mallanna muchatlu

20:50 - February 21, 2018

అయ్యో తెలంగాణ సర్కారును నోటికొచ్చినట్టు తిడ్తున్నరు సోషల్ మీడియాల జనం..తెలంగాణ ప్రజలారా..? మీకు తెల్సా..? మీరు ఎంత అప్పులళ్ల జిక్కిన సంగతి..? ఏ జగదీశ్వర్ రెడ్డి గురించి నేనెందుకు మాట్లాడ్త.. ఆయన తీన్ పీటుంటడు.. తెలంగాణ కాంగ్రెస్ పార్టీ రాబోయే ఎన్నికల కోసం తయ్యారైనట్టే అనిపిస్తున్నది...ఆర్ఎస్ పార్టీకి ధమ్ముంటే.. కాంగ్రెస్ పార్టీల గెల్చి టీఆర్ఎస్ పార్టీల జేరిన ఎమ్మెల్యేలు, ఎంపీలు..పదవుల కోసం మేము బుట్టలేదు.. పదవులే మాకోసం బుట్టినయ్ అంటున్నడు.. కరీంనగర్ ఎంపీ వినోద్...గొర్ల పత్కం గోవిందా గోవిందా.. ఏ గొల్లకుర్మాయిన జూడు.. జగిత్యాల జిల్లా హస్నాబాద్ కాడ.. ఒకామెకు నిన్న శిగమొచ్చిందట.. గిసొంటి ముచ్చట్లు చూడాలంటే వీడియో క్లిక్ చేయండి. 

21:47 - February 17, 2018

ఈ కేకుల కటింగులు.. శంకుస్థాపనల సంగతేమోగని.. పాణాలు వోతుండే పబ్లీకుయి.. పొయ్యిపొయ్యి జోగురామన్న గూసున్న వేదిక టెంటుకే మంటలంటుకున్నయ్.. మంత్రిగారాయే.. కింద మందుండే.. మరి టపాకులు గాల్చిండ్రా.? ఏమైంది తెల్వదిగని.. మొత్తం మీద ఒక కుల భవనం శంకుస్థాపన కార్యక్రమం ఆగమాగమైంది జర్ర శేపట్ల..

తలాపునే పారుతుంది గోదారి.. మనశేను.. మన చెలుక ఎడారి..? తెలంగాణ రైతు బత్కు అమాస.. చంద్రయ్య జేస్తున్నడు తమాష.. పాటలు ఇప్పుడు ఇట్ల వాడుకోవల్సొస్తదేమో అనిపిస్తున్నది.. కుద్దు మంత్రి కల్వకుంట్ల తారక రామారావుగారు దత్తత వట్టిన ఊర్లెనే మూడు నెళ్ల సంది తాగెనీళ్లు లేవంటే..? ఇది పారిపాలననేనా..? ప్రజల పాలనేనా సూడుండ్రి..

విదేశాల పొంట తిర్గి ఎంజాయ్ జేసుడుగాదు.. కల్వకుంట్ల తారక రామారావుగారూ.. నీకు ధమ్ము ధైర్యం ఉంటే.. ఒక్కసారి గల్ఫ్ కంట్రీలకు వొయ్యి.. ఆడున్న తెలంగాణ బిడ్డల నడ్మ నిలవడి సూడు అంటున్నరు కొంతమంది.. వేలమంది తెలంగాణ బిడ్డలు గల్ప్ దేశం బొయ్యి మోసపోతుంటే.. నువ్వు దావోసులు.. సింగపూర్లు లండన్లు తిర్గుకుంట.. ఏం కమాయి జేస్తున్నవయ్యా అనేది వాళ్ల మాట..

అయ్యా తెలంగాణ ముఖ్యమంత్రిగారు.. ఇగో ఇప్పుడు నేను జూపెట్టవోవే సావు.. మీ ఖాతల జమగావాల్సిన సావే.. మంచిగ పేదోళ్లకు ఎప్పటి లెక్కనే కంట్రోలు బియ్యం ఇయ్యక కథల వడ్తివి.. పాపం నీ ఏలిముద్రల సిగ్నల్ కోసం ఇల్లెక్కితె.. జారిపడి సచ్చిపోయింది ముసలామే.. ఈ పాపం మీరు జేశిందే అనేది జనం మాట..

మల్కాజ్ గిరి మల్లా రెడ్డి మళ్ల ఏశిండుగదా..? భారతదేశంలనే పెద్దనియోజకవర్గం మల్కాజ్ గిరి.. దానికి ఎంపీని నేను.. మల్లారెడ్డి.. మల్లారెడ్డి.. కని మల్లారెడ్డితోని ఏం పనిగాకున్నా.. మాటలైతె మంచిగుంటయయ్యా.. ఎన్కట డ్రామాలాడుతుంటే.. నడ్మిట్ల బుడ్డరఖాన్ తీర్గ ఒక్కడొస్తడు సూడుండ్రి.. అగో ఆ తరీఖల వచ్చి నవ్విస్తాఉంటడు.. మరి ఇయ్యాళ ఏం జేశిండో సూడుండ్రి..

నిత్య నిరసన వాది.. శ్రీ చిత్తూరు ఎంపీ శివప్రసాద్ గారు.. ఇయ్యాళ ఇంకో వెరైటీ నిరసన వెట్టిండు.. ఏ వేదిక కాడికెళ్లైతె మోడీ ఆంధ్రప్రదేశ్ మీద వరాల జల్లు గురిపిచ్చిండో.. అదే వేదిక కాడికి వొయ్యి రెండు చెవ్వులళ్ల తామర పువ్వులు వెట్టుకోని నిరసన జెప్పిండు.. మీరు జూడుండ్రి శివప్రాసాద్ గట్టినట్టు ఏశాలు.. ఏ అగ్రవర్ణ ఎంపీలు గట్టరు.. ఆడరు.. ఎందుకంటె వాళ్లకు ఆత్మగౌరవం అడ్డొస్తది గదా..? మనకు ఆ సోయి ఉండదిగదా..?

ముఖ్యమంత్రి కేసీఆర్ సారుకు.. దేవాదుల పైపులైన్లు బర్తుడే గిప్టు ఇచ్చినయ్..  యాభై మీటర్ల మీదికెళ్లి నీళ్లు జిత్తి దీవెనార్తి వెడ్తున్నయ్.. సల్లగ బత్కు సారూ.. వెయ్యేండ్లు ఉండాలే మీ అసొంటి ముఖ్యమంత్రి.. అని.. అగో పైపులు దీవెనార్తి వెట్టుడేందనుకుంటున్నరా..? వాజీవే గవ్వెట్ల దీవెనార్తి వెడ్తయ్.. మల్లన్న కథలు గాకపోతె..?

ఎవ్వలయ్యా అన్నది మోడీ ఏం పనిజేస్తలేడు ఏమైనా బైటిదేశాల పొంట బైరాగి తిర్గినట్టు తిర్గుతడు అని..? చల్ ఇదంత తప్పు.. మోడీగారి పనితనం జనానికి తెలుస్తలేదు.. ముఖ్యంగ ప్రతిపక్ష పార్టీలు ఆయనను జూస్తె కంట్లె వెట్టుకుంటున్నరుగని.. ఈదేశానికి ఈ మూడున్నరేండ్ల కాలంల మోడీ జేశ్న గొప్పపనులు ఏంటియో నేను జూపెడ్త సూడుండ్రి.. 

చెడపకురా చెడేవు అన్న ముచ్చట్లకు రాంగోపాల్ వర్మ ముచ్చట సరిగ్గ సరిపోయెతట్టున్నది.. జీఎస్టీ అని ఒక వీడ్యో యూట్యూబ్ల వెట్టెగదా... ఆ పంచాది ముదిరి ముదిరి.. రాంగోపాల్ వర్మ తాత లెక్క తయ్యారైంది... నోరున్నదిగదా అని ఎట్లవడ్తె అట్లనే మాట్లాడిన మన్షిని.. చట్టం విల్చుకొచ్చింది.. ఇయ్యాళ పోలీసోళ్ల ముంగట హాజిరేశిండు..

21:50 - February 16, 2018

ఆఖరికి బస్త దాక గూడ ఎర్రజొన్నలను ప్రభుత్వం కొనుగోలు జేస్తదని నిజామాబాద్ ఎంపీ దేవనపల్లి కవితమ్మ అంటున్నది.. ఆఖరికి బస్తకొనాల్నంటే.. ముందుగాళ్ల ఫస్టు బస్తగొనాలెగదా..? మేడం..? ఇయ్యాళ ఆర్మూరు కాడ రైతులు రోడ్డెక్కిండ్రని.. ఈ ఏశం గట్టిండ్రు గావొచ్చు.. ఎద్దేడ్సిన ఎవుసం రైతేడ్చిన రాజ్యం ఎట్లుంటదని ఇప్పటి తెలంగాణ రాజ్యం లెక్కుంటదట..

తెలంగాణలున్న బహుజనులు..అంటె బీసీ,ఎస్సీ,ఎస్టీ, మైనార్టీలు.. అంత గల్చి ఒక్కటైతె.. ఈ రాష్ట్రంలున్న సంపదను సమానంగ వంచుకోవచ్చు.. అప్పుడు దొంగలు దోపిడి దారులు ఉండరు.. ఈ పనిగావాల్నంటే.. రాజ్యాధికారం ఒక్కటే మూలం అంటున్నరు.. తెలంగాణ సామాజిక పోరాట సమితోళ్లు.. ఈనెల పద్దెన్మిది తారీఖు నాడు బోడుప్పల్ ఎగ్జిబిషన్ గ్రౌండుల పెద్ద బహిరంగ సభవెడ్తున్నరట..

రాజు వొయ్యిండ్రు.. రాజ్యాలు వొయ్యినయ్.. దేశం ప్రజాస్వామ్యమైంది.. ప్రజలే పాలకులన్నరు.. ఏది ఏమన్నా..? ఈ దేశంల ఉన్న భూమిమీద మాత్రం అసలైన ప్రజలకు హక్కులు లేకుంట వొయ్యినయ్.. దున్నెటోనిదే భూమిరా అని నినాదాలు జేశ్నా.. భూమి మాత్రం దొరల చెరల కెళ్లి బైటికి రాలేకపోతున్నది.. కరీంనగర్ జిల్లా భూమికోసం జర్గుతున్న పోరాటం ముచ్చట జూడుండ్రి..

ఎమ్మెల్యేలకు, ఎంపీలకు.. ఎమ్మెల్సీలకు.. మంత్రులకు కష్టం బాగైతున్నదని.. కష్టపోతులని.. జీతాలు రెండు మూడు లక్షలకు వెంచుకుంటిరి.. మరి వారంల ఐదురోజులే పనిదొర్కుతున్న బీడీకార్మికులకు గూడ కష్టం ఎక్వైతున్నది.. ఆందాని తక్వైతున్నదిగదా..? వాళ్లకు గూడ జర్రంత సర్కారు జీతాలలో.. భత్యాలో వెంచితె బాగుండదా..? అంటున్నరు 

రైలు ప్రయాణం కోసం జనరల్ టికెట్ గొన్నడు.. రైలు కదిలిపోతున్నది.. జనరల్ బోగీ ముంగటున్నది..   జనరల్ బోగీ కాడికి ఉర్కుతె ఉన్నరైలు వోతది.. అట్లని ఊకుంటమా.?. ఏడబ్బుంటె ఆ డబ్బల ఎక్కి వేరే స్టేషన్ల మళ్ల జనరల్ బోగీలకు వోతంగదా..? అగో రైలు ఎల్లిపోతున్న ఆత్రంల ఒక పిలగాడు రిజర్వేషన్ల ఎక్కితె పోలీసోడు జూడుండ్రి ఎట్ల గొట్టిండో..

అబ్బా గీ ముచ్చట్ల మాత్రం పోలీసోళ్లను మెచ్చుకోవచ్చు సూడుండ్రి.. ప్రజలు మూడ నమ్మకాలతోని అనాగరికంగ బత్కుతున్నరు.. వాళ్ల మూడ నమ్మకాలు వోవాల్నంటే.. ముందుగాళ్ల వాళ్లకు జ్ఞానం ఇయ్యాలే అని.. సిద్దిపేట సీఐ నందీశ్వర్ సారు.. మందిని ఎంటేస్కోని కాష్టాల గడ్డ అంటే స్మశాన వాటిక కాడ విందు జేస్కున్నరు.. 

ఎవ్వలన్న దొంగతనం జేశినోళ్లకు పస్పుబియ్యం దినిపిస్తె దొంగతనం జేశింది చేయంది బైటవడ్తదా..?  ఒకవేళ పస్పుబియ్యానికి అంత పవరుంటే.. మోడీకి గూడ తినిపిచ్చి.. దొంగలకు సద్దిగడ్తున్నడా లేదా అనేది గూడ తెల్సుకోవచ్చుగదా..? పస్పుబియ్యమంటెనే నవ్వొస్తున్నది.. అట్ల దొంగలు దొర్కేదుంటే.. ఈ లై డిటెక్టర్లు.. ఈ పోలీసు విచారణలెందుకు చెప్పుండ్రి.? మూడనమ్మకాల కెళ్లి విద్యార్థులను విజ్ఞానం దిక్కు తీస్కపోవల్చిన సర్కారు టీచరమ్మనే పిల్లలకు పస్పుబియ్యం దినవెట్టిందట..

ఇద్వరకే మనం బొచ్చెడు మాట్లా సూపెట్టుకున్నం.. తిరుమల కొండల మీదికి కోటర్ సీసలు, గుట్కాలు, సిగిరేట్లు తీస్కపోతుంటే.. పట్టుకున్న ముచ్చట.. ఓదిక్కు కేసులు వెడ్తున్నా.. పకడ్బంది చెకింగులు జేస్తున్నా.? వెంకన్న ప్రియ భక్తులు మాత్రం.. తమ సర్కును దీస్కపోతనే ఉన్నరు.. దొర్కుతనే ఉన్నరు.. 

20:50 - February 14, 2018

టెన్ టీవీ దెబ్బకు దయ్యందిగినట్టుంది అశ్వారాపుపేట ఎమ్మెల్యేకు.. నీళ్ల కోసం జనం తన్లాడుతున్నరని మనం జెప్తిమిగదా..? అమ్మో జనం ఎగవడి కొట్టగాళ్ల రేపుపొద్దుగాళ్ల అని భయపడ్డట్టుండు ఎమ్మెల్యేగారు.. ఎంబడే నీళ్లు లేని

అంటెనేమో మా దేవున్ని అన్నడని ఫీలైతరుగని.. వాడు జేస్తున్న చాతలు జూస్తె మరి అనకపోతె ఆగమైతరు జనం.. బాలసాయిబాబనట.. నోట్లెకెళ్లి లింగాలు దీస్తున్నడు.. వారీ బాలసాయి.. నీకు ధమ్ముంటే లింగాలు దీసుడు గాదు.. ఒక గుమ్మడికాయ దీయి సూద్దాం.. అప్పుడు నీకు నిజంగ మహిమలున్నయని మేము గూడ ఒప్పుకుంటం..

నిన్న ముఖేష్ అంబానీ మన చంద్రాలు ఇలాకకొచ్చిండు.. అమరావతిల కనిపించని కట్టడాలు సూశి అహా.. ఎంత అద్భుతం అని కొనియాడి. ఇగ నేను బిజినెసు జేయాల్నంటే ఆంధ్రప్రదేశ్ రాష్ట్రం ఒక్కటే కరక్టే.. మీరు కాయిదాలు తయ్యారు జేస్కోండ్రి.. నేను కంపిండ్లు ఏస్కుంట.. ఇగ పేదల భూములు గుంజుకునుడు సుర్వు జేస్తె శుభం అని చెప్పుకొచ్చిండట..

వాస్తవానికి చంద్రబాబుకు గానీ.. జగన్ మోహన్ రెడ్డికి గానీ.. వీళ్లకు ఆంధ్రప్రదేశ్ రాష్ట్రానికి ప్రత్యేక హోదా రావాలని లేదు.. కావాల్సిందే అని కొట్లాడుకునెతందుకు మాత్రమే ఈ టాపిక్ అవుసరం బడ్తున్నది.. ప్రత్యేక హోదా.. ప్రజల సెంటిమెంటు ఎటుదిక్కుంటే.. వీళ్లు అటుదిక్కు ఆటాడ్తరు.. ప్రత్యేక హోదా కాయిదాల మూట ఎన్నడో అట్కుమీదికి ఎక్కిచ్చిన మోడీ.. ఈ నాయకుల నాట్కానికి ఓ ఆర్టీస్టు మాత్రమే..

కొమిరెల్లి మల్లన్న జాతర ప్రజల కోసం అయితదో.. పోలీసోళ్ల కోసం అయితదో తెల్వది.. భక్తుల కంటె ఎక్వ ఎగవడి వాళ్లే పరేషాన్ జేస్తున్నరు.. పట్నాలు గీస్తరు గదా..? ముగ్గులు పస్పు బండారు ఏశి.. ఇగ నిన్న పొద్దుమీకంగ పెద్ద పట్నం ఏశిండ్రట.. ఆ పెద్ద పట్నం కాడికి భక్తులు ఎగవడకుంట కావలుండవల్సిన పోలీసోళ్లు ఏం జేశిండ్రో సూడుండ్రి..

నిన్ననేగాదు మనం చెప్పుకున్నది కంట్రోల్ బియ్యం కథ.? ఇగో ఇయ్యాళ ఇంకోటొచ్చింది.. నిన్ననేమో ఏలుముద్రల ఏశంగదా.? ఇయ్యాళ తక్కెడ పంచాది.. ఇర్వై నాల్గు కిలోల బియ్యం అని జోకిస్తున్నడు డీలరు.. వేరేతాన జోకితె ఇర్వై రెండు కిలోలే ఉంటున్నయ్.. మళ్ల ఆ కంట్రోలు దుక్నపాయిన ఎట్ల జోకుతున్నడు.. బాట్లతోని గాదు.. ఉశ్కె మూటలతోని..

ఓటమి అనే పదాన్ని ఇంకోమాటల జెప్పాల్నంటే.. రైతు.. జీవితంల ఎన్నడు గెల్పంటె ఎట్లుంటదో తెల్వని ఓటమిసారి ఒక్క రైతే.. దున్నెకాడ ఓడిపోతడు.. నాటేశెకాడ ఓడిపోతడు.. ఎర్వులు కొనెకాడ ఓడిపోతడు.. నీళ్ల కాడ ఓడిపోతడు.. కోతకాడ ఓటమే.. మోత కాడ ఓటమే.. ఆఖరికి అమ్ముకుందామనొచ్చిన మార్కెట్ల గూడ ఓటమే.. ఈ ఓటములకు ఇంకోటి తోడు.. అకాల వర్షాలు.. ఇగ ఎట్ల బత్కుతడు రైతు..?

ముందే శివరాత్రి జనం భక్తి ఎట్లుంటదో మీకు తెల్సిన ముచ్చట.. ఇగ ఈ భక్తిల మున్గిన జనానికి శివుని గుడిలె పాము గనిపిస్తె ఏంది పరిస్థితి..? మొగులు మీదికెళ్లి శంకరుడు దిగొచ్చినట్టు ఫీలైపోతరుగదా..? అగో అంతే పని అయ్యింది నిర్మల్ జిల్లాల.. శివరాత్రి పూజలళ్ల భక్తులుంటే.. ఒక పాము గర్భగుడిలె గనిపిచ్చింది.. ఖతం.. భక్త జనం ఊకుంటరా..?

 

19:57 - February 13, 2018

ఈ శివరాత్రి ఒక్కపొద్దుల ముచ్చట జూస్తె గమ్మతుంటది.. అంటె నిష్టూరంగని.. అసలు ఆ ఒక్కపొద్దులేంటియి..? ఆ కథ ఏంది..? ఆ అభిషేకాలేంటియి.. ఉపాసం పేరుమీద ఒకాయిన తెల్లారంగ పండ్ల పుల్లేశి.. సాయంత్రందాక తోముకుంటనే గూసుంటడు.. సరే ఇవ్వన్ని ముచ్చట్లు గాదుగని.. కుద్దు ఒక పీఠాధిపతే జెప్తున్నడు మీరు అసలైన శివరాత్రి జేస్కుంటలేరని.. గాయిన మాటలన్న ఇనుండ్రి జర..

రెండువేల పందొమ్మిది అసెంబ్లీ ఎన్నికలళ్ల.. కాంగ్రెస్ పార్టీ తర్పున పోటీ జేశెటోళ్లది అర్వైమంది లిస్టు ఇడ్దల జేశిండ్రని సోషల్ మీడియాల రెండు పత్రాలు సంచారం జేస్తున్నది.. సరే అది ఎవ్వడు జేశింది ఏం కథ అనేది తర్వాతగని.. ఆ చేశే చెడ్పుపనిగూడ సక్కగ జేయరాకపాయే.. సచ్చినోనికి గూడ టికెట్టు ఇచ్చేశిండ్రంటే.. వారీ అవద్దంగూడ సరిగ సర్క్యూలేట్ జేయరాకపోతె ఎట్లరా నీకు అంటున్నడు పొంగులేటి..

కోమటి రెడ్డి వెంకట్ రెడ్డిగారు.. ఇంతకు మీరు కన్ఫ్యూజన్ల ఉన్నరా..? లేకపోతె జనమే కన్ఫ్యూజన్లున్నరా అర్థమైతలేదు.. ఒకసారి నల్లగొండ అసెంబ్లీ నియోజకవర్గం కెళ్లి ఎమ్మెల్యేగ పోటీ జేస్తాని నీ టికెట్ నువ్వే ప్రకటించుకుంటవ్.. మళ్లొకపారి.. ఈసారి నల్లగొండ పార్లమెంట్ స్థానంల పోటీ జేయవోతున్న అంటవ్..? వారంరోజులళ్లనే ఇంత కన్ఫ్యూజన్లుంటే.. ఏందన్నట్టు..?

తవురో రామన్న.. పేదోళ్ల ఉసురు దల్గి.. పోతవురో రామన్న.. మా బిడ్డల ఉసురు తలిగి.. పశిగుడ్డుల ఉసురుతలిగి.. పేదోళ్ల పొట్టగొట్టినోడు ఎవ్వడు పొడ్గుగాడు.. పుర్గులవడి సచ్చిపోతడు.. ఈ ముచ్చట బోజగుట్ట పేదల ఎంటవడ్డ దొంగ సర్కారు నాయకులదన్నట్టు.. పాపం నిండు గర్భిణి అని గూడ సూడకుంట నూకేశి ఇల్లు గూలగొట్టిండ్రంటే.. ఇంత దుర్మార్ఘమా..?

మీకెందుకు మీ పాతిండ్లన్ని కూలగొట్టుండ్రి.. తెల్లారే ముగ్గువోశి అద్భుతమైన.. ప్రపంచం నివ్వెర పోయే డబుల్ బెడ్రూం ఇండ్లు గట్టిస్తమని పాపం దళితుల ఇండ్లను కూలగొట్టిచ్చిండ్రు.. మన బంగారు తెలంగాణ సర్కారోళ్లు.. చెర్లున్నోన్ని బాయిలేశినట్టు.. పాపం పాతిండ్లళ్ల బత్కుతున్న జనాన్ని రోడ్ల మీదేశి.. పత్తలేకుంట వారిపోయిండ్రు..

బహుజనుల వీరుడు.. మారోజు వీరన్నకు జన్మనిచ్చిన జాతి అది.. తెలంగాణ కోసం రాజీలేని పోరాటం జేశిన జయశంకర్ సారుకు జన్మనిచ్చిన కులం అది.. మలిదశ ఉద్యమంల తొలి ఆత్మార్పణ జేశిన శ్రీకాంత చారిని కన్న జాతి అది.. ఎప్పుడు త్యాగాలకే పరిమిత మైన విశ్వబ్రాహ్మణ బిడ్డలు.. ఇప్పుడు ఒక్కటైతున్నరు.. త్యాగాలు మాయి బోగాలు మీయా అని ప్రశ్నిస్తున్నరు..

నీయక లేని ఇకమాతుల వడ్తున్నది ఈ తెలంగాణ సర్కారు.. ఇచ్చేదే ఒక్కటి రెండు సర్కులంటే.. అవ్విటికి మళ్ల ఏలుముద్రలు వెట్టాల్నంట.. రాషను దుక్నంల కథ జెప్తున్ననమ్మా..? పాపం కూలినాలి బంజేస్కోని తిర్గుతున్నం.. మా ముద్రలు కలుస్తలేవని బియ్యమిస్తలేరు అని జనం బాధపడ్తున్నరు.. సూడుండ్రి వాళ్ల గోస..

నిజాంబాదు జిల్లా నవీపేట మండలం జనాన్ని కొన్నిరోజుల సంది చుచ్చువోపిస్తున్న చిర్తపులి మొత్తం మీద జీవిడ్సింది.. గొర్లను మ్యాకలను.. సంపుకుంట సంచరిస్తున్నఈ పులి జెయ్యంగ జనం పాణాలు చేతుల వట్కోని బత్కిండ్రు.. ఎప్పుడు ఊర్లెకొస్తదో ఏం జేస్తదో అని భయపడ్డరు.. మొత్తం మీద మరి ఏబండి తాకిందో జీవిడ్సింది..

20:09 - February 10, 2018

పవన్ కళ్యాణ్ సారు ఎవ్వలి రుణం ఉంచుకోడమ్మా..? రెండువేల పందొమ్మిది ఎన్నికలళ్ల... మళ్ల టీఆర్ఎస్ పార్టీకి ప్రజలు ఎందుకు ఓటేయాల్నంటే వందల కారణాలు జెప్తాంటున్నడు మాన్య మంత్రివర్యులు శ్రీ తన్నీరు హరీషు రావుగారు.. చెర్కురైతులు ఎన్నిరోజుల సంది దీక్షలు జేస్తున్నరు.. యాష్టకొచ్చి వాళ్లే దీక్షలు విరమించిండ్రు నిన్న... కాళేశ్వరం ప్రాజెక్టు బాధిత రైతులు రెండేండ్ల సంది భూ పరిహారం అందక పరేషాన్ల ఉండి లొల్లివెడ్తున్నరు.. అబ్బా ఇంటిరా ఈ ముచ్చట.. అంతర్జాతీయ ఏతుల పుంజుల సంఘం అధ్యక్షుడు శ్రీ గౌరవ నరేంద్రమోడీగారు ఏమంటున్నడట..పక్వానికి రాని అర్టిపండ్లను దీస్కొచ్చి అవ్వి ఎర్రగ అయ్యెతందుకు ఏమేం పనులు జేస్తున్నరో సూడుండ్రి.. హైద్రావాద్ రోడ్ల మీద గుంత జూపెట్టుండ్రి వెయ్యిరూపాలిస్తాని అప్పట్ల జీహెచ్ఎంసీ కమీషనర్ ప్రజలకు సవాలు ఇశిరిండుగదా..?ఎవ్వడన్న తాగి పంచాదికి దిగితె.. సూశినోళ్లు ఏమంటరు.. గీ గరం గరం ముచ్చట్లు చూడాలంటే వీడియో క్లిక్ చేయండి. 

20:02 - February 9, 2018
20:17 - February 8, 2018
20:20 - February 7, 2018

ఏం దెల్చురా జగదీశ్వర్ రెడ్డి నీకు రాజకీయాలు..? ఏంది అట్ల జూస్తరు.. ఒక మంత్రిని వట్కోని గట్లనే అంటవా మల్లన్నా అనుకుంటున్నరా..? ఉమ్మడి రాష్ట్రానికి పీసీసీ చీఫ్ గ పనిజేశ్న మన్షిది రెండు ఓట్లు ఎటో దీస్కపోయి ఒక్కింట్లనే ఏశిండ్రు మన ఎన్నికల సంఘపోళ్లు.. ఏపీ స్టడీ సర్కిల్ తెలంగాణ రాష్ట్రంల ఎంత తెర్లైందో సూడుండ్రి.. గతంలో పరిపాలించిన నాయకులు ఏం జేశిండ్రో ఈ ఆలేరుకు అర్థమైతలేదంటున్నది ఆలేరు ఎమ్మెల్యే కం ప్రభుత్వ విప్పు శ్రీమతి గొంగిడి సునితమ్మ..ఫార్మా డీ సద్వు సద్విన విద్యార్థులు రోడ్డున పడ్డరు...సంగారెడ్డి పిలగాడు జగ్గారెడ్డి ఆ గడ్డం ఆ నెత్తి ఆ ఆహాభావాలు జూస్తె పెద్ద గుండగానిలెక్కగనిపిస్తడుగని..సమ్మక్క సారక్క జాతర్ల వెట్టిన గల్లెపెట్టెల పైకం లెక్కవెడ్తున్నరు.. మొత్తం నాల్గువందల ముప్పై గళ్ల పెట్టెలు..అయ్యో తెనాలి రామలింగని ఇంట్ల దొంగలు వడ్డట్టే ఉన్నదిగదా ఈ కథ గూడ..? గీ ముచ్చట్లు జూడాలంటే వీడియో క్లిక్ చేయండి. ..

07:46 - February 6, 2018

త్వరలో కోదండరామ్ కొత్త పార్టీ, వైఖరీమార్చుకున్న చంద్రబాబు, గడ్డాలు, మీసాలు పెంచితే గెలువరంటున్న తలసాని, అమెరికాలో టీడీపీ గెలుస్తుందంటున్న లోకేశం, గొర్ల సబ్సిడీ పథకంలో గోల్ మాల్, అచ్చేదిన్ అంటూ సచ్చేదిన్..మోడీ పాలన, స్కైవిన్ మొబైల్ గెలుచుకున్న దెవరు ? ఈ అంశాలపై మల్లన్నముచ్చట్లను వీడియోలో చూద్దాం...  

 

Pages

Don't Miss

Subscribe to RSS - mallanna muchatlu