Modi government

19:32 - July 13, 2018
19:13 - July 13, 2018

హైదరాబాద్ : తెలంగాణ రాష్ట్రంలో బీజేపీ జాతీయ అధ్యక్షుడు అమిత్ షా అడుగు పెట్టారు. రాష్ట్రంలో పార్టీ ప్రతిష్ట ఇనుమడింప చేయాలని..పార్టీ నేతలకు దిశా..నిర్ధేశం చేయడానికి ఆయన హైదరాబాద్ కు వచ్చారు. ప్రధానంగా తెలంగాణ రాష్ట్రంలో ప్రత్యామ్నాయంగా ఎదగడానికి అనుసరించాల్సిన వ్యూహంపై చర్చించారు. కేసీఆర్ అవినీతిపై ఫోకస్ పెట్టినట్లుగా తెలుస్తోంది. ఇందుక షా చతుర్మఖ వ్యూహాన్ని రచించినట్లు సమాచారం. కేసీఆర్ అవినీతిపై ఆధారాలతో సహా కోర్టుకు వెళ్లాలని ఉపదేశించినట్లు, సీబీఐతో కేసీఆర్ ను కట్టడి చేయాలని బీజేపీ యోచిస్తోందని టాక్. జనచైతన్య యాత్రను నిలిపివేయాలని ఆదేశించడం ఇక్కడ గమనార్హం. అన్ని నియోజకవర్గాల్లో బైక్ ర్యాలీలు నిర్వహించాలని..హైదరాబాద్ వదిలి గ్రామాలకు వెళ్లాలని రాష్ట్ర నాయకత్వానికి సూచించారు. 

08:18 - June 28, 2018

ఢిల్లీ : యూనివర్సిటీ గ్రాంట్స్‌ కమిషన్‌ స్ధానంలో మరో ఉన్నత విద్యా నియంత్రణ సంస్థకు కేంద్రం శ్రీకారం చుట్టింది. యూజీసీ స్ధానంలో భారత ఉన్నత విద్యా కమిషన్‌ ఏర్పాటు కానుంది. ఇందుకు మార్గం సుగమం చేస్తూ యూజీసీ చట్టం, 1956ను తొలగిస్తూ నూతన ముసాయిదాను కేంద్ర ప్రభుత్వం విడుదల చేసింది. నూతన ముసాయిదా చట్టంపై జులై 7లోగా విద్యాసంస్థలు, మేథావులు, నిపుణులు, తల్లితండ్రులు తమ విలువైన సూచనలు, సలహాలను పంపాలని కేంద్ర మానవ వనరుల అభివృద్ధి శాఖ కోరింది. విశ్వవిద్యాలయాలకు నిధులను సమకూర్చడంలో యూజీసి కీలక పాత్ర పోషిస్తున్న విషయం తెలిసిందే. ఇకపై ఈ బాధ్యతలను ఉన్నత విద్యా కమిషన్‌ తలకెత్తుకోనుంది. 

 

18:47 - June 13, 2018

ఢిల్లీ : మాజీ ప్రధానమంత్రి, బీజేపీ సీనియర్ నేత అటల్ బిహారీ వాజపేయి ఆరోగ్యం నిలకడగానే ఉందని...ఆయన ఆరోగ్యం మెరుగుపడిందని ఎయిమ్స్ వైద్యులు తెలిపారు. మరికొన్ని రోజుల్లో వాజపేయి పూర్తిస్థాయిలో కోలుకుంటారని వైద్యులు పేర్కొన్నారు. కిడ్ని పనితీరు తిరిగి మామూలు స్థితికి చేరుకుందని.... గుండె పనితీరు, రక్తపోటు సాధారణ స్థాయిలోనే ఉన్నాయని.. ఎటువంటి లైఫ్ సపోర్ట్ లేకుండా పనిచేస్తున్నాయని చెప్పారు. కిడ్ని సమస్యతో బాధపడుతున్న వాజ్‌పేయి ఎయిమ్స్ ఆస్పత్రిలో చికిత్స పొందుతున్న విషయం తెలిసిందే. 

13:50 - June 8, 2018

ఢిల్లీ : కేంద్రంలో అధికారంలో ఉన్న బీజేపీకి గడ్డు పరిస్థితులు ఎదురవుతున్నాయి. ఇంతకాలం ఆపార్టీకి మిత్రులుగా ఉన్నవారు పరమ శత్రువులుగా మారి పోతున్నారు. మిత్ర పక్షాలన్నీ ఎన్డీయేని వదిలిపెట్టే క్రమంలో సాగుతుండడంతో.. బీజేపీ ఒంటరిగా మిగిలిపోయే పరిస్థితి కనిపిస్తోంది. అమిత్‌షా రాజీ ప్రయత్నాలన్నీ బెడిసి కొడుతున్నాయి. దీంతో బీజేపీ అధినాయకత్వం కింకర్తవ్యం అంటూ.. మల్లగుల్లాలు పడుతోంది.

బీజేపీకి షాక్‌ మీద షాక్‌..ఉద్ధవ్‌తో అమిత్‌షా మంతనాలు విఫలం
భారతీయ జనతాపార్టీ ఇప్పుడు తీవ్ర ఇబ్బందికర పరిస్థితిని ఎదుర్కొంటోంది. ఆ పార్టీకి షాక్‌ మీద షాక్‌ తగులుతోంది. మహారాష్ట్రలో శివసేన చీఫ్‌ ఉద్ధవ్‌ ఠాక్రేతో బీజేపీ జాతీయ అధ్యక్షుడు అమిత్‌షా జరిపిన చర్చలు విఫలమయ్యాయి. వీరిద్దరి మధ్య దాదాపు గంటన్నర పాటు చర్చలు జరిగాయి. అయితే.. అమిత్‌షా రాజీ యత్నాలపై సేన తీవ్రంగానే మండిపడింది. వరుస ఓటముల నేపథ్యంలో ఈ భేటీలు ఎందుకంటూ ఎద్దేవా చేసింది. ఉద్ధవ్‌తో అమిత్‌షా చర్చలు ముగియగానే.. వచ్చే ఎన్నికల్లోనే కాదు.. ఇకపై ప్రతి ఎన్నికల్లోనూ తాము ఒంటరిగానే పోటీ చేయనున్నట్లు శివసేన ప్రకటించింది. ఎవరు చెప్పినా నిర్ణయాన్ని మార్చుకునే ప్రసక్తి లేదని స్పష్టం చేసింది.

ఎన్డీయే కూటమి నుంచి వైదొలగుతున్నట్లు ఆర్‌ఎల్‌ఎస్పీ ప్రకటన
మహారాష్ట్రలో శివసేన ఇచ్చిన షాక్‌నుంచి అమిత్‌షా కోలుకోక ముందే.. ఇప్పుడు బిహార్‌లో బీజేపీకి మరో షాక్‌ తగిలింది. స్థానిక రాష్ట్రీయ లోక్‌సమతా పార్టీ.. ఎన్డీయే నుంచి వైదొలగుతున్నట్లు ప్రకటించింది. 2019లో బిహార్‌ ఎన్నికల సారథ్యం విషయంలో.. ఆర్‌ఎల్‌ఎస్పీ ఆగ్రహంగా ఉంది. వచ్చే ఎన్నికల్లో బిహార్‌ ఎన్డీయే సారథి తానేనంటూ నితిశ్‌కుమార్‌ ప్రకటించుకున్నారు. ఇది ఆర్‌ఎల్ఎస్పీ చీప్‌ కుష్వాహాను తీవ్రంగా కలతపరిచినట్లు చెబుతున్నారు. అందుకే.. ఎన్డీయేకి గుడ్‌బై చెప్పి బీహార్‌ మహాకూటమిలో చేరేందుకు ఆర్జేడీని సంప్రదించినట్లు సమాచారం.

బిహార్‌లో బీజేపీకి షాక్‌ ఇచ్చిన జెడియు
ఆర్‌ఎల్‌ఎస్పీ లాంటి చిన్నపార్టీ వైదొలగినా పరవాలేదు అనుకునేలోపే.. బిహార్‌లో బీజేపీకి జెడియు కూడా షాక్‌ ఇచ్చింది. మోదీ కాదు.. నితీశ్‌ ఫేస్‌తోనే ఎన్నికలకు వెళ్లాలని డిమాండ్‌ చేస్తున్న జెడియు.. ఏకంగా పాతిక లోక్‌సభ స్థానాలు తమకు ఇవ్వాలని ఖరాకండిగా చెప్పింది. 2014 ఎన్నికల్లో బీజేపీకి 22 స్థానాలు, జెడియుకి రెండు స్థానాలు వచ్చాయి. ఈ నేపథ్యంలో.. బిహార్‌లో ఎన్డీయే కూటమిలో రగిలిన వివాదాన్ని ఎలా పరిష్కరించాలా అని బీజేపీ అధినాయకత్వం మల్లగుల్లాలు పడుతోంది.

ఎన్డీయే నుంచి వైదొలగిన టీడీపీ
ఆంధ్రప్రదేశ్‌లో కీలక భాగస్వామి తెలుగుదేశం ఎన్డీయే నుంచి వైదొలగింది. ఇప్పుడు బిహార్‌లో ఆర్‌ఎల్ఎస్పీ బైబై చెప్పింది. ఈ రాష్ట్రంలో జెడియూ కూడా ముందరికాళ్లకు బంధాలు వేస్తోంది. మహారాష్ట్రలో శివసేనతో రాజీ యత్నం బెడిసికొట్టింది. ఈ పరిస్థితుల్లో ఉన్న మిత్ర పక్షాలనైనా కాపాడుకునేందుకు అమిత్‌షా ప్రయత్నిస్తున్నారు. అయితే.. బీజేపీపై తీవ్రంగా రగిలిపోతున్న ఎన్డీయే కూటమిలోని పక్షాలను అమిత్‌షా ఏమేరకు శాంతిప చేస్తారో వేచి చూడాలి.

 

07:05 - June 8, 2018

ఢిల్లీ : అసహనం, ద్వేషం.. జాతీయ భావనను దెబ్బతీస్తాయని మాజీ రాష్ట్రపతి ప్రణబ్‌ముఖర్జీ అన్నారు. నాగపూర్‌లో జరిగిన ఆర్‌ఎస్‌ఎస్‌ శిక్షావర్గ్‌ ముగింపు కార్యక్రమంలో ఆయన మాట్లాడారు. దేశభక్తి, జాతీయభావన అనేది ఒక కులానికో, వర్గానికో సంబంధించినవి కావన్నారు. మన రాజ్యాంగం 134 కోట్లమంది భారతీయల ఆకాంక్షలకు ప్రతిరూపం అన్నారు. దేశంలో శాంతి, సామర్యాలకోసం పౌరులందరూ కృషిచేయాలన్నారు. ప్రణబ్‌ వ్యాఖ్యలను ఆర్‌ఎస్‌ఎస్‌ చీఫ్ మోహన్‌ భగవత్‌ సమర్థించారు.

మహారాష్ట్ర నాగపూర్‌లో జరిగిన ఆర్‌ఎస్‌ఎస్‌ శిక్షావర్గ్‌ ముగింపు కార్యక్రమంలో పాల్గొన్న మాజీ రాష్ట్రపతి ప్రణబ్‌ ముఖర్జీ.. దేశభక్తి, జాతీయత, మతం అంశాలపై ఆసక్తికర వ్యాఖ్యలు చేశారు. దేశభక్తి, జాతీయతకు..కులం, మతం కొలబద్దలు కావన్నారు. జాతీ, జాతీయవాదం, దేశభక్తి లాంటి అంశాలపై తనకున్న భావాలను పంచుకోవడానకే ఆర్‌ఎస్‌ఎస్‌ కార్యక్రమానికి వచ్చానన్నారు ప్రణబ్‌ ముఖర్జీ.

ఇటీవల కాలంలో దేశంలో హింస పెరిగిపోవడంపై ప్రణబ్‌ ఆందోళన వ్యక్తంచేశారు. దేశపౌరులంతా శాంతి సామరస్యాల కోసం పని చేయాలని ఆర్‌ఎస్‌ఎస్‌ కార్యకర్తలనుద్దేశించి అన్నారు. మతం, ద్వేషం, అసహనం పేర్లతో భారత్‌ను నిర్వచించాలని చూస్తే అది దేశసమగ్రతకే ప్రమాదమని ప్రణబ్‌ హెచ్చరించారు. భిన్నత్వంలో ఏకత్వాన్ని దేశప్రజలందరూ సంతోషంగా స్వీకరించాలన్నారు. అనేక మతాలు, కులాలు, భాషలు ఒకే రాజ్యాంగం కింద ఒదిగి ఉండటం అద్భుతమన్నారు ప్రణబ్‌ముఖర్జీ. హిందూ,మస్లీం, సిఖ్‌, క్రిస్టియన్‌..ఇలా అన్ని మతాల వారు కలిస్తేనే భారతజాతి అన్నారు.

సంక్లిష్టమైన అంశాలు ఏవైనా ఉంటే చర్చల ద్వారా పరిష్కరించుకోవాలేగాని... హింసద్వారా ఏదీ సాధ్యపడదని ఆర్‌ఎస్‌ఎస్‌ కార్యాకర్తనుద్దేశించి మాజీ రాష్ట్రపతి వ్యాఖ్యానించారు. దేశం ప్రస్తుతం శాంతి, సామరస్యంకోసం పరితపిస్తోందని అదిశగా కృషిచేయాల్సిన బాధ్యత పౌరులందరిపై ఉందన్నారు.

కాగా మాజీ రాష్ట్రపతి ప్రసంగం రుచించని కొందరు సంఘ్‌నేతలు ఆయనపై విమర్శలు చేయడాన్ని ఆర్‌ఎస్‌ఎస్‌ చీఫ్‌ మోహన్‌ భగవత్‌ ఖండించారు. కార్యక్రమానికి ప్రణబ్‌ను ఎందుకు పిలిచారు' అనే అంశం పై చర్చ ప్రయోజనం లేదని భగవత్‌ అన్నారు. సంఘ్‌ కార్యక్రమాల్లో పాల్గొనాలంటే భారత పౌరులు అయితే చాలని భగవత్‌ క్లారిటీ ఇచ్చారు. రాజకీయ సిద్ధాంతాల్లో వైరుధ్యం ఉన్నంతమాత్రాన ఉన్నతవ్యక్తులను వ్యతిరేకించలేమన్నారు. ఒకే లక్ష్యం కోసం వివిధ మార్గాల్లో ప్రయత్నించేవారిని ఆయా మార్గాల్లోనే వెళ్లనివ్వాలని కూడా భగవత్‌ వ్యాఖ్యానించడం విశేషం. కాగా ప్రణబ్‌ముఖర్జీ ఆర్‌ఎస్‌ఎస్‌ కార్యకమ్రంలో పాల్గొనడం చర్చనీయాంశం అయింది. పలువురు కాంగ్రెస్‌ నేతలతోపాటు ప్రణబ్‌ కుమార్తె శర్మిష్ఠకూడా విమర్శలు ఎక్కుపెట్టారు. ప్రణబ్‌వ్యక్తి త్వాన్ని ఆర్‌ఎస్‌ఎస్‌, బీజేపీలు తమ రాజకీయ ప్రయోజనాలకోసం వాడుకుంటాయని ట్విటర్‌లో ఆందోళన వ్యక్తం చేశారు.

21:57 - June 7, 2018

మహారాష్ట్ర : జాతీయతపై తన అభిప్రాయాన్ని పంచుకోవడానికే ఆర్‌ఎస్‌ఎస్‌ వర్ష్‌ వర్గ్‌ కార్యక్రమానికి హాజరైనట్లు మాజీ రాష్ట్రపతి ప్రణబ్‌ముఖర్జీ స్పష్టం చేశారు. ఎంతోమంది యాత్రికులు భారతదేశం గొప్పతనాన్ని ప్రపంచానికి చాటారని.. ఆర్‌ఎస్‌ఎస్‌ వర్ష్‌ వర్గ్‌ తృతీయ ముగింపు కార్యక్రమానికి హాజరైన ప్రణబ్‌ ముఖర్జీ తెలిపారు. ఆర్‌ఎస్‌ఎస్‌ వ్యవస్థాపకుడు హెగ్డేవార్‌ భారత మాత కన్నా గొప్ప పుత్రుడని.. విజిటర్స్‌ బుక్‌లో అభివర్ణించారు. హెగ్డేవార్‌ జన్మస్థలాన్ని సందర్శించి ఆయనకు నివాళి అర్పించారు ప్రణబ్‌. అంతకుముందు ఆర్‌ఎస్‌ఎస్‌ సంఘ్‌ శిక్షణా కార్యక్రమంలో పాల్గొనడానికి నాగ్‌పూర్‌కు చేరుకున్న ప్రణబ్‌కు ఆర్‌ఎస్‌ఎస్‌ చీఫ్‌ మోహన్‌ భగవత్‌ స్వాగతం పలికారు. 5 దశాబ్దాలుగా కాంగ్రెస్‌లో పనిచేసిన ప్రణబ్‌ ముఖర్జీ సంఘ్‌ కార్యక్రమంలో పాల్గొనడంపై అసంతృప్తి వెల్లువెత్తుతోంది. గతంలో సంఘ్‌పై విమర్శలు చేసిన ప్రణబ్‌-ఈ కార్యక్రమానికి హాజరు కావొద్దని కాంగ్రెస్‌ నేతలు పలువురు ట్వీట్‌ చేశారు. ప్రణబ్‌ నిర్ణయాన్ని ఆయన కుమార్తె, కాంగ్రెస్‌ నేత శర్మిష్టా ముఖర్జీ కూడా తప్పు పట్టారు. ఈ కార్యక్రమానికి హాజరుకావడం వల్ల ఎదురయ్యే తీవ్ర పరిణామాలను తన తండ్రి గుర్తిస్తారని ఆమె పేర్కొన్నారు. 

 

21:54 - June 7, 2018

మాజీ రాష్ట్రపతి ప్రణబ్ ముఖర్జీ ఆర్ ఎస్ ఎస్ కార్యక్రమంలో పాల్గొని, ప్రసంగించారు. కాంగ్రెస్ పార్టీలో సుదీర్ఘ కాలం పాటు ఉండి..ఐదు సంవత్సరాల పాటు రాష్ట్రపతిగా బాధ్యతలు నిర్వర్తించిన ప్రణబ్ ముఖర్జీ ఆర్ ఎస్ ఎస్ కార్యక్రమంలో పాల్గొనడం ద్వారా కాంగ్రెస్ పార్టీలోని తన సహచరుల నుంచే కాక తన కన్న కూతురు కూడా వ్యతిరేకత, అసంతృప్తి వ్యక్తం చేసిన సంగతి తెలిసిందే.. ఆర్ ఎస్ ఎస్ కార్యక్రమంలో పాల్గొనడం ద్వారా ప్రణబ్ ముఖర్జీ ఏం సంకేతాలు ఇస్తున్నారు..? 
ఆయన పయనమెటు ? ఇదే అంశంపై నిర్వహించిన విశ్లేషణ కార్యక్రమంలో ప్రముఖ సామాజిక, ఆర్థిక విశ్లేషకులు ఎస్.వీరయ్య పాల్గొని, మాట్లాడారు. ఆ వివరాలను ఆయన మాటల్లోనే...ఆర్ ఎస్ ఎస్ కార్యక్రమంలో ప్రణబ్ ముఖర్జీ పాల్గొనడం దేశానికి రాంగ్ సిగ్నల్ ఇచ్చినట్లే. కాంగ్రెస్ పార్టీలో పెరుగుతూ వస్తున్న అవకాశవాదంగా చెప్పవచ్చు. ఆర్ ఎస్ ఎస్ చరిత్ర ఏమాత్రం గౌరవాన్ని ఆపాదించలేని చరిత్ర. మరిన్ని వివరాలను వీడియోలో చూద్దాం...
 

16:00 - May 26, 2018

ఢిల్లీ : మోది నాలుగేళ్ల పాలనలో ఒక్క అవినీతి కుంభకోణం లేకుండా లక్షల కోట్ల ప్రాజెక్టులను పూర్తి చేశామని బిజెపి చీఫ్‌ అమిత్‌ షా అన్నారు. అస్థిరత యుగానికి అంతం పలికి అవినీతి రహిత పాలనను బిజెపి దేశానికి అందించిందని ఆయన చెప్పారు. 'సబ్‌ కా సాథ్‌...సబ్‌ కా వికాస్‌' సూత్రం ఆధారంగా మోది ప్రభుత్వం పనిచేస్తోందన్నారు. వంశపాలన, మత రాజకీయాలను మార్చేసి పాలిటిక్స్‌ ఆఫ్ పర్‌ఫామెన్స్‌తో బిజెపి ప్రభుత్వం ముందుకు వెళ్తోందని అమిత్‌ షా వెల్లడించారు. ప్రపంచంలో భారత్ గౌరవాన్ని ఇనుమడింప జేసిన ఘనత ప్రధాని మోదికే దక్కుతుందని అమిత్‌ షా తెలిపారు. దేశ ఆర్థిక వ్యవస్థలో గణనీయమైన మార్పు తెచ్చేందుకే నోట్ల రద్దు, జిఎస్‌టిని అమలు చేయడం జరిగిందని పేర్కొన్నారు. మోది ప్రభుత్వం అధికారంలోకి వచ్చి ఇవాళ్టికి నాలుగేళ్లు పూర్తి చేసుకున్న సందర్భంగా అమిత్‌ షా మీడియా సమావేశంలో మాట్లాడారు. మోది ప్రభుత్వం సాధించిన అభివృద్ధి పనులను ఏకరువు పెట్టారు.

 

09:28 - May 6, 2018

టీటీడీకి కేంద్ర పురావాస్తు శాఖ లేఖపై వక్తలు భిన్నాభిప్రాయాలు వ్యక్తం చేశారు. ఇదే అంశంపై నిర్వహించిన చర్చా కార్యక్రమంలో విశ్లేషకులు, హిందూ మాజీ ఎడిటర్ నగేష్, టీడీపీ అధికార ప్రతినిధి శ్రీరాములు, బీజేపీ అధికార ప్రతినిధి ప్రకాశ్ రెడ్డి, వైసీపీ బీసీసెల్ అధ్యక్షులు, మాజీ ఎమ్మెల్యే జంగా కృష్ణమూర్తి పాల్గొని, మాట్లాడారు. దాచేపల్లి ఘటన, అవార్డుల ప్రకటన అంశాలపై మాట్లాడారు. మరిన్ని వివరాలను వీడియోలో చూద్దాం.. 

Pages

Don't Miss

Subscribe to RSS - Modi government