Road Transport

19:52 - November 15, 2017

తాగువోతోళ్ల శాఖా మంత్రి పద్మారావు సారు అవద్దం జెప్పిండు అసెంబ్లీల.. తెలంగాణల ఆప్కారీ శాఖ అద్భుతంగ పనిజేస్తున్నది.. రాష్ట్రం మొత్తం మీద బూతద్దం బెట్టుకోని ఎంకులాడినా ఏడ గింత సార వొట్టు దొర్కుతలేదు.. అట్ల కంట్రోల్ జేశ్నమని చెప్పిండు.. అయితే పద్మారావు సారు మీరు పచ్చి అవద్దం జెప్పిండ్రని ఇగో నేను నిరూపిస్తున్నది సూడాలంటే వీడియో క్లిక్ చేయండి....

17:18 - November 15, 2017

హైదరాబాద్ : తెలంగాణ రాష్ట్ర శాసనసభలో ఫీయి రీయింబర్స్ మెంట్ పథకంపై విపక్షాలు ప్రభుత్వాన్ని ఇరుకున పెట్టే ప్రయత్నం చేశాయి. బుధవారం అసెంబ్లీలో దీనిపై చర్చ జరిగింది. ఫీజు రీయింబర్స్ మెంట్ ను ప్రభుత్వం నీరుగార్చిందని టి.కాంగ్రెస్ సభ్యుడు ఉత్తమ్ కుమార్ రెడ్డి నిలదీశారు. ఆయన ప్రభుత్వానికి సూటిగా పలు ప్రశ్నలు వేశారు. పేదవర్గాల విద్యార్థులు చదువుకు దూరం అవుతున్నారని, ఈ బకాయిలు వెంటనే విడుదల చేయాలని డిమాండ్ చేశారు. కాంట్రాకర్ల మధ్య ఉన్న ప్రేమ విద్యార్థులపై లేదా ? అని ప్రశ్నించారు. 13 లక్షల విద్యార్థులకు ఇవ్వాల్సి ఉందని, 80 మైనార్టీ స్కూళ్లు మూతపడ్డాయా ? లేదా ? అని నిలదీశారు. అధికారంలోకి వచ్చినప్పటి నుండి విద్యార్థుల సంఖ్య ఎందుకు తగ్గిందని సూటిగా ప్రశ్నించారు. చివరి సంవత్సరం నుండి బకాయిలు ఎంతుందో చెప్పాలన్నారు.

ఫీజు రీయింబర్స్ మెంట్ బకాయిలు చెల్లించకపోవడంతో విద్యార్థులు తీవ్ర ఇబ్బందులు పడుతున్నారని సీపీఎం సభ్యుడు సున్నం రాజయ్య పేర్కొన్నారు. రూ. 4వేల బకాయిలు వెంటనే చెల్లించాలని డిమాండ్ చేశారు. అలాగే ఫీజుల చెల్లింపుల విషయంలో ప్రభుత్వం స్పష్టమైన హామీనివ్వాలన్నారు.

దీనిపై మంత్రి ఈటెల రాజేందర్ సమాధానం చెప్పారు. ఎక్కడా ఇబ్బంది పెట్టడం లేదని చెప్పుకొచ్చారు. ప్రభుత్వం నిర్లక్ష్యం చేయడం లేదని..2016-17 విద్యా సంవత్సరానికి మరో వారంలో ఫీజులు బకాయిలు చెల్లిస్తామన్నారు. చిన్న కాలేజీలకు మొదట..పెద్ద కాలేజీలకు తరువాత ఇవ్వడం జరుగుతోందని తెలిపారు. ఇప్పటి వరకు తాము 52.35 శాతం ఫీజు రీయింబర్స్ మెంట్ చెల్లించడం జరిగిందన్నారు. 

21:17 - November 14, 2017

హైదరాబాద్ : నిరుద్యోగ సమస్యపై తెలంగాణ అసెంబ్లీలో ఆసక్తికర చర్చ జరిగింది. ఉద్యోగాల భర్తీ చేపట్టాలని విపక్షాలు డిమాండ్‌ చేశాయి. దీనిపై స్పందించిన మంత్రి ఈటల రాజేందర్‌ రాష్ట్రంలో ఉద్యోగాల భర్తీ ప్రక్రియ కొనసాగుతోందని తెలిపారు. మిగిలిన ఉద్యోగాల భర్తీకి చర్యలు చేపడుతున్నారు. తెలంగాణ అసెంబ్లీలో ఉదయం ప్రశ్నోత్తరాల అనంతరం... తెలంగాణ ఆర్థిక వ్యవస్థపై హాట్‌హాట్‌ డిస్కషన్ జరిగింది. అప్పుల్లో తెలంగాణ ప్రభుత్వం దేశానికి ఆదర్శంగా ఉందని బీజేపీ ఎమ్మెల్యే కిషన్‌రెడ్డి.. ఆరోపించారు. కార్పొరేషన్లు, కో ఆపరేటివ్‌ ఫెడరేషన్స్‌ కోసం ఎంత అప్పుతీసుకున్నారో ఆర్థికశాఖ దగ్గర లెక్క ఉందా అని ప్రశ్నించారు. వచ్చే బడ్జెట్‌ నాటికి రాష్ట్ర ప్రభుత్వం అప్పు 2 లక్షల 20 వేల కోట్లు అవుతుందని కాంగ్రెస్ శాసనసభ పక్షనేత జానారెడ్డి ఆరోపించారు. రాష్ట్రం సర్‌ప్లస్‌లో ఉందని గొప్పలు చెప్పుకోవడం కాదు...లెక్కలతో సహా చూపించాలన్నారు. అయితే ఈ ఆరోపణలను ఆర్థిక మంత్రి ఈటల ఖండించారు. రాష్ట్రం రెవెన్యూలో సర్‌ప్లస్‌లో ఉన్న మాట వాస్తవమే అని మంత్రి ఈటల అన్నారు. ఏ అప్పులు చేసినా ఎఫ్‌ఆర్‌బీఎం పరిధికి లోబడే చేస్తున్నట్లు స్పష్టం చేశారు.

మధ్యాహ్నం నుంచి నిరుద్యోగ సమస్య, నోటిఫికేషన్ల విషయంలో ప్రభుత్వం నిర్లక్ష్యంపై చర్చ మొదలైంది. ప్రభుత్వం ఎన్నికల నాటి హామీలను మర్చిపోయిందని టీడీపీ ఎమ్మెల్యే ఆర్.కృష్ణయ్య ఆరోపించారు. ప్రభుత్వం వెంటనే ఖాళీగా ఉన్న ఉద్యోగాలను భర్తీ చేయాలని సీపీఎం ఎమ్మెల్యే సున్నం రాజయ్య డిమాండ్ చేశారు. నిరుద్యోగులు రోడ్ల మీదకొచ్చి ఉద్యోగాలు ఇమ్మని అడిగే పరిస్థితి కల్పించకూడదన్నారు.

విపక్ష పార్టీల నేతలను మంత్రి హరీశ్‌రావు తీవ్ర స్థాయిలో విమర్శించారు. తెలంగాణ ప్రభుత్వం ఇచ్చిన మాటకు కట్టుబడి ఉంటుందని ఆయన తెలిపారు. లక్షా 12 వేల ఉద్యోగాల నియామకాలన్నీ వచ్చే 20 నెలల్లో పూర్తి చేస్తామని స్పష్టం చేశారు. తమ మేనిఫేస్టోలో ఉన్న అంశాలు 90 శాతం అమలు చేశామని తెలిపారు.

రాష్ట్రంలో ఇప్పటివరకు 27, 744 ఉద్యోగాలను భర్తీ చేశామని మంత్రి ఈటల రాజేందర్ సభకు తెలిపారు. టీఎస్‌పీఎస్సీ ద్వారా 5,932 ఉద్యోగాలు, సింగరేణిలో 7, 266 పోస్టులు విద్యుత్‌ శాఖలో 1, 427, పోలీస్‌ శాఖలో 12, 157 పోస్టులను భర్తీ చేసినట్లు మంత్రి తెలిపారు. మిగతా ఖాళీల భర్తీకి ప్రభుత్వం చర్యలు తీసుకుంటుందన్నారు. తెలంగాణ ప్రభుత్వం 2 లక్షల 20 వేల మంది కాంట్రాక్ట్‌, ఔట్ సోర్సింగ్ ఉద్యోగులకు జీతభత్యాలు పెంచిన ఘనత సీఎం కేసీఆర్‌కే దక్కుతుందన్నారు. అనంతరం సభ బుధవారానికి వాయిదాపడింది.

20:29 - November 14, 2017

నిన్నియాళ్ల ఫేస్ బుక్కులళ్ల.. వాట్సప్ గ్రూపులళ్ల.. ఒక పోట్వ గిర్రా గిర్రా తిర్గుతున్నది.. కేరళ ముఖ్యమంత్రి ఎందుకు గొప్పోడు.. మన తెల్గు రాష్ట్రాల ముఖ్యమంత్రులు ఎందుకు సన్నాసులైండ్రు అనేది కుద్దు అచ్చరాలు రాశి అండ్లిండ్ల తింపుతున్నరు.. నిజంగ కేరళ ముఖ్యమంత్రి మన సీఎంలకంటె తోపా..? తోపైతె ఎట్ల తోపు అనేది ఒక్కపారి జూడాలంటే వీడియో క్లిక్ చేయండి...

20:28 - November 14, 2017

ఆ తెలంగాణ ప్రజలారా..? అందరు తట్ట బుట్ట సదురుకోండ్రి....తెలంగాణల రాబోయే రెండువేల పందొమ్మిది ఎన్నికలళ్ల.. నల్లగొండ జిల్లాల ఎవ్వలు ఎక్వ మెజార్టీతోని గెలుస్తరో తెల్సా..?మొన్న మన బాతాల పోశెట్టి అసెంబ్లీల ఏం జెప్పిండు..? కేరళ ముఖ్యమంత్రి ఎందుకు గొప్పోడు...పార్లమెంట్ల నేను అడ్గవల్సిన ప్రశ్నలన్ని అయిపోయినయ్.. మల్కాజ్ గిరి ప్రజలారా..? హైద్రావాదుల బిచ్చగాళ్లు గనిపిస్తె కతమే ఉన్నది.. ఉర్కుర్కి పట్కొస్తున్నరు.. సర్కారు హాస్టళ్ల పొంట పనిజేశే వార్డన్లు పెద్ద బూకరిగాళ్లు మోపైతున్నట్టున్నరుగదా..?

08:25 - November 14, 2017

హైదరాబాద్ : జూదంపై ఉక్కుపాదం మోపేందుకు తెలంగాణ ప్రభుత్వం సిద్ధమైంది. ఎలాంటి అసాంఘిక చర్యలకు మినహాయింపు ఇవ్వకుండా అసెంబ్లీ గేమింగ్‌ యాక్ట్‌కి చట్ట సవరణలు చేసింది ప్రభుత్వం. ఇకపై జూదం చేస్తే కఠిన చర్యలు తప్పవని స్పష్టం చేసింది. రాష్ట్రంలో ఇక నుండి జూదాలపై కఠిన చర్యలు తీసుకోవాలని నిర్ణయించింది తెలంగాణ ప్రభుత్వం. ఇందులో భాగంగా ప్రస్తుతం అమల్లో ఉన్న గేమింగ్‌ యాక్టులో కొన్ని సవరణలు చేసింది అసెంబ్లీ. ఈ సవరణలో పేకాట, మట్కా, సట్టా, జూదం, ఆన్‌లైన్ పేకాట వంటి వాటిని ఈ పరిధిలోకి తీసుకొచ్చింది. అంతే కాకుండా వీటిని అమలు చేసే నిర్వహకులు, అందులో పాల్గొన్న వారిపై కఠిన చర్యలు తీసుకునేలా కొత్త చట్ట సవరణలో మార్పులు చేసింది.
జూదం ఆడినవారికి రెండు సంవత్సరాల జైలు శిక్ష
కొత్త చట్టం 2017 జులై 8 నుండి అమల్లోకి వస్తున్నట్లు ప్రభుత్వం తెలిపింది. కొత్త చట్టం ప్రకారం జూదం ఆడినవారిపై రెండు సంవత్సరాల జైలు శిక్ష విధించనుంది. అలాగే దాడులు చేసిన చోట లభించిన నగదుతో పాటు, వాటి నిర్వహణకు సంబంధించిన బ్యాంకు లావాదేవీలను జప్తు చేయడం వంటి అధికారం ఈ చట్టంలో ఉన్నాయి. అయితే హార్స్‌ రేసింగ్‌ను కూడా ఈ చట్టంలోకి తీసుకురావాలని బీజేపీ నేతలు డిమాండ్ చేశారు. 
హార్స్‌ రేసింగ్‌ను చట్టంలోకి తీసుకురావడం కుదరదు : నాయిని  
అయితే హార్స్‌ రేసింగ్‌ను ఈ చట్టంలోకి తీసుకురావడం కుదరదన్నారు మంత్రి నాయిని నర్సింహారెడ్డి. అర్బన్ రూరల్‌ ఏరియాలలో అందరికీ ఈ చట్టం వర్తిస్తుందన్నారు. ఆన్‌లైన్‌లో జూదం నిర్వహించే కంపెనీలపై కూడా చర్యలు తీసుకుంటామని తెలిపారు. కొత్త చట్ట సవరణతో రాష్ట్రంలో జూదంపై పూర్తిగా నిషేధం అమలు కానుంది. జూదం వల్ల ఎక్కువ ప్రభావం చూపుతున్న  మహిళలు, విద్యార్థులకు ఈ చట్ట సవరణతో ఉపశమనం కలుగుతుందని అధికారులు బావిస్తున్నారు. 

 

08:03 - November 14, 2017

హైదరాబాద్ : 2021 తర్వాత రాజకీయాల నుంచి రిటైర్‌ కావాలన్న ఆలోచనలో ఉప ముఖ్యమంత్రి కడియం శ్రీహరి ఉన్నారు.  కడియం ఎమ్మెల్సీ పదవీకాలం 2021 లో ముగుస్తుంది. ఆ తర్వాత రాజకీయాల నుంచి తప్పుకోవాలని భావిస్తున్నట్టు అసెంబ్లీ లాబీల్లో మీడియా చిట్‌చాట్‌లో కడియం తన మనసులోని భావాలను బయటపెట్టారు. ఉప ముఖ్యమంత్రి కడియం శ్రీహరి రాజకీయాల్లో సుదీర్ఘకాలం కొనసాగారు. తన సుదీర్ఘ  ప్రయాణంలో మచ్చలేకుండా రాజకీయాలు నడిపిన విషయాన్ని గుర్తు చేసుకున్నారు. రాజకీయాల నుంచి రిటైర్‌ కావాల్సిన సమయం ఆసన్నమైందన్న అభిప్రాయానికి వచ్చారు. 
విద్యావ్యవస్థలో మార్పుల కోసం కఠిన నిర్ణయాలు : కడియం
తెలంగాణలో కొనసాగుతున్న విద్యా సంస్కరణపై కడియం శ్రీహరి తనదైన శైలిలో స్పందించారు. కొన్ని విషయాల్లో ముఖ్యమంత్రి కేసీఆర్‌ మాట కూడా వినకుండా విద్యావ్యవస్థలో మార్పుల కోసం కఠిన నిర్ణయాలు తీసుకున్న విషయాన్ని గుర్తు చేశారు. రాష్ట్రంలో ప్రారంభించిన గురుకులాలు మంచి ఫలితాలు ఇస్తున్న అంశాన్ని ప్రస్తావించారు. రెండు, మూడేళ్లలో కార్పొరేట్‌ కాలేజీలకు ఆదరణ తగ్గుతుందన్న అభిప్రాయాన్ని వ్యక్తం చేశారు. కాలేజీ హాస్టళ్లలో కనీస సౌకర్యాలు లేని  వాస్తవం సర్వేలో వెలుగులోకి వచ్చిన అంశాన్ని మీడియా దృష్టికి తెచ్చారు. కొన్ని కాలేజీల్లో 50 నుంచి వంద మంది బాలికలు ఉంటే ఒక్క బాత్‌ రూమ్‌ కూడాలేని కఠోర సత్యాన్నిప్రస్తావించారు. బాలికలు తెల్లవారుజామున 4 గంటలకు కాలకృత్యాలు తీర్చుకుని వెళ్లి పడుకునే దారుణ పరిస్థితులు ఉన్నాయని కడియం ఆవేదన వ్యక్తం చేశారు.  ఒక్క ప్రైవేటు కాలేజీ కూడా నిబంధనలు పాటించడంలేదని, ఈ పరిస్థితిలో మార్పు రాకపోతే  చిప్పకూడు  తప్పదని నాలుగు కార్పొరేట్‌ కాలేజీల ప్రతినిధులను హెచ్చరించిన విషయాన్ని ప్రస్తావించారు. 
నిబంధనలు పాటించని కార్పొరేట్‌ కాలేజీలపై క్రిమినల్‌ కేసులు
కార్పొరేట్‌ కాలేజీ వ్యవహారంపై కఠినంగా వ్యవహరించేందుకు విద్యాశాఖకు ముఖ్యమంత్రి కేసీఆర్‌ స్వేచ్ఛ ఇవ్వడంతో పరిస్థితుల్లో కొద్ది కొద్దిగా మార్పు వస్తోందన్నారు. నిబంధనలు పాటించకపోతే వచ్చే ఏడాది క్రిమినల్‌ కేసులు పెట్టక తప్పదని హెచ్చరించారు. ఇంజినీరింగ్‌ కాలేజీల్లో ఫీజులు రీయింబర్స్‌మెంట్‌తో దుష్పలితాలు కనిపించిన విషయాన్ని కడియం ప్రస్తావించారు. ఆధార్‌లో అనుసంధానం చేయడం వలన సీట్లు మిగిలిపోయే పరిస్థితి వచ్చిన విషయాన్ని గుర్తు చేశారు. కాలేజీల్లో బయో మెట్రిక్‌ విధానాన్ని తప్పనిసరి చేశామని, హాజరు తక్కువగా ఉంటే పరీక్షలకు అనుమతించమని స్పష్టం చేశారు. విద్యా వ్యవస్థ గాడిలో పడటానికి ఐదారేళ్లు పడుతుందని, తల్లిదండ్రుల్లో కూడా మార్పు రావాల్సి ఉందన్న అభిప్రాయాన్ని వ్యక్తం చేశారు. మొత్తాన్ని విద్యావ్యవస్థలో సమూల మార్పుల కోసం కడియం శ్రీహరి తీసుకొస్తున్న సంస్కరణలు ఎంతవరకు ఫలిస్తాయో చూడాలి. 

 

 

19:16 - November 13, 2017

హైదరాబాద్ : ఎస్సీ కార్పొరేషన్‌ కింద లబ్దిదారుల్ని ఎంపిక చేసినా వారికి నిధులు ఎందుకు కేటాయించలేదని అసెంబ్లీలో కాంగ్రెస్ ఎమ్మెల్యే సంపత్‌కుమార్ ప్రభుత్వాన్ని ప్రశ్నించారు. అందుకు మంత్రి జగదీశ్వరరెడ్డి సమాధానం చెప్పారు. గడిచిన రెండు సంవత్సరాల్లో 77 వేల 114మంది ఎస్సీ యువకులని లబ్దిదారులగా ఎంపిక చేయడమే కాకుండా వారికి 774 కోట్ల 76 లక్షల నిధులు ప్రభుత్వం తరపున మంజూరు చేసినట్లు మంత్రి తెలిపారు. 

 

19:11 - November 13, 2017

హైదరాబాద్ : హైదరాబాద్ మెట్రో ప్రాజెక్టుకు మంజూరు చేసిన రూ.3 వేల కోట్ల రూపాయలలో  2వేల 240 కోట్లు ఖర్చు అయినట్లు మంత్రి కేటీఆర్ తెలిపారు. కేంద్రం సమకూర్చే 14 వందల 58 కోట్ల వయబిలిటీ గ్యాప్ ఫండింగ్‌లో 958 కోట్లు మంజూరైనట్లు మంత్రి తెలిపారు. నాలుగు కారిడార్లకు వర్తింపచేస్తూ 84.4 కిలోమీటర్ల మేర ఎంఎంటీఎస్ రెండవ దశ పనులు జరుగుతున్నట్లు కేటీఆర్ వెల్లడించారు. సికింద్రాబాద్‌, ఘట్‌కేసర్‌ల మధ్య 21 కిలోమీటర్ల మేర చేపట్టిన ఎంఎంటీఎస్ రెండవదశ పనుల్లోనే.. మరో స్ట్రెచ్‌ను మూడవదశగా ఘట్‌కేసర్‌ నుంచి రాయగిరి రైల్వే స్టేషన్‌కు పొడిగిస్తున్నట్లు మంత్రి చెప్పారు. రాయగిరి స్టేషన్‌ను యాదాద్రి స్టేషన్‌గా అభివృద్ధి చేయబోతున్నట్లు కేటీర్ తెలిపారు.

 

18:45 - November 13, 2017

హైదరాబాద్ : తెలంగాణలో భూములకు లెక్కాపత్రం ఉన్నాయా అని సీఎం ప్రశ్నించారు. కేవలం ధర్మం మీదనే నడుస్తుందని..80 ఏళ్ల క్రితం నిజాం చేసిన సర్వే తప్ప మళ్లీ అలాంటి ప్రయత్నానికి ఎవరూ పూనుకోలేదన్నారు. భూరికార్డులు గందరగోళంగా మారాయని నకిలీ డాక్యుమెంట్లు, రిజిస్ట్రేషన్లు జరిగాయన్నారు. కొందరు బ్యాంకు మేనేజర్లు సైతం నకిలీ పాస్‌పుస్తకాలతో లోన్లు తీసుకుని పట్టుబడ్డ ఘటనలున్నాయని ఆక్రోశం వ్యక్తంచేశారు. అందుకే భూసర్వే చేపడుతున్నట్లు సీఎం తెలిపారు. 

 

Pages

Don't Miss

Subscribe to RSS - Road Transport