Nitin

09:14 - August 13, 2017

సినిమా : రిసెంట్ గా విడుదలై సినిమాల్లో ఒకటైన లై క్రమక్రమంగా జోరు పెంచుతుంది. రానా శ్రీనివాస్ వారి వారి స్థాయిలో వారు కలెక్షన్స్ రాబడుతుంటే నితిన్ మూవీ లై లై సినిమా కాస్త వెనుకబడింది. మొదటి రోజు మాత్రం కలక్షన్ల పరంగా నేనే రాజు నేనే మంత్రి హవా కనిపించి. దీనికి కారణం ప్రమోషన్లు తక్కువగా చేయడమే అయ్యుండొచ్చు. 

అత్యంత భారీ బడ్జెట్
నితిన్ కెరీర్ లోనే అత్యంత భారీ బడ్జెట్ తో తెరకెక్కిన "లై" సినిమా ప్రేక్షకులను చాలా అకట్టుకుంటోందని ఈ సినిమాలో అర్జున్ నటన మరియు నితిన్ హీరోయిజం మేజర్ ప్లస్ పాయింట్. యాక్షన్ సీన్స్ తో పాటు హీరో హీరియిన్స్ సాగే ప్రేమ కథతో పాటు హీరో మరియు అర్జున్ కి మధ్య వచ్చే సన్నివేశాలు దర్శకుడు బాగా తెరకెక్కించాడు. సినిమాలో కాస్ట్ లీ విజువల్స్- ట్విస్ట్- స్క్రీన్ ప్లే లో కొత్తదనం ఉండడం వల్ల ఎ సెంటర్ ప్రేక్షకులను బాగానే ఆకట్టుకుంటోంది. ప్రాబ్లమ్ అంతా బి-సి సెంటర్లతోనే. విషయం ఏంటంటే.. సినిమాకు శనివారం హైదరాబాద్ వంటి నగరాల్లో ఆక్యుపెన్సీ రేట్ ఉన్నట్లుండి పెరిగింది. శుక్రవారం ఓపెనింగ్స్ తక్కువొచ్చాయ్ కాని.. శనివారం మాత్రం మౌత్ టాక్ బాగుండటంతో ఆటోమ్యాటిక్ గా ఊపందుకుంది. మరి బి-సె సెంటర్లలో పరిస్థితి ఏంటనేది రెండో రోజు కలక్షన్ల గ్రాఫ్ చూస్తేకాని తెలియదులే.

వీకెండ్ లో 'లై' హవా
అసలే ఇండిపెండన్స్ డే వీకెండ్ కాబట్టి.. పాజిటివ్ టాక్ కాస్త వచ్చినా కూడా సినిమాకు ఈ నాలుగు రోజులు హౌస్ ఫుల్ కలక్షన్లే ఉంటాయి. ఆ విధంగా చూసుకుంటే.. నిధానంగా స్టార్ట్ అయిన 'లై' సినిమా నెమ్మదిగా ప్రభావం చూపించే ఛాన్సుంది. కాకపోతే సినిమాను భారీ బడ్జెట్ ను వసూలు చేయాలి కాబట్టి.. ఈ ప్రభావం ఎంత గట్టిగా చూపిస్తే అంతవర్కవుట్ అవుతుంది.

19:38 - August 11, 2017

ఈ రోజు విడుదలైన్ మరో మూవీ లై అనురాఘవపూడి దర్శకత్వంలో వచ్చిన స్టైలిష్ ఎంటటైనర్ ఈ లై మూవీ. నితిన్ మేఘ ఆకాశ్ జంటగా నటించిన ఈ సినిమాలో యాక్షన్ అర్జున్ విలన్ రోల్ లో కనిపించారు. ఈ సినిమాలో పాటలతో పాటు ఆర్ఆర్ కూడా కీలక పాత్ర పోషించాయి. ఈ మూవీ సంగీతం మణిశర్మ అందించారు. ఈ మూవీ టెన్ టివి రివ్యూ కోసం వీడియ్ క్లిక్ చేయండి.

09:45 - July 31, 2017

టాలీవుడ్ యంగ్ హీరో 'నితిన్' తాజా చిత్రం 'లై' సినిమా షూటింగ్ శరవేగంగా కొనసాగుతోంది. ఎక్కువ భాగం విదేశాల్లో షూటింగ్ జరుపుకున్న ఈ చిత్రంపై భారీ అంచనాలు నెలకొంటున్నాయి. హను రాఘవపూడి దర్శకత్వంలో ఈ సినిమా రూపొందుతోంది. నితీన్ సరసన మేఘ ఆకాష్ హీరోయిన్ గా నటిస్తోంది.

యాక్షన్ ప్రధానంగా చిత్రం ఉంటుందని అందరికీ వినోదాన్ని కలిగిస్తుందని నిర్మాతలు పేర్కొన్నారు. ఇటీవలే విడుదలైన పాటలు..టీజర్ కు భారీ రస్పాన్స్ వస్తోందని, ఆగస్టు 11న చిత్రం విడుదల చేస్తామన్నారు. వైవిధ్యమైన పాత్రలు ఎంచుకుంటూ ముందుకెళుతున్న 'నితిన్' ‘లై' చిత్రంలో మరోసారి భిన్నంగా కనిపించనున్నాడని టాక్. ఈ సినిమా పోస్టర్స్..టీజర్ చూస్తుంటే నిజమనిపిస్తోంది. 'నితిన్' కు విలన్ గా యాక్షన్ కింగ్ 'అర్జున్' నటిస్తుండడం ప్రాధాన్యత సంతరించుకుంది. ఇదిలా ఉంటే ఆగస్టు మొదటి వారంలో ట్రైలర్ రిలీజ్ చేయనున్నారని తెలుస్తోంది. 

16:05 - July 24, 2017

పవర్ స్టార్ 'పవన్ కళ్యాణ్' కి హీరో 'నితిన్' పెద్ద అభిమాని అన్న సంగతి అందరికీ తెలిసిందే. త్రివిక్రమ్ దర్శకత్వంలో వచ్చిన 'అ..ఆ' చిత్రంతో ఇటీవల భారీ విజయాన్ని తన ఖాతాలో వేసుకున్నా 'నితిన్' హీరోగా మరో సినిమా మొదలైంది. ఇప్పటికే 'లై' అనే చిత్రంతో 'నితిన్' బిజీగా ఉన్నాడు. ఎక్కువ భాగం విదేశాల్లో సినిమా షూటింగ్ కొనసాగుతోంది.

ఇదిలా ఉంటే 'పవన్ కళ్యాణ్' క్రియేటివ్ వర్క్స్, శ్రేష్ట్ మూవీస్ బేనర్ పై ఓ చిత్రం రూపొందనున్న సంగతి తెలిసిందే. ఈ చిత్రం గత ఏడాది నవంబర్ పూజా కార్యక్రమాలు జరుపుకుంది. కృష్ణ చైతన్య దర్శకుడు కాగా ఈ సినిమాకు 'త్రివిక్రమ్' స్వయంగా కథను అందిస్తుండడం విశేషం. తన అభిమాని కోసం ఓ సినిమాను నిర్మించడానికి 'పవన్ కళ్యాణ్’, 'త్రివిక్రమ్' లు ముందుకు రావడం విశేషం.

తాజాగా ఈ సినిమా లాంఛనంగా ప్రారంభమైనట్లు సామాజిక మాధ్యమాల్లో వార్తలు వస్తున్నాయి. తొలి ఐదు రోజుల పాటు హైదరాబాద్ లో షూటింగ్ జరుపుకోనుందని తెలుస్తోంది. అనంతరం భారీ షెడ్యూల్ కోసం విదేశాలకు వెళ్లనున్నట్లు సమాచారం. ఇక నితిన్ పక్కన ఏ హీరోయిన్ నటించనుందో తెలియడం లేదు. పూర్తి వివరాలు త్వరలోనే తెలియనున్నాయి.

13:16 - July 19, 2017

యంగ్ హీరోలు..ప్రముఖ హీరోలు నటించిన పలు సినిమాల హక్కుల కోసం పలు ఛానెల్స్ పోటీ పడుతుంటాయనే సంగతి తెలిసిందే. చిత్ర టీజర్..పోస్టర్స్ తో సినిమా అంచనాలు అమాంతం పెంచేస్తుంటాయి. చిత్ర హక్కులను సొంతం చేసుకుంటే లాభాల బాట పండుతుందని ఆయా ఛానెళ్లు భావిస్తుంటాయి. కొన్ని సినిమాలు అంచనాల ఆధారంగా విడుదలకు ముందే శాటిలైట్‌ హక్కులు అమ్ముడుపోతుంటాయి. ఇందుకు టీవీ ఛానెళ్ల మధ్య విపరీత పోటీ నెలకొంటుంది. తాజాగా టాలీవుడ్ యంగ్ హీరో 'నితిన్' తాజా చిత్రం 'లై' సినిమా హక్కుల కోసం పోటీ నెలకొందంట.

వైవిధ్యమైన పాత్రలు ఎంచుకుంటూ ముందుకెళుతున్న 'నితిన్' ‘లై' చిత్రంలో మరోసారి భిన్నంగా కనిపించేందుకు సిద్ధమయ్యాడు. హను రాఘవపూడి దర్శకత్వంలో వస్తున్న ఈ సినిమాలో 'నితిన్' సరసన 'మేఘా' హీరోయిన్ గా నటిస్తోంది. ఎక్కువ శాతం విదేశాల్లో జరుపుకుంటున్న ఈ సినిమా పోస్టర్స్..టీజర్ విడుదలై సినిమా అంచనాలు పెంచేసింది. ‘నితిన్' కు విలన్ గా యాక్షన్ కింగ్ 'అర్జున్' నటిస్తుండడం ప్రాధాన్యత సంతరించుకుంది.

మరోవైపు ఈ సినిమా పట్ల పాజిటివ్ టాక్ వస్తుండడంతో చిత్ర హక్కులు భారీ ధర పలుకుతున్నాయంట. ప్రముఖ ఛానెల్ ఒకటి భారీ మొత్తాన్ని చెల్లించేందుకు సిద్ధంగా ఉందని టాలీవుడ్ టాక్. మరొక ఛానెల్ కూడా ముందుకొచ్చి అత్యధిక ధర ఇచ్చేందుకు సిద్ధమయ్యాంట. ఇందులో జీ..జెమినీ ఛానెల్స్ ఉన్నట్లు తెలుస్తోంది. ఆగస్టు 11న సినిమా విడుదల కానుంది.

11:54 - July 13, 2017

ఒక సినిమా షూటింగ్ కంప్లీట్ అవుతున్న తరుణంలో చిత్ర హీరోలు..హీరోయిన్లు తమ తదుపరి చిత్ర కథ..దర్శకులపై దృష్టి సారిస్తుంటారు. షూటింగ్ దశలోనే ఉండగానే మరో సినిమాకు సైన్ లు చేసేస్తుంటారు. టాలీవుడ్ యంగ్ హీరో 'నితిన్' కూడా అదే చేశాడు. ప్రస్తుతం ఆయన నటిస్తున్న 'లై' చిత్రం త్వరలో విడుదలకు సిద్ధంగా ఉంది. ఈ సినిమాలో యాక్షన్ కింగ్ 'అర్జున్' విలన్ పాత్ర పోషిస్తున్నాడు. ఇదిలా ఉండగా 'ఏమైంది ఈవేళ', 'బెంగాల్‌ టైగర్‌' చిత్రాలను నిర్మించిన శ్రీసత్యసాయి ఆర్ట్స్‌ అధినేత కె.కె.రాధామోహన్‌ నిర్మాణంలో రూపొందబోయే సినిమాకు ‘నితిన్’ గ్రీన్ సిగ్నల్ ఇచ్చారని టాక్. భారీ బడ్జెట్ తో సినిమా రూపొందనుందని తెలుస్తోంది. దీనికి సంబంధించిన పూర్తి వివరాలు తెలియాల్సి ఉంది.

16:01 - July 9, 2017

టాలీవుడ్ యంగ్ హీరో 'నితిన్' తాజా చిత్రం 'లై' (లవ్‌ ఇంటెలిజెన్స్‌ ఎన్‌మిటి) చిత్ర షూటింగ్ సైలెంట్ గా జరుపుకొంటోంది. ఎక్కువ శాతం విదేశాల్లో చిత్రీకరణ జరుపుకుంటున్న ఈ సినిమాలో 'నితిన్' వైవిధ్యమైన పాత్ర పోషించినట్లు టాక్. వెంకట్‌ బోయనపల్లి సమర్పణలో 14 రీల్స్‌ ఎంటర్‌టైన్‌మెంట్‌ ప్రై. లిమిటెడ్‌ పతాకంపై హను రాఘవపూడి దర్శకత్వంలో రామ్‌ ఆచంట, గోపీ ఆచంట, అనీల్‌ సుంకరలు ఈ సినిమాను నిర్మిస్తున్నారు. ఇటీవలే చిత్రానికి సంబంధించిన పలు పోస్టర్స్ రిలీజ్ అయ్యాయి.
‘నితిన్' కు విలన్ గా యాక్షన్ కింగ్ 'అర్జున్' కనిపించనుండడం..చిత్ర పోస్టర్ లో 'అర్జున్' లుక్ తో సినిమాపై అంచనాలు పెంచేశాయి. హీరోకు...విలన్ కు మధ్య ఏం ఉంది ? అతనే తెలిపే పోస్టర్ ను జులై 10న రిలీజ్ చేయనున్నారు. అలాగే జులై 11వ తేదీన చిత్ర టీజర్ ను విడుదల చేయాలని చిత్ర యూనిట్ ప్రయత్నాలు చేస్తోంది. ‘నితిన్' సరసన మేఘా ఆకాష్‌ హీరోయిన్ గా నటించింది. 'అ..ఆ మూవీతో హిట్ కొట్టిన 'నితిన్'... ‘లై’ మూవీతో హిట్ ట్రాక్‌ను కొనసాగిస్తారా ? లేదా ? అనేది చూడాలి.

15:23 - July 5, 2017

టాలీవుడ్ యంగ్ హీరో 'నితిన్' తాజా చిత్రం 'లై' షూటింగ్ సైలెంట్ గా కొనసాగుతోంది. హను రాఘవపూడి దర్శకత్వంలో ఈ సినిమా రూపొందుతున్న విషయం తెలిసిందే. ఎక్కువ శాతం విదేశాల్లో చిత్రీకరణ జరుపుకుంటున్న ఈ సినిమాలో 'నితిన్' వైవిధ్యమైన పాత్ర పోషిస్తున్నట్లు తెలుస్తోంది. ‘లై' అనే మాటకు 'లవ్..ఇంటలిజెన్స్..ఎనిమీ' అనే ట్యాగ్ లైన్ పెట్టారు. ‘నితిన్' సరసన 'మేఘా ఆకాష్' నూతన అమ్మాయి పరిచయం కాబోతోంది. ఇదిలా ఉంటే ఈ సినిమాలో యాక్షన్ కింగ్ గా పేరొందిన 'అర్జున్' కీలక పాత్ర పోషిస్తున్నారు. ఆయన పాత్రకి సంబంధించిన ప్రీ లుక్ ను చిత్ర యూనిట్ రిలీజ్ చేసింది. బాత్ టబ్ లో 'అర్జున్' సేద దీరుతున్నట్లుగా ఉంది. అయితే పోస్టర్లో 'అర్జున్' మెడ భాగంలో ఉన్న టాటూ ఆకటుట్టకొంటోంది. 'అర్జున్' ఫస్టులుక్ ను గురువారం రిలీజ్ చేస్తారని సమాచారం.

07:50 - May 30, 2017

టాలీవుడ్ యంగ్ హీరో 'నితిన్' సైలెంట్ గా షూటింగ్ కానిచ్చేస్తున్నాడు. పలు విజయవంతమైన చిత్రాలు చేస్తూ ప్రేక్షకుల మన్ననలు పొందిన ఈ నటుడు హను రాఘవపూడి దర్శకత్వంలో 'లై' సినిమా చేస్తున్నాడు. పూర్తిగా అమెరికా నేపథ్యంలో చిత్ర కథ ఉంటుందని తెలుస్తోంది. అందులో భాగంగా ఎక్కువ భాగం అక్కడే షూటింగ్ కానిచ్చేస్తున్నారంట. పలు లోకేషన్స్ లలో పాటలు..కీలకమైన సన్నివేశాలు చిత్రీకరిస్తున్నారు. తాజాగా ఈ సినిమాకు సంబంధించిన క్లైమాక్స్ షూట్ చిత్రీకరించారు. భారీ సంఖ్యలో గల విమానాల మధ్య క్లైమాక్స్ చిత్రీకరించారని టాక్. ఈ క్లైమాక్స్ సినిమాకి హైలైట్ గా నిలుస్తాయని చిత్ర యూనిట్ పేర్కొంటోందంట. హాలీవుడ్ కి .. ఇండియాకి సంబంధించిన స్టంట్ మాస్టర్స్ అధ్వర్యంలో ఈ ఫైట్స్ ను కంపోజ్ చేశారని సమాచారం. మణిరత్నం సంగీతాన్ని అందించిన ఈ సినిమాను ఆగస్టులో విడుదల చేయాలనే ఆలోచనలో చిత్ర యూనిట్ ఉందంట.

14:17 - March 29, 2017

టాలీవుడ్ యంగ్ హీరోల్లో 'నితిన్' ఒకరు. ‘అ..ఆ' సినిమా విజయవంతం అనంతరం నెక్ట్స్ సినిమాపై భారీ అంచనాలు నెలకొన్నాయి. ‘హను రాఘవపూడి' దర్శకత్వంలో 'నితిన్' హీరోగా ఓ చిత్రం తెరకెక్కనుంది. 'కృష్ణ గాడి వీర ప్రేమ గాథ' చిత్రానికి ‘రాఘవపూడి' దర్శకత్వం వహించిన సంగతి తెలిసిందే. ఇప్పటికే కొనసాగుతున్న ఈ సినిమా ఫస్ట్ లుక్ ను మార్చి 30వ తేదీన విడుదల చేయనున్నట్లు సామాజిక మాధ్యమాల్లో పోస్టు చేశారు. ఈ సినిమాలో 'నితిన్' సరసన 'మేఘ ఆకాష్' హీరోయిన్ గా నటిస్తోంది. నితిన్ కు ఇది 24వ సినిమా. ఉగాది పండుగ సందర్భంగా దీనికి సంబందించిన ప్రీ లుక్ పోస్టర్ విడుదల చేసారు. 14 రీల్స్ ఎంటర్టైన్మెంట్ బ్యానర్ పై ఈ సినిమాను రామ్ ఆచంట, గోపి ఆచంట మరియు అనిల్ సుంకర కలిసి నిర్మిస్తున్నారు. 'నితిన్' ఇమేజ్‌కి సరిపోయేలా తన స్టైల్లో హను రాఘవపూడి రొమాంటిక్ కామెడీగా ఈ సినిమాను తెరకెక్కించనున్నట్లు సమాచారం.

Pages

Don't Miss

Subscribe to RSS - Nitin