pakistan

10:44 - June 13, 2018

జమ్మూకాశ్మీర్ : పాకిస్తాన్ పదేపదే కవ్వింపు చర్యలకు పాల్పడుతోంది. మళ్ళీ కాల్పుల విరమణ ఒప్పందాన్ని ఉల్లంఘించింది. సాంబా జిల్లా చంబ్లియాల్ సెక్టార్‌లో పాక్ బలగాలు జరిపిన కాల్పుల్లో నలుగురు బీఎస్‌ఎఫ్ జవాన్లు మృతి చెందారు. మరో ఐదుగురు బీఎస్‌ఎఫ్ జవాన్లు గాయపడ్డారు. క్షతగాత్రులు జమ్మూకాశ్మీర్ గవర్నమెంట్ మెడికల్ కాలేజీలో చికిత్స పొందుతున్నారు. కాల్పులను సహించేదిలేదని..ధీటైన సమాధానం చెబుతామని బీఎస్ ఎఫ్ అధికారులు నుంచి 
సమాచారం వస్తోంది. రాత్రి పదిన్నర నుంచి తెల్లవారుజామున 4.30 గంటల వరకు కాల్పులు కొనసాగినట్లు తెలుస్తోంది. 

 

08:59 - June 13, 2018

జమ్మూకాశ్మీర్ : పాకిస్తాన్ మరోసారి కాల్పుల విమరణ ఒప్పందాన్ని ఉల్లంఘించింది. సాంబా జిల్లా చంబ్లియాల్ సెక్టార్ లో పాకిస్తాన్ బలగాలు కాల్పులు జరిపాయి. ఈ ఘటనలో నలుగురు బీఎస్ ఎఫ్ జవాన్లు మృతి చెందారు, మరో ఐదుగురికి గాయాలయ్యాయి.

 

12:46 - May 29, 2018

ఢిల్లీ : పాకిస్తాన్‌ ఉగ్రవాదాన్ని వీడే వరకు ఆ దేశంతో చర్చలు జరిపే ప్రసక్తే లేదని కేంద్ర విదేశాంగమంత్రి సుష్మాస్వరాజ్‌ స్పష్టం చేశారు. తాము పాకిస్తాన్‌తో చర్చలు జరిపేందుకు సిద్ధంగానే ఉన్నామని... ఉగ్రవాదం, చర్చలు ఒకే ఒరలో ఇమడవని తేల్చి చెప్పారు. పాకిస్తాన్‌ సార్వత్రిక ఎన్నికల తర్వాత చర్చలు జరగాలన్నా ఉగ్రవాదాన్ని వీడాల్సిందేనని సుష్మా పేర్కొన్నారు. గిల్గిట్‌-బాల్టిస్టాన్‌ 2018 ఆర్డర్‌పై ఆమె మాట్లాడుతూ...పాకిస్తాన్‌ చరిత్రను వక్రీకరిస్తోందని...చట్టం మీద వారికి నమ్మకం లేదని మండిపడ్డారు. మోది నాలుగేళ్ల పాలనలో విదేశాంగ శాఖ సాధించిన విజయాలను సుష్మా ప్రస్తుతించారు.

 

08:57 - March 30, 2018

ఢిల్లీ : నోబెల్‌ శాంతి పురస్కార విజేత యూసుఫ్‌జాయ్ మలాలా ఆరేళ్ల తర్వాత పాకిస్తాన్‌కు తిరిగి వచ్చారు. 20 ఏళ్ల మలాలా భారీ భద్రత నడుమ తల్లిదండ్రులతో కలిసి ఇస్లామాబాద్‌ చేరుకున్నారు. పాకిస్తాన్‌ ప్రధాని షాహిద్‌ ఖాకన్‌ అబ్బాసీని మలాలా కలిశారు. అనంతరం మీడియాతో మాట్లాడుతూ... తాను మళ్ళీ తన దేశానికి వస్తానని అనుకోలేదని చెమర్చిన కళ్ళు తుడుచుకుంటూ చెప్పారు. పాకిస్థాన్ సైన్యానికి, రాజకీయ నేతలకు, పాకిస్థానీలందరికీ ధన్యవాదాలు చెప్తున్నానని తెలిపారు. 2012లో తాలిబన్‌ ఉగ్రవాదులు దాడి తర్వాత మలాలా పాకిస్తాన్‌కు రావడం ఇదే తొలిసారి. మలాలా నాలుగు రోజుల పాటు పాకిస్తాన్‌లో పర్యటించే అవకాశం ఉంది. బాలికల విద్య కోసం పోరాడుతున్న మలాలపై 2012లో తాలిబన్లు కాల్పులు జరిపారు. ఈ కాల్పుల్లో మలాలా తలకు తీవ్ర గాయాలయ్యాయి. చికిత్స కోసం లండన్‌కు వెళ్లిన మలాలా అక్కడే ఉండిపోయారు. బాలికల విద్య కోసం కృషి చేస్తున్న మలాలాకు 2014లో నోబెల్‌ శాంతి బహుమతి లభించింది.

18:53 - March 18, 2018

జమ్ము కాశ్మీర్ : సరిహద్దుల్లో పాకిస్తాన్‌ మరోసారి బరితెగించింది. కాల్పుల విరమణ ఒప్పందాన్ని ఉల్లంఘిస్తూ జమ్మూ సరిహద్దుల్లో కాల్పులతో తెగబడింది. పౌరులే లక్ష్యంగా గ్రామాలపై బుల్లెట్లు, మోర్టార్‌షెల్స్‌ వర్షం కురిపించింది. ఈ దాడిలో ఐదుగురు పౌరులు మరణించారు. ఫూంచ్‌ సెక్టార్‌ బాల్‌కోట్‌ ప్రాంతంలో ఈ కాల్పులు జరిగాయి. ఈ ఘటనలో మరో ఇద్దరికి తీవ్ర గాయాలయ్యయి. చనిపోయినవారంతా ఒకే కుటుంబానికి చెందినవారని అధికారులు పేర్కొన్నారు. పాక్ కాల్పులకు ఇండియన్ ఆర్మీ కూడా ధీటుగా జవాబిచ్చింది. 

17:05 - February 13, 2018
17:05 - February 13, 2018
21:10 - February 12, 2018

ఢిల్లీ : జమ్ముకశ్మీర్‌లోని సంజ్వాన్‌లో ఆర్మీ ఆపరేషన్‌ ముగిసిందని రక్షణ మంత్రి నిర్మలా సీతారామన్‌ తెలిపారు. ఆర్మీ ఆపరేషన్‌లో ముగ్గురు ఉగ్రవాదులు హతమయ్యారని మంత్రి వెల్లడించారు. ఉగ్రవాద దాడుల వెనక పాకిస్తాన్‌కు చెందిన జైష్‌ -ఎ-మహ్మద్‌ హస్తం ఉందని మంత్రి పేర్కొన్నారు. పాకిస్తాన్‌ ప్రోత్సాహంతోనే ఉగ్రదాడులు జరుగుతున్నాయని... ఉగ్రవాద నేత మసూద్‌ అజహర్‌ కశ్మీర్‌కు టెర్రరిస్టులను స్పాన్సర్‌ చేస్తున్నారని సీతారామన్‌ స్పష్టం చేశారు. త్వరలో ఎన్‌ఐఏ ఆధారాలను సేకరిస్తోందని మంత్రి చెప్పారు. ఉగ్రవాదుల దాడులను భద్రతా బలగాలు సమర్థవంతంగా తిప్పి కొడుతున్నాయన్నారు. ఉగ్రవాదుల దాడుల నేపథ్యంలో రక్షణమంత్రి జమ్ముకశ్మీర్‌లో పర్యటిస్తున్నారు. 

21:26 - January 10, 2018

జమ్ముకశ్మీర్‌ : నియంత్రణ రేఖ వద్ద కాల్పుల ఉల్లంఘనకు పాల్పడినందుకు పాకిస్తాన్‌ భారీ మూల్యాన్నే చెల్లించుకుంది. 2017లో పాకిస్తాన్‌కు చెందిన 138 మంది సైనికులను బిఎస్‌ఎఫ్‌ జవాన్లు మట్టుబెట్టినట్లు నిఘావర్గాలు తెలిపాయి. జమ్ముకశ్మీర్‌ సరిహద్దులో నియంత్రణ రేఖ దాటి కాల్పులకు పాల్పడ్డ పాక్‌ ఆర్మీ రేంజర్లను భారత సైన్యం దీటుగా సమాధానమిచ్చాయని పేర్కొన్నాయి. భారత్‌ జరిపిన కాల్పుల్లో 138 మంది పాకిస్తాన్‌ సైనికులు హతమయ్యారని, 155 మంది సైనికులు గాయపడ్డారని ఇంటిలిజెన్స్‌ వర్గాలు వెల్లడించాయి. నియంత్రణ రేఖ వద్ద పాక్‌ జరిపిన కాల్పుల్లో 28 మంది భారత సైనికులు అమరులైనట్లు తెలిపాయి. 70 మంది జవాన్లకు గాయాలయ్యాయి. 2017లో పాకిస్తాన్‌ 860 సార్లు కాల్పుల ఉల్లంఘనకు పాల్పడినట్లు ఆర్మీ అధికార ప్రతినిథి కల్నల్‌ అమన్‌ ఆనంద్‌ తెలిపారు.

21:43 - January 1, 2018

వాషింగ్టన్ : అమెరికా అధ్యక్షుడు డొనాల్డ్ ట్రంప్ పాకిస్థాన్‌కు గట్టి షాక్ ఇచ్చారు. ఉగ్రవాదంపై పాకిస్థాన్ సరైన చర్యలు తీసుకోవడం లేదన్న కారణంతో ఆ దేశానికి అందిస్తున్న సహాయాన్ని నిలిపివేస్తున్నట్లు ట్వీట్‌ చేశారు. పాకిస్తాన్‌ అమెరికా నేతలను మూర్ఖులుగా భావిస్తోందని మండిపడ్డారు. గత 15 ఏళ్లుగా అమెరికా మూర్ఖంగా 33 బిలియన్ డాలర్లకుపైగా పాకిస్థాన్‌కు సహాయం అందజేసిందని మండిపడ్డారు. మా నేతలను మూర్ఖులుగా భావిస్తూ, అబద్ధాలు, మోసాలు తప్ప పాకిస్తాన్‌ మాకు ఇచ్చింది ఏమీ లేదని తెలిపారు. ఆఫ్ఘనిస్థాన్‌లో మేం వేటాడుతున్న ఉగ్రవాదులకు సురక్షిత ఆశ్రయం కల్పిస్తోందే తప్ప కొంచెం కూడా సహాయపడటం లేదని ట్రంప్‌ ట్విట్టర్‌లో పేర్కొన్నారు. అమెరికా ప్రభుత్వం పాకిస్తాన్‌కు ఇచ్చే 25 కోట్ల 50 లక్షల డాలర్ల సహాయాన్ని నిలిపివేసే దిశగా చర్చలు జరుపుతోంది.

Pages

Don't Miss

Subscribe to RSS - pakistan