minister kadiyam srihari

12:36 - December 11, 2017

హైదరాబాద్ : సీబీఐటీ కళాశాలకు వారం రోజుల పాటు సెలవు ప్రకటిస్తున్నట్లు కళాశాల ప్రిన్స్ పాల్ వెల్లడించారు. ఫీజుల పెంపును నిరసిస్తూ గండిపేట సీబీఐటీ కాలేజీ విద్యార్థులు ఆందోళన చేస్తున్న సంగతి తెలిసిందే. గత ఐదు రోజులుగా ఈ ఆందోళన కొనసాగుతోంది. సోమవారం శంకర్ పల్లి చౌరస్తాలో సీబీఐటీ కాలేజీకి చెందిన బస్సులను అడ్డుకున్నారు. పోలీసులు రంగ ప్రవేశం చేసి వారిని చెదరగొట్టే ప్రయత్నం చేయడంతో ఉద్రిక్తతకు దారి తీసింది.

దీనితో మరోసారి సీబీఐటీ కాలేజీ యాజమాన్యం స్పందించింది. కళాశాలకు వారం రోజుల పాటు సెలవు ప్రకటిస్తున్నట్లు..పరీక్షలన్నీ రద్దు చేశామని ప్రిన్స్ పాల్ రవీందర్ రెడ్డి వెల్లడించారు. దీనికి విద్యార్థులు శాంతించినట్లు సమాచారం. గత ఐదు రోజులుగా జరుగుతున్న పరిణామాలపై చర్చిస్తామని, విద్యార్థులు..వారి తల్లిదండ్రులతో మాట్లాడుతామని కళాశాల ప్రిన్స్ పాల్ రవీందర్ రెడ్డి పేర్కొన్నారు. ఇప్పటికైనా సమస్య తీరుతుందా ? లేదా ? అనేది చూడాలి. 

21:35 - December 8, 2017
06:27 - December 8, 2017

హైదరాబాద్ : ప్రపంచ తెలుగు మహాసభలను కనీవినీ ఎరుగని రీతిలో నిర్వహించేందుకు తెలంగాణ సర్కార్‌ కసరత్తు చేస్తోంది. ఐదు రోజుల పాటు జరిగే మహాసభలకు 40 దేశాల నుంచి 150 మంది హాజరుకానున్నారు. తెలంగాణ జీవన సౌందర్యాన్ని జగత్తుకు చాటే విధంగా మహాసభలు నిర్వహించాలని... వచ్చే అతిథులకు ఎలాంటి లోటు రాకుండా చూడాలని అధికారులకు పాలకులు సూచించారు. తెలంగాణ యాస, భాష, జీవన సౌందర్యాన్ని ప్రపంచమంతా పరివ్యాప్తి చేసే విధంగా ప్రపంచ తెలుగు మహాసభలను నిర్వహించేందుకు తెలంగాణ సర్కార్‌ కసరత్తు చేస్తోంది. ఈనెల ఈ నెల 15వ తేదీ నుంచి 19వ తేదీ వరకు ఐదు రోజుల పాటు జరిగే.. ప్రపంచ తెలుగు మహాసభలకు అందరూ ఆహ్వానితులేనని డిప్యూటీ సీఎం కడియం శ్రీహరి అన్నారు. ప్రపంచ తెలుగు మహాసభల ఏర్పాట్లపై సచివాలయంలో కడియం సమీక్షా సమావేశం నిర్వహించారు.

ప్రపంచ తెలుగు మహాసభలకు 7,920 మంది అతిథులు నమోదు చేసుకున్నారన్నారు కడియం. 40 దేశాల నుంచి 160 మంది ప్రతినిధులు... ఇతర రాష్ట్రాల నుంచి 1167 మంది ప్రతినిధులు హాజరు కానున్నారని తెలిపారు. ఈ మహాసభలకు విదేశాల నుంచి 37 మంది, ఇతర రాష్ట్రాల నుంచి 56 మందిని ఆహ్వానిస్తున్నామన్నారు కడియం. ఈ మహాసభలకు విదేశాల్లో ఉన్న తెలుగు రచయితలు, సంగీతకారులు, నృత్యకారులు, ఇతర రాష్ట్రాలలో ఉన్న తెలుగు భాష పండితులు, రచయితలు అందరినీ ఆహ్వానించి వారి సమక్షంలోనే ఈ సభలను గొప్పగా నిర్వహించనున్నట్లు తెలిపారు.

తెలుగు మహాసభలకు హాజరయ్యే ప్రతినిధులకు అన్ని ఏర్పాట్లు చేస్తున్నట్లు కడియం తెలిపారు. ఇక ప్రపంచ తెలుగు మహాసభలలో తెలంగాణను ప్రపంచానికి పరిచయం చేయడంలో భాగంగా తెలంగాణ వంటకాలు, రచనలు, తెలంగాణ చరిత్ర, చేనేతలు, చేతివృత్తులు, కళా ప్రదర్శనలు, తెలంగాణ ఆలయాలు, నాణాలకు సంబంధించిన స్టాల్స్‌ ఏర్పాట్లు చేయనున్నట్లు డిప్యూటీ సీఎం తెలిపారు. ఎక్కడెక్కడ ఏయే కార్యక్రమాలు జరుగుతున్నాయో తెలిపే విధంగా.. కార్యక్రమాల వివరాలు ప్రచురించి.. అందరికీ అందజేస్తామన్నారు. ఎంతో ప్రతిష్టాత్మకంగా నిర్వహించుకుంటున్న ఈ సభలకు అందరూ ఆహ్వానితులేనన్నారు కడియం. తెలంగాణకు సబంధించిన వారు, భాషపై అభిమానం ఉన్నవారు, సాహిత్యకారులు, ప్రజలు పెద్ద ఎత్తున పాల్గొని సభలను విజయవంతం చేయాలన్నారు. 

22:03 - December 7, 2017

హైదరాబాద్ : విద్యా సంవత్సరం మధ్యలో ఇంజనీరింగ్‌ కాలేజీలు ఇష్టానుసారంగా ఫీజులు పెంచడం సరికాదని విద్యాశాఖమంత్రి కడియం శ్రీహరి అన్నారు. లక్షా 13వేలు ఉన్న ఫీజులను ఏకంగా రెండు లక్షలకు పెంచితే విద్యార్థుల తల్లిదండ్రులకు భారమవుతుందన్నారు. ఫీజుల నియంత్రణ కమిటీ నిర్దారించిన ఫీజుల ప్రకారమే విద్యార్థుల నుంచి వసూలు చేయాలని కడియం తేల్చి చెప్పారు. ఈ విషయంలో ప్రభుత్వం విద్యార్థులకు పూర్తిగా మద్దతుగా ఉంటుందన్నారు. కోర్టు ఆదేశాలపై వెకెట్‌ పిటిషన్‌ వేశామని.. అప్పీల్‌కు వెళ్తామన్నారు. 

 

11:41 - November 25, 2017

హైదరాబాద్ : టీఆర్టీ(టీచర్ రిక్రూట్ మెంట్ టెస్టు) నోటిఫికేషన్ ను హైకోర్టు రద్దు చేయలేదని మంత్రి కడియం శ్రీహరి పేర్కొన్నారు. అంబేద్కర్ ఓపెన్ యూనివర్సిటీలో ఎగ్జామినేషన్ బ్రాంచీ నిర్మాణానికి ఆయన శంకుస్థాపన చేశారు. అనంతరం మంత్రి కడియం మీడియాతో మాట్లాడారు. గిరిజన ప్రాంతాల్లోని విద్యార్థులకు న్యాయం చేసేందుకు 31 జిల్లాలను పరిగణనలోకి తీసుకుని టీఆర్టీ నోటిఫికేషన్ ఇచ్చామన్నారు. దీనిపై హైకోర్టు ఇచ్చిన తీర్పు పరిగణలోకి తీసుకుంటామని, కోర్టు ఆదేశాలపై 2, 3 రోజుల్లో చర్చించి.. తదుపరి చర్యలు తీసుకుంటామని తెలిపారు. త్వరలోనే టీఆర్టీ నిర్వహించి.. టీచర్ ఉద్యోగాలను భర్తీ చేస్తామని, దీనిపై సీఎం కేసీఆర్ తో చర్చించి త్వరలోనే నిర్ణయం తీసుకుంటామన్నారు. 

18:49 - November 20, 2017

హైదరాబాద్ : గురు స్థానానికి వన్నెతెచ్చిన వ్యక్తి చుక్కా రామయ్య అని ఉపరాష్ట్రపతి వెంకయ్య నాయుడు అన్నారు. హైదరాబాద్‌లోని రవీంద్రభారతిలో రామయ్య రచించిన 'మొదటి పాఠం' పుస్తకావిష్కరణలో ముఖ్యఅతిథిగా ఆయన పాల్గొన్నారు. ఐఐటీ విద్యను అందరు ఉన్నత వర్గాల వారికే పరిమితం అనుకుంటున్న తరుణంలో బడుగు బలహీన వర్గాల దగ్గరకు చేసిన ఘనత రామయ్యకే దక్కుతుందని అన్నారు. రామయ్యను ప్రతి ఉపాధ్యాయులు విద్యార్ధులు ఆదర్శంగా తీసుకోవాలని వెంకయ్య నాయుడు అన్నారు.

08:03 - November 14, 2017

హైదరాబాద్ : 2021 తర్వాత రాజకీయాల నుంచి రిటైర్‌ కావాలన్న ఆలోచనలో ఉప ముఖ్యమంత్రి కడియం శ్రీహరి ఉన్నారు.  కడియం ఎమ్మెల్సీ పదవీకాలం 2021 లో ముగుస్తుంది. ఆ తర్వాత రాజకీయాల నుంచి తప్పుకోవాలని భావిస్తున్నట్టు అసెంబ్లీ లాబీల్లో మీడియా చిట్‌చాట్‌లో కడియం తన మనసులోని భావాలను బయటపెట్టారు. ఉప ముఖ్యమంత్రి కడియం శ్రీహరి రాజకీయాల్లో సుదీర్ఘకాలం కొనసాగారు. తన సుదీర్ఘ  ప్రయాణంలో మచ్చలేకుండా రాజకీయాలు నడిపిన విషయాన్ని గుర్తు చేసుకున్నారు. రాజకీయాల నుంచి రిటైర్‌ కావాల్సిన సమయం ఆసన్నమైందన్న అభిప్రాయానికి వచ్చారు. 
విద్యావ్యవస్థలో మార్పుల కోసం కఠిన నిర్ణయాలు : కడియం
తెలంగాణలో కొనసాగుతున్న విద్యా సంస్కరణపై కడియం శ్రీహరి తనదైన శైలిలో స్పందించారు. కొన్ని విషయాల్లో ముఖ్యమంత్రి కేసీఆర్‌ మాట కూడా వినకుండా విద్యావ్యవస్థలో మార్పుల కోసం కఠిన నిర్ణయాలు తీసుకున్న విషయాన్ని గుర్తు చేశారు. రాష్ట్రంలో ప్రారంభించిన గురుకులాలు మంచి ఫలితాలు ఇస్తున్న అంశాన్ని ప్రస్తావించారు. రెండు, మూడేళ్లలో కార్పొరేట్‌ కాలేజీలకు ఆదరణ తగ్గుతుందన్న అభిప్రాయాన్ని వ్యక్తం చేశారు. కాలేజీ హాస్టళ్లలో కనీస సౌకర్యాలు లేని  వాస్తవం సర్వేలో వెలుగులోకి వచ్చిన అంశాన్ని మీడియా దృష్టికి తెచ్చారు. కొన్ని కాలేజీల్లో 50 నుంచి వంద మంది బాలికలు ఉంటే ఒక్క బాత్‌ రూమ్‌ కూడాలేని కఠోర సత్యాన్నిప్రస్తావించారు. బాలికలు తెల్లవారుజామున 4 గంటలకు కాలకృత్యాలు తీర్చుకుని వెళ్లి పడుకునే దారుణ పరిస్థితులు ఉన్నాయని కడియం ఆవేదన వ్యక్తం చేశారు.  ఒక్క ప్రైవేటు కాలేజీ కూడా నిబంధనలు పాటించడంలేదని, ఈ పరిస్థితిలో మార్పు రాకపోతే  చిప్పకూడు  తప్పదని నాలుగు కార్పొరేట్‌ కాలేజీల ప్రతినిధులను హెచ్చరించిన విషయాన్ని ప్రస్తావించారు. 
నిబంధనలు పాటించని కార్పొరేట్‌ కాలేజీలపై క్రిమినల్‌ కేసులు
కార్పొరేట్‌ కాలేజీ వ్యవహారంపై కఠినంగా వ్యవహరించేందుకు విద్యాశాఖకు ముఖ్యమంత్రి కేసీఆర్‌ స్వేచ్ఛ ఇవ్వడంతో పరిస్థితుల్లో కొద్ది కొద్దిగా మార్పు వస్తోందన్నారు. నిబంధనలు పాటించకపోతే వచ్చే ఏడాది క్రిమినల్‌ కేసులు పెట్టక తప్పదని హెచ్చరించారు. ఇంజినీరింగ్‌ కాలేజీల్లో ఫీజులు రీయింబర్స్‌మెంట్‌తో దుష్పలితాలు కనిపించిన విషయాన్ని కడియం ప్రస్తావించారు. ఆధార్‌లో అనుసంధానం చేయడం వలన సీట్లు మిగిలిపోయే పరిస్థితి వచ్చిన విషయాన్ని గుర్తు చేశారు. కాలేజీల్లో బయో మెట్రిక్‌ విధానాన్ని తప్పనిసరి చేశామని, హాజరు తక్కువగా ఉంటే పరీక్షలకు అనుమతించమని స్పష్టం చేశారు. విద్యా వ్యవస్థ గాడిలో పడటానికి ఐదారేళ్లు పడుతుందని, తల్లిదండ్రుల్లో కూడా మార్పు రావాల్సి ఉందన్న అభిప్రాయాన్ని వ్యక్తం చేశారు. మొత్తాన్ని విద్యావ్యవస్థలో సమూల మార్పుల కోసం కడియం శ్రీహరి తీసుకొస్తున్న సంస్కరణలు ఎంతవరకు ఫలిస్తాయో చూడాలి. 

 

 

12:53 - November 3, 2017

హైదరాబాద్ : రాష్ట్రంలో ఎస్సీ, ఎస్టీ కమిషన్‌ ఏర్పాటు చేయకపోవడంపై అసెంబ్లీలో తీవ్ర రగడ జరిగింది. టీఆర్‌ఎస్‌ ప్రభుత్వం అధికారంలోకి వచ్చి మూడున్నరేళ్లు గడిచిపోయినా ఎస్సీ, ఎస్టీ కమిషన్‌ను నియమించిన ప్రభుత్వ చర్యలను వివిధ పక్షాల సభ్యులు తప్పు పట్టారు. ప్రశ్నోత్తరాల సమయంలో ఈ అంశంపై విస్తృత చర్చ జరిగింది. ఎస్సీ, ఎస్టీలకు రెండు వేర్వేరు కమిషన్ల ఏర్పాటు ప్రతిపాదలను కేంద్రానికి పంపామని, అనుమతి రాగానే నియమిస్తామని సాంఘిక సంక్షేమ శాఖ మంత్రి జగదీశ్‌రెడ్డి సభ దృష్టికి తెచ్చారు. 

12:14 - October 31, 2017

హైదరాబాద్ : స్థానిక సంస్థలను బలోపేతం చేయాలని మంత్రి కడియం శ్రీహరి అన్నారు. టీశాసనమండలి సమావేశాల్లో ఆయన మాట్లాడారు. తండాలను, ఆమ్లేట్ గ్రామాలను గ్రామ పంచాయతీలుగా చేయనున్నట్లు తెలిపారు. గ్రామ పంచాయతీలను పరిపుష్టం చేసేందుకు కొత్త చట్టం తీసుకొస్తున్నట్లు తెలిపారు. అందరూ సూచనలు ఇవ్వాలని కోరారు. తెలంగాణ రాష్ట్రాన్ని కష్టపడి సాధించుకున్నామని తెలిపారు.

14:34 - October 25, 2017

సంగారెడ్డి : జిల్లా జోగిపేటలో డిప్యూటీ సీఎం కడియం శ్రీహరిని బీఈడీ విద్యార్థులు అడ్డుకున్నారు. టీఆర్ టీ తమకు అవకాశమివ్వాలని వారు డిమాండ్ చేశారు. వినతపత్రం ఇచ్చేందుకు విచ్చిన విద్యార్థులను పోలీసులు అడ్డుకోవడంతో ఉద్రిక్తత చోటుచేసుకుంది. పూర్తి వివరాలకు వీడియో చూడండి.

Pages

Don't Miss

Subscribe to RSS - minister kadiyam srihari