pawan kalyan movies

10:52 - December 28, 2017

పవన్ కల్యాణ్, త్రివిక్రమ్ కంబినేషన్ లో వస్తున్న చిత్రం అజ్ఞాతవాసి ఈ చిత్రంలో అనుఇమ్మాన్యుయల్ హీరోయిన్ గా చేస్తోంది. ఈ చిత్ర పాటలు ఈ నెల 19న విడుదలైయ్యాయి. ఆ సయంలో ఐదు పాటలు మాత్రమే రిలీజ్ చేశారు. ప్రస్తుతం అందరి దృష్టి ఆరో పాటపై ఉంది ఎందుకంటే ఆ పాట పాడేది పవన్ కల్యాణ్ కాబట్టి, పవన్ అత్తారింటిక దారేది మూవీలో కాటమరాయుడ పాటతో అభిమానులను అలరించారు. ఇప్పుడు అదే పంథాను కొనసాగిస్తూ అజ్ఞాతవాసిలో కూడా పాటు పాడారు. ఆ పాట కొడుక కోటేశ్వరరావు అన్న పల్లవితో ప్రారంభం అవుతుంది. ఈ పాట టీజర్ ను చిత్రం యూనిట్ ఫేస్ బుక్ లో పోస్టు చేశారు. టీజర్ లో పవన్ కొడుక అంటూ పడి పడి నవ్వడం, పవన్ సార్ అంత ఈజీగా ఏమి తెలియనీయరు. అది నాకు అర్థమవుతోందని భాస్కర్ భట్ల అనడం ఉంది. ఈ పాట ను కొత్త సంవత్సరం కానుకగా ఈ నెల 31 విడుదల చేయనున్నారు. ఈ చిత్రం వచ్చే ఏడాది జనవరి లో ప్రేక్షకుల ముందుకు రానుంది.

11:11 - December 21, 2017

ప్రస్తుతం టాలీవుడ్ లో మారుమ్రోగుతున్న సినిమా అజ్ఞాతవాసి. ఈ నెల 16న రిలీజైన చిత్ర టీజర్ కు అడియన్స్ నుంచి అదిరిపోయే రెస్పాన్స్ వచ్చింది. 19 న జరిగిన ఆడియో రిలీజ్ ఫక్షన్ ఇలా అజ్ఞాతవాసి చిత్రం గురించి సోషల్ మీడియాలో చర్చలు జరుగుతున్నాయి. ఈ నెల 26న అజ్ఞాతవాసి ట్రైలర్ విడుదల చేయనున్నారు. దీంతో సినీ ప్రేక్షకులు ఫోకస్ అంత అజ్ఞాతవాసి సినిమా పడనుంది. ఈ చిత్ర వచ్చే ఏడాది జనవరి 10 ప్రపంచవ్యాప్తంగా రిలీజ్ కానుంది. 

10:14 - December 6, 2017

విశాఖపట్టణం : జనసేనాని పవన్ కళ్యాణ్ నగరానికి చేరుకున్నారు. ఎయిర్ పోర్టులో చేరుకున్న పవన్ చూసేందుకు అభిమానులు భారీ ఎత్తున తరలివచ్చారు. జనసేనానికి సంబంధించిన పార్టీ కీలక నేతలు ఆయనకు ఘన స్వాగతం పలికారు. అనంతరం ఎయిర్ పోర్టు బయట వేచి ఉన్న అభిమానులకు 'పవన్' అభివాదం చేస్తూ వెళ్లారు. విశాఖ డ్రెడ్జింగ్ కార్పొరేషన్‌ ఉద్యోగి కుటుంబాన్ని పవన్ పరామర్శించనున్నారు. తరువాత పశ్చిమగోదావరి జిల్లా ఆక్వా ఫుడ్ పార్క్ బాధితులతో భేటీ కానున్నారు. ఈనెల 8న ఫెర్రీ బోట్ ప్రమాదంలో మృతి చెందిన కుటుంబ సభ్యులను ఒంగోలు వెళ్లి పరామర్శిస్తారు. ఉస్మానియా యూనివర్సిటీ విద్యార్ధి మురళి కుటుంబాన్ని కూడా పవన్ పరామర్శించనున్నారు.

పార్టీకి సంబంధించిన సమన్వయం..పార్టీపై వస్తున్న విమర్శలకు ఈ పర్యటనతో పవన్ సమాధానం చెప్పనున్నారు. తొలి దశలో సమస్యలపై అధ్యయనం..పరిశీలన..అవగాహన..ప్రభుత్వాలతో చర్చలు..అనంతరం పోరాటం...చేస్తామని పవన్ స్పష్టం చేసిన సంగతి తెలిసిందే. నిన్న..మొన్నటి వరకు జిల్లాల కన్వీనర్లు..పార్లమెంట్ నియోజవకర్గ ఇన్ ఛార్జీలను జనసేన నియమించుకున్న సంగతి తెలిసిందే. ప్రజా సమస్యలపై కేంద్ర, రాష్ట్ర ప్రభుత్వాలు అనుసరిస్తున్న విధానంపై పవన్ ప్రశ్నించే అవకాశం ఉందని తెలుస్తోంది. విశాఖ డ్రెడ్జింగ్ కార్పొరేషన్ ను ప్రైవేటీకరించాలని కేంద్ర ప్రభుత్వం యోచిస్తుండడంతో కార్మికులు ఉద్యమాలు చేస్తున్నారు. ఆర్డర్లు ఇవ్వకుండా నిర్వీర్యం చేస్తుండడంతో కార్పొరేషన్ భవిష్యత్ పై ఆందోళన నెలకొంది. ప్రధానంగా విశాఖ డ్రెడ్జింగ్ కార్పొరేషన్ పై పవన్ ఎలా స్పందిస్తారనే ఉత్కంఠ నెలకొంది. పూర్తి విశ్లేషణ కోసం వీడియో క్లిక్ చేయండి. 

09:16 - December 6, 2017

విశాఖపట్టణం : సినీ నటుడు, జనసేన అధినేత పవన్ కళ్యాణ్ విశాఖకు చేరుకున్నారు. తెలుగు రాష్ట్రాల్లో ఆయన పర్యటించనున్న సంగతి తెలిసిందే. వైజాగ్, విజయనగరం, విజయవాడ, పశ్చిమగోదావరి, ఒంగోలు జిల్లాలో ఆయన టూర్ కొనసాగుతుంది. విశాఖపట్టణంలో సోమవారం ఆత్మహత్య చేసుకున్న విశాఖ డ్రెడ్జింగ్ కార్పొరేషన్‌ ఉద్యోగి కుటుంబాన్ని పరామర్శించనున్నారు. తరువాత పశ్చిమగోదావరి జిల్లా ఆక్వా ఫుడ్ పార్క్ బాధితులతో భేటీ కానున్నారు. ఈనెల 8న ఫెర్రీ బోట్ ప్రమాదంలో మృతి చెందిన కుటుంబ సభ్యులను ఒంగోలు వెళ్లి పరామర్శిస్తారు. ఉస్మానియా యూనివర్సిటీ విద్యార్ధి మురళి కుటుంబాన్ని కూడా పవన్ పరామర్శించనున్నారు.
తొలి విడత పర్యటనలో సమస్యలను పరిశీలించడం.. అధ్యయనం చేయడం.. అవగాహన చేసుకోవడం .. రెండో విడత ఆ సమస్యల పరిష్కారం కోసం ప్రభుత్వానికి విజ్ఞప్తి చేయడం.. సమస్య పరిష్కారం కాకపోతే మూడో విడత పోరాటానికి వేదికగా మారుస్తామని పవన్ కల్యాణ్ స్పష్టం చేశారు. 

15:56 - October 5, 2017

ప్రముఖ సినీ నటుడు 'పవన్ కళ్యాణ్' ఫ్యాన్స్ పై మరోసారి చర్చ జరుగుతోంది. గత కొన్ని రోజులుగా ఆయన ఫ్యాన్స్ చేసిన వ్యాఖ్యలు..ఇతరత్రా రచ్చ రచ్చ అవుతున్న సంగతి తెలిసిందే. పవన్ కళ్యాణ్ అంటే కొంతమంది ఫ్యాన్స్ ఎక్కువగా అభిమానిస్తుంటారు. తమ అభిమాన నటుడిని ఎవరైనా అంటే ఘాటుగా స్పందిస్తుంటారు. మొన్న 'అల్లు అర్జున్' ఏదో అన్నందుకు కూడా వాళ్లు ఫైర్ అయిన సంగతి తెలిసిందే. ఇటీవలే పవన్ పై సినిమా క్రిటిక్ 'మహేష్ కత్తి' చేసిన వ్యాఖ్యలపై కూడా పవన్ ఫ్యాన్స్ మాటల దాడి చేశారు. దొరికితే ఇరగదీస్తామని కూడా హెచ్చరికలు కూడా చేసేశారు.

మరోసారి 'పవన్ ఫ్యాన్స్' వార్తల్లోకి ఎక్కుతున్నారు. 'పవన్' మాజీ భార్య రేణు దేశాయ్ మీద అగ్గిలంమీద గుగ్గిలమవుతున్నారు. ఆమె మనస్సులో పెట్టుకున్న విషయాన్ని బయట పెట్టినందుకు పవన్ ఫ్యాన్స్ వ్యంగ్యంగా కామెంట్లు పెడుతున్నారు. పవన్ తో విడాకులయిన అనంతరం ఇద్దరు పిల్లలతో రేణు ఒంటిరిగా జీవనం సాగిస్తున్న సంగతి తెలిసిందే. మళ్లీ పెళ్లి చేసుకొంటే తప్పా అని ఆమె వ్యాఖ్యానించినట్లు టాక్. దీనిని ఏమాత్రం సహించలేని ఫ్యాన్స్ రచ్చ రచ్చ చేసేస్తున్నారు. పవన్ ని మాజీ భర్త అని సంబోధిస్తారా ? ఫ్యాన్స్ తక్కువ చేసి మాట్లాడుతారా ? అంటూ గరంగరమవుతున్నారు.

తాను అలా అనలేదని...ఫ్యాన్స్ ని తక్కువ చేసి మాట్లాడ లేదని రేణు చెబుతున్నా వాళ్లు మాత్రం సోషల్ మాధ్యమాల్లో రెచ్చిపోతున్నారు. మరికొంత మంది వ్యంగ్యంగా కామెంట్లు పెడుతున్నట్లు తెలుస్తోంది. మహిళలకు స్వేచ్ఛ, విద్య, ఆరోగ్యం గురించి ఆలోచించుకోండి. మీ అందరికీ అమ్మ, అక్క, చెల్లి ఉన్నారు. ఇది నా కోసం కాదు. వాళ్ల కోసం చేయండి. వారికి చదువుకునేటప్పుడు, పని చేసేటప్పుడు రక్షణ ఉందన్న భావన కలిగించండి. భావ ప్రకటనా స్వేచ్ఛను కల్పించండి. మీడియా చానల్స్ తమ పవర్ చూపిస్తూ, టీవీల్లో డ్రామాలు, అపార్థాలు కలిగించే కథనాలను ప్రస్తావించవద్దు. అందరూ తమతమ కుటుంబాలు, ఇళ్లల్లోని మహిళల కోసం ఒకటిగా కదలాలన్నదే నా అభిమతం. కృతజ్ఞతలు" అని ట్విట్టర్ లో ట్వీట్ చేశారు. మరి ఫ్యాన్స్ ఇంతటితో ఆపుతారా ? లేదా ? అనేది చూడాలి. 

11:57 - August 16, 2017

పవర్ స్టార్ 'పవన్ కళ్యాణ్' మాటల మాంత్రికుడు 'త్రివిక్రమ్ శ్రీనివాస్' కాంబినేషన్ లో రూపొందుతున్న సినిమా షూటింగ్ శరవేగంగా కొనసాగుతోంది. 'కాటమరాయుడు' సినిమా డిజాస్టర్ అనంతరం 'పవన్' నటిస్తున్న ఈ చిత్రంపై భారీ అంచనాలు నెలకొంటున్నాయి. 'పవన్' ఈ సినిమాలో ఇంజినీర్ గా కనిపించనున్నాడని టాక్. సినిమాకు సంబంధించిన టైటిల్ మాత్రం ఇంకా ఫిక్స్ చేయలేదనే విషయం తెలిసిందే. పవన్ సరసన కీర్తి సురేష్..అను ఇమ్మాన్యుయేల్ హీరోయిన్స్ గా నటిస్తున్నారు.

తాజాగా ఈ సినిమాకు సంబంధించిన ఓ వార్త సామాజిక మాధ్యమాల్లో హల్ చల్ చేస్తోంది. శరవేగంగా చిత్రీకరణ జరుపుకుంటున్న ఈ సినిమా ఫస్ట్ లుక్ తేదీని ఖరారు చేసినట్లు టాక్. చిత్ర ఫస్ట్ లుక్ ను సెప్టెంబర్ 2న విడుదల చేయనున్నట్లు టాలీవుడ్ వర్గాల సమాచారం. ఇక చిత్రం విడుదలకాకముందే రూ. 150 కోట్లకు పైగా బిజినెస్ చేసినట్లు తెలుస్తోంది. విడుదలకు ముందు ఇన్ని కోట్లు రాబట్టిన తొలి తెలుగు చిత్రం 'బాహుబలి' రికార్డు సృష్టించిన విషయం తెలిసిందే. ఆ తరువాత రికార్డు పవన్ కళ్యాణ్ దేనని టాలీవుడ్ టాక్. ఈ సినిమాకు సంబంధించిన తదితర వివరాలు చిత్ర బృందం త్వరలోనే తెలియచేయనున్నట్లు తెలుస్తోంది. 

13:58 - July 23, 2017

పవర్ స్టార్ 'పవన్ కళ్యాణ్ త్వరలోనే పూర్తిస్థాయి రాజకీయాల్లోకి రాబోతున్నాడు. ఆయన 'జనసేన' పార్టీ స్థాపించిన సంగతి తెలిసిందే. ఇప్పటికే తెలంగాణ, ఆంధ్రప్రదేషశ్ రాష్ట్రాల్లో పార్టీ కోసం కార్యకర్తలను నియమిస్తున్నారు. పరీక్షల ద్వారా టాలెంట్ ఉన్న వారిని సెలెక్ట్ చేస్తున్నారు. 2019 ఎన్నికల్లో పోటీ చేస్తానని ప్రకటించారు కూడా.

ఇదిలా ఉంటే ప్రస్తుతం 'పవన్' పలు సినిమాలకు సైన్ చేస్తూ బిజీ బిజీగా మారిపోయారు. మాటల మాంత్రికుడు 'త్రివిక్రమ్ శ్రీనివాస్' దర్శకత్వంలో 'పవన్' ఓ సినిమా చేస్తున్నాడు. ప్రస్తుతం శరవేగంగా షూటింగ్ జరుపుకొంటోంది. ఈ సినిమా అనంతరం సంతోష్ శ్రీనివాస్ దర్శకత్వంలో మరో చిత్రం కూడా పూర్తి చేయాలని 'పవన్' నిర్ణయించుకున్నట్లు తెలుస్తోంది. అనంతరం పూర్తిగా రాజకీయంపై దృష్టి పెట్టాలని 'పవన్' ప్లాన్ చేసుకున్నారని వినికిడి.

మైత్రి మూవీ మేకర్స్ నిర్మించనున్న ఈ చిత్రం ఎన్నికల కంటే ముందుగానే చిత్రం పూర్తి చేయాలని చిత్ర యూనిట్ తో పాటు 'పవన్' కూడా నిర్ణయానికి వచ్చారని టాక్. కేవలం 40 రోజుల కాల్షిట్లు మాత్రమే కేటాయించారని తెలుస్తోంది. అంటే కేవలం 40 రోజుల్లోనే సినిమా పూర్తవుతుందన్నమాట. ఇందులో 'పవన్' సరసన 'రకూల్ ప్రీత్ సింగ్' హీరోయిన్ గా నటించనుందని తెలుస్తోంది.

మరి సినిమా 40 రోజుల్లో పూర్తవుతుందా ? ఈ సినిమాకు సంబంధించిన పూర్తి వివరాలు త్వరలోనే తెలియనున్నాయి.

10:58 - July 10, 2017

జూనియర్ ఎన్టీఆర్ కలల ప్రాజెక్టుకు పవర్ స్టార్ 'పవన్ కళ్యాణ్' అడ్డుపడుతున్నాడా ? ఈ వార్త సోషల్ మాధ్యమాల్లో హల్ చల్ చేస్తోంది. ఇరువురు హీరోలు వరుస సినిమాలతో బిజీగా ఉన్న సంగతి తెలిసిందే. 'కాటమరాయుడు' డిజాస్టర్ అనంతరం మాటల మాంత్రికుడు 'త్రివిక్రమ్' దర్శకత్వంలో 'పవన్' సినిమా చేస్తున్న సంగతి తెలిసిందే. బాబి దర్శకత్వంలో 'జై లవ కుశ' చిత్రంలో 'ఎన్టీఆర్' నటిస్తున్నాడు. ఈ సినిమాలో 'ఎన్టీఆర్' ఏకంగా మూడు పాత్రలు పోషించనున్నాడు. అందులో ఒకటి విలన్ పాత్ర కావడం విశేషం.
'రాశీఖన్నా', 'నివేదితా థామస్' లు హీరోయిన్లుగా నటిస్తున్నారు. ఈ షూటింగ్ చివరి దశకు చేరుకుంది. ఆగస్టులోపు షూటింగ్ పూర్తి చేసి సెప్టెంబర్ రెండో వారంలో రిలీజ్ చేయాలని దర్శకుడు బాబి పక్కా ప్లాన్ చేసినట్లు సమాచారం. ఈ సినిమా రిలీజ్ అనంతరం నవంబర్ మాసంలో 'త్రివిక్రమ్' దర్వకత్వంలో 'ఎన్టీఆర్' నటించనున్నాడని తెలుస్తోంది. కానీ 'పవన్' తో 'త్రివిక్రమ్' చేస్తున్న సినిమా ఆ లోపు షూటింగ్ కంప్లీట్ అవుతుందా ? అనే అనుమానాలు కలుగుతున్నాయి. దసరా విడుదల చేయాలని అనుకున్నా ఆలస్యం అవుతుండడంతో అక్టోబర్ నెలలో రిలీజ్ చేయాలని చిత్ర యూనిట్ భావిస్తున్నట్లు తెలుస్తోంది. 'ఎన్టీఆర్' సినిమాకు 'పవన్' అడ్డు పడుతున్నారని పుకార్లు షికారు చేస్తున్నాయి. మరి ఎన్టీఆర్..త్రివిక్రమ్ కాంబినేషన్ లో చిత్రం ఉంటుందా ? లేదా ? అనేది చూడాలి.

15:08 - June 29, 2017

’దిల్‘ రాజు నిర్మాతగా మారి మంచి సక్సెలను అందుకుంటున్నాడు. టాలీవుడ్ లోని ప్రముఖుల చిత్రాలకు ఆయన నిర్మాతగా వ్యవహరిస్తున్న సంగతి తెలిసిందే. ఇటీవలే ఆయన నిర్మాణంలో హరీశ్ శంకర్ దర్శకత్వంలో వచ్చిన ‘డీజే..దువ్వాడ జగన్నాథమ్’ కాసులు కురిపిస్తోంది. దీనితో ‘దిల్’ రాజు ఫుల్ హ్యపీగా ఉన్నాడంట. అయితే ఇదిలా ఉంటే ‘పవన్ కళ్యాణ్’ తో ‘దిల్’ రాజు ఓ సినిమా చేయనున్నాడని టాక్ వినిపిస్తోంది. పవన్ కూడా కథ సిద్ధం చేసుకోవాలని చెప్పాడని టాక్.

2019 ఎన్నికలు..
2019 ఎన్నికల్లో పవన్ ఎంట్రీ ఇస్తున్న సంగతి తెలిసిందే. రాజకీయ రంగంతో ఈ చిత్రం తెరకెక్కనుందని ప్రచారం జరుగుతోంది. ఇప్పటికే పవన్ వరుస సినిమాలతో బిజీగా ఉన్నాడు. త్రివిక్రమ్ శ్రీనివాస్ దర్శకత్వంలో...సంతోష్ శ్రీనివాస్ కాంబినేషన్ లో రూపొందబోయే చిత్రాల్లో నటించనున్నాడు. ఎన్ని సినిమాలు ఒప్పుకున్నా 2018 సంవత్సరంలోపు పూర్తి చేయాల్సి ఉంటుంది. మరి ‘దిల్’ రాజు నిర్మాణంలో ‘పవన్’ చిత్రం ఉంటుందా ? లేదా ? అనేది వేచి చూడాలి. 

14:19 - May 25, 2017

పవర్ స్టార్ 'పవన్ కళ్యాణ్' 'కాటమరాయుడు' చిత్రం అనంతరం పలు సినిమాకుల సైన్ చేసిన సంగతి తెలిసిందే. ఇటీవలే తివిక్రమ్ దర్శకత్వంలో రూపొందుతున్న సినిమా షూటింగ్ కూడా ప్రారంభమైంది. వీరి కాంబినేషన్ లో 'అత్తారింటికి దారేది' సినిమా రూపొందిన సంగతి తెలిసిందే. హారిక-హాసిని క్రియేషన్స్ బేనర్లో ఎస్.రాధాకృష్ణ నిర్మిస్తున్న ఈ చిత్రంలో 'కీర్తి సురేష్', 'అను ఇమ్మాన్యుయెల్' లు హీరోయిన్స్ గా నటిస్తున్నారు. ఫ్యామిలీ ఎంటర్ టైనర్ గా చిత్రం రూపొందుతోందని తెలుస్తోంది. ఇందులో 'పవన్' సాఫ్ట్ వేర్ ఇంజినీర్ పాత్ర పోషిస్తున్నారని టాక్. ఈ చిత్రానికి సంబంధించిన టైటిల్ ఇంతవరకు ప్రకటించలేదు. కానీ పలు టైటిల్స్ సోషల్ మాధ్యమాల్లో ప్రచారం జరుగుతున్నాయి. తాజాగా 'చుట్టేద్దాం రండి' అనే టైటిల్ ను చిత్ర యూనిట్ పరిశీలిస్తున్నట్లు టాక్. ఈ చిత్రానికి అనిరుధ్‌ మ్యూజిక్ అందిస్తున్నాడు. త్వరలోనే ఏ టైటిల్ ను పెట్టబోతున్నారనేది తెలుస్తోంది.

Pages

Don't Miss

Subscribe to RSS - pawan kalyan movies