kakani govardhan reddy

21:34 - January 11, 2017

నెల్లూరు : టీడీపీ ఎమ్మెల్సీ సోమిరెడ్డి చంద్రమోహన్‌రెడ్డికి విదేశాల్లో ఆస్తులున్నాయని ఆరోపిస్తూ.. వైసీపీనేత కాకాణి గోవర్దన్‌రెడ్డి చూపిన పత్రాలన్నీ నకిలీవేనని పోలీసులు తేల్చారు. కాకాణి ఆరోపణలతో సోమిరెడ్డి పోలీసులను ఆశ్రయించారు. కాకాణి చూపించిన డాక్యుమెంట్లలో నిజానిజాలను వెలికి తీయాలని ఫిర్యాదు చేశారు. దీనిపై విచారణ చేపట్టిన పోలీసులు కాకాణి చూపిన పత్రాలు నకిలీవని తేల్చారు. నకిలీ డాక్యుమెంట్ల తయారీలో ప్రమేయమున్న చిత్తూరు జిల్లాకు చెందిన మణిమోహన్‌ అలియాస్‌ చిరంజీవి, పి. వెంకటకృష్ణన్‌, హరిహరన్‌ను అరెస్ట్‌ చేశారు. నకిలీ పత్రాల తయారీకి ఉపయోగించిన ల్యాప్‌టాప్‌, రబ్బరుస్టాంప్స్‌, సెల్‌ఫోన్స్‌ను పోలీసులు స్వాధీనం చేసుకున్నారు.

Don't Miss

Subscribe to RSS - kakani govardhan reddy