naga chaitanya

13:55 - October 6, 2017

గోవా : సమంత, నాగచైతన్యల వివాహం ఇవాళ గోవాలో ఘనంగా జరగబోతోంది. హిందూ సంప్రదాయంలో వివాహం జరిపించనున్నారు. ఈ సందర్భంగా వరుడు నాగచైతన్యను పెళ్లికొడుకుని చేసిన ఫొటోలను అక్కినేని నాగార్జున, వెంకటేశ్‌లు ట్విటర్‌లో పోస్ట్‌ చేశారు. ఫొటోలో నాగచైతన్యతో పాటు నాగార్జున, వెంకటేశ్‌ కూడా ఉన్నారు. ఇక పెళ్లికూతురిగా సమంత ఎలా ఉండబోతోందో అని అభిమానులు ఎదురుచూస్తున్నారు. పెళ్లికి నాగచైతన్య, సమంత కుటుంబాలతో కలిపి 100 మంది హాజరుకాబోతున్నారు. శనివారం క్రైస్తవ సంప్రదాయంలో వివాహం జరిపించనున్నారు. 

 

10:31 - October 4, 2017

~అక్కినేని నాగార్జున ఇంట్లో త్వరలోనే పెళ్లి బాజాలు మోగనున్నాయి. టాలీవుడ్ మన్మథుడు 'నాగార్జున' తనయుడు 'నాగ చైతన్య' వివాహం కొద్ది రోజుల్లోనే జరుగగబోతోంది. నటి 'సమంత' మెడలో మూడు ముళ్లు కట్టనున్నాడు. వీరిద్దరూ గత కొంతకాలంగా ప్రేమించుకుంటున్న సంగతి తెలిసిందే. వీరి ప్రేమను ఇరువురు కుటుంబసభ్యులు ఆమోదం తెలిపారు. ఇటీవలే వీరి నిశ్చితార్థం జరిగింది. తాజాగా వీరి పెళ్లికి సంబంధించి విశేషాలను నాగార్జున తెలిపారు.

'నాగార్జున' లెటెస్ట్ మూవీ 'రాజు గారి గది-2' సినిమా త్వరలో ప్రేక్షకుల ముందుకు రాబోతోంది. ఈ సినిమాలో 'నాగ్' ఓ మెంటలిస్టుగా కనిపించనున్నాడు. ఎదుటివాళ్ల మనుషులని చదివేస్తుంటాడు. ఇంటిల్లిపాది చూసేలా సినిమా ఉంటుందని 'నాగ్' పేర్కొన్నారు. డిసెంబర్ 22న సినిమాను విడుదల చేసేందుకు చిత్ర బృందం ప్లాన్ చేస్తోందని..అనుకున్న సమయానికి విడుదలయ్యే అవకాశం ఉందన్నారు.

ఇక 'నాగ చైతన్య' 'సమంత' వివాహంపై 'నాగార్జున' స్పందించారు. వీరిద్దరి వివాహం గోవాలో 6, 7వ తేదీల్లో జరుగుతుందని పేర్కొన్నారు. 6న హిందూ సాంప్రదాయం..7న క్రైస్తవ సంప్రదాయ పద్ధతిలో వివాహం జరుగుతుందన్నారు. ఈ వివాహ వేడుక నిరాడంబరంగా సాగుతుందని, కేవలం తమ కుటుంబానికి చెందిన వంద మంది సభ్యులు మాత్రమే ఇందులో పాల్గొంటారని వెల్లడించారు. అనంతరం హైదరాబాద్ లో రిసెప్షన్ కార్యక్రమం ఏర్పాటు చేస్తామని, తేదీ ఇంకా ఫైనల్ చేయలేదన్నారు. 

21:31 - September 9, 2017

హైదరాబాద్ : సుచిత్ర సెంటర్‌లో... కొత్తగా ఏర్పాటు చేసిన చెన్నై షాపింగ్‌ మాల్‌ ప్రారంభోత్సవం శనివారం ఘనంగా జరిగింది. వేద మంత్రాల నడుమ హీరో అక్కినేని నాగ చైతన్య, హీరోయిన్‌ కాజల్‌ అగర్వాల్‌ ఈ మాల్‌ను ప్రారంభించారు. తొలుత రిబ్బన్‌ కటింగ్‌ చేసి..అనంతరం జ్యోతి ప్రజ్వలనతో షాప్‌ ఆరంభించారు. ఈ సందర్భంగా... షాపింగ్‌ మాల్‌ ఎండీ జమునా రెడ్డి ప్రత్యేక పూజలు నిర్వహించారు. అనంతరం నాగచైతన్య, కాజల్‌... మాల్‌ను సందర్శించి... వస్త్రాలను పరిశీలించారు. నెంబర్‌ వన్‌గా నిలిచిన షాపింగ్‌ మాల్‌ను ప్రారంభించడం చాలా సంతోషంగా ఉందని హీరో నాగచైతన్య అన్నారు. చెన్నై షాపింగ్‌ మాల్‌ వినియోగదారులకు నాణ్యమైన వస్త్రాలను అందించడంలో ముందు ఉంటుందని ఆయన అన్నారు.

చెన్నై షాపింగ్‌ మాల్‌ నిర్వాహకులకు హీరోయిన్‌ కాజల్‌ శుభాకాంక్షలు తెలిపారు. ఈ మాల్‌కు తాను పెద్ద అభిమానినని అన్నారు. ప్రతి తెలుగింటి ఆడపడుచు చెన్నై షాపింగ్‌ మాల్‌ను సందర్శించాలని కాజల్‌ అన్నారు. తక్కువ ధరకే.. నాణ్యతగల వస్త్రాలను అందించడం వల్లే... వ్యాపారం రంగంలో విజయం సాధిస్తున్నామని, హైదరాబాద్‌లో ఇది తొమ్మిదో షోరూమ్‌ అని ఎండీ జమునారెడ్డి చెప్పారు. వినియోగదారులకు వస్త్రాలను, నగలను సరసమైన ధరలకు అందిస్తామన్నారు. సినీ నటుల రాకతో.. మాల్‌ ప్రాంగణమంతా.. అభిమానులతో నిండిపోయి... సందడి వాతావరణం నెలకొంది. 

18:04 - September 9, 2017

హైదరాబాద్ : మియాపూర్‌లో నటుడు అక్కినేని నాగార్జున, హీరోయిన్లు రాశి ఖన్నా, ప్రజ్ఞా జైస్వాల్‌లు సందడి చేశారు. మదీనాగూడలో నూతనంగా ఏర్పాడు చేసిన సౌతిండియా షాపింగ్‌ మాల్‌ ప్రారంభించారు. నాణ్యతతో కూడిన వస్త్రాలను వినియోగదారులకు అందిస్తున్న సౌతిండియా షాపింగ్ మాల్‌ యాజమాన్యాన్ని నాగార్జున అభినందించారు. రాబోయే రోజుల్లో మరిన్ని బ్రాంచీలు ప్రారంభించే దిశగా షాపింగ్ మాల్ అభివృద్ధి చెందాలని ఆయన ఆకాంక్షించారు. 

13:01 - September 9, 2017

హైదరాబాద్ : నగరంలోని సుచిత్రలో చెన్నయ్ షాపింగ్ మాల్ ప్రారంభోత్సవం జరిగింది. హీరో అక్కినేని నాగచైతన్య, హీరోయిన్ కాజల్ అగర్వాల్ షాపింగ్ మాల్ ను ప్రారంభించారు. 9 వ చెన్నయ్ షాపింగ్ మాల్ ప్రారంభం అయింది.  
మరిన్ని వివరాలను వీడియలో చూద్దాం...

19:05 - September 8, 2017

ఈ మధ్య డిఫరెంట్ సినిమాలు చేస్తూ యుత్ లో తన ఫాలోయింగ్ పెంచుకుట్టున్న నాగచైతన్య యుద్ధం శరణమంటూ ఒక ఇంటెన్సీటి ఉన్న సినిమాతో ప్రేక్షకుల ముందుకు వచ్చాడు. యంగ్ టీం అంత కలిసి చేసిన ఈ సినిమా ఎలా ఉందో ఇప్పుడు చూద్దాం.....

ఈ సినిమా కథ విషయానికి వస్తే అమ్మ, నాన్న, అక్క, చెల్లితో కలిసి ఎలాంటి చింత లేని లైఫ్ గడుపుతుంటాడు అర్జున్. అప్పుడే అర్జున్ జీవితంలోకి అంజలి వస్తుంది. అప్పుడే అర్జున్ జీవితంలో చిన్న కుదుపు వస్తోంది..అదేంటో తెరపై చూడాల్సిందే...ఈ సినిమాకి టెన్ టివి 1.5 ఇచ్చింది. పూర్తి వివరాలకు వీడియో చూడండి.

12:09 - August 29, 2017

హైదరాబాద్: అక్టోబర్ 6 పెళ్లి తో నాగచైతన్య, సమంత ఒకటి కానున్నారు. తాజాగా తన కొడుకు చైతు పెళ్లి విషయం పై బర్త్ డే బాయ్ నాగార్జున ఫుల్ క్లారిటీ ఇచ్చాడు. అక్టోబర్ 6 న చైతు, సామ్ ల పెళ్లి .. గోవాలో అని ఖరారు చేశాడు. ఒకే రోజు హిందూ, క్రిస్టియన్ సంప్రదాయాల ప్రకారం పెళ్లి జరగనున్నదని చెప్పాడు.. పెళ్లి అనంతరం హైదరాబాద్ రిసెష్పన్ ఘనంగా ఉంటుంది అని చెప్పాడు.. పెళ్లి సింపుల్ గా చేసుకోవడం అనేది మాత్రం వారిద్దరి నిర్ణయం అని నాగ్ చెప్పారు..

13:38 - August 28, 2017

హీరో నాగ చైత‌న్య హీరోగా ప్రముఖ నిర్మాణ సంస్థ వారహి బ్యానర్ పై కృష్ణ ఆర్వి ముత్తు ద‌ర్శ‌క‌త్వంలో యుద్ధం శ‌ర‌ణం అనే చిత్రాన్ని చేస్తున్నాడు. ఈ మూవీ పోస్ట్ ప్రొడ‌క్ష‌న్ వ‌ర్క్ చివ‌రి ద‌శ‌కు చేరుకోగా మూవీ రిలీజ్ డేట్ ని సెప్టెంబ‌ర్ 8కి ఫిక్స్ చేశారు. ఇక ఈ చిత్రంలో లావణ్య త్రిపాఠి హీరోయిన్ గా నటిస్తుండగా సీనియర్ నటుడు శ్రీకాంత్ పూర్తి స్థాయి విలన్ గా కనిపించనున్నాడు. వారాహి చలన చిత్రం బ్యానర్ పై సాయి కొర్రపాటి నిర్మిస్తున్న నికేత్ బొమ్మి సినిమాటోగ్రఫీ చేస్తున్నారు ‘పెళ్లి చూపులు’ ఫేమ్ వివేక్ సాగర్ సంగీతం అందిస్తున్నాడు. ఇక‌.. ఈ మూవీ టీజ‌ర్ ను ఇదివ‌ర‌కే రిలీజ్ చేసిన మూవీ యూనిట్ తాజాగా మూవీ అఫీషియ‌ల్ ట్రైల‌ర్ ను రిలీజ్ చేసింది. 

10:58 - August 16, 2017

టాలీవుడ్ మన్మథుడు 'నాగ చైతన్య' జోరు పెంచేస్తున్నాడు. వరుసగా సినిమాలకు గ్రీన్ సిగ్నల్ ఇస్తూ దూసుకెళుతున్నాడు. ఆయన నటించిన 'రారండోయ్ వేడుక చూద్దాం' సినిమా విజయవంతం కావడంతో ఏ దర్శకుడి సినిమాలో నటిస్తారా అని అభిమానులు ఎదురు చూస్తున్నారు. వారాహి చలన చిత్రం పతాకంపై కృష్ణ ఆర్.వి.మారి దర్శకత్వంలో రజని కొర్రపాటి నిర్మిస్తున్న 'యుద్ధం శరణం గచ్చామి' చిత్రంలో చైతూ నటిస్తున్నాడు. 'లావణ్య త్రిపాఠి' హీరోయిన్ గా సీనియర్ నటి 'రేవతి' కీలక పాత్రలో శ్రీకాంత్ ప్ర‌తినాయ‌క పాత్రలు పోషిస్తున్నారు.

ఈ సినిమా రిలీజ్ కాకముందే మరో సినిమాలో 'నాగ చైతన్య' నటించబోతున్నాడు. దర్శకుడు చందూ మొండేటి దర్శకత్వంలో ఓ సినిమా రూపొందుతోంది. వీరి కాంబినేషన్ లో వచ్చిన 'ప్రేమమ్' ఘన విజయం సాధించిన సంగతి తెలిసిందే. ఈ సినిమాకి 'సవ్యసాచి' అనే టైటిల్ ను ఫిక్స్ చేశారు. చిత్ర టైటిల్ లోగోను రిలీజ్ చేశారు. రెండు బలమైన చేతులు పదునైన ఆయుధాలను ధరించివున్న పోస్టర్ ఆకట్టుకునేలా ఉంది. రెండు చేతులతో బాణాలు సమర్ధవంతంగా వేసే అర్జునుడిని.. 'సవ్వసాచి' అని పిలుస్తారు. చీకట్లో సైతం గురితప్పక బాణాన్ని సంధించే ఆయనకి 'సవ్యసాచి' అనే బిరుదు ఉంది. ఈ సినిమాలో కూడా ఏదో డిఫరెంట్ పాయింట్ డీల్ చేస్తున్నారని తెలుస్తోంది. ఇదేదో డిఫరెంట్ యాక్షన్ ఎంటర్టైనర్ సినిమా అని టాక్. 

10:55 - August 1, 2017

'మనం బతకాలంటే వాడికి ఎదురెళ్లాలి..ఇది ధైర్యం కాదు..తెగింపు'..అంటూ అక్కినేని నాగ చైతన్య గళం వినిపిస్తున్నాడు. ఆయన నటిస్తున్న తాజా చిత్రం 'యుద్ధం శరణం గచ్చామి' టీజర్ విడుదలైంది. మాస్ పాత్రలో నటిస్తున్న 'నాగ చైతన్య' ఈ సినిమాపై భారీ అంచనాలు నెలకొంటున్నాయి. ఆయన నటించిన 'ప్రేమమ్', 'రారండోయ్ వేడుక చూద్దాం' విజయాలతో చైతూ దూసుకెళుతున్నాడు.

వారాహి చలన చిత్రం పతాకంపై కృష్ణ ఆర్.వి.మారి దర్శకత్వంలో రజని కొర్రపాటి నిర్మిస్తున్న ఈ చిత్రంలో 'చైతూ' సరసన 'లావణ్య త్రిపాఠి' హీరోయిన్ గా నటిస్తోంది. సీనియర్ నటి 'రేవతి' కూడా కీలక పాత్రలో నటిస్తోంది. ఈ సినిమాలో శ్రీకాంత్ ప్ర‌తినాయ‌క పాత్ర పోషించాడు. 'యుద్ధం శరణం గచ్చామి' టైటిల్ ను ఫిక్స్ చేసి ఫస్ట్ లుక్ పోస్టర్..ఇటీవలే విడుదల చేశారు. తాజాగా సినిమాకు సంబంధించిన టీజర్ ను చిత్ర బృందం రిలీజ్ చేసింది.

ఈ టీజ‌ర్‌ను 'నాగ‌చైత‌న్య' త‌న ట్విట్ట‌ర్‌లో పోస్ట్ చేశాడు. నిమిషం పాటు ఉన్న ఈ టీజ‌ర్ సినిమాపై భారీ అంచ‌నాల‌ను రేకెత్తిస్తోంది. డ్రోన్లు త‌యారు చేసుకుంటూ జీవించే ఓ యువ‌కుడి క‌థ నేఫ‌థ్యంలో ఈ సినిమా సాగుతుందని తెలుస్తోంది. ఫుల్ లెంగ్త్ యాక్షన్ ఎంటర్ టైనర్ గా రూపొందినట్లు తెలుస్తోంది. ఆగస్టులో సినిమా రిలీజ్ చేసేందుకు చిత్ర యూనిట్ భావిస్తోంది. 

Pages

Don't Miss

Subscribe to RSS - naga chaitanya