nalgonda

10:49 - January 18, 2017

నల్లగొండ: దామరచర్ల మండలం రాళ్లవాగుతండా రోడ్డు ప్రమాదం జరిగింది. ఇన్నోవా వాహనం ఢీకొని ఇద్దరు మృతి చెందారు. మరో విద్యార్థిని తీవ్రంగా గాయపడింది. సాహితీ స్కూల్‌కు చెందిన విద్యార్థులు, ఉపాధ్యాయ బృందం... నెల్లూరు జిల్లా శ్రీహరికోటలో జరుగుతున్న విజ్ఞాన ప్రదర్శనకు సూర్యాపేట నుంచి ప్రత్యేక ఆర్టీసీ బస్సులో వెళ్తున్నారు. రాళ్లవాగు తండా వద్ద ఓ హోటల్‌లో భోజనం చేసి.. రోడ్డు దాటుతున్నారు. ఈ క్రమంలోనే రోడ్డు దాటుతున్న విద్యార్థులను ఇన్నోవా వాహనం ఢీకొట్టింది. ఈ ఘటనలో విద్యార్థినీ ప్రాణేశ్వరి, కరస్పాండెంట్‌ శాంతి ప్రాణాలు కోల్పోయారు. 10వ తరగతి చదువుతున్న మరో విద్యార్థిని ప్రియాంకకు తీవ్ర గాయాలు అయ్యాయి. ప్రస్తుతం ప్రియాంక ఆస్పత్రిలో చికిత్స పొందుతోంది.

17:56 - January 14, 2017

తెలంగాణ ప్రీమియర్ కబడ్డీ లీగ్ కు కౌంట్ డౌన్ ప్రారంభమైంది. జనవరి 21 నుండి ఫిబ్రవరి 7వరకు టోర్నీ జరగనుంది. ఎనిమిది జట్ల మధ్య కబడ్డీ వార్ జరగనుంది. లీగ్ కు తెలంగాణ కబడ్డీ అసోసియేషన్ కు ఆమోదం తెలిపింది. వరంగల్, కరీంనగర్ వేదికగా లీగ్ పోటీలు జరగనున్నాయి. ఈ సందర్భంగా తెలంగాణ కబడ్డీ అసోసియేషన్ ప్రధాన కార్యదర్శి కే.జగదీశ్వర్ తో టెన్ టివి ప్రత్యేక చర్చ చేపట్టింది. ఆయన ఎలాంటి అభిప్రాయాలు తెలియచేశారో వీడియో క్లిక్ చేయండి.

14:49 - January 12, 2017

నల్గొండ : మరో అవినీతి చేపను పట్టేశారు ఏసీబీ అధికారులు... నల్లగొండలో లక్ష రూపాయలు లంచం తీసుకుంటూ విజిలెన్స్, ఎన్‌ఫోర్స్‌మెంట్‌ ఎస్పీ భాస్కర్‌ రావు ఏసీబీ కి చిక్కాడు.. ఆదాయానికిమించి ఆస్తులున్నాయన్న ఆరోపణలతో నల్లగొండ, హైదరాబాద్‌లోని భాస్కర్‌ రావు ఇళ్లలో అధికారులు సోదాలు చేస్తున్నారు..

16:07 - January 11, 2017

నల్లగొండ : జిల్లాలో దారుణం జరిగింది. నందకుమార్‌ అనే వ్యక్తి ఆరుగురు చిన్నారులపై అత్యాచారానికి పాల్పడ్డాడు. రెండు నెలలుగా చిన్నారులపై అత్యాచారానికి పాల్పిడినట్లు తెలుస్తోంది. ఈ విషయం గుర్తించిన టీచర్లు.. విద్యార్థినుల తల్లిదండ్రులకు చెప్పడంతో.. వారు నందకుమార్‌ను చితకబాదారు. పోలీసులు కేసు దర్యాప్తు చేస్తున్నారు. బాధిత విద్యార్థినులు గిరకబావిగూడెం సుందరయ్య కాలనీలోని ప్రాథమిక పాఠశాలలో చదువుతున్నారు.

14:54 - January 11, 2017

జగిత్యాల : కొడిమ్యాలలో రోడ్డు ప్రమాదం జరిగింది. నల్లగొండ గుట్ట వద్ద బైక్‌ను ఎదురుగా వస్తున్న లారీ వేగంగా ఢీకొట్టింది. దీంతో బైక్‌పై ఉన్న ముగ్గురు అక్కడిక్కడే మృతిచెందారు. లారీ డ్రైవర్ పరారీలో ఉన్నాడు. మృతులు కొడిమ్యాల మండలం తిప్పాయిపల్లికి చెందిన వారుగా గుర్తించారు. భూమి రిజస్ట్రేషన్ నిమిత్తం వేములవాడ వెళ్తుండగా ఈ ప్రమాదం చోటుచేసుకుంది. పోలీసులు కేసు నమోదుచేసుకుని దర్యాప్తు చేస్తున్నారు.

 

09:58 - January 7, 2017

నల్లగొండ : నల్లగొండ జిల్లాను మంచుదుప్పటి కప్పివేసింది. జిల్లాలోని పలుప్రాంతాల్లో తీవ్రమైన మంచు ప్రభావం కనిపిస్తోంది. కనీసం 50 మీటర్ల దూరంలో ఏం జరుగుతుందో కూడా కనపడకుండా మంచు కప్పివేసింది. దీంతో వాహనదారులు, ప్రజలు, తీవ్రమైన ఇబ్బందులు పడుతున్నారు. 9 గంటలకు లైట్లు వేసుకొని నెమ్మదిగా వెళ్లాల్సిన పరిస్థితి నెలకొంది. మరో వైపు రైళ్ల రాకపోకలపై మంచు ప్రభావం పడింది. నల్లగొండ రైల్వే స్టేషన్ లో హౌరా నుంచి వస్తున్న ఫలక్ నామా ఎక్స్ ప్రెస్ రైల్ ను అరగంట పాటు నిలిపివేశారు. జిల్లాలో మంచు ప్రభావంపై మరింత సమాచారం కోసం వీడియో చూడండి..

07:06 - January 6, 2017

నల్లగొండ : రాష్ట్ర ప్రభుత్వ జారీ చేసిన 123 వ నెంబర్‌ GOతో భూసేకరణ చేపట్టొదని ఉమ్మడి హైకోర్టు ఆదేశించడం పట్ల తెలంగాణ జేఏస ఈ చైర్మన్‌ కోదండరామ్‌ హర్షం వ్యక్తం చేశారు. తెలంగాణ ప్రభుత్వానికి ఇది చెంపపెట్టు అని వ్యాఖ్యానించారు. నల్గొండ టౌన్‌ హాల్లో జరిగిన ఆట, పాట కార్యక్రమంలో పాల్గొన్న కోదండరామ్‌ హైకోర్టు ఆదేశాలపై స్పందించారు. ప్రజా సంక్షేమాన్ని చూడాల్సిన ప్రభుత్వ వ్యాపార సంస్థగా మారకూడదని సూచించారు. 

123 జీవో ద్వారా భూసేకరణ చేయరాదు : హైకోర్టు
తెలంగాణ సర్కార్‌కు హైకోర్టు మరో షాక్‌ ఇచ్చింది. ప్రాజెక్టుల కోసం ఎట్టిపరిస్థితుల్లోనూ 123 జీవో ద్వారా భూసేకరణ చేయరాదని స్పష్టం చేసింది. హైకోర్టు వెలువరించిన 78 పేజీల సుదీర్ఘ మధ్యంతర ఉత్తర్వులు.. తెలంగాణ సర్కారును పునరాలోచనలో పడేలా చేశాయి. తాజా పరిణామాల దృష్ట్యా తెలంగాణలో ప్రాజెక్టుల నిర్మాణం మరింత ఆలస్యం అయ్యేలా ఉంది.

18:59 - January 5, 2017

నల్లగొండ : జిల్లా 10టీవీ ప్రతినిధి చంద్రశేఖర్‌కు ఉత్తమ జర్నలిస్టు పురస్కారం లభించింది. పోలీసు అమరవీరుల దినోత్సవం సందర్భంగా నిర్వహించిన పోటీల్లో చంద్రశేఖర్‌ ఈ అవార్డుకు ఎంపికయ్యారు. చంద్రశేఖర్‌కు డీఐజీ కల్పనా నాయక్‌ అవార్డును అందజేశారు. ఈ అవార్డు కింద ప్రశంసాపత్రంతో పాటు.. నగదు పురస్కారాన్ని అందజేశారు. 

 

09:18 - January 3, 2017

నల్గొండ : జిల్లాలో ఘోర రోడ్డు ప్రమాదం చోటు చేసుకుంది. బోల్తా పడిన ట్రాక్టర్ వద్ద సహాయక చర్యలు చేస్తున్న వారిపైకి లారీ దూసుకెళ్లింది. ఈఘటనలో ఇద్దరు పోలీసులు, మరో ఇద్దరు మృతి చెందారు. నాగార్జునసాగర్ దయ్యాల గండి వద్ద ఈ ఘటన చోటు చేసుకుంది. సోమవారం రాత్రి గడ్డి లోడుతో వెళుతున్న ట్రాక్టర్ బోల్తా కొట్టింది. సమాచారం అందుకున్న పోలీసులు సహాయక చర్యలు చేపట్టారు. ఆ సమయంలో వేగంగా దూసుకొచ్చిన లారీ సహాయక చర్యలు చేస్తున్న వారిపైకి దూసుకెళ్లింది. దీనితో ఇద్దరు పోలీసులతో సహా మరో ఇద్దరు అక్కడికక్కడనే మృతి చెందారు. గాయాలైన పది మందిని ఆసుపత్రికి తరలించి చికిత్స అందిస్తున్నారు. మృతుల్లో ఒక కానిస్టేబుల్, ఒక హోం గార్డులున్నారు.విషయం తెలుసుకున్న ఎస్పీ ప్రకాష్ రెడ్డి పరిశీలీఇంచారు.

17:41 - December 27, 2016

నల్లగొండ : హాలియాలో విషాదం చోటుచేసకుంది. నాగార్జున సాగర్ ఎడమ కాలువలో ఈతకు వెళ్లిన ఇద్దరు యువకులు గల్లంతయ్యారు. క్రిస్మస్ పండుగ సెలవులకి ఇంటికి వచ్చిన ముగ్గురు యువకులు...కాలువలో దూకారు. అయితే వీరికి ఈత రాకపోవడంతో ఇద్దరు గల్లంతవగా..ఒకరు ప్రాణాలతో బయటపడ్డారు. గల్లంతైన వారికోసం పోలీసులు గాలింపు చర్యలు చేపట్టారు.

Pages

Don't Miss

Subscribe to RSS - nalgonda