రభుత్వాన్ని ఏర్పాటు చేసేందుకు యత్నించింది. కానీ గవర్నర్ అసెంబ్లీ రద్దు అయినట్లుగా అధికారికంగా ప్రకటించేయటంతో పీడీపీ మరోసారి ప్రభుత్వాన్ని ఏర్పాటుకు అవకాశం లేకుండా పోయింది. 
గవర్నర్ పాలన నేపథ్యం..
గవర్నర్ పాలన విధించాలంటూ రాష్ట్రపతి రామ్‌నాథ్ కోవింద్ కు గవర్నర్  సిపార్సు చేశారు. దీనిపై అత్యవసరంగా నిర్ణయం తీసుకోవాల్సిన అవసరం ఉందని ఆయన రాష్ట్రపతికి విన్నవించారు. దీంతో వెంటనే జమ్మూ కశ్మీర్ లో గవర్నర్ పాలన విధిస్తున్నట్లు రాష్ట్రపతి ప్రకటించారు. దీంతో జమ్ము కశ్మీర్ లో గవర్నర్ పాలన ప్రారంభమైంది. ఆపై ఆరు నెలల్లో కొత్త ప్రభుత్వం లేదా అసెంబ్లీ రద్దు జరగాల్సివుండగా, రెండూ జరగలేదు. దీంతో తదుపరి ఆరు నెలలూ రాష్ట్రపతి పాలన విధించి, ఈ ఆరు నెలల్లో ఎన్నికలు జరిపించాల్సివుంటుంది. ఏ కారణం చేతనైనా వచ్చే ఆరు నెలల్లో ఎన్నికలు సాధ్యం కాకుంటే, రాష్ట్రపతి పాలనను మరో ఆరు నెలల పాటు పొడిగించవచ్చు.

 
14:57 - December 15, 2018

శ్రీనగర్‌: పచ్చని చల్లని కశ్మీరం  కశ్మీర్‌ లోయ మరోసారి అల్లర్లతో అట్టుడికిపోతోంది. భద్రతాదళాలకు, ఉగ్రవాదులకు మధ్య ఎదురుకాల్పుల్లో  ముగ్గురు ఉగ్రవాదులను భద్రతాదళాలు మట్టుబెట్టారు. దీంతో పుల్వామా జిల్లాలో స్థానికులు ఆందోళనకు దిగగా...వారిని అడ్డుకునేందుకు భద్రతాసిబ్బంది కాల్పులు జరిపారు. ఈ కాల్పుల్లో ఏడుగురు యువకులు ప్రాణాలు కోల్పోయారు. పుల్వామా జిల్లాలోని సిర్నో గ్రామంలో ఉగ్రవాదులు ఉన్నట్లుగా  నిఘా వర్గాలకు అందిన సమాచారంతో భద్రతాసిబ్బంది కార్డన్‌ సెర్చ్‌ నిర్వహించారు. తనిఖీల సమయంలోనే.. ఉగ్రవాదులు భద్రతా బలగాలపై కాల్పులు జరిపారు. ముగ్గురు టెర్రరిస్టులు హతమయ్యారు. ఓ జవాను కూడా చనిపోయాడు. రెండు వర్గాల మధ్య కాల్పులు ముగిసిన అనతరంతరం స్థానిక యువకులు భద్రతాసిబ్బందికి వ్యతిరేకంగా ఆందోళన చేపట్టారు.

రెండు వర్గాల మధ్య ఘర్షణలు పెరిగాయి. ఆందోళనకారులపై పోలీసులు రబ్బర్ బుల్లెట్స్ పేల్చారు. ఈ ఘర్షణల్లో ఏడుగురు సామాన్యులు చనిపోయారు. కొందరు గాయపడ్డారు. సామాన్యుల మృతితో స్థానికుల్లో ఆగ్రహం కట్టలు తెంచుకుంది. పరిస్థితులను అదుపు చేసేందుకు పుల్వామాలో ఇంటర్నెట్‌ సేవలను నిలిపివేశారు. సైన్యం జరిపిన కాల్పుల్లో ముగ్గురు ఉగ్రవాదులు, ఏడుగురు సామాన్యులు.. మొత్తం  10మంది చనిపోయారు.

13:59 - December 15, 2018

జమ్ము కశ్మీర్ : భారత ఆర్మీలో మహిళా సైనికులను రిక్రూట్ చేసుకునే విషయంలో ఆర్మీ చీఫ్ బిపిన్ రావత్ సంచలన నిర్ణయం తీసుకున్నారు. అంతేకాదు భారత యుద్ధ రంగంలో మహిళలు సరిపోరంటు ఆర్మీ చీఫ్ రావత్ వివాదాస్ప వ్యాఖ్యలు చేశారు. పిల్లల్ని పెంచటానికి మహిళలు సరిపోతారు గానీ యుద్ధం చేయటానికి మాత్రం సరిపోరని వివాదాస్పద వ్యాఖ్యలు చేశారు. 
ప్రస్తుతం ఆర్మీలోని మెడికల్, లీగల్, ఎడ్యుకేషనల్, సిగ్నల్స్, ఇంజినీరింగ్ విభాగాల్లో మహిళలను నియమిస్తున్నా యుద్ధ రంగంలోకి మాత్రం వారిని ఇంకా అనుమతించ లేదు. గానీ గతంలోనే రావత్ యుద్ధరంగంలోకి మహిళలను తీసుకునేందుకు యోచిస్తున్నామని తెలిపారు. ఇప్పుడు తాజాగా యుద్ధరంగంలోకి మహిళలు సరిపోరని తెలపటం మహిళలపై ఆయన కున్న వివక్షను, చులకన భావాన్ని తెలియజేస్తోంది.  
యుద్ధంలో మ‌హిళా ఆఫీస‌ర్లు, జవాన్లు..తోటి పురుష జ‌వాన్ల‌తో కొన్ని ఇబ్బందిక‌ర ప‌రిస్థితులు ఎదుర్కొనే అవ‌కాశం ఉంటుందనీ.. డ్రస్ ఛేంజ్ విషయంలో కొందరు పురుష జ‌వాన్లపై ఫిర్యాదులు చేస్తార‌ని రావత్ అనుమానం వ్యక్తంచేశారు. వాస్త‌వానికి మ‌హిళ‌ల‌ను ఆర్మీలోకి తీసుకునేందుకు సిద్ధంగా ఉన్నామ‌ని..కానీ గ్రామీణ ప్రాంతాల నుంచి వచ్చే పురుష జవాన్లు మ‌హిళా ఆఫీస‌ర్ ఆదేశాల‌ను పాటించేందుకు ఇష్టపడటంలేదన్నారు. ఒక‌వేళ క‌మాండింగ్ ఆఫీస‌ర్‌గా మ‌హిళ‌లు ఉంటే..వాళ్ల‌కు ఆరు నెల‌ల మెట‌ర్నిటీ సెల‌వును ఇవ్వ‌లేమ‌ని మహిళల పట్ల ఆర్మీ చీఫ్ ఇటువంటి వ్యాఖ్యలు చేయటం మహిళల పట్ల ఆయనకున్న అభిప్రాయాలను, చులకన భావాన్ని తెలుపుతోంది. ఈ క్రమంలో ఆర్మీలోకి మహిళలను రిక్రూట్ చేసుకోదలచుకోలేదని రావత్ స్పష్టం చేయటం మహిళల పట్ల వున్న వివక్షకు తార్కాణంగా చెప్పవచ్చు.
భారత చరిత్ర రాజుల కాలంలోనే మహిళ ఎటువంటి యంత్ర సామగ్రి లేకుండానే కత్తులతోనే మహిళలు కదనరంగంలో స్వైర విహారం చేసిన విషయం బహుశా ఆర్మీ చీఫ్ రావత్ కు తెలియనట్టుంది. ఝన్సీ లక్ష్మీభాయ్, రాణి రుద్రమదేవి వంటి రాణులు  తమ సత్తాను చాటిన చరిత్ర ఆర్మీ చీఫ్ తెలుసుకోవాల్సిన అవుసరముంది. ఆర్మీ యుద్ధరంగంలోకి మహిళలను తీసుకోకపోవటం వంటి నిర్ణయంతో మరోసారి పురుషాధిక్యతను భారతదేశం మహిళా వివక్షను చాటి చెప్పినట్లుగా వుంది. 
 

09:46 - December 15, 2018

శ్రీనగర్ : జమ్మూకాశ్మీర్ లో ఎన్ కౌంటర్ జరిగింది. పుల్వామా జిల్లాలో ఉగ్రవాదులకు, భద్రతాదళాలకు మధ్య ఎదురు కాల్పులు జరిగాయి. భద్రతాదళాలు జరిపిన కాల్పుల్లో ముగ్గురు ఉగ్రవాదులు హతమయ్యారు. ఉగ్రవాదులు జరిపిన కాల్పుల్లో ఇద్దరు జవాన్లుకు గాయాలు అయ్యాయి. దీంతో అక్కడ ఉద్రిక్తత నెలకొంది.

 

13:03 - December 13, 2018

శ్రీనగర్ : జమ్మూకాశ్మీర్ లో ఎన్ కౌంటర్ జరిగింది. బారాముల్లా జిల్లా సోపూర్ లో భద్రతా దళాలకు, టెర్రరిస్టులకు మధ్య ఎదురు కాల్పులు జరిగాయి. భద్రతా బలగాల కాల్పుల్లో ఇద్దరు టెర్రరిస్టులు హతమయ్యారు. 

 

11:49 - December 8, 2018

జమ్మూ కాశ్మీర్ : రాష్ట్రంలో మరో ఘోర ప్రమాదం చోటు చేసుకుంది. ఓ బస్సు లోయలో పడి పోవడంతో 11 మంది మృతి చెందగా 15 మందికి గాయాలయ్యాయి. ప్లేరా సమీపంలో ఈ ఘటన చోటు చేసుకుంది. లోరన్ నుండి పూంచ్ జిల్లాకు వెళుతున్న బస్సు మండి ప్రాంతంలో అదుపుతప్పింది. దీనితో ఒక్కసారిగా బస్సు లోయలోకి దూసుకెళ్లింది. ఆ సమయంలో బస్సులో మొత్తం 26 మంది ఉన్నట్లు సమాచారం. ఘటనాస్థలంలోనే 11 మంది మరణించగా మరో 15 మందికి గాయాలయ్యాయి. వీరిలో 5గురి పరిస్థితి విషమంగా ఉన్నట్లు సమాచారం. సమాచారం తెలుసుకున్న అధికారులు సహాయక చర్యలు చేపట్టారు. లోయలో పడిన బస్సును బయటకు తీసేందుకు ప్రయత్నిస్తున్నారు. బస్సు ప్రమాదానికి గల కారణాలు ఇంకా తెలియరాలేదు. పూర్తి వివరాలు తెలియాల్సి ఉంది. 

14:54 - November 26, 2018

జమ్ము కశ్మీర్ : దేశాన్ని కాపాడటంలో ఇండియన్ ఆర్మీ చేసిన త్యాగాలు అసామాన్యమైనవి. కంటికి రెప్పలా దేశాన్ని కాపలా కాయటంలో వారి ప్రాణాలకు సైతం అడ్డువేసి..ప్రజలను రక్షించటంలోవారి వారే సాటి. అంతేకాదు ఉగ్రవాదులు కూడా తమలా ఓ తల్లికి పుట్టిన బిడ్డలేనని..అయినా తమ దేశాన్ని నాశనం చేసేందుకు వస్తే ప్రాణాలు తీసేందుకు కూడా వెనుకాడబోమని ఇప్పటికే పలుమార్లు మన ఇండియన్ ఆర్మీ నిరూపించింది. ఈ నేపథ్యంలో ఇండియన్ ఆర్మీ ఘనత..మానవత ఇనుమడించే సంఘటన ఒక చోటుచేసుకుంది పచ్చటి, చల్లటి కశ్మీర్ లో.
నీ బిడ్డను చంపబోము అంటు ఓ ఉగ్రవాది తల్లికి ఆర్మీ మాట..
సున్నితమైన కశ్మీర్లో పాక్ ఉగ్రవాదులను మట్టుబెడుతున్న సైన్యం.. ఓ తల్లికి ఇచ్చిన మాటను నిలబెట్టుకుంది. ఆదివారం కశ్మీర్లోని బిజ్నారి ప్రాంతంలో జైషే మహ్మద్ ఉగ్రవాద సంస్థకు చెందిన ఇద్దరు టెర్రరిస్టులు భద్రతా దళాలకు తారసపడ్డారు. వారు సైన్యంపై కాల్పులు జరపగా.. భద్రతా దళాలు కూడా ఎదురు కాల్పులు జరిపాయి. ఈ కాల్పుల్లో పాకిస్థాన్‌కు చెందిన ఓ ఉగ్రవాది హతం అయ్యాడు.
కానీ స్థానికంగా పట్టుబడిన ఓ టెర్రరిస్టును మాత్రం ఇండియన్ ఆర్మీ మట్టుపెట్టకుండా ప్రాణాలతో పట్టుకుంది. దీనికి ఓ చెప్పుకోదగిన సంఘటన దాగి వుంది. సోహైల్ అనే టెర్రరిస్టును ప్రాణాలతో పట్టుకున్నారు. నీ బిడ్డను చంపబోమని గతంలో అతడి తల్లికి ఇచ్చిన మాట కోసం భారత సైన్యం అతణ్ని ప్రాణాలతో పట్టుకుంది. అతడు కాల్పులు జరుపుతున్నా..గానీ అతనిపై ఎదురు కాల్పులకు దిగకుండా తమను తాము రక్షించుకుంటునే సొహైల్ ను ప్రాణాలతో పట్టుకుంది మన భారత సైన్యం. అనంతరం సోహైల్‌ను కశ్మీర్ పోలీసులకు అప్పజెప్పిన ఆర్మీ.. అతడి తల్లికి ఇచ్చిన మాటను నిలబెట్టుకుంది. ఇచ్చిన మాటనే కాదు మానవత్వాన్ని చాటి చెప్పింది మన ఇండియన్ ఆర్మీ. దటీజ్ ఇండియన్ ఆర్మీ.

 

12:21 - November 22, 2018

శ్రీనగర్: ప్రభుత్వాన్ని ఏర్పాటు చేయాలని ప్రతిపక్ష పార్టీల కూటమి ప్రయత్నిస్తున్న తరుణంలో గవర్నర్ సత్యపాల్ మాలిక్ జమ్మూ కాశ్మీర్‌ అసెంబ్లీని రద్దుచేస్తున్నట్టు ప్రకటించి షాకిచ్చారు. తన అధికారాలను ఉపయోగించి రాజ్యాంగంలోని సెక్షన్ 53 ప్రకారం అసెంబ్లీని రద్దుచేస్తున్నట్టుగా గవర్నర్ ఆదేశాలు జారీచేశారు.  
పీడీపీ ఆద్వర్యంలోని ప్రతిపక్ష పార్టీల కూటమి ప్రభుత్వాన్ని ఏర్పాటు చేయాలని ప్రయత్నాలు చేస్తుండగా గవర్నర్ అసెంబ్లీని రద్దుచేయడం విమర్శలకు దారితీసింది. గవర్నర్ నిర్ణయాన్ని నిరసిస్తూ పీడీపీ నేత మాజీ ముఖ్యమంత్రి మహబూబూ ముఫ్తీ గవర్నర్‌కు లేఖ రాశారు. తమ పార్టీకి 29 ఎమ్మెల్యేల మద్దతు ఉందని.. కాంగ్రెస్, నేషనల్ కాంగ్రెస్ మద్ధతు ఇస్తామని ప్రకటించాయని... ఈ నేపథ్యంలో అసెంబ్లీని రద్దుచేయడం సరైన చర్యకాదని మహబూబా పేర్కొన్నారు. తమ పార్టీ మద్ధతు ఇచ్చే ఎమ్మెల్యేల సంఖ్య 56 ఉందని పేర్కొంటూ మహబూబా ముక్తీ లేఖ రాశారు.

 

11:57 - September 26, 2018

జమ్ము కశ్మీర్ : అందాల కశ్మీరం మరోసారి హెచ్చరికల నిఘాలోకి వెళ్లిపోయిందా? పోలీసుల విధులకు అడ్డుతగులతు..ఉగ్రవాదులు పోలీసులపై బెదిరింపులకు పాల్పడతున్నారు. తమ హెచ్చరికలు ఖాతరు చేయకుంటే  ఖతం చేస్తాం..ఉద్యోగాలకు రాజీనామా చేసి, ఇంటికి పరిమితం కాకుంటే మరణం తప్పదంటూ హిజ్బుల్ ముజాహిద్దీన్ ఉగ్రవాదులు ట్వీట్ చేసిన తరువాత, నాలుగు రోజుల వ్యవధిలో 40 మంది పోలీసులు రిజైన్ చేసినట్టు తెలుస్తోంది. దీనిపై స్పదించిన జమ్ము కశ్మీర్ చీఫ్ సెక్రెటరీ బీవీఆర్ సుబ్రమణియమ్  మాత్రం కాశ్మీరు లోయలో 30 వేల మందికి పైగా ఎస్పీఓ ఉన్నారని, ఆ సంఖ్యతో పోలిస్తే రిజైన్ చేసినవారు తక్కువేనన్నారు. కశ్మీర్ లోయలో పోలీసు అధికారులను దొరికినవారిని దొరికినట్టు ఉగ్రవాదులు హత్యలు చేస్తున్నారు. గత వారంలో ముగ్గురు పోలీసులను వారి ఇళ్ల నుంచి కిడ్నాప్ చేసిన ఉగ్రవాదులు దారుణంగా చంపేశారు. వారిపై బులెట్ల వర్షం కురిపించారు. ఆపై సోషల్ మీడియాలో పోలీసులు రాజీనామా చేస్తున్న వీడియోలను ఉగ్రవాదులు వైరల్ చేసారు. దీన్ని ప్రభుత్వ వర్గాలు ఖండించాయి.

 

09:40 - September 15, 2018

జమ్మూ కాశ్మీర్ : అక్రమంగా భారతదేశంలోకి ప్రవేశించడానికి ఉగ్రవాదులు ఇంకా ప్రయత్నాలు కొనసాగుతూనే ఉన్నాయి. భారత బలగాలకు..ఉగ్రవాదులకు మధ్య కాల్పులు జరుగుతుండడం పరిపాటిగా మారిపోయింది. తాజాగా కుల్గాంలో జరిగిన ఎన్ కౌంటర్ లో నలుగురు ఉగ్రవాదులు హతమయ్యారు. వీరు లష్కరే తోయిబా, హిజ్బుల్ ముజాహీద్ టెర్రరిస్టులుగా గుర్తించారు. 
గాలింపులో భాగంగా ఈ కాల్పులు కొనసాగుతున్నాయి. ఓ ఇంట్లో ఉగ్రవాదులు నక్కారన్న సమాచారం మేరకు భారత బలగాలు గాలింపులు చేపట్టాయి. శుక్రవారం రాత్రి నుండి కొనసాగిన కాల్పులు శనివారం ఉదయం వరకు కొనసాగాయి. ఎన్ కౌంటర్ నేపథ్యంలో భాగంగా బారాముల్లా, కాజీగండ్ ప్రాంతంలో రైళ్ల సర్వీసులను రద్దు చేశారు. పూర్తి వివారాలు తెలియాల్సి ఉంది. 

Pages

Don't Miss

Subscribe to RSS - Jammu and Kashmir