railway station

13:53 - January 13, 2018

ఖమ్మం : పట్టణంలో దారుణం చోటు చేసుకుంది. చర్చ్‌కంపౌండ్‌ సమీపంలోని రైలు పట్టాలపై కాశీ విశ్వనాథ్‌ అనే హోంగార్డ్‌తో పాటు మరో  ఇద్దరు ఆత్మహత్యకు పాల్పడ్డారు. విషయం తెలుసుకున్న పోలీసులు సంఘటనా స్థలికి చేరుకుని.. కేసు నమోదు చేసుకుని..దర్యాప్తు చేపడుతున్నారు. 

 

18:32 - December 11, 2017

ప్రకాశం : జిల్లా ఒంగోలులో విషాదం చోటుచేసుకుంది. స్థానిక సంతపేటకు చెందిన శ్యామల తన ఏళ్ళ కొడుకు పార్టివ్ రెడ్డి తో సహా ఇక్కడి అగ్రహారం రైల్వే గాటు వద్ద రైలు కింద పడి తనువు చాలించారు. అయితే ఘటనకు పూర్తి కారణాలు తెలియరాలేదు.  

19:56 - October 27, 2017

విజయవాడ : అత్యంత వేగంగా అభివృద్ధి చెందుతున్న నగరాల జాబితాలో బెజవాడ ఒకటి.. అయినా నగరాభివృద్ధి మాత్రం ఆశించిన మేర కన్పించట్లేదు. రైల్వేకు అత్యధిక ఆదాయాన్ని సమకూరుస్తున్నా.. విజయవాడ రైల్వే జంక్షన్ అభివృద్ధి పట్టాలెక్కడంలేదు. ప్రయాణికులకు మౌలిక వసతులు కల్పించడంలో, సకాలంలో సమాచారాన్ని చేరవేయడంలో వైఫల్యం చెందుతున్నారని ప్రయాణికులు ఆరోపిస్తున్నారు. బెజవాడ రైల్వే స్థితిగతులపై 10టీవీ ప్రత్యేక కథనం..
అభివృద్ధికి అందుకోని బెజవాడ జంక్షన్‌
దేశంలో పెద్ద రైల్వే జంక్షన్‌లలో విజయవాడ ఒకటి. ఏడాదికి రూ.175 కోట్లకుపైగా ఆదాయం, 70 ప్యాసింజర్ రైళ్లు, 250 ఎక్స్‌ప్రెస్ రైళ్లు, మొత్తం 370కు పైగా రైళ్లలో నిత్యం లక్షల సంఖ్యలో ప్రయాణికులు బెజవాడ రైల్వేజంక్షన్ మీదుగా రాకపోకలు సాగిస్తుంటారు. ఈ స్థాయిలో పేరు ప్రఖ్యాతలున్న బెజవాడ రైల్వే జంక్షన్‌ అభివృద్ధికి మాత్రం ఆమడదూరంలో ఉంది. 
పార్సిల్స్‌ ద్వారా రూ.30లక్షల ఆదాయం
నిత్యం వేలాది మంది ప్రయాణికులు విజయవాడ రైల్వేస్టేషన్ నుంచి తమ గమ్యస్థానాలకు వెళ్తుంటారు. దాదాపు రూ.30 లక్షల ఆదాయం పార్సిల్స్‌, రిజర్వేషన్లు, టికెట్ల రూపంలో ఆదాయం వస్తోంది. ఈ స్థాయిలో ఆదాయం ఉన్న బెజవాడ స్టేషన్‌లో ప్రయాణికులకు అవసరమైన వసతులు, సౌకర్యాలు ఉన్నాయా.. అంటే లేదనే సమాధానం వినిపిస్తోంది. 
స్టేషన్‌లో సరిగ్గా పనిచేయని ఎస్కలేటర్లు
స్టేషన్‌లో వృద్ధులు, వికలాంగులు, చిన్న పిల్లల కోసం ఏర్పాటు చేసిన ఎస్కలేటర్లు ఎప్పుడు పనిచేస్తాయో తెలియని పరిస్థితి నెలకొంది. ప్రయాణికుల రద్దీ ఎక్కువగా ఉండే ఉదయం, సాయంత్రం వేళల్లో మొరాయించడం, విద్యుత్ పొదుపు పేరుతో ఆఫ్ చేయడం జరుగుతోంది. ఈ జంక్షన్‌లో పేరుకి 10 ప్లాట్‌ ఫామ్‌లు ఉన్నా.. ప్రయాణికులకు అందుబాటులో ఉన్నవి మాత్రం ఏడే. మిగిలిన 8, 9,10 ప్లాట్‌ ఫామ్‌లకు కనెక్టవిటీ లేకపోవడంతో ఆ ప్లాట్‌ ఫామ్‌లు నిరుపయోగంగా ఉన్నాయి.
అన్ని ప్రాంతాలకు జంక్షన్‌ నుంచి కనెక్టవిటీ కల్పించాలి
అన్ని ప్రాంతాలకు జంక్షన్‌ నుంచి కనెక్టవిటీ కల్పించాలని ప్రయాణికులు కోరుతున్నారు. రాజధాని ప్రాంతం దృష్ట్యా పెరిగిన  వాహనాలకి అనుగుణంగా పార్కింగ్‌ వ్యవస్థని కూడా విస్తరించాలని.. స్టేషన్‌లో మౌళిక వసతుల ఏర్పాటు చేయాలని ప్రయాణికులు కోరుతున్నారు. 

 

07:33 - October 1, 2017

ముంబయి : ఎలిఫిన్స్‌టన్ స్టేషన్‌లో జరిగిన తొక్కిసలాటలో మృతుల సంఖ్య 23కు చేరింది. ఈ ఘోర విషాదంలో శుక్రవారం 22 మంది మృతి చెందగా శనివారం మరొకరు చనిపోయారు. ఈ ఘటనలో మొత్తం 39 మంది గాయపడ్డారు. క్షతగాత్రులకు కేఈఎం ఆసుపత్రిలో చికిత్స అందిస్తున్నారు. మరోవైపు ఈ ఘటనపై ముంబయి హైకోర్టులో పిల్ దాఖలైంది. ఈ ఘటనకు రైల్వే అధికారులను బాధ్యులను చేయాలని పిటిషనర్ కోరారు.

20:09 - September 29, 2017

మహారాష్ట్ర : దసరా పండగ వేళ మహారాష్ట్రలో విషాదం నెలకొంది. ముంబైలోని ఎలిఫిన్స్‌టన్‌ రైల్వే స్టేషన్‌లో జరిగిన తొక్కిసలాటలో 22 మంది మృతి చెందారు. మరో 33 మంది తీవ్రంగా గాయపడ్డారు. వర్షం ఆగిపోయిన తర్వాత  ప్రయాణికులంతా ఒక్కసారిగా నడిచే వంతెనపైకి దూసుకు రావడంతో తొక్కిసలాట జరిగింది.

ఉదయం పదిన్నర ప్రాంతంలో ప్రయాణికులతో ఎలిఫిన్స్‌టన్‌ రైల్వే స్టేషన్‌ కిక్కిరిసి పోయింది. వర్షం కురుస్తుండడంతో ప్రయాణికులంతా స్టేషన్‌లోనే ఉండిపోయారు. కొద్ది సేపటి తర్వాత వర్షం వెలిసింది. అదే సమయంలో స్టేషన్‌కు 4 రైళ్లు ఒకేసారి రావడంతో ప్రయాణికులు హడావిడిగా వెళ్లే క్రమంలో ఒక్కసారిగా నడిచే బ్రిడ్జిపైకి దూసుకొచ్చారు. ఒకరినొకరు తోసుకోవడంతో కొందరు కిందపడిపోయారు. దీంతో తొక్కిసలాట జరిగింది. ఘటనాస్థలంలో ప్రయాణికుల పాద రక్షలు చిందరవందరగా పడిపోయాయి. 

తొక్కిసలాట నుంచి తప్పించుకునేందుకు కొందరు బ్రిడ్జి కడ్డీలు పట్టుకుని కిందకు దూకేశారు. ఈ ఘటనలో 22 మంది ప్రయాణికులు అక్కడికక్కడే మృతి చెందారు. మరో 30 మంది తీవ్రంగా గాయపడ్డారు. వీరిలో కొందరి పరిస్థితి విషమంగా ఉంది. 

ఘటనా స్థలానికి పోలీసులు, వైద్య సిబ్బంది చేరుకుని సహాయక చర్యలు చేపట్టారు. క్షతగాత్రులకు వైద్య సహాయం అందించారు.

భారీ వర్షం కారణంగా పెద్దసంఖ్యలో ప్రయాణికులు వంతెనపైకి చేరుకున్నారని.... వర్షం ఆగిపోగానే వారంతా దిగేందుకు ప్రయత్నించగా.. తొక్కిసలాట జరిగిందని రైల్వై పిఆర్వో అనిల్ సక్సేనా తెలిపారు. కేంద్ర రైల్వే మంత్రి పీయూష్‌ గోయెల్‌ ఘటనస్థలాన్ని సందర్శించి పరిస్థితిని సమీక్షించారు.

మరోవైపు షార్ట్‌ సర్క్యూట్‌ కారణంగా పేలుడు సంభవించి భారీ శబ్దం రావడంతో భయాందోళనకు గురైన ప్రజలు ఒక్కసారిగా పరుగులు తీయడంతో తొక్కిసలాట జరిగిందని ప్రత్యక్ష సాక్షులు చెబుతున్నారు.

ఎప్పుడూ ప్రయాణికులతో కిక్కిరిసి ఉండే ఎల్‌ఫిన్స్‌టన్‌ స్టేషన్‌ అభివృద్ధిని అధికారులు పట్టించుకోవడం లేదన్న విమర్శలు వెల్లువెత్తుతున్నాయి.  ఎప్పుడో పాతకాలంనాటి బ్రిడ్జి ఒక్కటే ఉందని మరికొన్ని వంతెనలు నిర్మించాల్సిన అవసరం ఉందని ప్రయాణికులు చెబుతున్నారు. బుల్లెట్‌ ట్రెయిన్‌పై కలలు కంటున్న మోది సర్కార్‌కు ప్రస్తుత రైల్వే సేవలపై శ్రద్ధ చూపడం లేదని శివసేన ధ్వజమెత్తింది. తొక్కిసలాటపై ప్రధాని నరేంద్రమోది, రాష్ట్రపతి కోవింద్‌ తీవ్ర దిగ్భ్రాంతి వ్యక్తం చేశారు.

16:23 - September 29, 2017

మహారాష్ట్ర : ముంబయిలో విషాదం చోటుచేసుకుంది. ఎల్ఫిన్‌స్టోన్‌ రైల్వేస్టేషన్‌లో జరిగిన తొక్కిసలాటలో 22 మంది ప్రాణాలు కోల్పోయారు. మరో 50 మంది గాయపడ్డారు. స్టేషన్‌ నుంచి బయటకు వెళ్లే మార్గంలో పాదచారుల వంతెన ఉంటుంది. ఉదయం వర్షం రావడంతో ప్రయాణికులు స్టేషన్‌లో ఆగిపోయారు. వర్షం నిలిచిపోవడంతో ఒక్కసారిగా ప్రయాణికులంతా వంతెనపైకి దూసుకొచ్చారు. దీంతో తొక్కిసలాట జరిగింది. ఉదయం 10.30 గంటల ప్రాంతంలో ఈ ఘటన చోటుచేసుకుంది. తొక్కిసలాట నుంచి తప్పించుకునేందుకు కొందరు వంతెన కడ్డీలు పట్టుకుని కిందకు పరుగులు తీశారు. వీరిలో 20 మంది పరిస్థితి విషమంగా ఉన్నట్లు అధికారులు తెలిపారు. సమాచారమందుకున్న పోలీసులు, వైద్య సిబ్బంది రైల్వేస్టేషన్‌కు చేరుకుని సహాయకచర్యలు చేపట్టారు. క్షతగాత్రులకు వైద్యసాయం అందించారు. మృతుల కుటుంబాలకు మహారాష్ట్ర ప్రభుత్వం 5 లక్షల ఎక్స్‌గ్రేషియా ప్రకటించింది. మరిన్ని వివరాలను వీడియోలో చూద్దాం...

 

13:14 - September 29, 2017

ముంబై : ఎల్ఫిన్ స్టోన్ రైల్వేస్టేషన్ లోని పాదచారుల వంతెనపై తొక్కిసలాట ఘటనలో మృతి చెందిన వారి సంఖ్య 22కు చేరింది. గాయపడ్డ వారిలో చాలా మంది పరిస్థితి సీరియస్ గా ఉన్నట్టు తెలుస్తోంది. ప్రమాదం జరిగిని చాలా సమయం తర్వాత సహాయ చర్యులు చేపట్టకపోవడంతో మృతుల సంఖ్య పెరగడానికి కారణమైంది. భారీ వర్షం రావడంతో స్టేషన్ లోకి ప్రజలు చోచ్చుకురావడం వల్ల ఈ ప్రమాదం జరినట్టు తెలుస్తోంది. అయితే ముంబైలాంటి మహానగరంలో ఎక్కువ మంది రైలల్లోనే ప్రయాణిస్తారు. కానీ ప్రయాణికులకు తగ్గట్టుగా పాదచారుల వంతెన లేకపోవడం కూడా ఈ ప్రమాదానికి కారణంగా చెప్పుకొవచ్చు. మరికాసేపట్లో సంఘటన స్థలానికి రైల్వే మంత్రి పీయుష్ గోయాల్ చేరుకొనున్నారు. మరింత సమాచారం కోసం వీడియో చూడండి.

12:15 - September 29, 2017

ముంబై : మహానగరంలో విషాదం చోటుచేసుకుంది. ఎల్ఫిన్ స్టోన్ రైల్వేస్టేషన్ లోని పాదచారుల వంతెనపై తొక్కిసలాట జరిగింది. ఈ తొక్కిసలాటలో 15మంది మృతి చెందారు. మరో 50 మందికి తీవ్ర గాయాలయ్యాయి. గాయపడ్డ వారిలో చాలా మంది పరిస్థితి సీరియస్ గా ఉన్నట్టు తెలుస్తోంది. భారీ వర్షం రావడంతో స్టేషన్ లోకి ప్రజలు చోచ్చుకురావడం వల్ల ఈ ప్రమాదం జరినట్టు తెలుస్తోంది. అయితే ముంబైలాంటి మహానగరంలో ఎక్కువ మంది రైలులోనే ప్రయాణిస్తారు. కానీ ప్రయాణికులకు తగ్గట్టుగా పాదచారుల వంతెన లేకపోవడం కూడా ఈ ప్రమాదానికి కారణంగా చెప్పుకొవచ్చు. మరింత సమాచారం కోసం వీడియో చూడండి.

09:25 - September 11, 2017

కృష్ణా : విజయవాడ రైల్వే స్టేషన్‌లో దోపిడీ పర్వం కొనసాగుతోంది. రైల్వేస్టేషన్‌లో తినుబండారాల ధరలు చూసి ప్రయాణికులు కంగుతింటున్నారు. ఎమ్మార్పీ కన్నా అధిక రేట్లుకు విక్రయిస్తూ వ్యాపారులు దండుకుంటున్నారన్న ఆరోపణలు వెల్లువెత్తుతున్నాయి. . రైల్వే అధికారుల నిఘా లోపంతో వీరు ఇష్టారాజ్యంగా వ్యవహరిస్తున్నారు.   
ఏడాదికి 175 కోట్లకు పైగా ఆదాయం
ఏడాదికి 175 కోట్లకు పైగా ఆదాయం.70 ప్యాసింజర్ రైళ్లు, 250 ఎక్స్‌ప్రెస్ రైళ్లు. బెజవాడ రైల్వేజంక్షన్ మీదుగా నిత్యం లక్షల సంఖ్యలో ప్రయాణికుల రాకపోకలు. రైల్వేకు అత్యధిక ఆదాయమార్గంగా ఉన్న బెజవాడ రైల్వే స్టేషన్‌లో ప్రయాణికులు కనీసం ఆహారపదార్థాలు కూడా కొనలేని దుస్థితి నెలకొంది. స్టేషన్‌లో దోపిడీ పెచ్చుమీరిపోతోంది. రోజు రోజుకు ధరలు పెంచుతూ వ్యాపారులు దండుకుంటున్నట్లు ఆరోపణలు వినిపిస్తున్నాయి. ఎమ్మార్పీ ధరల కన్నా అధికంగా వసూలు చేస్తూ ప్రయాణికుల జేబులకు చిల్లులు పెడుతున్నారు. రైల్వే జీఎం, డీఆర్ఎం తనిఖీ సమయాల్లో మాత్రమే ఎమ్మార్పీ ధరలకు విక్రయిస్తూ.. మిగతా సమయాల్లో అధిక ధరలకు అమ్ముతున్నట్లు తెలుస్తోంది. 
బాదం మిల్క్ ధర రూ.25 కు బదులుగా రూ.35  
200 ఎంఎల్ బాదం మిల్క్ ధర 25 రూపాయలుగా ఉంటే.. దాన్ని 30 నుంచి 35కు విక్రయిస్తున్నారు. లీటర్ వాటర్ బాటిల్ 15 అయితే 20 నుంచి 25లకు అమ్ముతున్నారు. ఇక కూల్‌డ్రింక్స్‌పై అదనంగా 5 వడ్డిస్తున్నారు. 60 రూపాయల ఉన్న బిర్యానీని 70కి, 40 రూపాయలున్న కర్డ్ రైస్‌ని 50కి విక్రయిస్తున్నారు. తినుబండారాలు రుచి, సుచి లేకపోయినా..ఇష్టారాజ్యంగా దండుకుంటున్నారని ప్రయాణికులు ఆరోపిస్తున్నారు. నాణ్యతా ప్రమాణాలు పాటించడం లేదని మండపడుతున్నారు.  
వ్యాపారులపై కఠిన చర్యలు తీసుకోవాలి : ప్రయాణికులు 
ఇప్పటికైనా రైల్వే అధికారులు స్పందించి అధిక ధరలకు విక్రయిస్తున్న వ్యాపారులపై కఠిన చర్యలు తీసుకోవాలని ప్రయాణికులు కోరుతున్నారు. అలాగే తినుబండారాల్లో నాణ్యతా ప్రమాణాలు పాటించారో లేదో తెలుసుకునేందుకు నిత్యం తనిఖీలు చేయాలని చెబుతున్నారు. 

 

07:15 - May 14, 2017

హైదరాబాద్: ఏ కష్టమొచ్చిందో ఏమోకానీ.. ఓ యువతి ఆత్మహత్య చేసుకోవాలనుకుంది. రైలు కిందపడి చనిపోవాలనుకుంది. ప్లాట్‌పామ్‌పైకి రైలు వస్తుండడంతో దానికింద పడేందుకు పరుగులు తీసింది. ఇది గమనించిన ఓ వ్యక్తి ఆమెను కాపాడాడు. రైలు కిందపడకుండా అడ్డుకున్నాడు. దీంతో ఆ యువతి ప్రాణాలతో బయటపడింది. చైనాలోని పుటియన్‌ రైల్వే స్టేషన్‌లో జరిగిన ఈ ఘటన ఇప్పుడు సోషల్‌ మీడియాలో హల్‌చల్‌ చేస్తోంది.

 

Pages

Don't Miss

Subscribe to RSS - railway station