pro kodandaram

18:38 - April 18, 2018

మహబూబ్ నగర్ : సుదీర్ఘపోరాటం చేసి సాధించుకున్న తెలంగాణ రాష్ట్రంలో పాలకుల పనితీరు సరిగా లేదని జనసమితి పార్టీ అధ్యక్షుడు ప్రొఫెసర్ కోదండరామ్‌ అన్నారు. మహబూబ్‌ నగర్ జిల్లా కేంద్రంలో ఆయన జనసమితి పార్టీ కార్యలయాన్ని ప్రారంభించారు. నిరుద్యోగ సమస్యలను పరిష్కారించే విషయంలో టీఆర్ఎస్ విఫలమైందని విమర్శించారు. రుణమాఫీ విషయంలో ప్రభుత్వం నిర్లక్ష్యం కారణంగా రైతులు ఆత్మహత్య చేసుకుటుంన్నారని అన్నారు. ఈ నెల 29 న జనసమితి పార్టీ అవిర్భావ సభకు పాలమూరు నుంచి పెద్ద ఎత్తున జనం తరలి రావాలని కోదండరామ్‌ పిలుపునిచ్చారు.

16:03 - April 11, 2018

హైదరాబాద్ : తెలంగాణ జన సమితి అంటే కేసీఆర్‌కు భయం పట్టుకుందని.. అందుకే తమ సభకు ప్రభుత్వం అనుమతి నిరాకరిస్తోందని టీజేఎస్‌ అధ్యక్షుడు కోదండరామ్‌ అన్నారు. సభలకు అనుమతివ్వకుండా ప్రభుత్వం నిరంకుశ పోకడలు పోతోందని విమర్శించారు.  పొల్యూషన్‌ సాకు చూపుతూ సభను అనుమతి నిరాకరించడం ఎంతవరకు సబబు అని ప్రశ్నించారు. ఎల్‌బీ స్టేడియంలో ఓ సినిమా వేడుక నిర్వహించినప్పుడు పొల్యూషన్‌ ఏర్పడలేదా అని ప్రశ్నించారు. ప్రభుత్వం తమకు ఇష్టంలేనివారి పట్ల కక్షపూరితంగా వ్యవహరించడం సరికాదన్నారు. సభలు, మీటింగ్‌లు పెట్టుకోవడం రాజ్యాంగం కల్పించిన హక్కని... ఆ హక్కునే కేసీఆర్‌ కాళరాస్తున్నారని మండిపడ్డారు. 

 

20:17 - January 18, 2018

అత్యంత విశ్వనీస సమాచారం మనకు తెల్సిపోయింది.. కోదండరాం సారు కొత్త పార్టీ వెడ్తున్నడా..? లేదా..? ఏ గాయినెందుకు వెడ్తడు..? ఆయనకు రాజకీయమంటెనే ఇష్టంలేదని కొందరు.. ప్రశ్నించుడు కాడనే ఉంటడు సారు.. పరిపాలనదాక వోడు అని కొందరు.. ఇట్ల ఎవ్వలి మాట వాళ్లు మాట్లాడుకుంటున్నరు.. కని మనం జేఏసీల కీలకమైన నేతతోని మాట్లాడినం.. సారు పార్టీ వెడ్తున్నడా లేదా సూడుండ్రిగ..

అబ్బా ఎన్టీరామారావు సారు స్వర్గానికి వొయ్యి ఇర్వై రెండేండ్లైందిగని.. ఆయన ఆత్మకు శాంతి ఎట్లగల్గుతదని.. అటు నందమూరి ఫ్యామిలీ పరందామయ్యలు కనుక్కోలేకపోయిండ్రు.. ఆయన ప్రియమైన అల్లుడు చంద్రాలు గూడ తెల్సుకోలేకపోయిండ్రు.. కాబోయే కళల గవర్నర్.. గౌరవ శ్రీ మోత్కుపల్లి నర్సింహులు గారు మాత్రమే రామారావు ఆత్మకు శాంతి మార్గం గనిపెట్టిండు..

మనుండంగ మంచినీళ్లు వొయ్యనోళ్లు.. సావుకు మాత్రం ముందుగాళ్ల నిలవడ్డరట.. ఎన్టీరామారావు ముచ్చట్ల నందమూరి ఫ్యామిలీ డ్రామాలు జూస్తుంటె అట్లనే అనిపిస్తున్నది.. ఒకల్ని వట్టక ఒకలు ఎగవడి ఎగవడి పూలు జల్లి సమాధికి సన్మానాలు జేస్తున్నరు.. పాపం ఎన్టీరామారావు సారు ఎంత గోసెళ్ల వోశిండు.. ఆఖరికి గడియలళ్ల.. ఆయనను గోసవెట్టినోళ్లే ఇయ్యాళ ఆనందబాష్పాలు గార్చి.. బైటగూడ నటిస్తున్నరు..

అడుక్క తినెటోనికి హక్కులెందుకు చెప్పుండ్రి..? వానికి హక్కులు ఉంటేంది...? లేకుంటేంది..? వాని బత్కే అడుక్కతినుడాయే.. ఇంత పెద్ద మాట ఎందుకంటె..? చేతులు గాలినంక ఆకులు వట్కున్నట్టు.. సింగరేణి కార్మికులు ఇప్పుడు లొల్లికి దిగుతున్నరు.ఎన్నిలప్పుడు మాకిచ్చిన హామీలు నెరవేర్చుతాన్నముఖ్యమంత్రిగారు ఏమాయే అంటున్నరు.. ఈ సోయి ఎన్నికలప్పుడే ఉంటే ఎంత బాగుండే..?అనేది ముచ్చట..?
సకల జనుల సమగ్ర కుటుంబ సర్వేలెక్క.. సకల నేరస్తుల సర్వే జేపిస్తడట తెలంగాణ డీజీపీ మహేందర్ రెడ్డిగారు.. ఆ దొంగలకు జియో ట్యాగింగు వెట్టి.. వాళ్లు ఏడ తిర్గుతున్నరు..? ఏం జేస్తున్నరు..? అనేది ఎప్పటికప్పుడు తెల్సుకుంటరట.. తెల్సుకోవాల్సిందే నేరాల నివారణ కోసంగని.. మరి డీజీపీ గారు మేము గూడ కొన్ని సూచనలు జేస్తం పనికొస్తె పరిగణలోకి దీస్కోండ్రి..

ఏ ప్రభుత్వ అధికారన్న లంచం అడ్గితె చెప్పుతోని గొట్టుమని తెలంగాణ ముఖ్యమంత్రి జెప్పిండుగదా..? అది అమలైతున్నదో లేదో తెల్వదిగని.. నేను మాత్రం ఒక్క ముచ్చట జెప్తున్న..ఎవ్వడన్న మీడియా పేరు జెప్పి.. డబ్బులు అడ్గిండే అనుకో ఆడనే తోలు చెప్పుదీస్కోని కొట్టుండ్రి.. ఏంగాదు..? మీ అక్రమాలు బైటవెట్టొద్దంటే మాకు పైసలియ్యాలే అంటరా..? ఇదేనా జర్నలిజం అంటే..?

మొన్న మరదలిని ఇద్దరు బావలు గల్చి బొర్లిచ్చి కొట్టిండ్రు.. ఇయ్యాళ తిరుపతి దిక్కు సాటి మహిళ అని సూడకుంట.. పెయ్యిమీది బట్టలన్ని గుంజేశి.. నడి బాజట్ల గొట్టిండ్రంటే.. అయ్యో ఎంతైనా మన అసొంటి మహిళనే గదా... బరివాతల జేశి కొడ్తె ఇజ్జత్ మానం బోతదన్న శిగ్గుండొద్దా..? మన్సుల వాళ్లు పశువులా మీరే జెప్పాలె ఇగ..

యావత్ క్రికెట్ అభిమానులారా..? దక్షిణాఫ్రికాతోని కిర్ కెట్ మ్యాచ్ ఆడుతున్న ఇండియా పోరగాళ్ల ఆట సరిగలేదుగదా..? పొయ్యినోడు పొయ్యినట్టే ఔటైతున్నడు వస్తున్నడు.. ఇండియా ఇజ్జత్ కచ్రా జేశిండ్రు అని బాధపడ్తున్నరా..? ఇద్వర్ సంది ఇగ మీకు అసొంటి బాధలుండయ్.. నల్గురు ఆణిముత్యాలసొంటి క్రికెట్ ఆటగాళ్లు మన హైద్రావాద్ ఎల్బీస్టేడియంల కసరత్తు జేస్తున్నరు పాండ్రి పరిచయం జేస్త..

18:07 - January 18, 2018

హైదరాబాద్ : తెలంగాణ ఉద్యమంలో చురుగ్గా పాల్గొన్న టీజాక్ త్వరలో పూర్తి స్థాయి రాజకీయ పార్టీగా మారేందుకు సిద్ధమవుతోంది. పార్టీగా అవతరించేందుకు కసరత్తు టీ జేఏసీ నేతలు కసరత్తు చేస్తున్నారు. టీజాక్‌ను రాజకీయ పార్టీగా అవతరించే అవకాశం ఉందన్న ప్రచారం ఊపందుకుంది. అయితే....ఇటీవల దీనిపై టీజేసీలో భిన్న వాదనలు వినిపిస్తున్నా.....రాజకీయ పార్టీగా మార్చాలన్న డిమాండ్ మాత్రం రోజురోజుకు పెరుగుతోంది. సాధారణ ఎన్నికలకు సమయం ముంచుకొస్తుండడంతో పొలిటికల్ పార్టీగా ప్రజల్లోకి వెళ్లేందుకు సిద్ధం కావాలన్న అభిప్రాయం టీజాక్ నేతల్లో బలంగా వినిపిస్తోంది. దీంతో ఈ అంశంపై స్పష్టత ఇచ్చేందుకు టీజాక్ రెడీ అవుతున్నట్లు సమాచారం.

రాబోయే ఎన్నికలకు ప్రణాళికలు
తెలంగాణ రాజకీయాల్లో చురుగ్గా వ్యవహరించాలన్న నిర్ణయానికి వచ్చిన టీజాక్.. రాబోయే ఎన్నికలకు ప్రణాళికలను కూడా ఇప్పటి నుంచే సిద్ధం చేసుకొంటోందని సమాచారం. టీ జేఏసీని రాజకీయ పార్టీగా మార్చే అంశంపై చర్చించి, తుది నిర్ణయం తీసుకునేందుకు వచ్చే నెల మొదటి వారంలో కీలక సమావేశాన్ని ఏర్పాటు చేయాలని నిర్ణయించింది. రాజకీయ పార్టీగా ఒంటరిగా ప్రజల్లోకి వెళ్లాలా ? భావ సారూప్యత ఉన్న పార్టీలతో కలిసి పనిచేయాలా ? అన్న అంశం పై వెంటనే నిర్ణయానికి వచ్చే అవకాశంలేదని భావిస్తున్నారు. గత మూడేళ్లుగా కేసీఆర్‌ ప్రభుత్వం విధానాలను తూర్పారపడుతున్న టీజాక్ కు కాంగ్రెస్ పార్టీ అండదండలున్నాయన్న వాదన తెరపైకి వచ్చింది. అయితే రాజకీయ పార్టీగా టీజాక్ అవతరిస్తే వర్తమాన రాజకీయాలపై ఎలా వ్యవహరిస్తోందో అన్న అంశంపై ఉత్కంఠ రేగుతోంది.

09:55 - October 9, 2017

సీఎం కేసీఆర్...ప్రతిపక్షాలు, కోదండరాం చేసిన వ్యాఖ్యలు సరికావని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో విశ్లేషకులు తెలకపల్లి రవి, టీడీపీ నేత దుర్గాప్రసాద్, టీఆర్ ఎస్ నేత వేణుగోపాలచారి, టీఆర్ ఎస్ నేత మన్నె గోవర్థన్ రెడ్డి, బీజేపీ నేత ప్రకాశ్ రెడ్డి పాల్గొని, మాట్లాడారు. కేసీఆర్ తన వ్యాఖ్యలను ఉపసంహరించుకోవాలన్నారు. సీఎం స్థాయిలో ఉన్న వ్యక్తి అహంకారపూరితంగా మాట్లాడటం సరికాదన్నారు. ప్రజా సమస్యలపై ప్రశ్నిస్తే ఎదురుదాడి చేయడం మానుకోవాలన్నారు. మరిన్ని వివరాలను వీడియోలో చూద్దాం....

 

08:18 - October 7, 2017

కోదండరాం, ప్రతిపక్షాలపై సీఎం కేసీఆర్ చేసిన వ్యాఖ్యలు సరికావని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో విశ్లేషకులు వినయ్ కుమార్, టీఆర్ ఎస్ నేత రాకేష్, టీకాంగ్రెస్ నేత బెల్లనాయక్ పాల్గొని, మాట్లాడారు. సీఎం అహంకారపూరితంగా మాట్లాడుతున్నారని..పద్ధతి మార్చుకోవాలని సూచించారు. సీఎం హోదాలో ఉన్న వ్యక్తి అలా మాట్లాడితే ఎలా అన్నారు. కేసీఆర్ తన తీరును మార్చుకోవాలని హితవుపలికారు. మరిన్ని వివరాలను వీడియోలో చూద్దాం..

20:18 - August 12, 2017

మెదక్ : అమరుల స్ఫూర్తి యాత్రకు వరుసగా రెండోరోజు పోలీసులు అడ్డు తగిలారు. హైదరాబాద్‌ నుంచి యాత్రకు బయలుదేరిన తెలంగాణ జేఏసీ నేతల్ని తుప్రాన్‌ మండలం అల్లాపూర్‌దగ్గర పోలీసులు ఆపేశారు.. టోల్‌గేట్‌ దగ్గర కోదండరాం టీంను అరెస్ట్ చేసి పలు పోలీస్‌ స్టేషన్‌లకు తరలించారు.. కోదండరాంను కౌడిపల్లి పీఎస్‌కు పంపారు.. అరెస్ట్ విషయం తెలుసుకున్న జేఏసీ కార్యకర్తలు పోలీస్‌ స్టేషన్‌ముందు ఆందోళనకు దిగారు.స్ఫూర్తియాత్రకు ముందు... కోదండరాం.. నిజమాబాద్ జిల్లా పరిస్థితులపై మాట్లాడారు. జిల్లా అభివృద్ధికి మార్గాన్ని అన్వేషించడం కోసమే అమరుల స్ఫూర్తి యాత్ర చేపట్టామని తెలిపారు. యాత్ర ద్వారా ప్రజలను చైతన్యం చేసే అవకాశం ఉంటుందని చెప్పారు. అమరుల స్ఫూర్తి యత్రకు పోలీసులు అనుమతించలేదని.. అందుకే హాల్ మీటింగ్ నిర్వహించాలని తీర్మానించామని ప్రకటించారు. ఈ విషయాన్ని పోలీసులకు తెలియజేశామని చెప్పారు.తెలంగాణ ప్రజల్లో చైతన్యం పెంచేందుకు జేఏసీ స్ఫూర్తియాత్ర చేపట్టాలని రెండురోజులుగా ప్రయత్నిస్తోంది. శుక్రవారం కామారెడ్డి జిల్లాకు బయలుదేరిన జేఏసీ నేతల్ని టీఆర్‌ఎస్‌ కార్యకర్తలు ఆపేశారు.. ఆ తర్వాత అరెస్ట్‌ చేసి హైదరాబాద్‌కు పంపారు.. అరెస్టులకు భయపడమన్న జేఏసీ నేతలు... శనివారం మళ్లీ యాత్రకు వెళతామని ప్రకటించారు. ఈ సమాచారంతో శనివారం నిజామాబాద్‌కు వెళ్లే ప్రతి మార్గంలో తనిఖీలుచేసిన పోలీసులు... మళ్లీ జేఏసీ నేతల్ని అదుపులోకి తీసుకొని.. మళ్లీ హైదరాబాద్ తిప్పిపంపారు.

18:04 - August 12, 2017

మెదక్ : అమర వీరుల స్ఫూర్తి యాత్రలో భాగంగా నిజామాబాద్ వెళ్తున్న టీజాక్ చైర్మన్ ప్రొ.కోదండరామ్‌ను అరెస్ట్ చేసిన పోలీసులు.. ఆయనను హైదరాబాద్‌ తరలిస్తున్నారు. మధ్యాహ్నం ఆయనను తూప్రాన్ టోల్ ఏట్ వద్ద అరెస్టు చేసి.. మెదక్‌ జిల్లా కౌడిపల్లి పోలీసు స్టేషన్‌కు తరలించారు. పోలీసుల తీరుపై టీజేఏసీ నేతలు మండిపడుతున్నారు. 

16:51 - August 12, 2017

హైదరాబాద్ : అరెస్టుకు ముందు... టీ.జేఏసీ చైర్మన్‌ ప్రొఫెసర్‌ కోదండరాం.. నిజమాబాద్ జిల్లా పరిస్థితులపై మాట్లాడారు. జిల్లా అభివృద్ధికి మార్గాన్ని అన్వేషించడం కోసమే అమరుల స్ఫూర్తి యాత్ర చేపట్టామని తెలిపారు. యాత్రద్వారా ప్రజలను చైతన్యం చేసే అవకాశం ఉంటుందని చెప్పారు. అమరుల స్ఫూర్తియత్రకు పోలీసులు అనుమతించలేదని.. అందుకే హాల్ మీటింగ్ నిర్వహించాలని తీర్మానించామని ప్రకటించారు.

15:10 - August 12, 2017

మెదక్ : టీజేఏసీ చైర్మన్ కోదండరాంను పోలీసులు అరెస్టు చేశారు. అమర వీరుల స్ఫూర్తి యాత్రలో భాగంగా నిజామాబాద్ వెళ్తున్న కోదండరాంను తూప్రాన్ టోల్ గేట్ వద్ద పోలీసులు అరెస్టు చేశారు. ఆయనను జిల్లాలోని కౌడిపల్లి పోలీస్ స్టేషన్ తరలించారు. కోదండరాం అరెస్టు సమయంలో పోలీసులు, టీజేఏసీ నేతల మధ్య తీవ్ర తోపులాట జరిగింది.ఆయన అరెస్టుపై టీజాక్ నేతలు ఆగ్రహం వ్యక్తం చేస్తున్నారు. మరింత సమాచారం కోసం వీడియో చూడండి.

Pages

Don't Miss

Subscribe to RSS - pro kodandaram