rayalaseema

12:28 - January 13, 2018

నల్గొండ : సంక్రాంతి పండుగతో సిటీజనం పల్లెబాటపట్టారు. సొంతవాహనాల తోపాటు, ఆర్టీసీ, ప్రైవేట్‌ బస్సుల్లో సొంతూళ్లకు బయలుదేరారు. దీంతో నల్లగొండ జిల్లాలోని పలు టోల్‌గేట్లవద్ద భారీగా వాహనాలు నిలిచిపోతున్నాయి. కిలోమీటర్ల మేరకు వాహనాలు నిలిచిపోవడంతో ప్రయాణికులు తీవ్ర ఇబ్బందులు పడుతున్నారు. మరిన్ని వివరాలను వీడియోలో చూద్దాం...

11:42 - January 13, 2018

హైదరాబాద్ : సంక్రాంతి అంటే ప్రజలకు కేవలం పండగ... అదే దోపిడీ దొంగలకైతే పండగే పండగ. ఎందుకంటే... తాళాలు వేసిన ఇళ్ళను దోచుకునేందుకు ఇంతకంటే మంచి అవకాశం దొరకదు.. కాబట్టి తస్మాత్‌ జాగ్రత్త అంటున్నారు పోలీసులు.. ఇప్పటికే హైదరాబాద్‌ నగరంలోకి   కొన్ని ముఠాలు ఎంటర్‌ అయ్యాయన్న అనుమానాలు వ్యక్తం చేస్తున్నారు.. సో... అంతర్రాష్ర్ట దోపిడీ దొంగలపై  టెన్‌టీవీ స్పెషల్‌ స్టోరీ... .
తాళాలు వేసిన ఇళ్ళే దొంగల టార్గెట్
పండగను ఎంజాయ్‌ చేసేందుకు ఊరెళ్తున్నారా... జాగ్రత్త... ఇప్పటికే హైదరాబాద్‌ నగరంలోకి  కొన్ని అంతర్రాష్ర్ట దోపిడీ ముఠాలు ఎంటర్‌ అయ్యాయని పోలీసులు అనుమానిస్తున్నారు. తాళాలు వేసిన ఇళ్ళే టార్గెట్‌గా వారు తెగబడతారని పోలీసులు హెచ్చరిస్తున్నారు. ఇళ్ళు, అపార్ట్ మెంట్లలోకి చొరబడి అందినకాడికి దోచుకుంటాయని పోలీసులు అంటున్నారు.
దోపిడి ముఠాలపై అనుమానం
యూపీ, మధ్యప్రదేశ్, ఢిల్లీ, ముంబై, ఒరిస్సా తదితర రాష్ర్టాలకు చెందిన దోపిడి ముఠాలు...  దోపిడీలకు పాల్పడే అవకాశం ఉందని పోలీసులు అనుమానిస్తున్నారు.  అందుకే పోలీసులు అప్రమత్తమయ్యారు. ఇటీవల ఆదిభట్ల, మీర్‌పేట, ఎల్బీనగర్, ముషిరాబాద్, అబిడ్స్, సైబరాబాద్‌, రాచకొండ కమిషనరేట్ల పీఎస్‌ పరిధుల్లో అపార్ట్‌ మెంట్లలో చొరబడి భారీగా నగదు, బంగారు ఆభరణాలను దోచుకెళ్ళారు. నగరంలోని హుమయున్‌ నగర్ పీఎస్‌ పరిధిలో అటెన్షన్‌ డైవర్షన్‌ ముఠాలను పోలీసులు అరెస్ట్ చేశారు. అందుకోసమే పోలీసులు ముందు జాగ్రత్తగా.. భద్రతాపరమైన చర్యలు తీసుకుంటున్నారు.
సంక్రాతికి సగం సిటీ ఖాళీ
సిటీలో అసలే చైన్‌ స్నాచింగ్ బ్యాచ్‌లు కలకలం రేపుతుంటే.. మరోవైపు దోపిడీ ముఠాలు  రెచ్చిపోతున్నాయి. పగలూ రాత్రీ తేడా లేకుండా అందికాడికి విలువైన సొత్తును దోచుకెళ్తున్నారు. సంక్రాంతి సెలవులతో దాదాపు సగం సిటీ ఖాళీ అయ్యే అవకాశం ఉంటుంది. ఇదే అదనుగా భావించే దొంగలు  దోపిడీలకు తెగబడే ప్రమాదం ఉందంటున్నారు పోలీసులు. దొంగల భారిన పడకుండా ప్రజలు చాలా అప్రమత్తంగా ఉండాలని పోలీసులు  సూచిస్తున్నారు. 
100, వాట్సాప్, ఎస్ఎంఎస్, హ్యాక్ఐకి తెలపండి : పోలీసులు
చోరీల గురించి సమాచారం ఇవ్వడానికి 100 కు కాల్‌ చెయ్యడం లేదా.. వాట్సాప్, ఎస్ఎంఎస్, హ్యాక్ఐ ద్వారా పోలీసులకు సమాచారం ఇవ్వడం చాలా మంచిదని పలువురు సీనియర్ సిటిజన్స్‌తోపాటు న్యాయవాదులు కూడా సూచిస్తున్నారు. దీని వల్ల క్రైమ్‌ రేటును తగ్గే అవకాశం ఉంటుందని వారంటున్నారు. పండగ సంబరంలో జాగ్రత్తలు మరిచిపోతే... ఇళ్ళుగుళ్ళవుతాయి... కాబట్టి ఊర్లకు వెళ్ళే వారంతా చాలా జాగ్రత్తలు తీసుకోవాలని పోలీసులు హెచ్చరిస్తున్నారు.

 

11:40 - January 13, 2018

హైదరాబాద్ : నగరం పల్లెబాట పడుతోంది. సంక్రాంతి  పండుగ సందర్భంగా నగరవాసులు సొంత ఊర్లకు పయనమవుతున్నారు. ప్రయాణికుల రాకతో బస్‌, రైల్వే స్టేషన్లు కిటకిటలాడుతున్నాయి. ప్రయాణికుల రద్దీని దృష్టిలో పెట్టుకొని తెలంగాణ ఆర్టీసీ ప్రత్యేక ఏర్పాట్లు చేసింది. అయితే రద్దీకి తగ్గట్లుగా బస్సులు లేక ఇబ్బందులతో పాటు... అదనపు ఛార్జీలతో ప్రయాణికులపై భారం పడుతోంది.
సంక్రాంతి... పల్లెకు నగరం 
సంక్రాంతి పండుగను పురస్కరించుకొని నగరం పల్లెకు తరలిపోతోంది. జంటనగరాల్లోని రైల్‌, బస్‌ స్టేషన్లు ప్రయాణికులతో కిక్కిరిసిపోయాయి. ప్రయాణికుల రద్దీని దృష్టిలో పెట్టుకొని ఆర్టీసీ ప్రత్యేక ఏర్పాట్లు చేసింది. ప్రధాన టెర్మినల్‌ అయిన ఎమ్‌జీబీఎస్‌కు వచ్చే దారిలో ట్రాఫిక్‌ ఎక్కువగా ఉన్నందున ప్రత్యేక బస్సులను నడుపుతోంది. జూబ్లీబస్టాండ్, ఉప్పల్‌ క్రాస్‌ రోడ్‌, దిల్‌సుఖ్‌నగర్‌, ఎల్బీనగర్ నుండి తెలంగాణాలోని వివిధ ప్రాంతాలకు బస్సులు ఏర్పాట్లు చేసింది. తెలంగాణ రాష్ట్రానికే కాకుండా ఆంధ్రప్రదేశ్‌కి వెళ్లే వారి కోసం టీఎస్‌ ఆర్టీసీ స్పెషల్‌ బస్సులు నడుపుతోంది. 
టీఎస్ కు 1,910, ఏపీకు 1,352 బస్సులు 
నగరం నుండి తెలంగాణకు 1910 బస్సులు, ఆంధ్రప్రదేశ్‌కు 1352 బస్సులను టీఎస్‌ ఆర్టీసీ కేటాయించింది. పండగవేళలో అత్యంత రద్దీగా ఉండే మహాత్మాగాంధీ టెర్మినల్‌తో పాటు లింగంపల్లి, చందానగర్‌, ఇసిఐఎల్‌, ఎస్సార్‌ నగర్‌, అమీర్‌పేట టెలిఫోన్‌ భవన్ ప్రాంతాల్లో ప్రత్యేక బస్సులు తిరగనున్నాయి. ఇక రద్దీ ఎక్కువగా ఉన్నందున ఆన్‌లైన్‌ రిజర్వేషన్లకు ఆర్టీసీ ప్రత్యేక ఏర్పాట్లు చేసింది.  
ఆదాయం పెంచుకునే ప్రయత్నాలు చేస్తోన్న ఆర్టీసీ
అయితే ఏటా పండుగలను టార్గెట్‌ చేస్తూ ఆదాయం పెంచుకునే ప్రయత్నాలు చేస్తోంది ఆర్టీసీ. రెగ్యులర్‌ బస్సులతో పాటు 50 శాతం అదనపు ఛార్జీలతో నడిపే ప్రత్యేక బస్సుల్లోనూ వెయిటింగ్‌ లిస్ట్‌ పరిమితి దాటింది. దీంతో ప్రయాణికులకు ఇబ్బందులు తప్పడంలేదు. బస్సు, రైల్వే టికెట్లు దొరక్కపోవడంతో ప్రయాణికులు ప్రైవేటు బస్సులను ఆశ్రయిస్తున్నారు. 
ప్రైవేటు ట్రావెల్స్‌కు చెక్‌ పెట్టేందుకు చర్యలు : ఆర్టీసీ ఆర్ ఎమ్ 
ఈసారి ప్రైవేటు ట్రావెల్స్‌కు చెక్‌ పెట్టేందుకు చర్యలు తీసుకున్నట్లు రంగారెడ్డి ఆర్టీసీ ఆర్‌ఎమ్‌ యాదగిరి తెలిపారు. టెర్మినల్ పరిసర ప్రాంతాల్లో ప్రైవేట్ బస్సులు ఆపకుండా ఉండేందుకు గట్టి ప్రణాళికలు రూపొందించామన్నారు. సొంత ఊరిలో పండుగను జరుపుకునేందుకు నగరవాసులు పయనమవడంతో నగరం ఖాళీ అవుతోంది. 

 

10:31 - January 13, 2018

నల్గొండ : సంక్రాంతి పండుగతో సిటీజనం పల్లెబాటపట్టారు. సొంతవాహనాల తోపాటు, ఆర్టీసీ, ప్రైవేట్‌ బస్సుల్లో సొంతూళ్లకు బయలుదేరారు. దీంతో నల్లగొండజిల్లాలోని పలు టోల్‌గేట్లవద్ద భారీగా వాహనాలు నిలిచిపోతున్నాయి. కిలోమీటర్ల మేరకు వాహనాలు నిలిచిపోవడంతో ప్రయాణికులు తీవ్ర ఇబ్బందులు పడుతున్నారు. మరిన్ని వివరాలను వీడియోలో చూద్దాం.. 

11:38 - January 12, 2018

హైదరాబాద్ : సంక్రాంతికి స్పెషల్‌  దోపిడి  కొనసాగుతోంది. పండగ సీజన్ వచ్చిందంటే చాలు.. ప్రయాణీకుల నుంచి  ప్రైవేట్‌ ట్రావెల్ష్‌ మొదలుకొని ఆర్టీసీ, రైల్వేదాకా అందరూ అదనపు వసూళ్ళకు తెరలేపుతారు. ఒక్క సంక్రాంతి అనేకాదు... పండగ ఏదైనా ఇదే తంతు. ప్రతియేటా ప్రయాణీకులపై ఈ ప్రత్యేక బాదుడు మాత్రం తప్పదు.  సంక్రాంతి అంటే మరింత స్పెషల్‌గా బాదాలని చూస్తారు. అటు ఆర్టీసీ, ఇటు రైల్వే బహిరంగ దోపిడీకి పాల్పడుతుంటే... మేమేం తక్కువా అన్నట్లు ప్రైవేటు ట్రావెల్స్ కూడా సంక్రాంతిని క్యాష్‌ చేసుకునే పనిలో ఉన్నాయి. 
సంక్రాంతికి అదనపు ఛార్జీలు
ప్రజలు పండగ చేసుకుంటారో లేదో కానీ... ఆర్టీసీ, రైల్వే, ప్రైవేటు ట్రావెల్స్‌కు మాత్రం పండగే పండగ. సంక్రాంతి పండుగ ప్రజలు సరిగ్గా చేసుకుంటారో లేదో తెలియదుకానీ... రవాణా సంస్థలు మాత్రం అధిక ధరలతో చేసుకుంటున్నాయి. అసలు పండుగ ఆనందమంతా వారిదే అన్నట్టు ఉంది పరిస్థితి.  సంక్రాంతి పండుగకు ఆర్టీసీ 50 శాతం అదనంగా చార్జీలు వసూలు చేస్తోంటే... ప్రైవేటు ట్రావెల్స్‌ మళ్ళీ ఈ  ఛాన్స్‌ రాదేమో అన్నట్లు... ఇష్టానుషారంగా  ప్రయాణీకుల నుంచి వసూళ్ళు చేస్తున్నారు.. సమయాన్ని బట్టి ఎప్పటికప్పుడు అధిక రేట్లను నిర్ణయిస్తూ... ప్రయాణీకులను బెంబేలెత్తిస్తున్నారు. 
8రోజులు ప్రత్యేక సర్వీసులు
జనవరి 12నుంచి విద్యాసంస్థలకు సెలవులు ప్రకటించారు. దీంతో 8రోజులు పాటు ప్రధాన రూట్లలో ప్రత్యేకంగా 829 బస్సులను నడుపుతున్నారు. హైదరాబాద్‌, విశాఖ, చెన్నై, బెంగుళూరు నగరాల మధ్య 12వతేదీన 112 బస్సులను నడుపుతోంది. ఇక  14 నుంచి 17వ తేదీవరకు రోజూ 125 సర్వీసులను  నడుపుతోంది.
అన్ని రూట్లలోనూ అదనపు ఛార్జీలే
విజయవాడ, హైదరాబాద్‌కు సూపర్‌ లగ్జరీ బస్సు ఛార్జీ సాధారణ రోజుల్లో  355 రూపాయలు.  సంక్రాంతి పండుగకు మాత్రం 530 రూపాయలు వసూలు చేస్తున్నారు. విజయవాడ-విశాఖపట్నం సాధారణ ఛార్జీ  480రూపాయలు కాగా... ప్రస్తుతం 620 వసూలు చేస్తున్నారు. విజయవాడ-బెంగుళూరుకు సాధారణ ఛార్జీ 850 రూపాయలు కాగా.. ప్రస్తుతం 1275 తీసుకుంటున్నారు. విజయవాడ-చెన్నై సాధారణ ఛార్జీ 580 కాగా... 870 రూపాయలు వసూలు చేస్తున్నారు. హైదరాబాద్‌ నుంచి విజయవాడకు సీట్లన్నీ ముందుగానే నిండిపోయాయి. 14, 15, 16 తేదీల్లో ఆర్టీసికి ఎన్నడూ లేని డిమాండ్‌ ఏర్పడింది. 
వెయ్యి రూపాయలకు పైగా వసూలు 
విజయవాడ హైదరాబాద్‌ మధ్య సాధారణంగా ఏసీ సర్వీస్ ధర 600 రూపాయల వరకూ ఉంటుంది. ఇప్పుడు వెయ్యి రూపాయలకు పైగా వసూలు చేస్తున్నారు. ఇక నాన్‌ ఏసీ ధర 350 ఉండగా...  850 వరకూ వసూలు చేస్తూ ప్రయాణీకుల నడ్డి విరిస్తున్నారు.  గుంటూరు నుంచి హైదరాబాద్‌కు సాధారణంగా  ఏసీలో 600, నాన్‌ ఏసీలో 400 కాగా.. ప్రస్తుతం ఏసీ 1300, నాన్‌ ఏసీ 1100 వసూలు చేస్తూ నిలువు దోపిడీకి పాల్పడుతున్నారు.  విజయవాడనుంచి బెంగుళూరుకు  ఏసీ బస్సుకు సాధారణ ఛార్జీ 1200, నాన్‌ ఏసీకి 800 ఉండతగా... ఏసీకి పండుగ సీజనంటూ 2500 నుంచి 3వేల వరకు వసూలు చేస్తున్నారు. నాన్‌ ఏసీకి 1500 వరకు గుంజుతున్నారు. గుంటూరు నుంచి బెంగుళూరుకు కూడా ధరలు భారీగానే పెంచేశారు. సాధారణంగా ఏసీకి 900, నాన్‌ ఏసీకి 800 ఉంటే..  ఇప్పుడు ఏసీ 2500, నాన్‌ ఏసీ 1500 వరకూ వసూలు చేస్తున్నారు.
ప్రధాన నగరాలకు ప్రత్యేక బస్సులు
రాయలసీమ, హైదరాబాద్, విశాఖపట్నం, చెన్నై, బెంగుళూరు నగరాలకు 13వతేదీ వరకూ ప్రత్యేక బస్సులను ఏర్పాటు చేశారు. చెన్నై, బెంగుళూరుకు 20, రాయలసీమకు 94, విశాఖ సహా కోస్తాంధ్రకు 202 బస్సులు ఏర్పాటు చేశారు. హైదరాబాద్‌కు అవసరాన్ని బట్టి మరిన్ని ప్రత్యేక బస్సులు నడపనున్నారు. ఇక రైల్వే కూడా ఏమీ తక్కువ తినలేదు. పండుగ  రద్దీని దృష్టిలో ఉంచుకుని ప్లాట్‌ఫామ్‌ ధరలు పెంచేసింది. నిన్న మొన్నటి వరకు పది రూపాయలున్న ప్లాట్‌ఫామ్‌ ధరను.. ఏకంగా 20 రూపాయలు చేసింది. ఆర్టీసీ, రైల్వే, ప్రైవేటు ట్రావెల్స్ ఇలా ప్రతీ సంస్థ పండగను అవకాశంగా తీసుకుని అదనపు మోత మోగిస్తున్నారు.  పెంచిన ఛార్జీల ధరలు భరించలేక పేదలు కష్టపడుతుంటే... ఆర్థిక స్థోమత ఉన్నవారు... డబ్బుపెట్టి కూడా కూర్చునేందుకు చోటు లేక ఫుట్‌బోర్డు ప్రయాణంతో పడరాని పాట్లు పడుతున్నారు.

 

07:59 - December 30, 2017

గుంటూరు : అమరావతిలో అటవీ భూములను సీఆర్డీఏకి బదిలీ చేసే ప్రక్రియ శరవేగంగా కొనసాగుతోంది. ఈ భూముల్లో పచ్చదనానికి భంగం వాటిల్లకుండా నిర్మాణాలు చేపట్టాలని  కేంద్రం సూచించింది. దీనికనుగుణంగా సీఆర్డీఏ అధికారులు నివేదికలు సిద్దం చేసే పనిలో పడ్డారు. 
7వేల హెక్టార్లు డీనోటిఫైకి కేంద్రానికి ప్రతిపాదన
నవ్యాంధ్ర రాజధాని అమరావతి నిర్మాణంలో భాగంగా అటవీ భూములను డీనోటిఫై చేసి సీఆర్డీఏకి బదిలీచేసే ప్రక్రియకు కొనసాగుతోంది. రాజధాని నిర్మాణానికి గుంటూరు జిల్లా అటవీశాఖ పరిధిలోని 12 బ్లాకులలో 7 వేల హెక్టార్ల భూమిని డీనోటిఫై చేసి.. బదిలీ చేయడానికి అనుమతించాలని కేంద్ర పర్యావరణ మంత్రిత్వ శాఖకు రాష్ట్ర ప్రభుత్వం ప్రతిపాదనలు పంపింది. ఇందులో వెంకటపాలెం, తాడేపల్లి బ్లాకుల్లో అటవీభూమి డీనోటిఫై చేయడానికి అనుమతించిన కేంద్రం... మిగిలిన బ్లాకులకు సంబంధించి మరింత స్పష్టమైన సమాచారం కావాలని కోరింది. వెంకటపాలెం బ్లాకులో 1850 హెక్టార్లు, తాడేపల్లి బ్లాకులో 230 హెక్టార్లు కలిపి మొత్తం 2080 హెక్టార్ల భూమికి అనుమతిచ్చింది. ఇందులో ఆక్టోపస్‌, గ్రేహౌండ్స్‌, పోలీసుల శిక్షణ సంస్థలు, ఫైరింగ్‌ శిక్షణ కేంద్రం ఏర్పాటు చేస్తామని రాష్ట్ర ప్రభుత్వం ప్రణాళికలు పంపడంతో కేంద్రం అనుమతించింది. 60శాతం పచ్చదనం కాపాడుతూ.. 
అభివృద్ధి చేయాలని సూచించింది. 
అభివృద్ధి పనుల కోసం సమగ్ర ప్రణాళిక
ఎంపిక చేసినటవీ ప్రాంతంలో ఏయే  అభివృద్ధి పనులు చేపట్టనున్నారో సమగ్రమైన ప్రణాళికలు తయారు చేస్తోంది సీఆర్డీఏ. ప్రస్తుతం ఉన్న చెట్లకు నష్టం లేకుండా నిర్మాణాలు చేపట్టడానికి అనువైన వాటికే అనుమతిచ్చేలా ప్రణాళికలు రూపొందిస్తున్నారు. అటవీశాఖ అధికారులు క్షేత్రస్థాయిలో పర్యటిస్తూ.. నివేదికలు సిద్దం చేస్తున్నారు. సీఆర్డీకి ఇస్తున్న భూములకు ప్రత్యామ్నాయంగా రాయలసీమ, ప్రకాశం జిల్లాల్లో అటవీశాఖకు భూములు ప్రభుత్వం కేటాయించింది. ఈ భూముల్లో అడవులు అభివృద్ధి చేయడానికి సీఆర్డీఏ రూ.280 కోట్లు అటవీశాఖకు చెల్లించాల్సి ఉంది. 
అడవులను నరికేయవద్దని విపక్షాలు డిమాండ్‌
అటవీశాఖ నుంచి సీఆర్డీఏ తీసుకుంటున్న భూముల్లో ఉద్యానవనాలు, క్రీడామైదానాలు, హరితభవనాలు ఉండేలా ప్లాన్‌ చేస్తున్నారు. ఇప్పటికే వృక్ష సంపద అంతరించిపోతుందని.. ఇప్పడు రాజధాని నిర్మాణం పేరుతో అడవులను నరికివేయవద్దని విపక్షాలు డిమాండ్‌ చేస్తున్నాయి. ఇతర ప్రాంతాల్లో అడవుల కోసం కేటాంయించిన భూముల్లో అటవీ సంపదని పెంచాలని సూచిస్తున్నారు.
రెండో విడత కోసం నివేదికలు 
మొత్తానికి సీఆర్డీఏ తొలి దశలో తీసుకున్న భూములలో నిర్మాణాలకు ప్రణాళికలు రూపొందిస్తూ... రెండో విడత కోసం నివేదికలు సిద్ధం చేస్తున్నారు. రాష్ట్రం సరైన కారణాలు చూపితే... కేంద్రం మిగతా భూములను కూడా డీనోటిఫై చేయనుంది. 

 

21:20 - December 20, 2017

రామ్ గోపాల్ వర్మ వెబ్ సిరీస్ పై నేతలు అభ్యంతరం తెలిపారు. రామ్ గోపాల్ వర్మ వెబ్ సిరీస్ పై దృష్టి పెట్టారా ? అనే కడప ఫ్యాక్షనిజంపై సినిమాలు అనే అంశంపై నిర్వహించిన చర్చా కార్యక్రమంలో ప్రముఖ నిర్మాత త్రిపురనేని చిట్టి, సినీ విమర్శకులు కత్తి మహేష్, రచయిత కట్టా నర్సింహులు, ఓసీ సంక్షేమ సంఘం జాతీయ అధ్యక్షులు కరుణాకర్ రెడ్డి, మాజీ ఎమ్మెల్యే లింగారెడ్డి  పాల్గొని, మాట్లాడారు. రాయలసీమలో ఫ్యాక్సనిజంపై తీవ్రతరమైన సినిమాలు తీయడం సరికాదన్నారు. మరిన్ని వివరాలను వీడియోలో చూద్దాం..

06:48 - November 29, 2017

కడప : కడప ఉక్కు రాయలసీమ హక్కు అంటూ యువజన, విద్యార్థిసంఘాలు పోరుబాట పట్టాయి. రాయలసీమలో ఉక్కుపరిశ్రమ నిర్మాణం సాధించాలన్న లక్ష్యంతో మంగళవారం నుంచి రాయలసీమ వ్యాప్తంగా పర్యటించడానికి జీపుజాతా ప్రారంభమైంది. మరిన్ని వివరాలకు వీడియో చూడండి.

18:58 - November 27, 2017

అనంతపురం : జిల్లాలో ఎమ్మెల్యే హత్యకు కుట్ర చేసిన నిందితులను పోలీసులు అరెస్ట్ చేశారు. ఎమ్మెల్యే హత్యకు ప్రత్యర్థి వర్గం హంతకుల ముఠాకు సుపారీ ఇచ్చింది. హంతక గ్యాంగ్ కదలికలపై నిఘా ఉంచిన పోలీసులు వారిని అరెస్ట్ చేసినట్టు ధృవీకరించారు. పూర్తి వివరాలకు వీడియో క్లిక్ చేయండి.

18:57 - November 27, 2017

అనంతపురం : మళ్లీ ఫ్యాక్షన్‌ భూతపు ఛాయలు..!సరికొత్త రూపులోకి ఫ్యాక్షనిజం పరకాయ ప్రవేశం..!సుపారీ సంస్కృతి వైపు మొగ్గుతోన్న ఫ్యాక్షనిజం..!ఉలికిపడుతోన్న అనంతపురం జిల్లా జనం..!!ఫ్యాక్షన్‌ రాజకీయాలకు పెట్టింది పేరైన అనంతపురం జిల్లా.. పదేళ్ల సుదీర్ఘ ప్రశాంతత తర్వాత.. ఒక్కసారిగా ఉలిక్కిపడింది. రాజకీయ ప్రత్యర్థుల ఏరివేతకు.. కొందరు ప్రయత్నిస్తున్నారన్న వార్తలు జిల్లాలో తీవ్ర కలకలం రేపుతున్నాయి. టీడీపీకి చెందిన ప్రస్తుత ధర్మవరం ఎమ్మెల్యే గోనుగుంట్ల సూర్యనారాయణ అలియాస్‌ వరదాపురం సూరి హత్యకు పన్నిన కుట్ర బయటకొచ్చింది. సూరి హత్యకు.. బిహారీ గ్యాంగ్‌కు సుపారీ ఇచ్చినట్లు ప్రచారం జరుగుతోంది.

దాదాపు ఓ దశాబ్ద కాలంగా..
అనంతలో ఒకప్పుడు ప్రత్యర్ధులను మట్టుపెట్టేందుకు ఫ్యాక్షన్ నేతలు తమ అనుచర వర్గంతోనే కలిసి పక్కా ప్లాన్‌తో రంగంలోకి దిగేవారు. ఈ ప్రయత్నంలో ఇరువర్గాల వారూ ప్రాణాలు కోల్పోయిన ఉదంతాలున్నాయి. ఆ తర్వాతి రోజుల్లో ప్రత్యర్థి ప్రాణాలు తీయడం కన్నా.. ఆర్థికంగా కోలుకోలేని దెబ్బ తీయాలన్న భావనతో.. ఆస్తులను ధ్వంసం చేసేవారు. ముఖ్యంగా ఏపుగా ఎదిగి కాపుకొచ్చిన పండ్లతోటలను.. సమూలంగా నరికేసేవారు. అయితే.. దాదాపు ఓ దశాబ్ద కాలంగా.. ప్రభుత్వాలు కఠినంగా వ్యవహరిస్తుండడంతో.. ఫ్యాక్షనిజం కొంత తగ్గుముఖం పట్టింది. అయితే.. ఇప్పుడు మళ్లీ ఫ్యాక్షన్‌ ఆనవాళ్లు బయటపడుతున్నాయి.

కొత్త పంథాను ఎంచుకున్న నాయకులు
అనంతపురం జిల్లాలో ఫ్యాక్షనిస్టులు.. ప్రత్యర్ధులను మట్టుబెట్టేందుకు కొత్త పంథాను ఎంచుకున్నట్లు వెల్లడైంది. తమ చేతికి మట్టి అంటకుండా బిహారీ కిల్లర్ గ్యాంగ్‌లకు సుపారీ ఇచ్చి కుట్రలు ప్రత్యర్థులను మట్టుబెట్టేందుకు పన్నాగాలు పన్నుతున్నట్లు వెలుగులోకి వచ్చింది. అధికార పార్టీ ఎమ్మెల్యే గోనుగుంట్ల సూర్యనారాయణ హత్యకు ఇదే తరహాలో కుట్ర చేశారని.. నిఘా వర్గాలు కూడా హెచ్చరించడం.. ఇప్పుడు సంచలనంగా మారింది. ఎమ్మెల్యే సూర్యనారాయణను హత్యకు.. రెండు కోట్ల సుపారీ ఇచ్చారని... తొమ్మిది మంది సభ్యులున్న బిహారీ గ్యాంగ్‌.. అనంతపురం, ధర్మవరం పట్టణాల్లో రెక్కీ నిర్వహించారనీ సమాచారం. 

Pages

Don't Miss

Subscribe to RSS - rayalaseema