polavaram project

19:01 - July 17, 2018

ఢిల్లీ : టీడీపీ ప్రభుత్వంపై బీజేపీ ఎంపీ జీవీఎల్ నరసింహరావు ఫైర్ అయ్యారు. కడప స్టీల్ ప్లాంట్ విషయంలో ఏడు నెలలుగా కేంద్రానికి సమాచారం ఇవ్వకుండా చంద్రబాబు అబద్ధాలు చెబుతున్నారని అన్నారు. ఎంపీల చేత దొంగ దీక్షలు చేయించారని మండిపడ్డారు. నాటకీయ రాజకీయాలు చేస్తున్నారని మండిపడ్డారు. అవినీతి, ప్రచారం మీకు కావలి అని చంద్రబాబు ఉద్ధేశించి మాట్లాడారు. చంద్రబాబు.. దగా రాజకీయాలకు వెనుకాడరని అన్నారు. టీడీపీ పాలన....ప్లాప్ అయిన సినిమా ఎద్దేవా చేశారు. రాష్ట్ర ప్రభుత్వం చేపట్టిన పథకాలన్నీ కేంద్ర ప్రభుత్వ సహాయం చేసినవేనని తెలిపారు. రాష్ట్ర నిధులతో పోలవరం ప్రాజెక్టుకు చంద్రబాబు ఏం చేయలేదన్నారు. టీడీపీ ఎంపీలు ఢిల్లీలో డ్రామాకు తెరతీస్తున్నారని విమర్శించారు. తక్కువ పరిజ్ఞానం కలిగినవారు పార్లమెంట్ లో చర్చకు వస్తే పూర్తిగా ఎండగడతామన్నారు. కుటుంబరావు అబద్ధాలు చెబుతున్నారని పేర్కొన్నారు.

 

07:00 - July 9, 2018

పశ్చిమగోదావరి : పోలవరం ప్రాజెక్టుపై టీడీపీ జనజాగృతి కార్యక్రమాన్ని చేపట్టింది. పశ్చిమగోదావరి జిల్లా నరసాపురం లోక్‌సభ నియోజకవర్గంలోని తెలుగుదేశం నేతలు ఈ కార్యక్రమం చేపట్టారు. ముందుగా తాడేపల్లిగూడెం అసెంబ్లీ నియోజవర్గానికి చెందిన నేతలు ప్రజలతో కలిసి ప్రాజెక్టును సందర్శించారు. జరుగుతున్న పనుల పట్ల సంతృప్తి వ్యక్తం చేశారు. పోలవరం ప్రాజెక్టులపై పశ్చిమగోదావరి జిల్లా టీడీపీ నేతల జనజాగృతి కార్యక్రమం చేపట్టారు. నరసాపురం లోక్‌సభ నియోకవర్గ పరిధిలోని ఏడు అసెంబ్లీ స్థానాలకు చెందిన పార్టీ నేతలు ప్రజలతో కలిసి పోలవరం బాట పట్టారు. ముందుగా తాడేపల్లిగూడెంకు చెందిన నాయకులు ప్రాజెక్టును సందర్శించారు. విద్యార్థులు కూడా దీనిలో భాగస్వాములయ్యారు. 86 బస్సులు, 50 కార్లలో రెండువేల మందికిపైగా రైతులతో కలిసి వచ్చి ప్రాజెక్టు పనులను పరిశీలించారు. గోదావరికి జలహారతి ఇచ్చారు. పోలవరం ప్రాజెక్టు పనులపై టీడీపీ నేతలు సంతృప్తి వ్యక్తం చేశారు. ప్రతిపక్షాలు విమర్శలు, ఆరోపణలు చేయడం మానుకుని జరుగుతున్న పనులను పరిశీలించాలని కోరారు.

పోలవరంపై ప్రజల్లో అపోహలు పెంచే విధంగా ప్రతిపక్షాలు విమర్శలు చేసే బదులు వాస్తవిక ధృక్పదంతో వ్యవహరించాలని టీడీపీ నాయకులు కోరారు. పోలవరం ప్రాజెక్టు నిర్మాణంలో అవినీతి జరుగుతోందని ప్రతిపక్షాలు చేస్తున్న విమర్శలను టీడీపీ నాయకులు తిప్పికొట్టారు. టీడీపీ ఎంపీ సీతారామలక్ష్మి, చింతలపూడి ఎమ్మెల్యే పీతల సుజాత తదితరులు ఈ కార్యక్రమంలో పాల్గొన్నారు. నరసాపురం లోక్‌సభ నియోజకవర్గ పరిధిలోని మిగిలిన అసెంబ్లీ సెగ్మెంట్ల టీడీపీ నేతలు ప్రజలతో కలిసి ప్రాజెక్టును సందర్శించే విధంగా ఏర్పాట్లు చేస్తున్నారు. 

18:28 - July 8, 2018

పశ్చిమగోదావరి : జిల్లాలోని తాడేపల్లిగూడెం నిట్‌ ప్రాంతం నుంచి టీడీపీ నేతలు జన జాగృతి యాత్రను ప్రారంభించిచారు.  పోలవరం ప్రాజెక్టు సందర్శనార్థం 86 బస్సులు, 50 కార్లల్లో పోలవరం తరలివెళ్లారు. ఈ యాత్రలో రైతులతో పాటు తెలుగు దేశం పార్టీ నేతలు పెద్ద సంఖ్యలో పాల్గొన్నారు.

09:02 - June 27, 2018

ఢిల్లీ : పోలవరం ప్రాజెక్టు విషయంలో ముఖ్యమంత్రి చంద్రబాబు  కొన్ని వాస్తవాలను దాస్తున్నారని కాంగ్రెస్‌ ఎంపీ కేవీపీ రామచంద్రరావు అనుమానం వ్యక్తం చేశారు. ఈ విషయంలో ప్రజలకు స్పష్టత ఇవ్వాల్సిన బాధ్యత ముఖ్యమంత్రిపై ఉందన్నారు. జాతీయ ప్రాజెక్టుగా ప్రకటించిన పోలవరంకు నిధులు ఇవ్వాలని కేంద్ర జలవనరుల శాఖ మంత్రి నితిన్‌ గడ్కరీకి చంద్రబాబు లేఖ రాయడాన్ని కేవీపీ తప్పుపట్టారు.  భూసేకరణ, పునరావాస కార్యక్రమాలు కేంద్ర ఆధ్వర్యంలో పోలవరం ప్రాజెక్టు అథారిటీ ద్వారా అమలు జరిగేలా చూడాలని కోరుతూ చంద్రబాబుకు లేఖ రాశారు. ఇలాచేస్తే రాష్ట్ర ప్రభుత్వంపై ఆర్థిక భారం కొంతవరకైనా తగ్గుతుందని కేవీపీ సూచించారు. 
 

11:00 - June 25, 2018

విజయవాడ : పోలవరం సందర్శించిన అనంతరం టిడిపి ప్రభుత్వంపై బీజేపీ నేతలు విమర్శలు చేయడాన్ని ఏపీ మంత్రి దేవినేని ఉమ తప్పుబట్టారు. సోమవారం ఆయన మీడియాతో మాట్లాడారు. పోలవరాన్ని పూర్తి చేసేందుకు సిద్ధంగా ఉన్నామని, పోలవరానికి సంబంధించిన అన్ని విషయాలు ఆన్ లైన్ లో పొందుపర్చడం జరిగిందన్నారు. దేశంలోని 15 జాతీయ ప్రాజెక్టుల్లో వేగంగా నిర్మాణం జరుగుతున్నది కేవలం పోలవరం మాత్రమేనని తెలిపారు. కానీ బీజేపీ నాయకులు విషం చిమ్ముతున్నారని పేర్కొన్నారు. బీజేపీ నాయకులు అసత్యాలను ప్రచారం చేస్తున్నారని జాతీయ ప్రాజెక్టు అయినా రాష్ట్ర ప్రభుత్వ నిధులుతో ప్రాజెక్టు నిర్మాణం పూర్తవుతోందన్నారు. కేంద్రం ఎప్పుడో నిధులు ఇచ్చేసిందని..రూపాయి కూడా బాకీ లేదని బీజేపీ నేతలు పేర్కొనడం అసత్యమన్నారు. దేశంలోని 15 ప్రాజెక్టుల విషయం ఏమిటో చెప్పాలని..ఇందుకు 15 రోజుల సమయం ఇస్తున్నానని, లేనిపక్షంలో ప్రాజెక్టుల నిర్మాణం..తదితర విషయాలను తానే ప్రజలకు వెల్లడిస్తానని తెలిపారు.

20:55 - June 11, 2018

పశ్చిమగోదావరి : నదుల అనుసంధానంలో ఆంధ్రప్రదేశ్‌ను సస్యశ్యామలం చేయాలన్నదే తన కృతనిశ్చయమని ఏపీ ముఖ్యమంత్రి చంద్రబాబు అన్నారు. మెట్ట, మాగాణి అన్న తేడా లేకుండా ప్రతి ఎకరం భూమికి సాగునీరు అందించేందుకు ప్రణాళికలు రూపొందిస్తున్నట్టు బాబు చెప్పారు. 2019 నాటికి పోలవరం ప్రాజెక్టును పూర్తి చేసేందుకు చర్యలు తీసుకొంటున్నామన్నారు. 
డయాఫ్రం వాల్‌ను జాతికి అంకితం చేసిన చంద్రబాబు
ముఖ్యమంత్రి చంద్రబాబు పోలవరం ప్రాజెక్టును సందర్శించారు. ప్రాజెక్టులో కీలకమైన డయాఫ్రం వాల్‌ నిర్మాణం పూర్తైన సందర్భంగా.. ఈ చారిత్రక ఘట్టానికి గుర్తుగా పైలాన్‌ను ఆవిష్కరించారు. అనంతరం డయాఫ్రం వాల్‌ను జాతికి అంకితం ఇచ్చారు. రికార్డు సమయంలో డయాఫ్రం వాల్‌ను పూర్తి చేసిన ఇంజినీర్లు, సిబ్బంది, కాంట్రాక్టర్లను చంద్రబాబు అభినందించారు.

ప్రాజెక్టును చంద్రబాబు 63 వారాలు వర్చువల్‌గా తనిఖీలు
పోలవరం నిర్మాణ పురోగతిపై సమీక్షించిన చంద్రబాబు.. ప్రాజెక్టును 63 వారాలు వర్చువల్‌గా తనిఖీ చేసిన విషయాన్ని గుర్తు చేసుకున్నారు. పట్టిసీమ ఎత్తిపోతల ద్వారా గోదావరి, కృష్ణా నదులు అనుసంధానం చేసిన విషయాన్ని ప్రస్తావించిన చంద్రబాబు.. రాష్ట్రంలోని అన్ని నదులను అనుసంధానం చేసి.. మహాసంగమం నిర్మిస్తామని చెప్పారు. పోలవరంతో నిర్వాసితులయ్యే లక్ష కుటుంబాల పునరావాసానికి 21 వేల కోట్లకు పైగా ఖర్చు చేయాల్సి ఉందన్న విషయాన్ని చంద్రబాబు ప్రస్తావించారు. ప్రాజెక్టు నిర్మాణానికి ఇంతవరకు చేసిన ఖర్చులు, కేంద్రం నుంచి రావాల్సిన నిధులు వివరాలను వెల్లడించారు. ఈ ఏడాది ఆగస్టు నాటికి 29 ప్రాజెక్టులను పూర్తిచేస్తామని చెప్పిన చంద్రబాబు.. ప్రతిపక్ష వైసీపీ సాగునీటి పథకాల నిర్మాణానికి అవరోధాలు కల్పిస్తోందని ఆగ్రహం వ్యక్తం చేశారు. కాఫర్‌ డ్యామ్‌ నిర్మాణంతోపాటు మట్టి తవ్వకం పనులు కూడా సాధ్యమైనంత తర్వగా పూర్తి చేసేందుకు చర్యలు తీసుకోవాలని చంద్రబాబు అధికారులు, కాంట్రాక్టర్లను ఆదేశించారు. 

16:39 - May 28, 2018

విజయవాడ : పోలవరం ప్రాజెక్ట్‌కు జాతీయ హోదా ప్రకటించిన కేంద్రం.. నిధుల విడుదలలో మాత్రం తీవ్ర జాప్యం చేస్తోంది.  2019 నాటికి పోలవరాన్ని పూర్తి చేస్తామని కేంద్ర ,రాష్ట్ర ప్రభుత్వాలు హామీనిచ్చినా... అందుకనుగుణంగా పనులు వేగవంతంగా జరగడం లేదు. పోలవరం నిర్మాణం పూర్తికి రాజకీయ కారణాలతో మోకాలడ్డుతున్నారన్న ఆరోపణలు వెల్లువెత్తుతున్నాయి.

పోలవరం ప్రాజెక్ట్‌ను 2005లో ఉమ్మడి ఏపీ ప్రభుత్వం అంకురార్పణ చేసింది. విభజన అనంతరం విభజన చట్టంలో భాగంగా పోలవరాన్ని కేంద్రం జాతీయ ప్రాజెక్ట్‌గా ప్రకటించింది. దేశంలోనే అతిపెద్ద సాగునీటి ప్రాజెక్ట్‌ కూడా పోలవరమే. ఏపీలోని 13 జిల్లాలకు ఈ ప్రాజెక్ట్‌ జీవనాడిగా రైతాంగం భావిస్తోంది.  2018-19 నాటికి పోలవరం ప్రాజెక్ట్‌ పనులు పూర్తి చేస్తామని.. అటు కేంద్రం, ఇటు రాష్ట్ర ప్రభుత్వాలు చెబుతున్నాయి. కానీ వాస్తవంగా పనులు మాత్రం మందకొడిగా సాగుతున్నాయి.  ప్రభుత్వాలు చెబుతున్న మాటలకు... పోలవరం పనులు జరుగుతున్న తీరుకు ఎక్కడా పొంతన లేదు.

పోలవరం ప్రాజెక్ట్‌కు నిధులు విషయంలో కేంద్రం మోకాలడ్డుతోంది.  కేంద్రం నిధులు విడుదల చేయడంలో తీవ్ర జాప్యం జరుగుతోంది.  కేంద్ర ప్రభుత్వానికి ఎలాంటి ప్రయోజనం చేకూరదన్న భావనతో నిధుల విడుదలకు కేంద్రం ఆలస్యం చేస్తోందన్న ఆరోపణలు వ్యక్తమవుతున్నాయి.  పోలవరానికి రాష్ట్ర ప్రభుత్వం వ్యయం చేసిన నిధులను రీయింబర్స్‌మెంట్‌ చేయడంలో కేంద్రం మెలికలు పెడుతోందని, దీంతో ప్రాజెక్ట్‌ పనులకు సవాలక్ష అడ్డంకులు ఎదురవుతున్నాయని ఏపీ జలవనరులశాఖ అధికారులు చెబుతున్నారు. 

పోలవరం ప్రాజెక్ట్‌ కోసం రాష్ట్ర ప్రభుత్వం ఖర్చు చేసిన 1089 కోట్లను రీయింబర్స్‌మెంట్‌ చేస్తున్నట్టుగా మార్చి 2018లో పోలవరం ప్రాజెక్ట్‌ అథారిటీకి కేంద్ర జలవనరుల మంత్రిత్వశాఖ ద్వారా కేంద్ర ఆర్థికశాఖ లిఖిత పూర్వకంగా పేర్కొంది. అయితే 1089 కోట్లకు సంబంధించిన నిధులు మాత్రం విడుదల కాలేదు. కేంద్ర ఆర్థికశాఖ నుంచి రావాల్సిన నిధుల విడుదలపై సరైన స్పష్టత రాకపోవడంతో రాష్ట్ర ప్రభుత్వం నిధుల సమస్య ఎదుర్కొంటోంది. మరోవైపు పోలవరం 2013-14 తుది అంచనాలు 58,319.06 కోట్లకు కేంద్ర జలసంఘం ఆమోదం తెలపాల్సి ఉంది. కానీ నేటివరకు ఈ తుది అంచనాలపై ఎలాంటి నిర్ణయం వెలువడలేదు.  ఫలితంగా పోలవరం ప్రాజెక్ట్‌ తుది అంచనాలు ఎప్పటికీ గ్రీన్‌సిగ్నల్‌ లభిస్తోందోనన్న సందేహాలు నెలకొన్నాయి. పోలవరం ప్రాజెక్ట్‌ నిధుల విడుదలలో రాజకీయ కారణాలు బలంగా పనిచేస్తున్నాయి. కేంద్రం ప్రభుత్వం జాప్యం చేస్తుండడంతో నిర్దేశిత సమయంలో పోలవరం పూర్తవుతుందా అన్న సందేహాలు నెలకొన్నాయి.

12:56 - May 2, 2018

ఢిల్లీ : పోలవరం ప్రాజెక్టుపై సుప్రీంకోర్టులో విచారణ జరిగింది. పోలవరం ప్రాజెక్టు నిర్మాణానికి అభ్యంతరం తెలుపుతూ ఒడిషా ప్రభుత్వం పిటిషన్ వేసింది. గోదావరి ట్రైబ్యునల్ తీర్పునకు అనుగుణంగా ప్రాజెక్టు నిర్మాణం లేదని ఒడిషా తెలిపింది. 36 లక్షల క్యూసెక్కుల నీటి కోసం ప్రాజెక్టు నిర్మాణం జరపాల్సి ఉండగా 50 లక్షలకు పైగా నీటి కోసం ప్రాజెక్టు నిర్మిస్తున్నారని ఆరోపణ చేస్తోంది. అటవీశాఖ అనుమతి లేకుండానే ప్రాజెక్టు నిర్మిస్తున్నారని అభ్యంతరం తెలిపింది. ప్రాజెక్జ్ నిర్మాణంపై స్టే విధించాలని ఒడిషా కోరుతోంది. తదుపరి విచారణ ఈనెల 11వ తేదీకి వాయిదా పడింది. 

07:21 - March 21, 2018

గుంటూరు : ఆంధ్రప్రదేశ్‌ జీవనాడి పోలవరం ప్రాజెక్టుకు నాబార్డు ద్వారా 1400 కోట్లు మంజూరు చేసేందుకు కేంద్ర ఆర్థికశాఖ అనుమతించింది. పోలవరం ప్రాజెక్ట్‌ నిర్మాణానికి 1795 కోట్ల రుణం ఇవ్వాల్సిందిగా కేంద్రానికి రాష్ట్రం విజ్ఞప్తి చేసింది. దీనిపై స్పందించిన కేంద్రం.. నాబార్డు ద్వారా 1400 కోట్లు రుణం మంజూరుకు అనుమతించింది. ఈ మేరకు కేంద్ర ఆర్థికశాఖ, కేంద్ర జలవనరుల శాఖకు సమాచారమిచ్చింది. ప్రాజెక్టుకు సంబంధించిన ఆడిట్లు వచ్చిన తర్వాత మిగిలిన 300 కోట్ల రూపాయలు మంజూరు చేయనున్నట్లు ఆర్థికశాఖ తెలిపింది. 

 

18:59 - March 17, 2018

తూ.గోదావరి : మంత్రి దేవినేని ఉమ వైసీపీ అధినేత వైఎస్ జగన్మోహన్ రెడ్డిపై తీవ్రంగా మండిపడ్డారు. పోలవరం ప్రాజెక్ట్ కోసం జైలుకెళ్ళడానికైనా, ప్రాణత్యాగానికైనా సిద్ధమన్నారు. పోలవరం ప్రాజెక్టు నిర్మాణాన్ని అడ్డుకోవాలని చూస్తే మాడి మసైపోతారంటూ హెచ్చరించారు. ఏ1, ఏ2 ముద్దాయిలా అవిశ్వాసం పెట్టేదంటూ నిలదీశారు. 

Pages

Don't Miss

Subscribe to RSS - polavaram project