janam pata

13:25 - July 16, 2017

సాహిత్యం సమాజంలోని ప్రజలను చైతన్య పరుస్తుంది. దోపిడివర్గాల గుట్టును రట్టు చేస్తుంది. సామాజిక అసమానతలను బయట పెడుతుంది. అట్టడుగు వర్గాల ప్రజలను  ఉద్యమాల బాట పట్టిస్తుంది. అలాంటి రచనలు చేసిన రచయితలు మన మధ్య ఎందరో ఉన్నారు. వారిలో అభ్యుదయ గేయ రచయిత నూనెల శ్రీనివాసరావ్. ఆయనపై కథనంతో ఈ వారం మీ ముందుకొచ్చింది 10 టి.వి.అక్షరం. తెలుగు నాట వచన కవిత్వం రాసే కవులతో పాటు గేయరచయితలెందరో ఉన్నారు. కవిత్వం మేధావులను ఆలోచింపజేస్తే.... గేయాలు సామాన్య ప్రజలను చైతన్యవంతం చేస్తాయి. అలాంటి గేయాలు రాసిన విశాఖ జిల్లా రచయిత నూనెల శ్రీనివాసరావు. ఆయన వందకు పైగా గేయాలు రాసారు. శ్రమైక గేయాలు అన్న పాటల పుస్తకం కూడా వెలువరించారు. గేయకవి నూనెల శ్రీనివాస్ రావు జనం పాట మీ కోసం. మరిన్ని వివరాలను వీడియోలో చూద్దాం..

13:34 - March 26, 2017

తెలంగాణాలో ఎందరో గేయ రచయితలు ఉన్నారు. ప్రజాసమస్యలను అక్షరీకరిస్తూ ఎన్నో పాటలు రాస్తున్నారు. ప్రజల్లో చైతన్యం తెస్తున్నారు. అలాంటి వారిలో దేవణ్ణ ఒకరు. సమాజంలోని అనేక సమస్యలపై ఎప్పటికప్పడు స్పందిస్తూ వందలాది పాటలు రాసిన గేయరచయిత దేవణ్ణ జనం పాటలు చూద్దాం....

12:09 - February 19, 2017

తెలంగాణా అంటేనే పాట వినిపిస్తుంది. ప్రాణం లేచొస్తుంది. హృదయం కంపిస్తుంది. దేహం కదం తొక్కుతుంది. ఉద్రేకం ఉప్పొంగుతుంది. ఉద్యమాలకు పురుడు పోస్తుంది. అంతటి శక్తిమంతమైన పాటలు రాసిన గేయరచయితలు తెలంగాణాలో ఎందరో ఉన్నారు. వారిలో గడ్డం ఉదయ్ ఒకరు. ఈ గేయరచయిత చదివింది పదో తరగతే అయినా సమాజాన్ని బాగా పరిశీలించి మానవాభ్యుదయం కోసం ఎన్నో పాటలు రాశారు. ప్రజాకవి గడ్డం ఉదయ్ గురించి మరిన్ని వివరాలకు వీడియో క్లిక్ చేయండి.

 

13:37 - June 19, 2016

గాయాల తెలంగాణాపై వచ్చినన్ని గేయాలు మరేప్రాంతంలోనూ రాలేదు. ఇక్కడి రచయితలు ప్రతి అంశాన్ని, దృశ్యాన్ని, సవాలక్షసామాజిక సమస్యలను గేయాలుగా రాస్తున్నారు. అలాంటి వారిలో మానుకోట ప్రసాద్ ఒకరు. ఆయన పల్లెను ,నల్లరేగడి నేలను,చెరువులను రైతులను.ఇలా అనేకాంశాలపై ఎన్నో గేయాలు రాశాడు.గేయకవి మానుకోట ప్రసాద్ ను పరిచయం చేస్తున్నారు...మరో ప్రముఖ గేయ రచయిత స్ఫూర్తి ..నేటి జనం పాటలో... ఆ వివరాలను వీడియోలో చూద్దాం....

 

15:13 - June 5, 2016

పాలమూరు మట్టిబిడ్డడు..నిరక్షరాస్యుడు..గొర్రెల పెంపకమే వృత్తిగా కలిగిన వాగ్గేయకారుడు..అతడే కొండన్న..ఈయనకు తెలుగు రాష్ట్రాల్లో అభిమానులున్నారు. చదువు రాకపోయినా పాటలు రాయడం ఎలా వచ్చింది ? కుటుంబ జీవితం ఎలా మొదలయ్యింది ? గొర్లు..మహబూబ్ నగర్ కరవు పరిస్థితులు..అడవుల్లో పక్షుల కిలకిలలు..గువ్వలకు సంబంధించిన..చిలుకల పలుకులు..తెలంగాణ ఉద్యమంపై..ఇలా అంశాలపై కొండన్న పాటలు రాసిండు. మస్త్ మస్త్ గా ఉన్న ఈ పాటలు వినాలంటే వీడియో క్లిక్ చేయండి. 

14:28 - May 15, 2016

పాటను తూటాలా ప్రజలగుండెల్లో పేల్చిన గేయ రచయితలెందరో ఉన్నారు. సమాజంలోని అనేక అంశాలపై వీరు పాటలు రాశారు. ప్రజా చైతన్యమే వీరి లక్ష్యం. అలాంటి వారిలో ఆర్.ఎ.వాసు ఒకరు. 

రైతుల కష్టాలను, వలసలను, చేనేత పరిశ్రమ దుస్థితిని, పేదపిల్లలు చదువుకునే హాస్టళ్ళ పరిస్థితిని, నిరుపేదలు జానెడు స్థలానికి కూడా నోచుకోని కడు దయనీయ పరిస్థితులను ఈ గేయ కవి తన పాటల్లో హృదయ విదారకంగా వర్ణించాడు. సమస్యలకు పరిష్కారం తిరగబడటమే అంటాడు.. 

ప్రపంచీకరణ సృష్టించిన విధ్వంసాలవల్ల మెట్ట మెదట బలిపశువులైంది  భారతదేశంలోని రైతులు, కులవృత్తులవాళ్లే... అందుకే ఈ కవి రైతుల దైన్యస్థితిని , దుస్థితిని, విషాద పరిస్థితిని  వర్ణిస్తూ... ఊరునిడువ మన్నది కరువు... ఉరితాడై ఉన్నది పరువు.. వ్యవసాయమన్నది రైతుల పాలిట వనవాసమయ్యిందంటూ గేయమై విలపించాడు.

ఒప్పుడు కులవృత్తులతో  హాయిగా బతికే బడుగువర్గాల  ప్రజలు పాలకుల తప్పుడు విధానాల వల్ల నేడు కులవృత్తులను  కోల్పోయారు. దుర్భరంగా బతుకులు వెల్లదీస్తున్నారు . గ్లోబలైజేషన్ కువృత్తుల వారి కడుపులు కొట్టింది. జీవన దృశ్యాలను  చెరిపేసింది . పాలకుల కంటితుడుపు  సంక్షేమ పథకాలు  పేదల కంటనీరు తుడవలేక పోతున్నాయి.. ఈ నేపథ్యంలో కులవృత్తిని నమ్ముకున్న చాకలి వారికి రేవు ..ఒ కప్పుడు జీవనాధారంగా ఉండేది. ఆ రేవు గురించి రేవూ.. నిన్నిడువా జాలనే.. నా సాకీరేవు.. అంటూ ఒక అద్భుత గీతం రాశాడీ గేయ రచయిత.

పక్షులకు గూడు ఉంది.. పశువులకు కొట్టం ఉంది. నిరుపేదలు తల దాచుకోడానికి ఒక గుడిసె ఉండదు. పాలకుల స్వార్థం వల్ల ఈ దేశంలో ధనవంతులు మరింత ధనవంతులుగా మారిపోతున్నారు . ఆకాశ హర్మ్యాలలో నివసిస్తున్నారు . పేదవాళ్ళు మరింత పేదవాళ్ళుగా మారిపోతున్నారు .. చివరకు గుడిసె వేసుకోడానికి  కాసింత జాగాను  కూడా పొందలేక పోతున్నారు .ఇదే విషయాన్ని ఈ గేయ కవి ఆర్ద్రస్వరంతో వినిపిస్తాడు....

తరతరాలుగా నేతపని వాళ్లు మగ్గాలను నమ్ముకునే బతుకుతున్నారు . ఇవాళ హ్యాండ్లూమ్ ల స్థానంలో పవర్ లూమ్స్ వచ్చాయి. చేనేత కార్మికుల పొట్టలు కొట్టాయి. ఒకప్పుడు అగ్గి పెట్టెలో దాచిన చీరలల్లిన చేనేత కార్మికులు... అదే చీరలతో ఉరేసుకుని చస్తున్నారు. మరికొందరు  ఆ కులవృత్తిని వదులుకోలేక వేరే ఆధారం లేక జీవశ్చవాలుగా బతులకు వెళ్లదీస్తున్నారు . అందుకే ఈ కవి  ` మగ్గమా నీ వొడిని వొదిగి ఎదిగానమ్మా.. నిన్నిడిసి నేనెట్ల బతుకీడ్వగలను` అంటూ తానే ఒక నేత కార్మికుడై నేతల గోడును  విషాదస్వరంతో  వినిపిస్తున్నాడు..

చాలామంది బాగుపడే యోగం లేదు..  బాధ పడీ ఫలితంలేదని నిరాశకు గురవుతుంటారు. కాని అట్టడుగు వర్గాలనుండి వచ్చిన కవులు పోరాటమే అన్నింటికీ సమాధానమంటారు. ఈ వ్యవస్థలో దగా పడిన ప్రతి ఒక్కరూ తిరుగుబాటు చేయాలి. హక్కులకై  ఉక్కుపిడికిళ్లు బిగించాలి. ఉప్పెనలా ఉద్యమించాలి. ఆధిపత్య సంస్కృతి కోటలు కూలగొట్టాలి. ఇదే విషయాన్ని చెబుతూ ఈ కవి పిడికెలెత్తి నిలబడతా హక్కులకై ఉద్యమిస్తానంటూ ఓ పోరాటగేయమై రగిలిపోతాడు. 

ఇలా సమాజంలోని శ్రమజీవుల పక్షంవహిస్తూ అనేక పాటలు రాసిన ఆర్.ఎ .వాసు రాయలసీమలో కరువుకు నిలయమైన కర్నూల్ జిల్లాలో జన్మించాడు. వామపక్ష భావాలతో ఎదిగాడు. పేదలకోసం కలం పట్టి తన సృజనాత్మకతతో  అనేక గేయాలు రాస్తూ ప్రజలను చైతన్యవంతం  చేస్తున్నారు . భవిష్యత్తులో ఈ గేయకవి కలం నుండి మరెన్నో గేయాలు జాలువారాలని ఆశిద్దాం.

13:09 - February 28, 2016

`నా చిట్టీ చేతులు చక్కని రాతలు నేర్వలేదయ్యో `లాంటి చక్కని గేయాలతో సమాజంలో చైతన్యం వెల్లువెత్తించిన అభ్యుదయగేయకవి  చింతల యాదగిరి. ప్రచార పటాటోపాలకు దూరంగా ఉంటూ... సమాజంలోని ప్రతి దృశ్యానికి చలించిపోతూ పాటై కరిగిపోతుంటాడాయన. ఇటీవలే తీగో నాగో ఎన్నియలో అనే గేయసంపుటిని వెలువరించిన ప్రజాగేయ రచయిత ,గాయకులు చింతల యాదగిరి పై 10 టి.వి.ప్రత్యేక కథనం.

13:51 - January 31, 2016

సాహిత్యం సమాజాన్ని ప్రభావితం చేస్తుందా..? మనుషుల్లో మార్పును తీసుకొస్తుందా? ప్రజలను ఉద్యమాల బాట పట్టిస్తుందా? అంటే ఇలాంటి ప్రశ్నలన్నింటికీ అవుననే సమాధానం చెప్పుకోవాలి. ఎందరో  కవులు రచయితలు, నాటకకర్తలు సమాజహితం కోసం రచనలు చేస్తూనే ఉన్నారు. ప్రజలను చైతన్యవంతం చేస్తున్నారు. అలాంటి వారిలో  దెంచనాల శ్రీనివాస్ ఒకరు. కవి, నాటక రచయిత దెంచనాల శ్రీనివాస్ ప్రత్యేక కథనంతో పాటు కంటి సాయన్న జనం పాట, వివిధ సాహితీ వేదికల వేడుకల సమాహారంగా ఈ వారం మీ ముందుకొచ్చింది 10 టి.వి.అక్షరం
దెంచనాల శ్రీనివాస్.. 
దెంచనాల శ్రీనివాస్.. ఈ పేరు వింటే బలిపీఠం నాటకం మన కళ్ళముందు సాక్షాత్కరిస్తుంది. అంతే కాదు ఆయన పదునైన భాషతో దళిత బహుజన కవిత్వాన్ని శిల్పీకరించిన కవి. ఒక వైపు తెలుగు నాటకరంగాన్ని ఆధునికరిస్తూనే మరో వైపు దళిత బహుజన కవిత్వాన్ని అద్భుతంగా ధ్వనింపజేస్తున్నారు. కవి, నాటకకర్త, దెంచనాల శ్రీనివాస్ కవిత్వం, నాటకాల పరిచయం చూద్దాం...

కంటి సాయన్న 
కొంతమంది యువకులు ముందు యుగం దూతలు అన్నారు మహాకవి శ్రీశ్రీ. అలాంటి యువకుల్లో కంటి సాయన్న ఒకరు. ఆయన ఒక ఆర్.యం.పి డాక్టరుగా పేద ప్రజలకు సేవ లందిస్తూనే ప్రజలను చైతన్యవంతులను చేయడానికి పాటలు రాస్తూ క్యాసెట్లు వెలువరించారు. గేయరచయిత కంటిసాయన్న ..ఆయన పరిచయ కథనం నేటి జనంపాటలో చూద్దాం.. వివిధ ప్రాంతాల్లో జరిగిన సాహితీ వేదికల వేడుకల విశేషాలన వీడియోలో చూద్దాం..


 

12:54 - November 29, 2015

కొందరు పాటలను వినోదం కోసం రాస్తారు. మరి కొందరు విజ్ఞానం కోసం రాస్తారు. కాని తెలంగాణా గేయ రచయితలు మాత్రం వినోదం, విజ్ఞానంతో పాటు ప్రజలను చైతన్యవంతం చేయడానికే ఎక్కువగా పాటలల్లారు. అలాంటి వారిలో బండి సత్తెన్న ఒకరు. అక్షరాస్యత మెదలుకొని అమరవీరులను కీర్తించే వరకు వస్తు వైవిధ్యంతో ఆయన ఎన్నో పాటలు రాశారు. ప్రముఖ గేయ రచయిత బండి సత్తెన్న జనం పాటలపై ప్రత్యేక కథనం..

19:41 - October 25, 2015

సాహిత్యం మానవజాతి వికాసానికి పాదులు వేస్తుంది. మనిషిలోని మృగత్వాన్ని తొలగించి మానవత్వాన్ని మేల్కొల్పుతుంది. మానవ సమూహాలను రసప్రవాహాల్లో ముంచెత్తుతుంది. ఆనందానుభూతులను పంచి పెడుతుంది. వారి భావోద్వేగాలకు అద్దం పడుతుంది. అలాంటి సాహిత్యాన్ని సృష్టించిన సృజలకారులెందరో ఉన్నారు. వారిలో కామల్ల అయిలయ్య ఒకరు. శ్రమ నుండి పాట పుట్టింది. ఆపాటే శ్రమను మరిపించి శ్రామికులను, సమస్త ప్రజావళిని మురిపించింది. సామాజిక చైతన్యానికి, ఆహ్లాద ఆనందాలకు ఆలంబనగా నిలిచింది. అలాంటి పాటల ప్రక్రియను ఎన్నుకుని నిబద్దతతో పాటలు రాసిన గేయ రచయిత కామల్ల అయిలయ్య. ప్రజా రచయిత కామల్ల అయిలయ్యపై కథనం.

Pages

Don't Miss

Subscribe to RSS - janam pata