rahul gandhi

16:48 - December 10, 2018

ఢిల్లీ : దిగితేనే గానీ లోతు ఎంతుటుంటో తెలీదని పెద్దల మాట. అదే అర్థమైనట్లుగా వుంది కేంద్ర మంత్రి పదవికి రాష్ట్రీయ లోక్ సమతా పార్టీ అధినేత ఉపేంద్ర కుష్వాహాకు. మానవ వనరుల శాఖామంత్రిగా వున్న ఉపేంద్ర కుష్వాహా తన మంత్రి పదవికి రాజీనామా చేసిన సంగతి తెలిసిందే. ఈ  క్రమంలో ప్రధాని మోదీకి ఓ లేఖను కూడా రాశారాయన. తీవ్ర విమర్శలు సందిస్తు కుష్వాహా రాసిని లేఖలో ప్రధాని నరేంద్రమోదీ నాయకత్వంలో తాను పూర్తిగా మోసపోయాననీ..రాజ్యాంగ బద్ధంగా నిర్వహించాల్సిన విధులను కూడా వ్యవస్థను మోదీ నాశనం చేస్తున్నారంటే తీవ్రంగా విమర్శించారు. 
ఈ సందర్భంగా మోదీకి ఆయన ఒక ఘాటు లేఖను రాశారు.  కేబినెట్ ను రబ్బర్ స్టాంప్ స్థాయికి దిగజారనీ..మంత్రులు సొంత నిర్ణయాలు తీసుకోకుండా కట్టడి చేస్తు..ప్రధాని మోదీ తన నిర్ణయాలను మాత్రమే అమలు చేసేలా చేశారనీ..త్రులు, ఉన్నతాధికారులను నిస్సహాయులుగా మోదీ మార్చేశారని ఉపేంద్ర తన లెటర్ లో పేర్కొన్నారు. 
అన్ని నిర్ణయాలను ప్రధాని, ప్రధాని కార్యాలయమే నిర్ణయిస్తుందనీ..ఈ నిర్ణయాలలో బీజేపీ అధ్యక్షుడు అమిత్ షా ప్రధానంగా వుంటారని..పేదలు, అణగారిన వర్గాల కోసం కాకుండా ప్రత్యర్థులను నిర్వీర్యం చేయడం కోసమే పని చేస్తున్నారని ప్రధానికి రాసిన లేఖలో కుష్వాహా తీవ్ర వ్యాఖ్యలు చేశారు. మరోవైపు, జాతీయ స్థాయిలో ఏర్పాటు కాబోతున్న మహాకూటమిలో ఆయన చేరే అవకాశం ఉంది. కాగా డిసెంబర్ 10 ఉదయం కాంగ్రెస్ అధినేత రాహుల్ గాంధీతో సమావేశమైన తర్వాత ఆయన తన రాజీనామా లేఖను ప్రధాని మోదీకి పంపించారు. అనంతరం ప్రధాని మోదీకి రాసిన లేఖలో పలు ఘాటు విమర్శలను కుష్వాహా సంధించారు. 
 

 

13:12 - December 9, 2018

ఢిల్లీ: పార్లమెంట్ శీతాకాల సమావేశాలు ఈనెల 11నుంచి ప్రారంభంకానున్నాయి. అదేరోజు 5 రాష్ట్రాల అసెంబ్లీ ఎన్నికల ఫలితాలు విడుదలవుతున్నాయి. లోక్ సభలో అధికార బీజేపీని నిలదీసేందుకు ప్రస్తావించవలసిన అంశాలపై చర్చించేందుకు 10వతేదీ సోమవారం బీజేపీయేతర పక్షాలు ఢిల్లీలో సమావేశం అవుతున్నాయి. వచ్చే లోక్ సభ ఎన్నికల్లో బీజేపీని గద్దె దించటానికి బీజేపీయేతర పార్టీల మద్దతు కూడగడుతున్న టీడీపీ అధ్యక్షుడు చంద్రబాబునాయుడు ఈసమావేశానికి బీజేపీయేతర పార్టీల నేతలను ఆహ్వానించారు. 
సీబీఐలో అంతర్గత విభేదాలు, న్యాయపరిపాలన వ్యవస్ధ నిర్వీర్యం రఫెల్ ఒప్పందాలు, వ్యవసాయ రంగం సంక్షోభం తో పాటు, బీజేపీ ని గద్దె దించటానికి భవిష్యత్తులో అనుసరించాల్సిన వ్యూహాలు, దేశ వ్యాప్తంగా ర్యాలీలు, సభలు నిర్వహణ, భవిష్యత్‌ కార్యచరణపై ఈ సమావేశంలో చర్చించే అవకాశం ఉన్నట్లు తెలుస్తోంది. 
ఈ సమావేశానికి కేరళ, పంజాబ్‌, పుదుచ్చేరి, పశ్చిమబెంగాల్, కర్ణాటక సీఎంలు, అలాగే ములాయం సింగ్‌, అఖిలేష్‌, మాయావతి, ఫరూక్‌ అబ్దుల్లా, ఒమర్‌ అబ్దుల్లా..ఎన్సీపీ అధినేత శరద్‌పవార్‌, శరద్‌యాదవ్‌లను కూడా చంద్రబాబు ఆహ్వానించారు. కాంగ్రెస్ అధ్యక్షుడు రాహుల్‌ గాంధీ ఆధ్వర్యంలో మరికొంతమంది నేతలు ఈ సమావేశానికి హాజరుకానున్నారు.

10:45 - December 6, 2018

ఢిల్లీ : దేశ వ్యాప్తంగా ఐదు రాష్ట్రాలకు ప్రకటించిన ఎన్నికల్లో భాగంగా తెలంగాణ, రాజస్థాన్‌లో ఎన్నికల ప్రచార పర్వానికి డిసెంబర్ 5 సాయంత్రం 5 గంటలకు  తెరపడింది. దీంతో పార్టీల మైకులన్నీ మూగబోయాయి. ఎన్నికల ప్రచార రధాలకు బ్రేకులు పడ్డాయి. నేతలు ఓటర్లను ఆకట్టుకునేందుకు పలువిధాలు ప్రలోభాలకు పాల్పడుతున్నారు. ఇలా ఎవరి పనుల్లో వారు బిజీ బిజీగా వున్నారు. ఎన్నికల ప్రచారంలో సభలు, సమావేశాలు, రోడ్‌షోలతో విమర్శలు, ఆరోపణలతో  హోరెత్తించిన నాయకులు.. ప్రచారానికి ప్యాకప్ చెప్పేశారు. ప్రధాని మోదీ, ప్రతిపక్ష నేత, కాంగ్రెస్ అధ్యక్షుడు రాహుల్ గాంధీ నిన్న మొన్నటి వరకూ ఒకరిపై ఒకరు వ్యంగాస్త్రాలు, తీవ్రమైన విమర్శలు చేసుకున్నారు. అయితే.. ప్రచార పర్వానికి తెరపడిన తర్వాత కూడా మోదీపై రాహుల్ వ్యంగాస్త్రం సంధించడం విశేషం. 
ప్రచారం ముగిసిందని..ప్రధాని మోదీ ఇక తన పార్ట్ టైమ్ జాబ్ అయిన ప్రధాని పదవి కోసం కాస్త సమయం కేటాయించవచ్చని ట్విటర్ వేదికగా  రాహుల్ ఎద్దేవా చేశారు. 
ప్రచారానికి తెరపడింది. ఇక మీరు మీ పార్ట్ టైమ్ జాయి  ఉద్యోగమైన ప్రధాని బాధ్యతలపై కాస్త సమయం పెట్టొచ్చేమో..’ అని రాహుల్ ట్వీట్ చేశారు. మరి ఈ ట్వీట్ పై అసలే సోషల్ మీడియాలో యాక్టివ్ గా వుండే ప్రధాని మోదీ ఎలా స్పందిస్తారో చూడాలి. 
 

18:08 - December 5, 2018

హైదారాబాద్: కేసీఆర్ ను ఓడించటమే ప్రజాకూటమి ముందున్న లక్ష్యమని , ఎన్నికల తర్వాత సీఎం అభ్యర్ధిని నిర్ణయిస్తామని ఏఐసీసీ అధ్యక్షుడు రాహుల్ గాంధీ చెప్పారు. తెలంగాణ అసెంబ్లీ ఎన్నికల ప్రచార ముగింపులో భాగంగా ప్రజాకూటమి నేతలతో కలిసి ఆయన  బుధవారం హైదరాబాద్ లో జరిగిన విలేకరుల సమావేశంలో మాట్లాడారు. కేసీఆర్ కి ఓటమి భయం పట్టుకుందని ప్రజలకిచ్చిన ఏ హామీని కేసీఆర్ పూర్తిచేయలేక పోయారని రాహుల్  అన్నారు.  దేశానికి రైతులు వెన్నెముక వంటి వారని ప్రజాకూటమి అధికారంలోకి రాగానే రైతుల కోసం ఫుడ్ ప్రోసెసింగ్ యూనిట్లు నెలకొల్పుతామని రాహుల్ చెప్పారు. తెలంగాణా ఓటర్లు ప్రజాకూటమిని గెలిపిస్తే తెలంగాణ ప్రజల కలలను సాకారం చేస్తామని ఆయన హామీ ఇచ్చారు.
దేశ రాజకీయాల్లో మార్పునకు తెలంగాణాలో ఆరంభం జరిగిందని ,  గడిచిన నాలుగున్నరేళ్లలో  కేసీఆర్ రాష్ట్రాన్ని అప్పుల పాలుచేశారని ఆంధ్రప్రదేశ్ ముఖ్యమంత్రి చంద్రబాబు నాయుడు అన్నారు. తాను ప్రాజెక్టుల నిర్మాణానికి  అడ్డుపడుతున్నానని కేసీఆర్ అంటున్నారని తాను ఎక్కడ అడ్డం పడ్డానో కేసీఆర్ చెప్పాలని  చంద్రబాబుకోరారు.  కాళేశ్వరం మినహా దక్షిణ తెలంగాణాలో కృష్ణా నదిపై ప్రాజెక్టులను తానే మొదలుపెట్టానని, తర్వాతకాలంలో కాంగ్రెస్ పార్టీ వాటిని కంటిన్యూ చేసిందని చంద్రబాబు చెప్పారు. 

14:45 - December 4, 2018

విశాఖ: ఏపీ ముఖ్యమంత్రి చంద్రబాబు నాయుడుపై వైఎస్ఆర్ కాంగ్రెస్ పార్టీ ఎంపీ విజయసాయి రెడ్డి తీవ్ర ఆరోపనలు చేశారు. ముఖ్యమంత్రి చంద్రబాబు తెలంగాణ ఎన్నికలకు ఫండింగ్ చేస్తున్నారని విజయసాయి రెడ్డి ఆరోపించారు. కర్నాటక ఎన్నికల మాదిరిగా ఒక్కో నియోజకవర్గానికి రూ.10కోట్ల చొప్పున.. మొత్తం 1200 కోట్ల రూపాయలను చంద్రబాబు ఫండింగ్ చేస్తున్నారని, టీడీపీ ఎంపీలకు చెందిన బస్సుల్లో ఆ డబ్బు తరలించారని విజయసాయి రెడ్డి చెప్పారు. తెలుగుదేశం, కాంగ్రెస్ పార్టీల మధ్య ఉన్న సంబంధాల దృష్ట్యా రాబోయే సార్వత్రిక ఎన్నికల్లో ఖర్చు కోసం తన జాతీయ వాటా కింద రాహుల్‌గాంధీకి చంద్రబాబు రూ.5వేల కోట్లు ఇవ్వనున్నారని పేర్కొన్నారు. ఇక ముందస్తు ప్రణాళిక ప్రకారమే రేవంత్‌రెడ్డిని చంద్రబాబు కాంగ్రెస్‌లోకి పంపించారని ఆరోపణలు చేశారు.

14:42 - December 3, 2018

మహబూబ్ నగర్ : టీఆర్ ఎస్ పార్టీని బీజేపీ అనుబంధ పార్టీ అయిన ఆర్ఎస్ ఎస్ పార్టీతో పోల్చారు జాతీయ కాంగ్రెస్ అధ్యక్షుడు రాహుల్ గాంధీ. బీజేపీకీ, టీఆర్ఎస్ కు మంచి దోస్తీ తెలంగాణ రాష్ట్రం కోసం పెట్టిన టీఆర్ఎస్ పార్టీ టీ.‘టీర్ఎస్ ఎస్’పార్టీగా మారిపోయిందని రాహుల్ గాంధీ గద్వాల్ కాంగ్రెస్ సభలో మాట్లాడుతు టీఆర్ఎస్ పార్టీపైనా..తద్వారా కేసీఆర్ పైనా సెటైర్స్ వేశారు. కేసీఆర్, నరేంద్రమోదీ, అసదుద్దీన్ ఒవైసీ ముగ్గురు ఒక్కటేనన్నారు.  దేశ ఆర్థిక వ్యవస్థను ఛిన్నా భిన్నం చేసిన నోట్ల రద్దు విషయంలో ప్రధాని నరేంద్ర మోదీకి కేసీఆర్ మద్ధతు పలికారనీ..అలాగే జీఎస్టీ విషయంలో కూడా కేంద్ర ప్రభుత్వానికి కేసీఆర్ మద్దతు ఇచ్చారనీ..ఈ విషయాలను గమనిస్తే బీజేపీకి కేసీఆర్ కు ఎంత దోస్తీలో అర్థం చేసుకోవచ్చని గద్వాల్ కాంగ్రెస్ సభలలో రాహుల్ మాట్లాడుతు కేసీఆర్ ను విమర్శించారు. ఐదేళ్ల క్రితం తెలంగా ప్రజలు స్వరాష్ట్రం కోసం కలలు కన్నారు. నీళ్లు, నిధులు, నియామకాల కోసం కలలు కన్నారనీ..కానీ వారి కలలు కల్లలు చేసి కేసీఆర్ కుటుంబ పాలన కొనసాగిస్తున్నారని రాహుల్ విమర్శించారు. వేల కోట్ల రూపాయలు కాంట్రాక్టర్లకు కేసీఆర్ దోచి పెడుతున్నారని రాహుల్ గాంధీ విమర్శలు సంధించారు. టీఆర్ఎస్ పాలనలో అసంతృప్తిగా వున్న ప్రజల కోసం ఏర్పాటైన మహాకూటమిని గెలిపించాలనీ..మహాకూటమి గెలుపుతో తెలంగాణ ప్రజల కోరికలను నెరవేరుస్తామని రాహుల్ గాంధీ కోరారు. 
 

09:06 - December 3, 2018

హైదరాబాద్: తెలంగాణలో ఎన్నికల ప్రచారం చివరి అంకానికి చేరుకుంటోంది. ప్రచారానికి మూడు రోజుల సమయమే మిగిలి ఉండడంతో... పార్టీలన్నీ ప్రచారాన్ని విస్తృతంగా నిర్వహిస్తున్నాయి. మరోవైపు తమ పార్టీల అగ్రనేతలతో రాష్ట్రంలో ప్రచారం నిర్వహించేందుకు ప్రణాళికలు సిద్ధం చేశాయి. భారతీయ జనతాపార్టీ తెలంగాణలో ప్రచారాన్ని మరింత ముమ్మరం చేసింది. ప్రచారానికి గడువు సమీపించడంతో పోటీలో ఉన్న అన్నిచోట్ల ప్రచారాన్ని నిర్వహిస్తోంది. ఎన్నికల ప్రచారంలో భాగంగా ప్రధాని మోదీ సోమవారం(డిసెంబర్ 3) రాష్ట్రానికి రాబోతున్నారు. ఎల్బీ స్టేడియంలో జరిగే బహిరంగ సభలో పాల్గొంటారు. సభకు సంబంధించిన ఏర్పాట్లను బీజేపీ రాష్ట్ర నాయకత్వం పూర్తి చేసింది.
* మరోసారి రాష్ట్రానికి మోదీ
* ఎల్బీ స్టేడియంలో బహిరంగ సభ
* మధ్యాహ్నం 3 గంటలకు ప్రారంభం

మోదీ స్పీచ్‌పై ఆసక్తి:
మధ్యాహ్నం 3 గంటలకు జరిగే ఈ సభను బీజేపీ రాష్ట్ర నాయకత్వం ప్రతిష్టాత్మకంగా తీసుకుంది. సభను సక్సెస్‌ చేసి తమ సత్తా చాటాలని బీజేపీ భావిస్తోంది. అందుకే ఈ సభకు భారీగా జనసమీకరణపై దృష్టి సారించింది. అన్ని జిల్లాల నుంచి జనాన్ని భారీ సంఖ్యలో తరలించాలని రాష్ట్ర నాయకత్వం నిర్ణయించింది. మరోవైపు సభకు సంబంధించిన ఏర్పాట్లను కూడా పూర్తి చేసింది. మోదీ ఏం చెప్తారన్నదానిపై సర్వత్రా ఆసక్తి నెలకొంది.
సౌత్‌లో సత్తా చాటాలని:
రాష్ట్ర నేతలతో పాటు బీజేపీ అగ్రనాయకత్వాన్ని ప్రచారంలోకి దించుతోంది. ఇప్పటికే ప్రధాని మోదీ, పలువురు కేంద్రమంత్రులు తెలంగాణలో ప్రచారం నిర్వహించారు. బీజేపీ జాతీయ అధ్యక్షుడు అమిత్‌షాతో పాటు యూపీ సీఎం యోగి ప్రచారం నిర్వహించారు. మరికొంత మంది ఇతర బీజేపీ అగ్రనేతలు తెలంగాణలో బీజేపీ అభ్యర్థుల గెలుపునకు ప్రచారం నిర్వహించారు. సౌత్‌లో తమ పార్టీ ఖాతా తెరవాలని... అది తెలంగాణతోనే మొదలవ్వాలన్న లక్ష్యంతో బీజేపీ అగ్రనేతలంతా తెలంగాణలో ప్రచారానికి వస్తున్నారు.
మరోసారి రంగంలోకి రాహుల్:
అటు కాంగ్రెస్ అధ్యక్షుడు రాహుల్‌గాంధీ మరోసారి రాష్ట్రానికి రాబోతున్నారు. గద్వాల, తాండూరు నియోజకవర్గ సభల్లో ఆయన ప్రచారం నిర్వహించనున్నారు. మధ్యాహ్నం తర్వాత టీడీపీ జాతీయ అధ్యక్షుడు చంద్రబాబుతో కలిసి హైదరాబాద్‌లో రోడ్‌షోలు నిర్వహించనున్నారు. చంద్రబాబుతో కలిసి కూకట్‌పల్లి, జూబ్లీహిల్స్‌ నియోజకవర్గాల్లో రోడ్‌షోలో రాహుల్ పాల్గొననున్నారు. జూబ్లీహిల్స్‌, కూకట్‌పల్లి, రహ్మత్‌నగర్‌, మూసాపేట చౌరస్తాల్లో రాహుల్‌ ప్రసంగించనున్నారు. రాహుల్‌ పర్యటనకు సంబంధించిన ఏర్పాట్లను కాంగ్రెస్ పూర్తి చేసింది.
రాహుల్‌ రాక కాంగ్రెస్‌ శ్రేణుల్లో నూతనోత్సాహం నింపిందని, ప్రజలు కాంగ్రెస్‌కు ఓట్లు వేసేందుకు ఆయన పర్యటన బాగా ఉపయోగపడిందని ఆ పార్టీ శ్రేణులు భావిస్తున్నాయి. దీంతో మరోసారి రాష్ట్రానికి రావాలని పీసీసీ ఆయనను కోరింది. ఇందుకు రాహుల్ కూడా అంగీకరించారు. ఎన్నికల నోటిఫికేషన్‌ వచ్చిన తర్వాత ఇప్పటికే రెండుసార్లు రాష్ట్రానికి వచ్చారు రాహుల్. సుడిగాలి పర్యటనతో పలు నియోజకవర్గాల్లో ప్రచారం నిర్వహించారు.
* మరోసారి రాష్ట్రానికి రాహుల్‌
* గద్వాల, తాండూరు నియోజకవర్గాల్లో ప్రచారం
* మధ్యాహ్నం తర్వాత హైదరాబాద్‌లో ప్రచారం
* చంద్రబాబుతో కలిసి ప్రచారం చేయనున్న రాహుల్‌
* కూకట్‌పల్లి, జూబ్లీహిల్స్‌ నియోజకవర్గాల్లో రోడ్‌షో
* మ.12.15 గద్వాల్, మ.2.15కి తాండూరులో బహిరంగ సభ
* సా. 4.15 గంటలకు జూబ్లీహిల్స్‌లో రోడ్‌షో
* సా. 5.30 గంటలకు కూకట్‌పల్లిలో రోడ్‌షో

14:42 - December 1, 2018
  • ఏపీ రాజకీయాల్లో కేసీఆర్ ఎప్పుడూ తలదూర్చలేదు...
  • సంక్షేమ రంగంలో తెలంగాణ రాష్ట్రం దేశానికే ఆదర్శం...
  • ప్రాంతాలు వేరుగా పడినా ప్రజలుగా కలిసే ఉన్నాం...
  • 2014 ఎన్నికల్లో పవన్, అదృష్టం కలిసొచ్చి బాబు గెలుపొందారు...

హైదరాబాద్ : ‘తెలంగాణలో ఏపీ సీఎం బాబు వేలు పెడుతున్నాడు..మరి మనం ఏం చేద్దాం’...అంటూ తెలంగాణ రాష్ట్ర మంత్రి కేటీఆర్ ప్రశ్నించారు. చంద్రబాబు అంతు చూడటానికి ఆంధ్రలోనూ వెలు పెడుతామన్నారు. మాదాపూర్‌లో స్పిరిట్ ఆఫ్ హైదరాబాద్ కార్యక్రమంలో పాల్గొన్న కేటీఆర్...ఐటీ కంపెనీల సీఈవోలు, బిజినెన్స్ హెడ్స్‌తో పాల్గొన్నారు. 
చంద్రబాబు తన శక్తిని ఎక్కువగా ఊహించుకుంటున్నాడన్న కేటీఆర్...ఆయనకు ఎలా బుద్ది చెప్పాలో కేసీఆర్‌కు తెలిసినంతగా ఎవరికీ తెలియదన్నారు. ఇలాంటి నాటకాలు ఆడితేనే అమారవతికి వరకు తరిమితరిమి కొట్టారని పేర్కొన్నారు. కాంగ్రెస్..బీజేపీ లేని ప్రత్యామ్నాయం ఏర్పాటు చేయాలని కేసీఆర్ ప్రయత్నాలు చేస్తున్నారని...టీడీపీ పార్టీని..బాబును తెలంగాణ సమాజం..తరిమి కొడుతుందని కేటీఆర్ తెలిపారు. 

 

11:03 - December 1, 2018

హైదరాబాద్ : తెలంగాణ రాష్ట్రంలో ఎన్నికలకు కౌంట్‌డౌన్ ప్రారంభమైంది. కేవలం ఆరు రోజులు మాత్రమే ఉండడంతో ప్రచారాన్ని మరింత ఉధృతం చేశారు. టీఆర్ఎస్‌‌ని ఎదుర్కొనేందుకు మహాకూటమి ఏర్పాటైంది. కాంగ్రెస్ పెద్దన్నగా మారి..సీపీఐ, టీజేఎస్, టీ.టీడీపీలను కలుపుకుంది. తెలంగాణ రాష్ట్రంలోని ఆ పార్టీ అభ్యర్థులు ప్రచారాన్ని చేపడుతూ చెమటోడుస్తున్నారు. అధికారంలోకి రావాలని ఆశ పెడుతున్న టీపీసీసీ కాంగ్రెస్ పెద్దలను రంగంలోకి దింపుతోంది. ఇప్పటికే కాంగ్రెస్ అధినేత్రి సోనియా గాంధీ, ఏఐసీసీ అధ్యక్షుడు రాహుల్ గాంధీ..మరో కీలక నేతలతో భారీ బహిరంగసభలు ఏర్పాటు చేసిన నేతలు..మరోసారి వారిని ప్రచారపర్వంలో దింపాలని చూస్తున్నట్లు తెలుస్తోంది. నవంబర్ 28, 29 తేదీల్లో రాహుల్ ఎన్నికల సభల్లో పాల్గొన్నారు. అంతకుముందు నవంబర్ 23వ తేదీన మేడ్చల్‌లో నిర్వహించిన భారీ బహిరంగసభలో తల్లి సోనియా గాంధీతో కలిసి రాహుల్ పాల్గొని కాంగ్రెస్ శ్రేణులను ఉత్సాహపరిచారు. 
మరోసారి సోనియా..రాహుల్‌తో ప్రచారం నిర్వహిస్తే బాగుంటుందని..ఎన్నికలపై తీవ్ర ప్రభావం చూపుతుందని టీపీసీసీ నేతలు భావిస్తున్నారు. డిసెంబర్ 3,5 తేదీల్లో గద్వాల, కరీంనగర్, నల్గొండ, మెదక్ జిల్లాల్లో జరిగే బహిరంగసభలో రాహుల్ పాల్గొననున్నారు. డిసెంబర్ 5వ తేదీ సాయంత్రం ప్రచారం కార్యక్రమం ముగిసేవరకు రాహుల్ గాంధీ రోడ్ షో నిర్వహించే విధంగా నేతలు ప్లాన్స్ వేస్తున్నారు. 
మరోవైపు గజ్వేల్, తాండూరు, కరీంనగర్‌లలో బహిరంగసభలో సోనియా ఎన్నికల ప్రచారం నిర్వహించేందుకు నేతలు ప్రణాళికలు సిద్ధం చేస్తున్నారు. ఈ సభలలో మాజీ ప్రధాని మన్మోహన్ సింగ్ కూడా పాల్గొననున్నారని సమాచారం. ఒకవేళ సోనియా రాకపోతే రాహుల్‌తో ప్రచారం నిర్వహించాలని నేతలు భావిస్తున్నారని టాక్. మరి అగ్రనేతల ప్రచారం ఎంతవరకు ఉపయోగపడుతుందో చూడాలి

10:44 - December 1, 2018

డిసెంబర్ 2 పరేడ్ గ్రౌండ్‌లో భారీ బహిరంగసభ...
అదే వేదికపై టీఆర్ఎస్ మేనిఫెస్టో ?...
బహిరంగసభ విజయవంతానికి కమిటీలు...
డిసెంబర్ 2 సాయంత్రం సభకు కేసీఆర్ రాక...

హైదరాబాద్ : తెలంగాణ రాష్ట్ర సమితి ఎన్నికల్లో భాగంగా మరో భారీ బహిరంగసభ నిర్వహించేందుకు అధిష్టానం సిద్ధమౌతోంది. ఈ మేరకు గులాబీ దళపతి కేసీఆర్ సభకు సంబంధించిన ఏర్పాట్లపై దృష్టి సారించారు. డిసెంబర్ 2వ తేదీన ‘పరేడ్ గ్రౌండ్’లో అత్యంత భారీ సభను నిర్వహించాలని కేసీఆర్ నిర్ణయించారు. ఇదే వేదికపై నుండి టీఆర్ఎస్ మేనిఫెస్టోను విడుదల చేసేందుకు టీఆర్ఎస్ నిర్ణయం తీసుకొందని తెలుస్తోంది. తొలుత డిసెంబర్ 3వ తేదీన సభ నిర్వహించాలని అనుకున్నా కేంద్ర రక్షణ శాఖ అనుమతినివ్వలేదని తెలుస్తోంది. అదే రోజున భారత ప్రధాన మంత్రి నరేంద్ర మోడీ వస్తుండడం..ఎల్బీ స్టేడియంలో బీజేపీ నిర్వహించే బహిరంగసభ నేపథ్యంలో అనుమతినివ్వలేదని సమాచారం. దీనితో ఒక రోజు ముందుకు అంటే డిసెంబర్ 2వ తేదీకి మార్చింది. సభ నిర్వహించేందుకు కేంద్ర రక్షణ సమితి అనుమతిని కూడా ఇచ్చేసింది. అనుమతి కూడా లభించడంతో టీఆర్ఎస్ అగ్ర నేతలు భారీ బహిరంగసభ ఏర్పాట్లపై తలమునకలయ్యారు. గ్రేటర్ హైదరాబాద్‌లో తన మార్కును చూపిస్తూ రాజకీయాల్లో తనదైన ముద్ర వేసిన కేటీఆర్ ప్రత్యేక దృష్టి సారించారు. ఇప్పటికే గ్రేటర్ హైదరాబాద్‌లో కేటీఆర్ సుడిగాలి పర్యటనలు చేసేశారు. 
నగరంలో కేసీఆర్...
జిల్లాల్లో సుడిగాలి పర్యటన చేసి వచ్చిన గులాబీ బాస్ కేసీఆర్..డిసెంబర్ 1వ తేదీన హైదరాబాద్‌లో మకాం వేయనున్నారు. బహిరంగసభ..ఎన్నికల మేనిఫెస్టోపై పార్టీ సీనియర్ నేతలతో చర్చించనున్నారు. మేనిఫెస్టోలో పొందుపరచాల్సిన వాటిపై కసరత్తు చేయనున్నారు. సభ విజయవంతమయ్యేందుకు కమిటీలు ఏర్పాటు చేశారు. శనివారం ఉదయం నుండే సభ ఏర్పాట్లు ప్రారంభించాలని కేసీఆర్ ఆదేశించినట్లు సమాచారం. ఆదివారం సాయంత్రం ఐదు గంటలకు కేసీఆర్ సభకు చేరుకుని ప్రభుత్వం చేపట్టిన కార్యక్రమాలు..మళ్లీ అధికారంలోకి వస్తే ప్రభుత్వం ఎలాంటి కార్యక్రమాలు చేపట్టనుందో ఆయన ప్రజలకు చెప్పనున్నారు. 
ఆనవాయితీగా వస్తున్న పరేడ్‌గ్రౌండ్...
ఇక పరేడ్ గ్రౌండ్ విషయానికి వస్తే ఇక్కడ భారీ బహిరంగసభలు నిర్వహించడం టీఆర్ఎస్‌కి ఆనవాయితీగా వస్తోంది. ఉద్యమ సమయంలో ఈ గ్రౌండ్‌‌లో ఏకంగా 20కి పైగా సభలు నిర్వహించింది. అనంతరం 2014 ఎన్నికల సమయంలో కూడా ఇక్కడే సభను నిర్వహించిన సంగతి తెలిసిందే. 2016లో హైదరాబాద్‌ మహానగరపాలక సంస్థ ఎన్నికల సమయంలో టీఆర్ఎస్ బహిరంగసభను నిర్వహించింది. తాజాగా జరిగే భారీ బహిరంగసభను టీఆర్ఎస్ అత్యంత ప్రతిష్టాత్మకంగా తీసుకుంది. హైదరాబాద్‌లోని 24 నియోజకవర్గాల నుండి ప్రజలను తరలించేందుకు నేతలు ప్రయత్నాలు చేస్తున్నారు. 

Pages

Don't Miss

Subscribe to RSS - rahul gandhi