KCR government

22:10 - July 19, 2018

హైదరాబాద్ : ఇసుక మాఫియా వెనుక మంత్రి కేటీఆర్‌ హస్తం ఉందని ఆరోపిస్తున్నారు నేరెళ్ళ బాధితులు. హైదరాబాద్‌ గాంధీభవన్‌లో టీ పీసీసీ చీఫ్‌ ఉత్తమ్‌కుమార్‌ను కలిసి తమ గోడు వెళ్ళబోసుకున్నారు బాధితులు.  తమకు న్యాయం చేయాలంటూ బాధితులు  వేడుకున్నారు. కేసీఆర్‌ ఆయన కుటుంబం ఇసుక మాఫియా ద్వారా వేల కోట్లు అక్రమంగా సంపాదిస్తున్నారని ఉత్తమ్‌ ఆరోపించారు. జులై చివరి రోజు వరకు నేరెళ్ల బాధితులకు న్యాయం చేయకపోతే దళిత గిరిజన ఆత్మగౌరవ సభ ఏర్పాటు చేసి పెద్ద ఎత్తున నిరసన కార్యక్రమం చేపడుతామన్నారు ఉత్తమ్‌. 
 

 

08:59 - July 17, 2018

హైదరాబాద్ : పార్టీ నేతలకు ఎన్ని జాగ్రత్తలు చెప్పినా మారడం లేదు. నిన్న ఓ ఎమ్మెల్యే...... నేడు ఓ అమాత్యుడు చేసిన ఫోన్ సంభాషణలు సోషల్ మీడియాలో చక్కర్లు కొడుతుండడం.....గులాబి పార్టీలో చర్చనీయంశంగా మారాయి. నేతల తీరుపై గులాబి దళపతి సీరియస్ అవుతున్నట్లు సమాచారం. ఓ సిఐ పై ఉన్నతాధికారితో తేల్చుకుంటానని ఆ అమాత్యులు చేసిన వ్యాఖ్యలు అధికార పార్టీలో ఇప్పుడు హాట్ టాపిక్ గా మారాయి.

వివాదాస్పదంగా గులాబీ నేతల తీరు..
ప్రభుత్వ పరంగా జరుగుతున్న కార్యక్రమాలపై గులాబీ అధిష్ఠానం ఎంత అప్రమత్తంగా వ్యవహరిస్తున్నా .. పార్టీ నేతల వైఖరి మాత్రం ఆ పార్టీకి కొత్త చిక్కులు తెచ్చిపెడుతోంది. నేతల వ్యవహారం అధికార పార్టీ పెద్దలను అయోమయానికి గురి చేస్తోంది. అమాత్యులు సహా....కింది స్థాయి నేతల వరకు వవ్యవహరిస్తున్న తీరు గులాబీదళపతికి కొత్త తలనొప్పులు తెచ్చిపెడుతోంది.

వివాదాస్పదంగా దక్షిణ తెలంగాణ అమాత్యుడి వైఖరి..
దక్షిణ తెలంగాణా జిల్లాలకు చెందిన ఓ అమాత్యుడి వ్యవహార శైలితో సీఎం కేసీఆర్‌ కస్సుబుస్సులాడుతున్నట్టు తెలుస్తోంది. మంత్రి తనయుడిపై వచ్చిన విమర్శలను చక్కదిద్దుకునే లోపే మరో వివాదంలో ఏకంగా మంత్రే చిక్కుకుంటున్నారు. సచివాలయంలో తన ఛాంబర్ లోనే ఓ భూవివాదాన్ని పరిష్కరించే యత్నం చేయడంపై కేసీఆర్‌ సీరియస్‌గా ఉన్నట్టు సమాచారం. ఈ కేసులో అమాత్యుడితో పాటు అదే జిల్లాకు చెందన ఓ శాసనసభ్యుడి మధ్య సచివాలయంలోనే తీవ్ర వివాదం రేగిందన్న ప్రచారం జోరుగా సాగుతోంది.

ఓఎస్డీ తరపున సీఐని బెదిరించిన మంత్రి!..
ఇదిలా ఉంటే తాజాగా తన ఓఏస్డీ తరపున వకాల్తా పుచ్చుకుని ఓ పోలీస్‌ సిఐ ను మంత్రి హెచ్చరించడం మరో సారి హాట్ టాపిక్ గా మారింది. మంత్రికి ఆ పోలీసు అధికారితో నేరుగా సంబంధం లేకపోయినా సిఐ ని దారికి తెచ్చుకునే యత్నం చేయడం....సిఐ కూడా అదే స్థాయిలో అమాత్యుడికి సమాధానం ఇవ్వడంతో మంత్రి వైఖరిపై గులాబి పార్టీలో గుసగుసలు జోరందుకున్నాయి. ఫోన్ సంభాషణపై మంత్రి ఓఎస్డీ పోలీసులకు ఫిర్యాదు చేయడంతో రాజకీయంగా ఈ అంశం మరింతే ముదిరే అవకాశం కనిపిస్తోంది. ఎంతో సైలెంట్ గా శాఖపరమైన అంశాలను చక్కదిద్దు కుంటారన్న పేరున్న సదరు మంత్రి... తాను నిర్వహిస్తున్న శాఖలో పంచాయతీలు నిర్వహిస్తున్నారన్న ప్రచారానికి ఇలాంటి సంఘటనలు అద్దం పడుతున్నాయన్న విమర్శలు వస్తున్నాయి. గులాబీబాస్‌ ఈవ్యవహారాన్ని ఎలా చక్కదిద్దుతారనే దానిపై పార్టీనేతల్లో ఆసక్తి నెలకొంది.

07:47 - July 17, 2018

నిజామాబాద్ : రాబోయే ఎన్నికల్లో టీఆర్ఎస్ 100 సీట్లు గెలిస్తే..తాను రాజకీయ సన్యాసం తీసుకుంటానని శాసన సభ మండలి ప్రతిపక్షనేత షబ్బీర్ అలీ అంటున్నారు. ప్రజలను మభ్యపెట్టేందుకు సర్వేల పేరుతో కేసీఆర్ డ్రామాలాడుతున్నారని ఆయన మండిపడుతున్నారు. ముందస్తు ఎన్నికలకు కాంగ్రెస్ సిద్ధంగా ఉందంటున్న ..శాసన మండలి ప్రతిపక్ష నేత షబ్బీర్ పేర్కొంటున్నారు.

17:22 - July 16, 2018
20:13 - June 8, 2018

సమ్మె విరమించకపోతే ఆర్టీసీని మూసివేస్తాం, సంస్థలో ఎన్నికల గెలుపు కోసమే యూనియన్లు సమ్మె బాట పట్టారన్న ముఖ్యమంత్రి వ్యాఖ్యలు సరికాదని వక్తలు అన్నారు. సీఎం వ్యాఖ్యలు బాధాకరమన్నారు. ఇదే అంశంపై నిర్వహించిన చర్చా కార్యక్రమంలో ఎన్ ఎంయూ ఉప ప్రధాన కార్యదర్శి అశోక్, ఎస్ డబ్ల్యుఎఫ్ తెలంగాణ రాష్ట్ర ప్రధాన కార్యదర్శి వీఎస్ రావు, టీఆర్ ఎస్ నేత శేఖర్ రెడ్డి, టీఎంయూ స్టేట్ సెక్రటరీ కమలాకర్ గౌడ్ పాల్గొని, మాట్లాడారు. ప్రభుత్వం చొరవ తీసుకుని కార్మికుల సమస్యలు పరిష్కరించాలని కోరారు. మరిన్ని వివరాలను వీడియోలో చూద్దాం... 

 

19:57 - June 8, 2018

హైదరాబాద్ : ఆర్టీసీని కార్మికులకు అప్పగిస్తే.. నాలుగేళ్లలో లాభాల పట్టిస్తామని.. టీఎస్ఆర్టీసీ గుర్తింపు కార్మిక సంఘం ప్రభుత్వానికి సవాల్‌ విసిరింది. సంస్థలో ఎన్నికల గెలుపు కోసమే యూనియన్లు సమ్మె బాట పట్టారన్న ముఖ్యమంత్రి వ్యాఖ్యలపై టీఎంయూ తీవ్ర ఆక్షేపణ తెలిపింది. దీనికి వ్యతిరేకంగా.. శనివారం నాడు.. అన్ని డిపోల ఎదుట నల్లబ్యాడ్జీలతో నిరసనలు తెలపాలని నిర్ణయించింది. 

టీఎస్ ఆర్టీసీ కార్మికుల సమ్మె వ్యవహారంలో చిక్కుముడి ఇంకా వీడలేదు. ఈనెల 11నుంచి సమ్మెకు వెళుతున్నట్లు గుర్తింపు కార్మిక సంఘం.. ఇప్పటికే నోటీసు ఇచ్చింది. శుక్రవారం ఉదయం.. రవాణా మంత్రి పి.మహేందర్‌రెడ్డితో కార్మిక సంఘాల నాయకులు చర్చలు జరిపారు. 

ఆర్టీసీ నష్టాల్లో ఉంది.. సమ్మె ఆలోచనను విరమించండి అన్న ఏక వాక్య ప్రతిపాదనతోనే ప్రభుత్వం సాగినట్లు తెలుస్తోంది. అయితే సంస్థను తమకు అప్పగిస్తే నాలుగేళ్లలో లాభాల పట్టిస్తామని కార్మిక సంఘాల నేతలు ప్రభుత్వానికి స్పష్టం చేశారు. 

ఆర్టీసీ ఎన్నికల్లో గెలుపు కోసమే కార్మిక సంఘం సమ్మె బాట పట్టిందని.. మొండిగా సమ్మెకే వెళితే.. సంస్థను ప్రైవేటు పరం చేయడం అనివార్యం అంటూ కేసీఆర్‌ చేసిన వ్యాఖ్యలపై కార్మిక సంఘాల నేతలు ఆగ్రహంగా ఉన్నారు. కేసీఆర్‌ వ్యాఖ్యలను ఖండిస్తూ.. శనివారం అన్ని డిపోల ఎదుట నల్లబ్యాడ్జీలు ధరించి నిరనస తెలపాలని యూనియన్లు నిర్ణయించాయి. 

మరోవైపు.. ముఖ్యమంత్రి వ్యాఖ్యలపై పలు జిల్లాల్లో కార్మికులు శుక్రవారం నిరసనలు తెలిపారు. కరీంనగర్‌లో కార్మికులు రిలే నిరాహార దీక్షలు మొదలు పెట్టారు. మారిన ముఖ్యమంత్రి తీరుపై వారు మండిపడుతున్నారు. 

సమ్మె విరమించాలన్న ప్రభుత్వ విజ్ఞప్తిపై.. రాష్ట్ర కమిటీలో సమావేశమై.. శనివారం నిర్ణయాన్ని వెల్లడిస్తామని టీఎంయూఐ నేతలు తెలిపారు. ఆర్టీసీకి సక్రమంగా నిధులు ఇవ్వాలని, డీజిల్‌ పెరుగుదల భారాన్ని ప్రభుత్వమే భరించాలని, ఆర్టీసీ నష్టాలను ప్రభుత్వమే భరించాలని వారు డిమాండ్‌ చేస్తున్నారు.

18:21 - June 8, 2018

హైదరాబాద్ : కేసీఆర్‌ పాలనలో కోర్టు తీర్పుకు గౌరవం లేదా అని జనారెడ్డి ప్రశ్నించారు. కోర్టు తీర్పును గౌరవించని కేసీఆర్‌ సీఎం పదవిలో  కొనసాగే నైతికత లేదన్నారు.  కేసీఆర్‌ నిరంకుశ పాలనపై కరపత్రాన్ని ముద్రించి రాష్ట్రవ్యాప్తంగా ప్రచారం చేస్తామన్నారు. ఖమ్మం, అలంపూర్‌లో సభలు, 24 గంటల నిరాహార దీక్షలు చేపట్టనున్నట్లు తెలిపారు.

15:37 - June 8, 2018

హైదరాబాద్ : కోమటిరెడ్డి వెంకట్‌రెడ్డి, సంపత్‌ కుమార్‌ల శాసనసభ సభ్యత్వాన్ని ప్రభుత్వం పునరుద్ధరించేంత వరకు పోరాటం చేస్తామని కాంగ్రెస్ పీసీసీ చీఫ్ ఉత్తమ్‌ కుమార్‌రెడ్డి స్పష్టం చేశారు. సీఎల్పీ సమావేశం అనంతరం మీడియాతో మాట్లాడారు. . టీఆర్ఎస్‌ ప్రభుత్వం ప్రజాస్వామ్య హక్కులను కాలరాస్తోందన్నారు. ప్రజాస్వామ్య హక్కులను ఏ విధంగా కాలరాస్తోందో అనే విషయాన్ని ఫాం ప్లేట్ల ద్వారా ప్రతి గ్రామంలో ప్రచారం చేస్తామన్నారు. త్వరలో నిరహార దీక్షను చేపడతామని నేతలు చెప్పారు. 

 

13:46 - June 8, 2018

హైదరాబాద్ : అధికార పార్టీ ఎమ్మెల్యేలకు కొత్త భ‌యం ప‌ట్టుకుంది. వ‌చ్చే ఎన్నిక‌ల గురించి గులాబీబాస్‌నుంచి వార్నింగ్‌లు రావడం సిట్టింగ్ ఎమ్మెల్యేల‌్లో గుబులు రేపుతోంది. నిన్న మొన్నటి వ‌ర‌కు అంద‌రికీ టికెట్లు ఖాయ‌మ‌న్న కేసిఆర్.. ఇప్పుడు టికెట్లు ద‌క్కని వారి జాబితా సిద్ధం చేశార‌న్న ప్రచారంతో నేత‌ల్లో ఆందోళన మొద‌లైంది.

గులాబి ద‌ళ‌ప‌తి హెచ్చరిక‌ల‌తో పార్టీ నేత‌ల్లో క‌ల‌క‌లం..
ఆట ఆగిందా ..సీటు గోవింద అన్నట్టుగా ఉంది.. గులాబీపార్టీలో కొందరు సిట్టింగ్‌ల పరిస్థితి. నిన్నటిదాకా సిట్టింగ్‌లు అందరికీ టెక్కెట్లు అని చెప్పిన కేసీఆర్.. ఇపుడు కత్తెరింపులు మొదలు పెట్టినట్టు తెలుస్తోంది. నోటికెట్‌ లిస్టులో తమపేరు ఉందేమో అని కొందరు గులాబీనేతలు టెన్షన్‌ పడుతున్నారు.

కేసిఆర్ వార్నింగ్ లతో వారికి టికెట్లు డౌటే అంటున్న నేత‌లు
నాలుగేళ్ల క్రితం సాధార‌ణ మెజార్టీతో అధికార ప‌గ్గాలు ద‌క్కించుకున్న గులాబి పార్టీ.. ఆతర్వాత మైండ్ గేమ్‌ మొదలుపెట్టి విప‌క్షాల‌ను తీవ్రంగా దెబ్బ తీసింది. టీడీపీ, కాంగ్రెస్, వైసిపి, బీఎస్పీ నుంచి విజ‌యం సాధించిన 25 మంది ఎమ్మెల్యేల‌ను కారెక్కించుకుంది. మొత్తం 119 నియోజ‌క‌వ‌ర్గాల్లో 90 శాస‌న‌సభ్యులుగా త‌మ బ‌లాన్ని పెంచుకుంది. తెలంగాణాలో రాజ‌కీయపున‌రేకీక‌ర‌ణ పేరుతో పొలిటికల్‌గా బ‌ల‌ప‌డేందుకు పావులు క‌దిపింది. ఇంత చేసినా 40కిపైగా నియోజకవర్గాల్లో పార్టీకి ఓటమితప్పదన్న సమాచారంతో కారుపార్టీ అధినేత గేర్‌మార్చారు.

అంద‌రికీ టికెట్లు ఇవ్వడం ఖాయ‌మన్న ధీమా..
కాని ఆరు నెల‌ల క్రితం వ‌ర‌కు నిర్వహించిన స‌ర్వే వివ‌రాల‌ను సంబంధిత శాస‌న‌స‌భ్యుల‌కు అందిస్తూ.. వ‌చ్చే ఎన్నిక‌ల్లో కూడా అంద‌రికీ టికెట్లు ఇవ్వడం ఖాయ‌మన్న ధీమా క‌ల్పించారు. ప్రస్తుతం ఉన్న సిట్టింగ్ ఎమ్మెల్యేల్లో ఒక్కరిద్దరు మిన‌హా....అంద‌రూ వ‌జ్రాలాంటి నేత‌లే అని ఇటీవ‌లే కితాబునిచ్చిన కేసిఆర్..... అంత‌లోనే హెచ్చరిక‌లు చేయ‌డం దేనికి సంకేతాలో అన్న ప్రశ్నలు గులాబీ నేత‌ల‌ను వెంటాడుతున్నాయి. ఇటీవ‌ల నిర్వహించిన ప‌లు స‌ర్వేల్లో దాదాపు 40 నియోజ‌క‌వ‌ర్గాల్లో పార్టీకి గ‌డ్డు ప‌రిస్థితులు ఎదుర‌య్యే అవ‌కాశాలున్నాయ‌ని తేలడంతో... గులాబీదళపతి యాక్షన్‌లోకి దిగినట్టు పార్టీలో గుసగుసలు వినిపిస్తున్నాయి. అయితే టిక్కెట్టు దక్కని వారికి ఒకేసారి మొఖంమీదనే విషయం చెబితే వారిస్థాయిలో పార్టీకి చేటుతెచ్చే ప్రమాదం ఉందని గులాబీస్‌ జాగ్రత్తపడ్డట్టు తెలుస్తోంది. అందుకే మెల్లగా అసలు విషయం తెలిసేలా నోటికెట్‌ లిస్టులో పేర్లను ఒక్కొక్కటిగా లీకుచేస్తున్నారని పార్టీలో చెప్పుకుంటున్నారు.  

13:42 - June 8, 2018

హైదరాబాద్ : ఆర్టీసీ కార్మికులతో ప్రభుత్వం జరిపిన చర్చలు ముగిశాయి. ఈ సందర్భంగా టీఎంయూ అధ్యక్షులు అశ్వత్థామ మాట్లాడుతు..ఆర్టీసీ సంస్థను అధికారులకు, బోర్డు మెంబర్లకు అప్పగిస్తే నాలుగేళ్లలో లాభాల బాట పట్టిస్తాం’ అని టీఎస్ ఆర్టీసీ టీఎంయూ నేత అశ్వత్థామరెడ్డి పేర్కొన్నారు. 11నుంచి జరిగే సమ్మెను వాయిదా వేయాలని రవాణా మంత్రి కోరారనీ..రాష్ట్ర కమిటీ సమావేశమై నిర్ణయం ప్రకటిస్తామని అశ్వత్థామ స్పష్టం చేశారు. ఆర్టీసీ నష్టాల్లో నడిచే సంస్థ కాదనీ..ఆ రకంగా చెప్పాలంటే లాభనష్టాలకు వ్యతిరేకంగా ఆర్టీసీని నడిపించాలని అశ్వత్థామ డిమాంబడ్ చేశారు. మాఈ సమ్మె చివరి సమ్మె కావాలని, అన్ని సమస్యలు ఈ సమ్మెతోనే పరిష్కారం కావాలనే ఉద్దేశ్యంతోనే ఈ సమ్మె ప్రారంభించామని అశ్వత్థామ స్పష్టంచేశారు.

ప్రభుత్వంతో ముగిసిన ఆర్టీసీ కార్మికుల చర్చలు..
ఆర్టీసీ కార్మికులతో ప్రభుత్వం జరిపిన చర్చలు ముగిశాయి. రవాణ మంత్రి మహేందర్‌రెడ్డి సమక్షంలో జరిగిన ఈ చర్చల్లో ఆర్టీసీ కార్మిక సంఘాల నాయకులతో సంస్థ చైర్మన్‌ సత్యనారాయణ, ఎండీ రమణారావు, రవాణ శాఖ ముఖ్యకార్యదర్శి సునీల్‌ శర్మ తదితరులు పాల్గొన్నారు. వేతన సవరణను అమలు చేయడంతోపాటు 19 డిమాండ్లను ఆమోదించాలని కోరుతూ టీఎంయూ సమ్మె నోటీసు ఇచ్చింది. తమ డిమాండ్లను ఆమోదించకపోతే ఈనెల 11 నుంచి సమ్మె చేస్తామని హెచ్చరించాయి. సమ్మె నిర్ణయాన్ని వాయిదా వేసుకోవాలని ప్రభుత్వం కోరింది. దీనికి కార్మిక సంఘాలు ఒప్పుకోలేదు. అందర్నితో చర్చించి తమ నిర్ణయాన్ని ప్రకటిస్తామని చెప్పి చర్చల నుంచి బయటకు వచ్చాయి. 

Pages

Don't Miss

Subscribe to RSS - KCR government