minister harish rao

20:26 - December 8, 2017

కరీంనగర్ : కాళేశ్వరం బ్యారేజీ పనులు 2018 నాటికి పూర్తి చేయాలని..అప్పుడే రైతులకిచ్చిన మాట నెరవేరుతుందని సీఎం కేసీఆర్‌ అన్నారు. ఉమ్మడి కరీంనగర్‌ జిల్లాలో ప్రాజెక్టులు సందర్శించిన సీఎం...కాళేశ్వరం బ్యారేజీ పనులపై అసంతృప్తి వ్యక్తం చేశారు. మరోవైపు టన్నెల్‌ పనుల పురోగతిపై సంతృప్తి వ్యక్తం చేసిన సీఎం... శనివారం హైదరాబాద్‌లో రివ్యూ సమావేశం ఏర్పాటు చేయనున్నారు. 

అనంతరం మేడారం నుంచి రామడుగు వరకు జరుగుతున్న పనులను సీఎం కేసీఆర్ పరిశీలించారు. మేడారం నుంచి లక్ష్మీపూర్ వరకు జరుగుతున్న టన్నెల్‌, కెనాల్‌ పంప్‌హౌస్‌ పనులు పరిశీలించారు. మేడారం, లక్ష్మీపూర్ ద్వారా లిఫ్టు చేసిన నీటిని వరద కాల్వలో 99వ కిలోమీటర్ వద్ద కలపాలని సీఎం కేసీఆర్ చెప్పారు. ప్రతి రోజు 2 టీఎంసీల నీటిని పంప్ చేయడానికి ఏర్పాటు చేయాలని సూచించారు. వరద కాల్వ ద్వారా ఒక టీఎంసీ నీటిని ఎస్సారెస్పీకి, మరో టీఎంసీని మిడ్ మానేరుకు పంపాలని కేసీఆర్ అధికారులను ఆదేశించారు. అన్ని పనులు సమాంతరంగా, పటిష్టంగా చేపట్టి.. సకాలంలో పూర్తి చేయాలని దిశానిర్దేశం చేశారు. 

అంతకుముందు రామగుండం ఎన్టీపీసీలో నిర్మాణంలో ఉన్న 8వ యూనిట్ పనులను సీఎం పరిశీలించారు.  మధ్యాహ్నం అధికారులతో సమీక్ష నిర్వహించిన కేసీఆర్‌.. కాళేశ్వరం ప్రాజెక్టుపై శనివారం ఉదయం 11 గంటలకు సమీక్ష ఉంటుందని సంబంధిత అధికారులకు, కాంట్రాక్టు సంస్థలు, ఇంజనీర్లు హాజరుకావాలని ఆదేశించారు. ఆతర్వాత జగిత్యాల జిల్లా మల్యాల మండలం రాంపూర్‌లో పంప్‌హౌస్ పనులు పరిశీలించారు. అనంతరం హెలిక్యాప్టర్‌లో మిడ్ మానేరు ప్రాజెక్టుపై ఏరియల్‌ సర్వే నిర్వహించారు. అటు నుంచి నేరుగా హైదరాబాద్‌ చేరుకున్నారు. 

17:57 - December 8, 2017

ఉమ్మడి కరీంనగర్ : జిల్లాలో ముఖ్యమంత్రి కేసీఆర్ పర్యటన ముగిసింది. మధ్యాహ్నం మిడ్‌మానేరు ప్రాజెక్టును ఏరియా సర్వే చేసిన అనంతరం... ముఖ్యమంత్రి హైదరాబాద్ బయల్దేరి వెళ్లారు. తన 2 రోజుల పర్యటనలో 3 బ్యారేజ్‌లు, 4 పంప్‌హౌజ్‌లు, 2 రిజర్వాయర్లు, ఒక అండర్ గ్రౌండ్ టన్నెల్‌ను కేసీఆర్ పరిశీలించారు. అనుకున్న సమయానికి ప్రాజెక్టులు పూర్తి చేయాలని అధికారులను ఆదేశించారు. కాళేశ్వరంపై రేపు ఉదయం 10 గంటలకు సీఎం సమీక్ష సమావేశం నిర్వహించనున్నారు. ఈ సమావేశానికి హాజరుకావాలని అధికారులు, కాంట్రాక్టు సంస్థల ప్రతినిధులను కేసీఆర్ ఆదేశించారు. మరిన్ని వివరాలు వీడియోలో చూద్దాం...

 

15:10 - December 8, 2017
13:20 - December 8, 2017
09:25 - December 8, 2017

పెద్దపల్లి : కాలేశ్వరం ప్రాజెక్ట్‌లో భాగంగా ఓ చెరువు ఉనికి కోల్పోతుంది. దీంతో అనేక మత్స్యకార కుటుంబాల రోడ్డున పడ్డాయి. తమకు జీవనాధారం పోయిందని ఆవేదన వ్యక్తం చేస్తున్నారు. తమను ప్రభుత్వమే ఆదుకోవాలని మత్స్యకారులు ఆందోళన బాట పట్టారు. గత కొన్ని రోజులుగా ఆందోళన చేస్తున్నా ప్రభుత్వం పట్టించుకోకపోవడంతో ఆగ్రహించిన మత్స్యకారులు ప్రాజెక్ట్‌ పనులను అడ్డుకున్నారు. సీఎం పర్యటనలోనైనా తమ సమస్యను పరిష్కరించాలని మత్స్యకారులు డిమాండ్‌ చేస్తున్నారు. ఓవైపు కాళేశ్వరం పనులు వేగవంతం పుంజుకుంటుండగా... పెద్దపల్లి జిల్లా ధర్మారం మండలం మేడారంలో మత్స్యకారులు ఆందోళన బాట పట్టారు.

ఈ సందర్భంగా మత్స్యకారుల సంఘం బాలకృష్ణ టెన్ టివితో మాట్లాడారు. గండి పెట్టడం అన్యాయమని, రెండు వేల మత్స్యకార్మికుల పొట్ట కొట్టారని తెలిపారు. ప్రభుత్వ చీప్ విప్ కొప్పుల ఈశ్వర్..కాంట్రాక్టర్లు కుమ్మక్కాయ్యారన్నారు. 47 రోజులుగా ఆందోళన చేస్తున్నా సర్కార్ స్పందించలేదని, ముఖ్యమంత్రి పర్యటన నేపథ్యంలో పోలీసులు హల్ చల్ చేస్తున్నారని పేర్కొన్నారు. తాము సీఎం కేసీఆర్ సభను అడ్డుకొనేందుకు ప్రయత్నిస్తామన్నారు.

ధర్మారం నంది మేడారం రిజర్వాయర్ మత్స్యకార్మికులు ఆందోళన చేస్తున్నారు. చెరువుగా ఉన్న సమయంలో ఎంతోమంది మత్స్యకార్మికులు జీవనోపాధి పొందారు. కానీ ప్రస్తుతం చెరువు నామరూపాలు లేకుండా పోతుండంతో నష్టపరిహారం చెల్లిస్తామని చెప్పిన ప్రభుత్వం మాట నిలబెట్టుకోలేపోతోంది. దీనితో ప్రభుత్వ వైఖరిని నిరిసిస్తూ ఆందోళన బాట పట్టారు. ఆర్థికంగా నష్టపోకుండా తీవ్ర సమస్యలు ఎదుర్కొంటున్నట్లు మత్స్యకార్మికులు పేర్కొంటున్నారు. మరి వీరి సమస్యలను ప్రభుత్వం పరిష్కరిస్తుందా ? లేదా ? అనేది చూడాలి. 

07:30 - December 8, 2017

ప్రాజెక్టుల పర్యటనలో భాగంగా కేసీఆర్‌ తుపాకుల గూడెం బ్యారేజ్, మేడిగడ్డ బ్యారేజీ, కన్నెపల్లి పంప్ హౌజ్, అన్నారం బ్యారేజ్, సిరిపురం పంప్ హౌజ్ లను సందర్శించారు. పనులు జరుగుతున్న తీరును అధికారులను అడిగి తెలుసుకున్నారు. బ్యారేజీలు, పంప్ హౌజ్ లు, కాలువల నిర్మాణ పనులు మూడు షిప్టుల్లో జరగాలని అధికారులను, వర్క్ ఏజెన్సీలను కేసీఆర్‌ ఆదేశించారు. కేసీఆర్ పర్యటన నేపథ్యంలో కాళేశ్వరం ప్రాజెక్టు నిర్వాసితులు అడ్డుకుంటారని భావించి వారిని గృహ నిర్భందం చేశారు. ఈ అంశంపై టెన్ టివిలో జరిగిన చర్చా వేదికలో వీరయ్య (విశ్లేషకులు), సమ్మారావు (టీఆర్ఎస్) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

06:25 - December 8, 2017

పెద్దపల్లి : కాలేశ్వరం ప్రాజెక్ట్‌లో భాగంగా ఓ చెరువు ఉనికి కోల్పోతుంది. దీంతో అనేక మత్స్యకార కుటుంబాల రోడ్డున పడ్డాయి. తమకు జీవనాధారం పోయిందని ఆవేదన వ్యక్తం చేస్తున్నారు. తమను ప్రభుత్వమే ఆదుకోవాలని మత్స్యకారులు ఆందోళన బాట పట్టారు. గత కొన్ని రోజులుగా ఆందోళన చేస్తున్నా ప్రభుత్వం పట్టించుకోకపోవడంతో ఆగ్రహించిన మత్స్యకారులు ప్రాజెక్ట్‌ పనులను అడ్డుకున్నారు. సీఎం పర్యటనలోనైనా తమ సమస్యను పరిష్కరించాలని మత్స్యకారులు డిమాండ్‌ చేస్తున్నారు.

ఓవైపు కాళేశ్వరం పనులు వేగవంతం పుంజుకుంటుండగా... పెద్దపల్లి జిల్లా ధర్మారం మండలం మేడారంలో మత్స్యకారులు ఆందోళన బాట పట్టారు. కాళేశ్వరం ఎత్తిపోతల పథకం ప్రాజెక్ట్‌లో భాగంగా... నందిమేడారం పెద్ద చెరువుకు గండి కొట్టడంతో మత్స్యకారులంతా రోడ్డున పడ్డారు. దీంతో ఆగ్రహించిన మత్స్యకారులు.. తమను ఆదుకోవాలంటూ... గత కొన్ని రోజులుగా ఆందోళన చేస్తున్నారు. ప్రభుత్వం పట్టించుకోకపోవడంతో రిజర్వాయర్‌ పనులను అడ్డుకుని నిరసన తెలియజేశారు. మత్స్యకారుల ఆందోళనకు ప్రతిపక్షాలు మద్దతు తెలిపాయి. దీంతో పనులన్నీ నిలిచిపోయాయి. తమను ఆదుకునే వరకు తమ ఆందోళన విరమించేంది లేదని మత్సకారుల కుటుంబాలు ప్రాజెక్ట్‌ కట్టపైనే భీష్మించుకుని కూర్చున్నాయి. తమను ప్రభుత్వం ఆదుకునే వరకు ఆందోళన విరమించేది లేదంటున్నారు. ఓ వైపు సీఎం కేసీఆర్‌ పర్యటన... మరోవైపు మత్స్యకార్మికుల ఆందోళనతో పోలీసులు తలలు పట్టుకుంటున్నారు. 

06:24 - December 7, 2017

హైదరాబాద్ : తెలంగాణలో కొత్తగా చెరువుల నిర్మాణానికి ప్రభుత్వం గ్రీన్ సిగ్నల్ ఇచ్చింది. మిషన్ కాకతీయ నాలుగో దశకింద ఆదిలాబాద్‌లో 26, మెదక్‌లో 8 కొత్త చెరువుల నిర్మాణం చేపట్టనున్నారు. మిషన్ కాకతీయ పథకం కింద పాత చెరువుల పునరుద్ధరణతోపాటు కొత్త చెరువులను నిర్మించనున్నారు. ఈ పథకం నాల్గో దశలో కొత్త చెరువుల నిర్మాణాన్ని చేపడుతున్నట్టు నీటి పారుదల శాఖ మంత్రి హరీశ్ రావు తెలిపారు. ఉమ్మడి మెదక్ జిల్లాలో 8, ఉమ్మడి ఆదిలాబాద్‌ జిల్లా 26 చెరువుల తవ్వకానికి అనుమతులతో పాటు.. నిధులు మంజూరు చేసినట్టు నీటిపారుదల శాఖ మంత్రి పేర్కొన్నారు.

ఈ పథకం కింద ఉమ్మడి మెదక్ జిల్లాలో కంగ్టి మండలం సుకల్ తీర్థ్ గ్రామంలో కొత్తగా కాకివాగు చెరువును నిర్మించనున్నారు. ఇప్పటికే ప్రభుత్వం వంద ఎకరాలకు పైగా భూమిని సేకరించనుంది. అలాగే ఇర్కపల్లి గ్రామంలోనూ కొత్త చెరువుకోసం 96 ఎకరాలు, కేశ్వర్ గ్రామంలో వంద ఎకరాలు, ఊటపల్లి గ్రామంలో 285 ఎకరాల భూమి, ఎస్గి గ్రామంలో 72 ఎకరాలను ప్రభుత్వం సేకరించనుంది. నారాయణఖేడ్ మండలం జగన్నాధపూర్ గ్రామంలోనూ భూసేకరణకు చర్యలు తీసుకోనున్నారు. ఈ కొత్త చెరువుల నిర్మాణానికి అవసరమైన భూసేకరణ త్వరిగతగిన పూర్తి చేయాలని స్థానిక శాసనసభ్యులకు, మూడు జిల్లాల కలెక్టర్లకు, ఇంజినీర్లకు మంత్రి హరీష్ విజ్ఞప్తి చేశారు. 

06:31 - December 6, 2017

హైదరాబాద్ : మిషన్‌ కాకతీయ నాలుగో దశ టైం లైన్లను విధిగా పాటించాలన్నారు మంత్రి హరీష్‌రావు. ఈనెలాఖరుకు ప్రతిపాదనలు రూపొందించి.. జనవరిలో పనులు ప్రారంభించాలని ఆదేశించారు. నాలుగో దశలో 5,703 చెరువుల పునరుద్దరణ చేపట్టనున్నామని.. ఈ కార్యక్రమంలో ప్రజాప్రతినిధులను భాగస్వామ్యం చేయాలన్నారు. వివిధ కారణాలతో తిరస్కరించిన పనులను మరోసారి పంపిస్తే కఠిన చర్యలు తీసుకుంటామని హెచ్చరించారు.

మిషన్‌ కాకతీయ నాలుగో దశ పనులను జనవరి మొదటివారంలోనే ప్రారంభించాలని అధికారులను మంత్రి హరీష్‌రావు ఆదేశించారు. ఈ దశలో 5,703 చెరువులను పునరుద్దరించనున్నట్లు హరీష్‌రావు తెలిపారు. మిషన్‌ కాకతీయలో ప్రజల భాగస్వామ్యాన్ని ఇంకా పెంచాలని సూచించారు. మిషన్‌ కాకతీయ పనులలో ఆయకట్టు స్థిరీకరణ,.. అదనపు ఆయకట్టుకు మాత్రమే ప్రాధాన్యత ఇవ్వాలని అధికారులను ఆదేశించారు. ఎస్సీ, ఈఈలు క్షేత్రస్థాయిలో పనులను నిరంతరం పర్యవేక్షించాలన్నారు.

ఈ దశలో చేపట్టనున్న చెరువుల జాబితా ముందుగానే అందిస్తున్న నేపథ్యంలో... పూడిక మట్టిని రైతులు వాడుకునే విధంగా వ్యవసాయ అధికారులు పర్యవేక్షించాలన్నారు హరీష్‌రావు. ఇప్పటివరకు రాష్ట్రంలో 2,500 సాయిల్‌ లాబ్‌ టెస్ట్‌లు ఏర్పాటు చేశామన్నారు. అధికారులు ఇంకా పూడికతీత మట్టిలో ఉండే పోషకాలపై ప్రజలు, రైతుల్లో అవగాహన కల్పించలన్నారు. మిషన్‌ కాకతీయలో కొందరు చేసే తప్పులకు మొత్తం కార్యక్రమం అబాసుపాలవుతోందని.. ఎలాంటి అవకతవకలు జరగకుండా చూడాలన్నారు. నాణ్యత విషయంలో ఎట్టి పరిస్థితుల్లో రాజీ పడే ప్రసక్తే లేదన్నారు. ఇక మిషన్‌ కాకతీయ పనులను విజయవంతం చేయాలని ఎమ్మెల్యేలు, ఎమ్మెల్సీలు, ఇతర ప్రతినిధులను భాగస్వాములను చేయాలని హరీష్‌రావు సూచించారు. ఇకపై 10 రోజులకోసారి పనులపై వీడియో కాన్ఫరెన్స్‌ నిర్వహిస్తామన్నారు. 

17:26 - December 4, 2017

కరీంనగర్/జగిత్యాల : రైతులు ఆందోళన నిర్వహించారు. జగిత్యాల జిల్లా మెట్‌పల్లి ఎస్సారెస్పీ కెనాల్‌ వద్ద 36వ కిలోమీటరు నుండి 45 కిలోమీటర్ల వరకు 9 కిలోమీటర్ల మేర మరమ్మతులు చేపట్టేందుకు అధికారులు సిద్ధమయ్యారు. కాల్వలకు మరమ్మతుల పేరుతో...తమ పొలాల్లోకి నీరు రాకుండా అడ్డుకుంటారని దీంతో తమకు నష్టం జరుగుతుందని రైతులు ఆవేదన వ్యక్తం చేశారు. 7 గ్రామాల రైతులు ఎస్సారెస్పీ కాలువపై ఉన్న గేట్ల వద్దకు వచ్చి ఆందోళన నిర్వహించారు. అనంతరం మెట్‌పల్లికి ర్యాలీగా వచ్చి ఎమ్మెల్యే కల్వకుంట్ల విద్యాసాగర్‌కు తమ గోడును విన్నవించుకున్నారు. దీంతో పనులను నిలిపివేయాలని సంబంధిత అధికారులకు సూచించినట్లు ఎమ్మెల్యే తెలిపారు.

 

Pages

Don't Miss

Subscribe to RSS - minister harish rao