Nedevidudala

20:20 - April 27, 2018

దేనికైనా రెడీ నుంచి సక్సెస్ ఫుల్ కామెడీ కాంబినేషన్ గా ముద్ర పడిన మంచు విష్ను , జి.నాగేశ్వరరెడ్డి కలిసి అందించిన కామెడీ సినిమా..ఆచారి అమెరికా యాత్ర. షూటింగ్ షెడ్యూల్స్ లాగా ఇప్పటికే పలుమార్లు వాయిదా పడ్డ ఈ సినిమా ఎట్టకేలకు దిల్ రాజు బ్యాకప్ తో అతి కష్టం మీద థియేటర్లోకి వచ్చింది. ఇంతకాలంగా నవ్వులవిందు అంటూ ఊరిస్తూ వస్తున్న ఆచారి తన అమెరికా యాత్రలో జనాలకు ఎలాంటి నవ్వులు పంచాడు..? ఎలాంటి ఫలితం అందుకున్నాడు ఇప్పుడు చూద్దాం.

కథ విషయానికొస్తే..అనాధ అయిన కృష్ణమాచారి ..అప్పలాచారి అతని శిష్యులతో కలిసి పెరుగుతాడు. అయితే..వేలకోట్ల ఆస్తి పరుడైన కోటా శ్రీనివాసరావు ఇంట్లో యగ్నం జరిపించడానికి వెళ్లి..అతని మనవరాలైన రేణుక ప్రేమలో పడతాడు. ఆమె కూడా కృష్ణమాచారిని ప్రేమిస్తుంది. కానీ ఆ విషయం చెప్పకుండా.. తనకు ఇష్టంలేని బావను పెళ్లి చేసుకునేందుకు అమెరికా వెళ్లిపోతుంది రేణుక. దాంతో కృష్ణమాచారి తను ప్రేమించిన రేణుక కోసం అమెరికా ఎలా వెళ్లాడు...? ఇష్టంలేని పెళ్లిని రేణుక ఎందుకు ఒప్పుకుంది..? ఆ పెళ్లిని చెడగొట్టి..కృష్ణమాచారి..ఆమెను ఇండియాకు ఎలా తీసుకొచ్చాడు అనేది మిగతా కధ.

నటీనటుల విషయానికొస్తే..కృష్ణమాచారిగా మంచు విష్ను ఎప్పటిలానే తనకు తోచినట్లుగా చేసుకుపోయాడు. పర్ఫామెన్స్ పరంగా జస్ట్ ఓకే..అనిపించినా..లుక్స్ పరంగా కాస్త్ బెటర్ మెంట్ చూపించాడు. అతని స్టైలింగ్ బావుంది. కంచె తర్వాత మరో హిట్ కోసం ఎదురుచూస్తున్ ప్రగ్యా జైస్వాల్ రేణుకగా బాగా సెట్ అయ్యింది. తన అందాల ప్రదర్శన తో ఆడియన్స్ ని కనువిందు చేసింది. ఆమె గ్లామర్ సినిమాకు ఎడ్వాంటేజ్ అని చెప్పుకోవచ్చు. కమెడియన్ పృధ్వి చాలా కాలం తర్వాత తన పాత్రతో కాసేపు నవ్వించగలిగాడు. ఇక నవ్వుల డాక్టర్ గా పేరున్న బ్రహ్యానందం..అప్పలాచారి పాత్రకు తనవంతు న్యాయం చేసినా..సరైన సీన్స్,, పేలే డైలాగ్స్ లేకపోవడంతో..ఆపాత్ర పూర్తిగా తేలిపోయింది. ఇక ప్రభాస్ శ్రీను, ప్రవీణ్, పోసాని కృష్ణమురళి, విద్యుల్లేఖ వంటి మంచి టైమింగ్ ఉన్న కమెడియన్స్..ఈ సినిమాలో ఉన్నప్పటికీ.. ఇంపాక్ట్ ఫుల్ కామెడీ పండించడంలో విఫలమయ్యారు. ప్రదీప్ రావత్, కోటా శ్రీనివాసరావు, ఠాకూర్ అనూప్ సింగ్, స్క్రీన్ ప్రజెన్స్..సినిమాకు రిచ్ లుక్ ఇచ్చింది. మిగతా నటీనటులందరూ తమ పాత్రల పరిధి మేరకు ఓకే అనిపించారు.

టెక్నీషియన్స్ విషయానికొస్తే..దేనికైనా రెడీ, సీమశాస్త్రి, ఆడోరకం..ఈడోరకం లాంటి హిలేరియస్ హిట్స్ అందించిన జి.నాగేశ్వరరెడ్డి..ఈ మధ్య ట్రాక్ తప్పాడు. కనీసం ఈ సినిమా తో అయినా..ఫామ్ లోకి వస్తాడనుకుంటే.. అవుట్ డేటెడ్ కామెడీని నవ్వించడానికి ట్రై చేశాడు. కామెడీ ఆర్టిస్టులుకనిపించారు కానీ..వాళ్ల రేంజ్ కి తగ్గ కామెడీ పండలేదు. కామెడీ సినిమాగా వచ్చిన దీంట్లో .. నవ్వు తెప్పించగలిగిన సీన్స్..వేళ్ల మీద లెక్కబెట్టుకునేలా దీన్ని తీర్చిదిద్దాడు దర్శకుడు. ఇక మల్లాది వెంకటకృష:ణమూర్తి అందించిన కథ కూడా పాత వాసనలతో అస్తవ్యస్తంగా ఉంది. డార్లింగ్ స్వామి మాటలు చాలా నాసిరకంగా ఉన్నాయి. ఉన్నంతలో మ్యూజిక్ డైరెక్టర్ తమన్ , సినిమాటోగ్రాఫర్ సిద్దార్డ్ రామస్వామి తమ అవుట్ పుట్ తో మెప్పించగలిగారు. నిర్మాణ విలువలు ఎక్కడా పేరుపెట్టడానికి లేకుండా చాల రిచ్ గా ఉన్నాయి. అమెరికా అనేక లొకేషన్స్..ఈ సినిమాలో ఫస్ట్ టైమ్ కనిపించాయి.

ఓవరాల్ గా చెప్పాలంటే.. నవ్వుల యాత్ర అనే ట్యాగ్ లైన్ తో సమ్మర్ లో ఖచ్చింతంగా రిఫ్రెషింగ్ కామెడీ అందిస్తుందనుకున్న ఆఛారి అమెరికా యాత్ర అంతంత మాత్రంగానే ఉ:ది. ఎ,బి,సి..ఇలా ఏ ఒక్క సెంటర్లో కూడా విజయయాత్ర కొనసాగించే లక్షణాలు లేని ఆఛారి ఈసినిమాను ఎంతవరకూ ఒడ్డుకు చేరుస్తాడో వేచి చూడాల్సిందే.

ప్లస్ లు..

ప్రగ్యా గ్లామర్

నిర్మాణవిలువలు

ఫారిన్ లొకేషన్స్

సినిమాటోగ్రఫీ

…..................

మైనస్

కథ, కథనం

మాటలు, దర్శకత్వం

పేలని కామెడీ

వర్కవుట్ కాని సెంటిమెంట్

 

21:50 - February 17, 2017

రానా దగ్గుబాటి ప్రధాన పాత్రలో నటించిన సంకల్ప్ రెడ్డి డైరెక్ట్ చేసిన ఘాజీ సినిమా ఇవాళా విడుదలైంది. ఈ చిత్రాన్ని మ్యాట్ని ఎంటర్ టైన్ మెంట్ మరియు పీవీపీ సంస్థలు నిర్మించాయి. ఈ చిత్రానికి సంబంధించిన పూర్తి వివరాలను వీడియోలో చూద్దాం....

 

Don't Miss

Subscribe to RSS - Nedevidudala