krishna

15:45 - August 20, 2018

కృష్ణా : రెండు రోజులుగా కురుస్తున్న భారీ వర్షాలతో కృష్ణాజిల్లా వ్యాప్తంగా జనజీవనం స్తంభించిపోయింది. లోతట్టు ప్రాంతాలు జలమయం అయ్యాయి. అనేక కాలనీలోకి వరద నీరు వచ్చి చేరడంతో స్థానికులు ఇబ్బందులు పడుతున్నారు. వాగులు, వంకలు పొంగి పొర్లడంతో రాకపోకలకు తీవ్ర ఇబ్బంది తలెత్తింది. కృష్ణా జిల్లాలో వరద పరిస్థితి మరింత దారుణంగా తయారయ్యింది. 

08:51 - August 7, 2018

కృష్ణా : జిల్లాలో జరిగిన రోడ్డు ప్రమాదంలో బస్సు డ్రైవర్ మృతి చెందారు. ట్రావెల్స్ బస్సు 40 మంది ప్రయాణికులతో విజయవాడ..హైదరాబాద్ జాతీయ రహదారిపై వెళ్తోంది. మొదటి డ్రైవర్ నిద్రిస్తున్నాడు. రెండో డ్రైవర్ బస్సు నడుపుతున్నాడు. డ్రైవర్ నిద్రమత్తులో ఉండడంతో మార్గంమధ్యంలో జగ్గయ్యపేట మండలం గరికపాడు వద్ద బస్సు డివైడర్ ను ఢీకొట్టింది. దీంతో డ్రైవర్ అక్కడికక్కడే మృతి చెందారు. బస్సులో ప్రయాణిస్తున్న మరో 20 మందికి గాయాలు అయ్యాయి. వీరిలో నల్గురి పరిస్థితి విమషంగా ఉంది. క్షతగాత్రులను జగ్గయ్యపేట, విజయవాడ ప్రభుత్వ ఆస్పత్రులకు తరలించారు. వెనుక నుంచి వస్తున్న మరో రెండు బస్సులు, కారు.. బస్సును ఢీకొన్నాయి. రహదారి స్తంభించింది. మరిన్ని వివరాలను వీడియోలో చూద్దాం... 

11:23 - August 3, 2018

కృష్ణా : క్రమ శిక్షణకు మారు పేరంటూ చెప్పుకునే టిడిపి పార్టీలో అంతర్గత విబేధాలు పొడచూపుతున్నాయి. ఇటీవలే ఘర్షణలు..చోటు చేసుకుంటుండడం..దీక్షలు కూడా చేస్తుండడం తెలిసిందే. తాజాగా గోకరాజుపల్లిలో తెలుగు తమ్ముళ్లు రెచ్చిపోయారు. ఆధిపత్య పోరు కారణంగా ఇరువర్గాలు ఘర్షణకు దిగారు. ఒక వర్గం మరో వర్గం కర్రలు..రాడ్లతో దాడికి దిగారు. దీనితో అనీల్ వ్యక్తి తలపగిలింది. ఇతడిని నందిగామ ఆసుపత్రికి తరలించి చికిత్స అందిస్తున్నారు. పూర్తి వివరాలు తెలియాల్సి ఉంది. 

13:34 - July 29, 2018

కృష్ణా : కాల్ మనీ వ్యాపారులు భరించలేక ఎంతో మంది బలవన్మరణాలకు పాల్పడుతున్నారు. గతంలో సంచలనం సృష్టించిన వడ్డీ వ్యాపారుల వేధింపులు మరలా ఎక్కువవుతున్నాయి. వారి వేధింపులు భరించలేక పలువురు ఆత్మహత్యలకు పాల్పడుతున్నారు. ఇటీవలే ఉయ్యూరులో మృతి చెందిన బీఎస్ఎన్ఎల్ ఉద్యోగి కేసులో మరో ట్విస్టు చోటు చేసుకుంది. వడ్డీ వ్యాపారుల వేధింపులు భరించలేక ఆత్మహత్య చేసుకుంటున్నట్లు ఆ ఉద్యోగి పేర్కొన్న వీడియో బయటపడింది.

బీఎస్ఎన్ఎల్ ఉద్యోగిగా పనిచేస్తున్న రాంబాబు ఈనెల 26న పురుగులు మందు తాగి చనిపోయాడు. కూతురు ప్రశాంతి ఆయన సెల్ ఫోన్ చేస్తుండగా ఓ వీడియో బయటపడింది. అందులో తాను వడ్డీ వ్యాపారుల వేధింపులు భరించలేక ఆత్మహత్యకు పాల్పడుతున్నట్లు, తాను ఉంటున్న ఇంటిని తీసుకొనేందుకు తీవ్ర వత్తిడి తెచ్చారని ఆ వీడియోలో పేర్కొన్నాడు. దీనితో కూతురు పోలీసులకు ఫిర్యాదు చేసింది. అప్పటికే అనుమానాస్పద మృతి కేసు కింద దర్యాప్తు చేస్తున్న పోలీసులు వేధింపులు చేసిన వ్యక్తుల కోసం ఆరా తీస్తున్నారు. 

21:25 - July 27, 2018

కృష్ణా : నూజివీడు మండటం యనమదలలో క్షుద్రపూజలు కలకలం సృష్టించాయి. దీంతో స్థానికులంతా తీవ్రంగా భయాందోళనలకు గురవుతున్నారు. పట్టపగలే క్షుద్రపూజలకు ఏడుగురు వ్యక్తులు సర్వం సిద్ధం చేసుకున్నారు. చంద్రగ్రహణం సందర్భంగా చిన్నం ప్రవీణ్ అనే 32 సంవత్సరాల వ్యక్తిని నరబలి ఇచ్చేందుకు ఏడుగురు వ్యక్తులు అన్ని విధాలుగా సిద్ధమయ్యారు. దీని సంబంధించిన పూజా సామాగ్రిని సిద్ధం చేసుకున్నారు. ప్రవీణ్ ను నరబలి ఇచ్చేందుకు గుంతలు తవ్వారు. ఈ కుట్రను పసిగట్టిన ప్రవీణ్ అక్కడి నుండి పారిపోయి పోలీసులకు ఫిర్యాదు చేశాడు.దీంతో రంగంలోకి దిగిన పోలీసులు సంఘటనాస్థలికి చేరుకున్నారు. దీంతో సదరు నిందితులు పరారయ్యేందుకు యత్నించగా వారిలో ముగ్గురు వ్యక్తులను అదుపులోకి తీసుకుని విచారణ చేపట్టారు. కాగా ఈ క్షద్రపూజల తతంగం కొనసాగుతున్నట్లుగా స్థానికులు అనుమానాలు వ్యక్తంచేశారు. 

13:46 - July 2, 2018

కృష్ణా : జిల్లా చీమలపాడులో కిడ్నీ వ్యాధితో మరణించిన జమలయ్య కుటుంబాన్ని ఏపీసీసీ అధ్యక్షుడు రఘువీరారెడ్డి పరామర్షించారు. రఘువీరాతో పాటు ఏపీసీసీ రాష్ట్ర ప్రధాన కార్యదర్శి రాజీవ్‌ రతన్‌ కూడా జమలయ్య కుటుంబాన్ని ఓదార్చారు.

11:29 - July 2, 2018

కృష్ణా : భారతీయ యువకుడి పాలిట అమెరికా జలపాతం యమపాశంలా మారింది. కృష్ణా జిల్లా గొట్టెముక్కలకు చెందిన ఓ యువకుడు అమెరికాలోని వాటర్ ఫాల్స్ లో పడి మృతి చెందిన విషాద ఘటన చోటుచేసుకుంది. నార్త్ కరోలినాలో ప్రాంతంలో ఓ వాటర్ ఫాల్స్ కు మిత్రులతో కలిసి విహార యాత్రకు వెళ్లిన నాగార్జున అనే యువకుడు మృతి చెందాడు. ఈ విషయాన్ని నాగార్జున మిత్రులు కుటుంబ సభ్యులకు సమాచారం అందించారు. దీంతో గొట్టెముక్కల గ్రామంలో విషాదం నెలకొంది. కాగా అమెరికాలోని ఫార్మాలిటీస్ పూర్తి అయిన వెంటనే నాగార్జున మృతదేహాన్ని స్వదేశానికి పంపేందుకు చర్యలు తీసుకుంటున్నారు. 

 

11:01 - July 2, 2018

కృష్ణా : నందిగామలో మున్సిపల్‌ కార్మికుల ఆందోళనతో ఉద్రిక్త పరిస్థితి నెలకొంది. గత కొన్ని రోజులుగా తమ న్యాయమైన డిమాండ్లు పరిష్కరించాలన్న డిమాండ్‌తో మున్సిపల్‌ కార్మికులు సమ్మె చేస్తున్నారు. దీంతో అధికారులు ఇవాళ పారిశుద్ధ్య పనులకోసం కిరాయి కూలీలను రప్పించారు. పని చేస్తున్న కిరాయి కూలీలను మున్సిపల్‌ కార్మికులు అడ్డుకోవడంతో పరిస్థితి ఉద్రిక్తంగా మారింది. అండగా నిలవాల్సిన ఎమ్మెల్యే కూడా తమని అణగదొక్కేందుకు చూస్తున్నారని కార్మికులు ఆగ్రహం వ్యక్తం చేస్తున్నారు.

20:11 - June 29, 2018

కృష్ణా : జూనియర్ విద్యార్థినిపై సీనియర్ విద్యార్థులు అత్యాచారానికి పాల్పడ్డారు. సోషల్ మాధ్యమాల్లో అత్యాచారానికి పాల్పడిన వీడియోను బయటపెడుతామని బెదిరించారు. ఈ ఘటన జరిగి రెండేళ్లు అయ్యింది..ఆ నాటి నుండి ఆ యువతి మనోవేదనకు గురయితూనే ఉంది. చివరకు వారి చేసిన దారుణాన్ని పోలీసులకు ఫిర్యాదు చేసింది. ఈ ఘటన ఆగిరిపల్లిలో చోటు చేసుకుంది.

బీటెక్ మొదటి సంవత్సరం చదువుకుంటున్న యువతిని శివారెడ్డి..కృష్ణారెడ్డిలు లోబర్చుకుని అత్యాచారానికి పాల్పడ్డారు. ఈ దారుణాన్ని వీడియో చిత్రీకరించారు. అనంతరం పదే పదే బెదిరింపులకు పాల్పడ్డారు. ఈ విషయాన్ని బయటకు చెబితే వీడియోని సామాజిక మాధ్యమాల్లో పెడుతామని బెదిరించారు. మూడో వ్యక్తి ప్రవీణ్ కు కూడా చూపించడంతో అతను కూడా యువతిని బ్లాక్ మెయిలింగ్ కు పాల్పడ్డాడు. గత రెండేళ్లుగా ఈమె తీవ్ర మనస్థాపానికి గురైంది. ఎవరికి చెప్పుకోవాలో తెలియక..ఎలా చెప్పాలో తెలియకపోవడంతో తనలో తానే కుమిలిపోయింది. ఇదంతా గమనించిన యువతి తండ్రి శుక్రవారం ప్రశ్నించాడు. దీనితో తాను పడుతున్న బాధ..తనకు ఎదురైన ఘటనను వివరించింది. చివరకు బాధితురాలు పోలీసులకు ఫిర్యాదు చేసింది. అత్యాచారానికి పాల్పడిన నిందితులు పరారీలో ఉన్నట్లు సమాచారం. 

15:39 - June 29, 2018

కృష్ణా : కృష్ణా జిల్లా ఎ కొండూరు మండలంలో కిడ్నీ వ్యాధితో రోజుకొకరు మృత్యువాత పడుతున్నారు. పరిస్థితి తీవ్ర రూపం దాల్చినా ప్రభుత్వం పట్టించుకోవడంలేదని కిడ్నీ బాధితులు మండిపడుతున్నారు. దీనిపై మరింత సమాచారం కోసం వీడియో క్లిక్ చేయండి.

 

Pages

Don't Miss

Subscribe to RSS - krishna