leaders

09:51 - December 12, 2018

హైదరాబాద్ : తెలంగాణ రాష్ట్రంలో జరిగిన ఎన్నికల్లో అభ్యర్థులు స్వల్ప మెజార్టీలతో గెలిచారు. ప్రత్యర్థి గట్టిపోటీనివ్వడంతో ప్రధాన అభ్యర్థులు తీవ్ర ఉత్కంఠకు గురయ్యారు. డిసెంబర్ 11న వెలువడిన ఫలితాల్లో అధికార పార్టీ టీఆర్ఎస్ 88 స్థానాల్లో గెలుపొందింది. ఇందులో అత్యధిక మెజార్టీతో గెలిచిన వ్యక్తిగా హరీష్ రావు నిలిచారు. ఆయన సిద్ధిపేట నియోజకవర్గం నుండి 1,18,699 ఓట్లతో గెలుపొంది రికార్డు సృష్టించారు. ఇక అత్యల్ప మెజార్టీతో కాంగ్రెస్ అభ్యర్థి అత్రం సక్కు గెలుపొందారు. 
 

అత్యల్పంగా ఓట్లను సాధించిన వారు : 

నియోజకవర్గం గెలిచిన అభ్యర్థి పార్టీ పేరు ఓడిన అభ్యర్థి పార్టీ పేరు మెజార్టీ
ఆసీఫాబాద్  అత్రం సక్కు కాంగ్రెస్ కోవా లక్ష్మీ టీఆర్ఎస్  171
ఇబ్రహీంపట్నం మంచిరెడ్డి కిషన్ రెడ్డి టీఆర్ఎస్ మల్ రెడ్డి రంగారెడ్డి  బీఎస్పీ 376
ధర్మపురి  కొప్పుల ఈశ్వర్  టీఆర్ఎస్  అడ్లూరి లక్ష్మణ్ కుమార్  కాంగ్రెస్ 441
కోదాడ బొల్లం మల్లయ్య యాదవ్ టీఆర్ఎస్ పద్మావతి రెడ్డి కాంగ్రెస్ 756
అంబర్ పేట కాలేరు వెంకటేష్ టీఆర్ఎస్ జి.కిషన్ రెడ్డి బీజేపీ 1016
తుంగతుర్తి  గాదరి కిషోర్ కుమార్ టీఆర్ఎస్  అద్దంకి దయాకర్  కాంగ్రెస్ 1847
సంగారెడ్డి తూర్పు జయప్రకాష్ రెడ్డి కాంగ్రెస్ చింతా ప్రభాకర్ టీఆర్ఎస్ 2589
వైరా రాములు స్వతంత్ర  బానోతు మదన్ లాల్ టీఆర్ఎస్ 2013
తాండూరు రోహిత్ రెడ్డి కాంగ్రెస్  పట్నం మహేందర్ రెడ్డి టీఆర్ఎస్ 2875
ఎల్లందు హరిప్రియ బోనోతు కాంగ్రెస్ కనకయ్య కోరమ్ టీఆర్ఎస్ 2887
వికారాబాద్ డా.ఆనంద్ మెతుకు టీఆర్ఎస్ గడ్డం ప్రసాద్ కుమార్ కాంగ్రెస్ 3092
కల్వకుర్తి  గురక జైపాల్ యాదవ్ టీఆర్ఎస్  ఆచారి బీజేపీ 3447
మధిర భట్టి విక్రమార్క కాంగ్రెస్ కమల్ రాజు లింగాల టీఆర్ఎస్ 3567
కొత్తగూడెం  వనం వెంకటేశ్వరరావు కాంగ్రెస్ జలగం వెంకట్ రావు టీఆర్ఎస్ 4139
కామారెడ్డి గంప గోవర్ధన్ టీఆర్ఎస్ మహ్మద్  షబ్బీర్ అలీ  కాంగ్రెస్ 4557
మంచిర్యాల నందిపెల్లి దివాకర్ రావు టీఆర్ఎస్ కొక్కిరాల ప్రేమ్ సాగర్ రావు కాంగ్రెస్ 4848

 

06:21 - December 12, 2018

హైదరాబాద్ : భారతదేశంలోని ఐదు రాష్ట్రాల్లో జరిగిన ఎన్నికల ఫలితాలపై సినీ నటులు, రాజకీయ నాయకులు స్పందించారు. గెలిచిన వారికి అభినందనలు తెలియచేశారు. ప్రజలు ఇచ్చిన తీర్పు బీజేపీ ఛరిష్మా తగ్గిపోతుందనడానికి ఫలితాలు నిదర్శనమని..సూపర్ స్టార్ రజనీకాంత్ వెల్లడించారు. కొత్త ప్రారంభానికి మొదటి గుర్తు...ఇది ప్రజాతీర్పు..అని సినీ నటుడు కమల్ హాసన్ తెలిపారు. ప్రజల తీర్పును గౌరవిస్తాం..ఓటమిని అంగీకరిస్తున్నమంటూ నిర్మాత బండ్ల గణేష్ తెలిపారు.
తెలంగాణాలో కేసీఆర్ గెలువాలని తాను ప్రార్థించడం జరిగిందని, ఎన్నికలకు ముందు ఫిలింనగర్ దైవ సన్నిధానంలో కేసీఆర్ విజయం కోసం కోరుకున్నట్లు సినీ నటుడు మోహన్ బాబు తెలిపారు. కేసీఆర్ ఇది మీకే సంభవం..మీ విజయ పరంపర ఇలాగే కొనసాగాలని కోరకుంటున్నట్లు వెల్లడించారు. తెలంగాణ రాష్ట్ర మంత్రి కేటీఆర్‌కు సినీ నటుడు మహేష్ బాబు శుభాకాంక్షలు తెలిపారు. విజయం సాధించినందుకు అభినందనలు..ప్రజల వ్యక్తిగా కొనసాగు..ఆల్ ది బెస్ట్ అంటూ తెలిపారు.
అధికార పార్టీ టీఆర్ఎస్ అఖండ విజయం సాధించినందుకు..కేసీఆర్‌కు జనసేన పార్టీ నుండి అభినందనలు తెలియచేస్తున్నట్లు సినీ నటుడు, జనసేన పార్టీ అధ్యక్షుడు పవన్ తెలియచేశారు. ప్రజల ఆశలు..ఆకాంక్షలు కేసీఆర్ నెరవేరుస్తారన్న నమ్మకం తనలో సంపూర్ణంగా ఉందన్నారు. తెలంగాణ ఎన్నికల్లో ఏపీ సీఎం చంద్రబాబు భస్మాసుర హస్తమని తేలిపోయిందని..అనైతిక పొత్తులపై ప్రజలు ఇచ్చిన తీర్పు..నేటి ఫలితం..కాంగ్రెస్, టీడీపీ జిమ్మిక్కులను ప్రజలు తిప్పి కొట్టారని..వైసీపీ అధినేత జగన్ తెలిపారు. 

15:10 - December 11, 2018

తెలంగాణలో టీఆర్ఎస్ ఘన విజయం సాధించింది. ప్రతిపక్షాలు అన్నీ కలిసి కూటమి కట్టినా ప్రయోజనం లేకుండా పోయింది. వచ్చేది మహాకూటమి అనే భ్రమలో.. సీఎం సీటు కోసం తీవ్రంగా ప్రయత్నాలు చేసిన ఎందరో కాంగ్రెస్ నేతల అడ్రస్ గల్లంతు అయ్యింది. సీనియర్లు సైతం ఓటమి పాలయ్యారు.
ఓడిపోయిన కాంగ్రెస్ లీడర్స్ :
జానారెడ్డి, జీవన్ రెడ్డి, దామోదర రాజనర్సింహ, కోమటిరెడ్డి వెంకటరెడ్డి, డీకే అరుణ, రేవంత్ రెడ్డి, పొన్నాల లక్ష్మయ్య, షబ్బీర్ అలీ, సంపత్ కుమార్, పొన్నం ప్రభాకర్, కొండా సురేఖ, వంశీచందర్ రెడ్డి, సర్వే సత్యనారాయణ, మల్లు రవి, ఉత్తమ్ కుమార్ భార్య పద్మావతి రెడ్డి, ఆర్. దామోదర్ రెడ్డి ఉన్నారు.

 

07:37 - December 10, 2018

హైదరాబాద్ : అందరిలోనూ ఉత్కంఠ..ఎవరు గెలుస్తారు..ఎవరు ఓడుతారు..ఎవరు అధికారంలోకి వస్తారు...ఎన్నికల కౌంటింగ్ కోసం రాజకీయ పార్టీలు..అభ్యర్థులు ఎదురు చూస్తున్నారు. అందరి అభ్యర్థుల్లో ఉత్కంఠ నెలకొంది. మరలా టీఆర్ఎస్ అధికారం చేపడుతుందని ఎగ్జిట్ పోల్స్ చెబుతున్నా..కాదు..కాదు..తామే అధికారంలోకి రానున్నామని మహాకూటమి పేర్కొంటోంది. ఎగ్జిట్ పోల్స్ నేపథ్యంలో రాజకీయ పార్టీలు..అభ్యర్థుల్లో విపరీతమైన ఆసక్తి నెలకొంది. 
డిసెంబర్ 7న పోలింగ్...
డిసెంబర్ 7వ తేదీన తెలంగాణ రాష్ట్రంలో 119 నియోజకవర్గాలకు జరిగిన ఎన్నికలకు సంబంధించి కౌంటింగ్ కౌంట్ డౌన్ ప్రారంభమైంది. డిసెంబర్ 11వ తేదీ ఉదయం 8గంటలకు కౌంటింగ్ ప్రారంభించనున్నారు. ఇందుకు అధికారులు ఇప్పటికే అన్ని ఏర్పాట్లు చేశారు. కౌంటింగ్ సంబంధించిన ప్రక్రియలో అన్ని పార్టీల వారు అప్రమత్తమయ్యారు. పార్టీల ఏజెంట్లకు పార్టీ అధిష్టానం సలహాలు..సూచనలిస్తోంది. లెక్కింపు కేంద్రాల్లో చాలా జాగ్రత్తగా ఉండాలని..ఏ మాత్రం పొరపాటు జరిగినా..మొదటికే మోసం వస్తుందని హెచ్చరిస్తోంది. ప్రధానంగా గులాబీ దళం...కాంగ్రెస్ పార్టీలకు ఎన్ని సీట్లు వస్తాయనేది ఆసక్తి కనిపిస్తోంది. అధికారం ఎవరు చేజిక్కించుకుంటారనే దానిపై జోరుగా బెట్టింగ్‌లు కూడా సాగుతున్నట్లు ప్రచారం జరుగుతోంది. డిసెంబర్ 11న ఈ ఉత్కంఠకు తెరపడనుంది. 

  • రాష్ట్రంలోని 31 జిల్లాలు..119 నియోజకవర్గాలు..1821మంది అభ్యర్థులు..
  • టీఆర్‌ఎస్‌ 119 మంది అభ్యర్థులు..
  • కాంగ్రెస్‌ 99 మంది...
  • టీడీపీ 13 స్థానాలు..
  • సీపీఐ 3 స్థానాలు..
  • ఎంఐఎం 8 స్థానాలు..
  • బీజేపీ 118 స్థానాలు..
  • బీఎస్పీ 107 స్థానాలు...
  • బహుజన లెఫ్ట్‌ఫ్రంట్‌ (బీఎల్‌ఎఫ్‌) 107 మంది... ఇందులో సీపీఐ(ఎం) 26 స్థానాలు..బహుజన లెఫ్ట్‌ పార్టీ(బీఎల్పీ) 81 స్థానాలు...
  • సత్వంత్రులు, ఇతరులు 1306 మంది...
06:48 - December 5, 2018

హైదరాబాద్ : తెలంగాణ రాష్ట్రంలో కొద్దిగంటల్లో ప్రచారానికి శుభం కార్డు పడనుంది. చివరి రోజు ప్రచారానికి నేతలు సన్నద్దమయ్యారు. ఓటర్లను ఆకట్టుకొనేందుకు లాస్ట్ డే (డిసెంబర్ 5) రోజున వారి వారి నియోజకవర్గాల్లో ప్రచారం నిర్వహించనున్నారు. తెలంగాణ రాష్ట్ర అపద్దర్మ ముఖ్యమంత్రి కేసీఆర్..గజ్వేల్‌లో ప్రచారం చేయనున్నారు. మంత్రి కేటీఆర్ సిరిసిల్ల..చొప్పదండి నియోజకవర్గాల్లో..హరీష్ రావు సిద్ధిపేటలో ప్రచారం చేయనున్నారు. మరోవైపు ఏపీ సీఎం చంద్రబాబు నాయుడు, టీడీపీ జాతీయ అధ్యక్షుడు చంద్రబాబు నాయుడు ఖమ్మం జిల్లాలోని అశ్వరావుపేట..సత్తుపల్లి..కోదాడా నియోజకవర్గాల్లో కూటమి అభ్యర్థుల తరపున రోడ్ షో..సభలలో పాల్గొననున్నారు. ఏఐసీసీ అధ్యక్షుడు రాహుల్ గాంధీ నల్గొండ జిల్లాకు రానున్నారు. 
కరీంనగర్ జిల్లాలోని చొప్పదండి..వేములవాడ..సిరిసిల్లలో కేటీఆర్ ప్రచారం..
జగిత్యాల నియోజకవర్గంలో ఎంపీ కవిత ఎన్నికల ప్రచారం చేయనున్నారు. 
భైంసాల్లో యూపీ సీఎం యోగి ఆదిత్యనాథ్ ప్రచారం...

 

14:16 - December 3, 2018

గుజరాత్‌ : కేంద్రంలో అధికారంలో వున్న బీజేపీ మెడకు లీకేజీల కేసు చుట్టుకంది. దీంతో ఇద్దరు బీజేపీ నేతలకు పోలీసులు అరెస్ట్ చేశారు. నిస్టేబుల్ పరీక్ష క్వశ్చన్ పేపర్ లీకేజీ ఘటన అధికార పార్టీ బీజేపీ మెడకు చుట్టుకుంటోంది. దీనిపై ఇప్పటికే ప్రభుత్వంపై పలు విమర్శలు వెల్లువెత్తుతుండగా..ప్రతిపక్షాలు ఏకి పడేస్తున్నాయి. దీనిపై కాంగ్రెస్  నేత శక్తిసిన్హ్ గోలీ మాట్లాడుతు..ప్రభుత్వ ఉద్యోగాల కోసం గంపెడాశతో ఎదురు చూస్తున్న యువత జీవితాలతో ప్రభుత్వం చెలగాటం ఆడుతోందని విమర్శించారు. 

పోలీస్ కానిస్టేబుల్ క్వశ్చన్ పేపర్ లీకేజీ కేసులో గుజరాత్ పోలీసులు ముగ్గురు నిందితులను సోమవారం అరెస్ట్ చేశారు. ఇందులో ముఖేష్ చౌదరి, మన్‌హర్ పటేల్ బీజేపీ నేతలని పోలీసులు తెలిపారు. దీంతో నష్ట నివారణ చర్యల్లో భాగంగా రాష్ట్ర నాయకత్వం వారిద్దరిని పార్టీ నుంచి సస్పెండ్ చేస్తున్నట్లు ప్రకటించింది. 

పరీక్ష సమయానికి కొన్ని గంటల ముందు క్వశ్చన్ పేపర్ సోషల్‌మీడియాలో వైరల్ కావడంతో ప్రభుత్వ పరీక్షను రద్దు చేసింది. రాష్ట్ర రాజధాని గాంధీనగర్ లో  9,713 పోలీస్‌ కానిస్టేబుల్‌ ఉద్యోగాలకు పరీక్షలు జరగాల్సి ఉండగా, ప్రశ్నాపత్రం లీక్‌ కావడంతో  పరీక్షను నిలిపివేసిన విషయం తెలిసిందే. ఈ  పరీక్షకు దరఖాస్తు చేస్తున్న 8.75 లక్షల అభ్యర్థుల పరిస్థితి అగమ్యగోచరంగా తయారయయ్యింది. ఈ అంశంపై సీఎం విజయ్ రూపానీ సమగ్ర దర్యాప్తునకు ఆదేశించారు.దీంతో రంగంలోకి దిగిన పోలీసులు అన్ని కోణాల్లో దర్యాప్తు చేపట్టారు. ముగ్గురు నిందితులను అరెస్ట్ చేశారు. వారిని మీడియా ముందు ప్రవేశపెడతామన్నారు. కాగా 30 రోజుల్లోగా తిరిగి పరీక్ష నిర్వహిస్తామని అధికారులు వెల్లడించారు. 

 

11:08 - December 3, 2018

ఢిల్లీ : ఎవరైనా తప్పు చేస్తే ఏం చేస్తారు...పోలీసులకు పట్టించి చట్ట ప్రకారం వారికి ఏ శిక్ష విధించాలో కోర్టు నిర్ణయిస్తుంది. అదే చట్టాన్ని చేతుల్లోకి తీసుకుంటే ? దొంగతనం..వేధించాడని...ఇతరత్రా కారణాలతో కొంతమందిని విచక్షణారహితంగా కొట్టడం చూస్తూనే ఉంటాం. కొన్ని సందర్భాల్లో వారు మరణిస్తుంటారు కూడా. తాజాగా ఓ ప్రజాప్రతినిధి చట్టాన్ని చేతుల్లోకి తీసుకుని యువకుడిని చితకబాదాడు. ఈ ఘటనకు సంబంధించిన ఓ వీడియో సామాజిక మాధ్యమాల్లో వైరల్ అవుతోంది. 
వికాస్ అనే యువకుడు యువతులను వేధిస్తున్నాడనే ఆరోపణలతో ఆప్ ఎమ్యెల్యే సౌరవ్ ఝా..అతడిని చితకబాదాడు. దొడ్డు కర్ర చేత పట్టుకుని వికాస్‌ని చావబాదాడు. ఢిల్లీలోని కిరారీ ప్రాంతంలో ఈ ఘటన చోటు చేసుకుంది. పోలీసులుండగానే ఆ ప్రజాప్రతినిధి రెచ్చిపోవడం విశేషం. ఎమ్యేల్యేనే రెచ్చిపోతే తామెందుకు ఎందుకు కొట్టవద్దని అనుకున్నారో ఏమో అక్కడున్నవారు..వారు కూడా కర్రలు చేత పట్టుకుని వికాస్‌ని చితకొట్టారు. బాధలు భరించలేని వికాస్ అరుపులు పెట్టాడు. అయినా వారు కనికరించలేదు. చివరకు పోలీసులు జోక్యం చేసుకుని వికాస్‌ని అదుపులోకి తీసుకున్నారు. నవంబర్ 14వ తేదీన ఈ ఘటన చోటు చేసుకుందని సమాచారం. 
ఇదిలా ఉంటే కిరారీ ప్రాంతంలో వికాస్..అతని స్నేహితులు యువతులను వేధించే వారని ఝా ఏఎన్ఐ సంస్థకు తెలిపారు. వికాస్‌పైనే కాకుండా..అతని సోదరుడిపై కూడా కేసులున్నాయని..రెండు సంవత్సరాల కిందట ఓ మహిళపై వీరిద్దరూ గ్యాంగ్‌రేప్‌కి పాల్పడ్డారని ఆరోపించారు. ఈ ఆరోపణలను వికాస్ కుటుంబం ఖండించింది. తప్పుడు ఆరోపణలు చేసిన తమకు రూ. 25 లక్షలు పరిహారం చెల్లించాలని డిమాండ్ చేస్తోంది. ఏదైనా క్రైం చేస్తే పోలీసులకు అప్పగించాల్సింది పోయి ఇలా చితకబాదడం ఏంటీ అని వారు ప్రశ్నించారు. నిజనిజాలు త్వరలోనే బయటపడునున్నాయి. 

07:52 - December 2, 2018

హైదరాబాద్ : అసెంబ్లీ ఎన్నికల ప్రచారానికి ముగింపు గడువు దగ్గర పడుతుంటంతో రాజకీయ పార్టీలు కూడా తమ ప్రచారాన్నిముమ్మరం  చేసాయి. నేడు తెలంగాణలో బీజేపీ జాతీయ నేతలు పర్యటించనున్నారు. సభలు, రోడ్ షో ల ద్వారా ఎన్నికల ప్రచారం నిర్వహించనున్నారు. బహిరంగ సభల్లో పాల్గొని, ప్రసంగించనున్నారు. బీజేపీ జాతీయ అధ్యక్షుడు అమిత్ షా, ఉత్తర ప్రదేశ్ ముఖ్యమంత్రి యోగి ఆదిత్యనాధ్, కేంద్ర మంత్రి నితిన్ గడ్కరీ ఇవాళా రాష్ట్రానికి రానున్నారు. ఎన్నికల ప్రచారం నిర్వహించనున్నారు. 
అమిత్ షా, యోగి ఆదిత్యానాధ్, నితిన్ గడ్కరీ పర్యటన...  
అమిత్ షా.. నారాయణపేట, కల్వకుర్తి, కామారెడ్డిల్లో ప్రచారం నిర్వహించనున్నారు. బహిరంగసభల్లో ఆయన పాల్గొని, ప్రసంగించనున్నారు. అనంతరం సాయంత్రానికి హైదరాబాద్ చేరుకుని మల్కాజ్ గిరి లో జరిగే రోడ్ షో లో పాల్గొని, మాట్లాడనున్నారు. ఉత్తర ప్రదేశ్ ముఖ్యమంత్రి యోగి ఆదిత్యనాధ్ తాండూరు, సంగారెడ్డి, మేడ్చల్ లలో ఎన్నికల ప్రచారం చేయనున్నారు. అక్కడ నిర్వహించే బహిరంగ సభల్లో పాల్గొని ప్రసంగించనున్నారు. సాయంత్రానికి హైదరాబాద్ చేరుకుని గోషామహల్ నియోజకవర్గంలోజరిగే బహిరంగ సభలో యోగి  పాల్గొంటారు. కేంద్రమంత్రి నితిన్ గడ్కారీ.. కొల్లాపూర్, ఉప్పల్, సూర్యాపేటలో పర్యటించి ఎన్నికల ప్రచారం నిర్వహించనున్నారు. అనంతరం సికింద్రాబాద్ లో ఏర్పాటు చేసే బహిరంగ సభకు హాజరై, ప్రసంగించనున్నారు.  పాల్గోంటారు. 

 

16:58 - November 27, 2018

హైదరబాద్ : అన్నా..నా యాపారం సెడగొట్టొద్దే..ఇదీ హైదరాబాద్ నగరంలో చిరు వ్యాపారుల పరిస్థితి..కాదు కాదు దుస్థితి. తెలంగాణలో ఎక్కడ చూసినా ఎన్నికల హడావిడే. ఓట్ల కోసం నాయకులు పడరాని పాట్లు పడతున్నారు. మెయిన్ రోడ్లపైనే కాకుండా మురికివాడల్లోక్కూడా వెళ్లి మీకోసం మేమున్నామంటు భరోసాలిచ్చేస్తున్నారు. అంతేకాదు..అంతటితో ఆగిపోవటంలేదు మన నాయకులు..బస్తీలు, కాలనీలు, మురికివాడలు ఒకటేమిటి? అన్నింటిని చుట్టబెట్టేస్తున్నారు.ఇప్పుడు వారికి మురికివాడలంటే ముద్దు. అబ్బా మురికివాడలా? అంటు అస్సలు ఫీలవ్వటంలేదబ్బా..
ఓట్ల కోసం నేత పాట్లు..
అక్కడితో ఆగిపోతున్నారా? అంటే లేనేలేదు.ఏదంన్నా మీరే కష్టపడుతుండారు అంటు వారి చేతుల్లోని పనులను లాగేసుకుని చేసేస్తున్నారు. చిన్నపిల్లల్ని ముద్దాడేస్తున్నారు..వాడి చీముడి చీదేస్తున్నారు. చంటి పిల్లలను స్నానాలు చేయించేస్తున్నారు. రోడ్లమ్మ వుండే దోసెల బండికాడికెల్లి దోసెలేసేస్తున్నారు. ఇస్త్రీ బండి దగ్గరకెళ్లి బట్టలు ఇస్త్రీ చేసేస్తున్నారు. గడ్డం గీసేది ఒకరైతే.. క్షవరం చేసేది ఇంకొకరు... పిండి రుబ్బడం నుంచి దోసెలు వేయడం వరకు అన్నీ చేసేస్తున్నారు మన ఎన్నికల అభ్యర్థులు ఓట్ల కోసం. ఒక్కసారి ఓటేస్తే మళ్లీ ఐదు సంవత్సరాల వరకూ కనిపించిన మన నాయకులు.. దీంతో నాయకుల్ని ఏమీ అనలేకా..వారి పనులు ఆగిపోయి రాబడి తగ్గిపోతుంటే ఏం చేయాలో పాలుపోక జుట్టు పీక్కుంటున్నారు ఆయా దుకాణదారులు. 

నీకు ఇస్త్రీ చేయనీకి రాదు..తరువాత నాకు బట్టలిచ్చేటోళ్లు వుండరు ఏందన్నా గిదీ..
అన్నాలనుకుంటాడు..కానీ అనలేడు.పల్లె నుండి నగరానికి వచ్చి ఇస్త్రీ షాపు పెట్టుకొని.. జీవిస్తున్న ఓ సాధారణ వ్యక్తికి ఇప్పుడు కొత్త తలనొప్పి వచ్చి పడింది. నెల రోజుల నుంచి వ్యాపారం గిట్టుబాటు కావడం లేదు. ఎన్నికల ప్రచారం పేరుతో రోజుకొక అభ్యర్థి వచ్చి తన దుకాణం వద్ద కాసేపు తిష్ఠ వేస్తుండంతో ఏం చేయలో.. పాలుపోవడం లేదు. ఇందులో సగం రోజు గడిచిపోతుండటంతో.. ఎన్నికలయ్యే వరకు ఈ వ్యాపారం మానేసి ఊరెళ్లిపోదామనుకున్నాడు. ఏందన్నా నా యాపారం సెడగొట్టొద్దే..అంటు బోరుమన్నాలనుకుంటున్నాడు..కానీ ఏమీ అనలేని పరిస్థితి..దుస్థితి..
మాడిపోయిన దోసె..తిననీకి గెవ్వరూ లేరే..రారే..ఏంజేయాలే?..
నా యాపారం ఎట్టా సాగేదన్నా..అనలేని పరిస్థతి.నగరంలో  కొన్నేళ్లుగా టిఫెన్‌ సెంటర్‌ నడుపుతున్న మరో వ్యక్తిది మరో గాథ.  ఊళ్లో ఉన్న అమ్మ, నాన్న, భార్య, పిల్లల కోసం నాలుగు రాళ్లు సంపాదించటాకొచ్చాడు. ఈ ఎన్నికల పుణ్యమా అని టిఫిన్ సెంటర్ బేరం పడిపోయింది రోజు తన టిఫిన్ బండికాడికొచ్చి దోసెలేసేస్తున్న నాయకుల వల్ల. పొద్దు పొద్దునే వచ్చేస్తారు నాయకులు..ఇక దోసెలేస్తాం అంటారు. పనిలో పనిగా వద్దన్నా.. దోసెలు వేస్తున్నారు. పూరీలు చేస్తున్నారు. ఆ తర్వాత అవి దేనికీ పనికి రాకుండా పోతున్నాయి. గిందేందన్నా..నా యాపారం మాడిపోయిన మసాలా దోసెలాగైపోయింది? నా పనిపాడుచేయ్యొద్దే అని అనాలనున్నా అనలేడు పాపం ఆ చిరు వ్యాపారి..
షాపు క్షవరం అయిపోతాంది..కష్టమర్లు పారిపోతాన్నరు..
చెవి కట్ అయిపోతే! ఓ ముక్కో కోసుకుపోతే  ఎట్టా?నగరంలో సెలూన్‌ పెట్టుకున్నాడు ఓ కుర్రాడు జీవనాధారం కోసం. 20 రోజుల నుంచి అతని వ్యాపారానికి గడ్డు పరిస్థితి దాపురించింది. ఎన్నికల ప్రచారం కోసం కాలనీకి వస్తున్న నేతలు షాపులోకి వెళ్లి.. కటింగ్‌ చేస్తామని కత్తెర్లు తీస్తుండటంతో సదరు యువకుడు ఒకటే బెంబేలెత్తిపోతున్నాడు. కస్టమర్ కి  క్షవరం బదులు ఏ చెవినో కత్తిరిస్తే.. గడ్డం చేస్తామని ముక్కును గీకిస్తే.. తన వ్యాపారం ఎట్టాగంటు జావగారిపోతన్నడి పోరడు. గిసువంటి గాధలెన్నో..ఎన్నెన్నో..గీ నాయకుల పోరు చిరు వ్యాపారులకు తప్పాలంటే ఈ ఎన్నికల ప్రచార ముగింపు రోజు వచ్చేంత వరకూ గిసువంటి చిన్నా చితకా వ్యాపారులకు గీ తిప్పలు తప్పలా లేవు.

17:38 - November 24, 2018

అమరచింత : టీటీడీపీకి..మహాకూటమికి ఎందుకు ఓటేయాలని మంత్రి హరీష్ రావు ప్రశ్నించారు. ఎన్నికల ప్రచారంలో భాగంగా ఆయన అమరచింతలో ప్రచారం నిర్వహించారు. ఈ సందర్భంగా ఆయన మాట్లాడుతూ...ఇక్కడ డూప్లికేట్ టీఆర్ఎస్ వాళ్లున్నారని..టీఆర్ఎస్ అంటే కేసీఆర్ బీ ఫాం ఇచ్చిన రామ్మోహన్ రెడ్డికి ఓటు వేయాలని అభ్యర్థించారు. తెలంగాణలో సైకిల్ ఉందా ? అమరావతికి పంపించినం కదా అన్నారు. మరోసారి పొత్తు పెట్టుకుని చంద్రబాబు తెలంగాణకు వస్తున్నాడని తెలిపారు.
‘నీళ్లు రాకుండా..కరెంటు దక్కకుండా చేసిండు..అసెంబ్లీలో సచివాలయంలో ఆస్తుల పంపణీలో ప్రతి రోజు కిరికిరికి పెడుతుండు. తెలంగాణ ప్రజలను ఇబ్బంది పెట్టే బాబుకు ఓటేస్తారా’ ? అంటూ హరీష్ ప్రశ్నించారు. 
పాలమూరు ప్రాజెక్టు వద్దని పేర్కొంటున్న బాబుకు ఓటేయాలా ?
రైతుల పంటలను ఎండగొట్టిన బాబుకు ఓటేయాలా ? 
ఉచిత కరెంటు సాధ్యం కాదు అంటూ అవహేళన చేసిన బాబుకు ఓటేయాలా ? 
వ్యవసాయం దండగ..అంటూ రైతులను చిన్న చూపు చూసినందుకు ఓటేయాలా ? 
దయాకర్ రెడ్డి నియోజకవర్గాన్ని ఊడగొట్టినందుకు ఓటేయాలా ?

అని ఓటర్లను ఉద్దేశించి హరీష్ ప్రశ్నించారు. 

Pages

Don't Miss

Subscribe to RSS - leaders