marriage

10:49 - December 14, 2018

కేరళ : వివాహానికి తొలి ఘట్టం శుభలేఖ. శుభలేఖలను మన అభిరుచికి తగినట్లుగా డిజైన్ చేసుకోవచ్చు. నేటి తరం పెద్దలు శుభలేఖలు సంప్రదాయం ఉట్టిపడేలా వేయిస్తుంటే..యువత మాత్రం తమ వివాహ శుభలేఖలను తమ అభిరుచికి తగినట్లుగా డిజైన్ చేసుకుంటున్నారు. ఇవి పలువురిని ఆకట్టుకుంటున్నాయి. ఇటువంటి శుభలేఖ ఒకటి ప్రస్తుతం నెట్ లో హల్ చల్ చేస్తోంది. 
పెళ్లి శుభలేఖ అనగానే వధూవరుల పేర్లు..వివాహ ముహూర్తం..పెద్దలు, శ్రేయోభిలాషులు పేర్లు..వివాహ వేదికకు సంబంధించి వివరాలు వుండటం సర్వ సాధారణం. కానీ అవే వివరాలకు కొంచెం సృజనాత్మకత జోడిస్తున్నారు నేటి యువత. అలాగే ఓ సైన్స్ టీచర్ వివాహ శుభలేఖ మాత్రం వెరీ వెరీ స్పెషల్ అండ్ డిఫరెంట్ గా వుంది. ఈ శుభలేఖకు నెటిజన్స్ కూడా ఫిదా అయిపోతున్నారు. 
కేరళకు చెందిన కెమిస్ట్రీ టీచర్ విధున్ డిజైన్ చేసిన వెడ్డింగ్ కార్డ్ చూస్తే మాత్రం ‘ఔరా’ అనిపిస్తోంది. ఆర్గానిక్ కెమిస్ట్రీలోని రసాయన బంధాలను గుర్తుకు తెచ్చేలా..చూడగానే సైన్స్ పాఠాలు గుర్తుకు వచ్చేలా డిజైన్ చేయించారు ఈ సైన్స్ టీచర్ తన వివాహ శుభలేఖను. ఆ శుభలేఖను సోషల్ మీడియాలో పోస్టు చేశారు.  ఇంకే మంది వినూత్న  పద్ధతుల్ని ఇష్టపడే నెటిజన్స్ ఆ సైన్స్ వెడ్డింగ్ కార్డ్ ను వైరల్ చేసేశారు. అంతేకాదు కామెంట్లతో టీచర్‌పై ప్రశంసల వర్షం కురిపిస్తూ మ్యారేజ్ విషెస్ చెబుతున్నారు. వైరల్ అయిన ఈ శుభలేఖను చూసిన కాంగ్రెస్ సీనియర్ నేత శశిథరూర్ కూడా స్పందిస్తు..జంటకు వివాహ శుభాకాంక్షలు చెబుతూనే ఇద్దరి మధ్య కెమిస్ట్రీ మెరుపుల్లా వెదజల్లాలని, ఫిజిక్స్‌లో ఉండే ఉష్ణానికి చోటివ్వకుండా, మీ జీవితంలో కాంతి మెరవాలని, దాని ఫలితం బయాలజీలా ఉండాలని ట్వీట్ చేశారు. ఇప్పుడీ ట్వీట్ కూడా విపరీతంగా వైరల్ అవుతోంది.
 

15:46 - December 10, 2018

హైదరాబాద్ : అపర కుబేరుడు ముఖేశ్ అంబానీ, నీతా దంపతుల గారాల పట్టి ఈషా అంబానీ వివాహం ఈ నెల 12న అంగరంగ వైభవంగా జరగనుంది. ఈ వేడుక దేశీయ ప్రముఖులే కాకుండా విదేశాల నుండి వ్యాపార దిగ్గజాలు కూడా వేంచేయనున్నారు. అంబానీవారి ఇంట పెండ్లి సందడికి ప్రముఖ రాజకీయ ప్రముఖులతో పాటు బాలీవుడ్ తారలు..క్రీడా ప్రముఖులు ఇలా ఒకరేంటి అన్ని వర్గాల ప్రముఖులు సందడి చేయనున్నారు.పెళ్లి వేడుకల్లో భాగంగా ఉదయ్‌పూర్ ప్యాలెస్‌లో ఆదివారం నిర్వహించిన సంగీత్‌లో బాలీవుడ్ ప్రముఖులు సందడి చేశారు. షారుక్‌ ఖాన్‌, అభిషేక్‌ బచ్చన్‌, కత్రినాకైఫ్‌, కరీనా కపూర్‌, ఐశ్వర్యరాయ్‌ వేసిన స్టెప్పులతో ఉదయ్‌పూర్‌ ప్యాలెస్‌ హోరెత్తిపోయింది. హాలీవుడ్‌ పాప్‌ గాయని బియాన్స్‌, బాలీవుడ్‌ నటీమణి రేఖతో పాటు సచిన్‌ టెండూల్కర్‌, ఆయన భార్య అంజలి కూడా పాల్గొన్నారు. 
ఐదురోజుల పాటు జరగనున్న అజయ్‌ పిరమాల్‌- స్వాతి పిరమాల్‌ల కుమారుడు ఆనంద్‌ పిరమాల్‌..అంబానీ, నీతా దంపతుల గారాలపట్టి ఇషా వివాహం ఆహ్వానం అందుకోవాలంటే కూడా ఓ రేంజ్ వుండాలి.  అంబానీ ఇంట వివాహ వేడుకల్లో బాలీవుడ్ తారలే ఎక్కువగా కనిపిస్తున్నారు. మరి టాలీవుడ్ నుంచి ఎవరెవరు వెళ్తారు? అన్న ప్రశ్న అభిమానుల్లో తలెత్తుతోంది. అయితే దీనికి సంబంధించి ఓ వార్త హల్‌చల్ చేస్తోంది. ఈషా అంబానీ పెళ్లికి ‘బాహుబలి’ ప్రభాస్ హాజరుకానున్నట్లు తెలుస్తోంది. తెలుగు సినీ పరిశ్రమకు సంబంధించి ప్రభాస్ ఒక్కడికే ఆహ్వానం అందినట్లు తెలుస్తోంది. ఇప్పటికే కాఫీ విత్ కరణ్ కార్యక్రమం షూటింగ్ పూర్తిచేసుకున్న ప్రభాస్ 12వ తేదీన ఈషా అంబానీ-ఆనంద్ పిరమాల్ వివాహానికి హాజరుకానున్నట్లు సమాచారం. 
 

 

16:20 - December 6, 2018

ముంబై  (మహారాష్ట్ర) : శ్రీమంతుల ఇంట్లో పెళ్లి అంటే అంతా హడావిడే. ఎక్కడ చూసినా రిచ్ లుక్సే. ఏది చేసినా ఘనంగా వుండాలి. అందరూ గొప్పగా చెప్పుకోవాలి. ఇటువంటి వివాహాలు ఎక్కడా జరగలేదబ్బా అనుకునేంత గొప్పగా..రిచ్ గా వుండాలి. దాని కోసం ఫుడ్, కాస్ట్యూమ్స్, ఎకామిడేషన్,  నుండి అన్ని అరేంజ్ మెంట్స్ అన్నీ అంటే అన్నీ ఘనంగా వుండాలి.అటువంటిది అంబానీవారింటో పెళ్లి అంటే మాటలా? ఎంతటి రిచ్ గా వుంటుందో ఊహించటానికి కూడా సాధ్యంకానంత రిచ్ గా వుండబోతోంది అంబానీగారి గారాల పట్టి ఇషా అంబాని వివాహం. 
రిలయన్స్ ఇండస్ట్రీస్ అధినేత ముకేశ్ అంబానీ కుమార్తె ఇషా వివాహం డిసెంబర్ 12న జరగనుంది. ముంబైలోని ‘ఆంటిల్లా’లో వీరి పెళ్లిని అంగరవైభవంగా నిర్వహించడానికి ఏర్పాట్లు భారీ నుండి అతి భారీగా జరుగుతున్నాయి. అంబానీల ఇంట పెళ్లంటే.. ఎంత గ్రాండ్‌గా ఉంటుందో ప్రత్యేకంగా చెప్పాల్సిన అవసరం లేదు. పెళ్లికి ముందే కుటుంబ సభ్యులు, సన్నిహితులకు అంబానీ, పిరమాళ్ కుటుంబాలు ప్రి వెడ్డింగ్ సెలబ్రేషన్స్‌ నిర్వహిస్తున్నాయి. ఈ వేడుకలకు రాజస్థాన్‌లోని ఉదయ్‌పూర్ వేదిక కానుంది. ప్రి వెడ్డింగ్ సెలబ్రేషన్స్ కోసం అతిథులను తీసుకెళ్లడానికి అంబానీ ఫ్యామిలీ 30 నుంచి 50 చార్టర్డ్ ఎయిర్ క్రాఫ్ట్‌లను ఉపయోగించనున్నట్టు సమాచారం. సాధారణ రోజుల్లో మహారాణా ప్రతాప్ విమానాశ్రయంలో రోజుకు 19 విమానాలు మాత్రమే రాకపోకలు సాగిస్తాయి. ఎన్నికల ఎఫెక్ట్, అంబానీ కూతురి ప్రి వెడ్డింగ్ సెలబ్రేషన్స్ కారణంగా ఆ విమానాశ్రయానికి రద్దీ భారీగా పెరగనుంది. ఉదయ్‌పూర్‌లో భారీ సంఖ్యలో ఫైవ్ స్టార్ హోటళ్లను కూడా అంబానీ కుటుంబం బుక్ చేసిసేసారు. ఇషా పెళ్లి వేడుకలను సెలబ్రిటీ వెడ్డింగ్ ఫొటోగ్రాఫర్ జోసెఫ్ రాధిక్ తన కెమెరాలో బంధించనున్నారు. ప్రియాంక-నిక్, అనుష్క-విరాట్‌ల పెళ్లికి కూడా ఆయనే ఫొటోగ్రాఫర్‌గా వ్యవహరించారు. ఉదయ్‌పూర్‌లో ప్రి వెడ్డింగ్ సెలబ్రేషన్స్ తర్వాత ముంబైలో నాలుగు రోజులపాటు అంబానీ కూతురి పెళ్లి వేడుకలు ఘనంగా జరగనున్నాయి. గతంలో కర్ణాటక మైనింగ్ మాఫియా కింగ్ గాలి జనార్థన్ రెడ్డి కుమార్తె వివాహం పెద్ద నోట్ల రద్దు సమయంలో జరిగినా ఎంత ఘనంగా చేశాడో తెలిసిన విషయమే. 

 

16:28 - November 13, 2018

ఛత్తీస్ గఢ్ : జాతీయ కాంగ్రెస్ అధినేత రాహుల్ గాంధీ వివాహంపై వార్తలు ఎప్పటికప్పుడు వస్తునే వుంటాయి. ఆయన్ని వివాహం చేసుకుంటానంటు కొందరు యువతులు గతంలో ప్రకటించారుకూడా. రాహుల్ ప్రచారాలలో ఆయనకు ప్రపోజ్ చేసిన యువతులు కూడా లేకపోలేదు. ఈ నేపథ్యంలో రాహుల్ గాంధీని పెళ్లి చేసుకుంటానంటూ మరో మహిళ వార్తల్లోకి వచ్చింది. ఛత్తీస్ గఢ్ కు చెందిన ఆ మహిళ కాంగ్రెస్ పార్టీ కార్యాలయానికి వెళ్లి ‘కాంగ్రెస్’ లో చేరింది. ‘కాంగ్రెస్’లో చేరడానికి గల కారణమేంటి? ఆ  మహిళను విలేకరులు అడిగారు. దీంతో రాహుల్ గాంధీ అంటే ఇష్టమని, ఆయన ఒప్పుకుంటే పెళ్లి చేసుకుంటానని సమాధానం చెప్పింది. దీంతో మీడియా మిత్రులు ఒకరి మొహాలు ఒకరు చూసుకున్నారు. 

కాగా, గతంలో కూడా ఇదే తరహా సంఘటన ఒకటి యూపీలో జరిగింది. రాహుల్ ను పెళ్లి చేసుకోవాలని ఉందని ఓ దళిత యువతి పేర్కొంది. దళితులకు రాహుల్ ఎంతో సాయం చేస్తారని, అందుకే, ఆయన్ని పెళ్లాడాలనుకుంటున్నానని ఆ యువతి చెప్పిన విషయం తెలిసిందే. తాజాగా ఛత్తీస్ గఢ్ లో తొలి విడత ఎన్నికలు జరిగిన నేపథ్యంలో సదరు యువతి రాహుల్ గాంధీని వివాహం చేసుకోవటానికే కాంగ్రెైస్ పార్టీలో చేరానని తెలిపింది. కాగా ఛత్తీస్ గఢ్ రెండో విడత ఎన్నికలు నవంబర్ 20 నుంచి జరగనున్న తరుణంలో ప్రచార కార్యక్రమాల్లో రాహుల్ బిజీగా ఉన్నారు.
 

14:12 - October 2, 2018

ఢిల్లీ : విహిత మహిళతో ఒక వ్యక్తి  చేసిన శృంగారం నేరంగా పరిగణించరాదని  సుప్రీంకోర్టు తీర్పు చెప్పింది. ఇష్టపూర్వకంగా చేసే శృంగారాన్ని నేరంగా పరిగణించడం రాజ్యాంగ విరుద్ధమంటూ సుప్రీంకోర్టు గురువారం  సంచలన తీర్పు చెప్పింది. భారతీయ శిక్షా స్మృతిలోని సెక్షన్‌ 497 పురాతన చట్టమని.. రాజ్యాంగ సమ్మతమైనది కాదని పేర్కొంటూ ప్రధాన న్యాయమూర్తి జస్టిస్‌ దీపక్‌ మిశ్రాతో కూడిన ఐదుగురు సభ్యుల ధర్మాసనం తీర్పు వెలువరించింది. ఈ విషయాన్ని అలుసుగా తీసుకున్న ఓ భర్త  మరో వివాహితతో వివాహేతర సంబంధం కొనసాగిస్తున్నాడు. దీనిపై ప్రశ్నించిన భార్యను అవహేళన చేశాడు. 
దీంతో భార్య పోలీసులకు ఫిర్యాదు చేస్తానని బెదిరించింది. దానికా భర్త పకపకా నవ్వుతూ.. ‘‘పిచ్చిదానా, పోలీసులు కూడా ఏమీ చేయలేరే. వివాహేతర సంబంధం నేరం కాదని సుప్రీంకోర్టే తీర్పిచ్చింది. ఒకవేళ పోలీసులు నన్నేమైనా అంటే తిరిగి వారిపైనే కోర్టుకెళ్తా. కోర్టు తీర్పును ఉల్లంఘించారని కోర్టుకెక్కుతా’’ అని భార్యనే బెదిరించాడా ప్రబుద్ధుడు. సుప్రీంకోర్టు తీర్పు నేపథ్యంలో వెలుగు చూసిన ఈ పరిణామం అందరినీ అవాక్కయ్యేలా చేస్తోంది. చెన్నైలో జరిగిందీ ఘటన.  
విషయం తెలిసిన ఆమె భర్తను నిలదీసింది. పోలీసులకు ఫిర్యాదు చేస్తానని బెదిరించింది. భార్య హెచ్చరికలకు ఫ్రాంక్లిన్ పకపకా నవ్వుతూ పోలీసులు కూడా ఏమీ చేయలేరని తేల్చి చెప్పాడు. వివాహేతర సంబంధాలు తప్పు కాదంటూ స్వయంగా సుప్రీంకోర్టే తీర్పు ఇచ్చిందని పేర్కొన్నాడు. పోలీసులు కనుక తన జోలికి వస్తే వాళ్ల మీదే కోర్టు ధిక్కార నేరం కింద తిరిగి కేసు పెడతానని చెప్పడంతో ఆమెకు ఏం చేయాలో పాలుపోక, ఉరేసుకుని ఆత్మహత్య చేసుకుంది. కేసు నమోదు చేసుకున్న పోలీసులు దర్యాప్తు చేస్తున్నారు.

 

16:49 - September 30, 2018

ఢిల్లీ : మనిషికి బలహీనతలు వుండటం సహజమే.కానీ ఆ బలహీనతలో భాగంగా చేసిన తప్పును ఒప్పుకోవటంలో వున్న ఔన్నత్యం మాత్రం అందరికీ సాధ్యం కాదు. కానీ నిజం నిప్పులాంటిదంటారు. అది తప్పు చేసినవారిని నిలువునా దహించివేస్తుంది. కానీ చేసిన తప్పుని ఒప్పుకోవటమేకాదు..పశ్చాత్తాపం చెందిన ఓ వ్యక్తి చేసిని తప్పు దాదాపు శతాబ్దాల తరువాత కూడా బైటపడింది. ఇది నమ్మటానికి సాధ్యంకాకపోయినా నమ్మి తీరవలసిన ఘటన. 
'మీటూ' ఉద్యమం ఎన్నో ప్రేమకథల్ని, లైంగిక వేధింపులను, అత్యాచారాలను వెలుగులోకి తెస్తున్న విషయం తెలిసిందే. అంతేకాదు పలువురు జైలు పాలయ్యేందుకు ఈ ఉద్యమం కారణమవుతోంది. అమెరికాకు చెందిన ప్రముఖ హాస్య, టీవీ నటుడు బిల్‌ కాస్బీ కూడా జైలుపాయ్యాడు. ఈ ఉద్యమమే ఈ బ్రిటీష్‌ నావికుడి చర్యను బయటపెట్టింది. శతాబ్దాల క్రితం అతను చేసిన తప్పు ఏమిటీ? అనే విషయం తెలుసుకుందాం.. 
‘అతనో ఓడ సహాయకుడు. అనుకోని పరిస్థితుల్లో పనిమనిషిపై లైంగిక దాడికి పాల్పడ్డాడు. అది జరిగిన కొంతకాలానికి ఓ  సందర్భంలో బాధితురాలు కలిసినప్పుడు ఆమె విలపించటం పట్ల అతను చేసిన ఘోరంపై పశ్చాత్తాపం చెంది పెళ్లి చేసుకున్నాడు. ఇది  పదిహేడో శతాబ్దంలో జరిగిన ఈ సంఘటన ఇటీవల వెలుగులోకి వచ్చింది..
బ్రిటన్‌కు చెందిన ఎడ్వర్డ్‌ బార్లో సముద్రయాన చరిత్ర అధ్యయనకారులకు సుపరిచితుడు. 17వ శతాబ్దానికి చెందిన బార్లో ఓడ సహాయకునిగా జీవితాన్ని ప్రారంభించాడు. ఆ రోజుల్లో పనిమనిషి మేరీ సైమన్స్‌పై లైంగిక దాడిచేశాడు. అనంతరం పశ్చాత్తాపంతో ‘తను చేసింది సరైంది కాదని..ఇటువంటి ఘోరాలు  సభ్యసమాజం అంగీకరించదని తన డైరీలో రాసుకున్నాడు.
అనంతరం ఇంటికి వచ్చిన బార్లోకు..మేరీ కన్నీరుమున్నీరుగా ఏడుస్తు కనిపించింది. తన జీవితం వ్యర్థమైపోయిందని బాధపడింది. దీంతో పశ్చాత్తాపానికి గురైన బార్లో ఆమెను వివాహమాడాడు. లైంగికదాడిని మాత్రం బయట ప్రపంచానికి తెలియనివ్వలేదు. 17వ శతాబ్దంలో జరిగిన ఈ లైంగిక దాడిని చరిత్రకారులు  తాజాగా వెలికి తీశారు. దీంతో నిజం నిప్పులాంటిదనీ..అది ఎప్పటికైనా బైటపడక తప్పదని మరోసారి నిరూపించబడింది. కానీ కాలంగమనంలో ఇటువంటి వెలుగు చూడని ఘోరాలెన్నో..ఇటువంటి ఘోరాలకు బలైపోయిన మహిళా సమిథలు ఎన్నో ఎన్నెనో..

 

18:06 - September 17, 2018

తమిళనాడు : పెట్రోల్ ధరలు చుక్కలనంటుతు..సామాన్యులకు చుక్కలు చూపెడుతున్నాయి. దీంతో ఏ రోజు పెట్రోలు ఎంత పెరిగిందో చూసుకుని వాహనాలను బైటకు తీస్తున్న పరిస్థితులు నేడు నెలకొన్నాయి. ఈ నేపథ్యంలో వివాహాలు జరుపుకునే ఇండ్లల్లో కూడా పెట్రోలు ధరలను చూసుకుని ఖర్చులు లెక్క వేసుకోవాల్సి వస్తోంది. ఇలా ప్రతీ విషయంలోను పెట్రోలు ధరలను బట్టి ట్రెండ్ ను మార్చుకుంటున్న క్రమంలో ఓ స్నేహితుడు వినూత్నంగా ఆలోచించి అందరి దృష్టిని ఆకర్షించాడు. ఇప్పుడు ఈ ఫోటో వైరల్ గా మారింది. 
సాధారణంగా వివాహాలలో కానుకలుగా అప్పట్లో వధూవరులకు బంధువులు బట్టలు పెట్టేవారు అది కాస్త క్రమంగా... వస్తువుల్ని కానుకలు ఇచ్చేలా మారిపోయింది. అలా మారుతు..మారుతు..ట్రెండ్ కు తగినట్లుగా గిఫ్ట్ లు మారిపోతున్నాయి. మరి ప్రస్తుతం గిఫ్ట్ ల ట్రెండ్ ఏమిటో తెలుసా?.. రోజురోజుకూ పెరుగుతూ సామాన్యులకు చుక్కలు చూపిస్తున్న పెట్రోల్‌ను స్నేహితుడికి బహుమతిగా ఇచ్చాడో స్నేహితుడు. తమిళనాడు రాష్ట్రం కడలూరులో జరిగిన తన స్నేహితుడి పెళ్లికి హాజరైన మిత్రులు... 5 లీటర్ల పెట్రోలు క్యాన్‌ను పెళ్లికానుకగా నూతన దంపతులకు అందించాడు. దీంతో పెండ్లికి వచ్చినవారితో సహా వధూ వరులు కూడా నవ్వుతు పెట్రోల్ క్యాన్ ను అందుకున్నారు. 

12:15 - September 6, 2018

ఉత్తరప్రదేశ్‌ : భారతదేశంలో వివాహ వ్యవస్థకు చాలా ప్రాముఖ్యత వుంది. కాగా ఇటీవలి కాలంలో వివాహ వ్యసవ్థకు తూట్లుపడే సంఘటనలు కోకొల్లలుగా బైటపడుతున్నాయి. కారణం ఏదైనా గానీ..వివాహేతర సంబంధాలతో పచ్చని కాపురాలు కూలిపోతున్నాయి. ఈ విషయంలో చాలా సందర్భాలలో అమాయకులైన పిల్లలు బలైపోతున్నారు. వారి భవిష్యత్తు అగమ్యగోచరంగా మారిపోతోంది. సమాజంలో వారి ఉనికి ప్రశ్నార్థకంగా మారిపోతున్న పరిస్థితులకు కూడా ఈ వివాహేతర సంబంధాలు కారణాలుగా మారుతున్నాయి. ఈ నేపథ్యంలో ఓ యువతి చనిపోయినట్లుగా నమ్మించి కట్టుకున్నవాడిని, కన్నవారిని కూడా మోసం చేయటమే కాకుండా పోలీసు వ్యవస్థను కూడా పక్కదారి పట్టించింది.

ఉత్తరప్రదేశ్‌లో చనిపోయినట్లు డ్రామా ఆడిన ఓ మహిళ తన మాజీ ప్రేమికుడితో కలిసి వెళ్లిపోయింది. రాహుల్ అనే యువకునికి రూబీ అనే యువతితో 2016లో వివాహం జరిగింది. కొంతకాలం సజావుగానే వున్న రూబీ ఒక్కసారిగా కనిపించకుండాపోయింది. దీంతో అల్లుడిని అనుమానించిన రూబీ తండ్రి తన కుమార్తె భర్త హింసించి చంపేశాడని..కనీసం శవం కూడా కనిపించకుండా మాయం చేశాడని పోలీసులకు ఫిర్యాదు చేశారు. రాహుల్‌తో పాటు అతని కుటుంబ సభ్యులపై రూబీ ఫిర్యాదు చేశాడు. దీనిపై కేసు నమోదు చేసుకున్న పోలీసులు దర్యాప్తులో విచిత్రమైన వాస్తవాలు బైటపడ్డాయి. ఈ వాస్తవాలతో పోలీసులు సైతం విస్తుపోయారు.

రూబీ మృతదేహాన్ని వెతకినా లభించకపోవటం..కానీ రూబీ ఫేస్‌బుక్ అకౌంట్ మాత్రం యాక్టివ్‌లో వుంది. దీంతో దిమ్మతిరిగిపోయిన పోలీసులు వారి స్టైల్ లో రూబీ ఫేస్‌బుక్‌ ఆధారంగా ఆమె మొబైల్ ఫోన్ నెంబర్‌ను తెలుసుకున్నారు. ఫోన్ నంబర్ సిగ్నల్స్ ఆధారంగా చేపట్టిన దర్యాప్తులో రూబీ మరణించలేదని..బ్రతికేవుందనీ తెలుసుకున్నారు. అంతేకాదు రూబీ వేరొక వ్యక్తితో సహజీవనం చేస్తున్నట్లు వెల్లడయ్యింది. ఫోన్ సిగ్నల్స్ ఆధారంగా రూబీ, ఆమె ప్రేమికుడు, ఆమె తండ్రిని పోలీసులు అరెస్ట్ చేశారు.దీంతో విస్తుపోవటం రూబీ తల్లిదండ్రుల వంతైంది. 

12:47 - October 11, 2017

ఢిల్లీ : భారతదేశ అత్యున్నత న్యాయస్థానం సుప్రీం కోర్టు కీలక తీర్పు వెలువరించింది. పెళ్లైన 18 ఏళ్ల భార్యతో కాపురం చేసినా అది రేప్ గానే పరిగణించాలని నిర్ణయించింది. భార్య మైనర్ అయితే  ఆమె అంగీకారం ఉన్న అత్యాచారంగానే భావించాలని కోర్టు అభ్రియపడింది. బాల్యవివాహాల నేపథ్యంలో సుప్రీం ఈ కీలక తీర్పు ఇచ్చినట్టు తెలుస్తోంది. బారత శిక్షాస్మృతి సెక్షన్ 375పై సుప్రీం వివరణతో తీర్పు వెలువరించింది. మరింత సమాచారం కోసం వీడియో చూడండి.

13:43 - October 6, 2017

విజయనగరం : పెళ్లి సమయానికి వరుడు పరారైన ఘటన విజయనగరం జిల్లా గరుగుబిల్లి మండలం దళాయివలసలో చోటు చేసుకుంది. మూడేళ్లుగా ప్రేమించిన యువతిని పెళ్లి చేసుకునేందుకు నిరాకరించిన యువకుడు... ఎట్టకేలకు పెద్దల సమక్షంలో పెళ్లికి అంగీకరించాడు. అయితే...కాసేపట్లో పెళ్లి జరగాల్సి ఉండగా... శంకర్‌రావు కనిపించకుండాపోయాడు. దీంతో వధువు బంధువులు లబోదిబోమంటున్నారు. 

Pages

Don't Miss

Subscribe to RSS - marriage