note ban effect

09:24 - January 11, 2017

ఢిల్లీ : పెద్ద నోట్ల రద్దు తర్వాత బ్యాంకుల్లో జమ అయిన డిపాజిట్ల వివరాలు చూస్తే దిమ్మ తిరిగిపోతుంది. కేవలం 50 రోజుల్లో పన్ను ఎగ్గొట్టిన 4 లక్షల కోట్ల రూపాయలు బ్యాంకుల్లో జమ అయినట్లు అధికారులు భావిస్తున్నారు. ఇందులో ముఖ్యంగా సహకార బ్యాంకుల్లో 16 వేల కోట్లు,.. యాక్టివ్‌గా లేని ఖాతాల్లో 25 వేల కోట్ల నగదు జమ కావడంతో ఐటీ శాఖతో పాటు.. ఈడీ అధికారులు ఆ లావాదేవీలపై దృష్టి సారించారు. 
బ్యాంక్‌ ఖాతాలలో 4 లక్షల కోట్లు జమ  
పెద్ద నోట్ల రద్దు తరువాత పన్ను పరిధిలో చూపని దాదాపు 3-4 లక్షల కోట్ల నగదు.. వివిధ మార్గాల్లో బ్యాంక్‌ ఖాతాలలో జమ అయినట్లు కేంద్ర ప్రభుత్వ సీనియర్‌ అధికారి ఒకరు తెలిపారు. నవంబర్‌ 8 తర్వాత పాత నోట్లను బ్యాంకులో డిపాజిట్‌ చేసుకునేందుకు 50 రోజుల సమయం ఇవ్వడంతో ఈ మొత్తం వివిధ మార్గాల్లో బ్యాంకు ఖాతాల్లోకి చేరిందన్నారు. 
పన్ను ఎగవేతదారులకు నోటీసులు జారీ చేయాలని ఆదేశాలు 
ఇక బ్యాంకులలో జమ అయిన నగదు వివరాలన్నింటిని ఆదాయ పన్ను శాఖకు అప్పగించిన ప్రభుత్వం.. పూర్తి వివరాలను పరిశీలించి పన్ను ఎగవేతదారులకు నోటీసులు జారీ చేయాలని ఆదేశించింది. దీంతో రంగంలోకి దిగిన ఐటీ శాఖ.. పన్ను ఎగవేతదారులను, బ్లాక్‌మనీని గుర్తించేపనిలో పడ్డారు. ఇప్పటికే అనేక వివరాల ఆధారంగా కొంతమంది నల్ల కుబేరులపై దాడులు జరుపుతుండగా.. మిగతావారిపై దృష్టి సారించబోతున్నారు. 
నోట్ల రద్దు తర్వాత.. నిద్రాణమైన ఖాతాల్లో రూ.25వేల కోట్ల డిపాజిట్‌ 
ఇక  పెద్ద నోట్ల రద్దు తర్వాత 2 లక్షల రూపాయలు.. అంతకంటే ఎక్కువ సొమ్ము డిపాజిట్‌ అయిన ఖాతాల సంఖ్య దాదాపు 60 లక్షల వరకు ఉన్నట్లు అధికారులు గుర్తించారు. వీటి ద్వారా బ్యాంకుల్లో మొత్తం 7.34 లక్షల కోట్ల రూపాయలు డిపాజిట్‌ అయినట్లు తెలుస్తోంది. ఇందులో ముఖ్యంగా ఈశాన్య రాష్ట్రాల్లో రికార్డ్‌ స్థాయిలో 10,700 కోట్ల రూపాయలు జమ అయ్యాయి. ఇక సహకార బ్యాంకుల్లో కూడా 16 వేల కోట్ల రూపాయలు డిపాజిట్‌ అయ్యాయి. ఈ డిపాజిట్లపై అనేక అనుమానాలు ఉన్నాయని.. డిపాజిట్‌ వెనక రహస్యాలన్నింటిని ఐటీ శాఖ, ఈడీలకు ప్రభుత్వం అందజేసింది. ప్రాంతీయ గ్రామీణ బ్యాంకుల్లో డిపాజిట్‌ అయిన 13 వేల కోట్ల వివరాలను కూడా ఐటీ శాఖ అధికారులకు సర్కార్‌ అందజేసింది. పెద్ద నోట్ల రద్దు తర్వాత.. నిద్రాణమైన ఖాతాల్లో దాదాపు 25వేల కోట్ల రూపాయలు డిపాజిట్‌ అయినట్లు ప్రభుత్వం గుర్తించింది. అదేవిధంగా నవంబర్‌ 8 తర్వాత 80 వేల కోట్ల రూపాయల రుణాలను బ్యాంకులకు తిరిగి చెల్లించారు. 
జన్‌ధన్‌ ఖాతాల్లో డిపాజిట్లపై అధికారులు వివరాల సేకరణ 
ఇక ఉగ్రవాద చాయలు ఉన్న రాష్ట్రాల్లో డిపాజిట్‌ అయిన బ్యాంకు ఖాతాల వివరాలను లా ఎన్‌ఫోర్స్‌మెంట్‌ ఏజెన్సీలకు అందజేసినట్లు ప్రభుత్వ అధికారి తెలిపారు. రెండు నుంచి రెండున్నర లక్షల మధ్య డిపాజిట్లు జరిగిన ఖాతాల్లోని మొత్తం 42 వేల కోట్లుగా గుర్తించామన్నారు. వీటిలో కామన్‌ పాన్‌ కార్డు, ఒక్కటే మొబైల్‌ నెంబర్‌ మీద డిపాజిట్‌ అయినవి ఎక్కువగా గుర్తించామన్నారు. వీటిపై ఆదాయపు పన్ను శాఖ వివరాలు సేకరిస్తోంది. అదేవిధంగా జన్‌ధన్‌ ఖాతాల్లో జమ అయిన డిపాజిట్లపై కూడా అధికారులు వివరాలు సేకరిస్తున్నారు. 
బ్యాంకులలో జమ అయిన నగదుపై ప్రభుత్వం దృష్టి 
మొత్తానికి పెద్ద నోట్ల రద్దు తర్వాత బ్యాంకులలో జమ అయిన నగదుపై ప్రభుత్వం దృష్టి సారించింది. త్వరలోనే వివరాలన్నీ సేకరించి.. డిపాజిట్‌దారులకు నోటీసులు జారీ చేయనున్నారు. దీంతో బ్లాక్‌మనీ వివరాలన్నీ బట్టబయలు కానున్నాయని అధికారులు భావిస్తున్నారు. 

18:29 - January 5, 2017

కృష్ణా : గుడివాడ క్లబ్ లో కాల్పుల ఘటన కలకలం రేపింది. మాజీ ఎమ్మెల్యే, టీడీపీ నేత రావి వెంకటేశ్వరరావు తన రివాల్వర్ తో గాల్లోకి మూడు రౌండ్లు కాల్పులు జరిపారు. భయంతో జనం పరుగులు తీశారు. సంఘటనాస్థలికి చేరిన పోలీసులు విచారిస్తున్నారు. రావి వెంకటేశ్వరరావు తన అనుచరులతో కలిసి క్లబ్ కు వెళ్లారు. ఆయన రివాల్వర్ మిస్ ఫైర్ అయినట్లు తెలుస్తోంది. గుడివాడ క్లబ్... మెట్రోపాలిటన్ కు చెందిన క్లబ్. దీనికి కమిటీ ఉంది. అధ్యక్షులు కూడా ఉన్నారు. అయితే గతంలో క్లబ్ లో అసాంఘీక కార్యక్రమాలు జరిగాయి. దీంతో క్లబ్ పై నిషేధం విధించారు. కానీ క్లబ్ అనధికారికంగా నడుస్తుంది. నిషేధం ఉన్న క్లబ్ ను ఎలా తెరిచారని..? అందులోకి ఎందుకు వెళ్లారని ప్రజలు ప్రశ్నిస్తున్నారు. కాల్పుల ఘటనపై సమగ్రమైన విచారణ జరపాలని స్థానికులు డిమాండ్ చేస్తున్నారు. మరిన్ని వివరాలను వీడియోలో చూద్దాం...

16:45 - December 3, 2016

హైదరాబాద్ : నోట్ల రద్దు నిర్ణయం భారతదేశ చరిత్రలోనే అతి పెద్ద తప్పుడు నిర్ణయమని కాంగ్రెస్ జాతీయనేత డాక్టర్ అభిషేక్ సింఘ్వీ అన్నారు. రోజుకో రూల్స్‌తో ప్రజలను భయభ్రాంతులకు కేంద్రం గురిచేస్తోందని ఆరోపించారు. కేంద్రం విధానంతో ఇన్‌కంట్యాక్స్ అధికారులు కూడా తీవ్ర గందరగోళానికి గురవుతున్నారని ఎద్దేవా చేశారు. నల్లధనం నియంత్రణ అమలులో కేంద్రానికి సరైన ప్లానింగ్ లేదని.. దీంతో దాదాపు నెలరోజులుగా సామాన్యులు అష్టకష్టాలు పడుతున్నారని విమర్శించారు. రద్దు నిర్ణయం ప్రకటించిన రోజు బీజేపీ నేతలకు సంబంధించిన అకౌంట్లలో కోట్ల రూపాయల డబ్బు జమ అయినట్లు తమ దగ్గర ఆధాలున్నాయని సింఘ్వీ తెలిపారు.

Don't Miss

Subscribe to RSS - note ban effect