mla roja

16:24 - May 9, 2018

గుంటూరు : వైసీపీ ఎమ్మెల్యే రోజాపై మంత్రి ఆదినారాయణరెడ్డి మండిపడ్డారు. రోజా రాజకీయాలు మానుకుని సినిమాలు చేసుకుంటే మంచిదని సలహా ఇచ్చారు. రాజకీయాలంటే జబర్దస్తీ సీరియల్‌ కాదని ఆయన ఎద్దేవా చేశారు. రాజకీయాలంటే ఒక ఎంటర్‌టైన్‌ మెంట్‌గానే రోజా భావిస్తున్నారంటున్న ఆదినారాయణ రెడ్డితో టెన్ టివి ఫేస్‌ టూ ఫేస్‌ నిర్వహించింది. రాజకీయాలకు రోజా తగరని ఎద్దేవా చేశారు. సీఎం చంద్రబాబుపై నోటికి వచ్చినట్టు రోజా  మాట్లాడుతున్నారని ఆగ్రహం వ్యక్తం చేశారు.
-

15:18 - April 11, 2018

హైదరాబాద్ : టీడీపీ నేతలపై వైసీపీ ఎమ్మెల్యే రోజా ఘాటు విమర్శలు చేశారు. నాలుగేళ్లుగా ప్రజలను మోసం చేసిన సీఎం చంద్రబాబు.. తన తప్పులను విపక్షాలపై రుద్దే ప్రయత్నం చేస్తున్నారన్నారు.  ప్రభుత్వ పథకాల్లో నిధులన్నీ టీడీపీ నేతలు దోచుకుంటున్నారని రోజా ఆరోపించారు. ప్రత్యేక హోదాపై చంద్రబాబు జిమ్మిక్కులను ప్రజలు గమనిస్తున్నారని రోజా అన్నారు. ఎన్నికలు వస్తున్నందునే సీఎం చంద్రబాబు ప్రత్యేకహోదా అంశాన్ని నెత్తికెత్తుకున్నారని రోజా విమర్శించారు. 30సార్లు ఢిల్లీకి వెళ్లిన చంద్రబాబు ఒక్కసారైనా ప్రత్యేక హోదాను అడగలేదన్నారు.

 

13:32 - April 11, 2018

హైదరాబాద్ : ఏపీ ప్రభుత్వంపై వైసీపీ ఎమ్మెల్యే రోజా విమర్శలు గుప్పించారు. హైదరాబాద్ లో ఆమె మీడియాతో మాట్లాడారు. ప్రత్యేక హోదా సాధన కోసం వైసీపీ ఎంపీలు పోరాటం చేస్తున్నారని తెలిపారు. అంతా ఇచ్చేశారంటూ మోడీ..జైట్లీని ఆకాశానికెత్తేసి అసెంబ్లీలో తీర్మానం ఎందుకు చేశారని ప్రశ్నించారు. తప్పులు చేసింది ప్రభుత్వమయితే తమపై ఎందుకు బురద చల్లుతున్నారని, విభజన హోదా అమలు కోసం వెళ్లేలేదని..వెళితే వినతిపత్రాలు ఎందుకు బయటపెట్టలేదని నిలదీశారు. లోక్ సభలో వైసీపీ ఎంపీలు ధైర్యంగా రాజీనామాలు చేశారని, ప్రత్యేక హోదా సాధించడమే వైసీపీ లక్ష్యమయితే హోదాకు వెన్నుపోటు ప్రభుత్వ లక్ష్యమని తెలిపారు. ఓ పత్రికలో పథకాలపై 71 శాతం సంతృప్తిగా ఉన్నట్లు ఓ వార్త ప్రచురితమైందని..ఇది అసత్యమని తెలిపారు. 

13:50 - April 9, 2018

ఢిల్లీ : ఏపీకి న్యాయం చేయాలని వైసీపీ ఎంపీలు ఆమరణ దీక్షకు దిగితే.. టీడీపీ ఎంపీలు ఢిల్లీ రోడ్లమీద పబ్లిసిటీ కోసం స్టంట్‌ చేశారని వైసీపీ నేతలు రోజా, విజయమ్మ విమర్శించారు. దీక్ష చేస్తున్న వైసీపీ ఎంపీలపై టీడీపీ నేతల చౌకబారు కామెంట్లు చేస్తున్నారని విజయమ్మ అన్నారు. ప్రధాని మోదీతో కుమ్మక్కై రాజకీయాలు చేస్తోందని చంద్రబాబేనని ఆరోపించారు. ఏపికి న్యాయం కోసం వైసీపీ నిజాయతీగా పోరాడుతోందన్నారు

 

18:24 - April 6, 2018

ఢిల్లీ : పార్లమెంట్ నిరవధికంగా వాయిదా పడినా టిడిపి ఎంపీలు నిరసన చేపడుతూనే ఉన్నారు. లోక్ సభలో ఆందోళన చేస్తున్న వీరిని స్పీకర్ పిలుస్తున్నారంటూ బయటకు వచ్చే విధంగా చేసి..లోక్ సభ తలుపులకు తాళాలు వేశారు. స్పీకర్ కార్యాలయానికి వెళ్లేసరికి స్పీకర్ లేకపోవడంతో టిడిపి ఎంపీలు తీవ్ర ఆగ్రహం వ్యక్తం చేశారు. తమను అవమానపరిచారంటూ స్పీకర్ కార్యాలయంలోనే ఆందోళన చేపట్టారు. గత కొద్దిగంటలుగా వీరి ఆందోళన కొనసాగుతోంది. దీనితో వీరిని బయటకు తరలించేందుకు మార్షల్స్ సిద్ధమయ్యారు. కానీ స్పీకర్ వచ్చి తమ సమస్యలు వినాలని టిడిపి ఎంపీలు పేర్కొంటున్నారు. మహిళా ఎంపీలను తరలించేందుకు మహిళా మార్షల్స్ మోహరించారు.

ఇదిలా ఉంటే ఢిల్లీలో వాతావరణం ఒక్కసారిగా వాతావరణం మారిపోయింది. శుక్రవారం సాయంత్రం ఉరుములు..మెరుపులు..ఈదురుగాలులతో భారీగా వర్షం కురిసింది. దీనితో ఆంధ్రా భవన్ వద్ద వైసీపీ ఏర్పాటు చేసిన దీక్షా స్థలి టెంట్ కూలిపోయింది.

 

14:45 - April 6, 2018

ఢిల్లీ : టిడిపి ఎంపీలు చేస్తున్న పోరాటం..ఆందోళనను కేంద్రం తేలికగా తీసుకుంటున్నట్లు తెలుస్తోంది. ఏపీకి ప్రత్యేక హోదా..విభజన హామీల అమలు చేయాలంటూ పార్లమెంట్..వెలుపలా..లోపల ఆందోళన చేస్తున్న సంగతి తెలిసిందే. గురువారం వాయిదా పడిన అనంతరం కూడా టిడిపి ఎంపీలు సభలోనే ఉండిపోయారు. శుక్రవారం లోక్ సభ నిరవధికంగా వాయిదా పడడంతో టిడిపి ఎంపీలందరూ సభలోనే ఉండిపోయి ఆందోళన నిర్వహించారు. వీరిని బయటకు పంపించేందుకు మార్షల్ పలు ప్రయత్నాలు చేసింది. చివరకు స్పీకర్ సుమిత్రా మహజన్ పిలుస్తున్నారంటూ కబురు పంపించడం...వెంటనే ఎంపీలు బయటకు రావడం జరిగిపోయాయి. ఇదే అదునుగా భావించిన మార్షల్స్ లోక్ సభ తలుపులు మూసివేశారు. స్పీకర్ కార్యాలయం వద్దకు వెళ్లగా అక్కడ స్పీకర్ లేకపోడంతో ఎంపీలు అక్కడే ఆందోళన చేపట్టారు. వీరిని బయటకు తరలించేందుకు భారీగా మార్షల్స్ మోహరించారు.

 

14:14 - April 6, 2018

ఢిల్లీ : స్పీకర్ కార్యాలయం ముందు టీడీపీ ఎంపీలు ఆందోళన చేపట్టారు. స్పీకర్ పిలుస్తున్నారని టీడీపీ ఎంపీలకు సిబ్బంది చెప్పి..  ఎంపీలు లోపలికి వెళ్లిన తరువాత సిబ్బది తలుపులు మూసేసింది. టీడీపీ ఎంపీలు రాకముందే చాంబర్ నుంచి స్పీకర్ వెళ్లిపోయారు. నిరసనగా టీడీపీ ఎంపీలు అక్కడే ఆందోళన చేస్తున్నారు. 

13:00 - April 6, 2018

ఢిల్లీ : ఏపీకి ప్రత్యేకహోదా రావాలంటే రాజకీయ సంక్షోభం సృష్టించాలని వైసీపీ ఎమ్మెల్యే రోజా అన్నారు. ఢిల్లీలో వైసీపీ ఎంపీల ఆమరణ దీక్ష చేపట్టారు. వైసీపీ ఎమ్మెల్యేలు పాల్గొంటున్నారు. టీడీపీ ఎంపీలను వైసీపీ దీక్షకు రోజా ఆహ్వానించారు. ఈ సందర్భంగా ఆమె మాట్లాడుతూ ఏపీ ఎంపీలంతా రాజీనామా చేస్తే రాజకీయ సంక్షోభం ఏర్పడి కేంద్రం దిగివస్తుందన్నారు. రాజకీయ సంక్షోభం సృష్టిస్తేనే ఏపీకి ప్రత్యేకహోదా వస్తుందని తెలిపారు. రాజకీయ సంక్షోభం తీసుకొస్తేనే తెలంగాణ రాష్ట్రం వచ్చిందని గుర్తు చేశారు. తెలంగాణ తరహాలోనే ఏపికి ప్రత్యేకహోదా సాధించుకోవాలన్నారు. ఏపీకి ప్రత్యేక హోదా కోసం వైసీపీ మొదటి నుంచి పోరాడుతోందన్నారు. చంద్రబాబు 23 మంది ఎంపీలతో రాజీనామా చేయించాలని..తమ ఐదుమంది ఎంపీలు రాజీనామా చేశారని పేర్కొన్నారు. 

 

15:36 - March 13, 2018

హైదరాబాద్ : వైసీపీ నుంచి టీడీపీలో చేరిన ఎమ్మెల్యేలపై చర్యలు తీసుకోవాలంటూ మాజీ ఎమ్మెల్యే రాంబాబు వేసిన పిటిషన్‌పై హైకోర్టులో విచారణ జరిగింది. పార్టీ మారిన 22 మంది వైపీసీ ఎమ్మెల్యేలపై అనర్హత వేటు వేయాలని పిటిషనర్‌ కోరారు. పార్టీ మారిన ఎమ్మెల్యేలకు హైకోర్టు నోటీసులు జారీ చేసింది. వైసీపీ నుంచి గెలిచి టీడీపీ కేబినెట్‌లో చేరిన మంత్రులకూ కోర్టు నోటీసులు జారీ చేసింది. తదుపరి విచారణ రెండు వారాలు వాయిదా వేసింది. మరిన్ని వివరాలను వీడియోలో చూద్దాం... 

06:57 - March 11, 2018

విజయవాడ : చివరి బడ్జెట్‌లోనూ మహిళలకు చంద్రబాబు అన్యాయం చేశారని వైసీపీ ఎమ్మెల్యే రోజా మండిపడ్డారు. డ్వాక్రామహిళలకు అసలు వడ్డీ మాఫీ చేస్తానన్న సీఎం.. ఆ మొత్తాన్ని బడ్జెట్‌లో కేటాయించలేదన్నారు. మహిళల అక్రమ రవాణాలో రాష్ట్రం రెండో స్థానంలో ఉందని.. చంద్రబాబు పాలనలో మహిళకు భద్రత కరువైందని ఆరోపించారు. ఎమ్మార్వో వనజాక్షిపై దాడి చేస్తే ఇప్పటి వరకు శిక్షల్లేవన్నారు. బెల్టు షాపులను దశలవారీగా ఎత్తేస్తామన్న సీఎం హామీ ఏమైందన్నారు. మరోవైపు మహిళల కోటాలో లోకేష్‌కు మంత్రి పదవి ఇచ్చారన్న రోజా.. లోకేష్‌ను మంత్రిని చేస్తే.. రాష్ట్రమంతటా ఉద్యోగాలిచ్చినట్లేనా అని ప్రశ్నించారు.

Pages

Don't Miss

Subscribe to RSS - mla roja