minister harish rao

09:34 - May 21, 2018

సంగారెడ్డి : ఓ పక్క ప్రభుత్వం ప్రైవేటు ఆసుపత్రులకు ధీటుగా ప్రభుత్వ ఆసుపత్రులను అభివృద్ధి చేస్తున్నామని పాలకులు అంటుంటే .. వైద్యులు, సిబ్బంది మాత్రం తమ ప్రవర్తన మార్చుకోవడం లేదు. సంగారెడ్డిలోని మాతా శిశు కేంద్రంలో డాక్టర్లు రోగులపట్ల దురుసుగా ప్రవర్తిస్తున్నారు. దీనిపై ఆదివారం రాత్రి వైద్యులకు, పేషెంట్లకు మధ్య ఘర్షణ తలెత్తింది. డెలివరీ కోసం వచ్చిన గర్భిణులపై కూడా వైద్యులు దుర్భాషలాడుతున్నారు. పందుల్ని కంటున్నట్లుగా పిల్లల్ని ఎందుకు కంటున్నారంటు ప్రభుత్వ వైద్యులు మాట్లాడుతున్న తీరు ప్రభుత్వ ఆసుపత్రులలో వైద్యుల, సిబ్బందుల నిర్లక్ష్యానికి అద్దం పడుతున్నాయి. ప్రాణాపాయస్థితిలో ఆసుపత్రులకు వస్తున్న రోగుల పట్ల నిర్లక్ష్యం, అవమానకరంగా మాట్లాడటం ప్రభుత్వ ఆసుపత్రులలో పరిపాటిగా మారిపోతున్నాయి. పేదల కోసం వున్న ప్రభుత్వ ఆసుపత్రులు నిర్లక్ష్య కాసారంగా మారుతున్న వైనం తరచు వినిపిస్తునే, కనిపిస్తునే వుంటున్నాయి. ఈ క్రమంలో సంగారెడ్డి ప్రభుత్వ ఆసుపత్రి వార్తల్లోకొచ్చింది. రోగుల పట్ల వైద్యులు, సిబ్బంది ప్రవర్తిస్తున్న తీరు నిర్లక్ష్యానికి, అహంకారానికి ప్రతీకలా కనిపిస్తోంది. దీంతో రోగులు, వారి బంధువులు ఆవేదన వ్యక్తం చేస్తున్న పరిస్థితి దయనీయంగా మారింది.

20:10 - May 13, 2018

మెదక్ : జిల్లాలో విషాదం చోటుచేసుకుంది. రామాయంపేట మండలం అక్కన్నపేట రైల్వేష్టేషన్ సమీపంలో గుర్తు తెలియని వ్యక్తి రైలు క్రింద పడి మృతి చెందాడు. మృతుడి ఒంటిపై నిక్కరు ఉంది. కర్ర, ఓ ప్లాస్టిక్ సంచిలో బట్టలు రైలు పట్టాల వద్ద ఉన్నట్లు పోలీసులు గుర్తించారు. కామారెడ్డి రైల్వే పోలీసులు కేసు నమోదు చేసి దర్యాప్తు చేస్తున్నారు. 

 

18:44 - May 6, 2018

నల్గొండ : జిల్లాలో ఇటీవలే కురిసిన భారీ వర్షాలకు..భారీ ఈదురుగాలులకు వేలాదిగా నిమ్మచెట్లు నేలకూలాయి. ఇప్పుడిప్పుడే నిమ్మ ధర స్థిరంగా ఉండడంతో పదేళ్ల కష్టానికి ప్రతిఫలం వస్తుందని ఆశించామని కానీ తీరని నష్టం కలిగిందని రైతులు లబోదిబోమంటున్నారు. లక్షల్లో పెట్టుబడులు పెట్టి కన్నబిడ్డల్లా సాకుతున్న తోట కళ్ల ఎదుట పెకిలించుకపోవడంతో రైతులు ఆవేదన వ్యక్తం చేస్తున్నారు. మరింత సమాచారం కోసం వీడియో క్లిక్ చేయండి. 

08:08 - May 6, 2018

మెదక్ : ఈనెల 9న మెదక్‌ జిల్లాలో సీఎం కేసీఆర్‌ పర్యటించనున్నారు. ఇందుకోసం మంత్రి హరీష్‌రావు జిల్లాలో పర్యటించి ఏర్పాట్లను పరిశీలించారు. కలెక్టరేట్‌ ప్రాంగణంలో హెలిప్యాడ్‌కు ఏర్పాటు చేస్తున్నారు. భూమిపూజ అనంతరం భారీ బహిరంగ ఉంటుందని హరీష్‌రావు తెలిపారు. 

 

08:54 - May 5, 2018

నల్గొండ : అధికారుల ఆలసత్వం.. కాంట్రాక్టర్ల నిర్లక్ష్యం వల్ల రైతులకు సబ్సిడీ పై అందాలిసిన యూరియా నీటిపాలైంది. ముంబై నుంచి గూడ్స్ రైలులో 2600 టన్నుల ఆర్ సీఎఫ్ యూరియా మిర్యాలగూడ రైల్వేస్టేషన్ కు చేరుకుంది. వాస్తవానికి జడ్చర్లకు కేటాయించిన ఈ యూరియా అక్కడ గోదాములో స్థలం లేక పోవడం, హమాలీల కొరత వల్ల మిర్యాలగూడకు తరలించారు. ఇక్కడ కూడా లారీల కొరత ఉండడంతో 15 వందల టన్నుల యూరియాను మాత్రమే గోదాములకు తరలించారు. మిగతా 1000 టన్నుల యూరియా ను ఆరుబయటే ఉంచారు. దీంతో రెండు రోజులగా పడిని   అకాల వర్షంతో టన్నుల కొద్ది యూరియా  నీటపాలైంది. 

 

07:52 - May 2, 2018

సిద్దిపేట : రైతుబంధు పథకంతో సీఎం కేసీఆర్ నవ శకానికి నాంది పలికారన్నారు మంత్రి హరీష్‌రావు. ఈ నెల 10 నుంచి రాష్ట్రంలోని 58 లక్షల మంది రైతులకు చెక్కులు పంపిణీ చేస్తామన్నారు. సిద్దిపేట జిల్లాలో పర్యటించిన మంత్రి... అనేక అభివృద్ధి పనులను ప్రారంభించారు. 
సిద్దిపేటలో మంత్రి హరీష్‌రావు పర్యటన 
సిద్దిపేట జిల్లా కేంద్రంలో మంత్రి హరీష్‌రావు పర్యటించారు. పలు అభివృద్ధి కార్యక్రమాలకు శంకుస్థాపన చేశారు. అనంతరం ప్రతిభ డిగ్రీ కళాశాలలో క్రియేటివ్‌ టీచర్స్ అసోసియేషన్‌ ఆధ్వర్యంలో విద్యార్థులకు స్పోకెన్ ఇంగీష్ శిక్షణ తరగతులు ప్రారంభించారు. అనంతరం కోటి 50లక్షలతో నిర్మించబోతున్న సమీకృత మిషన్‌ భగీరథ కార్యాలయం నిర్మాణానికి శంకుస్థాపన చేశారు. 
ప్రభుత్వమే రైతులకు పెట్టుబడి అందిస్తుందన్న మంత్రి 
రెడ్డి సంక్షేమ సంఘ భవనంలో ఏర్పాటు చేసిన రైతుబంధు పథకం పట్టాదారు పాసు పుస్తకాలు, చెక్కుల పంపిణీపై అవగాహన సదస్సులో హరీష్‌రావు పాల్గొన్నారు. రైతుబంధు పథకాన్ని అన్ని వర్గాల వారు ఘనంగా జరుపుకోవాలన్నారు. చరిత్రలో మొట్టమొదటిసారి ప్రభుత్వమే రైతులకు పెట్టుబడి అందిస్తుందన్నారు. ఈ పథకాన్ని తమకు అందించాలని ఆయా ప్రభుత్వాలను రైతులు డిమాండ్ చేసే పరిస్థితి దేశవ్యాప్తంగా రాబోతోందన్నారు. ఈ రైతుబంధు పథకం దేశానికి నవశకం తీసుకురావడం ఖాయమన్నారు.  
ట్రాన్స్‌కో డివిజనల్‌ కార్యాలయం నిర్మాణానికి శంకుస్థాపన
బ్యాంకర్లు పాత బకాయిలు పెట్టుకోకుండా చెక్కు ఇవ్వగానే డబ్బులు చెల్లించే విధంగా ఏర్పాట్లు చేశామని మంత్రి తెలిపారు. పట్టాదారు పాస్ బుక్కులు, చెక్కులు పంపిణీకి ప్రతి 300 మందికి ఒక్క టీం చొప్పున ఏర్పాటు చేస్తున్నామని తెలిపారు. అనంతరం ముస్తాబాద్ సబ్‌ స్టేషన్ వద్ద  కోటి రూపాయలతో నిర్మిస్తున్న ట్రాన్స్‌కో డివిజనల్‌ కార్యాలయం నిర్మాణానికి  హరీష్‌రావు శంకుస్థాపన చేశారు.     

 

10:50 - April 30, 2018

నిజామాబాద్ : ఆరుకాలాలు కష్టించి పండించిన పంటకు గిట్టుబాటు రావడం లేదు. దీనికి తోడు ధాన్యాన్ని మార్కెట్‌ కు తరలించడం మరింత కష్టంగా మారింది. లారీల కొరత ఇతరత్రా కారణాలతో రైతున్నల పరిస్థితి కడు దయనీయంగా మారింది. మార్కెట్‌లోనో గిట్టుబాటు ధర రాక అన్నదాతలు నిలువునా మోసపోతున్నారు.

రబీ సీజన్లో 5 లక్షల మెట్రిక్‌ టన్నుల ధాన్యం సేకరించాలని ప్రభుత్వ నిర్ణయం
ఉమ్మడి నిజామాబాద్‌ జిల్లాలో వరి కొనుగోలు కేంద్రాల్లో రైతున్నల పరిస్థితి కడు దయనీయంగా ఉంది. ఉమ్మడి జిల్లాలో రబీ సీజన్లో 5 లక్షల మెట్రిక్‌ టన్నుల ధాన్యం కొనుగోలు చేయాలని సివిల్‌ సప్లయ్‌ అధికారులు లక్ష్యంగా పెట్టుకున్నారు. ఇందుకు నిజామాబాద్‌ జిల్లాలో 259 కొనుగోలు కేంద్రాలు, కామారెడ్డిలో 204 కేంద్రాలు ఏర్పాటు చేయాలని ప్రభుత్వానన్ని కోరారు. అయితే నిజామాబాద్‌ జిల్లాలో 220 కేంద్రాలు ఏర్పాటు చేసి... వీటి ద్వారా 90 వేల మెట్రిక్‌ టన్నులు, కామారెడ్డిలో 108 కేంద్రాలు ఏర్పాటు చేసి.. 25 వేల 515 మెట్రిక్ టన్నుల దాన్యాన్నిమాత్రమే కొనుగోలు చేసింది రాష్ట్ర ప్రభుత్వం.

అన్ని కేంద్రాల్లో కుప్పలు తెప్పలుగా పేరుకుపోయిన ధాన్యం
ఇది ఇలా ఉంటే ప్రస్తుతం అన్ని ప్రాంతాల్లో వరి కోతలు వేగంగా జరుగుతుండటంతో కొనుగోలు కేంద్రాలకు ధాన్యం కుప్పలు తెప్పలుగా వస్తోంది. అన్ని కేంద్రాల్లో సుమారు రోజుకు 7 వేల నుంచి 9 వేల మెట్రిక్‌ టన్నుల ధాన్యం వస్తుండటంతో కేంద్రాల నుండి ధాన్యాన్ని రవాణా చేయడం సవాలుగా మారింది. ప్రతీ కేంద్రానికి మూడు లారీల చొప్పున జిల్లా వ్యాప్తంగా 350 లారీలు తిరుగుతున్నపట్పటికీ కొనుగోలు చేసిన ధాన్యాన్ని రైస్‌ మిల్లులకు తరలించడానికి మరో 500 లారీల కొరత ఏర్పడింది.. రైస్‌ మిలుల్లో అన్‌ లోడింగ్‌ సమస్య కారణంగా ధాన్యాన్ని అమ్మటంలో సమస్య ఏర్పడుతుందని చెబుతున్నారు రైతులు... మరోవైపు అకాల వర్షాలు రైతులను ఆందోళనకు గురిచేస్తున్నాయి.

నాలుగు మండలాలకు గాను 60 వేల మెట్రిక్‌ టన్నుల ధాన్యం కొనుగోలు
ఉమ్మడి జిల్లాలో ఇప్పటి వరకు కొనుగోలు చేసిన ధాన్యంలో బీ గ్రేడ్‌ ధాన్యం సుమారుగా 40 శాతం వరకు ఉంది. నిజామాబాద్‌ జిల్లాలో కొనుగోలైన ధాన్యంలో వర్ని, కోటగిరి, రుద్రూరు, బోధన్‌ నాలుగు మండలాలకు గాను 60 వేల మెట్రిక్‌ టన్నుల ధాన్యం కొనుగోలు కాగా కామారెడ్డి జిల్లాలో ఒక బీర్కురు మండలం నుంచే 18 వేల మెట్రిక్‌ టన్నులు ధాన్యం కొనుగోలయ్యింది. అయితే బయటి ప్రాంతం నుండి వ్యాపారులు రాకపోవడంతో ఎలాంటి తరుగు లేకుండా ప్రభుత్వ కేంద్రాల్లో కేవలం 1550 రూపాయలకు మాత్రమే కొనుగోలు చేస్తున్నారని.. బి గ్రేడ్‌ ధాన్యంగా తీసుకుంటున్నారని రైతులు వాపోయారు.

సమస్య పరిష్కారానికి చర్యలు తీసుకోవాంటున్న రైతులు
ఉమ్మడి జిల్లాలో మరో వారం రోజుల్లో వరి కోతలు భారీ మొత్తంలో ప్రారంభం కానున్నాయి. ఈ నేపథ్యంలో కొనుగోలు కేంద్రాలు ధాన్యంతో నిండిపోయి మరింత జాప్యం అయ్యేలా ఉంది బయటి నుంచి వ్యాపారులు వచ్చి వుంటే ఈ పరిస్థితి ఉండేది కాదని స్వయంగా అధికారులే చెబుతున్నారు. ఉమ్మడి జిల్లాలో వరి అధికంగా ఉత్పత్తయ్యే ప్రాంతాలలో అదనంగా మరిన్ని కేంద్రాలు ఏర్పాటు చేయడమే ఈ సమస్యకు పరిష్కారమని ఈ దిశగా అధికారులు చర్యలు తీసుకోవాలని రైతులు కోరుతున్నారు.

07:28 - April 30, 2018

సంగారెడ్డి : కేంద్రంలో ఎమ్మెన్నార్ మెడికల్ కళాశాల 45వ వర్శికోత్సవ వేడకుల ఘనంగా జరిగాయి. ఈసందర్భంగా ఎమ్ఎన్ఆర్ ఎడ్యూకేషన్ సోసైటీ ఛైర్మన్ మంతెన నారాయణరాజు తన 80వ పుట్టిన రోజును ఘనంగా జరుపుకున్నారు.ఈ వేడుకల్లో మంత్రి హరీష్ రావు ముఖ్య అతిధిగా పాల్గొన్నారు. ఎమ్ఎన్ఆర్ ఛైర్మన్ మంతెన నారాయణరాజుకి పుట్టిన రోజు శుభాకాంక్షలు తెలిపారు. ఈ కార్యక్రమంలో ఎంపీ కొత్త ప్రభాకర్ రెడ్డి, ఎమ్మెల్యే చింతా ప్రభాకర్, సీబీఐ మాజీ జెడి లక్ష్మీనారాయణ కూడా పాల్గొన్నారు. 

07:12 - April 26, 2018

సిద్ధిపేట : రాష్ర్ట ప్రభుత్వం రైతులకు అత్యుత్తమమైన.. నాణ్యతా ప్రమాణాలతో కూడిన సేవలను అందిస్తోందని మంత్రి హరీష్‌రావు అన్నారు. ఈ సేవలకు గుర్తింపుగా అంతర్జాతీయ హెవైఎం సంస్థ నుంచి... ఐఎస్‌ఓ 9001-2015 అవార్డ్‌ సిద్దిపేట మార్కెట్‌ యార్డ్‌ దక్కించుకుందన్నారు మంత్రి హరీష్‌రావు. రైతులకు అన్ని వసతులను కల్పిస్తూ .. తెలంగాణలోని అన్ని ప్రాంతాల మార్కెట్‌ యార్డులకు అవార్డులు వచ్చేలా కృషిచేస్తామని మంత్రి తెలిపారు.

21:29 - April 23, 2018

హైదరాబాద్ : దేశంలో నేటికీ కనీస అవసరాలు తీరని దుస్థితికి బీజేపీ, కాంగ్రెస్‌ పార్టీలే కారణమన్నారు మంత్రి హరీశ్ రావు. కాంగ్రెస్‌ బ్లాక్‌ మెయిల్‌ రాజకీయాలకు పాల్పడుతోందని విమర్శించారు. మెదక్‌ ఉమ్మడి జిల్లాలో రైతు బంధు పథకం కింద చెక్కుల పంపిణీకి ముఖ్యమంత్రిని ఆహ్వానిస్తున్నామని హరీశ్ తెలిపారు.

Pages

Don't Miss

Subscribe to RSS - minister harish rao