Manipur Elections

16:55 - March 20, 2017

హైదరాబాద్: మణిపూర్‌ ముఖ్యమంత్రి బీరేన్‌సింగ్‌ విశ్వాసపరీక్షలో నెగ్గారు. 60 మంది శాసనసభ్యులున్న మణిపూర్‌ అసెంబ్లీలో ముఖ్యమంత్రికి 32 మంది ఎమ్మెల్యేలు మద్దతుగా నిలిచారు. మణిపూర్‌ ఎన్నికల్లో 28 స్థానాలు గెలిచి కాంగ్రెస్ అతిపెద్ద పార్టీగా అవతరించింది. బిజెపికి కేవలం 21 స్థానాలు మాత్రమే వచ్చాయి. ప్రభుత్వ ఏర్పాటుకు మేజిక్‌ ఫిగర్‌ 31. ఈ నెల 15న మణిపూర్‌ ముఖ్యమంత్రిగా బీరేన్‌సింగ్‌, డిప్యూటి సిఎంగా ఎన్‌పిపికి చెందిన జయకుమార్‌ సింగ్‌ ప్రమాణం చేశారు. పీపుల్స్‌ ఫ్రంట్‌కు చెందిన నలుగురు, ఎన్‌పిపికి చెందిన నలుగురు ఎమ్మెల్యేలు, లోక్‌ జనశక్తి ఎమ్మెల్యేల మద్దతుతో బిజెపి ప్రభుత్వాన్ని ఏర్పాటు చేసింది. అతిపెద్ద పార్టీగా అవతరించిన తమకు ప్రభుత్వాన్ని ఏర్పాటు చేసేందుకు అవకాశమివ్వాలని కాంగ్రెస్‌ చేసిన విజ్ఞప్తిని గవర్నర్‌ నజ్మాహెప్తుల్లా తోసిపుచ్చారు. మణిపూర్‌లో తొలిసారిగా బిజెపి అధికారంలోకి వచ్చింది.

21:22 - March 12, 2017

మణిపూర్‌ : ప్రభుత్వ ఏర్పాటుపై ఉత్కంఠ వీడడం లేదు. అధికారం కోసం అటు బీజేపీ, ఇటు కాంగ్రెస్‌ పోటాపోటీగా వ్యూహం రచిస్తున్నాయి. ముఖ్యమంత్రి ఇబోబిసింగ్‌ అధికారం ఏర్పాటు దిశగా మంతనాలు జరుపుతున్నారు. స్వతంత్ర అభ్యర్థులను తమవైపు తిప్పుకునేందుకు ప్రయత్నాలు ముమ్మరం చేశారు. గవర్నర్‌ కలిసి ప్రభుత్వ ఏర్పాటుకు తమను ఆహ్వానించాలని విజ్ఞప్తి చేయాలని యోచిస్తున్నారు. రేపు ఆయన గవర్నర్‌ను కలిసే అవకాశముంది. మరోవైపు బీజేపీ కూడా అదే ప్రయత్నాలు చేస్తుండడంతో ఎవరికి అధికారం దక్కుతుందన్న ఉత్కంట నెలకొంది.

16:38 - March 4, 2017

లక్నో : ఉత్తరప్రదేశ్‌లోని ప్రధాని మోది నియోజకవర్గం వారణాసిలో ఓవైపు బిజెపి మరోవైపు ఎస్పీ...కాంగ్రెస్‌లు హోరాహోరీ ప్రచారం నిర్వహిస్తున్నాయి. హెలిక్యాప్టర్‌లో వారణాసి చేరుకున్న యూపి సిఎం అఖిలేష్‌యాదవ్ ఎన్నికల సభలో పాల్గొన్నారు. కాంగ్రెస్‌ ఉపాధ్యక్షుడు రాహుల్‌గాంధీతో కలిసి ఆయన రోడ్‌షోలో పాల్గోనున్నారు. కాంగ్రెస్‌, ఎస్పీ కార్యకర్తలు వారణాసికి భారీగా తరలివచ్చారు.

 

15:36 - March 4, 2017

లక్నో : ఉత్తరప్రదేశ్‌లో మార్చి 8న జరిగే చివరి విడత ఎన్నికల ప్రచారంలో భాగంగా ప్రధాన పార్టీలన్నీ వారణాసిపైనే గురిపెట్టాయి. ప్రధాని మోది నియోజకవర్గం వారణాసి రాజకీయ కురుక్షేత్రాన్ని తలపిస్తోంది. దాదాపు 5 లక్షల మంది కార్యకర్తలతో బిజెపి భారీ ర్యాలీ నిర్వహిస్తోంది. బెనారస్‌ యూనివర్సిటీ నుంచి ర్యాలీ మొదలైంది. వారణాసికి చేరుకున్న ప్రధాని మోది- కాశీ విశ్వనాథ ఆలయాన్ని సందర్శించారు. అనంతరం ఆయన బిజెపి ర్యాలీ నుద్దేశించి ప్రసంగిస్తారు. ఈ ర్యాలీలో ప్రధానితో పాటు పలువురు కేంద్రమంత్రులు పాల్గోనున్నారు. మరోవైపు యూపీ సిఎం అఖిలేష్‌ యాదవ్, కాంగ్రెస్‌ ఉపాధ్యక్షుడు రాహుల్‌గాంధీ, బిఎస్పీ అధినేత్రి మాయావతి కూడా వారణాసిలో ఇవాళ ప్రచారం చేయనున్నారు. 

 

Don't Miss

Subscribe to RSS - Manipur Elections