nda government

18:36 - February 23, 2018
18:26 - February 23, 2018
18:16 - February 23, 2018

విజయవాడ : విభజన హామీలు..ప్రత్యేక హోదా...కేంద్ర హామీలపై రాజీలేని పోరాటం చేస్తామని ఏపీ సీఎం చంద్రబాబు నాయుడు మరోసారి స్పష్టం చేశారు. కానీ పోరాటం ఒక్కటే కాకుండా అభివృద్ధిపైన కూడా దృష్టి సారించామన్నారు. గత కొన్ని రోజులుగా కేంద్రం..ఏపీ ప్రభుత్వం మధ్య కోల్డ్ వార్ జరుగుతున్న సంగతి తెలిసిందే. టిడిపి..బిజెపి నేతల మధ్య విమర్శలు తారాస్థాయికి చేరుకుంటున్నాయి.

ఈ నేపథ్యంలో ఏపీ సీఎం చంద్రబాబు నాయుడు కూడా కేంద్రంపై ఒకింత ఆగ్రహంగానే మాట్లాడుతున్నారు. ఇచ్చిన హామీలు అమలచేయాల్సిందేనంటూ పలు సభలలో వ్యాఖ్యానిస్తున్నారు. శుక్రవారం నాడు జరిగిన ఓ కార్యక్రమంలో బాబు మాట్లాడుతూ...ప్రత్యేక హోదా..ఇచ్చిన హామీలు..విభజన హామీలు పొందడం ఏపీ హక్కు అని..ఇవన్నీ ఇవ్వడం కేంద్రం బాధ్యత అన్నారు. ఎన్నోమార్లు ఈ విషయంలో అడగడం జరిగిందని స్పందన లేనందు వల్లే గట్టిగానే అడుగుతున్నట్లు తెలిపారు. పోరాటం వరకు పరిమితమైతే నష్టపోతామని..అందుకే మరో కోణంలో అభివృద్ధి విషయంపై దృష్టి సారించడం జరుగుతోందన్నారు. 

07:29 - February 22, 2018

ముంబై : 7 బ్యాంకులకు 3 వేల 7 వందల కోట్లకు మోసం చేసిన కేసులో రోటోమాక్ ఓనర్ విక్రమ్ కొఠారీ, ఆయన కుమారుడు రాహుల్‌ కొఠారిని సీబీఐ ఢిల్లీ ప్రధాన కార్యాలయానికి తీసుకొచ్చింది. వీరిద్దరిని సిబిఐ ప్రశ్నిస్తోంది. మరోవైపు విక్రమ్‌ కొఠారీ కుటుంబం దేశం విడిచి పారిపోకుండా ఈడీ ప్రత్యేక చర్యలు చేపట్టింది. బ్యాంకుల నుంచి తీసుకున్న రుణాలను కంపెనీ పనులకు కాకుండా తమ స్వంత పనులకు వాడుకున్నారని విక్రమ్‌ కొఠారీపై ఆరోపణలు ఉన్నాయి. గత రెండు రోజులుగా కాన్పూర్‌లోని ఆయన నివాసాలు, కార్యాలయాలపై సిబిఐ దాడులు చేసింది. ఈ కేసులో విక్రమ్‌ కొఠారీ, ఆయన భార్య సాధన, కుమారుడు రాహుల్‌తో పాటు రోటోమాక్ గ్లోబల్ ప్రైవేటు సంస్థ డైరక్టర్లను కూడా అధికారులు విచారించారు. ఆదాయపు పన్నుశాఖ రోటోమాక్‌ సంస్థకు చెందిన బ్యాంకు ఖాతాలను స్తంభింపజేసింది.

13:55 - February 21, 2018

కృష్ణా : విజయవాడలో కేంద్ర, రాష్ట్ర ప్రభుత్వాలు ప్రతిష్టాత్మకంగా చేపట్టిన బెంజ్‌ సర్కిల్‌ ఫ్లైఓవర్‌ పనులు తర్జనభర్జనల మధ్యే కొనసాగుతున్నాయి. ఫ్లైఓవర్‌ను పొడిగించాలన్న రాష్ట్ర ప్రభుత్వ ప్రతిపాదనలకు కేంద్రం అంగీకరించలేదు. రెండు దఫాలుగా వంతెనను పొడిగించంతో మరోసారి పొడిగింపు వీలుపడదని తేల్చి చెప్పింది.  తప్పని పరిస్థితిలో ఫ్లైఓవర్‌ను పొడిగించాలనుకుంటే రాష్ట్ర ప్రభుత్వమే సొంత నిధులతో నిర్మించుకోవచ్చని స్పష్టం చేసింది.

రెండో వరుసకు గ్రీన్‌సిగ్నల్‌
ఫ్లైఓవర్‌ నిర్మాణంలో రెండో వరుసకు సంబంధించి ఎన్‌హెచ్‌ అధికారులు 110 కోట్లతో సిద్దం చేసిన డీపీఆర్‌కు కేంద్రం గ్రీన్‌సిగ్నల్‌ ఇచ్చింది. బెంజ్‌ సర్కిల్‌ నుంచి రమేష్‌ ఆస్పత్రి వరకు తూర్పువైపున 1.47 కిలోమీటర్ల మేర మూడు వరుసల ఫ్లైఓవర్‌ నిర్మాణం జరుగుతోంది. విజయవాడ - మచిలీపట్నం జాతీయ రహదారి విస్తరణ పనుల్లో భాగంగా ఈ నిర్మాణం జరుగుతోంది. రమేష్‌ ఆస్పత్రి నుంచి నిడమనూరు వరకు 4కిలోమీటర్ల మేర  ఫ్లైఓవర్‌ నిర్మించాల్సి ఉంది. 1.47 కిలోమీటర్లకు మూడు వరుసల్లో ఒకవైపు నిర్మించడానికి 110 కోట్ల రూపాయల వ్యయం అవుతోంది. రామవరప్పాడు సెంటర్‌ నుంచి నిడమనూరు వరకు వివిధ దుకాణాలు ఉన్నాయి. వీటిని తొలగించి రోడ్డ విస్తరించాలంటే భూ సేకరణకు మరో 500 కోట్లు వ్యయం అవుతుందని అధికారులు అంచనా. ఫ్లైఓవర్‌ ఏర్పాటుకు రాష్ట్ర ప్రభుత్వం వెయ్యికోట్ల ఖర్చు భరించాలి. సీఎం చంద్రబాబు స్వయంగా ప్రకటించిన ప్రాజెక్ట్‌కు రాష్ట్ర బడ్జెట్‌లో ఇంత భారీ మొత్తంలో నిధులు కేటాయింపులు జరుపుతారా లేదా అనేది ఆసక్తికా మారింది.

ట్రాఫిక్‌ చక్రబంధంలో ప్రయాణీకులు
ఫ్లైఓవర్‌ పనులు ఊపందుకోవడంతో ట్రాఫిక్‌ చక్రబంధంలో ప్రయాణీకులు నరకం చవిచూస్తున్నారు. దీంతో పైవంతెనను పొడిగించాలని సీఎం చంద్రబాబు స్వయంగా ఆదేశించారు. విజయవాడలో గత మూడేళ్ల కాలంలో వాహనాల సంఖ్య అమాంతం పెరిగింది. ఇంకోవైపు  విజయవాడకు వివిధ జిల్లాల నుంచి వాహనాల తాకిడి కూడా అధికంగా ఉంది. ఈ వాహనాలన్నీ కూడా బెంజ్‌ సర్కిల్‌ దగ్గరే కలవాల్సి ఉంది. దీంతో భారీ సంఖ్యలో చేరుకుంటున్న వాహనాలతో నిత్యం వాహనదారులు ట్రాఫిక్‌ పద్మవ్యూహంలో చిక్కుకుంటున్నారు.  త్వరితగతిన ఫ్లైఓవర్‌ నిర్మాణం పూర్తి చేసి  అందుబాటులోకి తేవాలని ప్రజలు కోరుతున్నారు.

08:19 - February 21, 2018

తూర్పుగోదావరి : కేంద్ర ప్రభుత్వానికి వ్యతిరేకంగా వైసీపీ ప్రవేశపెట్టే అవిశ్వాస తీర్మానికి టీడీపీ మద్దతు ఇవ్వాలని మాజీ ఎంపీ ఉండవల్లి అరుణ్‌కుమార్‌ కోరారు. ఈ అంశంపై జనసేన అధినేత పవన్‌ కల్యాణ్‌ విసిరిన సవాల్‌పై జగన్‌ సానుకూలంగా స్పందించడం మంచి పరిణామన్నారు. అవిశ్వాసంపై చంద్రబాబు కాలయాపన చేయడం సరికాదన్నారు. 

07:19 - February 21, 2018

ప్రధానంగా ఆర్టీసీ కార్మికులు ఐదు డిమాండ్లు చేస్తున్నామని, ప్రభుత్వం టీఎస్ ఆర్టీసీని దేశంలోనే నెం.1 నిలబెడతామని చెప్పి ఆ దిశగా చర్యలు తీసుకోవడం లేదని, ప్రభుత్వం రూ.500కోట్లు ప్రకటించారని వాటిని ఇంతవరకు విడుదల చేయాలేదని, అంతేకాకుండా పే స్కేలు కూడా పెంచాలని సీఐటీయూ నాయకులు వీఎస్ రావు అన్నారు. పూర్తి వివరాలకు వీడియో క్లిక్ చేయండి. 

12:32 - February 19, 2018

పశ్చిమగోదావరి : రాష్ట్రంలో 28 ప్రాజెక్టులను జూన్ నాటికల్లా పూర్తి చేస్తామని సీఎం చంద్రబాబు నాయుడు పేర్కొన్నారు. జిల్లాలో పోగొండి ప్రాజెక్టు ప్రారంభించి జాతికి అంకితం చేశారు. ఈ సందర్భంగా ఆయన మీడియాతో మాట్లాడారు. పోలవరం ప్రాజెక్టు నిర్మాణం 2019కల్లా పూర్తి చేస్తామన్నారు. వంశధార నుండి పెన్నా వరకు నదుల అనుంసధానానికి శ్రీకారం చుడుతామని, పట్టిసీమ పూర్తి చేయడం జరిగిందన్నారు. భవిష్యత్ లో మహాసంగమానినికి శ్రీకారం చుట్టినట్లైవుతుందన్నారు. 116 రోజులు జల సంరక్షణ ఉద్యమం చేపట్టడం జరిగిందని, సాగునీటి సంఘాలు భాగస్వాములు కావాలని...చివరి భూముల వరకు నీళ్లు వెళ్లాలని సూచించారు. రాష్ట్రంలో 46వేల చెరువుల్లో పూడికతీత పనులు చేపట్టాలని, గొలుసు కట్టు చెరువులుగా తయారు చేసేందుకు చర్యలు తీసుకున్నట్లు తెలిపారు. 14వేల చెక్ డ్యామ్ లు నిర్మించడానికి ప్రయత్నాలు జరుగుతున్నాయని, ఉన్న చెక్ డ్యామ్ లకు మరమ్మత్తులు చేపడుతున్నట్లు తెలిపారు.

07:04 - February 19, 2018

పశ్చిమగోదావరి : ఆంధ్రప్రదేశ్‌ ముఖ్యమంత్రి నారా చంద్రబాబునాయుడు ఇవాళ పశ్చిమ గోదావరి జిల్లాలో పర్యటించనున్నారు. బుట్టాయగూడెం మండలం చింతలగూడెంలో నిర్మించిన పోగొండ ప్రాజెక్టును జాతికి అంకితం చేయనున్నారు. బైనేరు నదిపై 129 కోట్ల రూపాయల వ్యయంతో పోగొండ ప్రాజెక్టును నిర్మించారు. ఈ ప్రాజెక్టును చంద్రబాబు ప్రారంభించి ఇవాళ జాతికి అంకితం చేయనున్నారు. రాష్ట్ర వ్యాప్తంగా 28 ప్రాజెక్ట్‌లను జాతికి అంకితం చేసే కార్యక్రమంలో భాగంగా ఇవాళ పోగొండ ప్రాజెక్టును చంద్రబాబు ప్రారంభిస్తారు.

ఈ ఉదయం 9.50 నిమిషాలకు ఏపీ సీఎం చంద్రబాబు చింతలగూడెం చేరుకుంటారు. అక్కడి నుంచి ప్రాజెక్ట్‌ దగ్గరికి వెళ్తారు. సరిగ్గా 10 గంటలకు ప్రాజెక్ట్‌ను జాతికి అంకితం చేస్తారు. అనంతరం 10.15కు హెలికాప్టర్‌లో బయలుదేరి పోలవరం వెళ్తారు. 0.218 టీఎంసీల నీటి నిల్వ సామర్థ్యంతో ఈ ప్రాజెక్టును నిర్మించారు. ఈ నీటి ద్వారా బుట్టాయగూడెం మండలంలోని 15 గ్రామాలకు చెందిన 4వేల ఎకరాల భూమి సాగులోకిరానుంది. కొయ్యలగూడెం మండలంలోని బందకట్టు ఆనకట్ట కింద చెరువుల ద్వారా సాగవుతున్న 3652 ఎకరాలకు సాగునీటి ఆయకట్టు స్థిరీకరణ జరిగిన ఏడాదికి... పదికోట్ల ఆదాయం ఈ ప్రాజెక్ట్‌ ద్వారా సమకూరుతుంది. పోగొండ ప్రాజెక్ట్‌ నీటితో వరి, మొక్కజొన్న, పొగాకు, పత్తి, అపరాలు పండుతాయి. అంతేకాదు.. భూగర్భ జల మట్టాలు పెరుగుతాయి. పూర్తిగా ఏజెన్సీ మండలంలో ఉన్న ఈ ప్రాజెక్ట్‌తో ఆ ప్రాంతం అభివృద్ధి చెందనుంది. ప్రజల జీవన ప్రమాణాలు పెరుగుతాయి. చుట్టూరా పచ్చని అడవి, ఎత్తైన కొండలు, సహజసిద్దమైన ప్రకృతి అందాల మధ్య నిర్మించిన పోగొండ రిజర్వాయర్‌ ప్రాంతం.. భవిష్యత్‌లో పర్యాటక ప్రాంతంగా అభివృద్ధి చెందడానికి అవకాశాలు పుష్కలంగా ఉన్నాయి. సీఎం చంద్రబాబు పర్యటన నేపథ్యంలో జిల్లా యంత్రాంగం అన్ని ఏర్పాట్లు చేసింది. పోలీసులను భారీగా మోహరించారు. పటిష్ట బందోబస్తు చర్యలు తీసుకున్నారు.

21:26 - February 18, 2018

ప్రకాశం : ప్రత్యేక హోదా కోసం చిత్తశుద్ధి ఉంటే కేంద్ర ప్రభుత్వంపై అవిశ్వాస తీర్మానం ప్రవేశపెట్టాలన్న జనసేన అధినేత పవన్‌ కల్యాణ్‌ సవాల్‌పై వైసీపీ అధ్యక్షుడు జగన్‌ సానుకూలంగా స్పందించారు. ప్రకాశం జిల్లా కందుకూరు ప్రజా సంకల్ప యాత్ర సభలో అవిశ్వాసానికి సిద్ధమన్నారు. టీడీపీ అవిశ్వాసం పెట్టినా మద్దతు ఇస్తామన్నారు. చంద్రబాబును ఒప్పించాలని పవన్‌ను జగన్‌ కోరారు. పార్లమెంటు సమావేశాలు ముగిసేలోగా కేంద్ర ప్రభుత్వం ఏపీకి ప్రత్యేక హోదా ఇవ్వకపోతే ఏప్రిల్‌ 6న వైసీపీ ఎంపీలు రాజీనాలు చేస్తారని చెప్పిన జగన్‌.. ఇందుకు టీడీపీ కూడా సిద్ధంగా ఉందా.. అని ప్రశ్నించారు. ఏపీకి కేంద్రం ఇచ్చింది ఎంత.. రాష్ట్రం తీసుకున్నదెంత అనే అంశంపై నిజానిజాలను నిగ్గు తేల్చే ఉద్దేశంలో పవన్‌ కల్యాణ్‌ ఏర్పాటు చేసిన సంయుక్త నిజనిర్ధారణ కమిటీ కోడిగుడ్డుపై ఈకలు పీకే చందంగా ఉందని జగన్‌ వ్యాఖ్యానించారుప్రత్యేక హోదా ఇస్తేనే ఏపీ అభివృద్ధి చెందుతుందన్న వాస్తవాన్ని అందరూ గ్రహించాలని జగన్‌ కోరారు. 

Pages

Don't Miss

Subscribe to RSS - nda government