PM Modi

18:36 - December 16, 2018

ఢిల్లీ: దేశంలోనే అతిపెద్దదైన "బోగిబీల్" రోడ్-కం-రైలు బ్రిడ్జిని ప్రధానమంత్రి నరేంద్ర మోడీ డిసెంబర్ 25న ప్రారంభించనున్నారు. బ్రహ్మపుత్ర నదిపై అసోం, అరుణాచల్ ప్రదేశ్ లను కలుపుతూ 4.94 కిలోమీటర్లు  పొడవున నిర్మించిన ఈవంతెన ప్రారంభమైతే అరుణాచల్‌ప్రదేశ్‌తో పాటు చైనా సరిహద్దు వెంబడివున్న ప్రాంతాలకు రాకపోకలు సులభమవుతాయి. 
1997లో అప్పటి తాత్కాలిక ప్రధానమంత్రి దేవేగౌడ ఈ వంతెనకు శంకుస్థాపన చేశారు. 2002లో వాజపేయి ప్రభుత్వ హయాంలో ఈవంతెన నిర్మాణ పనులు ప్రారంభమయ్యాయి. ఈవంతెన పైభాగంలో మూడు లైన్ల రోడ్డుమార్గం, కింద రెండు రైల్వే ట్రాకులు ఉన్నాయి. దీనిని బ్రహ్మపుత్రానదిపై 32 మీటర్ల ఎత్తులో నిర్మించారు.ఆసియాలోనే  అత్యంత పొడవైన రెండవ రోడ్ కమ్ రైలుబ్రిడ్జిగా ఇది గుర్తింపు పొందింది. బ్రిడ్జి నిర్మాణం ఆలస్యం కావటంతో నిర్మాణ వ్యయం 5 రెట్లు పెరిగిందని తెలుస్తోంది.
వంతెన నిర్మాణం 2018 జూన్ లో పూర్తయినప్పటికీ ప్రారంభోత్సవం అనేకసార్లు వాయిదా పడింది. ఎట్టకేలకు మాజీ ప్రధాని వాజ్ పేయి జన్మదినం రోజు ప్రధానమంత్రి  నరేంద్రమోడీ వంతెన ప్రారంభోత్సవం చేయటానికి ముహూర్తం కుదిరింది.

08:43 - December 16, 2018

యూపీ: ప్రధాని మోడీ తొలిసారిగా కాంగ్రెస్ కంచుకోట రాయ్‌బరేలీలో పర్యటించనున్నారు. ఇందిర, రాజీవ్, సోనియా కుటుంబానికి పెట్టని కోటలాంటి రాయ్‌బరేలీ నియోజకవర్గంలో మోడీ వెయ్యికోట్లకిపైగా అభివృధ్ది పనులకు శంకుస్థాపన చేయనున్నారు. వచ్చే లోక్‌సభ ఎన్నికలకు ముందు మోడీ ఇలా రాయ్‌బరేలీ టూర్ పెట్టుకోవడం వ్యూహాత్మకమే అని భావిస్తున్నారు. ఐదు రాష్ట్రాల ఎన్నికల ఫలితాల తర్వాత బీజేపీలో జోష్ పెంచేందుకు మోడీ తయారయ్యారు. అందుకోసం గాంధీ కుటుంబానికి పెట్టని కోటలాంటి రాయ్‌బరేలీని ఎంచుకున్నారు. రాయ్‌బరేలీలో మోడీ పర్యటించడం ఇదే తొలిసారి కావడం మరో విశేషం.
2019 లోక్‌సభ ఎన్నికలే టార్గెట్:
అసెంబ్లీ ఎన్నికల ఫలితాలకు ముందే..మోడీ ఈ టూర్ ప్లాన్ చేసినట్లు తెలుస్తోంది. రాయ్‌బరేలీకి పక్కనే ఉన్నఅమేథీ నుంచి రాహుల్‌గాంధీపై బీజేపీ నేత, కేంద్ర టెక్స్ట్‌టైల్ శాఖ మంత్రి స్మృతి ఇరాని పోటీ చేశారు. అప్పట్నుంచి ఆమె రాయ్‌బరేలీ నియోజకవర్గాన్ని తరచూ సందర్శిస్తున్నారు. 2019 లోక్‌సభ ఎన్నికలనాటికి రాయ్‌బరేలీ ప్రజల్లోకి చొచ్చుకుపోవాలనేది బీజేపీ వ్యూహం. ఇప్పుడా వ్యూహంలో భాగంగానే మోడీ టూర్ కూడా ఏర్పాటైందంటారు.
అభివృద్ధి పనులకు రూ.1100కోట్లు:
2018, డిసెంబర్ 16వ తేదీన ప్రధాని మోడీ ఓ బహిరంగసభ నిర్వహిస్తారు. అందులోనే హంసఫర్ ఎక్స్‌ప్రెస్ రైలుని ప్రారంభిస్తారు. ఇప్పటికే యూపీ సిఎం యోగి ఆదిత్యనాద్ ఈ ఏర్పాట్లు పర్యవేక్షించారు. రాయ్‌బరేలీలోని రైల్ కోచ్ ఫ్యాక్టరీని కూడా పరిశీలించారు. మోడీ రాయ్‌బరేలీ టూర్‌లో దాదాపు రూ.1100కోట్ల మేర అభివృద్ధి పనులకు శంకుస్థాపనలు చేయనున్నారు.
ఒక్కసారి కూడా రాని సోనియా:
సోనియాగాంధీ గత ఏప్రిల్ నుంచి ఇప్పటిదాకా ఒక్కసారి కూడా ఇక్కడికి రాలేదు. దానికి ముందు సోనియా..2016 మధ్యలో ఓసారి స్థానికులకు కన్పించి వెళ్లారు. 2017 యూపీ ఎన్నికలలోనూ సోనియా ప్రచారం చేయలేదు. దీంతో నెహ్రూ-గాంధీ కుటుంబం హవాని వీలైనంత తగ్గించడానికి ఇదే అవకాశమని కమలదళం భావిస్తోంది. మరోవైపు కాంగ్రెస్ కూడా రాయ్‌బరేలీ అభివృధ్దిని బీజేపీనే అడ్డుకుంటుందని ప్రచారం చేస్తోంది. ఈ మధ్యనే కేంద్రమంత్రి అరుణ్ జైట్లీ తన ఎంపీ లాడ్స్ నుంచి కొంత నిధులు రాయ్‌బరేలీకి విడుదల చేశారు. మోడీ తన టూర్‌లో ఈ అంశాన్ని ప్రస్తావించే అవకాశం కన్పిస్తోంది. మోడీ రాయ్‌బరేలీ పర్యటన తర్వాత అలహాబాద్ కుంభమేళా పనులను పర్యవేక్షించేందుకు వెళ్తారు.

13:17 - December 13, 2018

ఢిల్లీ : దేశవ్యాప్తంగా రుణమాఫీ చేయాలని కేంద్ర ప్రభుత్వం యోచిస్తున్నట్లు కనిపిస్తోంది. దేశవ్యాప్త రుణమాఫీ ప్రతిపాదనపై కసరత్తు చేస్తున్నట్లు ప్రభుత్వ వర్గాలు చెబుతున్నాయి. గత కాంగ్రెస్ పాలనలో 2008-09 బడ్జెట్‌లో నాటి ఆర్థిక మంత్రి చిదంబరం రూ.72 వేల కోట్ల విలువైన దేశవ్యాప్త రుణమాఫీని ప్రకటించారు. 2009 ఎన్నికలను దృష్టిలో పెట్టుకుని నాటి యూపీఏ సర్కారు ప్రకటించిన ఆ సంక్షేమ పథకాన్నే ఇప్పుడు మోడీ సర్కారూ నమ్ముకుంటోందా? నోట్ల రద్దు, జీఎస్టీ దెబ్బతో కుదేలైన ప్రజలు మధ్యప్రదేశ్‌, ఛత్తీస్‌గఢ్‌, రాజస్థాన్‌ రాష్ట్రాల్లో బీజేపీని ఓడించడంతో అప్రమత్తమై ఈ మార్గాన్ని ఎంచుకుందా? ప్రభుత్వంలోని విశ్వసనీయవర్గాలు ఈ ప్రశ్నలకు ఔననే సమాధానమే ఇస్తున్నాయంటూ ప్రముఖ వార్తాసంస్థ రాయిటర్స్‌ ఒక కథనాన్ని ప్రచురించింది. ఆ కథనం ప్రకారం.. వచ్చే ఏడాది జరిగే ఎన్నికల్లో గెలుపు కోసం.. దేశవ్యాప్తంగా అమలయ్యేలా అక్షరాలా 4 లక్షల కోట్ల రూపాయల రుణమాఫీని ప్రకటించేందుకు మోడీ సర్కారు సిద్ధమైందని ఆ వర్గాలు చెబుతున్నాయి.


నాడు యూపీఏ ప్రభుత్వం ప్రకటించిన మొత్తానికి దాదాపు ఐదున్నర రెట్లుగా చెప్పవచ్చు. వ్యవసాయ ఆదాయాన్ని పెంచడమే లక్ష్యమని ఎప్పుడూ ఘనంగా ప్రకటించే నరేంద్ర మోదీ.. ఆ లక్ష్యాన్ని సాధించడంలో విఫలమయ్యారని గణాంకాలు చెబుతున్నాయి. ఇటీవలే మహారాష్ట్రకు చెందిన ఒక ఉల్లి రైతు.. 750 కిలోల పంటను మార్కెట్లో విక్రయిస్తే కేవలం రూ.1064 వచ్చాయి. దీంతో కడుపు మండిన ఆ రైతు.. ఆ సొమ్ము మొత్తాన్నీ ప్రధానికి మనీ ఆర్డర్‌ చేసి తన ఆగ్రహాన్ని వ్యక్తం చేశాడు. మధ్యప్రదేశ్‌, రాజస్థాన్‌లో ఓటమికి రైతుల ఆగ్రహం కూడా కారణమే అని చెప్పవచ్చు. ఆ రాష్ట్ర జనాభాలో 70 శాతానికి పైగా ప్రజలు గ్రామీణ ప్రాంతాల్లో నివసించేవారే.

మోడీ హయాంలో వ్యవసాయ ఆదాయం గణనీయంగా తగ్గిపోవడంతో వారంతా కోపంగా ఉన్నారు. మరోవైపు.. తమిళనాడు రైతులు ఢిల్లీలో తీవ్రస్థాయిలో నిరసన ప్రదర్శనలు నిర్వహిస్తున్న సంగతి తెలిసిందే. ఇలా అన్నివైపుల నుంచి అన్నదాతల ఆగ్రహం చుట్టుముడుతుండడం.. ఎన్నికలకు ఇంకా నాలుగైదు నెలల సమయమే ఉండడంతో.. 26.3 కోట్ల మంది రైతుల మద్దతు పొందేందుకు మోడీ సర్కారు ఈ దేశవ్యాప్త రుణమాఫీ ప్రతిపాదనపై కసరత్తు చేస్తున్నట్లు ప్రభుత్వ వర్గాలు వివరించాయి. ఒకవేళ ఆర్థిక పరిస్థితి సహకరించకపోతే.. అసాధారణ వాతావరణ పరిస్థితులున్న భౌగోళిక ప్రాంతాల్లోనైనా సరే రుణమాఫీని అమలు చేసే అవకాశం ఉందని ఆ వర్గాలు పేర్కొన్నాయి.

 

10:56 - December 13, 2018

ఢిల్లీ : బీజేపీ పార్లమెంటరీ పార్టీ సమావేశం ప్రారంభం అయింది. పార్లమెంట్ లైబ్రరీ భవనంలో సమావేశం కొనసాగుతోంది. ప్రధాని మోడీ అధ్యక్షతన సమావేశం జరుగుతోంది. ప్రధాని మోడీతోపాటు కేంద్ర మంత్రలు, అమిత్ షా, బీజేపీ కీలక నేతలు సమావేశానికి హాజరయ్యారు. ఎంపీలు కూడా సమావేశంలో పాల్గొన్నారు. ఐదు రాష్ట్రాల ఎన్నికల ఫలితాలు, పార్లమెంటులో అనుసరించాల్సిన వ్యూహం, ప్రస్తుత పరిస్థితులపై ప్రధానంగా చర్చిస్తున్నారు. 
మూడు రాష్ట్రాల్లో అధికారం కోల్పోయిన బీజేపీ
చత్తీస్ గఢ్, మధ్యప్రదేశ్, రాజస్థాన్ రాష్ట్రాల్లో బీజేపీ అధికారం కోల్పోయింది. మిజోరాంలో ఒక స్థానాన్ని సాధించుకుంది. తెలంగాణలో ఐదు స్థానాల నుంచి ఒక స్థానానికి పడిపోయింది. అయితే ఓటమికి గల కారణాలేంటి? ఏ ఏ అంశాలు ప్రభావితం చేశాయి? మోడీ మార్క్ ఎక్కడ తగ్గింది? కేంద్ర ప్రభుత్వ పథకాలు పని చేయలేదా? రాష్ట్ర స్థాయిలో ఏ అంశాలు ప్రభావితం చేశాయి ? ఓటర్లు కాంగ్రెస్ వైపు ఎందుకు మరలారు అన్న అంశాలను బేరీజు వేసుకోబోతున్నారు. 

 

07:20 - December 12, 2018

ఛత్తీస్ గడ్ : అధికారం కోసం 15 ఏండ్ల పాటు నిరీక్షణ...సీఎం పీఠంపై కన్ను...అధికారం కోసం దగ్గరగా వచ్చినా ఓటమి...ఎలాగైనా విజయం సాధించాలనే తపన..ఎట్టకేలకు ఆ పార్టీకి ప్రజలు బ్రహ్మరథం పట్టారు. పాలించమని ఓటర్ తీర్పు చెప్పాడు. ఛత్తీస్ గడ్‌లో 15 సంవత్సరాల బీజేపీ పాలన వద్దని..అధికారాన్ని కాంగ్రెస్ చేతికి అందించారు అక్కడి ఓటర్లు. ఇక్కడ హంగ్ ఏర్పడుతుందని ఎగ్జిట్ పోల్స్ అంచనా వేసినా..అది నిజం కాదని తేలింది. 
90 స్థానాలు...
90 స్థానాలకు జరిగిన ఎన్నికల్లో కాంగ్రెస్ 62 స్థానాలు..బీజేపీ 16 స్థానాలు..జనతా కాంగ్రెస్ ఛత్తీస్ గడ్ (జేసీసీ) - బీఎస్పీల కూటమి 6 స్థానాలు సాధించాయి. అధకారానికి దూరంగా ఉండి తీవ్ర నిరాశ నిస్ర్పహల మధ్య ఉన్న కాంగ్రెస్ నేతలు ప్రస్తుతం సంబరాల్లో మునిగితేలుతున్నారు. 
భూపేశ్ భఘాల్ క‌ృతజ్ఞతలు...
ఘన విజయాన్ని అందించిన ప్రజలకు రాష్ట్ర పీసీసీ అధ్యక్షుడు భూపేశ్ భఘాల్ క‌ృతజ్ఞతలు తెలియచేశారు. ప్రభుత్వంపై వ్యతిరేకత ఉందని ప్రజల ఓటు తీర్పు ద్వారా తెలిసిందన్న ఆయన..రాహుల్ గాంధీ నేతృత్వంలో రాష్ట్రంలో బలపడ్డమన్నారు. సీఎం ఎవరనేది అధిష్టానం నిర్ణయిస్తుందన్నారు. 
రాజ్‌నందగావ్‌ నియోజకవర్గంలో రమణ్‌సింగ్‌ గెలుపు...
> వాజ్‌పేయి మేనకోడలు కరుణ్‌ శుక్లా ఓటమి...
బిలాస్‌పూర్‌ నుంచి పోటీ చేసిన పట్టణాభివృద్ధి, కమర్షియల్‌ టాక్స్‌ శాఖ మంత్రి అమర్‌ అగర్వాల్‌ పరాజయం.. 
బిలాస్ పూర్‌లో కాంగ్రెస్‌ అభ్యర్థి శైలేశ్‌ పాండే విజయం...
మంత్రి రాజేశ్‌ మునాత్‌ ఓటమి...

09:06 - December 3, 2018

హైదరాబాద్: తెలంగాణలో ఎన్నికల ప్రచారం చివరి అంకానికి చేరుకుంటోంది. ప్రచారానికి మూడు రోజుల సమయమే మిగిలి ఉండడంతో... పార్టీలన్నీ ప్రచారాన్ని విస్తృతంగా నిర్వహిస్తున్నాయి. మరోవైపు తమ పార్టీల అగ్రనేతలతో రాష్ట్రంలో ప్రచారం నిర్వహించేందుకు ప్రణాళికలు సిద్ధం చేశాయి. భారతీయ జనతాపార్టీ తెలంగాణలో ప్రచారాన్ని మరింత ముమ్మరం చేసింది. ప్రచారానికి గడువు సమీపించడంతో పోటీలో ఉన్న అన్నిచోట్ల ప్రచారాన్ని నిర్వహిస్తోంది. ఎన్నికల ప్రచారంలో భాగంగా ప్రధాని మోదీ సోమవారం(డిసెంబర్ 3) రాష్ట్రానికి రాబోతున్నారు. ఎల్బీ స్టేడియంలో జరిగే బహిరంగ సభలో పాల్గొంటారు. సభకు సంబంధించిన ఏర్పాట్లను బీజేపీ రాష్ట్ర నాయకత్వం పూర్తి చేసింది.
* మరోసారి రాష్ట్రానికి మోదీ
* ఎల్బీ స్టేడియంలో బహిరంగ సభ
* మధ్యాహ్నం 3 గంటలకు ప్రారంభం

మోదీ స్పీచ్‌పై ఆసక్తి:
మధ్యాహ్నం 3 గంటలకు జరిగే ఈ సభను బీజేపీ రాష్ట్ర నాయకత్వం ప్రతిష్టాత్మకంగా తీసుకుంది. సభను సక్సెస్‌ చేసి తమ సత్తా చాటాలని బీజేపీ భావిస్తోంది. అందుకే ఈ సభకు భారీగా జనసమీకరణపై దృష్టి సారించింది. అన్ని జిల్లాల నుంచి జనాన్ని భారీ సంఖ్యలో తరలించాలని రాష్ట్ర నాయకత్వం నిర్ణయించింది. మరోవైపు సభకు సంబంధించిన ఏర్పాట్లను కూడా పూర్తి చేసింది. మోదీ ఏం చెప్తారన్నదానిపై సర్వత్రా ఆసక్తి నెలకొంది.
సౌత్‌లో సత్తా చాటాలని:
రాష్ట్ర నేతలతో పాటు బీజేపీ అగ్రనాయకత్వాన్ని ప్రచారంలోకి దించుతోంది. ఇప్పటికే ప్రధాని మోదీ, పలువురు కేంద్రమంత్రులు తెలంగాణలో ప్రచారం నిర్వహించారు. బీజేపీ జాతీయ అధ్యక్షుడు అమిత్‌షాతో పాటు యూపీ సీఎం యోగి ప్రచారం నిర్వహించారు. మరికొంత మంది ఇతర బీజేపీ అగ్రనేతలు తెలంగాణలో బీజేపీ అభ్యర్థుల గెలుపునకు ప్రచారం నిర్వహించారు. సౌత్‌లో తమ పార్టీ ఖాతా తెరవాలని... అది తెలంగాణతోనే మొదలవ్వాలన్న లక్ష్యంతో బీజేపీ అగ్రనేతలంతా తెలంగాణలో ప్రచారానికి వస్తున్నారు.
మరోసారి రంగంలోకి రాహుల్:
అటు కాంగ్రెస్ అధ్యక్షుడు రాహుల్‌గాంధీ మరోసారి రాష్ట్రానికి రాబోతున్నారు. గద్వాల, తాండూరు నియోజకవర్గ సభల్లో ఆయన ప్రచారం నిర్వహించనున్నారు. మధ్యాహ్నం తర్వాత టీడీపీ జాతీయ అధ్యక్షుడు చంద్రబాబుతో కలిసి హైదరాబాద్‌లో రోడ్‌షోలు నిర్వహించనున్నారు. చంద్రబాబుతో కలిసి కూకట్‌పల్లి, జూబ్లీహిల్స్‌ నియోజకవర్గాల్లో రోడ్‌షోలో రాహుల్ పాల్గొననున్నారు. జూబ్లీహిల్స్‌, కూకట్‌పల్లి, రహ్మత్‌నగర్‌, మూసాపేట చౌరస్తాల్లో రాహుల్‌ ప్రసంగించనున్నారు. రాహుల్‌ పర్యటనకు సంబంధించిన ఏర్పాట్లను కాంగ్రెస్ పూర్తి చేసింది.
రాహుల్‌ రాక కాంగ్రెస్‌ శ్రేణుల్లో నూతనోత్సాహం నింపిందని, ప్రజలు కాంగ్రెస్‌కు ఓట్లు వేసేందుకు ఆయన పర్యటన బాగా ఉపయోగపడిందని ఆ పార్టీ శ్రేణులు భావిస్తున్నాయి. దీంతో మరోసారి రాష్ట్రానికి రావాలని పీసీసీ ఆయనను కోరింది. ఇందుకు రాహుల్ కూడా అంగీకరించారు. ఎన్నికల నోటిఫికేషన్‌ వచ్చిన తర్వాత ఇప్పటికే రెండుసార్లు రాష్ట్రానికి వచ్చారు రాహుల్. సుడిగాలి పర్యటనతో పలు నియోజకవర్గాల్లో ప్రచారం నిర్వహించారు.
* మరోసారి రాష్ట్రానికి రాహుల్‌
* గద్వాల, తాండూరు నియోజకవర్గాల్లో ప్రచారం
* మధ్యాహ్నం తర్వాత హైదరాబాద్‌లో ప్రచారం
* చంద్రబాబుతో కలిసి ప్రచారం చేయనున్న రాహుల్‌
* కూకట్‌పల్లి, జూబ్లీహిల్స్‌ నియోజకవర్గాల్లో రోడ్‌షో
* మ.12.15 గద్వాల్, మ.2.15కి తాండూరులో బహిరంగ సభ
* సా. 4.15 గంటలకు జూబ్లీహిల్స్‌లో రోడ్‌షో
* సా. 5.30 గంటలకు కూకట్‌పల్లిలో రోడ్‌షో

16:39 - November 22, 2018

నిర్మల్ : కేంద్ర ప్రభుత్వంపై తెలంగాణ రాష్ట్ర అపద్ధర్మ సీఎం కేసీఆర్ తీవ్రస్థాయిలో ధ్వజ మెత్తారు. కేంద్రం అనుసరిస్తున్న ప్రజా వ్యతిరేక విధానాలు ఎండగట్టారు. ప్రధాని నరేంద్రమోడీపై తీవ్ర విమర్శలు చేశారు. పరిపాలన చేయడంలో మోడీ ప్రభుత్వం అట్టర్ ప్లాప్ అయిందని విమర్శించారు. నిర్మల్‌లో ఏర్పాటు చేసిన టీఆర్ఎస్ ప్రచార సభలో కేసీఆర్ ప్రసంగించారు. 
నరేంద్రమోడీ జాగీరా..లేక ఆయన తాతదా? 
ముస్లీంల కోసం, గిరిజనుల కోసం కేంద్ర ప్రభుత్వాన్ని రిజర్వేషన్లు అడిగామని తెలిపారు. తెలంగాణలో ముస్లీం జనాభా, ఎస్టీల జనాభా పెరిగిందని.. అవసరం కాబట్టి ముస్లీంల కోసం, గిరిజనుల కోసం రిజర్వేషన్లు అడిగామని చెప్పారు. కానీ తమ ప్రతిపాదనలను కేంద్రం తిప్పి పంపించిందన్నారు. నరేంద్రమోడీ జాగీరా..లేక ఆయన తాత జాగీరా అని కేసీఆర్ ఘాటుగా వ్యాఖ్యానించారు. 30 లెటర్స్ మోడీకి రాశానని తెలిపారు. కానీ మోడీకి హిందూ ముస్లీం బీమారి ఉందని మండిపడ్డారు. ప్రజలను ప్రజల్లాగా చూసే విశాల హృదయం మోడీకి లేదని విమర్శించారు. అధికారులను కేంద్రీకరించి, రాష్ట్రాల అధికారాలను హరిస్తున్నారని మండిపడ్డారు. హైదరాబాద్‌లో అసదుద్దీన్ ఓవైసీని, 16 మంది టీఆర్ఎస్ మంది ఎంపీలు గెలిచి, కేంద్రం మెడలు వంచి రాష్ట్ర హక్కులు సాధించుకోవాలన్నారు.
నాన్ కాంగ్రెస్, నాన్ బీజేపీ ఫెడరల్ ఫ్రంట్
దేశంలో నాన్ కాంగ్రెస్, నాన్ బీజేపీ ఫెడరల్ ఫ్రంట్ రావాలని...తప్పకుండా వస్తుందని ధీమా వ్యక్తం చేశారు. తెలంగాణ వస్తుందని చెప్పినప్పుడు కూడా ఎవరూ నమ్మలేదని...కానీ తెలంగాణ వచ్చిందన్నారు. ఆ విధంగానే దేశంలో కూడా నాన్ కాంగ్రెస్, నాన్ బీజేపీ ఫెడరల్ ఫ్రంట్ తప్పకుండా వస్తుందని ఆశా భావం వ్యక్తం చేశారు. రాష్ట్రాల హక్కులు పెరుగుతాయన్నారు. 

 

14:13 - November 5, 2018

గుజరాత్ : దీపావళి పండుగ వచ్చేస్తోంది. దానికంటే ముందుగా వచ్చేది ధన్ తేరస్...ఈ రోజులో బంగారం కొని ఇంటికి తెచ్చుకుంటే లక్ష్మీదేవి తమింట్లో కొలువవుతుందని చాలా మంది విశ్వాసం. ఇక దీనిని క్యాష్ చేసేందుకు వ్యాపారులు ఆఫర్లు..డిస్కౌంట్ల మీద డిస్కౌంట్లు ప్రకటించేస్తున్నారు. తమ దగ్గర బంగారం కొంటే అది ఫ్రీ..ఇది ఫ్రీ...అంటుంటే అన్ని బంగారు ఆభరణాలపై 5 నుండి 15-20 శాతం వరకు రాయితీ ఇస్తామని పలు వ్యాపార సంస్థలు ప్రకటిస్తుంటాయి. 
కానీ సూరత్‌లో ఉన్న ఓ దుకాణం మాత్రం అందర్నీ ఆకట్టుకొంటోంది. అక్కడ బిస్కెట్ల రూపంలో బంగారం..వెండిని విక్రయిస్తుంటారు. ఈసారి ధన్ తేరస్ సందర్భంగా ప్రత్యేకతను చాటుకోవాలని ఆ దుకాణ యజమాని వినూత్నంగా బంగారు, వెండి బిస్కెట్లను తయారు చేయించారు. ఆ బిస్కెట్లపై మాజీ ప్రధాన మంత్రి అటల్‌ బీహారీ వాజ్‌పేయి, ప్రధాన మంత్రి నరేంద్ర మోదీలను ముద్రించడమే. రాఖీ పండుగ సందర్భంగా ప్రధాని మోడీ..ఉత్తర్ ప్రదేశ్ ముఖ్యమంత్రి యోగి ఆదిత్యనాథ్, గుజరాత్ ముఖ్యమంత్రి విజయ్ రూపానీల ఫొటోలను ముద్రించి అమ్మారు. ప్రధాన మంత్రి మోడీ పాలనలో 

14:20 - November 4, 2018

హైదరాబాద్ : ప్రధాని మోడీ నేతృత్వంలో కుట్ర కూటమి ఏర్పాటు అయిందని టీడీపీ నేత బుద్దా వెంకన్న విమర్శించారు. చంద్రబాబుపై మూకుమ్మడి దాడి చేస్తోందన్నారు. ఈమేరకు ఆయన మీడియాతో మాట్లాడుతూ కుట్రకూటమిగా ఏర్పడ్డ కేసీఆర్, వైఎస్ జగన్, పవన్ కళ్యాణ్‌లకు ఏపీ ప్రయోజనాలు అవసరం లేదని విమర్శించారు. 

 

11:05 - November 4, 2018

ఢిల్లీ: కుమారులకు అధికారం కట్టబెట్టేందుకే జాతీయ కూటమి ఏర్పడుతోందని ప్రధాని నరేంద్ర మోడీ అన్నారు. ఏకమవుతున్న పార్టీలకు అధికార దాహమే కానీ.. సిద్ధాంతపరమైన సారూప్యత లేదని ఆయన విమర్శించారు. ముఖ్యంగా రాహుల్, చంద్రబాబునుద్దేశించి మోడీ పరోక్ష వ్యాఖ్యలు చేశారు. ఆ పార్టీ నేతలకు అనువంశిక పాలనే ముఖ్యమని విమర్శలు గుప్పించారు. బీజేపీ అధికారంలో ఉంటే తమ వారసులకు భవితవ్యం ఉండదనే భయం పట్టుకుందన్నారు. అందుకే తమ పిల్లలు, బంధువుల కోసం, వంశపాలన కొనసాగేందుకు ఇలా కూటమి ఏర్పరుస్తున్నారని ప్రధాని ధ్వజమెత్తారు. ఎవరి పేరూ ప్రస్తావించకుండా మోడీ తొలిసారిగా జాతీయ ఫ్రంట్‌పై స్పందించారు. అనువంశిక పాలన పేరుతో రాహుల్‌, చంద్రబాబులిద్దరినీ ఆయన టార్గెట్‌ చేశారు.

ఐదు లోక్‌సభ నియోజకవర్గాల బీజేపీ కార్యకర్తలతో ప్రధాని వీడియో కాన్ఫరెన్స్‌ ద్వారా మాట్లాడారు. ఏకే-47 పేల్చినపుడు బుల్లెట్లు శరపరంపరగా బయటకొస్తాయి. అదే రీతిన అబద్ధాలను పేలుస్తున్నారు. విపక్షాలు కావవి.. అబద్ధాలు వెళ్లగక్కే యంత్రాలు అని ప్రధాని విరుచుకుపడ్డారు. విపక్ష కూటముల గురించి ఆందోళన వద్దు.. వాటిని పట్టించుకోవద్దని కేడర్‌కు దిశానిర్దేశం చేశారు.

Pages

Don't Miss

Subscribe to RSS - PM Modi