minister kadiyam srihari

20:37 - April 27, 2018

తెలంగాణ 10వ తరగతి పరీక్షా ఫలితాలు విడుదల అయ్యాయి. ఈ నేపథ్యంలో మార్కుల గురించి, గ్రేడ్ల గురించి, ర్యాంకుల గురించి విద్యార్ధులతో పాటు వారి తల్లిదండ్రులు కూడా తీవ్ర ఉత్కంఠతో ఎదురు చూశారు. కానీ తక్కువ మార్కులు వచ్చివారి మానసిక పరిస్థితి ఎలా వుంటుంది? ఈపోటీ విద్యావ్యవస్థలో మార్కులు, గ్రేడ్లు, ర్యాంకులే ధ్యేయంగా కొనసాగుతున్న నేపథ్యంలో ర్యాంకులు, మార్కులు, గ్రేడ్లే ధ్యేయమా?..అనే అంశంపై ప్రముఖ మానసిక నిపుణులు వీరేంద్ర ఏమంటున్నారో తెలుసుకుందాం..

19:24 - April 27, 2018

హైదరాబాద్ :   తెలంగాణ ఎస్‌ఎస్‌సీ ఫలితాలు విడుదలయ్యాయి. ఉపముఖ్యమంత్రి కడియం శ్రీహరి ఫలితాలు ప్రకటించారు. మొత్తం 5,34,726 మంది విద్యార్థులు పరీక్షలకు హాజరైతే 83.78 శాతం ఉత్తీర్ణత సాధించారు. ఎప్పటిమాదిరిగానే బాలికలు పైచేయి సాధించారు. బాలికల్లో 85.14 శాతం, బాలురు 82.46 శాతం మంది పాస్‌ అయ్యారు. ఈసారి 2,125 పాఠశాలలు నూరు శాతం ఫలితాలు సాధించాయి. సున్నా శాతం ఫలితాలు నమోదు చేసుకున్న 21 స్కూళ్లలో 11 ప్రైవేటు పాఠశాలు కూడా ఉన్నాయి. ఫలితాల్లో జగిత్యాల జిల్లా ప్రథమ స్థానంలో నిలువగా, ఆదిలాబాద్‌ జిల్లా చివరి స్థానంలో ఉంది. పరీక్ష తప్పిన విద్యార్థులను జూన్‌ 4 నుంచి 19 వరకు సప్లిమెంటరీ పరీక్షలు నిర్వహిస్తారు. ఫీజు చెల్లించేందుకు వచ్చే నెల 21 వరకు గడువు ఇచ్చారు. బీసీ సంక్షేమ పాఠశాలలు 96.18 శాతం ఫలితాలు సాధించాయి. 

06:34 - April 14, 2018

హైదరాబాద్ : తెలంగాణలో ఇంటర్మీడిట్ ప్రథమ, ద్వితీయ సంవత్సర ఫలితాలను విద్యాశాఖ మంత్రి కడియం శ్రీహరి విడుదల చేశారు. ఈ సారి ఫలితాల్లో కూడా బాలికలే పైచేయి సాధించారు. ఇంటర్‌ ఫలితాల్లో మేడ్చల్ జిల్లా మొదటిస్థానంలో నిలవగా, రంగారెడ్డి జిల్లా రెండో స్థానంలో నిలిచింది. ఫస్టియర్ లో 4 లక్షల 55వేల 789 మంది విద్యార్దులు పరీక్షలు రాయగా అందులో 2 లక్షల 84 వేల 224 మంది విద్యార్దులు ఉత్తీర్ణత సాధించారు. సెకండ్ ఇయర్ లో 4 లక్షల 29 వేల 378 మంది విద్యార్ధులు హాజరుకాగా 2 లక్షల 88 వేల 772 మంది విద్యార్దులు పాస్ అయ్యారు. మొత్తంగా ఫస్టియర్ లో 62.73 శాతం , సెకండ్ ఇయర్ లో 67.06 శాతం ఫలితాలు నమోదయ్యాయి.

ఈసారి కూడా ఇంటర్ ప్రథమ, ద్వితీయ సంవత్సరం ఫలితాల్లో బాలికలే పైచేయి సాధించారు. ప్రథమ సంవత్సరంలో బాలికలు 69 శాతం, బాలురు 55.66 శాతం ఉత్తీర్ణత సాధించారు. ఇంటర్ ఫస్టియర్ లో మేడ్చల్ జిల్లా మొదటి స్థానంలో నిలవగా రంగారెడ్డి జిల్లా ద్వితీయ స్థానంలో నిలిచింది. ద్వితీయ సంవత్సరంలో బాలికలు 73.25 శాతం, బాలురు 61 శాతం ఉత్తీర్ణులయ్యారు. ద్వితీయ సంవత్సరంలో కొమురం భీం ఆసిఫాబాద్, మేడ్చల్ జిల్లాలు 80శాతం ఉత్తీర్ణతతో మొదటి స్థానంలో నిలవగా....రంగారెడ్డి జిల్లా 77 శాతంతో రెండో స్థానంలో నిలిచింది. మహబూబాబాద్ జిల్లా 40 శాతంతో చివరి స్థానంలో నిలిచింది.

ద్వితీయ సంవత్సర ఫలితాల్లో గిరిజన గురుకులాలు సత్తా చాటాయి. గిరిజన గురుకుల పాఠశాలలు అత్యధికంగా 87 శాతం ఉత్తీర్ణత సాధించాయి. సాంఘీక సంక్షేమ రెసిడెన్షియల్స్ 86 శాతం ఉత్తీర్ణతతో రెండోస్థానంలో నిలిచాయి. 69 శాతంతో ప్రైవేట్ జూనియర్ కాలేజీలు చివరిస్థానంలో నిలిచాయి. విద్యార్థులు రీకౌంటింగ్, రీవాల్యుయేషన్‌కు దరఖాస్తు చేసుకునేందుకు అధికారులు ఈ నెల 20వ తేదీ వరకు గడువును విధించారు. ఇంటర్ ఫస్టియర్, సెకండియర్ సప్లిమెంటరీ పరీక్షలు మే నెల 14వ తేదీన ప్రారంభం కానున్నాయి. ఈ నెల 20 లోగా సప్లిమెంటరీ పరీక్ష ఫీజు చెల్లించేందుకు గడువు విధించారు. మే 22వ తేదీన సప్లమెంటరీ పరీక్షలు ముగియనున్నాయి. మొత్తానికి గతేడాది కంటే ఇంటర్ ఫలితాల .06 శాతం పెరిగినట్లు కడియం శ్రీహరి వెల్లడించారు. ఇకనుంచి రెగ్యులర్ సిలబస్ తో పాటు జేఈఈ, నీట్ లో మంచి ఫలితాలు సాధించేందుకు విద్యార్థులకు ప్రత్యేక తరగతులు నిర్వహించేలా ఇంటర్ బోర్డు దృష్టి సారించిందన్నారు

09:19 - April 13, 2018

హైదరాబాద్ : తెలంగాణ ఇంటర్ మీడియట్ ప్రథమ..ద్వితీయ పరీక్షా ఫలితాలు విడుదలయ్యాయి. శుక్రవారం ఉదయం డిప్యూటి సీఎం కడియం శ్రీహరి ఫలితాలను విడుదల చేశారు. ఈసారి కూడా బాలికలే పై చేయి సాధించారని తెలిపారు. ఇంటర్ మొదటి సంవత్సరంలో ఉత్తీర్ణత శాతం 62.35, ద్వితీయ సంవత్సరం ఫలితాల్లో ఉత్తీర్ణత శాతం 67.25గా ఉందన్నారు. ద్వితీయ సంవత్సరం ఫలితాల్లో మేడ్చల్ జిల్లా, కొమరం భీం జిల్లా ప్రథమ స్థానంలో నిలిచాయని, రెండో స్థానంలో రంగారెడ్డి 77 శాతంతో, మహబూబాబాద్ జిల్లా 40 శాతంతో మూడో స్థానంలో నిలిచాయన్నారు. ఇక మొదటి సంవత్సరం ఫలితాల్లో కూడా మేడ్చల్ జిల్లా ప్రథమ, రంగారెడ్డి రెండో స్థానంలో నిలిచాయన్నారు.

ఇంటర్ ఫస్టియర్ పరీక్షకు 4,55,789 విద్యార్థులు హాజరయ్యారని, అందులో 2,84,224 పాస్ అయ్యారని తెలిపారు. మొత్తంగా 62.35 శాతం వచ్చిందన్నారు.

ఇంటర్ ద్వితీయ పరీక్షకు 4,29,378 విద్యార్థులు హాజరయ్యారని అందులో 2,88,772 పాస్ అయ్యారని మొత్తంగా 67.25 శాతం ఉందన్నారు. ఇక మొదటి..ద్వితీయ ఫలితాల్లో బాలికలే పై చేయి సాధించారని తెలిపారు. ప్రథమ సంవత్సరంలో బాలికలు 69 శాతం ఉత్తీర్ణత సాధించగా బాలురు 65.66 శాతం సాధించారన్నారు. ద్వితీయ సంవత్సరంలో బాలికలు 73.25 శాతం సాధించగా బాలురు 61.00 శాతం సాధించారని తెలిపారు. రీ కౌంటింగ్ కోరే విద్యార్థులు 20 ఏప్రిల్ లోపు ఆన్ లైన్ లో నమోదు చేసుకోవాల్సి ఉంటుందని ఇందుకు వంద రూపాయలు చెల్లించాల్సి ఉంటుందన్నారు. రీ వెరిఫకేషన్ కాపీలు ఇవ్వడం జరుగుతుందని, ఇందుకు తగిన ఫీజు చెల్లించాల్సి ఉంటుందని పేర్కొన్నారు.

14 మే ఇన్ స్టంట్ పరీక్ష నిర్వహించనున్నట్లు, 20 ఏప్రిల్ చివరి తేదీగా నిర్ణయించడం జరిగిందన్నారు. ఈ సంవత్సరం ఇంటర్ ఫలితాల ఉత్తీర్ణత పెరిగిందని తెలిపారు. 2016లో 62 శాతం, 2017లో 65 శాతం వచ్చిందన్నారు. 

22:12 - April 11, 2018

హైదరాబాద్ : బాలికా విద్యపై ఎమ్ హెచ్ ఆర్ డీకి పలు సూచనలు చేసినట్లు తెలంగాణ డిప్యూటీ సీఎం కడియం శ్రీహరి తెలిపారు. ఢిల్లీలో జరిగిన ఎన్ సీఈఆర్ టీ 55వ కౌన్సిల్‌ సమావేశానికి కడియం హాజరయ్యారు. కస్తూర్బా గాంధీ బాలికల పాఠశాలను 12వ తరగతి వరకు పొడిగించాలని కేంద్రాన్ని కోరామన్నారు. దీని వల్ల బాల్యవివాహాలను అరికట్టవచ్చాన్నారు. దేశ వ్యాప్తంగా ఉపాధ్యాయ శిక్షణపై అధ్యయనానికి కమిటీ ఏర్పాటు చేశారన్నారు. ఈ కమిటీకి చైర్మన్‌గా మంత్రి ప్రకాశ్‌ జవదేకర్‌... తనను నియమించినట్లు కడియం తెలిపారు. 

 

12:11 - March 29, 2018
22:10 - March 28, 2018

హైదరాబాద్ : ఎస్సీ, ఎస్టీ, బీసీ విద్యార్థులను విద్యకు దూరం చేయడానికే తెలంగాణ ప్రభుత్వం ప్రైవేట్ విశ్వవిద్యాలయాల బిల్లును అసెంబ్లీలో ప్రవేశపెట్టిందని బీఎల్ఎఫ్ రాష్ట్ర చైర్మన్ నల్లా సూర్యప్రకాష్ ఆరోపించారు. హైదరాబాద్‌లోని ఎస్వీకేలో జరిగిన సమావేశంలో తెలంగాణ ప్రభుత్వ తీరును బీఎల్ఎఫ్ నేతలు ఖండించారు. కార్పొరేట్ సంస్థలకు మేలు చేయడానికే తెలంగాణ ప్రభుత్వం ప్రైవేట్ విశ్వవిద్యాలయాల బిల్లుకు ఆమోదం తెలిపిందన్నారు. శాసనసభలో ప్రధాన ప్రతిపక్షం లేకుండా ఆమోదించే బిల్లులను ప్రజా వ్యతిరేక బిల్లులుగా పరిగణించాలని పేర్కొన్నారు. సీఎం కేసీఆర్ అగ్రకుల దురహంకారంతో వ్యవహరిస్తున్నారని నల్లా సూర్యప్రకాష్ ఆరోపించారు.

 

22:05 - March 28, 2018

హైదరాబాద్ : యూనివర్సిటీలను ప్రైవేట్‌ పరం చేసే యోచనను కేసీఆర్‌ విరమించుకోవాలని కాంగ్రెస్‌ నేత వీహెచ్‌ అన్నారు. గత నాలుగేళ్లలో ఒక్క హామీని కూడా నెరవేర్చని కేసీఆర్‌.. ఇప్పుడు యూనివర్సిటీలను ప్రైవేట్‌ పరం చేయాలనుకోవడం సరికాదన్నారు. ప్రభుత్వ తీరుపై విద్యార్థులంతా ఐక్యం కావాలని.. పోరాటానికి  కాంగ్రెస్‌ అండగా ఉంటుందన్నారు.

22:02 - March 28, 2018

హైదరాబాద్ : తెలంగాణ ప్రభుత్వం పంచాయతీరాజ్‌ బిల్లును అసెంబ్లీలో ప్రవేశపెట్టింది. ఈ బిల్లు చట్ట రూపం దాల్చిన తర్వాత పంచాయతీలకు ప్రత్యక్షంగానే ఎన్నికలు నిర్వహించాలని నిర్ణయించింది. ప్రస్తుతం ఐదేళ్లకు ఒకసారి ఉన్న రిజర్వేషన్ల మార్పును పదేళ్లకు పెంచుతున్నారు. సర్పంచ్‌, ఉప సర్పంచ్‌కు కలిపి జాయింట్‌ చెక్‌ పవర్‌ ఇవ్వాలని బిల్లులో ప్రతిపాదించారు. గ్రామ పంచాయతీలకు ముగ్గురు కోఆప్షన్‌ సభ్యులను నియమించే విధానం తీసుకొస్తున్నారు. కొన్ని అధికారాలను పంచాయతీలకు బదాయిస్తామని మంత్రి జూపల్లి కృష్ణారావు చెప్పారు. 

 

19:47 - March 28, 2018

ప్రైవేట్ యూనివర్సిటీలు అవసరం లేదని వక్తలు అన్నారు. ప్రైవేట్ యూనివర్సిటీలతో ప్రమాదం పొంచివుందని..విద్యా వ్యాపారీకరణ అవుతుందని...పేదవారికి విద్య దూరమవుతుందని అన్నారు. ఇదే అంశంపై నిర్వహించిన చర్చా కార్యక్రమంలో ఎస్ ఎఫ్ ఐ తెలంగాణ రాష్ట్ర కార్యదర్శి రమేష్, టీడీపీ ఎమ్మెల్సీ రామకృష్ణ, ప్రొఫెసర్ లక్ష్మీనారాయణ, టీఆర్ ఎస్ నేత చంద్రశేఖర్ పాల్గొని, మాట్లాడారు. ప్రభుత్వ యూనివర్సిటీలను ఏర్పాటు చేయాలని, వాటిని బలోపేతం చేయాలన్నారు. విద్యావ్యాపారీకరణ సరికాదన్నారు. ప్రైవేట్ యూనివర్సిటీల వల్ల ప్రభుత్వానికి, పేద విద్యార్థులకు ఎలాంటి లాభం లేదని చెప్పారు. అసెంబ్లీలో ఏకపక్షంగా ప్రభుత్వం ప్రైవేట్ యూనివర్సిటీలకు ఆమోదం తెలిపిందన్నారు. మరిన్ని వివరాలను వీడియోలో చూద్దాం... 

Pages

Don't Miss

Subscribe to RSS - minister kadiyam srihari