manchu manoj

11:44 - July 18, 2017

కొత్త కధలను ట్రై చేస్తూ ఆడియన్స్ కి దగ్గరైన మంచు ఫామిలీ హీరో 'మనోజ్'. వెరైటీ స్టోరీ లైన్స్ తో ఆడియన్స్ ని కట్టుకుంటూ కష్టపడుతూ సినిమాలు ఫినిష్ చేసే ఈ హీరో ఇప్పుడు ఒక చరిత్ర సృష్టించిన స్టోరీతో రాబోతున్నాడు. 'మంచు మనోజ్' ప్రీవియస్ మూవీ 'గుంటూరోడు'. 'గుంటూరోడు' సినిమా రిలీజ్ అయింది కానీ ఆశించినంతగా ఆడియన్స్ ని అట్రాక్ట్ చెయ్యలేదు అని ఫిలిం నగర్ టాక్. ఈ చిత్ర ట్రైలర్ కి, ఆడియోకి యూట్యూబ్ లో మిలియన్ వ్యూస్ రెస్పాన్స్ రావడం విశేషం. ఈ సినిమా కి మెగా ఎట్రాక్షన్ ఒకటి ఆడ్ అయింది మెగా స్టార్ చిరు తన వాయిస్ కూడా ఇచ్చాడు. ఎస్ కే సత్య డైరెక్టర్ గా తెరకెక్కిన ఈ సినిమాలో 'ప్రగ్య జైస్వాల్' హీరోయిన్ గా నటించింది. ఈ సినిమా యూత్ఫుల్ లవ్ అండ్ యాక్షన్ ఎంటర్టైనర్. 'మంచు మనోజ్' సినిమా అంటే మంచి ఎంటర్టైన్మెంట్ పక్క.
'
మంచు మనోజ్' 'ఒక్కడు మిగిలాడు' చిత్రంలో నటిస్తున్నాడు. ఈ సినిమాలో ఆయన ఎల్.టి.టి ఈ మిలిటెంట్ చీఫ్ ప్రభాకరన్ పాత్రలో నటిస్తున్నాడు. అజయ్ ఆండ్రూస్ దర్శకత్వంలో రూపొందుతున్న ఈ సినిమాని పద్మజ ఫిలిమ్స్, న్యూ ఎంపైర్ సెల్యూలాయిడ్స్ పతాకంపై ఎస్.ఎన్.రెడ్డి, లక్ష్మి కాంత్ లు సంయుక్తంగా నిర్మిస్తున్నారు. ఎనర్జీ లెవెల్స్ ని స్క్రీన్ మీద ప్రెజెంట్ చెయ్యడం లో మంచు మనోజ్ ఎప్పుడు ముందే ఉంటాడు. తమిళనాడు వారికి కనెక్ట్ అయ్యే స్టోరీ ఎల్ టి టి ఈ లైన్ తో వస్తున్న ఈ 'ఒక్కడు మిగిలాడు' సినిమా మీద మంచి ఎక్సపెక్టషన్స్ ఉన్నాయ్

15:23 - June 14, 2017

తాను సినిమాల నుండి తప్పుకోనున్నట్లు ప్రకటించిన 'మంచు మనోజ్' ఇండస్ట్రీకి..అభిమానులకు పెద్ద షాక్ ఇచ్చాడు. ఈయన చేసిన పోస్టు సోషల్ మాధ్యమాల్లో తెగ వైరల్ అయిపోయింది. త్వరలోనే 'మంచు మనోజ్' రాజకీయాల్లో వస్తాడని..ఇతరత్రా వాటిపై చర్చ జరిగిపోయింది. వీటన్నింటికీ కాసేపటి క్రితం 'మంచు మనోజ్' తెరదించాడు. పోస్టు డిలీట్ చేసి మరో పోస్టు పెట్టారు. తాను చేయబోయే కొత్త సినిమా ప్రకటించడానికే ఇలా వినూత్నంగా ఆలోచించాలని పోస్టులో పేర్కొన్నారు. మీడియా డార్లింగ్స్ నుండి ఇంత అనూహ్యంగా స్పందన వస్తుందని అనుకోలేదని, తన పోస్టును రకరకాలుగా అర్థం చేసుకున్నారని పేర్కొన్నారు. చేయబోయే కొత్త సినిమా గురించి తన స్టైల్ లో ప్రకటించాలని అనుకున్నట్లు, కానీ ఇలా అవుతుందని అనుకోలేదని తెలిపారు. కొత్త సినిమా గురించి చెప్పాలంటే ఈ వేడి చల్లారాలి..ఓం శాంతి అంటూ పోస్టులో 'మంచు మనోజ్' పేర్కొన్నారు. ఇదిలా ఉంటే ప్రస్తుతం మంచు మనోజ్ 'ఒక్కడు మిగిలాడు' అనే చిత్రంలో నటిస్తున్నాడు. దర్శకుడు అజయ్ ఆండ్రూ నూతక్కి. శ్రీలంకలో తమిళుల హక్కుల కోసం ప్రభుత్వంపై పోరాటం చేసిన ఎల్టీటీఈ థీమ్ తో కథ సాగనుందని..'మనోజ్' ఎల్టీటీఈ కమాండర్ గా నటించనున్నట్లు తెలుస్తోంది. 'మ‌నోజ్' ఈ మూవీలో స్టూడెంట్ గా కూడా క‌నిపించ‌నున్నారు. సినిమా టీజ‌ర్ ను సాయంత్రం 4.15కి చిత్ర యూనిట్ విడుద‌ల చేయ‌నుంది.

 

12:12 - June 14, 2017

టాలీవుడ్ యంగ్ హీరోల్లో ఒకరైన 'మంచు మనోజ్' ఒక్కసారిగా షాకిచ్చాడు. తన చిత్రాలతో అలరిస్తున్న ఈ నటుడు సంచలన నిర్ణయం తీసుకున్నాడు. ఇక మున్ముందు ఎలాంటి సినిమాలు చేయబోనంటూ ఫేస్ బుక్ ద్వారా వెల్లడించి అందర్నీ ఆశ్చర్యపరిచాడు. ప్రస్తుతం ఆయన 'ఒక్కడు మిగిలాడు' సినిమాలో నటిస్తున్న సంగతి తెలిసిందే. ఈ సినిమా అనంతరం మరో రెండు సినిమాల్లో 'మంచు మనోజ్' నటిస్తున్నాడు. ఈ చిత్రాల అనంతరం ఎలాంటి సినిమాలు నటించబోనని మనోజ్ ప్రకటించాడు. అందరికీ ధన్యవాదాలు ఫేస్ బుక్ లో తెలియచేశాడు. కానీ ఈ నిర్ణయం ఎందుకు తీసుకున్నాడో ఎవరికీ అర్థం కావడం లేదు. త్వరలో రాజకీయ రంగ ప్రవేశం చేస్తాడా ? అనే చర్చ జరుగుతోంది. 'మేజర్ చంద్రకాంత్' సినిమాలో 'మంచు మనోజ్' బాల నటుడిగా నటించారు. అనంతరం 'దొంగ దొంగది', ‘ప్రయాణం'..’మిస్టర్ నూకయ్య'..’వేదం' తదితర సినిమాల్లో నటించాడు.

11:08 - June 4, 2017

ఏంటీ తారక్ కరెక్టు మొగుడ 'అభయ్' అని మంచు మనోజ్ అనడం ఏంటీ ? అసలు అభయ్ అనే వ్యక్తి ఎవరు ? అని అనుకుంటున్నారా ? టాలీవుడ్ నటులు పలువురు స్నేహంగా మెలగడం చూస్తూనే ఉంటాం. అందులో 'మంచు మనోజ్'..’జూనియర్ ఎన్టీఆర్' ఒకరు. తాజాగా 'మంచు మనోజ్' ఓ ఫొటోను ట్విట్టర్ లో పోస్టు చేశారు. 'చల్లటి నీళ్లతో నాకు స్వాగతం. తారక్‌కి కరెక్ట్‌ మొగుడు నా బుజ్జి అభయ్‌ కుట్టి’ 'అభ‌య్' ఎనర్జీ 'ఎన్టీఆర్' ఎనర్జీ క‌న్నా వందరెట్లు అధిక‌ం' అంటూ ట్వీట్ చేశాడు. అభయ్ కుట్టి..జూనియర్ ఎన్టీఆర్ కుమారుడు. ఓ గాజు గ్లాసులో నీరు తీసుకొచ్చి మంచు మనోజ్ కు తాగించాడు. ఆ సమయంలో తీసిన ఫొటోనే అది. ఈ ఫొటో అటు మంచు అభిమానులను..ఇటు నందమూరి అభిమానులను అలరిస్తోంది.

08:32 - May 22, 2017

జన్మదినాలు..పండుగలు..ఇతరత్రా వేళల్లో టాలీవుడ్..బాలీవుడ్ హీరో..హీరోయిన్లు నటించే చిత్రాలకు సంబంధించిన లుక్స్..టీజర్స్..రిలీజ్ చేస్తుండడం తెలిసిందే. తాజాగా టాలీవుడ్ యంగ్ హీరోల్లో ఒకరైన 'మంచు మనోజ్' జన్మదినం సందర్భంగా ఆయన నటిస్తున్న 'ఒక్కడు మిగిలాడు' చిత్రానికి సంబంధించిన ఓ లుక్ ను విడుదల చేశారు. ఆండ్రూస్‌ నూతక్కి దర్శకత్వంలో తెరకెక్కుతున్న ఈ చిత్రంలో మనోజ్ సరసన అనీషా ఆంబ్రోస్‌, మిలింద్‌ గునాజీ హీరోయిన్లుగా నటిస్తున్నారు. మనోజ్‌ ప్రభాకరన్‌గా నటిస్తున్న ఓ లుక్‌ ఇప్పటికే విడుదలై విశేష ఆదరణ పొందిందని నిర్మాతలు పేర్కొన్నారు. తాజాగా మనోజ్‌ విద్యార్థిగా నటిస్తున్న మరో పాత్రకు సంబంధించిన లుక్‌ను ఆయన పుట్టిన రోజు సందర్భంగా రిలీజ్‌ చేయడం ఆనందంగా ఉందని తెలిపారు. మిలిటెంట్‌ లీడర్‌ కోసం మంచు మనోజ్ భారీగా బరువు పెరిగి, స్టూడెంట్‌ లుక్‌ కోసం బరువు తగ్గారన్నారు. ప్రస్తుతం పోస్ట్‌ ప్రొడక్షన్‌ వర్క్‌ చివరి దశకు చేరుకుందని, జూన్‌ మొదటి వారంలో ఆడియోను, నెలాఖరుకు సినిమాను విడుదల చేసేందుకు సన్నాహాలు చేస్తున్నామన్నారు. మంచు మనోజ్‌... ఎల్‌.టి.టి.ఈ మిలిటెంట్‌ అధినేత ప్రభాకరన్‌గా, బాధ్యతగల యువ విద్యార్థిగా ద్విపాత్రాభినయం చేస్తున్నారు.

08:30 - May 22, 2017

తెలుగు రాష్ట్రాల్లో రైతులు దీనావస్థలో కొట్టుమిట్టాడుతున్నారు. ఇబ్బందులు తాళలేక పలువురు రైతులు బలవన్మరణాలకు పాల్పడుతున్న సంగతి తెలిసిందే. వీరికి తోడుగా ఉండేందుకు కొంతమంది నటులు పలు కార్యక్రమాలు చేపడుతున్నారు. తాజాగా మంచు మనోజ్ కూడా రైతులకు అండగా నిలవాలని అనుకున్నారు. పుట్టిన రోజు సందర్భంగా మనోజ్ నిర్ణయం తీసుకున్నారు. రైతుల గురించి ప్రత్యేక శ్రద్ధ తీసుకోనున్నామని, ఇందుకు ప్రణాళికలు సిద్ధం చేసుకుంటున్నామన్నారు. పుట్టిన రోజంటే ఒక ప్రత్యేకమైన డే కాబట్టి ఏదైనా మంచి సేవా కార్యక్రమాలు చేయాలని తన అభిమానులకు పిలుపునివ్వడం జరిగిందన్నారు. వారికి ఏ విధంగా అండగా ఉండబోతున్నామనే పూర్తి వివరాలు త్వరలోనే వెల్లడిస్తానని, తన పుట్టిన రోజుకు అభినందనలు తెలిపిన వారందరికీ ధన్యవాదాలు తెలియచేస్తున్నట్లు వెల్లడించారు. అభిమానుల ప్రేమ ఎప్పటికీ ఇలానే కొనసాగాలని కోరుకుంటున్నాను అని మంచు మనోజ్ పేర్కొన్నారు.

11:49 - April 26, 2017

'బాహుబలి -2’ కొద్దిరోజుల్లోనే ప్రేక్షకుల ముందుకు రానుంది. ఇప్పటికే అంతటా 'బాహుబలి' ఫీవర్ నెలకొంది. టికెట్ల కోసం థియేటర్ల ఎదుట ప్రేక్షకులు బారులు తీరారు. విడుదలవుతున్న సినమా థియేటర్ల వద్ద సందడి నెలకొంది. ప్రపంచానికి తెలుగు సినిమా సత్తా చాటి చెప్పిన 'బాహుబలి' సీక్వెల్ గా 'బాహుబలి -2’ సినిమా ప్రపంచవ్యాప్తంగా ఏప్రిల్ 28వ తేదీన విడుదలవుతున్న సంగతి తెలిసిందే. సినిమా చూడటానికి పలు కంపెనీలు సెలవులు..మరికొన్ని కంపెనీ ఉద్యోగులకు టికెట్లను పంపిణీ చేసేందుకు సిద్ధమౌతున్నాయని తెలుస్తోంది. తాజాగా తనకు కూడా డైరెక్టర్ లీవ్ మంజూరు చేశాడని టాలీవుడ్ యంగ్ హీరో 'మంచు మనోజ్' కాసేపటి క్రితం ట్విట్టర్ ద్వారా ట్వీట్ చేశారు. ఆయన నటిస్తున్న 'ఒక్కడు మిగిలాడు' సినిమా షూటింగ్ కు ఏప్రిల్ 28న విరామం ఇచ్చారు. ‘బాహుబలి -2’ సినిమా చూసేందుకు విరామం ఇచ్చారని మంచు మనోజ్ పేర్కొన్నారు.

10:58 - April 7, 2017

వైవిధ్యమైన కథలను ఎంచుకోంటూ తనకంటూ ప్రత్యేకమైన గుర్తింపు సంపాదించుకొన్న కథానాయకుడు 'మంచు మనోజ్’. తాజాగా ఎల్.టి.టి.ఈ మిలిటెంట్ చీఫ్ ప్రభాకరన్ పాత్ర పోషిస్తున్నాడు. అజయ్ ఆండ్రూస్ నూతక్కి దర్శకత్వంలో 'ఒక్కడు' చిత్రం తెరకెక్కుతోంది. ఈ చిత్ర షూటింగ్ శరవేగంగా జరుపుకొంటోంది. గురువారం నుండి ఆఖరి షెడ్యూల్ చిత్రీకరణ ప్రారంభమైందని నిర్మాతలు పేర్కొన్నారు. ఈ చిత్రంలో మంచు మనోజ్ రెండు భిన్నమైన పాత్రలు పోషించనున్నారని, ఒక పాత్ర కోసం ఏకంగా 12 కేజీలు తగ్గారని తెలిపారు. 1990ల కాలం నాటి శ్రీలంక యుద్ధ నేపథ్యంలో ఈ చిత్రాన్ని తెరకెక్కిస్తున్నారు. మంచు మనోజ్ సరసన అనీషా ఆంబ్రోస్ హీరోయిన్ గా నటిస్తోంది. త్వరలోనే ట్రైలర్..ఆడియో తేదీలను చిత్ర యూనిట్ ప్రకటించనుంది.

21:45 - March 3, 2017

విజయ దేవరకొండ హీరోగా, పూజా జవేరి హీరోయన్ గా శ్రీనివాస రవీంద్ర రచించి, దర్శకత్వం వహించి తెరకెక్కించిన చిత్రం 'ద్వారక'..ఇవాళ ప్రేక్షకుల ముందుకు వచ్చింది. ప్రద్యుమన్న చంద్రపాటి, గణేష్ పెనుబోతు సంయుక్తంగా ఈ సినిమాను నిర్మించారు. మరి సినిమా ఎలా ఉంది...? ప్రేక్షకులు ఫీలింగ్స్ ఏమిటీ...? సినిమా రేటంగ్ వంటి వివరాలను వీడియోలో చూద్దాం...

21:41 - March 3, 2017

జోకింగ్ స్టార్ మంచు మనోజ్ హీరోగా ప్రజ్ఞాజైస్వాల్ హీరోయిన్ గా నటించిన సత్య డైరెక్షన్ లో తెరకెక్కిన చిత్రం గుంటురోడు ఇవాళ విడుదలైంది. సినిమా ఎలా ఉంది. ప్రేక్షకులు ఫీలింగ్స్, రివ్యూ, రేటింగ్ వివరాలను వీడియోలో చూద్దాం...

Pages

Don't Miss

Subscribe to RSS - manchu manoj