police station

18:08 - October 18, 2018

హైదరాబాద్: బేగంపేటలో దారుణం చోటు చేసుకుంది. ఏకంగా పోలీస్‌స్టేషన్‌లోనే ఓ వ్యక్తి రెచ్చిపోయాడు. భార్య తనపై ఫిర్యాదు చేసేందుకు పోలీస్‌స్టేషన్ మెట్లు ఎక్కిందనే కోపంతో భర్త ఉన్మాదిగా మారాడు. కొబ్బరి బోండాల కత్తితో పోలీస్‌స్టేషన్‌లోకి వెళ్లి భార్యతో పాటు ఆమె కుటుంబ సభ్యులను అత్యంత కిరాతకంగా నరికాడు. అనంతరం అక్కడి నుంచి పరారయ్యాడు. ఈ దాడిలో తీవ్రంగా గాయపడిన బాధితులను పోలీసులు గాంధీ ఆస్పత్రికి తరలించారు. గాయపడిన వారిలో భార్యతో పాటు మరొకరి పరిస్థితి విషమంగా ఉన్నట్లు వైద్యులు చెప్పారు.

బేగంపేట ప్రాంతంలో నివాసం ఉండే కౌసర్‌బీ, రహీం దంపతుల మధ్య కొంతకాలంగా గొడవలు నడుస్తున్నాయి. రహీం తరచూ భార్యతో గొడవపడేవాడు. ఈ వేధింపులు భరించలేని భార్య గురువారం తన తల్లిదండ్రులు, కుటుంబ సభ్యులతో కలిసి బేగంపేటలోని మహిళా పోలీస్‌స్టేషన్‌కు వచ్చింది. తన భార్య పోలీస్‌స్టేషన్‌కు వెళ్లిందని తెలుసుకున్న రహీం కోపంతో ఊగిపోయాడు. కొబ్బరి బోండాలు నరికే కత్తితో స్టేషన్‌కు చేరుకున్న అతడు మహిళా పోలీసులు అడ్డుకుంటున్నా వారి నుంచి తప్పించుకుని భార్యతో పాటు కుటుంబసభ్యులు సల్మాన్, మస్తాన్ బేగం, షకీరా, షాహిన్‌లపై విచక్షణారహితంగా దాడి చేశాడు. రహీంపై 324, 307 సెక్షన్ల కింద పోలీసులు కేసు నమోదు చేశారు. పరారీలో ఉన్న రహీంను పట్టుకునేందుకు ప్రత్యేక పోలీసు బృందం రంగంలోకి దిగింది.

18:50 - September 27, 2018

హైదరాబాద్‌ : నగరంలో దూల్‌పేటలో ఎక్సైజ్‌ పోలీస్‌స్టేషన్‌పై జరిగింది. గుడుంబా, గంజాయి వ్యాపారులు ఎక్సైజ్‌ పోలీస్‌స్టేషన్‌పై దాడికి పాల్పడ్డారు. నిన్న రాత్రి గంజాయి వ్యాపారి సురేందర్‌సింగ్‌ను ఎక్సైజ్‌ పోలీసులు అదుపులోకి తీసుకున్నారు. ఈనేపథ్యంలో పోలీస్‌స్టేషన్‌పై దాడి జరిగింది. దీంతో దూల్‌పేటలో ఉద్రిక్త పరిస్థితులు నెలకొన్నాయి. 
తమపై ఎక్సైజ్ పోలీసుల వేధింపులు ఎక్కువయ్యాని సురేందర్ సింగ్ బంధువులు అంటున్నారు. గంజాయి వ్యాపారం చేయడంలేదని....ఎక్సైజ్ ఏసీపీ నవీన్ కుమార్ అనవసరంగా వేధిస్తున్నారని ఆరోపిస్తున్నారు. కావాలనే సురేందర్ సింగ్‌పై కేసులు పెట్టారంటున్న బంధువులు వాపోతున్నారు. 

14:44 - September 4, 2018

హైదరాబాద్ : సాక్షాత్తు పోలీస్ స్టేషన్ ముందే ఓ మహిళ ఆత్మహత్యకు యత్నించింది. ఒంటిపై కిరోసిన పోసుకుని బోయిన్ పల్లి పీఎస్ ముందుకు ఆత్మహత్యకు యత్నించింది. దీంతో షాక్ కు గురైన పోలీసులు, స్థానికులు వెంటనే తేరుకుని మంటలు ఆర్పి మహిళను గాంధీ ఆసుపత్రికి తరలించి చికిత్సనందిస్తున్నారు. బేగంపేట అన్నానగర్ కు చెందిన సబిత అనే యువతి కుటుంబ కలహాలతో ఆత్మహతకు యత్నించినట్లుగా తెలుస్తోంది. కాగా సబిత పీఎస్ ముందు ఆత్మహత్యకు యత్నించటానికి గల కారణాలపై పోలీసులు దర్యాప్తు చేపట్టారు. కాగా సబిత శరీరం దాదాపు 70 శాతం కాలిపోవటంతో ఆమె పరిస్థితి మాత్రం అత్యంత విషమంగా వున్నట్లుగా తెలుస్తోంది. 

12:24 - August 30, 2018

హైదరాబాద్ : కుస్తీ పోటీల్లో ఇరు వర్గాల మధ్య ఘర్షణ చెలరేగింది. ఒకరిపై ఒకరు కుర్చీలతో దాడులు చేసుకున్నారు. ఈ ఘటన మంగళ్ హాట్ పీఎస్ పరిధిలో చోటు చేసుకుంది. బుధవారం సాయంత్రం హనుమాన్ స్టేడియంలో కుస్తీ పోటీలను ఏర్పాటు చేశారు. ప్రారంభంలోనే ఇరువర్గాల మధ్య ఘర్షణ చెలరేగింది. ఒకరిపై ఒకరు కుర్చీలతో కొట్టుకున్నారు. పలువురికి గాయాలయ్యాయి. సమాచారం తెలుసుకున్న పోలీసులు నిర్వాహకులపై కేసులు నమోదు చేశారు. 

18:40 - April 25, 2018

కరీంనగర్‌ : జిల్లాలో కౌలురైతు ఆత్మహత్య చేసుకున్నాడు. తిమ్మాపూర్‌ మండలం మొగిలిపాలెంలో కౌలురైతు మల్లారెడ్డి.. 20ఎకరాలు కౌలుకు తీసుకుని మొక్కజొన్న వేశారు. అయితే మొక్కజొన్న పంటలో పూర్తిగా నష్టపోవడంతో అప్పులపాలైన మల్లారెడ్డి.. పురుగల మందుతాగి ప్రాణం తీసుకున్నాడు. ప్రభుత్వం న్యాయం చేయాలంటూ అలుగునూరు చౌరస్తాలో మృతదేహంతో గ్రామస్తులు ఆందోళనకు దిగారు. దీంతో హైదరాబాద్‌...వరంగల్‌ రహదారిపై ట్రాఫిక్‌ జామ్‌ అయింది. భారీగా వాహనాలు నిలిచపోయాయి.  

06:31 - April 15, 2018

హైదరాబాద్ : సినీనటి శ్రీరెడ్డి హుమాయూన్‌నగర్‌ పీఎస్‌లో ఫిర్యాదు చేసింది. తనపై అనుచిత వ్యాఖ్యలు చేసిన కరాటే కళ్యాణి, సత్యాచౌదరిపై చర్యలు తీసుకోవాలని కోరింది. ఈనెల 4న ఓ టీవీచానల్‌లో డిబేట్‌ సందర్భంగా తనపై అసభ్యకర వ్యాఖ్యలు చేశారని తన ఫిర్యాదులో పెర్కొంది శ్రీరెడ్డి. పైగా తనను చంపుతామని బెదిరిస్తున్నారని కూడా ఆమె ఫిర్యాదు చేసింది. దీనిపై స్పందించిన హుమాయూన్‌గన్‌ ఇన్‌స్పెక్టర్‌ టీవీ డిబేట్‌ను పరిశీలించిన తర్వాతే ఎఫ్‌ఐఆర్‌ నమోదు చేస్తామని చెప్పారు. 

20:21 - March 5, 2018

హైదరాబాద్ : సికింద్రబాద్‌లోని రేతిఫైల్‌ బస్టాండ్‌ ఎదురుగా ఇద్దరు కాలేజి అమ్మాయిలను ఓ ఆటో డ్రైవర్‌ వేధించాడు. రెండు కిలో మీటర్ల దూరం నుండి వెక్కిలి చేష్టలు చేస్తూ, రేతిఫైల్‌ బస్టాండ్‌ వద్దకు రాగానే ఇద్దరు అమ్మాయిల చేతులను పట్టుకుని లాగాడు. అమ్మాయిలు కేకలు వేయడంతో పక్కనే విధులు నిర్వహిస్తున్న ట్రాఫిక్‌ కానిస్టేబుల్‌.. ఆటో డ్రైవర్‌ను అదుపులోకి తీసుకుని గోపాలపురం పోలీసులకు అప్పగించాడు. 

 

17:54 - February 20, 2018

ఆదిలాబాద్ : గ్రామానికి ఆదర్శంగా ఉండాల్సిన సర్పంచ్ దారి తప్పాడు. ఓ మైనర్ బాలికను మోసం చేశాడు. ఈ ఘటన నిర్మల్ జిల్లాలో చోటు చేసుకుంది. లక్ష్మణ చాంద మండలం మల్లాపూర్ సర్పంచ్ గా శ్రీనివాస్ ఉన్నాడు. అదే గ్రామంలో తల్లిదండ్రులు..లేని ఓ మైనర్ బాలికపై సర్పంచ్ కన్నేశాడు. మాయమాటలు చెప్పి అత్యాచారానికి ఒడిగట్టాడు. పెళ్లి మాట ఎత్తగానే సర్పంచ్ ఆ బాలికను కొట్టి వెళ్లగొట్టాడు. దీనితో ఆ బాలిక పోలీసులను ఆశ్రయించింది. కానీ నిందితుడిని అరెస్టు చేయకపోవడం పట్ల పలు విమర్శలు వినిపిస్తున్నాయి. 

07:34 - January 25, 2018

హైదరాబాద్ : జూబ్లీహిల్స్‌లో దారుణం జరిగింది. నగర శివార్లలోని జవహర్‌నగర్‌కు చెందిన మహేందర్‌, సోనీ ప్రేమించుకున్నారు. విషయం సోనీ కుటుంబ సభ్యులకు తెలియడంతో మాట్లాడేందుకని మహేందర్‌ను పిలిపించారు. భరత్‌నగర్‌లోని ఓ రూములో బంధించి చిత్రహింసలకు గురిచేయడంతో తప్పించుకుని ఆస్పత్రిలో చేరాడు. సోని కుటుంబ సభ్యులు మహేందర్‌పై హత్యాయత్నం చేశారని బాధితుడి బంధువులు పోలీసులకు ఫిర్యాదు చేశారు. 

18:00 - November 19, 2017

నిజామాబాద్ : దళితులపై దాడి చేసిన భరత్‌రెడ్డిపై వెంటనే చర్యలు తీసుకోవాలని.. నిజామాబాద్ జిల్లా, ఆబందపట్నం పోలీస్‌ స్టేషన్‌ ఎదుట ఓయూ జేఏసీ, దళిత జేఏసీ ఆధ్వర్యంలో ధర్నా నిర్వహించారు. దీంతో పోలీసులు భారీగా మోహరించారు. పరిస్థితి ఉద్రిక్తంగా మారింది. భరత్‌రెడ్డిపై చర్యలు తీసుకోవాలని రోడ్డుపై ధర్నా, రాస్తారోకో చేశారు. దీంతో 2 కిలోమీటర్ల మేర ట్రాఫిక్ స్తంభించింది. 

Pages

Don't Miss

Subscribe to RSS - police station