Rajinikanth in politics

11:27 - May 19, 2017

చెన్నై : నేడు రజనీ అభిమానులతో చివరి సమావేశం నర్వహించనున్నారు. చివరి రోజు భేటీకి భారీగా అభిమానులు తరలివచ్చారు. ఈ సంద్భరంగా రజనీకాంత్ తమిళనాడు రాజకీయాలపై విరుచుకుపడ్డారు. రాష్ట్రంలో మంచి నేతలు ఉన్నా వ్యవస్థలో మార్పు రాలేదని, ప్రస్తుతం రాజకీయ వ్యవస్థ అధ్వానంగా తయారైందని అన్నారు. రాజకీయ వ్యవస్థలో మార్పు రావాలని ఆయన ఆకాక్షించారు. కర్ణాటకలో 23 ఏళ్లు ఉన్నా, తమిళనాడులో 43ఏళ్ల నుంచి ఉంటున్నానని తెలిపారు. కర్ణాటక వాడినైనా తమిళనాడు ప్రజలు ఆదరించారని పేర్కొన్నారు. పూర్తి వివరాలకు వీడియో చూడండి.

 

14:32 - January 16, 2017

చెన్నై : తమిళ సూపర్‌స్టార్‌ రజనీకాంత్‌ రాజకీయాల్లో రావాలని కొన్నేళ్లుగా అభిమానులు, పార్టీలకతీతంగా నాయకులు కోరుతున్నారు. ప్రధాని నరేంద్ర మోదీ సైతం గత లోక్ సభ ఎన్నికల సమయంలో చెన్నైలోని రజనీ ఇంటికి వెళ్లి ఆయన మద్దతు కోరారు. అయినా రాజకీయ రంగ ప్రవేశంపై రజనీకాంత్‌ తన మనసులోని మాటను ఎప్పుడూ బయటపెట్టలేదు.
తమిళనాడు రాజకీయాలకు, సిని రంగానికి విడదీయలేని సంబంధం ఉంది. సినీ రంగానికి చెందినవారే తమిళ రాజకీయాలను శాసిస్తున్నారు. రజనీకాంత్‌కు కోట్లాది మంది అభిమానులున్నారు. ఆయన మద్దతు కోసం రాజకీయ పార్టీలు పోటీ పడుతుంటాయి. 1996 అసెంబ్లీ ఎన్నికల సందర్భంగా అప్పటి ముఖ్యమంత్రి జయలలితకు వ్యతిరేకంగా రజనీకాంత్‌ ఓ వ్యాఖ్య చేయడం తీవ్ర ప్రభావం చూపింది. జయలలితకు ఓటు వేస్తే దేవుడు కూడా తమిళనాడును కాపాడలేడంటూ రజనీ వ్యాఖ్యానించడం డీఎంకే కూటమి అధికారంలోకి రావడానికి ఉపయోగపడిందన్నది రాజకీయ విశ్లేషకుల అభిప్రాయం. జయలలిత మరణం తర్వాత తమిళనాడులో రాజకీయ పరిణామాలు మారిపోయాయి. ఈ నేపథ్యంలో రజనీకాంత్‌ రాజకీయాల్లోకి వస్తారా..? రారా..? అన్నది తమిళనాడులో మరోసారి హాట్‌ టాపిక్‌గా మారింది.

Don't Miss

Subscribe to RSS - Rajinikanth in politics