mahajana padayatra

21:19 - January 12, 2018

హైదరాబాద్ : దేశవ్యాప్తంగా కోటి మందికి పైగా ఉన్న స్కీము వర్కర్లు ఈ నెల 17న సమ్మె చేయాలని నిర్ణయించారు. స్కీము వర్కర్ల సమస్యలపై టీ మాస్‌ ఆధ్వర్యంలో హైదరాబాద్‌ సుందరయ్య విజ్ఞాన కేంద్రంలో రౌండ్‌టేబుల్‌ సమావేశం జరిగింది. సమ్మెకు టీ మాస్‌ ఫోరం మద్దతు ప్రకటించింది. వీరిని కార్మికులుగా గుర్తించి నెలకు 18 వేల రూపాయల కనీస వేతనం ఇవ్వడంతోపాటు పీఎఫ్‌, ఈఎస్‌ఐ సౌకర్యాలు కల్పించాలని సమావేశానికి హాజరైన నేతలు కోరారు. స్కీము వర్కర్లుగా ఉన్న ఆశాలు, అంగన్‌ వాడీలు, మధ్యాహ్న భోజన కార్మికులు, ఏఎన్‌ఎంలకు ఉద్యోగ భద్రత కల్పించాలని సీఐటీయూ నాయకురాలు రమతోపాటు, టీ మాస్‌ ఫోరం నేత కంచ ఐలయ్య డిమాండ్‌ చేశారు.

21:10 - January 11, 2018

హైదరాబాద్ : తెలంగాణలో.. సరికొత్త రాజకీయ ఫ్రంట్‌ ఆవిర్భవించబోతోంది. బీజేపీ, కాంగ్రెస్, టీఆర్ఎస్‌లకు ప్రత్యామ్నాయంగా ఈ ఫ్రంట్‌ ఏర్పడుతోంది. బహుజన లెఫ్ట్‌ ప్రంట్ పేరిట ఈనెల 25న మొదలయ్యే ప్రత్యామ్నాయ రాజకీయ వేదికకు.. అధ్యక్షుడిగా నల్లా సూర్యప్రకాశ్‌, కన్వీనర్‌గా తమ్మినేని వీరభద్రం వ్యవహరిస్తారు. తెలంగాణ రాజకీయాల్లో.. సరికొత్త ఐక్య వేదిక పురుడుపోసుకోనుంది. ఈనెల 25న బహుజన లెఫ్ట్‌ ఫ్రంట్‌ పేరిట ఈ ప్రత్యామ్నాయ రాజకీయ వేదిక ఆవిర్భవించనుంది. జ్యోతిరావు ఫూలే, అంబేడ్కర్‌ తరహా విధానాలు, ఆలోచనలతో ఏర్పాటు కానున్న ఈ ప్రత్యామ్నాయ ఫ్రంట్‌లో చేరేందుకు.. ఇప్పటికే 28 రాజకీయ పార్టీలు అంగీకరించాయి. వనస్థలిపురంలో జరిగే ఫ్రంట్‌ ఆవిర్భావ సభకు, సీపీఎం జాతీయ ప్రధాన కార్యదర్శి సీతారాం ఏచూరి, అంబేడ్కర్‌ మనవడు ప్రకాశ్‌ అంబేడ్కర్‌ హాజరు కానున్నారు.

గురువారం, సుందరయ్య విజ్ఞాన కేంద్రంలో జరిగిన సన్నాహక భేటీలో.. బహుజన లెఫ్ట్‌ ఫ్రంట్‌ అధ్యక్షుడిగా నల్లా సూర్య ప్రకాష్, కన్వీనర్‌గా తమ్మినేని వీరభద్రం ఎన్నికయ్యారు. రాజ్యాధికార సాధనే లక్ష్యంగా.. తెలంగాణలోని 119 స్థానాల్లోనూ పోటీ చేయాలని బహుజన లెఫ్ట్‌ ఫ్రంట్‌ భావిస్తోంది. జనాభాలో 93శాతం ఉన్న ఎస్సీ, ఎస్టీ, బీసీ, మైనార్టీల సంక్షేమమే ధ్యేయంగా, సామాజిక న్యాయ సాధనే లక్ష్యంగా ఫ్రంట్ పని చేయనుంది. ప్రత్యేక రాష్ట్రం సిద్ధించినా తెలంగాణ ప్రజల జీవన స్థితి గతుల్లో మార్పులు రాలేదని, అందుకే, ప్రత్యామ్నాయ అభివృద్ది నమూనాతో ప్రజల్లోకి వెళ్లాలని ఫ్రంట్‌ నిర్ణయించింది.

రాష్ట్రంలో నూతన రాజకీయ నాయకత్వం అవసరం ఎంతగానో ఉందని.. బహుజన లెఫ్ట్‌ ఫ్రంట్‌ విశ్వసిస్తోంది. ఆ దిశగా.. వామపక్ష భావజాలమున్న పార్టీలన్నింటినీ కలుపుకు పోవాలని ఫ్రంట్‌ నేతలు భావిస్తున్నారు. బహుజన లెఫ్ట్‌ ఫ్రంట్‌ అధికారంలోకి వస్తే.. సామాజిక న్యాయ సాధనకు పెద్దపీట వేయాలని తీర్మానించారు.

ప్రజా పోరాటాల ఫలితంగా భౌగోళిక తెలంగాణ సాధించినప్పటికీ.. ప్రజలు ఆశించిన రీతిలో పాలన సాగడం లేదని.. బహుజన ఫ్రంట్‌ రూపకర్తలు భావిస్తున్నారు. ఈనెల 25న బహుజన లెఫ్ట్‌ ఫ్రంట్‌ ఆవిర్భావం సందర్భంగా.. వనస్థలిపురంలో భారీ బహిరంగ సభను ఏర్పాటు చేయాలని ఫ్రంట్‌ నేతలు నిర్ణయించారు. అందులో.. ప్రత్యామ్నాయ రాజకీయ ముసాయిదాతో ప్రజల్లోకి వెళ్లేలా కార్యాచరణ రూపొందించనున్నారు. 

19:43 - January 11, 2018

హైదరాబాద్ : రాష్ట్రంలో కొత్త రాజకీయ ఫ్రంట్‌ ఆవిర్భవించనుంది. ఈ నెల 25న 'బహుజన లెఫ్ట్‌ ఫ్రంట్‌' పేరుతో ఆవిర్భావ సభ జరగనుంది. సామాజిక న్యాయ సాధనకు.. రాజ్యాధికార లక్ష్యంగా ఈ ఫ్రంట్‌ పని చేస్తుంది. ఫ్రంట్‌ నూతన అధ్యక్షుడిగా నల్లా సూర్యప్రకష్‌.. కన్వీనర్‌గా తమ్మినేని వీరభద్రం ఎన్నికయ్యారు. తెలంగాణ వచ్చినా ప్రజల బతుకుల్లో మార్పులేదని... ప్రత్యామ్నాయ విధానంతో ప్రజల్లోకి వెళ్తామని తమ్మినేని పేర్కొన్నారు. రాష్ట్రంలో రాజకీయ పార్టీలు చాలా ఉన్నా...అన్నీ ఒక తాను గుడ్డలోనని తెలిపారు. కార్పొరేట్..ధనికులకు..భూ స్వాములకు అనుగుణంగా ఆ పార్టీలున్నాయని..ఇప్పటికీ కనీస సౌకర్యాలు లేని వారు ఎంతో మంది ఉన్నారని తెలిపారు.

తెలంగాణ మరింత వెనుకబడి ఉందని, ప్రజలకు అనుగుణంగా పరిపాలించే పార్టీ రాలేదన్నారు. ఈ సమయంలో బహుజన లెఫ్ట్ ఫ్రంట్ ఏర్పడిందని..ఇది సరైన సమయంలో ఉద్బవించబోతోందన్నారు. గతంలో అనేక సంవత్సరాల పాటు ప్రధాన శత్రువు పేరిట పార్టీలను ఓడించడానికి..ఇతరత్రా ప్రయత్నాలు జరిగాయని, దీర్ఘకాలికంగా చూస్తే ఎలాంటి ఫలితం రాలేదన్నారు. మిగతా పార్టీలకు..వామపక్ష పార్టీలకు తేడా ఏంటో ప్రజలకు చూపెట్టాలని..ఇలా చేయడం వల్ల ఒక మహాశక్తిగా రూపొందే అవకాశం ఉందన్నారు. 119 స్థానాల్లో బహుజన లెఫ్ట్ ఫ్రంట్ పోటీ చేస్తుందని తమ్మినేని వెల్లడించారు. 

17:40 - December 21, 2017

నల్గొండ : సామాజిక న్యాయ సాధన కోసం కొత్త ఫ్రంట్ ఏర్పాటు చేస్తున్నట్లు సీపీఎం రాష్ట్ర కార్యదర్శి తమ్మినేని వీరభద్రం తెలిపారు. నల్గొండ జిల్లాలో ఆయన మీడియాతో మాట్లాడారు. వామపక్ష పార్టీలు, దళిత, బహుజన సంఘాలు, కుల సంఘాలతో కొత్త ఫ్రంట్ ఏర్పాటు చేస్తున్నుట్లు ప్రకటించారు. ఇప్పటికే వామపక్షపార్టీలతో సంప్రదింపులు జరుగుతున్నాయని తెలిపారు. జనవరి 28న హైదరాబాద్ కు దళిత నేతలు ప్రకాశ్ అంబేద్కర్, జిగ్నేష్ మేవాని వస్తున్నారని చెప్పారు. జనవరి 28భేటీ తర్వాత కొత్త ఫ్రంట్ పై మరింత క్లారిటీ వస్తుందన్నారు. గత 25 ఏళ్లుగా అనుసరించిన పొత్తుల విధానాన్ని సవరించుకుంటున్నామని తెలిపారు.

21:36 - November 26, 2017
15:58 - October 24, 2017

'సామాజిక న్యాయం- సమగ్రాభివృద్ధి'కోసం 'మహాజన పాదయాత్ర'గా తెలంగాణ మొత్తం 4200 కి.మీ నడిచిన ఉక్కు మహిళ ఎస్ రమ. మహిళా సమస్యలపై రాజీలేని పోరాటాలు చేస్తూ. కార్మిక సమస్యలపై ప్రజలకోసం కొట్లాడే ధీర వనిత 'రమ'. మహాజన పాదయాత్ర ప్రథమ వార్షికోత్సవం పూర్తి చేసుకున్న సందర్భంగా 10టీవీ 'స్ఫూర్తి' ఆమెను పలకరించింది. మహాజన పాదయాత్ర ముచ్చట్లు.. వాటి ఫలితాలు ప్రజా పోరాటాలపై 'రమ' గారు వెళ్లడించిన ఆసక్తికరమైన విషయాల కోసం వీడియోలో చూడండి.

07:53 - October 23, 2017

తొమ్మిది మంది సభ్యులు, 154 రోజులు, 4200 కిలో మీటర్లు, 31 జిల్లాలు, 1520 గ్రామాలు....మహా జన పాదయాత్ర సాగిన క్రమమిది. సామాజిక న్యాయం -సమగ్రాభివృద్ధి అజెండాతో సాగిన మహాజన పాదయాత్ర కొత్తగా ఏర్పడిన తెలంగాణ రాష్ట్రంలో కీలక పాత్ర పోషించిందని చెప్పకతప్పదు. ఆ పాదయత్ర ముగిసి ఏడాది గడిచిన సందర్భంగా నాటి పాదయాత్ర విశేషాలు.. అది తెర మీదకి తీసుకువచ్చిన సమస్యలు, సాధించిన విజయాలపై జనపథం.మహాజనపాదయాత్ర సామాజిక న్యాయం కోసం, భారత దేశంలో స్వాతంత్రం వచ్చిన కూడా మనువాదం కొనసాగుతోందని, వీటి పట్ల అనేక సంఘాలు పోరాటలు చేస్తున్న సమస్యల పరిష్కారం దిశగా పోరాటలు చయలేకపోయాయని కేబీపీఎస్ నాయకులు జాన్ వెస్లీ అన్నారు. పూర్తి వివరాలకు వీడియో చూడండి.

09:58 - October 18, 2017

ప్రజాస్వామ్యంలో నిరసన తెలుపుకునే అవకాశం లేకుండా పోయిందని వక్తలు వాపోయారు. ఇదే అంశంపై నిర్వహించిన చర్చ కార్యక్రమంలో సీపీఎం నేత నంద్యాల నర్సింహ్మారెడ్డి, టీకాంగ్రెస్ నేత మహేష్ గౌడ్, టీఆర్ ఎస్ నేత కాటం సత్యనారాయణ పాల్గొని, మాట్లాడారు. సీపీఎం మహాజన పాదయాత్రపై చర్చించారు. మరిన్ని వివరాలను వీడియోలో చూద్దాం..

 

09:44 - October 18, 2017

హైదరాబాద్ : లాల్‌... నీల్‌ జెండాల ఐక్యత దేశానికి అవసరమని ప్రభుత్వ మాజీ ప్రధాన కార్యదర్శి కాకి మాధవరావు అన్నారు. ప్రైవేట్‌ రంగంలో రిజర్వేషన్ల కోసం ఐక్యంగా ఉద్యమించి సాధించాలని పిలుపునిచ్చారు. హిందమతోన్మాదం,  సామ్రాజ్యవాదం కలయితో ఉద్భవించిన సరళీకరణ విధానాలు ప్రజల జీవితాలను అస్తవ్యస్తం చేస్తున్నాయని ప్రొఫెసర్‌ హరగోపాల్‌ అభిప్రాయపడ్డారు. వామపక్ష ఉద్యమం సంఘటితం కావాలని ఆకాంక్షించారు. సీపీఎం నిర్వహించిన మహాజన పాదయాత్ర ఏడాది పూర్తి చేసుకున్న సందర్భంగా హైదరాబాద్‌ వార్షికోత్సవ సభ నిర్వహించారు. ఇందులో పాల్గొన్న నేతలు... సామాజిక న్యాయం, పాదయాత్ర లక్ష్యాల సాధనకు అలుపెరుగని పోరాటం చేస్తామన్నారు.  ప్రభుత్వ ప్రజా వ్యతిరేక విధానాలకు వ్యతిరేకంగా విశాల ఉద్యమాలు చేపడుతామని హెచ్చరించారు.

సామాజిక న్యాయం - రాష్ట్ర సమగ్రాభివృద్ధి అనే నినాదంతో సీపీఎం ఆధ్వర్యంలో నిర్వహించిన మహాజన పాదయాత్రకు ఏడాది పూర్తయ్యింది.  దీన్ని పురస్కరించుకుని హైదరాబాద్‌లోని సుందరయ్య విజ్ఞానకేంద్రంలో వార్షికోత్సవ సభ నిర్వహించారు.  ఈ సభలో పాల్గొన్న  పౌరహక్కుల ఉద్యమ నాయకుడు ప్రొఫెసర్‌ హరగోపాల్‌... హిందూమతోన్మాదం, సామ్రాజ్యవాదమనేవి ఇప్పుడు భారతదేశాన్ని పట్టిపీడిస్తున్న ప్రధాన సమస్యలని అన్నారు.  ఈ రెండింటి కలయిక వల్ల ఉద్భవించిన సరళీకరణ విధానాలనేవి ప్రజల జీవితాలను అస్తవ్యస్తం చేస్తున్నాయన్నారు.  వీటి ఫలితంగా వ్యక్తిగత జీవితం, వ్యవస్థ చిన్నాభిన్నమవుతాయని ఆందోళన వ్యక్తం చేశారు. ఈ విధానాలను తిప్పికొట్టకుండా దేశంలో సామాజిక న్యాయం, సమానత్వం సాధ్యంకాదని తేల్చిచెప్పారు.  వీటిని సాధించాలంటే ముందు దేశంలోని వామపక్ష ఉద్యమం సంఘటితం కావాలని నొక్కి చెప్పారు. 

ప్రస్తుతం ప్రజలు ఎదుర్కొంటున్న కుల వివక్ష, ఆర్థిక దోపిడీపై జమిలీ పోరాటాలు నిర్వహించాలని  ప్రభుత్వ మాజీ ప్రధాన కార్యదర్శి కాకి మాధవరావు పిలుపునిచ్చారు.  కుల వివక్ష అనేది మన దేశంలో ఒక క్రూర జంతువులాంటిదని.. దాన్ని అడ్రస్‌ చేయకుండా సామాజిన న్యాయాన్ని సాధించలేమన్నారు.  ప్రైవేట్‌రంగంలో రిజర్వేషన్ల సాధనకు  ఉద్యమించాలన్నారు. 

తెలంగాణలో సామాజిక న్యాయం సాధించేదాకా పోరాటంలో వెనుదిరగబోమని సీపీఎం రాష్ట్ర కార్యదర్శి తమ్మినేని వీరభద్రం తేల్చి చెప్పారు.  ఇందుకోసం ఎన్నాళ్లైనా, ఎన్నేండ్లయినా ఉద్యమిస్తామన్నారు.  సామాజిక న్యాయం సాధించేందుకు  రాబోయే రోజుల్లో విస్తృత ఐక్య కార్యాచరణ అవసరమన్న తమ్మినేని.. ఈ కర్తవ్యాన్ని ముందుకు తీసుకెళ్లేందుకు కృషి చేస్తామన్నారు.

ఇదే సమావేశంలో పాల్గొన్న ప్రజాయుద్దనౌక గద్దర్‌..  సామాజిక  న్యాయమనేది ఒక రాజకీయ సమస్యని అన్నారు.  పాదయాత్ర ద్వారా సీపీఎం మాస్‌లైన్‌కు దారి వేసిందన్నారు.  దానికి మరో ముందడుగే టీమాస్‌ ఫోరం ఏర్పాటన్నారు. సుందరయ్య విజ్ఞాన కేంద్రంలో నిర్వహించిన ఈ సభకు రాష్ట్ర కార్యదర్శివర్గ సభ్యుడు  బి. వెంకట్‌ అధ్యక్షత వహించారు. పాదయాత్రలో పాల్గొన్న బృంద సభ్యులు ఈ కార్యక్రమానికి హాజరయ్యారు.
 

20:56 - October 17, 2017

Pages

Don't Miss

Subscribe to RSS - mahajana padayatra