resignation

11:40 - December 12, 2018

ఢిల్లీ : ఎన్డీయు ప్రభుత్వానికి షాక్ ల మీద షాకులు తగులుతున్నాయి. పలువురు ప్రముఖులు మోదీ ప్రభుత్వం నుండి వైదొలుగుతున్నారు. దీనికి కారణాలు ఏమైనా ప్రధాని మోదీకి ఇవి పెద్ద షాక్ లనే అంటున్నారు ప్రముఖ విశ్లేషకులు.ఈ క్రమంలోనే ప్రధాని ఆర్థిక సలహా మండలి పార్ట్ టైమ్ సభ్యత్వానికి ప్రముఖ ఆర్థికవేత్త, వ్యాసకర్త సుర్జీత్ భల్లా రాజీనామా చేశారు. భారతీయ రిజర్వు బ్యాంకు గవర్నర్ ఉర్జిత్ పటేల్ తన పదవికి రాజీనామా చేసిన మరునాడే సుర్జీత్ భల్లా రాజీనామా విషయం వెలుగులోకి రావడం కలకలం రేపుతోంది. అలాగే, ప్రధాన ఆర్థిక సలహాదారు పదవికి అరవింద్ సుబ్రమణియన్ రాజీనామా చేశారు.
డిసెంబర్  1 తేదీనే రిజైన చేసిన సుర్జీత్ భల్లా ట్విట్టర్ ద్వారా ఈ విషయాన్ని డిసెంబర్ 11న వెల్లడించారు. భల్లా రాజీనామాను ప్రధాని కార్యాలయం ఆమోదించింది కూడా. అలాగే నీతి ఆయోగ్ చైర్మన్ పదవి నుంచి అరవింద్ పనగడియా తప్పుకున్నారు. ఇలా అందరూ ఒకరి తర్వాత ఒకరు తప్పుకుంటుండడం మోదీకి షాకేనని అంటున్నారు ప్రముఖ విశ్లేషకులు. కాగా ఇక్కడ గమనించాల్సిన విషయం ఏమిటంటే ఇప్పటి వరకూ రిజైన్ చేసిన వీరిలో ఏ ఒక్కరు కూడా పూర్తికాలం పనిచేయలేకపోవటం. 
కేంద్ర ప్రభుత్వంలోని ప్రధానితో సహా పెద్దస్థాయి నేతలు పెట్టే తీవ్ర ఒత్తిడితోనే వీరంతా తమ పదవులకు రాజీనామా చేసి బయటకు వస్తున్నట్టు బైటపడిన తరువాత వెల్లడించటం గమనార్హం. మోదీ ప్రభుత్వానికి సేవలందిస్తున్న ఆర్థికవేత్తలు ఒక్కొక్కరుగా దూరమవుతుండడం..వారి పనిని వారు చేసుకోనివ్వకుండా మోదీ ప్రభుత్వం తీవ్ర ఒత్తిళ్లకు గురిచేస్తుండడం వల్లే వారంతా రాజీనామా చేస్తున్నారని కాంగ్రెస్ విమర్శిస్తోంది. దీనికి ఎన్డీయే ప్రభుత్వం నుండి కూడా ఎటువంటి స్పందన రాకపోవటం ఈ అనుమానాలను బలపరుస్తోంది. కాగా ప్రధాని మోదీ ప్రభుత్వం అన్ని వ్యవస్థలను నాశనం చేస్తోందనే విమర్శలు వెల్లువెత్తుతున్న సమయంలో  ప్రముఖ శాఖల్లోని ప్రముఖ రంగాలలో రాజీనామాలు ఇకనైనా ఆగుతాయా? లేదా మరిన్ని రాజీనామాలు జరగనున్నాయో వేచి చూడాలి. కాగా మోదీ కేబినెట్ నుండి మానవ వనరుల శాఖామంత్రిగా వున్న బీహార్ కు చెందిన ఉపేంద్ర కుశ్వాహ కూడా తన మంత్రి పదవికి రాజీనామ చేసిన విషయం తెలిసిందే. రాజీనామా అనంతరం కుష్వాహా ప్రధాని మోదీకి ఓ లేఖ రాస్తు..ప్రధాని మోదీ ఎవరి శాఖల విధులు వారిని చేసుకోనివ్వటంలేదనీ బీజేపీ ప్రముఖుల జోక్యం అన్ని శాఖల్లోను ఎక్కువయ్యిందనీ..పార్లమెంట్ లో సైతం మోదీ మార్క్ చర్చలే జరుగుతాయి తప్ప వేరేవీ వుండవనీ..ఇలా అన్ని విషయాలలోను మోదీ మార్క్ తప్ప ఏమీ వుండవనీ వంటి పలు అంశాలపై కుష్వాహ పలు  ఘాటు విమర్శలు చేయటం ఈ ఆరోపణలకు, అభిప్రాయాలకు బలం చేకూరుస్తోంది.  
 

16:48 - December 10, 2018

ఢిల్లీ : దిగితేనే గానీ లోతు ఎంతుటుంటో తెలీదని పెద్దల మాట. అదే అర్థమైనట్లుగా వుంది కేంద్ర మంత్రి పదవికి రాష్ట్రీయ లోక్ సమతా పార్టీ అధినేత ఉపేంద్ర కుష్వాహాకు. మానవ వనరుల శాఖామంత్రిగా వున్న ఉపేంద్ర కుష్వాహా తన మంత్రి పదవికి రాజీనామా చేసిన సంగతి తెలిసిందే. ఈ  క్రమంలో ప్రధాని మోదీకి ఓ లేఖను కూడా రాశారాయన. తీవ్ర విమర్శలు సందిస్తు కుష్వాహా రాసిని లేఖలో ప్రధాని నరేంద్రమోదీ నాయకత్వంలో తాను పూర్తిగా మోసపోయాననీ..రాజ్యాంగ బద్ధంగా నిర్వహించాల్సిన విధులను కూడా వ్యవస్థను మోదీ నాశనం చేస్తున్నారంటే తీవ్రంగా విమర్శించారు. 
ఈ సందర్భంగా మోదీకి ఆయన ఒక ఘాటు లేఖను రాశారు.  కేబినెట్ ను రబ్బర్ స్టాంప్ స్థాయికి దిగజారనీ..మంత్రులు సొంత నిర్ణయాలు తీసుకోకుండా కట్టడి చేస్తు..ప్రధాని మోదీ తన నిర్ణయాలను మాత్రమే అమలు చేసేలా చేశారనీ..త్రులు, ఉన్నతాధికారులను నిస్సహాయులుగా మోదీ మార్చేశారని ఉపేంద్ర తన లెటర్ లో పేర్కొన్నారు. 
అన్ని నిర్ణయాలను ప్రధాని, ప్రధాని కార్యాలయమే నిర్ణయిస్తుందనీ..ఈ నిర్ణయాలలో బీజేపీ అధ్యక్షుడు అమిత్ షా ప్రధానంగా వుంటారని..పేదలు, అణగారిన వర్గాల కోసం కాకుండా ప్రత్యర్థులను నిర్వీర్యం చేయడం కోసమే పని చేస్తున్నారని ప్రధానికి రాసిన లేఖలో కుష్వాహా తీవ్ర వ్యాఖ్యలు చేశారు. మరోవైపు, జాతీయ స్థాయిలో ఏర్పాటు కాబోతున్న మహాకూటమిలో ఆయన చేరే అవకాశం ఉంది. కాగా డిసెంబర్ 10 ఉదయం కాంగ్రెస్ అధినేత రాహుల్ గాంధీతో సమావేశమైన తర్వాత ఆయన తన రాజీనామా లేఖను ప్రధాని మోదీకి పంపించారు. అనంతరం ప్రధాని మోదీకి రాసిన లేఖలో పలు ఘాటు విమర్శలను కుష్వాహా సంధించారు. 
 

 

14:51 - December 10, 2018

బీహార్ : సార్వత్రిక ఎన్నికలకు మరో నాలుగు నెలలే గడువు ఉండటంతో ఎన్డీఏలో భాగస్వామపక్షమైన రాష్ట్రీయ లోక్ శక్తి పార్టీ అధ్యక్షుడు బీజేపీకి షాక్ ఇచ్చాడు. ఎన్డీయే భాగస్వామిగా కొనసాగుతున్న రాష్ట్రీయ లోక్ శక్తి పార్టీ అధ్యక్షుడు ఉపేంద్ర కుశాహ్వా తన కేంద్ర మంత్రి పదవికి రాజీనామా చేశారు. బిహార్‌లో 2019 లోక్‌సభ ఎన్నికలకు సంబంధించిన సీట్ల పంపిణీ సక్రమంగా జరగడం లేదని ఆరోపిస్తూ ఆ పార్టీ చీఫ్, మానవ వనరులు శాఖామంత్రి పదవికి ఉపేంద్ర కుశాహ్వా కేంద్ర మంత్రి పదవికి రాజీనామా చేశారు.  రాజీనామా లేఖను ప్రధాని కార్యాలయానికి, లోక్ సభ స్పీకర్‌కూ పంపించారు. గత, సార్వత్రిక ఎన్నికల్లో ఎన్డీఏ మిత్రపక్షంగా మూడు చోట్ల పోటీచేసిన రాష్ట్రీయ లోక్‌శక్తి పార్టీ అన్ని స్థానాల్లోనూ విజయం సాదించింది. దీంతో వచ్చే సాధారణ ఎన్నికల్లో తమకు ఏడు స్థానాలు ఇవ్వాలని పట్టుబడుతోంది. అలా కాకపోతే ఎన్డీఏ నుంచి బయటకు వచ్చేస్తానంటూ అల్టిమేటం జారీ చేశారు. అయితే, బీజేపీ, జేడీయూలు మాత్రం రెండు సీట్లను మాత్రమే ఇస్తామని తేల్చిచెప్పాయి. దీంతో తీవ్ర అసంతృప్తి వ్యక్తం చేసిన కుశాహ్వా, కూటమిలో తమకు సరైన ప్రాతినిథ్యం దక్కడంలేదని ఆరోపించారు. 
దీంతో మంత్రి పదవికి రాజీనామా చేశారు. అంతేకాదు, సోమవారం సాయంత్రం పార్లమెంటు ప్రాంగణంలో జరిగే ఎన్డీఏ సమావేశానికి సైతం వెళ్లబోనని కుశ్వాహా ప్రకటించారు. మరోవైపు, కాంగ్రెస్, ఆర్జేడీ కూటమితో రాష్ట్రీయ లోక్‌శక్తి పార్టీ జట్టుకట్టనుందని విశ్వసనీయ వర్గాలు పేర్కొంటున్నాయి. బిహార్‌లో మొత్తం 40 లోక్‌సభ స్థానాలు ఉండగా గత ఎన్నికల్లో బీజేపీ తన మిత్ర పక్షాలతో కలిసి 31 చోట్ల విజయం సాధించింది. ఈసారి మాత్రం జేడీయూతో పొత్తు కారణంగా చెరి సగం పంచుకోవాలనే అవగాహనకు వచ్చింది. దీంతో ఉపేంద్ర కుశ్వాహా ఈ నిర్ణయం తీసుకున్నట్లుగా సమాచారం. 
 

17:59 - October 31, 2018

ఒడిశా : ప్రజాప్రతినిధులంటే ప్రజలకు సేవ చేసేవారని అర్థం. కానీ నేటి ప్రజా ప్రతినిధులు మాత్రం తమ స్వార్థం కోసమే రాజకీయాలలోకి వచ్చేవారే ఎక్కువగా వున్నారు. ఓట్ల కోసం ప్రజల వద్దకు వచ్చే నాయకులు వారి సంక్షేమం కోసం కట్టుబడి వున్నామనీ..మీ సేవల కోసమే మేము వచ్చామనీ..మీకు ఏ కష్టం వచ్చినా ఆదుకునేందుకు మేమున్నామనీ వాగ్ధానాలు చేస్తుంటారు. కానీ అధికారం లోకి వచ్చాక ఆ మాటే గుర్తుండదు. కానీ ఈ మాత్రం తన నియోజక వర్గంలో జరిగిన ఓ దారుణానికి బాధితులకు న్యాయం చేయలేకపోతున్నానని తీవ్ర మనస్థాపానికి గురై తన పదవికి రాజీనామా చేశారు.  ఆయనే ఎమ్మెల్యే కృష్ణ చంద్ర సగారియా.

Related image2017 అక్టోబర్ 10న ఒడిశా కోరాపూట్ జిల్లాలోని ముసగుడా గ్రామంలో 14 ఏళ్ల బాలిక.. మార్కెట్ నుంచి ఇంటికి తిరిగి వస్తుండగా.. నలుగురు వ్యక్తులు ఆమెపై సామూహిక అత్యాచారం చేశారు. ఈ కేసులో పోలీసులు నిందితులను అరెస్టు చేయకపోవడంతో తీవ్ర మనస్తాపానికి గురైన బాధితురాలు.. ఈ ఏడాది జనవరి 22న ఆత్మహత్య చేసుకుంది. ఈ క్రమంలో ఎన్నిసార్లు నిరసనలు, ఆందోళనలు వ్యక్తం చేసినప్పటికీ నిందితులను పోలీసులు అరెస్టు చేయలేదు. తాను కూడా ఈ కేసు విషయంలో పోరాడారు. కానీ న్యాయం జరగలేదు సరికదా నిందితులను కనీసం అరెస్ట్ కూడా చేయలేదు. 

Image result for krushna chandra sagaria mlaతన సొంత నియోజకవర్గంలో ఈ ఘటన జరిగి ఏడాది పూర్తయిన్నప్పటికీ.. నిందితులను అరెస్టు చేయకపోవడంపై కోరాపూట్ కాంగ్రెస్ ఎమ్మెల్యే కృష్ణ చంద్ర సగారియా తీవ్ర మనస్తాపానికి గురయ్యారు. తాను రాజ్యాంగబద్ధమైన పదవిలో ఉండి ఏం లాభం? ఒక బాధితురాలి కుటుంబానికి న్యాయం చేయలేనప్పుడు ఎమ్మెల్యే పదవిలో ఉండటం సరికాదని భావించిన కృష్ణ చంద్ తన పదవికి రాజీనామా చేశారు. ఈ ఘటనకు నిరసనగానే తాను ఎమ్మెల్యే పదవికి రాజీనామా చేసినట్లు కృష్ణ చంద్ స్పష్టం చేశారు.

17:19 - October 11, 2018

హైదరాబాద్ : తెలంగాణ కాంగ్రెస్ ముందస్తు ఎన్నికల ప్రచారంలో దూసుకెళ్తోంది. సభలు, సమావేశాలతో ముందుకెళ్తోంది. టీఆర్ఎస్‌ను ఓడించి రాష్ట్రంలో అధికారంలోకి రావాలని ఉవ్విళ్లూరుతోంది. టీడీపీ, సీపీఐ, జన సమితి పార్టీలతో కలిసి మహాకూటమి ఏర్పాటు చేసింది. టీఆర్ఎస్‌ను గద్దె దించాలనే తలంపుతో జట్టు కట్టింది. అయితే ఈ క్రమంలో కాంగ్రెస్‌కు షాక్‌ల మీద షాక్‌లు తగులుతున్నాయి. పార్టీలో రాజీనామాల పర్వం కొనసాగుతోంది. ఆ పార్టీకి నేతలు రాజీనామాలు చేస్తున్నారు. టికెట్ దక్కని నేతలు రాజీనామా బాట పడుతున్నారు. ముందస్తు ఎన్నికల నేపథ్యంలో టికెట్ రాని వారు ఇతర పార్టీల వైపు చూస్తున్నారు. ఇటీవలే మాజీ మంత్రి దానం నాగేందర్, మాజీ స్పీకర్ సురేష్ రెడ్డిలు కాంగ్రెస్‌కు రాజీనామా చేసిన సంగతి తెలిసిందే. తాజాగా కాంగ్రెస్ సీనియర్ నేత దామోదర రాజనర్సింహ సతీమణి పద్మినీరెడ్డి కాంగ్రెస్ పార్టీకి రాజీనామా చేశారు. నేతలు వరుసగా పార్టీని వీడడంతో కాంగ్రెస్ కష్టాల సుడిగుండంలో పడింది.Image result for పద్మినీరెడ్డి
పద్మినీరెడ్డి కాంగ్రెస్ కు రాజీనామా చేసి బీజేపీ పార్టీలో చేరారు. గత కొంత కాలంగా సామాజిక, సేవా కార్యక్రమాలను నిర్వహిస్తున్నపద్మినీరెడ్డి బీజేపీ కండువా కప్పుకున్నారు. మురళీధర్ రావు సమక్షంలో ఆమె బీజేపీ తీర్థం పుచ్చుకున్నారు. పద్మినీరెడ్డి చేరికను స్వాగతిస్తున్నామని, ఆమె సేవలను వినియోగించుకుంటామని మురళీధర్ రావు తెలిపారు. సంగారెడ్డి నుండి పోటీ చేయాలని పద్మినీ రెడ్డి భావిస్తున్నట్లు సమాచారం. గతంలో జరిగిన సార్వత్రిక ఎన్నికల్లో ఆమెకు సంగారెడ్డి శాసనసభ టికెట్ కోసం దామోదర రాజనర్సింహ తీవ్రంగా ప్రయత్నించారు. కుటుంబానికి ఒకటే టికెట్ నిర్ణయం కారణంతో ఆమెకు టికెట్ ఇవ్వలేమని కాంగ్రెస్ అధిష్టానం తేల్చి చెప్పడంతో పోటీ యోచనను ఆయన విరమించుకున్నారు. ప్రస్తుతం తెలంగాణలో ముందస్తు ఎన్నికల నేపథ్యంలో కాంగ్రెస్ అధిష్టానం దామోదర రాజనర్సింహను మేనిఫెస్టో కమిటీ ఛైర్మన్‌గా నియమించింది. సతీమణి పద్మినీరెడ్డిని సంగారెడ్డి నుండి బరిలోకి దింపాలని దామోదర యోచించినట్లు తెలుస్తోంది. అయితే సతీమణి బీజేపీలో చేరడంతో దామోదర కూడా బీజేపీలో చేరుతారా అనే చర్చ జరుగుతోంది.

Related imageకాంగ్రెస్ సీనియర్ నేత, మాజీ మంత్రి దానం నాగేందర్ పార్టీకి రాజీనామా చేశారు. సిటీ కాంగ్రెస్‌ మాజీ అధ్యక్షుడు దానం నాగేందర్‌ టీఆర్ఎస్‌లో చేరారు. గ్రేటర్ హైదరాబాద్‌లో మంచి పట్టున్నవ్యక్తి దానం నాగేందర్ అని చెప్పవచ్చు. ఆత్మాభిమానం దెబ్బతిన్నందుకే పార్టీకి రాజీనామా చేశానని దానం నాగేందర్‌ అన్నారు. తనకు పార్టీలో ప్రాధాన్యత తగ్గడం... తనను నమ్ముకున్న కార్యకర్తలకు న్యాయం చేసేందుకే పార్టీ మారుతున్నట్లు స్పష్టం చేశారు. ఎన్నో ఏళ్లుగా పార్టీని నమ్ముకుని జెండా మోస్తున్న వారికి సరైన ప్రాధాన్యం దక్కడం లేదని.. ఓ వర్గం పార్టీని బ్రష్టు పట్టిస్తున్నారని తీవ్రస్థాయిలో ధ్వజమెత్తారు. 30 ఏళ్లుగా కాంగ్రెస్‌ పార్టీకి ఎంతో సేవ చేశానని.. కానీ రానురాను బీసీలకు అన్యాయం జరుగుతోందని.... ఒకే వర్గానికి చెందిన వారు పార్టీని ఏలుతున్నారని ఆరోపించారు.అందుకే ఆత్మగౌరవం లేని చోట ఉండటం సరికాదని రాజీనామా చేసినట్లు తెలిపారు. Image result for ex-speaker suresh reddy

కాంగ్రెస్ సీనియర్ నేత, ఉమ్మడి ఆంధ్రప్రదేశ్ అసెంబ్లీ మాజీ స్పీకర్ సురేష్ రెడ్డి గత నెల 12న టీఆర్ఎస్ లో చేరారు. కేటీఆర్ సమక్షంలో గులాబీ కండువా కప్పుకున్నారు. గౌరవం లేని చోట ఉండడం ఇష్టం లేకే పార్టీ మారాల్సి వచ్చిందని సురేశ్‌రెడ్డి తెలిపారు. పార్టీ మారే వారి కోసం టికెట్‌ కేటాయించడంతో బాల్కొండ నియోజకవర్గం నుంచి బరిలో నిలిచే అవకాశాలు పూర్తిగా మూసుకుపోవడం వల్లే తాను కాంగ్రెస్‌ నుంచి తప్పుకోవలసి వచ్చిందన్నారు. ఏ పరిస్థితుల్లో కాంగ్రెస్‌ పార్టీని వీడాల్సి వచ్చిందో సురేశ్‌రెడ్డి తన అనుచరులకు వివరించారు. 2009 నుంచి పార్టీలో చోటు చేసుకున్న పరిణామాలను ప్రస్తావించారు. తొందరపడి పార్టీ మారాలనే నిర్ణయం తీసుకోలేదన్నారు. ఎన్నికల నేపథ్యంలో సీనియర్ నేతలు పార్టీని వీడడం కాంగ్రెస్‌కు నష్టమే అని చెప్పవచ్చు. ఈ నేపథ్యంలో కాంగ్రెస్ నేతలు  ఏవిధంగా ముందుకెళ్తారో చూడాలి మరి.

-చింత భీమ్‌రాజ్

17:14 - October 6, 2018

ఢిల్లీ : డిసెంబ‌ర్ 7న తెలంగాణ‌లో అసెంబ్లీ ఎన్నిక‌లు అది కూడా ఒకే ద‌శ‌లో జ‌రుగుతాయ‌ని  కేంద్ర ఎన్నిక‌ల సంఘం ప్ర‌ధాన అధికారి రావ‌త్ వెల్ల‌డించారు. కాగా ఏపీ ఎంపీలు పార్లమెంట్ సమావేశాల సందర్భంగా రాజీనామా చేసిన విషయం తెలిసిందే. దీనిపై ఆంధ్రప్రదేశ్‌లోని వైసీపీ ఎంపీల రాజీనామాలు ఆమోదించినా.. ఉప ఎన్నికలు వచ్చే అవకాశాలు లేవ‌ని, సాధారణ ఎన్నికల వరకూ ఈ సీట్లు ఖాళీగానే ఉంటాయని కేంద్ర ఎన్నికల సంఘం చీఫ్ ఎలక్షన్ కమిషనర్ ఓపీ రావత్ తాజాగా స్పష్టం చేశారు. తెలంగాణతో పాటు నాలుగు రాష్ర్టాలకు సంబంధించిన ఎన్నికల షెడ్యూల్‌ను ప్రకటించిన సందర్భంగా ఆయన ఈ వ్యాఖ్యలు చేశారు. ఆంధ్రా ఎంపీల రాజీనామాలను జూన్ 4న ఆమోదించారు. లోక్‌సభ గడువు వచ్చే జూన్ 3తో ముగుస్తుంది. ఇంకా కేవలం ఏడాదిలోపే సమయం ఉన్నందున ఆంధ్రప్రదేశ్‌లో ఉప ఎన్నికలు నిర్వహించమని తేల్చి చెప్పారు. ఐదుగురు వైఎస్‌ఆర్‌సీపీ ఎంపీలు తమ లోక్‌సభ సభ్యత్వాలకు రాజీనామాలు చేసిన విషయం తెలిసిందే.
 

 

11:57 - September 26, 2018

జమ్ము కశ్మీర్ : అందాల కశ్మీరం మరోసారి హెచ్చరికల నిఘాలోకి వెళ్లిపోయిందా? పోలీసుల విధులకు అడ్డుతగులతు..ఉగ్రవాదులు పోలీసులపై బెదిరింపులకు పాల్పడతున్నారు. తమ హెచ్చరికలు ఖాతరు చేయకుంటే  ఖతం చేస్తాం..ఉద్యోగాలకు రాజీనామా చేసి, ఇంటికి పరిమితం కాకుంటే మరణం తప్పదంటూ హిజ్బుల్ ముజాహిద్దీన్ ఉగ్రవాదులు ట్వీట్ చేసిన తరువాత, నాలుగు రోజుల వ్యవధిలో 40 మంది పోలీసులు రిజైన్ చేసినట్టు తెలుస్తోంది. దీనిపై స్పదించిన జమ్ము కశ్మీర్ చీఫ్ సెక్రెటరీ బీవీఆర్ సుబ్రమణియమ్  మాత్రం కాశ్మీరు లోయలో 30 వేల మందికి పైగా ఎస్పీఓ ఉన్నారని, ఆ సంఖ్యతో పోలిస్తే రిజైన్ చేసినవారు తక్కువేనన్నారు. కశ్మీర్ లోయలో పోలీసు అధికారులను దొరికినవారిని దొరికినట్టు ఉగ్రవాదులు హత్యలు చేస్తున్నారు. గత వారంలో ముగ్గురు పోలీసులను వారి ఇళ్ల నుంచి కిడ్నాప్ చేసిన ఉగ్రవాదులు దారుణంగా చంపేశారు. వారిపై బులెట్ల వర్షం కురిపించారు. ఆపై సోషల్ మీడియాలో పోలీసులు రాజీనామా చేస్తున్న వీడియోలను ఉగ్రవాదులు వైరల్ చేసారు. దీన్ని ప్రభుత్వ వర్గాలు ఖండించాయి.

 

11:34 - July 2, 2016

కడప : వైసీపీ ఎమ్మెల్యే తన పదవికి రాజీనామా చేశారు. ప్రోటోకాల్ ఉల్లంఘనపై మైదుకూరు వైసీపీ ఎమ్మెల్యే రఘురామ్ రెడ్డి మనస్థాపం చెందారు. దీంతో తన పదవికి రాజీనామా చేసి కొరియర్, ఫ్యాక్స్ ద్వారా స్పీకర్ కు రాజీనామా పత్రాన్ని పంపించారు. కాగా స్థానికంగా టీడీపీ నాయకులు ప్రొటోకాల్ పాటించకుండా తమకు అవమానిస్తున్నారని కడప జిల్లాలో కొన్ని రోజుల క్రితం ఆందోళనలు జరిగిన విషయం తెలిసిందే. జిల్లాకు సంబంధించిన అధికారులు ప్రొటోకాల్ పాటించటంలేదని మనస్థాపం చెంది రాజీనామా చేశారు. వైసీపీ నేతలను పదే పదే అవమానిస్తున్నారని ఆయన ఆవేదన వ్యక్తం చేశారు. 

21:41 - October 2, 2015

హైదరాబాద్ : నేపాల్‌ ప్రధానమంత్రి సుశీల్‌ కోయిరాలా రాజీనామా చేశారు. తన రాజీనామాను రాష్ట్రపతి రామ్‌బరన్‌ యాదవ్‌కు అందజేశారు. కమ్యూనిస్టు పార్టీ చైర్మన్ ఖడ్గ ప్రసాద్‌ శర్మ ఓలి తదుపరి ప్రధానిగా బాధ్యతలు చేపట్టే అవకాశం ఉంది. నేపాలి కాంగ్రెస్‌ నేత సుశీల్‌ కోయిరాలాను ఫిబ్రవరి 10, 2014న ప్రధానిగా ఎన్నికయ్యారు. సెప్టెంబర్‌ 20న నేపాల్‌ నూతన రాజ్యాంగాన్ని పార్లమెంట్‌ ఆమోదించింది. దీంతో హిందూ రాజ్యం నుంచి నేపాల్‌ ప్రజాస్వామ్య లౌకిక రాజ్యంగా ఆవిర్భవించింది. 

13:44 - September 1, 2015

హైదరాబాద్ : ఎపి అసెంబ్లీలో తీవ్ర గందరగోళం నెలకొంది. ప్రత్యేకహోదాపై చర్చ కాస్తా..వ్యక్తిగత దూషణలకు, ఆరోపణలు, ప్రత్యారోపణులకు దారి తీసింది. చంద్రబాబు, జగన్ లు పరస్పరం విమర్శించుకున్నారు. మంత్రి అచ్చెన్నాయుడు మాట్లాడుతూ... ఓటుకు నోటు కేసును ప్రస్తావించారు. స్టీఫెన్ సన్ ని ఎమ్మెల్సీ చేయడానికి కేసీఆర్ కు జగన్ లెటర్ ఇచ్చారని .. మంత్రి హరీష్, జగన్ మీటింగ్ ఆయిన ఆధారాలు తన వద్ద ఉన్నాయని మంత్రి అచ్చెన్నాయుడు పేర్కొన్నారు. అనంతరం జగన్ మాట్లాడుతూ స్టీఫెన్ సన్ ఎవరో తనకు తెలియదన్నారు. 'నేను లెటర్ ఇస్తేనే... స్టీఫెన్ ను ఎమ్మెల్సీ చేశారని... రుజువు చేస్తే తాను రాజీనామా చేస్తానని ..ఋజువు కాని పక్షంలో చంద్రబాబు రాజీనామా చేస్తారా..అని సవాల్ విసిరారు. ఓటుకు నోటు కేసు నుంచి బయటపడేందుకు చంద్రబాబు.. మోడీ వద్ద సాష్టాంగ నమస్కారాలు చేస్తున్నారని విమర్శించారు. అనంతరం జగన్ పై చంద్రబాబు తీవ్రస్థాయిలో ధ్వజమెత్తారు. టిఆర్ ఎస్, వైసిపి కలిసినా తనను ఏం చేయలేవన్నారు. నీతి, నిజాయితితో ఉన్న తనను ఎవరూ ఏం చేయలేదని పేర్కొన్నారు. జగన్ పగటి కలలు కనవద్దని తెలిపారు.

 

Pages

Don't Miss

Subscribe to RSS - resignation