kadapa

15:43 - November 20, 2017

కడప : జిల్లాలో క్రికెట్ బెట్టింగ్ ముఠాను పోలీసులు అరెస్ట్ చేశారు. వారి వద్ద నుంచి రూ.2.50లక్షల నగదు, పదిహేడు సెల్ ఫోన్లు, కార్లు స్వాధీనం చేసుకున్నారు. పూర్తి వివరాలకు వీడియో క్లిక్ చేయండి.

13:00 - November 19, 2017

కడప : జిల్లాకే తలమానికంగా నిలవాల్సిన యోగివేమన యూనివర్శిటీ వివాదాలకు కేరాఫ్‌గా మారింది. దేశానికి మేధావులను అందించాల్సిన యూనివర్శిటీ వివాదాలతో అప్రతిష్టను మూటగట్టుకుంటోంది. అధికారులు, పాలక మండలి సభ్యులు ఇష్టారాజ్యంగా వ్యవహరిస్తున్నారు. యోగివేమన యూనివర్శిటీలో నెలకొన్న వివాదాలపై 10 టీవీ స్పెషల్‌ ఫోకస్. 
ఇక్కడ వారు చెప్పిందే వేదం
ఇక్కడ వారు చెప్పిందే వేదం. కాదంటే అంతు చూస్తామంటారు. కడప జిల్లా యోగివేమన యూనివర్శిటీలో పాలకమండలి సభ్యుల తీరు ఇది. నీతి నిజాయితీకి వాళ్లు ఎప్పుడో నీళ్లొదిలేశారు. వారి అవినీతిని బయట పెట్టినందుకు తమదే ప్రభుత్వం. తామే పాలకులం. తాము ఏం చెప్పినా ఒకే అనాల్సిందే అనేలా ప్రవర్తిస్తున్నారు. 
పాలకమండలి సభ్యుడు గోవర్ధన్ రెడ్డిపై ఆరోపణలు 
కడప జిల్లాలోని యోగివేమన యూనివర్శిటీ పాలకమండలి సభ్యుడు గోవర్ధన్ రెడ్డిపై తీవ్ర ఆరోపణలు వెల్లువెత్తుతున్నాయి. ఈ నెల 14న విజయవాడలో యోగివేమన యూనివర్శిటీ పాలక మండలి సమావేశం జరిగింది. సమావేశానికి వైస్ ఛాన్స్‌లర్‌తో పాటు పాలకమండలి సభ్యులు హాజరయ్యారు. ఈ సమావేశంలో ఈసీ సభ్యులు గోవర్ధన్‌ రెడ్డి వైవియు ఉద్యోగిపై చిందులేశారు. తన కాలేజ్‌పై  విచారణ చేసే మగాడివా? తానెవరో తెలుసా అంటూ సదరు ఉద్యోగిపై చిందులేశాడు.
వీసీపై కక్ష కట్టారనే ఆరోపణలు 
యోగివేమన యూనివర్శిటీ రిజిస్ట్రార్‌ రామచంద్రయ్యను పదవి నుంచి తొలగించాలని, అధికారులపై వత్తిడి తెచ్చారు. అందుకు అనుకూలంగా వ్యవహరించలేదని, వీసీపై కక్ష కట్టారనే ఆరోపణలున్నాయి. కళాశాల తనిఖీలో తగినంతమంది ఫ్యాకల్టీలు లేరని, సంబంధిత అధికారులు కొన్ని సెక్షన్లను రద్దు చేశారు. తాను ఈసీ మెంబర్ అని తెలిసినా, ఈ పని చేస్తారా అని అధికారులపై ఆగ్రహం వ్యక్తం చేసినట్లు తెలిసింది. అందుకే ఆయన వారి పట్ల కక్ష సాధింపు చర్యలకు పాల్పడుతున్నట్లు విద్యార్థి సంఘాల నాయకులంటున్నారు. వైవియు రిజిస్ట్రార్‌ను తొలగించాలని పాలకమండలి తీసుకున్న నిర్ణయానికి నిరసనగా విద్యార్థులు, ఉద్యోగులు ఆందోళన చేపట్టారు. నిజాయితీ గల అధికారులను బదిలీ చేస్తే ఊరుకోమని వారు స్పష్టం చేశారు. 
అవకతవకలు జరగలేదన్న రిజిస్ట్రార్ 
ఉద్యోగ నియామకాలలో ఎలాంటి అవకతవకలు జరగలేదని రిజిస్ట్రార్ రామచంద్రయ్య తెలిపారు. ఏసీలు రిపేర్ చేయడానికి తాము కొందరిని రోజు కూలీపై తీసుకున్నామని తెలిపారు. యూనివర్శిటీలో జరిగిన అవకతవకలపై తాను మాట్లాడానే తప్ప.. ఎవరిపైనా కక్ష సాధింపు లేదని పాలకమండలి సభ్యుడు గోవర్ధన్ రెడ్డి అన్నారు. ఈ గొడవలతో యూనివర్శిటీ వివాదాల సుడిలో చిక్కుకుపోతోంది. 

 

10:58 - November 19, 2017

కడప : జిల్లాలో శ్రీనివాస రిజర్వాయర్‌కు గండిపడింది. చిన్నమండెం మండలం నారాయాణరెడ్డిగారి పల్లె వద్ద కాలువకు గండిపడింది. పెద్ద ఎత్తున నీరు రోడ్లపైకి చేరుకుంటోంది. దీంతో మండలంలోని 15 గ్రామాలకు రాకపోకలు నిలిచిపోయాయి. 15 వందల ఎకరాల వరిపంట నీటిలో మునిగిపోయింది. 
మరిన్ని వివరాలను వీడియోలో చూద్దాం..

08:15 - November 16, 2017

కడప : జిల్లా నుంచి రాష్ట్రంలోని వివిధ నగరాలకు విమాన సర్వీసును ప్రారంభించేందుకు విమానయాన సంస్థలు ఆసక్తి చూపుతున్నాయి. ఇప్పటి వరకు కడప-హైదరాబాద్‌కు మాత్రమే ప్రైవేటు విమాన సర్వీసు ఉంది. ఇవాళ్టి నుంచి చెన్నైకి విమాన సర్వీసులు ప్రారంభం కానున్నాయి. కడప నుంచి కొత్త సర్వీసులను ప్రారంభించేందుకు ట్రూ జెట్‌ విమానయాన సంస్థ ముందుకొచ్చింది. ఈ సంస్థ ప్రస్తుతం కడప-హైదరాబాద్‌ల మధ్య నడుపుతున్న సర్వీసులను ఇప్పుడు చెన్నైకి విస్తరిస్తోంది.

దేశంలోని ద్వితీయ శ్రేణి నగరాలకు విమాన సేవలను అందుబాటులోకి తెచ్చే లక్ష్యంతో పౌర విమానయాన శాఖ మంత్రిత్వ శాఖ ఉడాన్‌ పథకాన్ని ప్రారంభించింది. స్థానిక అనుసంధానం కల్పించేందుకు ముందుగా కడప నుంచి హైరాబాద్‌కు విమాన సేవలు ప్రారంభమయ్యాయి. ప్రయాణికుల నుంచి దీనికి మంచి ఆదరణ లభిస్తోంది. గతే ఏడాది ఏప్రిల్‌-అక్టోబర్‌ మధ్య కడప-హైదరాబాద్‌-కడప మధ్య 3,500 మంది ప్రయాణించారు. ఈ ఏడాది ఇదే సయమంలో 13 వేల మంది రాకపోకలు సాగించారు. ప్రయాణికుల ఆదరణ పెరుగుతున్న నేపథ్యంలో ట్రూ జెట్‌ ఇప్పుడు కడప నుంచి చెన్నైకి విమాన సర్వీసులను ప్రారంభించబోతోంది. చెన్నైలో ఉదయం 9.50 గంటలకు బయలుదేరి, 10.45 గంటలకు కడప చేరుకుంటుంది. కడపలో మధ్యాహ్నం 2.10 గంటలకు బయలుదేరి, 3.05 గంటలకు చెన్నై చేరుకుంటుంది. ఈ మధ్య సమయంలో ఇదే విమానం హైదరాబాద్‌ వెళ్లివస్తుంది. కడప నుంచి విజయవాడ, బెంగళూరకు కూడా విమాన సర్వీసులు ప్రారంభించేందుకు ట్రూ జెట్‌ ప్రణాళికలు సిద్ధం చేస్తోంది. 

21:23 - November 15, 2017

కర్నూలు : జగన్‌ 9వరోజు ప్రజా సంకల్ప యాత్ర కర్నూల్‌ జిల్లాలో కొనసాగింది. పాదయాత్రలో చంద్రబాబు తీరుపై జగన్‌ మండిపడ్డారు. చంద్రబాబు తన మానిఫెస్టోని మాయం చేశారని అది ఉంటే ప్రజలు సీఎంను నిలదీస్తారన్నారు. ప్రజల సలహాలను తీసుకుని పాదయాత్ర ముగిసిన అనంతరం 2019మానిఫెస్టోని తయారు చేస్తానని జగన్‌ అన్నారు. చంద్రబాబు మానిఫెస్టోలాగా పేజీల కొద్ది తనది ఉండదని ప్రజలను మోసం చేసే విధంగా ఉండదని అన్నారు. అన్ని సామాజిక వర్గాలను సమానంగా చూస్తానన్నారు. 2019 మానిఫెస్టోలో పెట్టిన పనులు చేసిన తర్వాతే 2024లో ప్రజల ముందుకు వస్తానని జగన్‌ అన్నారు. 

21:18 - November 14, 2017

కర్నూలు : జగన్‌ ప్రజా సంకల్పయాత్ర ఎనిమిదోరోజు కర్నూలు జిల్లాలోకి ప్రవేశించింది. జిల్లాలోని ఆళ్లగడ్డ నియోజకవర్గం, చాగల మర్రి గ్రామం నుండి పాదయాత్ర ప్రారంభించారు. ప్రజా సమస్యలను తెలుసుకుంటూ జగన్‌ పాదయాత్ర సాగింది. జగన్ యాత్ర ఇవాళ వంద కిలోమీటర్లు దాటింది. గ్రామాల్లో ప్రభుత్వ పథకాలు పొందాలంటే జన్మభూమి కమిటీలకు లంచం ఇవ్వాల్సిన పరిస్థితి నెలకొందన్నారు. తాను అధికారంలోకి వస్తే ప్రతి గ్రామంలో సెక్రటేరియట్‌ ఏర్పాటు చేసి గ్రామస్థులకే ఉద్యోగం కల్పిస్తామన్నారు జగన్. 

18:52 - November 14, 2017

కర్నూలు : జగన్ ప్రజాసంకల్ప పాదయాత్ర కర్నూలు జిల్లాకు చేరుకుంది. కర్నూలు జిల్లా ఆళ్లగడ్డ నియోజకవర్గంలో చాగలమర్రి గ్రామం నుంచి ప్రారంభమైన యాత్ర ఉత్సాహంగా కొనసాగుతోంది. జిల్లాలోనే జగన్ పాదయాత్ర వంద కిలోమీటర్లు దాటింది. జిల్లాలో పాదయాత్రపై పూర్తి వివరాలకు వీడియో క్లిక్ చేయండి. 

18:48 - November 14, 2017

విజయవాడ : జగన్ కు ఇంగిత జ్ఞానం ఉందా ? అని ఎంపీ జేసీ దివాకర్ రెడ్డి ఎద్దేవా చేశారు. జగన్‌ తీరుపై అనంతపురం ఎంపీ జేసీ దివాకర్‌రెడ్డి తీవ్ర స్థాయిలో మండిపడ్డారు. చంద్రబాబు రాయలసీమకు నీరిచ్చి ఆదుకుంటుంటే.. జగన్‌ పల్నాడుకు నీరు తరలించాలని చూస్తున్నారని ఆగ్రహం వ్యక్తం చేశారు. ప్రతి క్షణం సీఎం కుర్చీ గురించే ఆలోచించే జగన్‌ ముఖ్యమంత్రి కాలేడని జేసీ అన్నారు. జగన్‌ రాజకీయాలు వదిలేసి పారిశ్రామిక వేత్తగా స్థిరపడాలని జేసీ దివాకర్‌రెడ్డి సూచించారు. 

13:09 - November 14, 2017

గుంటూరు : ఐటీ రంగాన్ని అభివృద్ధి చేసేందుకు విశాఖలో ప్రతినెలా ఐటీ షో చేస్తున్నట్లు మంత్రి లోకేశ్‌ తెలిపారు. నిరుద్యోగులకు ఉపాధి కల్పించేందుకు అన్ని చర్యలు తీసుకుంటామన్నారు. సిమెన్స్‌,సాప్‌,ఐబీఎమ్ ట్రైనింగ్‌ సెంటర్లు ఏర్పాటు చేసినట్లు తెలిపారు. ఏటా 10 వేల మంది యువతీయువకులకు స్కిల్‌ డెవలప్‌మెంట్‌ కోసం శిక్షణ ఇస్తున్నట్లు చెప్పారు.

 

12:57 - November 14, 2017

గుంటూరు : ఏపీ మండలి ఛైర్మన్ ఎన్నికకు నోటిఫికేషన్ విడుదలైంది. ప్రస్తుత ఛైర్మన్‌ నోటిఫికేషన్‌ విడుదల చేశారు. సాయంత్రం 5 గంటల లోపు నామినేషన్ల దాఖలుకు సమయమిచ్చారు. మరిన్ని వివరాలను వీడియోలో చూద్దాం..

 

Pages

Don't Miss

Subscribe to RSS - kadapa