khammam

18:28 - June 8, 2018

భద్రాద్రి కొత్తగూడెం : జిల్లాలోని అశ్వారావు పేట మండల వ్యాప్తంగా చేపట్టిన బంద్‌ కొనసాగుతోంది. తెలంగాణ రాష్ట్రానికి ముఖ ద్వారం, రెండు రాష్ట్రాలకు సరిహద్దుగా ఉన్న ఈ గ్రామంలో... నూతనంగా ఏర్పడబోయే హైవే కారణంగా తెలంగాణ రాష్ట్ర సరిహద్దు మారడంతో పాటు.... అశ్వరావు పేట కనుమరుగయ్యే అవకాశం ఉంది. దీంతో తమ గ్రామాన్ని కాపాడుకోవాలన్న ఉద్దేశంతో ఆ గ్రామ ప్రజలు నాలుగు రోజుల నుండి ఉద్యమం ప్రారంభించారు. జాతీయ రహదారి అశ్వారావు పేట మీదుగా రాకపోతే ఉద్యమాన్ని ఉధృతం చేస్తామని రాజకీయ పార్టీలు హెచ్చరించాయి. 

 

19:51 - June 6, 2018

ఖమ్మం : సత్తుపల్లి మండలం రుద్రాక్షపల్లిలో జరిగిన దారుణం ఆలస్యంగా వెలుగులోకి వచ్చింది. క్షుద్ర పూజలు చేసి ఓ ఇంట్లో లంకెబిందెలు తీస్తామని నమ్మించి బాలింతపై అత్యాచారం చేసాడు ఓ మంత్రగాడు... విషయం తెలుసుకున్న స్థానికులు మంత్రగాడు నక్ష్మీనర్సయ్య, అతని అనుచరున్ని కరెంట్‌ పోల్‌కు కట్టేసి దేహశుద్ది చేశారు.

10:39 - June 1, 2018

ఖమ్మం : ఖమ్మం కార్పొరేషన్ కు కార్పొరేటర్లు కళంకంగా మారారు. ఖమ్మం కార్పొరేషన్ అధికార పార్టీ కార్పొరేట్ పై లైంగిక వేధింపుల కేసు నమోదు అయింది. 49 డివిజన్ కార్పొరేటర్ జంగం భాస్కర్ లైంగిక వేధింపులకు పాల్పడుతున్నాడని మహిళ ఫిర్యాదు చేసింది. రెండేళ్లుగా తనపై లైంగిక వేధింపులకు పాల్పడుతున్నాడని మహిళ ఫిర్యాదులో పేర్కొంది. ఖమ్మం కార్పొరేటర్ల తీరుపై నగర ప్రజలు ఆగ్రహం వ్యక్తం చేస్తున్నారు. 

 

16:04 - May 30, 2018

ఖమ్మం : బ్యాంకుల్లోనే సామాన్యుల డబ్బులకు రక్షణ లేకుండా పోతోంది. కష్టపడి సంపాదించుకున్న డబ్బులు బ్యాంకులో దాచుకుంటే.. వాటినే లూటీ చేస్తున్నారు. ఇంటి దొంగను ఈశ్వరుడు కూడా పట్టలేడన్న చందంగా... బ్యాంకు సిబ్బంది... మరో వ్యక్తి కలిసి నిరుపేద మహిళ దాచుకున్న డబ్బులు కాజేశారు. కూతుళ్ల పెళ్లిళ్ల కోసం దాచుకున్న డబ్బు మాయమవడంతో బాధితురాలు లబోదిబో మంటోంది. ఖమ్మం జిల్లా అశ్వరావుపేటలోని ఎస్‌బీఐలో డబ్బుల అదృశ్యంపై కథనం...

బ్యాంకుల్లో పేదవారి డబ్బుకు లేని రక్షణ
బ్యాంకుల్లోనే పేదవారి డబ్బుకు రక్షణ లేకుండా పోతోంది. పైసాపైసా కూడబెట్టి దాచుకున్న డబ్బును మాయం చేస్తున్నారు అక్రమార్కులు. ఇక్కడ కనిపిస్తున్న వీరీ అఫ్జల్‌ పాషా, షాహీన్‌బేగం. వీరిది నిరుపేద కుటుంబం. వీరికి నలుగురు ఆడపిల్లలు. చిన్న వ్యాపారంతో రూపాయి రూపాయి కూడబెట్టారు. కష్టపడి సంపాదించిన డబ్బు భద్రంగా ఉండాలంటే బ్యాంకులో వేయాలనుకున్నారు. దీంతో ఖమ్మం జిల్లా అశ్వరావుపేట బీసీఎం రోడ్డులోని స్టేట్‌ బ్యాంక్‌లో షాహీన్‌బేగం పేరుతో అకౌంట్‌ ఓపెన్‌ చేశారు. లక్షన్నర రూపాయలకు పైగా అందులో జమ చేశారు.

రూ. 80వేల వరకు డ్రా చేసిన గుర్తు తెలియని వ్యక్తులు
ఇక్కడి వరకు కథ బాగానే ఉంది. ఇక్కడే అసలు కథ మొదలైంది. కూతురికి పెళ్లి కుదరడంతో డబ్బుకోసం షాహీన్‌బేగం బ్యాంకు వెళ్లింది. తన ఖాతాలోని నగదు డ్రా చేసి ఇవ్వాలని కోరింది. కానీ ఆమె అకౌంట్‌లో దాచుకున్న నగదు మాయమైంది. పైసాపైసా కూడబెట్టి దాచుకున్న డబ్బును ఎవరో కాజేశారు. దాదాపు తన ఖాతా నుంచి 80వేల వరకు డ్రా చేశారు. దీంతో ఆమె బ్యాంక్‌ స్టేట్‌మెంట్‌ కోసం దరఖాస్తు చేయగా... ఏటీఎం అప్లికేషన్‌ను కూడా తీసుకోవాలని బ్యాంక్‌ సిబ్బంది చెబుతున్నారని వాపోయింది. చివరికి తన ఖాతాలోని డబ్బును ఏటీఎం ద్వారా డ్రా చేసినట్టు తేలింది. అసలు తాను ఏటీఎం తీసుకోలేదని.... తన ఖాతాలోని డబ్బును ఏటీఎంతో ఎలా డ్రా చేస్తారని బాధితురాలు వాపోయింది. అకౌంట్‌లోని డబ్బుల మాయంపై బ్యాంక్‌ మేనేజర్‌ను బాధితురాలు నిలదీసింది. దీంతో బ్యాంక్‌ మేనేజర్‌ పోలీస్‌ స్టేషన్‌ను వెళ్లవద్దని.... తగిన న్యాయం చేస్తానని చెప్పినట్టు బాధితురాలు చెబుతోంది.

ఖాతాదారుకి తెలియకుండా ఏటీఎం తీసుకున్న
నగదు మాయం వెనుకు నయీమ్‌ అనే యువకుడి హస్తం ఉన్నట్టు తెలస్తోంది. అతడే ఏటీఎం తీసుకుని డబ్బులు డ్రా చేసినట్టు తెలుస్తోంది. దీనికి బ్యాంక్‌ సిబ్బంది అండదండలు ఇచ్చినట్టు సమాచారం. ఖాతాదారుకే ఇవ్వాల్సిన ఏటీఎంను సంబంధంలేని వ్యక్తికి ఇచ్చి... అక్రమాలకు బ్యాంక్‌ సిబ్బందే ప్రోత్సహించారు. ఇప్పటికైనా తమకు న్యాయం చేయాలని బాధితులు కోరుతున్నారు. లేకుండా న్యాయం కోసం పోలీసులను ఆశ్రయిస్తామని చెబుతున్నారు.

12:27 - May 28, 2018

ఖమ్మం : ట్రావెల్ ఏజెంట్ మోసానికి ఖమ్మం జిల్లా ఓ కుటుంబం ఇబ్బందులు పడుతోంది. ఖాట్మండులో పడుతున్న ఇబ్బందులను ఓ వ్యక్తి వీడియో ద్వారా బాహ్యా ప్రపంచానికి తెలియచేశాడు. ఒక్కోక్కరి నుండి లక్షా పది వేల రూపాయలను వసూలు చేశారని పేర్కొన్నాడు. గోరఖ్ పూర్ కు చెందిన స్టార్ ట్రావెల్ ఏజెన్సీ మోసం చేయడంతో మానససరోవర్ లో ఎదురు చూపులు చూస్తున్నారు. వీరు పడుతున్న బాధలపై ప్రభుత్వం స్పందిస్తుందా ? లేదా ? అనేది చూడాలి. 

13:48 - May 26, 2018

ఖమ్మం : జిల్లా టీఆర్‌ఎస్‌ పార్టీ 23వ డివిజన్‌ కార్పొరేటర్‌ పొట్ల శశికళ భర్త పొట్ల వీరేందర్‌ ఆరాచకాలపై ఓ మహిళ తిరగబడింది. ఖానాపురం హవేలిలోని మల్సూరు అనే వ్యక్తికి చెందిన 460 గజాల ఇంటి స్థలంలో గోడ నిర్మాణం చేపట్టొద్దని కట్టిన ప్రహరీ గోడను కార్పొరేటర్‌ భర్త వీరేందర్‌ కూల్చి వేసాడు. దీంతో ఆగ్రహించిన మల్సూరు భార్య సుజాత చెప్పులతో వీరేందర్‌ను కొట్టడం కలకలం రేపింది. కాగా ఖమ్మం నగరంలో కార్పొరేట్ల అరాచకాలకు అంతులేకుండా పోతోందని ప్రజలు వాపోతున్నారు. కొన్ని రోజుల క్రితం ఓకార్పొరేటర్ భర్త రాసలీలలు కూడా వెలుగులోకి వచ్చిన సంగతి తెలిసిందే. ఈ నేపథ్యంలో అధికారాన్ని అడ్డం పెట్టుకుని టీఆర్ఎస్ నేతల అరాచకాలపై ప్రజలు మండిపడుతున్నారు. 

10:48 - May 26, 2018

హైదరాబాద్ : అభివృద్ధి పనులు చేయాల్సిన మేయర్ అభివృద్దిని అడ్డుకుంటే..ఆప్పుడు కార్పొరేటర్లు ఏం చేయాలి? ఆ ప్రశ్న ఖమ్మం కార్పొరేటర్లు వచ్చింది. ఈ నేపథ్యంలో వారు సీఎం కేసీఆర్ ను కలిసారు. ఈ మేయర్ మాకొద్దు అంటున్నారు. తాము చేస్తున్న అభివృద్ధి పనులను మేయర్ అడ్డుకుంటున్నాడనీ తెలిపారు. ఈ క్రమంలో ఖమ్మం కార్పొరేటర్లు సీఎం కేసీఆర్ తో భేటీ అయ్యారు. ఖమ్మం కార్పొరేషన్  మేయర్ పావలాల్ ను తొలగించాలని కార్పొరేటర్లు డిమాండ్ చేశారు. కార్పొరేషన్ పరిధిలో పనులు జరగకుండి మేయర్ అడ్డుకుంటున్నారని కార్పొరేటర్లు ఆరోపించారు. దీంతో మేయర్ పావ్ లాల్ ను తొలగించాలనీ..లేకుంటా తామంతా రాజీనామా చేస్తామని 36మంది కార్పొరేటర్లు తమ రాజీనామా పత్రాలతో కేసీఆర్ ను కలిసి తమ ఇబ్బందులు తెలిపారు.  

09:07 - May 25, 2018

ఖమ్మం : వారంతా ప్రజాప్రతినిధులుగా గెలిచిన వారు. ప్రజా సమస్యలు పరిష్కరించి..నియోజకవర్గాలను అభివృద్ధి పథంలో తీసుకెళ్లాల్సిన నాయకులు కాంట్రాక్ట్ ల కోసం పరితపిస్తున్నారు. ఖమ్మం జిల్లాలో కాంట్రాక్టులు ఇవ్వకపోతే తాము రాజీనామా చేస్తామని కార్పొరేటర్లు హెచ్చరిస్తున్నట్లు తెలుస్తోంది. ఖమ్మం కార్పొరేషన్ ఏర్పడిన అనంతరం జరిగిన ఎన్నికల్లో టీఆర్ఎస్ నుండి 36 మంది కార్పొరేటర్లు ఎన్నికయ్యారు. కాంట్రాక్టు పనులు ఇప్పించాలని వీరు పట్టుబడుతున్నట్లు, మేయరును మార్చాలని డిమాండ్ చేస్తున్నట్లు సమాచారం. ఈ విషయాలతో పాటు ఇతర విషయాలపై చర్చించేందుకు సీఎం కేసీఆర్ ను కలవాలని కార్పొరేటర్లు యోచిస్తున్నారు.

మంత్రి తుమ్మల, ఎంపీ పొంగులేటి, ఎమ్మెల్యే పువ్వాడకు దూరంగా ఉండాలని నిర్ణయించుకున్నారు. డివిజన్ లో కాంట్రాక్టు పనులు అప్పగించడం లేదని కినుక వ్యవహరిస్తున్నారు. దీనికి సంబంధించి పూర్తి వివరాలు తెలియాల్సి ఉంది. 

12:33 - May 23, 2018

ఖమ్మం : అధికార ప్రజాప్రతినిధి..అందరికీ ఆదర్శంగా ఉండాల్సిన నేత...అతనే దారి తప్పాడు. కట్టుకున్న భార్య కాదని..వేరే మహిళతో అక్రమ సంబంధం పెట్టుకున్నాడు. ఈ విషయం తెలుసుకున్న భార్య అతడిని రెడ్ హ్యాండెండ్ గా పట్టుకుంది. ఈ ఘటన ఖమ్మం జిల్లాలో చోటు చేసుకుంది. టీఆర్ఎస్ కార్పొరేటర్ నరేందర్ గుర్రాలపాడుకు చెందిన ఓ మహిళతో వివాహేతర సంబంధం పెట్టుకున్నాడు. కుటుంబాన్ని పట్టించుకోకపోవడం..తరచూ ఫ్యామిలీలో తగాదాలు వస్తుండడంతో భార్యకు అనుమానం వచ్చింది. భర్త ప్రతి కదలికలను గమనించిన భార్య అక్రమ సంబంధం పెట్టుకున్నాడని గ్రహించింది. దీనితో మంగళవారం సాయంత్రం భార్య బుధవారం రెడ్ హ్యాండెండ్ గా పట్టుకుంది. అనంతరం నరేందర్ ను పీఎస్ కు తీసుకెళ్లి ఫిర్యాదు చేసింది. తనకు న్యాయం చేయాలని కోరుతోంది. 

09:06 - May 22, 2018

ఖమ్మం : సర్పంచ్‌ల పదవీ కాలం ముగుస్తున్నా కేసీఆర్ ప్రభుత్వం వారికి నిధులు విడుదల చేయడంలేదని టీపీసీసీ వర్కింగ్‌ ప్రెసిడెంట్‌ మల్లు బట్టివిక్రమార్కు అన్నారు. ఖమ్మం జిల్లా కాంగ్రెస్ పార్టీ కార్యాలయంలో జరిగిన మీడియా సమావేశంలో ఆయన పాల్గొని.... తెలంగాణ ప్రభుత్వం సర్పంచులను ఉత్సవ విగ్రహాలుగా మార్చిందన్నారు. జడ్పీటీసీలను జిల్లా పరిషత్‌లను పూర్తిగా నిర్వీర్యం చేశారని భట్టి ఆగ్రహం వ్యక్తం చేశారు. సర్పంచులు, ఎంపీటీసీలు, జడ్పీటీసీలు వారి హక్కులను కాపాడుకోవడానికి ఉద్యమించాలన్నారు. 

Pages

Don't Miss

Subscribe to RSS - khammam