rahul gandhi

09:24 - May 4, 2018

కర్నాటకలో మోడీ ఎన్నికల ప్రచారంపై వక్తలు భిన్నాభిప్రాయాలు వ్యక్తం చేశారు. ఇదే అంశంపై నిర్వహించిన న్యూస్ మార్నింగ్ చర్చ కార్యక్రమంలో నవతెలంగాణ ఎడిటర్, విశ్లేషకులు ఎస్.వీరయ్య, టీఆర్ ఎస్ నేత మన్నె గోవర్ధన్ రెడ్డి, బీజేపీ నేత ఎన్ వి శుభాష్, కాంగ్రెస్ నేత క్రిషాంక్ పాల్గొని, మాట్లాడారు. మరిన్ని వివరాలను వీడియోలో చూద్దాం... 

16:52 - April 30, 2018

ఢిల్లీ : కాంగ్రెస్‌ అధ్యక్షుడు రాహుల్‌ గాంధీ ఆర్జేడీ చీఫ్‌ లాలు ప్రసాద్‌ యాదవ్‌ను ఎయిమ్స్‌ ఆసుపత్రిలో కలిశారు. లాలూకు అందిస్తున్న చికిత్స వివరాలు, యోగ క్షేమాలను అడిగి తెలుసుకున్నారు. 2019 ఎన్నికలకు సిద్ధమవుతున్న రాహుల్‌కు ఆర్జేడీ నుంచి పూర్తి సహకారం లభిస్తోంది. కిడ్నీ ఇన్‌ఫెక్షన్‌, గుండె సంబంధింత వ్యాధితో లాలు ఎయిమ్స్‌లో చేరారు. లాలూ ఆరోగ్య పరిస్థితి కుదుటపడటంతో ఆయనను తిరిగి రాంచీ మెడికల్‌ కాలేజ్‌ ఆస్పత్రికి తరలించారు. రాంచీ ఆస్పత్రికి తనను పంపవద్దని, అక్కడ తన వ్యాధులకు చికిత్స అందించే పరికరాలు లేవని లాలూ  ఎయిమ్స్‌ యాజమాన్యాన్ని కోరుతూ లేఖ రాశారు. తనకేమైనా జరిగితే అందుకు ఎయిమ్స్ బాధ్యత వహించాలని పేర్కొన్నారు. లాలు ఆరోగ్యం కుదుటపడిందని ప్రయాణం చేయడానికి ఫిట్‌గా ఉన్నారని ఎయిమ్స్‌ వర్గాలు పేర్కొన్నారు. దాణా స్కాంలో జైలుశిక్ష అనుభవిస్తున్న లాలూను అస్వస్థత కారణంగా మార్చి 16న బిర్సా ముండా జైలు నుంచి రాంచీ ఆసుపత్రికి... అక్కడి నుంచి మార్చి 29న ఎయిమ్స్‌కు తరలించిన విషయం తెలిసిందే. 

12:21 - April 23, 2018

ఢిల్లీ : రాజ్యాంగం, దళితులపై దాడులను నిరసిస్తూ దేశవ్యాప్తంగా కాంగ్రెస్‌ 'రాజ్యాంగ పరిరక్షణ' ఉద్యమాన్ని ప్రారంభించింది. ఢిల్లీలోని తాల్కటోరా స్టేడియంలో ఈ కార్యక్రమాన్ని రాహుల్ గాంధీ ప్రారంభించారు. ఈ కార్యక్రమంలో మాజీ ప్రధాని మన్మోహన్‌సింగ్‌తో పాటు పలువురు నేతలు పాల్గొన్నారు. దళితులపై జరుగుతున్న దాడుల నేపథ్యంలో ఆయా వర్గాల్లో చైతన్యం తీసుకురావడానికే ఈ కార్యక్రమం చేపట్టినట్లు కాంగ్రెస్‌ నేతలు తెలిపారు. వచ్చే ఏడాది ఏప్రిల్‌ 14వ తేదీ... బీఆర్‌ అంబేడ్కర్‌ జయంతి వరకు ఈ కార్యక్రమం కొనసాగనుంది. 

10:59 - April 23, 2018

ఢిల్లీ : 2019లో ఎన్నికలు...ఇప్పటి నుండే పలు రాజకీయ పార్టీలు వ్యూహాల్లో నిమిగ్నమై పోయాయి. ప్రజలను ఆకర్షించేందుకు హామీలు గుప్పిస్తున్నారు. అందులో భాగంగా పలు కార్యక్రమాలు చేపడుతున్నారు. ప్రధానంగా కాంగ్రెస్ ఇప్పటి నుండే వ్యూహాలు రచిస్తోంది. ఏఐసీసీ అధ్యక్షుడు రాహుల్ గాంధీ వివిధ కార్యక్రమాలు నిర్వహిస్తున్నారు. అందులో భాగంగా రాజ్యాంగ పరిరక్షణ పేరిట దేశ వ్యాప్తంగా కార్యక్రమం చేపడుతోంది. సోమవారం తాల్కటోరా స్టేడియ నుండి ప్రారంభమయ్యే ఈ కార్యక్రమాన్ని ఏఐసీసీ అధ్యక్షుడు రాహుల్ గాంధీ ప్రారంభించనున్నారు. కాంగ్రెస్ సీనియర్ నేతలు, వివిధ రాష్ట్రాల కార్యకర్తలు పాల్గొననున్నారు. 
దళితులు, అణగారిన వర్గాలపై దాడులు జరుగుతుండడంపై కాంగ్రెస్ ఈ కార్యక్రమం చేపట్టింది. బీజేపీ, ఆర్ఎస్ఎస్ విధానాలను ప్రజలకు వివరించడమే లక్ష్యంగా ఎంచుకుంది. దేశంలోని 17 శాతం ఉన్న ఎస్సీ, ఎస్టీలను తమవైపు తిప్పుకొనేందుకు కాంగ్రెస్ యత్నిస్తోంది. 

18:10 - March 25, 2018

ఢిల్లీ : కాంగ్రెస్ పార్టీ సారథి.. రాహుల్‌ గాంధీ జపిస్తున్న యువమంత్రంతో... తెలంగాణ కాంగ్రెస్‌ పార్టీలో గుబులు పట్టుకుంది... సెవెంటీ ప్లస్‌ ఏజ్‌ ఉన్న నేతలు.. తమ పదవులను వీడాలన్నది కాంగ్రెస్‌ ప్రిన్స్‌ రాహుల్ సందేశం. ఇంతకూ ఇది టీ కాంగ్రెస్‌లో ఎవరికి గండంగా మారనుంది.. ఇదే ఇప్పుడు కాంగ్రెస్‌పార్టీలో హాట్‌ టాపిక్‌గా మారింది...
తెలంగాణ కాంగ్రెస్‌ సీనియర్‌ నేతల్లో గుబులు
కాంగ్రెస్‌ పార్టీ అధ్యక్షుడిగా రాహుల్‌ గాంధీ బాధ్యతలు తీసుకున్నాక.. పార్టీలో కొత్త జోష్‌ కనిపిస్తోంది.. తొలి ప్లీనరీలో అధ్యక్షుడిగా రాహుల్‌... డెబ్బై ఏళ్ళు పైబడిన నేతలు తప్పుకోవాలన్న సందేశం ఇచ్చారు... ఇది దేశవ్యాప్తంగా చర్చనీయాంశంమైంది. కాంగ్రెస్‌ చీఫ్‌ సందేశం సొంత పార్టీలోనే కాకుండా బయటి పార్టీల్లోనూ హాట్‌ టాపిక్‌గా మారింది. మరీ ముఖ్యంగా టీ కాంగ్రెస్‌ నేతల్లో గుబులు పట్టుకుంది.. ఇంతకూ తెలంగాణలో సీఎం రేస్‌లో ఉన్న సీనియర్లు రాహుల్‌ మాటకు లోబడతారా... లేక డోంట్‌ కేర్‌ అంటారా... కాదూ కూడదూ అంటే... అధిష్టానమే వారిని బలవంతంగా బయటికి పంపిస్తుందా...? అన్నదానిపై ఆసక్తికర చర్చ సాగుతోంది.

దేశవ్యాప్తంగా స్వచ్ఛందంగా తప్పుకుంటున్న సీనియర్లు
కాంగ్రెస్‌ పార్టీలో యవ నాయకత్వాన్ని పెంచాలన్నది రాహుల్‌ ఉద్దేశం.. అందుకే.. డెబ్బై ఏళ్ళు పైబడిన నేతలంతా పదవులు వీడి.. తమ అనుభవాన్ని పార్టీకి అందించాలని రాహుల్‌ సందేశమిచ్చిన విషయం తెలిసిందే... పార్టీ అధ్యక్షుడు అలా అన్నారో లేదో.. అంతలోనే దేశవ్యాప్తంగా కొందరు నేతలు స్వచ్ఛందంగా పార్టీ పదవులను వదులుకుంటున్నారు. యూపీ పీసీసీ చీఫ్‌ రాజ్‌బబ్బర్‌, గోవా చీఫ్‌ శాంతారామ్‌ నాయక్, గుజరాత్‌ పార్టీ అధ్యక్షులు భరత్‌ సింహ సోలంకీలు పదవులను వీడి ఇతర నేతలకు ఆదర్శంగా నిలిచారు. దీంతో ప్రస్తుతం తెంలగాణ కాంగ్రెస్‌లో మరింత ఉత్కంఠ రేగుతోంది..

టీ కాంగ్రెస్‌లో సెవెంటీ ప్లస్‌ నేతలంతా ముఖ్యులే
టీ కాంగ్రెస్‌లో డెబ్బైఏళ్ళకు పైబడిన వారి జాబితాలో అంతా ముఖ్యనేతలే ఉన్నారు. అందులో జానారెడ్డి, జైపాల్‌రెడ్డి, గీతారెడ్డి, మాజీ పీసీసీ చీఫ్‌ పొన్నాల లక్ష్మయ్య, వీహెచ్‌ ఉన్నారు. జానారెడ్డి సీఎల్పీ నేతగా ఉండగా... గీతారెడ్డి పీఏసీ ఛైర్మన్‌గా ఉన్నారు. ఇక జైపాల్‌రెడ్డి, పొన్నాల లక్ష్మయ్యలు వచ్చే ఎన్నికల్లో పోటీ పడేందుకు.. ఇప్పటి నుంచే కసరత్తు చేస్తున్నారు. కానీ... వీహెచ్‌ మాత్రం.. తాను ఎన్నికల్లో పోటీ చేయనని ప్రకటించారు. ఐనప్పటికీ పార్టీలో కీలక పదవి కోసం లాబీయింగ్‌ చేసుకుంటున్నట్లు సమాచారం. వీరంతా కూడా వచ్చే ఎన్నికల్లో సీఎం రేస్‌లో ఉండే నేతలే కావడం విశేషం..
సెవెంటీ ప్లస్‌ నేతలు తప్పుకోవాలన్న కాంగ్రెస్‌ చీఫ్‌ రాహుల్‌
కాంగ్రెస్‌ హై కమాండ్‌ రాహుల్‌ ఆదేశాలమేరకు తెలంగాణలో నేతలు తప్పుకోవాల్సి వస్తే.. అందులో మొదటివరసలో ఉండేది ఈ ఐదుగురు నాయకులే... అందులోనూ.. ప్రస్తుతం పదవుల్లో ఉన్న జానారెడ్డి, గీతారెడ్డిలే ముందువరసలో ఉంటారు. మరి దేశవ్యాప్తంగా పలువురు కాంగ్రెస్‌ నేతలు తమ పదవులను స్వచ్ఛందంగా వదులుకుంటున్న నేపథ్యంలో.. తెలంగాణలో ఈ ఐదుగురు నేతలు ఏంచేస్తారన్నది ఆసక్తికరంగా మారింది. సీఎల్పీగా, పీఏసీ ఛైర్మన్‌లుగా ఉన్న జానారెడ్డి, గీతారెడ్డి తమ పదవులను త్యాగం చేసి... రాహుల్‌ కోరికమేరకు యువతకు అవకాశం కల్పిస్తారా...? సీఎం రేస్‌లో నిలిచేందుకు రెడీ అవుతున్న జైపాల్, పొన్నాల, వీహెచ్‌లు రాహుల్‌ మెసేజ్‌ను పట్టించుకుంటారా...? అన్నదానిపై ఇప్పటివరకూ టీ నేతలెవ్వరూ స్పందించడంలేదు.

మౌన ముద్రలో వున్న నేతలు..
ఓ వైపు కాంగ్రెస్‌ చీఫ్‌ రాహుల్‌ సందేశాన్ని ఆదర్శంగా తీసుకుని... దేశవ్యాప్తంగా పార్టీలోని సీనియర్స్‌ తమ పదవులను త్యాగం చేస్తుంటే... ఈ జాబితాలో ఉన్న టీ నేతలు మాత్రం మౌనముద్రలో ఉన్నారు. ఇంతకూ వీరు రాహుల్‌ మెసేజ్‌ను లైట్‌గా తీసుకున్నారా...? మరి అదే జరిగితే.. అధిష్టానమే వారిని బలవంతంగా బయటికి పంపిస్తుందా. అన్నది ఆసక్తికరంగా మారింది..

17:16 - March 24, 2018

ఢిల్లీ : కాంగ్రెస్‌ అధ్యక్షుడు రాహుల్‌ గాంధీ నోట్లరద్దు, జిఎస్‌టి నిర్ణయాలపై మోది ప్రభుత్వాన్ని మళ్లీ టార్గెట్‌ చేశారు. మైసూర్‌లోని మహారాణి ఆర్ట్స్‌ వుమెన్స్‌ కళాశాలలో విద్యార్థినిలు అడిగిన ప్రశ్నలకు ఆయన సమాధానమిచ్చారు. వారితో సెల్ఫీ కూడా దిగారు. మోది ప్రభుత్వం తీసుకున్న నోట్ల రద్దు, జిఎస్‌టి నిర్ణయాల వల్ల ఉపాధి అవకాశాలు కోల్పోవడమే కాకుండా ఆర్థిక వ్యవస్థకు తీరని నష్టం కలిగిందని రాహుల్‌ అన్నారు. ఆర్బీఐ గవర్నర్, ఆర్థిక సలహాదారు, ఆర్థికమంత్రికి తెలియకుండానే ప్రధాని మోది నోట్లరద్దును అమలు చేశారని మండిపడ్డారు. నోట్లరద్దు, జిఎస్‌టి అమలు తీరును ఆయన తప్పు పట్టారు. తమ ప్రభుత్వం అధికారంలోకి వస్తే ఒకే రకమైన జిఎస్‌టి అమలు చేస్తామని రాహుల్‌ చెప్పారు. నీరవ్‌ మోది 22 వేల కోట్లతో విదేశాలకు పారిపోయాడని.. ఆ డబ్బులు యువతకు ఇచ్చినట్లయితే... కొత్త వ్యాపారాలు మొదలయ్యేవని, ఎందరికో ఉపాధి అవకాశాలు కలిగేవని రాహుల్‌ అన్నారు. దేశంలో 15-20 మంది వద్దే డబ్బులు పోగవ్వడం పెద్ద సమస్యగా మారిందని రాహుల్‌ వెల్లడించారు.

08:09 - March 23, 2018

ఢిల్లీ : ఫేస్‌బుక్‌ సమాచారం లీకేజీ వివాదంపై కాంగ్రెస్‌ పార్టీ అధ్యక్షుడు రాహుల్‌గాంధీ ట్విట్టర్‌లో స్పందించారు. ఉద్దేశ పూర్వకంగా ఈ అవాస్తవపు అంశాన్ని కేంద్రం తెరపైకి తెచ్చిందని మండిపడ్డారు. ఇరాక్‌లో 39మంది భారతీయులు ప్రాణాలు కోల్పోయారు. ఈ విషయంలో కేంద్రం అబద్ధాలు ఆడుతూ దొరికిపోయిందని... ఆ వైఫల్యం నుంచి ప్రజల దృష్టిని మళ్లించేందుకే బిజెపి కాంగ్రెస్‌పై అవాస్తవ డాటా చోరీ ఆరోపణలు చేస్తోందని రాహుల్‌ ట్విటర్‌ ద్వారా తెలిపారు.  ఫేస్‌బుక్ డేటా ప్రైవసీ స్కాంలో ఆరోపణలు ఎదుర్కొంటున్న కేంబ్రిడ్జ్ అనలిటికా సంస్థతో రాహుల్‌ గాంధీకి సంబంధముందని బిజెపి ఆరోపించిన విషయం తెలిసిందే.

 

21:41 - March 18, 2018

ఢిల్లీ : ప్రధాని మోదీ, బీజేపీలపై కాంగ్రెస్‌ పార్టీ జాతీయ అధ్యక్షుడు రాహుల్‌గాంధీ తీవ్రస్థాయిలో మండిపడ్డారు. బీజేపీ - ఆర్‌ఎస్‌ఎస్‌ ఆధునిక కౌరవులని విమర్శించారు. తాము సత్యంకోసం పోరాడిన పాండవుల వంటివారమని అభివర్ణించారు. బీజేపీ ఓ సంస్థ గొంతుకగా నిలిస్తే... తాము దేశ ప్రజల గొంతుగా పనిచేస్తున్నామన్నారు. ఢిల్లీలో జరిగిన కాంగ్రెస్‌ ప్లీనరీ సమావేశాల్లో ముగింపు ఉపన్యాసం చేసిన ఆయన... దేశ భవిష్యత్తును మార్చే శక్తి కాంగ్రెస్‌కే ఉందని ఉద్ఘాటించారు. ఢిల్లీలో కాంగ్రెస్‌ పార్టీ ప్లీనరీ సమావేశాలు ఉత్సాహంగా ముగిశాయి. ప్లీనరీ సమావేశాల్లో ఏఐసీసీ అధ్యక్షుడు రాహుల్‌గాంధీ తన ప్రసంగంతో కాంగ్రెస్‌ కార్యకర్తలను ఉత్సాహపరిచారు. మోదీ ప్రభుత్వంపై రాహుల్‌ తీవ్రస్థాయిలో మండిపడ్డారు. బీజేపీ, ఆర్‌ఎస్‌ఎస్‌పై విమర్శల వర్షం కురిపించారు. ప్రస్తుత రాజకీయాలను ఆయన మహాభారతంతో పోల్చారు. బీజేపీ - ఆర్‌ఎస్‌ఎస్‌ ఆధునిక కౌరవులని రాహుల్‌ అభివర్ణించారు. తాము సత్యం కోసం పోరాడిన పాండవుల వంటి వారమన్నారు. కౌరవుల మాదిరిగా బీజేపీ అధికారం కోసం పాకులాడుతోందని ధ్వజమెత్తారు. మోదీ పాలనలో దేశంలో అభివృద్ధి కుంటుపడిందన్నారు. కార్పొరేట్ల కోసమే బీజేపీ ప్రభుత్వం పనిచేస్తోందని విమర్శించారు. దేశానికి అన్నంపెట్టే రైతులు చనిపోతుంటే ఇండియా గేటు ముందు యోగాలు చేస్తున్నారని మండిపడ్డారు.

అధికారంలోకి వచ్చాక హామీలు విస్మరించారు : రాహుల్
ఎన్నికలకు ముందు బ్లాక్‌మనీ బయటపెడతామంటూ ఊదరగొట్టిన మోదీ అధికారంలోకి వచ్చాక ఆ హామీని విస్మరించారని విమర్శించారు. అవినీతిని అంతం చేస్తామన్న మోదీ... ఇప్పుడు అవినీతిపరులకు అండగా నిలుస్తున్నారన్నారు. 33వేల కోట్లు దోచుకున్న నీరవ్‌మోదీ, లలిత్‌మోదీలను ప్రధాని కాపాడుతున్నారని ఆరోపించారు.

నిరుద్యోగం పెరిగింది : రాహుల్
దేశంలో నిరుద్యోగం పెరిగిందని.... యువత నిరుద్యోగంతో కొట్టుమిట్టాడుతుందని రాహుల్‌ అన్నారు. దేశంలో అభివృద్ధి ఎక్కడుందో చెప్పాలని బీజేపీని ప్రశ్నించారు. దేశంలో ఏ వస్తువు చూసినా ఇతర దేశాల్లో తయారైందే కనిపిస్తోందన్నారు. దీంతో మా ఉపాధి సంగతేంటని దేశ యువత ప్రశ్నిస్తోందన్నారు. నిరుద్యోగ యువతకు కాంగ్రెస్‌ అండగా ఉంటుందన్నారు. ప్లీనరీ సమావేశంలో అక్కడక్కడ ఖాళీ ప్రదేశం ఉందని.. దాన్నంతా యువతతో నింపుతామని ఛమత్కరించారు. పార్టీలో యువతకు సముచిత స్థానం కల్పిస్తామని చెప్పారు.

అచ్చేదిన్‌ పేరుతో మోసాలు : రాహుల్
ముఖ్యమైన సమస్యలపై ప్రధాని మౌనం దాలుస్తున్నారని రాహుల్‌ విమర్శించారు. అచ్చేదిన్‌ పేరుతో అందరినీ మోసగిస్తున్నారన్నారు. రైతులు , నిరుద్యోగులపై మోదీకి ఏమాత్రం ప్రేమలేదని.. కాంగ్రెస్‌ పార్టీయే వారికి మేలు చేస్తుందన్నారు. కాంగ్రెస్‌ కార్యకర్తలకు దేశ భవితవ్యాన్ని మార్చే శక్తి ఉందన్నారు. రాజకీయ, ఆర్థిక, విదేశాంగ, భద్రతా, వ్యవసాయ విధానాలపై ప్లీనరీలో తీర్మానాలు ఆమోదించారు. మొత్తానికి కాంగ్రెస్‌ పార్టీ ప్లీనరీ సమావేశాలు క్యాడర్‌లో నూతనోత్తేజం నింపాయి.

18:35 - March 18, 2018

ఢిల్లీ : ప్రధాని మోదీ, బీజేపీలపై కాంగ్రెస్ పార్టీ జాతీయ అధ్యక్షుడు రాహుల్ గాంధీ తీవ్రస్థాయిలో విరుచుకుపడ్డారు. ఢిల్లీలో జరగుతున్న పార్టీ ప్లీనరీ సమావేశాల్లో ఆయన బీజేపీపై మునుపెన్నడూ చేయని విధంగా ఆరోపణలు చేశారు. ఓ నిందితుడిని అధ్యక్షుడిగా చేసుకున్న పార్టీ బీజేపీ అంటూ విమర్శించారు. తాము మహాభారతంలోని పాండవుల్లా ధర్మం కోసం పోరాడుతుంటే... బీజేపీ, ఆర్ఎస్ఎస్ కౌరవుల్లా అధికారం కోసం పాకులాడుతున్నాయన్నారు. మోదీపై యువత పెట్టుకున్న నమ్మకం తొలగిపోతోందన్నారు. అవినీతిపై యుద్ధం చేస్తామన్న ప్రధాని.. లలిత్ మోదీ, నీరవ్ మోదీ విదేశాలకు పారిపోతే ఏం చేశారని ప్రశ్నించారు. 

18:12 - March 18, 2018

ఢిల్లీ : వచ్చే ఎన్నికల్లో 16 ఎంపీ సీట్లు గెలిచి తెలంగాణ ఇచ్చిన సోనియాగాంధీ రుణం తీర్చుకుంటామని కాంగ్రెస్‌ నేత కోమటిరెడ్డి వెంకట్‌రెడ్డి అన్నారు. 2019లో 100 ఎమ్మెల్యేలతో పాటు 16 ఎంపీలను గెల్చుకుంటామన్నారు. నియంతృత్వ పాలన సాగిస్తోన్న కేసీఆర్‌ను ఓడించడమే తమ లక్ష్యమన్నారు. థర్డ్‌ఫ్రంట్‌ అంటున్న కేసీఆర్‌... మోదీ ప్రభుత్వంపై పెట్టిన అవిశ్వాస తీర్మానానికి ఎందుకు మద్దతు ఇవ్వలేదని కోమటిరెడ్డి ప్రశ్నించారు. మెదీ అధికారంలోకి వచ్చాక పెట్రోలు ధరలు రోజురోజుకీ పెరిగిపోతున్నాయని ఆరోపించారు. దేశ ప్రజలు జీఎస్టీ,డీమానిటేషన్ తో తీవ్ర ఇబ్బందులకు గురవుతున్నారని విమర్శించారు. రైతులు పంటకు కనీస మద్ధతు ధర కూడా లేదన్నారు. రాజీవ్ గాంధీ సంస్కరణలు తెచ్చినట్లుగా రాహుల్ కూడా దేశంలో పలు మార్పులను తీసుకొస్తారని అభిప్రాయపడ్డారు.   

Pages

Don't Miss

Subscribe to RSS - rahul gandhi