Online Sale

11:09 - October 16, 2018

ఢిల్లీ :  ఏమీ కావాలన్నా ఆన్‌లైన్.. ఒక ఫోన్ ను చేతిలో పట్టుకుని నచ్చిన వాటిని క్లిక్ చేయడం..వాటి ధరను ఆన్‌లైన్‌లోనే చెల్లించడం..గడప దాటకుండానే ఆ వస్తువు ఇంటికి చేరుతున్నాయి. తినే తిండి నుండి మొదలుకుని కట్టుకొనే బట్ట..వాడే వస్తువులు కూడా అంతా ఆన్ లైన్ లోనే లభిస్తున్నాయి. అంతేగాకుండా ఫలానా ఐటమ్ కొంటే మరొక ఐటమ్ ఉచితం అని ఆఫర్్స..డిస్కౌంట్లు ఆయా సంస్థలు ప్రకటిస్తుండడంతో వినియోగదారులు కొనుగోలు చేయడానికి ఆసక్తి కనబరుస్తున్నారు. పండుగ సీజన్ లైతే సరేసరి...ప్రధానంగా దసరా..దీపావళి..పండుగ సీజన్ లో ఆన్ లైన్ కళకళాడుతోంది...
దసరా..దీపావళి పండుగ సీజన్ ను ఇ కామర్స్ సంస్థలు మంచిగా ఉపయోగించుకోవాలని భావిస్తున్నాయి. ఆయా కంపెనీలు భావిస్తున్నట్లుగానే ఆన్ లైన్ మార్కెట్ కళకళలాడుతోంది. అమ్మకాలు దుమ్మురేపుతున్నాయి. పండుగ సీజన్ కావడంతో ఈ-కామర్స్ సంస్థలకు కాసుల వర్షం కురుస్తోంది. దిగ్గజ సంస్థలైన అమెజాన్, ఫ్లిప్ కార్ట్ కేవలం ఐదు రోజుల్లోనే రూ. 15,000 కోట్ల మేర అమక్మాలు జరిపినట్లు అంచనా వేస్తున్నారు. 
ఆన్ లైన్ లో వివిధ వస్తువులకు డిస్కౌంట్లు ప్రకటిస్తుండడంతో నెటిజన్లు కొనుగోలుకు ఎగబడుతున్నారు. స్మార్్ట ఫోన్లు, గృహోపకరణాలుకు ఎక్కువగా డిమాండ్ ఉంది. అంతేగాకుండా పండుగ సీజన్ కావడంతో దుస్తులకు కూడా మంచి గిరాకీ ఉన్నట్లు ఆయా సంస్థలు వెల్లడిస్తున్నాయి. గతేడాది ఇదే వ్యవధిలో రూ.10,325 కోట్లుగానే ఉన్నాయని చెప్పింది. అంటే ఈసారి ఏకంగా 64 శాతం వృద్ధి చెందడం పట్ల ఆయా కంపెనీలు సంతోషం వ్యక్తం చేస్తున్నాయి. 
ధరలు తగ్గించడం, ఆఫర్లు ప్రకటించడంతో ఆన్ లైన్ లో కొనుగోలుకు ఎక్కువ మంది ఆసక్తి కనబరుస్తున్నారు. అంతేగాకుండా వాడిన వస్తువులకు సంబంధించిన వాటికి కూడా గిరాకీ బాగానే ఉంటున్నట్లు తెలుస్తోంది. కొన్ని పథకాల వల్ల కొత్త వినియోగదారులు కూడా లభించారని ఆయా సంస్థలు పేర్కొంటున్నాయి. ఆన్ లైన్ అమ్మకాలు ఈసారి దాదాపు రూ.22 వేల కోట్లను తాకవచ్చని పేర్కొన్నది. 

14:14 - October 11, 2018

ఢిల్లీ : ఇప్పుడు ప్రపంచం అంతా స్మార్ట్ అయిపోయింది. అందరి చేతుల్లోను స్మార్ట్ ఫోన్సే. ఇంటిలోను స్మార్ట్ ఐటెమ్సే. స్మార్ట్ అభిమానులకోసం మైక్రోమ్యాక్స్ సంస్థ నూతన ఆండ్రాయిడ్ స్మార్ట్‌టీవీలను తాజాగా విడుదల చేసింది. చూపరులను కట్టిపడే స్మార్ట్ టీవీని విడుదల చేసింది. మైక్రోమ్యాక్స్ అనుబంధ యూ టెలీ వెంచర్స్, 'యూఫోరియా' పేరిట భారత మార్కెట్లో 40 అంగుళాల స్మార్ట్ టీవీని ఆకర్షణీయ ధరలో విడుదల చేసింది. ఈ-కామర్స్ దిగ్గజం అమెజాన్ ద్వారా ప్రత్యేకంగా విక్రయించబడే ఈ టీవీ ధర రూ. 18,999 కాగా, పాత టీవీని ఎక్స్ఛేంజ్ ఆఫర్ లో భాగంగా మార్చుకుంటే రూ. 7,200 వరకూ డిస్కౌంట్ కూడా లభిస్తుందని సంస్థ తెలిపింది. 

Image result for amazon
ఇక ఈ స్మార్ట్ టీవీలో మీడియా ఫైల్స్ ను డైరెక్టుగా ప్లే చేసుకోవచ్చు. తమకు నచ్చిన యాప్ ను డౌన్ లోడ్ చేసుకోవచ్చు. వైర్ లెస్ స్మార్ట్ ఫోన్ కంట్రోల్ ఆప్షన్ కూడా ఉంది. ఇంకా ఈ టీవీలో 40 అంగుళాల ఫుల్‌ హెచ్‌ డీ డిస్‌ ప్లే, 5000:1 కాంట్రాస్ట్‌ రేషియో, డ్యూయల్ కోర్ గ్రాఫిక్స్ కో ప్రోసెసర్‌ కూడిన క్వాడ్-కోర్ ప్రాసెసర్, మూడు హెచ్‌డీఎం పోర్టులు, రెండు యూఎస్‌బీ పోర్టులు, ఒక వీజీఏ పోర్ట్, 24 వాట్స్‌ ఆడియో అవుట్‌ పుట్‌ సదుపాయాలుంటాయి. మరి ఇంకేంటి మీ పాత టీవీని ఇచ్చేయండి. కొత్త ఫుల్ హెచ్చ డీ స్మార్ట్ టీవీని ఇంటికి పట్టుకెళ్ళండి.

Don't Miss

Subscribe to RSS - Online Sale