mallanna muchatlu

20:41 - July 19, 2018

రాజకీయాలు వేరు.. వేసే ఓటు వేరు..అసలైన రాజకీయం తెల్వకుంటే ఆగమే, తెలంగాణల సత్రోలు అయిన సర్కారు బడి..పేదలకు దూరమైతున్న విద్యా వనరులు, అంగన్ వాడీ కేంద్రాలళ్ల ఉడ్కని బియ్యం...పుర్గులు వట్టిన అన్నం.. అవ్వేకూరలు, తెలంగాణల రెవెన్యూ అధికారుల లంచాలు...రికార్డుల తారుమారుల కోట్ల కొద్ది అవినీతి, అంగారక గ్రహం మీదికి వొయ్యే తొలి మన్షి..మన పిల్లలు కచ్చకాయలు చిత్తుడు బిల్ల, కిల యాటకూర గొంటె టిఫిన్ బాక్సు ఫ్రీ..కోరుట్ల కాడ ఒకాయిన కొత్తరకం దందా..ఈ అంశాలపై మల్లన్నముచ్చట్లను వీడియోలో చూద్దాం...

 

20:55 - July 18, 2018

పార్లమెంట్ల అవిశ్వాసం బెట్టిన తెల్గుదేశం..మరి గుణాత్మక గుర్వయ్య ఎటుంటడు?, నిజాంబాదు టీఆర్ఎస్ల ముదిరిన లొల్లి..ఎమ్మెల్యే గణేష్ గుప్త లంచమడ్గిండట, ముఖ్యమంత్రి బొమ్మవెట్టి హోమం జేశిండ్రు..ఇప్పటికన్న కరుణిస్తడేమో అని ఆరాటం, ప్రభుత్వమే నకిలీ ఇత్తనాలమ్మిందంట..కామారెడ్డి జిల్లాల నట్టేట మున్గిన రైతులు, బిచ్చమడుక్కుంటున్న గూడ అంజన్న తల్లి.. కంటతడి వెట్టిస్తున్న తల్లి గోసల పాట, గ్రేటర్ నోయిడా కాడ కూలిన నిర్మాణ బంగ్ల..చిక్కుకున్న పద్దెన్మిది కుటుంబాలు... ఈ అంశాలను మల్లన్నముచ్చట్లను వీడియోలో చూద్దాం.... 

 

20:38 - July 17, 2018

కాంగ్రెస్ పార్టీల తన్నులాటొక్కటే తక్వ..గల్లలు కుర్చీలదాకెదిగిన నాయకత్వం, గురిగింజ మాటలు జెప్తున్న గుత్తా రెడ్డి..కాంగ్రెస్ పార్టీల గెల్చి కాంగ్రెసును గిచ్చి, కాంగ్రెస్ పార్టీ ఉద్యోగాల భర్తీ అడ్డుకుంటున్నది...మరి ప్రాజెక్టులు అడ్డుకున్నా ఆగుతలేవుగదా ?, ఆకార పుష్టి నైవేద్య నష్టి లెక్కైన ప్రజావాణి..సమస్యలు పరిష్కారం గాక జనం పరేషాన్, బత్కున్న మన్షికి డెత్ సర్టిఫికేట్ మంజూరు...కరీంనగర్ కార్పొరేషన్ అధికారుల తీరు గిది, వేటగాళ్ల ఉచ్చుల వడ్డ చిరుత పులి..కాపాడెతందుకు ప్రత్యేక రెస్క్యూ టీంలు.. ఈ అంశాలపై మల్లన్నముచ్చట్లను వీడియోలో చూద్దాం... 

20:17 - July 16, 2018

అరరరే ఏమో అనుకున్నంగని.. వానలు బాగనే వడ్తున్నయ్ గదా..బంగారు తెలంగాణను తయ్యారు జేస్తందుకు ఒక్క కేసీఆర్ సరిపోతలేడు గావట్టి ఊరూరికి ఒక్క కేసీఆర్ తయ్యారు గావాలే అంటున్నది.. ఇదేమీ రాజ్యం ఇదేమి రాజ్యం దొంగల రాజ్యం దోపిడి రాజ్యం తెలంగాణల కాంగ్రెస్ పార్టోళ్ల నినాదం ఇది ఇప్పుడు..మిషన్ భగీరథ పైపులు ఎందుకేశినట్టు మంత్రిగారు.?? ఇది నిజంగ జనానికి దూప ఆర్పెతందుకేనా లేకపోతె కాంట్రాక్టర్ల జేవులు నింపెతందుకా..?మొన్న ఐదురోజుల కింద మంత్రి కేటీఆర్ గారు.. రంగారెడ్డి జిల్లా పాశమైలారం కాడికి వొయ్యిండు.. పొయ్యి ఏమన్నడు..?మాకు ఎయిర్ ఫోర్సుల నౌకర్లు ఇప్పిస్తాని చెప్పి.. ఒక్కొక్కలి తాన రెండు లక్షల ఇర్వైఐదు వేల రూపాలు వసూలు జేశిండు....అలాగే మల్లన్న ముచ్చట్లలో 'బోనాల' సాంగ్ ప్రసారమైంది. మరి గీ గరం గరం ముచ్చట్ల కోసం వీడియో క్లిక్ చేయండి. 

20:27 - July 12, 2018

అన్నా క్యాంటీన్లు అని కొత్తయి కొలాయించిండ్రుగదా..? క్యాంటీన్లు గట్టెకాడ కోట్ల రూపాల అవినీతి అయ్యిందట..ఏ ప్రభుత్వమైనా పేదోనికి కనీసం అందించవల్సిన సేవ ఏంది..?తెలంగాణ ప్రజలారా ఇది మీరు బాగ జూడాలే ముచ్చట.. ఏం ప్రభుత్వమండి చంద్రశేఖర్ రావుగారు మీది..? ఇదో ప్రభుత్వమేనా.?.బోధకాలు రోగం లేని మన్షిలేడు ఆ ఊర్లె.. ఈ తెలంగాణ ఆప్కారోళ్లకు బుర్ర పనిజేస్తలేదా ఏంది..? ఏటీఎంల పైసల తీస్కుందానమి వొయ్యని ఒకాయనను ఏటీఎం సతాయించింది.. గుడి కొచ్చిన భక్తులకు శఠగోపం బెట్టో తీర్థం బోశే.. గీ గరం గరం ముచ్చట్ల కోసం వీడియో క్లిక్ చేయండి. 

20:28 - July 11, 2018

అమ్మయ్య మొత్తం మీద థాయ్ లాండ్ బొయ్యారం కథ సుఖాంతమైంది..జేసీ దివాకర్ రెడ్డి అంటె ఫీలైతవ్ గని.. నీది నాల్కెనా తాటి మట్టనా..? అరే నీయక ఆ పోరని పేరేంది ఆ లోకేశం.. ఆ పోరన్ని ఎవ్వలికన్న మంచి డాక్టరుకు సూపెట్టుండ్రివా ఓ తెల్గుదేశమోళ్లు..అనంతపురం కాడ తెల్గుదేశం ఎంపీలు దీక్ష జేస్తున్నరు ఎందుకు..? ఓయమ్మనే ఈ ముచ్చట మూడు రోజులు ముందు దెలిస్తె చంద్రాలు ఆంధ్రరాష్ట్రమంత పండుగ జేసునో ఏమో..?అయ్యో హైకోర్టు ఎంత పనిజేశే.. ఇంకో నాల్గొద్దులు ఆగినా.. ఎన్నికలు అయిపోవు అప్పుడు ఏం జెప్పినా ఏంగాకపోతుండే..మంత్రి జగదీశ్వర్ రెడ్డిగారు తమరేమో గడ్కోపారి రచ్చగెలుస్తాని..పెద్దల పెద్దరికం పర్వు మర్యాదలు.. అన్ని గల్పి నిజామాబాద్ జిల్లా నందిపేట్ మండలం తేవెధ ఊర్లె ఒక శవాన్ని తయ్యారు జేశ్నయ్..గీ గరం గరం ముచ్చట్లు జూడాలంటే వీడియో క్లిక్ జేయండి...

20:26 - July 10, 2018

టీఆర్ఎస్ పార్టీ పరిస్థితి కార్యకర్తలు చింపిన ఇస్తరాకే అయితున్నదిగదా..? మొన్న బెల్లంపల్లి కాడ అవిశ్వాస తీర్మానం.. నిన్న రామగుండం కాడ... ఇయ్యాళ వేములవాడ కాడ.. వాళ్లదాంట్లె వాళ్లే విశ్వాసాలు లేకుంట బత్కుతున్నరు.. ఇంకో నాల్గురోజులు ఇదే స్పీడుతోని అంబాసిడర్ ముంగటికి వొయ్యెనాంటే.. కాంగ్రెసోళ్లు పెద్దగ కష్టపడవల్సిన పనేం ఉండదేమో..

నక్కవుట్టి నాల్గు రోజులు గాలే నా ఎక్సుపీరియన్సు ఎవ్వలికున్నదని ఎక్కిరిచ్చిందట అగో అట్లనే ఉన్నది.. చంద్రాలు కొడ్కు లోకేశం ముచ్చట గూడ.. నేను వుట్టెటప్పటికే మా తాత ముఖ్యమంత్రిగుండే.. నేను శెడ్డి ఏస్కోని బడికి వొయ్యెతప్పుడే మా నాయిన ముఖ్యమంత్రిగుండే.. అయినా నా మీద గింత అవినీతి మచ్చవడ్డదా అంటున్నడు..

నాల్గురు బీసీ పోరగాళ్లు ఒక్కతాన గూడి.. టూ బై ఫోర్ చాయజెప్పి.. పైసలు నువ్వుగట్టుమంటే నువ్వుగట్టుమని.. అద్దగంట ముచ్చట వెట్టుకోని రేపు పొద్దుగాళ్ల వర్కళ్ల రాజ్యాధికారం ఎట్లొస్తదని ఆలోచన జేశి ప్రెస్ మీటింగు వెట్టి ఎవ్వలికి వాళ్లు ఎల్లిపోవుడు.. తర్వాత ఇదే నాల్గురు మళ్లొక నెల రోజులకు గూడి మళ్ల చాయి మళ్ల ప్రెస్ మీటు.. మళ్ల ఎవ్వలింటికి వాళ్లు.. గిదా రాజ్యాధికారం సాధించే కథ..?

మాటలు జెప్పుమంటే ఏమన్న మాటలా అవ్వి.. గా మూడేండ్ల కింద నారాయణ ఖేడ్ ఉప ఎన్నికైందిగదా.?. ఆ ఉపఎన్నికలకోసం ప్రచారానికి వొయ్యిండు కేసీఆర్ అల్లుడు హరీష్ రావు.. పొయ్యి ఆ నియోజకవర్గాన్ని సూశి వైసు కన్నీళ్లు గార్చిండు.. ఇగ ఒక ఊరికి వొయ్యి ఈ ఊరిని నేను దత్తత దీస్కుంటున్నాని చెప్పిండు.. ఓట్లువడంగనే ఊరులేదు గీరు లేదు.. దత్తత గాదు సారే పత్తకు లేడు.. పాపం ఆఊరిగోస జూడుండ్రి..

చట్టాలను ఉల్లంఘించెటోళ్లు మీద కేసులు వెట్టి జైలుకు తోలిస్తున్నప్పుడు.. మరి విద్యాహక్కు చట్టాన్ని ఉల్లంఘించి విద్యార్థులను సద్వుకు దూరం జేస్తున్న ముఖ్యమంత్రి కేసీఆర్ మీద.. విద్యామంత్రి కడియం శ్రీహరి మీద గూడ కేసులు వెట్టి జైలుకు వంపాలేగదా... నెల రోజులాయే బడులు సుర్వై.. ఇప్పటికి ఒక్కసారి వచ్చింది లేదు పాఠం జెప్పింది లేదు.. ఇగ మరి ఇది చట్టం ఉల్లంఘన కిందికి రాదా..?

అంగట్ల పశులను కొన్నట్టే ఉన్నది ఎంపీటీసీల కొనుగోలు తెలంగాణల.. ఎవ్వని బర్రైతేంది మన దొడ్లె పెండవెట్టిందా లేదా అన్నట్టే సూస్కుంటున్నరు.. ఒక్కొక్క ఎంపీటీసీకి నాల్గు లక్షల రూపాలు ఖరీదు వెట్టి కొనుక్కున్నడంటే ఆ ఎంపీపీ ఎంత సంపాయించాలే.. మళ్ల మందిని ముంచాల్సిందేగదా.?. అమ్ముడువొయ్యే ఎంపీటీసీలకు శిగ్గులేదు.. కొనుక్కునెటోనికి గూడ లేదు.. జగిత్యాల జిల్లాల ఒక కథ బైటవడ్డది సూడుండ్రి..

తెలంగాణ రైతులకు ఆన్ లైన్ అంటె హార్ట్ ఫెయిల్ అయినంత భయమైతున్నది.. భూ ప్రక్షాళణ పేరు మీద వేల మంది రైతుల బత్కు ఆగానికొచ్చింది.. ఒకలి భూమి ఒకలికి వడి.. కొంతమందికి సంగం భూమే ఎక్కింది.. కొంతమందికి మొత్తం భూములే లేకుంట వొయ్యినయ్... ఆగమాగం చెందన చెందన అయ్యింది. నాకు తెల్చి ఒక్క కేసీఆర్ ఇంటోళ్ల భూములు తప్ప అందరియి ఆగమే ఉన్నట్టున్నయ్ కాదా మరి.. ఇగజూడుండ్రి..

ఎంకి పెండ్లి సుబ్బిసావుకొచ్చిట్టుగాదు.. సుబ్బి సావే ఎంకిపెండ్లికొచ్చినట్టుంది ఈ వానలు జూస్తుంటే.. పాపం ఆ మహారాష్ట్రల అడ్డగోల్గవానలు వడి.. అక్కడి జనం తక్లైవైతుంటే.. వానలు ఎప్పుడువడ్తయా అని ఎదురు సూస్తున్న తెలంగాణలకు మహారాష్ట్ర వర్దొస్తున్నది.. గోదావరి నది.. గట్టిగనే వారుతున్నది.. ఇగ మన కళల ప్రాజెక్టుల కట్కాలు ఏడికాడ ఆగిపోయినయట.. 

20:24 - July 9, 2018

రామగుండం రాజకీయం రంజుకొచ్చింది గదా..? ఇప్పటికే ఉత్తర తెలంగాణల పట్టుగోల్పోతున్న టీఆర్ఎస్ పార్టీకి రామగుండం ఎమ్మెల్యే సోమారపు సత్యనారాయణ షాకిచ్చిండు.. రాజకీయాలళ్ల కెళ్లి తప్పుకుంటున్న అని ప్రకటించిండు.. రామగుండం మేయర్ అవిశ్వాస తీర్మానం పంచాది చిల్కి చిల్కి టీఆర్ఎస్ దుమారం లేశింది.. అసలు ఏం జర్గింది ఒక్కపారి జూద్దాం పాండ్రి.. సతీష్.. అడ్గు..

తెలంగాణ రాష్ట్రానికి పరిశ్రమలు పెద్ద ఎత్తునొస్తున్నయట.. ఐటీ మంత్రి కల్వకుంట్ల తారక రామారావు అంటున్నడు.. పెద్ద ఎత్తునొస్తున్నాయి..? యాడనో సూపెడ్తవా కేటీఆర్ గారు ఆ పరిశ్రమలు ఏడికొచ్చినయ్ ఇప్పుడు ఏడున్నయ్.. అండ్ల నౌకర్లు ఎన్నొచ్చినయ్ మా పోరగాళ్లకు అనేది ఎందుకు సారు ఈ ఉద్దెర ముచ్చట్లు జెప్తవ్..?

అయ్యో గద్వాల జేజమ్మ అలియాస్ అరుణారెడ్డి అడ్డగోల్గ తిట్టిందిగదా కల్వకుంట్ల తారక రామారావును భీమా నెట్టెపాండు ప్రాజెక్టులు గట్టి నీళ్లిచ్చింది కాంగ్రెస్ పార్టీరా సన్నాశి అని నోటికొచ్చిన మాటలన్నది.. నీళ్లు ఇచ్చింది మేమే అని చెప్పింది అరుణమ్మగని..? అర్వై ఏండ్ల సంది తెలంగాణ ఉద్యమం అయితే ఆల్చంగ రాష్ట్రమిచ్చింది గూడ మేమే అని చెప్తలేదు పాపం..

పార్టీల డ్రామాలు జూడుండ్రి ఎట్లుంటయో.. ఏడనన్న గింత మంచి జర్గంతనే అది మాదంటే మాదని ఎగవడి వాళ్ల ఖాతల ఏస్కుంటరు.. చెడు జర్గితె మాత్రం మాదిగాదు గతపాలకుల నిర్ణయాలు అని మంది మీద నూకేస్తుంటరు.. నిన్నమొన్న రెండు గట్టి శిన్కులు వడంగనే తెల్గుదేశం పార్టోళ్లు జూడుండ్రి ఆంధ్ర రాష్ట్రంల హంగామా ఎట్ల జేస్తున్నరో..

ఉన్నదే ఎక్రం పొలం.. ఆ పొలాన్ని ఉన్నకాడికి కాళేశ్వరం కాల్వకోసం గుంజుకున్నరు.. ఇగ ఏం జేయాల్నో తెల్వక అదే పొలంకాడ గూసోని పొద్దంత ఏడ్సింది ఒక మహిళా రైతు.. ఏడ్సి ఏడ్సి ఆడనే జీవిడ్సింది.. కళేశ్వరం అద్భుతాలళ్ల ఇది గూడ ఒక్కటన్నట్టు.. ఉన్నోని పొలాలు వోవు... పాపం ఎక్రం అద్దెక్రం ఉన్నోని భూములు వోతె వాళ్లు ఎట్లబత్కుతరు చెప్పుండ్రి.. ముఖ్యమంత్రిగారు మీ ఖాతల జామజేయవల్సిన సావు ఇదే..

తెలంగాణ రాష్ట్రం నిరాహార దీక్షలు రాస్తరొకోలు.. నిరసనలు ఆందోళనలతోనే తెల్లార్తున్నది.. అవ్విటితోనే పొద్దుగూట్లె వడ్తున్నది.. ఆశాలు అంగన్ వాడీలు, ఏఎన్ఎంలు వాళ్లు ఉద్యోగాలు తక్వ జేశిండ్రు ఆందోళనలు ఎక్వ జేశిండ్రు చేశిండ్రంటే సర్కారు జేపిచ్చింది వాళ్లతోని.. వీళ్లకు తోడుగ ఇగ మెప్మా రిసోర్స్ పర్సన్లు రంగంలకు దిగిండ్రు మా బత్కు సంగతేంది ఈ బంగారు తెలంగాణల అంటున్నరు..

నిజామాబాద్ జిల్లా బోధన్ కాడ ఒక వైన్సుల దొంగలు వడ్డరట నిన్నరాత్రి.. వైన్సు దుకాండ్ల దొంగలు వడ్తె పొయ్యేదేమున్నది.. అదేమన్న మెడికల్ షాపు అని మీరు అనుకుంటుండొచ్చుగని.. ఏదైనా దొంగతనం దొంగతనమేగదా..? మరి దొంగలు వడి రెండు లక్షల రూపాలు ఎత్కపోయిండ్రట.. వైన్సులున్న మాలు గూడ జర్రంత లేపిండ్రట..

జూన్ ఇర్వై మూడు తారీఖు నాడు అంటే అటీటు పదిహేను రోజులైంది ఇయ్యాళటికి పన్నెండు మంది పోరగాళ్లు థాయ్ లాండ్ దేశంలున్న ఒక గుహలకు వొయ్యిండ్రట సూస్తందుకు బాగ వానలొచ్చి గుహంత నీళ్లతోని నిండిపోయిందట.. అండ్లనే ఒక గడ్డ మీద గూసున్నరట వాళ్లను బైటికి తీస్తందుకు చిన్న కష్టమైతలేదు కొంతమందిని దీశిండ్రు ఇంక కొంతమంది అండ్లనే ఉన్నరు పదిహేను రోజుల సంది నీళ్లు తాగి బత్కిండ్రంటే మామూలు ముచ్చట గాదు..

 

21:14 - July 7, 2018

తెల్గుదేశానికి త్వరలో ఆనం గుడ్ బై..జగన్తోని ఎయిర్ పోర్టుల ఏకాంత చర్చ, మీ చెల్లె కవితను గెలిపిచ్చుకో కేటీఆర్.. నేను రాజకీయం జేయంటున్న కోమటి, ప్రభుత్వాన్ని ప్రశ్నిస్తున్న కోదండరాం..మరి మీ పార్టీల అసమ్మతి సంగతేంది?, ఎంసెట్ పేపర్ల లీకుల శ్రీచైతన్య నారాయణ....రోడ్డెక్కుతున్న విద్యార్థి సంఘాలు, సైనికుని భూమి కబ్జా వెట్టిన కారుకర్తలు.. తహశీల్దార్ ఆఫీసు సుట్టు బాధితులు, ఉద్యమ కారులకు పూలదండ శాలువు...ఉద్యమ ద్రోహులకు ఎమ్మెల్యే ఎంపీ సీట్లు....ఈ అంశాలపై మల్లన్నముచ్చట్లను వీడియోలో చూద్దాం.... 

20:34 - July 6, 2018

చంద్రాలును చెండాడుతున్న పవనాలు..టీడీపీ అవినీతిని గల్లావట్టి అడ్గుతడంట, దేశంల మద్దతు ధరలిచ్చింది మనమే..ఏసీ రూంల సుఖేందర్ రెడ్డి అవద్దాలు, ఓట్లు నాయకులు ఏస్తున్న జనాలు..వానలకోసం దేవుని దిక్కు సూపులు, తెల్గురాష్ట్రాలను ఎక్కిరిస్తున్న వానలు..కరీఫ్ పంటలేశి కలవరపడ్తున్నరైతులు, హోంమంత్రి పర్సనల్ సెక్రేటరీ గారి కబ్జా..మందిని ముంచుతున్న ముకుందరెడ్డి, స్థానిక సంస్థల మీద కేసీఆర్ పగవట్టిండు.. పటేల్ పట్వారీ వ్యవస్థకు జీవంబోస్తుండు... ఈ అంశాలను మల్లన్నముచ్చట్లను వీడియోలో చూద్దాం.. 

Pages

Don't Miss

Subscribe to RSS - mallanna muchatlu