pakistan

14:04 - July 17, 2017

శ్రీనగర్ : పాకిస్తాన్‌ మరోసారి కాల్పుల విరమణ ఒప్పందానికి తూట్లు పొడిచింది. జమ్ముకశ్మీర్‌లోని పూంచ్‌ సెక్టార్‌లో పాకిస్తాన్‌ భద్రతా బలగాలు జరిపిన కాల్పుల్లో ఏడేళ్ల బాలికతో పాటు ఓ జవాను అమరుడయ్యాడు. మృతి చెందిన జవానును నాయక్‌ ముదస్సర్‌ అహ్మద్‌గా గుర్తించారు. 37 ఏళ్ల అహ్మద్‌కు ఇద్దరు పిల్లలున్నారు. పాక్‌ కాల్పుల్లో మరో ఇద్దరు పౌరులు కూడా గాయపడ్డారు. ఉదయం ఏడున్నర ప్రాంతంలో రాజౌరిలోని బంకర్‌పై పాక్‌ బలగాలు మోర్టార్‌ షెల్స్‌తో విరుచుకుపడ్డాయి. ఈ ఘటనపై భారత్‌ తీవ్రంగా స్పందించింది. పాక్‌ దాడులకు దీటైన జవాబు చెబుతామని మిలటరీ ఆపరేషన్స్‌ డైరెక్టర్‌ జనరల్‌ స్పష్టం చేశారు.

21:57 - July 12, 2017

ఇస్లామాబాద్ : పాకిస్థాన్ సైన్యం మరోసారి దుస్సాహసానికి తెగించింది. కుప్వారా జిల్లా కెరన్‌ సెక్టార్‌లోని నియంత్రణ రేఖ వెంబడి ముందస్తు హెచ్చరికలేవీ లేకుండా భారత జవాన్లపై కాల్పులు జరిపింది. మధ్యాహ్నం రెండున్నర ప్రాంతంలో భారత జవాన్లే లక్ష్యంగా పాకిస్తాన్‌ కాల్పులు జరిపింది. పాకిస్తాన్‌ జరిపిన కాల్పుల్లో ఇద్దరు భారత జవాన్లు అమరులయ్యారు. పాక్‌ కాల్పులకు దీటుగా భారత బలగాలు పాకిస్తాన్‌ ఆర్మీపై ఎదురుదాడికి దిగాయి. ముగ్గురు హిజ్బుల్ ఉగ్రవాదులను భారత్ దళాలు మట్టుబెట్టడంతో పాకిస్థాన్ సైన్యం దుశ్చర్యకు పాల్పడుతోంది. జూన్‌ నెలలో పాక్‌ దాదాపు 23 సార్లు కాల్పుల విరమణ ఒప్పంద ఉల్లంఘనలకు పాల్పడింది. 

10:12 - July 3, 2017

శ్రీనగర్ : జమ్మూకాశ్మీర్లోని పుల్వామా జిల్లాలో భారీ ఎన్ కౌంటర్ జరుతోంది. తెల్లవారు ఝామునుంచి ఎన్ కౌంటర్ కొనసాగుతోంది. ఉగ్రవాదులు బమ్నూ ప్రాంతంలో ఇంట్లోకి చొరబడి కాల్పులు జరుపుతున్నారు. మరో ఇద్దరు ఇంట్లో దాగి ఉన్నారు. ఎన్ కౌంటర్ లో ఉగ్రవాది మరణించినట్లు తెలుస్తోంది. చనిపోయిన ఉగ్రవాది కిఫాయిత్ గా భద్రతా బలగాలు గుర్తించారు. మరింత సమాచారం కోసం వీడియో చూడండి.

13:39 - June 25, 2017

పాకిస్తాన్ : భారీ అగ్ని ప్రమాదం చోటు చేసుకుంది. ఈ ప్రమాదంలో 123 మంది సజీవదహనం కాగా 70 మందికి గాయాలయ్యాయి. ఈ ఘటన బహావల్ పూర్ లో చోటు చేసుకుంది. జాతీయ రహదారిపై ఆదివారం ఓ ఆయిల్ ట్యాంకర్ బోల్తా పడింది. దీనితో భారీగా ఇంధనం రోడ్డుపై లీక్ అయ్యింది. ఈ విషయం తెలుసుకున్న స్థానికులు రోడ్డుపై ఉన్న ఇంధనాన్ని బకెట్లలో నింపే ప్రయత్నం చేశారు. అకస్మాత్తుగా ట్యాంకర్ కు నిప్పంటుకోవడంతో 123 మంది సజీవదహనమయ్యారు. సమాచారం అందుకున్న అగ్నిమాపక సిబ్బంది మంటలను ఆర్పే ప్రయత్నం చేశారు. గాయపడిన వారిని ఆసుపత్రికి తరలించారు. కానీ ఓ వ్యక్తి ఓ వ్యక్తి సిగరేట్ తాగడంతో ఇది చోటు చేసుకుందని తెలుస్తోంది.

19:46 - June 20, 2017

హైదరాబాద్: అమెరికా అధ్యక్షుడు డొనాల్డ్‌ ట్రంప్‌ పాకిస్తాన్‌పై కఠిన చర్యలు చేపట్టనున్నారు. పాకిస్తాన్‌లోని ఉగ్రవాద స్థావరాలపై విచారణ జరిపేందుకు సిద్ధమవుతున్నారు. ఆఫ్గనిస్తాన్‌లో తరచూ ఉగ్రవాద దాడులు జరుగుతుండడంతో ఈ నిర్ణయం తీసుకున్నట్లు ఓ అమెరికా అధికారి రాయిటర్స్‌ న్యూస్‌ ఎజెన్సీకి వెల్లడించారు. పాకిస్తాన్‌ ఉగ్రవాద స్థావరాలపై అమెరికా డ్రోన్‌ దాడులను ముమ్మరం చేయనుంది. పలు అంశాల్లో పాకిస్తాన్‌కు అమెరికా మద్దతు ఉపసంహరించుకోనుంది. ఈ చర్యల ద్వారా ఉగ్రవాదంలో మార్పు వచ్చే అవకాశం ఉందని అమెరికా భావిస్తోంది. పాకిస్తాన్‌తో సంబంధాలు తెంచుకునే ప్రసక్తే లేదని అమెరికా పేర్కొంది. 16 ఏళ్లుగా ఆఫ్గనిస్తాన్‌లో జరుగుతున్న యుద్ధంపై అమెరికా సమీక్ష జరుపుతోంది. దీనిపై పెంటగాన్‌ నుంచి ఎలాంటి ప్రకటన వెలువడలేదు.

17:06 - June 18, 2017

ఇంగ్లండ్ : ఐసీసీ చాంపియన్స్ షిప్ 2017లో ఫైనల్ మ్యాచ్ లో చిరకాల ప్రత్యర్థులు భారత్..పాక్ జట్లు తలపడ్డాయి. తొలుత టాస్ గెలిచిన భారత్ ఫీల్డింగ్ ఎంచుకుంది. పాక్ ఓపెనర్లు అజర్ ఆలీ, ఫఖర్ జమన్ లు ధాటిగానే బ్యాటింగ్ ను ఆరంభించారు. భారత బౌలర్లను సమర్థవంతంగా ఎదుర్కొంటూ స్కోరు బోర్డును పరుగెత్తించే ప్రయత్నం చేశారు. పాక్ స్కోరు 128 పరుగుల వద్ద ఉండగా అజర్ ఆలీ (59) రనౌట్ అయ్యాడు. మరో వైపు ఫఖర్ ఆలీ మాత్రం తన బ్యాట్ ను ఝులిపించాడు. 90 బంతులు ఎదుర్కొన్న ఫఖర్ 96 పరుగులు చేశాడు.

15:11 - June 18, 2017

ఇంగ్లండ్ : భారత్ - పాకిస్తాన్ జట్ల మధ్య పోరు తెరలేంచింది. కాసేపటి క్రితం ఓవల్ లో అంపైర్లు టాస్ వేశారు. టాస్ గెలిచిన అనంతరం కెప్టెన్ విరాట్ కోహ్లీ బౌలింగ్ ఎంచుకుని పాక్ ను బ్యాటింగ్ కు ఆహ్వానించాడు. స్వల్ప స్కోరుకు పాక్ ను కట్టడి చేయాలని భారత్ యోచిస్తోంది. ఇక భారత్ ను ఎలాగైనా ఓడించాలని పాక్ తహతహలాడుతోంది. కానీ పాక్ జట్టుపై భారత్ ఎలాగైనా గెలుస్తుందని క్రీడాభిమానులు అంచనాలు వేసుకుంటున్నారు. కోహ్లీ..యువరాజ్ సింగ్ మెరుపులు మెరుస్తారని అభిమానులు ఆశిస్తున్నారు. విజయవాడలో నెలకొన్న సందడి..తదితర వివరాలకు వీడియో క్లిక్ చేయండి.

14:32 - June 18, 2017
14:06 - June 18, 2017

చిత్తూరు : ఐసీసీ ఛాంపిన్స్ ట్రోఫీలో భాగంగా కాసేపట్లో ఇండియా - పాకిస్తాన్ జట్ల మధ్య కాసేపట్లో మ్యాచ్ జరగనుంది. సెమీస్ లో బంగ్లాదేశ్ ను చిత్తు చేసిన టీమిండియా ఫైనల్ లో అడుగు పెట్టగా ఇంగ్లండ్ జట్టుపై పాక్ విజయం సాధించి ఫైనల్ అడుగు పెట్టింది. దీనితో దాయాదుల మధ్య మళ్లీ పోరు జరగనుంది. రెండు సార్లు ఛాంపిన్ గా భారత్ నిలిచింది. మూడోసారి కప్పు చేజిక్కించుకోవాలని భారత్ తహతహలాడుతోంది. దీనితో ఒక్కసారిగా దేశ వ్యాప్తంగా క్రికెట్ ఫీవర్ నెలకొంది. చిత్తూరు జిల్లాలో టీమిండియా గెలవాలని అభిమానులు కోరుకుంటున్నారు. మరింత విశేషాల కోసం వీడియో క్లిక్ చేయండి.

12:06 - June 16, 2017

ఇంగ్లాండ్ : ఛాంపియన్స్ ట్రోఫీలో మొత్తం 12 మ్యాచ్ లు జరిగితే అందులో 8 మ్యాచ్ లు సెకండ్ బ్యాటింగ్ చేసిన జట్లు విజయం సాధించాయి. ఇండియా రెండు మ్యాచ్ ల్లో సెకండ్ బ్యాటింగ్ చేసి గెలిచింది. ఛాంపియన్స్ ట్రోఫీ చివరి నాలుగు మ్యాచ్ ల్లో కూడా సెకండ్ బ్యాంటింగ్ చేసిన వారు గెలిచారు. ఇండియా, పాక్ ఫైనల్ మ్యాచ్ లో టాస్ కీలకం కానుంది. ఇండియా టాస్ గెలిస్తే కోహ్లీ సందేహం లేకుండా ఫీల్డింగ్ ఎంచుకునే అవకాశం ఉంది. అదేవిధంగా ఇండియాకు చేధనలో మంచి రికార్డు కూడా ఉంది. చిరకాల ప్రత్యర్థుల మధ్య జరిగే ఛాపియన్స్ ట్రోఫీ ఫైనలకు ప్రేక్షకులు ఉత్కంఠగా ఎదురు చూస్తున్నారు.

Pages

Don't Miss

Subscribe to RSS - pakistan