osmania university

17:26 - October 7, 2017

హైరదాబాద్ : ఓయూలోని ల్యాండ్ స్కేప్ చెరువులో నిరుద్యోగుల జేఏసీ ఆధ్వర్యంలో జలదీక్ష దిగారు. మెగా డీఎస్సీ కోసం జలదీక్ష చెపట్టినట్టు నిరుద్యోగులు తెలిపారు. నిరుద్యోగులను కేసీఆర్ నిండా ముంచుతున్నారంటూ వారు నినాదాలు చేశారు. వెంటనే డీఎస్సీ నోటిఫికేషన్ ఇవ్వాలని వారు డిమాండ్ చేశారు. మరింత సమాచారం కోసం వీడియో క్లిక్ చేయండి.

16:30 - October 7, 2017
21:42 - October 6, 2017

హైదరాబాద్ : తెలంగాణలో ఉన్న విశ్వవిద్యాలయాలను గాడిన పెట్టేందుకు గవర్నర్‌ నరసింహన్‌ శ్రీకారం చుట్టారు. రాష్ట్రంలోని అన్ని విశ్వవిద్యాలయాల వీసీలతో సమావేశమైన ఆయన వర్సిటీల పనితీరుపై ఆరా తీశారు. అకాడమిక్‌ క్యాలెండర్‌ని వర్సిటీల్లో అమలు చేయకపోవడంపై మండిపడ్డారు. ఈ సమావేశంలో కొన్ని ప్రతిపాదనలు చేసిన గవర్నర్‌ వాటిని వర్సిటీల్లో అమలు చేయాలని ఆదేశించారు.

హైదరాబాద్‌ అంబేడ్కర్ విశ్వవిద్యాలయంలో తెలంగాణలోని 15 యూనివర్సిటీల వీసీలతో గవర్నర్ నర్సింహన్ భేటీ అయ్యారు. ఉస్మానియా, కాకతీయ, మహాత్మగాంధీ, పాలమూరు, శాతవాహన, తెలంగాణ, పొట్టి శ్రీరాములు తెలుగు యూనివర్సిటీ, అంబేడ్కర్, జేఎన్‌టీయూ, జేఎన్‌ ఆర్కిటెక్చర్ అండ్ ఫైన్‌ ఆర్ట్స్, ఆర్‌జెయూకేటి, తో పాటు జయశంకర్ అగ్రికల్చర్, కాళోజి నారాయణ హెల్త్ యూనివర్సిటీ, పివి నర్సింహరావు వెటర్నరీ యూనివర్సిటీ, కొండా లక్ష్మణ్ హర్టికల్చర్ యూనివర్సిటీల వీసీలు ఈ సమావేశంలో పాల్గొన్నారు. వర్శిటీ వీసీలు తమ విశ్వవిద్యాలయాల గురించి పవర్ పాయింట్ ప్రజెంటేషన్ లో గవర్నర్‌కు వివరించారు.

అయితే వర్సిటీల్లో అకడమిక్ క్యాలెండర్ అమలుచేయకపోవడం వల్ల గవర్నర్ కొంత అసంతృప్తి వ్యక్తం చేశారు. వెంటనే అన్ని విశ్వవిద్యాలయాలు 2018-19 సంబంధించి అకడమిక్‌ క్యాలెండర్ రూపొందించి అమలు చేయాలని సూచించారు. అయితే పది అంశాలను ప్రతిపాదించిన గవర్నర్‌ వాటి అమలుకు అన్ని యూనివర్సిటీలు దృష్టి పెట్టాలని కోరినట్లు మంత్రి కడియం తెలిపారు. వర్సిటీల్లో అవినీతికి తావులేకుండా చూడాలని గవర్నర్‌ సూచించినట్లు చెప్పారు.

పీహెచ్ డీ అడ్మిషన్లలో పారదర్శకత కోల్పోవడం పట్ల గవర్నర్ సీరియస్ అయినట్టు తెలుస్తోంది. అన్ని విద్యాసంస్థల్లో బయోమెట్రిక్ విధానాన్ని అమలుచేసి హాజరు శాతాన్ని పెంచాలని గవర్నర్‌ కోరినట్లు సమాచారం. యూనివర్సిటీల అభివృద్ధి కోసం 420 కోట్ల నిధులు కేటాయించినట్లు కడియం తెలిపారు. 1061 అధ్యాపక ఖాళీలను భర్తీ చేయాలని గవర్నర్‌ ఆదేశించినట్లు చెప్పారు. యూనివర్సిటీలతో మొదటిసారి సమావేశమైన గవర్నర్ వర్సిటీల పనితీరును ఎప్పటికప్పుడు పరిశీలిస్తానన్నారు. ప్రతి 6 నెలలకు ఒకసారి వీసీలతో సమావేశాలు ఏర్పాటు చేసి సమీక్షలు జరపాలని నరసింహన్‌ నిర్ణయించారు. వర్సిటీల పనితీరును ఏకంగా గవర్నరే పర్యవేక్షించడంతో అధికారులు అప్రమత్తమయ్యారు. 

18:25 - September 23, 2017

హైదరాబాద్ : అరోరా పీజీ కాలేజ్‌లోని.. ఎంబీఏ, ఎంసీఏ విభాగాలకు ర్యాంకుల పంట పండింది. యూనివర్సిటీ మొదటి, రెండు ర్యాంకులతో కలిపి 12 ర్యాంకులను కైవసం చేసుకుంది. ఎంబీఏలో ఒకటి, నాలుగు, పదిహేను ర్యాంకులను.. ఎంసీఏలో రెండు, ఆరు, పదిహేను, పదిహేడు, పంతొమ్మిది ర్యాంకులు సాధించారు. ఈ సందర్భంగా రామాంతపూర్ అరోరా పీజీ కాలేజీలో విద్యాసంస్థల చైర్మన్ రమేశ్‌బాబు విద్యార్థులను సన్మానించారు. క్రమశిక్షణ, అధ్యాపకుల కృషి వల్లే తాము ఈ ర్యాంకులు సాధించగలిగామని ఆయన అన్నారు.

16:31 - September 20, 2017

హైదరాబాద్ : తనపై అనుచిత వ్యాఖ్యలు చేసిన టీజీ వెంకటేష్ పై ఓయూ పీఎస్ లో కంచె ఐలయ్య ఫిర్యాదు చేశారు. అంతకుముందు ఎస్ వీకే నుంచి ఓయూ పీఎస్ కు ర్యాలీగా కంచె ఐలయ్య బయల్దేరారు. వారిని అనుమతి లేదని పోలీసులు అడ్డుకున్నారు. మరింత సమాచారం కోసం వీడియో చూడండి.

17:47 - September 19, 2017

హైదరాబాద్ : న్యాక్ అక్రిడేషన్‌లో ఉస్మానియాకి ఏ ప్లస్ గ్రేడ్‌ రావడం ఎంతో సంతోషకరమై విషయమని ఓయూ ప్రొఫెసర్ వీసి రాంచంద్రం అన్నారు. న్యాక్‌ గుర్తింపుతో యూనివర్సిటీ ప్రతిష్ట పెరుగుతుందన్నారు. ఈ గుర్తింపు రావడానికి యూనివర్సిటీ వర్గాలు ఎంతో శ్రమించాయన్నారు. ఓయూలో కొత్త నిర్మాణాలకు శ్రీకారం చుడుతున్నట్లు ఆయన ప్రకటించారు. అయితే వర్సిటీలో మరింత అభివృద్ధి జరగాలంటే నాన్‌ బోర్డర్స్‌ ఖాళీ చేయక తప్పదన్నారు. నాన్‌బోర్డర్స్‌కి ఖాళీ చేయకపోతే రైడ్‌ చేసి బయటికి పంపాల్సి వస్తుందని వీసీ హెచ్చరించారు. 

08:22 - September 17, 2017

హైదరాబాద్ : తెలంగాణలో మద్యాన్ని సమూలంగా నిషేధించాలని తెలంగాణ సాయుధ పోరాట యోధురాలు మల్లు స్వరాజ్యం డిమాండ్‌ చేశారు. మద్యం మహమ్మారితో మహిళల బతుకులు ఛిద్రం అవుతున్నాయన్నారు. తెలంగాణ సర్కార్‌ బతుకమ్మ పండుగకు ఆడపడుచులకు చీరలు పంచడం సంతోషకరమే అన్న ఆమె.. అదే మహిళలు మద్యంతో ఇబ్బంది పడుతోంటే ఎందుకు చర్యలు తీసుకోవడం లేదని ప్రశ్నించారు. ఉస్మానియా యూనివర్సిటీలోని ఆర్ట్స్‌ కాలేజీ ఎదుట మత్స్యకార్మికుల సంఘం, ఎస్‌ఎఫ్‌ఐ ఆధ్వర్యంలో బతుకమ్మ నిర్వహించారు. ఇందులో పాల్గొన్న ఆమె... కాసేపు బతుకమ్మ ఆడి అందరినీ ఉత్సాహపరిచారు. 

 

13:14 - September 15, 2017

హైదరాబాద్: ఉస్మానియా విశ్వవిద్యాలయంలో విద్యార్థినులు ఆందోళనకు దిగారు. హాస్టల్‌లో సరైన సౌకర్యాలు కల్పించాలని డిమాండ్ చేస్తూ రోడ్డుపై బైటాయించి రాస్తారోకో నిర్వహించారు. వసతి గృహంలో సరైన నీటి సౌకర్యం లేదని, ఉడకని ఆహారాన్ని అందిస్తున్నారని విద్యార్థులు ఆగ్రహం వ్యక్తం చేస్తున్నారు. వెంటనే వీసీ తమ సమస్యలను పరిష్కరించాలని డిమాండ్ చేశారు. 

18:51 - September 12, 2017

హైదరాబాద్ : ఉస్మానియా యూనివర్సిటీకి న్యాక్‌.. ఏ ప్లస్‌ గ్రేడ్‌ ఇచ్చింది. గత నెలలో ఉస్మానియా యూనివర్సిటీని న్యాక్‌ బృందం సందర్శించింది. ఓయూ అధికారుల ప్రజంటేషన్‌పై సంతృప్తి వ్యక్తం చేసిన న్యాక్.. ఏ ప్లస్ గ్లేడ్ ఇచ్చింది. మరిన్ని వివరాలను వీడియోలో చూద్దాం...

15:01 - August 30, 2017

హైదరాబాద్ : ఉస్మానియా యూనివర్సిటీ పరిధిలో ఇంజనీరింగ్ కాలేజీల్లో డిటెన్షన్ విధానాన్ని రద్దు చేయాలని డిమాండ్ చేస్తూ విద్యార్థులు ఓయూ అడ్మిన్‌స్ట్రేషన్ బిల్డింగ్‌ను ముట్టడించారు. వందలాదిగా వచ్చిన విద్యార్థులు ఓయూ ఆర్ట్స్ కాలేజీ నుంచి ర్యాలీగా బయల్దేరి అడ్మినిస్ట్రేషన్ బిల్డింగ్ వద్ద బైఠాయించారు. మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - osmania university