PM Modi

07:56 - August 18, 2018
06:34 - August 17, 2018

విజయవాడ : రాజధాని అమరావతి నిర్మాణంలో వేగం పెంచాలని ముఖ్యమంత్రి చంద్రబాబు సీఆర్‌డీఏ అధికారులను ఆదేశించారు. అమరావతి బాండ్లకు మదుపర్ల నుంచి అనూహ్య స్పందన వచ్చిన నేపథ్యలో రెట్టించిన ఉత్సాహంతో రాజధాని పనులు పూర్తి చేయాలని సీఎం కోరారు. ప్రకాశం బ్యారేజీ పరిసరాలను ఆకర్షణీయంగా తీర్చిదిద్దాలని సీఆర్‌డీఏ సమీక్షలో చంద్రబాబు ఆదేశించారు. గ్రామదర్శిని కార్యక్రమంలో భాగంగా ప్రతి గురు, శుక్రవారాల్లో అధికారులందరూ గ్రామాలను సందర్శించాలని చంద్రబాబు కోరారు.

బాంబే స్టాక్‌ ఎక్సేంజిలో అమరావతి బాండ్లకు మదుపర్ల నుంచి అనూహ్య స్పందన వచ్చిన విషయాన్ని చంద్రబాబు గుర్తు చేశారు. గంట వ్యవధిలోనే రెండువేల కోట్ల రూపాయలను సమీకరించిన నేపథ్యంలో రాజధాని అమరావతి నిర్మాణ పనులను రెట్టించిన ఉత్సాహంతో పూర్తి చేయాలని ఆదేశించారు. జరుగుతున్న అన్ని పనులు జాప్యం లేకుండా, త్వరితగతిన పూర్తయ్యేలా చూడాలని కోరారు.

ప్రకాశం బ్యారేజి పరిసరాలను ఆకర్షణీయంగా తీర్చిదిద్దాలని సూచించారు. కృష్ణానది అభిముఖంగా ఉన్న చిన్న చిన్న కొండలను సుందరీకరించాలని కోరారు. కొండ ప్రాంతాల్లో పూల తోటలు, హరిత వనాలు పెంచాలని చంద్రబాబు సూచించారు. విజయవాడలోని మూడు కాల్వలను సుందరీకరించాలని ఆదేశించారు. కృష్ణానది మధ్యలో ఉన్న రెండు దీవులను పర్యాటక ప్రాంతాలుగా అభివృద్ధి చేసేందుకు యూఏఈకి చెందిన బీఎల్‌ఎఫ్‌, సీఆర్‌డీఏ మధ్య ముఖ్యమంత్రి చంద్రబాబు సమక్షంలో అవగాహన ఒప్పందం కుదరింది.

మరోవైపు గ్రామదర్శిని చేపట్టి నెల రోజులు పూర్తైన నేపథ్యంలో ముఖ్యమంత్రి చంద్రబాబు.. జిల్లా కలెక్టర్లు, నోడల్‌ అధికారులతో టెలికాన్ఫరెన్స్‌ నిర్వహించారు. ఈ ఏడాది డిసెంబర్‌ వరకు కొనసాగే గ్రామదర్శిని కార్యక్రమంలో ప్రజా సమస్యలన్నీ పరిష్కరించాలని ఆదేశించారు. ప్రతి గురు, శుక్రవారాల్లో అధికారులందరూ గ్రామాలను దర్శించాలని చంద్రబాబు కోరారు. అన్ని ప్రభుత్వ శాఖల్లో అంతర్గత ప్రక్షాళన జరగాలని సూచించిన చంద్రబాబు.. మూడు నెలల్లో రాష్ట్రంలోని ప్రతి ఇంటికి డోర్‌ నంబర్‌తోపాటు ప్రతివీధికి సెన్సార్‌ ఏర్పాటు చేయాలని ఆదేశించారు. శాంతిభద్రతలకు ప్రధాన్యత ఇస్తూ.. సీసీ కెమెరాలు, డ్రోన్లతో పోలీసు వ్యవస్థను పటిష్టిం చేయాలని కోరారు. ఇప్పటికే 5 వేల కెమెరాలు ఉన్నాయని, మరో 23 వేలు ఏర్పాటు చేయాలని సూచించారు. ప్రపంచంలో అత్యంత నివాసయోగ్యమైన రాష్ట్రంగా ఏపీని తీర్చిదిద్దాలని కోరారు. రోడ్లపై మురుగునీరు ప్రవహించకుండా డ్రెయిన్ల నిర్మాణాన్ని ముమ్మరం చేయాలని చంద్రబాబు ఆదేశించారు. రాష్ట్రంలో కురుస్తున్న వర్షాలతో ప్రాజెక్టులకు జలకళ సంతరించుకున్న అంశంపై కూడా చంద్రబాబు సమీక్షించారు. వ్యవసాయ పనులు మమ్మరం కావడంతో రైతుల్లో ఆనందం నెలకొన్న విషయాన్ని ప్రస్తావించారు. పంట దిగుబడులు ఆశాజనకంగా ఉండే అవకాశం ఉందని చంద్రబాబు అధికారుల దృష్టికి తెచ్చారు. 

07:42 - August 16, 2018
06:36 - August 16, 2018

హైదరాబాద్ : తెలంగాణలో ముందస్తు ఎన్నికల వేడి రాజుకుంది. అధికార టీఆర్‌ఎస్‌, ప్రతిపక్ష కాంగ్రెస్‌ ముందస్తు ఎన్నికలకు సిద్ధమయ్యాయి. ఎన్నికల్లో పోటీ చేసే అభ్యర్థులను వచ్చే నెలలోనే ప్రకటించాలని టీఆర్‌ఎస్‌ నిర్ణయించిన తరుణంలో... టీ కాంగ్రెస్‌ కూడా ఇదే విధానాన్ని అవలంభించబోతోంది. ఈసారి అధికారం దక్కించుకోవాలన్న లక్ష్యంతో పనిచేస్తున్న టీ కాంగ్రెస్‌ నేతలు.. అన్ని వర్గాల ప్రజలను ఆకట్టుకునేందుకు జనాకర్షణ పథకకాలతో ఎన్నికల ప్రణాళిక రూపొందిస్తున్నారు. తెలంగాణలో ముందస్తు ఎన్నికల రాజకీయాలు ఊపందుకున్నాయి. అధికార టీఆర్‌ఎస్‌, ప్రతిపక్ష కాంగ్రెస్‌ ఎన్నికలకు సిద్ధమయ్యాయి. ముందస్తు ఎన్నికల కోసం ముఖ్యమంత్రి కేసీఆర్‌ అసెంబ్లీని ఎప్పుడైనా రద్దు చేసే అవకాశం ఉందని భావిస్తున్న టీ కాంగ్రెస్‌ నేతలు.. ఇందుకు అనుగుణంగా తమ ఏర్పాట్లను ముమ్మరం చేశారు. ఈసారి అధికారంలోకి రావాలన్న ఉద్దేశంతో వ్యూహాత్మకంగా అడుగులు వేస్తున్నారు.

అసెంబ్లీ ఎన్నికలకు వచ్చే నెలలోనే అభ్యర్థులను ప్రకటించాలని టీఆర్‌ఎస్‌ నిర్ణయించిన తరుణంలో... టీ కాంగ్రెస్‌ నేతలు కూడా అప్రమత్తమయ్యారు. ఏఐసీసీ అధ్యక్షుడు రాహుల్‌గాంధీ రెండు రోజుల రాష్ట్ర పర్యటన ముగించుకుని మంగళవారం ఢిల్లీ బయలుదేరే ముందు తెలంగాణ కాంగ్రెస్‌ నేతలు... ముఖ్యమంత్రి కేసీఆర్‌ ముందస్తు ఎన్నికలకు సిద్ధమవుతున్న విషయాన్ని ఆయన దృష్టికి తెచ్చారు. అభ్యర్థులను కూడా వచ్చే నెలలోనే ప్రకటిస్తామని కేసీఆర్‌ చేసిన ప్రకటనను రాహుల్‌కు వివరించారు. దీనిపై స్పందించిన రాహుల్‌గాంధీ.. అభ్యర్థుల ఎంపికకు కమిటీ వేయాలని ఆదేశించడంతో ఈ దిశగా తెలంగాణ కాంగ్రెస్‌ నేతలు చర్యలు చేపట్టారు.

టీఆర్‌ఎస్‌ ప్రభుత్వం చేస్తున్న ప్రాజెక్టుల రీడిజైనింగ్, గత ఎన్నికల్లో ఇచ్చిన డబుల్‌ బెడ్‌ రూము ఇళ్ల నిర్మాణం వంటి పథకాలపై ఒంటికాలిపై లేస్తున్న టీ కాంగ్రెస్‌ నేతలు... ఎన్నికల ప్రణాళిక రూపకల్పనకు కూడా సిద్ధమవుతున్నారు. రైతులకు ఏకకాలంలో రెండు లక్షల రూపాయల రుణ మాఫీ, పంటలకు మద్దతు ధరలు, డ్వాక్రా మహిళలకు పది లక్షల రూపాయాల వడ్డీలేని రుణాలు, లక్ష రూపాయల గ్రాంటు వంటి అంశాలను మ్యానిఫెస్టోలో చేర్చనున్నారు. అభయ హస్తం పింఛను పథకాన్ని పునరుద్ధరించడంతోపాటు పెన్షన్‌ మొత్తాన్ని వెయ్యి రూపాయల నుంచి 1500 రూపాయలకు పెంచుతామని హమీ ఇచ్చింది. వృద్ధులు, వితంతువులకు ఇస్తున్న సామాజిక పెన్షన్లను వెయ్యి రూపాయాల నుంచి రెండు వేల రూపాయలకు పెంచే అంశాన్ని ఎన్నికల ప్రణాళికలో చేర్చబోతున్నారు. పెన్షన్‌ పొందేందుకు ప్రస్తుతం ఉన్న 65 ఏళ్ల వయస్సును 58కి తగ్గిస్తామని టీ కాంగ్రెస్‌ హామీ ఇస్తోంది. వికలాంగులకు ప్రస్తుతం ఇస్తున్న పెన్షన్‌ను 1500 నుంచి మూడు వేల రూపాయలకు పెంచుతామని పార్టీ నాయకులు ప్రకటించారు. నిరుద్యోగులకు నెలకు 3 వేల రూపాయల భృతి ఇస్తామని హామీ ఇస్తున్నారు. ఈ అంశాలను విస్తృతంగా ప్రజల్లోకి తీసుకెళ్లాలని నిర్ణయించారు.

మొత్తం మీద ఇటు టీఆర్‌ఎస్‌, అటు కాంగ్రెస్‌ ముందస్తు ఎన్నికలకు సిద్ధంకావడంతో... ఇకపై విస్తృతంగా ప్రజల్లోకి వెళ్లేందుకు రెండు పార్టీల నేతలు ప్రణాళికలు సిద్ధం చేస్తున్నారు. పరస్పర ఆరోపణలు, విమర్శలతో రాజకీయాలను రక్తి కట్టించేందుకు వ్యూహాత్మంగా అడుగులు వేస్తున్నారు. ముందస్తు ఎన్నిక క్రీడలో అధికార టీఆర్‌ఎస్‌, ప్రతిపక్ష కాంగ్రెస్‌లో ఎవరిది పైచేయి అవుతుందో చూడాలి. 

08:40 - August 15, 2018

ఢిల్లీ : భారతదేశం ఓ సానుకూల దృక్పథంతో ముందుకెళ్తోందని ప్రధానమంత్రి నరేంద్రమోదీ అన్నారు. ఎర్రకోటపై నిర్వహించిన 72వ స్వాతంత్య్ర దినోత్సవాల్లో మోదీ పాల్గొన్నారు. త్రివిధ దళాల గౌరవ వందనం స్వీకరించిన అనంతరం జాతీయ పతాకాన్ని ఆవిష్కరించారు. అనంతరం దేశ ప్రజలకు ఉద్ధేశించి ప్రధాని ప్రసంగించారు. భారతదేశం ఒక ఆత్మవిశ్వసంతో ముందుకెళ్తోంది. స్వప్నాన్ని సాకారం చేసే దిశగా దేశం నిరంతరం పరిశ్రమిస్తోంది.

నీలగిరి పుష్పంలా భారత్ వికసిస్తోంది : మోదీ
నవ చైతన్యం, నూతనోత్తేజంతో దేశం పురోగమిస్తోంది. 12 ఏళ్లకోసారి పుష్పించే నీలగిరి పుష్పాల మాదిరిగా దేశం వికసిస్తోంది. ఏపీ, తెలంగాణ, మిజోరాం, ఉత్తరాఖండ్‌ బాలికలు దేశ గౌరవాన్ని ఇనుమడింపజేశారు. ఎవరెస్టుపై మన బాలికలు త్రివర్ణ పతాకాన్ని ఎగురవేసి ఆత్మవిశ్వాసాన్ని చాటారు. పార్లమెంటు సమావేశాలు అత్యంత ఫలప్రదమయ్యాయి. పేదలు, దళితులు, వెనుకబడి వర్గాల సమస్యలపై సుదీర్ఘ చర్చ సాగింది. సామాజిక న్యాయం దిశగానూ సమావేశాలు ఫలప్రదమయ్యాయి. దేశ రక్షణలో త్రవిధ దళాలు ఆత్మార్పణ చేస్తున్నాయి. త్యాగధనులందరికీ దేశ ప్రజల పక్షాన ప్రణామం చేస్తున్నానన్నారు.

ఎంతోమంది త్యాగాల ఫలితమే ఈ స్వాతంత్ర్యం : మోదీ
పూజ్య బాపూజీ నేతృత్వంలో ఎందరో దేశం కోసం ప్రాణ త్యాగం చేశారని ప్రధాని గుర్తు చేశారు. వారి త్యాగాల ఫలితంగా దేశంలో పన్నెండేళ్లకోసారి నీలగిరి పుష్పంలా దేశం వికసిస్తోంని ప్రధాని మోదీ పేర్కొన్నారు. అభివృద్ధి పథంలో భారత్ దూసుకుపోతోందని ప్రధాని మోదీ పేర్కొన్నారు. ప్రపంచ దేశాల్లో భారత ప్రతిష్ట పెరుగుతోందన్నారు.

భారత వీరుల బలిదానానికి జలియన్ ఘటన నిదర్శనం: మోదీ
మన దేశ వీరుల బలిదానానికి బలియన్ వాలా బాగ్ ఘటన నిదర్శనంగా నిలుస్తోందనీ..జలియన్ వాలా బాగ్ ఘటనకు వందేళ్లు కావస్తోందని ఎర్రకోటలో జాతీయ జెండా ఆవిష్కరణ అనంతరం ప్రధాని ప్రసంగంలో తెలిపారు. దేశ రక్షణలో మన సైనికులు అనునిత్యం ప్రాణాలకు తెగించి పరిరక్షిస్తున్నారని వారందరికి..దేశానికి సేవలందిస్తున్న ప్రతి ఒక్కరికి వందనాలు చెల్లిస్తున్నామన్నారు.

టీమిండియా స్వప్నం సాకారమే లక్ష్యంగా నిరంతరం కృషి..
పేద, మధ్య తరగతి ప్రజలు ముందడుగు వేసేందుకు ఉన్న అడ్డంకులను తొలగించేందుకు కృషి చేస్తున్నాం. గిరిజనులు, దళితులు దేశ ప్రగతిలో భాగస్వాములను చేసేందుకు కృషి చేస్తున్నాం. 125 కోట్ల భారతీయులను ఒక్కటి చేసేందుకు కృషి చేస్తున్నాం. టీమిండియా స్వప్నం సాకారమే లక్ష్యంగా నిరంతరం కృషి చేస్తున్నాం. ఇంటింటికీ మరుగుదొడ్లు నిర్మించాలన్న స్వప్నాన్ని సాకారం చేశాం. ప్రతి ఇంటికీ గ్యాస్‌ కనెక్షన్లు, ఆప్టికల్‌ ఫైబర్‌ లక్ష్యాలు నెరువేరుతున్నాయి.

నవ చైతన్యం, ఆత్మవిశ్వాసంతో దేశం పురోగమిస్తోంది : మోదీ
నవ చైతన్యం, ఆత్మవిశ్వాసంతో దేశం పురోగమిస్తోందన్నారు. సాహసాన్ని సాకారం చేసే దిశగా దేశం నిరంతరం శ్రమిస్తోందన్నారు. 12 ఏళ్లకు ఓసారి పుష్పించే నీలగిరి పూలలా దేశం వికసిస్తోందన్నారు. ఆంధ్రప్రదేశ్, తెలంగాణ, మిజోరం, ఉత్తరాఖండ్ బాలికలు దేశ గౌరవాన్ని ఇనుమడింపజేశారని ప్రశంసించారు. మన బాలికలు ఎవరెస్ట్‌ను అధిరోహించి ఆత్మవిశ్వాసాన్ని నలుదిశలా చాటారన్నారు.

08:21 - August 15, 2018

ఢిల్లీ : ఆంధ్రప్రదేశ్, తెలంగాణ బాలికలు దేశ గౌరవాన్నిఇనుమడింపజేశారని ప్రధాని నరేంద్రమోదీ 72వ స్వాతంత్ర్య దినోత్సవాన్ని పురస్కరించుకుని ఎర్రకోటపై మోదీ త్రివర్ణ పతాకాన్ని ఎగురవేసిన అనంతరం తన ప్రసంగంలో పేర్కొన్నారు. నవ చైతన్యం, ఆత్మవిశ్వాసంతో దేశం పురోగమిస్తోందన్నారు. సాహసాన్ని సాకారం చేసే దిశగా దేశం నిరంతరం శ్రమిస్తోందన్నారు. 12 ఏళ్లకు ఓసారి పుష్పించే నీలగిరి పూలలా దేశం వికసిస్తోందన్నారు. ఆంధ్రప్రదేశ్, తెలంగాణ, మిజోరం, ఉత్తరాఖండ్ బాలికలు దేశ గౌరవాన్ని ఇనుమడింపజేశారని ప్రశంసించారు. మన బాలికలు ఎవరెస్ట్‌ను అధిరోహించి ఆత్మవిశ్వాసాన్ని నలుదిశలా చాటారని ప్రధాని మోదీ ప్రశంసించారు.

స్వంత్ర్య వేడుకల్లో ప్రముఖులు..
ఎర్రకోటలో 72వ స్వాతంత్ర్య దినోత్సవ వేడుకలను కేంద్రం ప్రభుత్వం అత్యంత ఘనంగా నిర్వహించింది. ఈ వేడుకల్లో ప్రధాని మోదీ జాతీయ జెండాను ఎగురవేశారు. ప్రధాని మోదీ ఐదవసారి జాతీయ మువ్వన్నెల జెండాను ఎగురవేశారు. ఈ వేడుకల్లో రక్షణ శాఖా మంత్రి నిర్మలా సీతారామన్ తో పాటు పలువురు మంత్రులు, మాజీ ప్రధానులు మన్మోహన్ సింగ్, దేవెగౌడ, ప్రముఖులు పాల్గొన్నారు. జెండాను ఆవిష్కరించిన అనంతరం దేశ ప్రజలను ఉద్ధేశించి ప్రసంగించారు. ఈ సందర్భంగా ప్రధాని మోదీ తమిళ కవి సుబ్రహ్మణ్య భారతికవితను ప్రస్తావించారు. 

20:45 - August 14, 2018

ఢిల్లీ : జమిలి ఎన్నికలు నిర్వహించాలన్న బిజెపి ప్రతిపాదనకు ఈసీలో చుక్కెదురైంది. పార్లమెంట్‌, రాష్ట్రాల అసెంబ్లీ ఎన్నికలను ఒకేసారి నిర్వహించడం సాధ్యం కాదని ఎన్నికల కమిషన్ స్పష్టం చేసింది. జమిలి ఎన్నికల నిర్వహణకు కావలసిన వివిప్యాట్‌లు తమవద్ద లేవని ప్రధాన ఎన్నికల కమిషనర్‌ ఓపి రావత్‌ తెలిపారు. లోక్‌సభతో పాటు11 రాష్ట్రాల్లో ఒకేసారి ఎన్నికలు నిర్వహించే అవకాశం ఉందన్నారు. లోక్‌సభతో పాటు అన్ని రాష్ట్రాల ఎన్నికలు ఒకేసారి నిర్వహించాలంటూ 'వన్‌ నేషన్‌...వన్‌ ఎలక్షన్‌' నినాదాన్ని బిజెపి తెరపైకి తెచ్చింది. దీన్ని ప్రతిపక్షాలు తీవ్రంగా వ్యతిరేకిస్తున్నాయి. కనీసం వచ్చే లోక్‌సభ ఎన్నికలతోపాటు 11 రాష్ర్టాల్లో అయినా ఎన్నికలు నిర్వహించాలని మోదీ సర్కార్ ప్లాన్‌ చేస్తోంది. వచ్చే ఏడాది తెలంగాణా, ఒడిశా, ఆంధ్రప్రదేశ్‌లకు లోక్‌సభతోపాటు ఎన్నికలు జరగాల్సి ఉంది. వీటికితోడు రాజస్థాన్, మధ్యప్రదేశ్, చత్తీస్‌గఢ్, హర్యానా, మహారాష్ట్ర, మిజోరం, జార్ఖండ్, బీహార్‌లలోనూ ఎన్నికలు నిర్వహించాలన్నది బీజేపీ ప్లాన్. నిజానికి వీటిలో రాజస్థాన్, మధ్యప్రదేశ్, చత్తీస్‌గఢ్, మిజోరంలకు ఈ ఏడాది డిసెంబర్‌లోనే ఎన్నికలు జరగాల్సి ఉంది.

 

15:50 - August 14, 2018

గుంటూరు : ఇప్పటివరకు పనిచేసిన ప్రధానులల్లో అత్యంత వైఫల్యం చెందిన ప్రధానిగా నరేంద్రమోదీ నిలిచిపోతారని మంత్రి కాలువ శ్రీనివాసులు విమర్శించారు. నాలుగేళ్ల పాలనలో నరేంద్రమోదీ ప్రజలను అడుగడుగున వంచించారని ఆరోపించారు. ప్రధాని దేశ ప్రజల ఆశలను ఒమ్ముచేశారని... స్వాతంత్ర్య దినోత్సవం నాడైనా సత్యాలను పలకాలన్నారు. 

 

13:18 - August 14, 2018
13:14 - August 14, 2018

ఢిల్లీ : భారత దేశం 72వ స్వతంత్ర దినోత్సవ వేడుకలకు సిద్ధమైంది. ఆగస్టు 15 వేడుకలను ఘనంగా నిర్వహించేందుకు దేశవ్యాప్తంగా.. రాష్ర్ట ప్రభుత్వాలు ఏర్పాట్లు చేశాయి. దేశ రాజధానిలోని ఎర్ర కోటలో స్వతంత్ర దినోత్సవ వేడుకల రిహార్సల్స్‌ పూర్తయ్యాయి. ఎన్డీఏ పాలనలో ప్రధాని మోదీ ఐదోసారి ఎర్రకోటపై నుంచి త్రివర్ణపతాకం ఎగురవేయనున్నారు. ఈ సందర్భంగా ప్రధాని కీలక ప్రసంగం చేయనున్నారు.

72 స్వతంత్ర దినోత్సవ వేడుకలకు సర్వం సిద్ధం
దేశ రాజధానిలో 72వ స్వతంత్ర దినోత్సవ వేడుకలకు సర్వం సిద్ధమైంది. ప్రధాని మోదీ ఎర్రకోటలో ఐదోసారి త్రివర్ణ పతాకం ఎగరేయనున్నారు. బుధవారం ఉదయం 7గంటలకు ముందుగా ఎర్రకోటపై త్రివర్ణపతాకం రెపరెపలాడబోతోంది. బ్రిటీష్‌ పాలన నుంచి పోరాడి సాధించుకున్న స్వతంత్రానికి గుర్తుగా మన తొలిప్రధాని జవహర్‌లాల్‌ నెహ్రూ మొదలుకుని ఇప్పటి ప్రధాని మోదీ వరకూ ఎర్రకోటపై జెండా ఎగురేయడం ఆనవాయితీగా కొనసాగుతోంది. అలాగే.. షాజహాన్‌ 16వ శతాబ్దంలో నిర్మించిన ఎర్రకోటలో స్వతంత్ర దినోత్సవ వేడుకలు జరుపుకోవడం సైతం ఆనవాయితీగానే వస్తోంది. ఈ సారి జరుపుకోనున్న వేడుకలకు ఇప్పటికే ఏర్పాట్లు పూర్తి చేశారు. విద్యార్థులు, ప్రజలు కూర్చునేందుకు ఎర్రకోట ప్రాంగణంలో వేలాది కుర్చీలను ఏర్పాటు చేశారు.

ఉగ్రవాద దాడులతో భద్రత కట్టుదిట్టం
గతంలో ఎన్నడూ లేనంత ఘనంగా వేడుకలు నిర్వహించేందుకు కేంద్రం ఏర్పాట్లు చేసింది. సందర్శకుల కోసం ఎల్‌ఈడీ తెరలను ఏర్పాటు చేశారు. వేడుకల్లో పొరపాట్లు జరగకుండా ఉండేందుకు.. ముందస్తుగా సోమవారం రిహార్సల్‌ పరేడ్‌ నిర్వహించారు. ఉగ్రవాద దాడులు జరగవచ్చన్న హెచ్చరికల నేపథ్యంలో.. ఎర్రకోటలో భద్రతను కట్టుదిట్టం చేశారు. ప్రతి వాహనాన్ని క్షుణ్ణంగా తనిఖీ చేసిన తర్వాతే దేశ రాజధానిలోకి అనుమతిస్తున్నారు. పదివేల మందికి పైగా బలగాలు, ఢిల్లీ పోలీసులు సహా కేంద్ర భద్రతా దళాలు సహస్ర్త సీమా బల్, నే,నల్‌ సెక్యూరిటీ గార్డ్స్, సీఐఎస్ఎఫ్, బీఎస్‌ఎఫ్ దళాలు ఎర్రకోట చుట్టూ పహారా కాస్తున్నాయి.

1800 ప్రదేశాలు మూసేవేత
రెండు కోట్ల రూపాయల విలువైన రెండు హై రిజల్యూషన్‌ కెమెరాలను ఉపయోగిస్తున్నారు. చిన్న గదులు, కిటికీలతో సహా 18వందల ప్రదేశాలను మూసేశారు. మొత్తం 600 సీసీ కెమెరాలతో పర్యవేక్షించిస్తున్నారు. ఎర్రకోట పరిసర ప్రాంతాల్లోనే 115 కెమెరాలను ఏర్పాటు చేశారు. ప్రధాని ఎర్రకోటకు వచ్చే మార్గంలో 50 పీసీఆర్‌ వాహనాలను గస్తీ కాస్తున్నాయి. డాగ్‌స్క్వాడ్‌ బృందాలు కోటలో ప్రతి అంగుళాన్ని తనిఖీ చేస్తున్నారు. అందరినీ క్షుణ్ణంగా తనిఖీ చేసిన తర్వాతే ఎర్రకోటలోకి అనుమతించేలా బాంబ్‌ స్క్వాడ్‌ తనిఖీ యంత్రాలను ఏర్పాటు చేశారు.

పారాగ్లైడింగ్‌ బెలూన్లు ఎగరేయడంపై నిషేధం
ఎర్ర కోట చుట్టుపక్కల నివసించే వారితోపాటు.. కొత్తగా వచ్చిన వారు, అనుమానితుల వివరాలు సేకరించి పర్యవేక్షిస్తున్నారు. పారాగ్లైడింగ్‌ బెలూన్లు ఎగరేయడాన్ని నిషేధించారు. ఎత్తైన భవనాలపైనా సాయుధ దళాలు, స్నైపర్లను ఏర్పాటు చేశారు. 400 షార్ప్‌షూటర్స్‌ ఎత్తైన భవనాల నుంచి నిఘా నేత్రంతో భద్రతను పర్యవేక్షించనున్నారు. ప్రధాని నివాసం నుంచి ఎర్రకోట వరకూ సీసీ కెమెరాలతో ప్రధాని భద్రతను పర్యవేక్షించనున్నారు. ఢిల్లీలోని వివిధ పాఠశాలల నుంచి ఏడు వందల మంది ఎన్‌ సీసీ కేడెట్లు, ప్రభుత్వ పాఠశాలలనుంచి మూడువేల మంది విద్యార్థులు ఈ వేడుకల్లో పాల్గొననున్నారు. వారిలో ఐదు వందల మంది విద్యార్థినులు జాతీయ గీతాన్ని ఆలపించనున్నారు.

ఓల్డ్‌ ఢిల్లీలోని రోడ్లపై ఆంక్షలు
దేశ రాజధానిలోని కీలక ప్రాంతాల్లో ట్రాఫిక్‌ ఆంక్షలను విధించారు. 14వతేదీ సాయంత్రం 5గంటల నుంచి.. 15వ తేదీ మధ్యాహ్నం 2 గంటల వరకూ మెట్రో స్టేషన్లలో పార్కింగ్‌ రద్దు చేశారు. లుటైన్‌రోడ్డు, చాందినీచౌక్‌ మార్గ్‌, తిలక్‌ మార్గ్, మథుర రో్డు, బదూర్‌ షా జఫర్‌ మార్గ్‌, సుభాష్‌ మార్గ్‌, జవహర్‌ లాల్‌ మార్గ్‌, రింగ్‌రోడ్డు సహా.. ఓల్డ్‌ ఢిల్లీలోని రోడ్లపై ఆంక్షలు విధించారు.

పంద్రాగస్టు వేడుకలను రాజీకీయంగా ఉపయోగించుకోనున్న ప్రధాని మోదీ
ఐదేళ్ళ ఎన్డీయే పాలన చివరి దశలో ఉన్న నేపథ్యంలో.. ప్రధాని మోదీ ఈ వేడుకలను రాజకీయంగా ఉపయోగించుకోనున్నారు. ఎన్డీయే వైఫల్యాలను మరిపించేందుకు.. కొత్తగా ప్రజాకర్షక పథకాలు ప్రకటించే అవకాశం ఉంది. నల్లధనం వెలికితీత, ఉద్యోగ కల్పన, విద్య, పేదరిక నిర్మూలన, రైతులను ఆదుకుంటామనడం వంటి అనేక అంశాల గురించి ఎన్ని చెప్పినా.. అవేవీ అమలుకు నోచుకోలేదు. నాలుగేళ్ళ నుంచి ఎర్రకోట వేదికగా ఇచ్చిన హామీలు అమలు కాని నేపథ్యంలో.. ఈ సారి మోదీ మాటలు నమ్ముతారా అన్నది ప్రశ్నార్థకంగానే కనిపిస్తోంది.

ప్రధాని ప్రసంగంపై ఆసక్తి..
ఎర్రకోటనుంచి చేసే ప్రసంగంలో ప్రధాని ఏఏ అంశాలను ప్రస్తావిస్తారా అన్న ఆసక్తి అందరిలోనూ కనిపిస్తోంది. ఎలాంటి అంశాలు ఉండాలో ఇప్పటికే ప్రజల సలహాలనూ కోరారు మోదీ. కానీ చాలా వరకూ.. దేశంలో దళితులపై జరుగుతున్న మూక దాడులపై మాట్లాడాలని నెటిజన్లు కోరారు. నాలుగేళ్ళ వైఫల్యాలను కప్పిపుచ్చునే ప్రయత్నం చేస్తారా.. లేక మరో సారి అమలు కాని హామీలతో.. రాజకీయ భవిష్యత్తుకు పనికొచ్చే ఉపన్యాసాలిస్తారో చూడాలి.. 

Pages

Don't Miss

Subscribe to RSS - PM Modi